Edhe pse e diskutuar edhe më herë, kjo temë mori vëmendjen kur presidenti i Kosovës, Hashim Thaçi doli në një konferencë e u shpreh për ‘korrektim të vijës kufitare me Serbinë’.
Por për këtë çështje është diskutuar më herë edhe pse media shqiptare nuk e ka pasur në vëmendje këtë temë, për shkak të skandaleve të njëpasnjëshme të qeverisë së Edi Ramës.
Për shkëmbimin e territoreve mes Kosovës dhe Serbisë, duket se i pari që ka folur për këtë çështje në Shqipëri është Kryetari i PD-së Lulzim Basha.
Qëndrimi i tij, Basha e ka mbajtur që në datën 20 korrik gjatë takimit me presidenten Kroate Kolinda-Grabar Kitaroviç.
Por në atë kohë kjo çështje kaloi pa u vënë re në mediat e Tiranës për faktin e një vëmendje të munguar ndaj kësaj çështje. Sot kur idetë për shkëmbime territoresh janë kthyer në temë dite, vjen natyrshëm në vëmendje kundërshtimi që Basha i bën kësaj ideje edhe pse mediatikisht nuk kishte një artikulim masiv.
Në njoftimin për shtyp të PD-së theksohet se ‘në takimin me presidenten e Kroacisë, zoti Basha i ka cilësuar të rrezikshme për paqen dhe stabilitetin idetë për shkëmbime territoresh të cilat sipas tij çojnë drejt hapjes së kutisë së Pandorës’.
Siç duket lajmi që tani ka përfshirë politikanë e analistë nga e mbarë bota shqiptare dhe më gjerë ka qenë më herët në vëmendjen e kryetarit të opozitës, Lulzim Basha i cili e konsideron të rrezikshme për paqen dhe stabiliteti në rajon e më gjerë idenë e shkëmbimit të territoreve.
Si Basha paralajmëroi planin për shkëmbim territoresh: Rrezik për paqen!
Intervista e Rugovës në ’92: Pse serbët kërkojnë ndarjen e Kosovës
Duket se politika e ndarjes së Kosovës ka qenë e vjetër në rrethin elitar serb dhe kjo ka qarkulluar prej fillim viteve të 90-të. Për këtë është pyetur edhe Ibrahim Rugova në intervistën e dhënë për “Der Spiegel” gjatë 8 qershorit 1992. “Serbët shikojnë me këtë “ndarje”, që secila tokë me pasuri natyrore ti takojë asaj. Atëherë neve do të na mbetnin vetëm tokat pa vlerë. Ne nuk biem pre e këtyre politikave,” thoshte Rugova.
Der Spiegel: A do të kthehet Kosova në betejë të ardhshme të Ballkanit?
Ibrahim Rugova: Ushtria Jugosllave është e dërmuar pas disfatës së rëndë në Slloveni, duke dashur që këtë ta mbulojë me ndonjë luftë tjetër. Udhëheqësi serb, Slobodan Milosheviq është i pasigurtë, shtuar kjo edhe pas sanksioneve të Kombeve të Bashkuara. Nëse ai do të vendoste intervenim ushtarak kundër Kosovës, atëherë nuk do të ishte çudi nëse edhe OKB-ja do të ndërhynte ushtarakisht. Personalisht do kërkoja ndihmë ushtarake nga jashtë, nëse Serbia e kërcënon Kosovën.
Der Spiegel: Presidenti kroat, Tuxhman, ka kërkuar disa herë që shqiptarët të hapin frontin e jugut kundër Serbisë. A jeni tërhequr ju nga ky front?
Rugova: Indirekt Po. Neve shpesh na është kërkuar të mbështesim politikën pasive të rezistencës gandiane. Fatkeqësisht koalicioni mes sllovenëve, kroatëve dhe shqiptarëve është shembur. Gati një vit unë s’kam kontakte me Zagrebin.
Spiegel: Serbia pretendon se shqiptarët e Kosovës janë deri në dhëmbë të armatosur?
Rugova: Vlen e kundërta, ne s’kemi armë zjarri.
Spiegel: A ka shansa që Serbia ta pranojë pavarësinë e Kosovës?
Rugova: Njohja e Kosovës është më e mirë se e kundërta e saj – domethënë se një krizë permanente në kufijtë e Serbisë. Ne jemi
të gatshëm të shpallim një shtet neutral dhe të evitojmë bashkimin me Shqipërinë. Megjithatë, bashkimi me Shqipërinë është qëllimi ynë natyral.
Der Spiegel: Presidenti i Shqipërisë, Sali Berisha, ka deklaruar se kufijtë e ish Jugosllavisë janë të paprekshëm?
Rugova: Udhëheqësia shqiptare është nën presion, pasi edhe situata ekonomike në Tiranë është e rënduar. Por, kjo nuk vlen nëse do të kishte luftë. Ata do të na ndihmonin në një gjendje të tillë.
Der Spiegel: Për çfarë ndihme bëhet fjalë?
Rugova: Në gjendje lufte me ne do solidarizoheshin edhe shqiptarët e Maqedonisë. Atje janë rreth 40% dhe jo 20% siç pretendohet nga regjimi i Shkupit. Natyrisht unë shikoj rrezikun e ndërkombëtarizimit të konfliktit, pasi edhe Bullgaria mund të kyçej në luftë nëse “destabilizohej” Maqedonia, duke u shfaqur si shpëtuese.
Der Spiegel: Rrethi intelektual i serbëve është pajtuar ta ndajë Kosovën mes shqiptarëve dhe serbëve?
Rugova: Atëherë prapë do të jetonin një milion shqiptarë jashtë mëmëdheut. Gjithashtu serbët shikojnë me këtë “ndarje”, që secila tokë me pasuri natyrore ti takojë asaj. Atëherë neve do të na mbetnin vetëm tokat pa vlerë. Ne nuk biem pre e këtyre politikave. Do pranonim një protektorat të përkohshëm të OKB-së, sepse do të ishte qesharake të mendohej se 8% e minoritetit serb të sundonte dhe të mundte me dhunë 2 milionë shqiptarë.
Der Spiegel: Kosova në vitin 1974 de fakto kishte statusin e republikës, pse erdhi deri në protestat e dhunshme të 1981.
Rugova: Prej çlirimit nga turqit ne dëshironim shtetin tonë të pavarur. Në Jugosllavinë e 1918 ne nuk përfaqësoheshim si pjesë e Serbisë, por të pavarur, pra si Kosovë. Për kombin tonë është tragjedi të jemi nën shtypjen serbe.
Der Spiegel: Si e sqaroni ju këtë shtypje?
Rugova: Ne asnjëherë s’kemi pasur të drejtat të njëjta me kombet tjera. Prej 1990 janë arrestuar dhe burgosur 100.000 shqiptarë, nga punëtori i thjeshtë deri te profesorë të njohur. Papunësia te shqiptarët sot arrin 90%. Situata ekonomike është katastrofale. Mbijetesa jonë është falë remitencave të diasporës.
Der Spiegel: Kryeministri serb ju ka ftuar për takim në Beograd. Do shkoni ta takoni?
Rugova: Nuk kam marrë dakortësi nga “gjithë partitë e Kosovës” për të zhvilluar bisedime. Edhepse serbët janë zhytur deri në fyt, ata duan ti tregojnë botës se janë të gatshëm për bisedime. Ne e dimë prej tani se policia në Kosovë kërkon të pezullojë parlamentin e Prishtinës qoftë edhe me dhunë. Për Kosovën duhet të ketë takime, por më së miri me ndërmjetësimin e shteteve të Europës.
Der Spiegel: Sa kohë ka mbetur deri te zgjidhja paqësore?
Rugova: Numri i radikalëve rritet nga ditë në ditë. Fatmirësisht e mbaj situatën akoma në kontroll- por me shumë vështirësi. Shumica e shqiptarëve të Kosovës janë patriotë, duke u shqetësuar për të ardhmen. Por unë nuk mund të premtoj, që ata një ditë të kthehen në nacionalistë. Jugosllavia është shpërbërë. Të gjitha kanë krijuar shtetet e tyre, por çdo ndodhë me 2 milionë shqiptarët?
A lidhet kërcënimi i Haradinajt me planin e ndarjes së Kosovës?
Ditë më parë, kryeministri i Republikës së Kosovës, Ramush Haradinaj ka marr një kërcënim nga person/a të panjohur.
Kërcënimi i shkuar në adresë të kryeministrit, ka bërë që autoritetet të shtojnë masat e sigurisë ndaj Haradinajt.
Burimet e Indeksonline brenda policisë kanë thënë se ka disa ditë që është shtuar numri i mbrojtjes së afërt të kryeministrit dhe kështu do të jetë deri në një vendim tjetër kur të bije shkalla e rrezikshmërisë.
Ndonëse nuk kanë treguar se për çfarë kërcënimi bëhet fjalë, sipas burimeve të Indeksonline kërcënimi është duke u trajtuar seriozisht. Pyetja qe shtrohet eshte, a ka lidhje kercenimi i Haradinajt me planin per ndarjen e Kosoves?
Të shtunën në mëngjes, liqeni i Gazivodës (Ujmani) në veri të Kosovës, është mbikëqyrur nga forcat ushtarake amerikane që veprojnë në kuadër të KFOR-it. Kjo pas thirrjeve të priftit serb, Sava Janjiq i cili ka thënë se situata në veri mund të eskalojë për arsyeje të ndryshme.
Mirëpo, në një përgjigje me shkrim për Indeksonline, zyrtarë nga KFOR-i kanë bërë të ditur se nuk ka pasur tentim për të bllokuar këtë digë dhe se KFOR vetëm ka kryer detyrën e tyre për të cilën thirrën.
“KFOR po kryen detyrën e saj normale nën mandatin e rezolutës 1244. Nuk ka bllokim të digës së Gazivodës, KFOR-i nuk ka marrë kontrollin mbi digën dhe ndonjë hidrocentral. Situata është e qetë dhe nën kontroll. KFOR është këtu për të mbrojtur të gjithë qytetarët në Kosovë”, thuhet në përgjigjën e tyre.
Nga zyra për informim publik të KFOR-it kanë theksuar se gjendja e sigurisë është e qetë në tërë Kosovën. “Situata është e qetë dhe e qëndrueshme në tërë Kosovën”, janë shprehur tutje në përgjigjën për portalin.
Të pyetur nëse ka tendenca për përkeqësim të sigurisë, ata kanë shtuar se deri me tani nuk ka dëshmi në drejtim të kësaj çështje. Zyrtarë nga KFOR kanë thënë se ky mision është i gatshëm për të krijuar një mjedis të sigurt për të gjithë qytetarët e Kosovës.
“Për momentin nuk kemi dëshmi për këtë. KFOR-i është gjithmonë i gatshëm për të siguruar një mjedis të sigurt dhe siguri për të gjithë qytetarët në Kosovë në përputhje me mandatin e tanishëm”, kanë shtuar në fund.
Gazivoda është liqeni më i madhi në Kosovë me një sipërfaqe prej 11,9 km² dhe thellësinë maksimale prej 105 metrash.
Si Mrika zvarriti planin amerikan përf bazën e Kuçovës, baza e helikopterëve, dhuratë “Fushës”
Ish kryeministri Sali Berisha perms një postimi në rrjetet sociale rreth bazës ajrore në Kuçovë që prityet të ndërtohet nga NATO, duke iu referuar mesazhit të “oficeri dixhital”, thotë se plani ka ekzistuar që në vitin 2011 por është zvarritur nga “rilindasit” për të mos u shndërruar në sukses të PD-së.
Por sipas tij ndërtimi I bazës në këtë kohë po bëhet pasi lëvizja e regjimentit të helikopterëve nga Farka i intereson kompanisë “Fusha SH.P.K, pasi tokat e bazës ajrore në Farkë do të privatizohen nga kompania.
Postimi i Berishës:
E verteta e bazes ajrore te Kuçoves!
Duke pershendetur çdo interes te NATOs per baza apo lehtesi aeroportuale ne Shqiperi, ketu me poshte keni nje informacion konkret te oficerit dixhital mbi te verteten per aeroportin ushtarak te Kuçoves. sb
“Pershendetje zoti kryeminister Berisha!
Siç me siguri jeni ne dijeni, Shefi I Misionit CUBIK ne ate kohe, ne 2011 Nenkolonel Lu Boros nuk pati marredhenie te mira me Mriken dhe shume here eshte perplasur per problemet e zvarritjeve edhe te Planit te Bazes Ajrore te Kuçoves, dhe u largua me
pas pa e perfunduar misionin e tij per te cilin ishin bere edhe shume studime , plane dhe ide nga ai dhe i gjithe grupit Cubik, te cilat ngelen te pazhvilluara si ne infrastrukture ashtu dhe ne pajisje luftarake. Grupi CUBIK mbronte idene e zhvillimit te kesaj baze si nje baze e rendesishme e FA Shqiptare dhe te NATO-s (si nje baze Hostnation). Plani mbeti ne sirtar rilindasish per me shume se 7 vjet, c’ka perben nje skandal politikisht, dhe nje humbje kohe te vlefshme ne kuader te modernizimit te FA me standardet e NATO-s.
“Rilindjes” ne ate kohe me sa duket i interesoi me shume “shoë” i turpshem i arrestimit te Gjeneral Brigade Syrja Gjokes, personit qe ne zbatim te ketij plani, si pjese e grupit CUBIK nisi punen per clirimin e hapesirave te aeroportit te Kucoves, sesa realizimi i Planit CUBIK, si nje arritje e administrates Berisha qe futi vendin ne NATO!
Perse e kane kerkuar sot? Sipas gjykimit tone, tani u intereson qe tokat e Farkes ku eshte Grupi i Helikoptereve, ti privatizojne. Firma shume e perfolur Fusha ka influencen me te madhe ne ate zone dhe ne ate toke ku sot eshte Rregjimenti I Helikoptereve. Projekti i gatshem, i perfunduar ne shtator 2011 eshte 45 faqe. Madje ne procesin e turpshem kunder Gjeneral Syrja Gjokes, eshte dorezuar si material i plote komplet Masterplanin i zhvillimit te Bazes Ajrore Kuçove por prokuroria e Beratit nuk e morri fare ne konsiderate . Prokurore ishte shoqja e deputetes se Kuçoves Felaj. Ju lutem njoftoni opinionin publik per kete skandal me permasa te cenimit te sigurise kombetare dhe funlsionimit te FA.
Nga nje grup ushtarakesh ne lirim dhe aktive, por gjithesesi ne sherbim te Atdheut nen moton “Atdheu, Nderi, Detyra” !”
Vasili kundër Thaçit: Lufta e fituar me gjak dhe mbi parime s’mundet kurrsesi të përfundojë në pazare
Kreu i grupit parlamentar të LSI-së, petrit vasili,përmes një postimi në ‘Facebook’ ka komentuar idenë për shkëmbimin e territoreve mes Kosovës dhe Serbisë. Ai ndonëse nuk ka përmendur Presidentin e Kosovës, qartazi del hapur kundër ndarjes së Kosovës.
Vasili shpjegon arsyet se pse ndryshimi i kufijve është vrastar për Kosovën dhe imazhin e Kosovës. Sipas tij “Gjithshka e fituar me gjak dhe mbi parime s’mundet kurrsesi te perfundoje ne pazare, qe amnistojne “hallet” e kerkujt”.
Postimi i plotë:
Kosova,Ahtissari dhe kompromisi i pamundur me kufijte.
Pavaresia e Kosoves u ngrit mbi tri kollona te palekundshme:
mbeshtetjen e nderkombetareve dhe perfshirjes se tyre ne betejen per pavaresine e kosoves, se dyti: mbi luften dhe gjakun e UÇK dhe se treti mbi pakon e Ahtissarit.
Kjo e fundit ishte pikerisht qasja mendjehapur ndaj komunitetit serb ne Kosove dhe garantimi i te drejtave shume te gjera politike te perfaqesimit te tij,thuajse atipike,vetem e vetem si nje element garancie per nje bashkejetese te plote dhe te standartit me te
larte europian.
Pako e Ahtissarit u konceptua edhe si nje teresi kompromisesh bashkejetese,ne dukje teper te veshtira per tu pranuar nga Kosova,por qe pranimi i tyre pati nje rezultat madhor final:
Garancine teritoriale pra thene thjesht garantimin e paprekshmerine e kufijve te Republikes se Kosoves dhe konsakrimin Kushtetues te pakos se Ahtisarit.
Ky proces i hapur dhe garantues i lirive te gjera te minoriteteve ne Kosove brenda nje integriteti teritorial te konsoliduar e te paprekshem ishte dhe kryevlera,qe u investua ne te gjithe procesin e njohjes se Kosoves nga shume shtete te botes.
Sot prekja e kufijve eshte shembja e themelit te besimit te krijuar te Kosova dhe vete procesi thellesisht demokratik i krijimit te saj, nga i gjithe opinioni mbareboteror.
Asgjesimi praktikisht i pakos se Ahtisarit nepermjet lojes me kufijte do te vinte ne loje ne nenyre kritike ekzistencen e vete Kosoves dhe do te devalorizonte keqas ate ne syte e gjithe botes dhe do ta bente te parendesishme per veten dhe per rajonin.
Pazari me kufijte eshte vrastar per te ardhmen e Kosoves, por edhe per imazhin e shqiptareve kudo ne bote.
Gjithshka e fituar me gjak dhe mbi parime s’mundet kurrsesi te perfundoje ne pazare, qe amnistojne “hallet” e kerkujt.
Eurobarometri: 1.7 milionë shqiptarë deklarojnë se gjendja e tyre ekonomike është shumë e keqe
1 milion 750 mijë shqiptarë ose 245 mijë shqiptarë më shumë se vjet deklarojnë që gjendja e tyre ekonomike është plotësisht e keqe. Tre problemet më të mëdha për shqiptarët janë ekonomia, papunësia dhe korrupsioni. Me këtë rënie, shqiptarët do ta kapin mesataren europiane pas 200 vjetësh. Është jetike të ndalojmë qeverisjen kundër njerëzve
Deklarata e Grida Dumës
Eurobarometri, matësi i Bashkimit Europian për ecurinë e vendeve europiane dhe të Ballkanit Perëndimor, po konfirmon vit pas viti përkeqësinim e treguesve të zhvillimit të Shqipërisë.
Tre problemet më të mëdha për shqiptarët janë ekonomia, papunësia dhe korrupsioni.
Eurobarometri i 2018 për Shqipërinë, fakton që 1 milion 750 mijë shqiptarë deklarojnë që gjendja e tyre ekonomike është plotësisht e keqe.
Vetëm në një vit, pra midis 2017 dhe 2018, janë shtuar 245 mijë shqiptarë më shumë, që deklarojnë se gjendja e tyre ekonomike është shumë e keqe.
Po ashtu Eurobarometri tregon se për 67% të shqiptarëve papunësia është problemi më i madh i tyre.
Në një vit të vetëm janë 315 mijë shqiptarë që e deklarojnë gjendjen e tyre shumë më keq.
Këto nuk janë shifra, por jetë njerëzish që përkeqësohen, jo në dhjetë e njëqind, por me qindra mijëra.
Një tjetër raport i rëndësishëm, Barometri për Ballkanin shpjegon jo vetëm në shifra përkeqësimin e gjendjes, por tregon si
shifrat pasqyrojnë mjerimin jetesën e keqe, varfërimin social e mendor.
Barometri Ballkanik tregon se kriza ekonomike, korrupsioni dhe e papunësia e lartë po rrënon jetët e shqiptarëve.
51% e shqiptarëve deklarojnë se janë të përjashtuar nga shoqëria se nuk gjejnë dot punë.
48% e shqiptarëve deklarojnë që problemin më të madh me korrupsionin e kanë në shëndetësi, spitale dhe ilaçe
85% e shqiptarëve besojnë që gjithë pasuria e vendit i ka shkuar pak të pasurve dhe që diferenca mes të pasurve dhe të varfërve është rritur dhjetëra herë brenda një viti.
Është e qartë që me këtë model qeverisje ku favorizohet oligarku, personat e lidhur me qeverinë dhe ku i afti bëhet më i pamundur dhe i varfri më i varfër, të vërtetat që i dinë të gjithë shqiptarët për Shqipërinë i fakton dhe Bashkimi Europian.
Por shqiptarët fatmirësisht vijojnë të besojnë se hyrja në BE është zgjidhja. Madje besimi se BE është shpëtimi është rritur me 2% brenda një viti, dhe 90% e shqiptarëve kanë këtë qëndrim.
Për shqiptarët me këtë qeverisje nuk ka shpresë; nuk ka shpresë nëse vijon rilindja e dështimeve.
Është jetike të ndalojmë qeverisjen kundër njerëzve, kundër mirëqenies.
Është jetike një tjetër qeverisje, përndryshe rrezikojmë të ndodhë skenari më i keq për shqiptarët, ai që parashikon BERZH.
Në këtë skenar, theksohet se nëse vazhdohet me këto shifra në rënie, shqiptarët do të arrijnë mesataren europiane në vitin 2220.
Është jetike të ndalojmë qeverisjen kundër shqiptarëve, kundër mirëqenies që shtyn të ardhmen me qindra vite.
Vendi, protektorat i krimit, Eurostat: Në Shqipëri 2.5 herë më shumë vrasje se në Europë
Vendet e BE-së përllogariten në vitin 2015 gjithsej 3600 jetë të humbura nga vrasjet, por prevalenca për 100 mijë banorë ka shënuar ulje të dukshme, duke arritur 0,7 vrasje për 100 mijë banorë nga 1.3 vrasje për 100 mijë banorë në vitin 2002, sipas të dhënave të Eurostat.
Ndërsa Shqipëria në të njëjtin vit (2015) ka një numër shumë më të lartë vrasjesh për banorë se BE-ja. Sipas të dhënave kombëtare nga INSTAT në vitin 2015 në Shqipëri ndodhën 54 vrasje, ose 1.8 vrasje për 100 mijë banorë. Treguesi në Shqipëri është 2.5 herë më i lartë se mesatarja e BE-së.
Nga 5.2 milionë vdekje të raportuara në Bashkimin Evropian (BE) në vitin 2015, 3 600 (0.7%) ishin për shkak të sulmeve të njerëzve ndaj njëri tjetrit. Shumica e viktimave ishin burra (64%).
Në BE, në terma absolutë, Gjermania kishte numrin më të lartë nga vrasjet (441 vdekje) më 2015 dhe Italia (395) regjistruan vdekjet më të mëdha nga sulmet në vitin 2015. Ata u pasuan nga Franca (340), Rumania (301) dhe Polonia (293).
Numri i lartë i vrasjeve në vlera absolute vjen për shkak të popullsisë së madhe të këtyre vendeve. Vrasjet për 100 banorë në këto vende janë më të ultat në BE.
Vrasjet rezultojnë të jenë të larta për numrin e popullsisë në vendet ballatike.
Me 5,1 vdekje në 100 000 banorë, Letonia ka regjistruar normën më të lartë të vrasjeve në mesin e shteteve anëtare të BE-së në vitin 2015. Dy shtetet e tjera anëtare të Baltikut, Lituania (4.1 vdekje për shkak të vrasjeve) dhe Estonia (3.6) shkalla relativisht e lartë e vdekjeve për shkak të sulmeve.
Në kundërt të shkallës, në vitin 2015, normat më të ulta të vdekjeve për shkak të vrasjeve u regjistruan në Mbretërinë e Bashkuar (0,1) për 100 mijë banorë, Irlandë, Francë dhe Gjermani (të gjitha 0,5).
Në BE-së, norma e vdekjeve nga vrasjet ishte mesatarisht 0.7 për 100 000 banorë në 2015, ndërsa në Shqipëri 1.8.
Në Shqipëri në gjashtëmujorin e parë të vitit 2018 u raportuan 25 vrasje gjithsej nga organet e rendit, me rënie në raport me një vit më parë.
“Monitor”
Si Kina ka blerë Portugalinë
Kur ishte trojka ajo që përcaktonte fatet e Portugalisë, Kina bleu masivisht sipërmarrje portugeze. Tani ajo do të blejë krejtësisht prodhuesin më të madh të energjisë në vend. A kërcënon varësia ekonomike dhe politike?
Dikur, prodhuesi portugez i energjisë EDP ishte një sipërmarrje krenare shtetërore me 25.000 punonjës. Së shpejti ai mund të kthehet në një koncern të leverdisshëm, i cili t’u përkasë kinezëve.
Sipërmarrja shtetërore kineze Three Gorges, që zotëron që tani një të katërtën e sipërmarrjes, bëri një ofertë blerjeje në bursën e Lisbonës, dëshiron të blejë edhe pjesën që ka mbetur të aksioneve të EDP-së.
Si pjesë të një “masterplani”, me të cilin Republika Popullore mund të vërë nën kontroll elemente kyçe të ekonomisë portugeze, thonë paralajmëruesit. Kinezët janë po kaq të mirëpritur sa investorë të tjerë të huaj, ua kthen qeveria.
Investime strategjike
Shëtitja për pazar e Kinës nëpër Evropë ka shkaktuar kritika edhe në vende të tjera: në Gjermani për shkak të gllabërimit të sipërmarrjeve me rëndësi kyçe në sektorin e robotëve, të automjeteve dhe në fushën e mjekësisë, në Greqi për shkak të blerjes së portit të rëndësishëm të Pireut. Po qeveria që gjithmonë ka pak para e shtetit të krizës Portugali gëzohet për shiringat financiare nga Pekini – veçanërisht që kur ato e ndihmuan vendin në fundin perëndimor të Evropës të kalonte kohën e vështirë të trojkës. Në këtë kohë Kina u bë aksionere si askush tjetër në sipërmarrjet e Portugalisë dhe bleu – kur nuk e bëri askush – borxhe shtetërore portugeze.
Sot shoqëria e sigurimeve Fidelidade është pronë e koncernit kinez Fosun, njësoj si Luz Saude, sipërmarrje që është operatore e
klinikave private. Fosuni kontrollon edhe një të katërtën e Millenium-BCP-Bank. Haitong bleu për rreth 400 milionë euro bankën e investimeve BESI. Grupi kinez HNA është partneri i vogël i shoqërisë së fluturimeve TAP. Operatori portugez i energjisë elektrike REN që prej trojkës i takon në një të katërtën State Grid International kineze.
A kërcënon varësia ekonomike?
Ndërhyrjet kineze janë shumë masive, mendojnë disa ekspertë të ekonomisë. “Ekonomikisht nuk ka kuptim kur prodhuesi më i madh i energjisë së vendit të kontrollohet nga vetëm një aksioner”, thotë profesori i ekonomisë Joao Duque. Edhe më e habitshme është që qeveria portugeze nuk po ndërmerr asgjë kundër përpjekjes për përthithje.
Para së gjithash, kur një vit më parë, kur shoqëria e fluturimit TAP do t’i shitej një konsorciumi amerikan, qeveria portugeze tërhoqi frenën e emergjencës dhe i mbajti për vete 50 përqind të aksioneve.
Kështu që heshtja në rastin e EDP-së mund të ketë vetëm arsye politike.
Qeveria portugeze e sabotoi shitjen e një televizioni privat investorëve francezë, në një kohë që nuk e kundërshtoi blerjen e 30 përqind të koncernit të madh portugez mediatik Global Media nga një investor nga Macau, që u bë kështu aksioner kryesor.
Për shkak të varësisë nga investimet, Portugalia mund të ketë kaluar në një gjendje ku i bëjnë shantazh politik, druhet specialisti i ekonomisë, Joao Duque.
Por megjithatë nuk është e qartë nëse përthithja e EDP nga kinezët do të ketë sukses. Edhe amerikanët duhet të japin së fundi pëlqimin e tyre, për shkak të aktiviteteve në SHBA të koncernit.
Socializmi i shekullit të 21-të drejt kolapsit dhe thërmimit
Uta Thofern
Këtë herë qenë “ushtarët me fanella”. Nicolas Maduro ka denoncuar të paktën njëzet grushte shteti dhe/ose atentate ndaj jetës së tij. Për ta dëmtuar asnjëri nuk e ka dëmtuar. Përkundrazi, nga çdo sulm real apo i imagjinuar, qoftë ai nga bota e jashtme “imperialiste” ose nga opozita “ekstremiste e djathtë” regjimi merr forcë të re.
Incidenti më i fundit tregon se Venezuela jo vetëm që ndodhet në një krizë të rëndë politike dhe ekonomike, por edhe në një luftë informative. Sepse, nuk është e sigurtë që kryetari i shtetit Maduro të jetë sulmuar vërtet nga një dronë. Agjencisë së lajmeve AP zjarrfikës nga Caracasi i thanë se shkaku ishte shpërthimi i një cisterne gazi në një apartament.
Maduro shfrytëzon çdo incident të ri për të ndërmarrë një gjueti shtrigash ndaj opozitës, për fjalë vulgare kundër shteteve fqinje si Kolumbisë dhe jo së fundi për spastrime në radhët e veta dhe të ushtrisë. Dhe çdo incident i ri largon vëmendjen nga problemet gjithnjë e më shumë të padurueshme të Venezuelës.
Benzina është më e lirë se uji
Sulmi i supozuar u ndërmor gjatë paradës për 81 vjetorin e Gardës Kombëtare të Venezuelës – tri ditë pasi Maduro pati shpallur një politikë të re për benzinën. Dhe vetëm një ditë pasi qeveria urdhëroi të numërohen automjetet në vend, të shoqëruar me deklaratën se vetëm pjesëmarrësit e numërimit do të merrnin edhe më tej benzinë me çmime të subvencionuara. Një mbushje serbatori në Venezuelë kushton më pak se një cent Euroje, por benzinën vendi me rezervat më të mëdha të naftës në botë, në masën më të madhe duhet ta importojë, sepse industria vendase ka kohë që është rrënuar.
Po pak ditë më parë, Fondi Monetar Ndërkombëtar deklaroi se inflacioni sivjet në Venezuelë do të arrijë kuotën 1.000.000 = 1 milion përqind. Me një reformë monetare qeveria do të eleminojë që këtë vit pesë zero të vlerës nominale të bolivarit.
Fëmijë që vuajnë nga uria
Krahas benzinës, në Venezuelë janë të subvencionuara edhe shumë gjëra të tjera – energjia, transporti i distancave të shkurtra, ushqimet, medikamentet. Por për të munguar mungojnë të gjitha, sepse vendi nuk i gjeneron këto burime në deviza, të cilat i duhen për importet. “Revolucioni bolivian” i ka paralizuar me sukses kapacitetet e prodhimit të Venezuelës. Të panumërta janë raportimet për të sëmurë të pafurnizuar në spitale të rrënuara, për fëmijë që vuajnë nga uria, për emigrantë të dëshpëruar.
Përpjekjet e regjimit për të ndërmarrë hapa kundër këtyre zhvillimeve jo vetëm që duken gjithnjë e më të hutuara, por edhe janë të tilla. Venezuela është rrënuar kaq në themel, sa do t’i duhen dekada që vendi dikur më i pasur i Amerikës së Jugut të paktën t’i afrohet standardit të jetesës së fqinjëve të tij. Këtu nuk bën dobi as liberalizimi i pjesshëm i kursit të këmbimit.
Zor se mund të bëhet më e rrezikshme për një qeveri diçka tjetër më shumë se eleminimi i subvencioneve. Për këtë ka shembuj nga shtetet e tjera të Amerikës Latine dhe jo së fundi nga vetë Venezuela. Nicolas Maduro e di këtë, por zor se do të jetë në gjendje ta pengojë këtë. Regjimi i tij po e drejton Venezuelën me vendosmëri drejt humnerës.
Pavarësisht se natyrisht ky nuk mund të jetë asnjë justifikim për atentat – për këtë as nuk ka shkak. Pas Maduros janë në gatishmëri shumë pasardhës e pasardhëse të gatshëm për të luftuar, të cilët nuk presin asgjë nga një ndërrim i regjimit, por që i kanë të gjitha arsyet për t’u frikësuar maksimalisht. Sinjalet flasin për shpërthim përbrenda: “socializmi i shekullit të 21-të” dikur do të pësojë kolaps e do të thërmohet.
Ngërçet muskulore gjatë verës, si t’i trajtoni me produkte natyrale
Ngërçi është një tkurrje e fortë dhe e dhimbshme muskulore. Dehidratimi, çrregullimet elekrolitike, lodhja, mungesa në vitamina dhe cikli menstrual janë ndër shkaqet më të zakonshme. Një mënyrë për të parandaluar ngërçet është të masazhoni dhe tendosni muskujt, dhe të merrni lëndët ushqyese të nevojshme për trupin: kalium, kalcium dhe magnez. Ato quhen elektrolite dhe mund t’i gjeni në ushqimet e mëposhtme
Banania
Me siguri e dini që bananet janë një burim i mirë i kaliumit. Por ato do t’ju sigurojnë edhe magnez dhe kalcium. Këto janë 3 nga lëndët ushqyese që ju nevojiten për të lehtësuar ngërçet muskulore.
Patatet e ëmbla
Ashtu si bananet, edhe patatet e ëmbla sigurojnë kalium, kalcium dhe magnez. Këto perime kanë 6 herë më shumë kalcium se bananet. Kungulli është gjithashtu burim i mirë i këtyre 3 lëndëve ushqyese. Patatet dhe kungulli kanë përmbajtje të lartë edhe në ujë, kështu mund t’ju mbajnë të hidratuar.
Avokado: një central me kalium
Avokado ka rreth 975 miligramë kalium, gati dy herë më shumë se patatja ose banania. Kaliumi është i rëndësishëm sepse ndihmon në funksionimin e muskujve dhe mbron zemrën.
Fasule dhe thjerrëza
Bishtajoret si fasulet dhe thjerrëzat janë të pasura në magnez. 1 kupë me thjerrëza të gatuara ka rreth 71 miligramë magnez, dhe një kupë me fasule të gatuara ka thuajse dyfishin (120 miligramë). Këto bishtajore janë të pasura edhe në fibra, ku studimet kanë treguar se ushqimet e pasura me fibra mund të lehtësojnë ngërçet menstruale, si dhe ndihmojnë në mbajtjen nën kontroll të niveleve të sheqerit në gjakut dhe ulin nivelet e kolesterolit të “keq” LDL.
Pjepri
Ky frut i ka të gjitha: kaliumin, magnezin dhe kalciumin, një dozë të vogël me sodium dhe shumë ujë. Sodiumi dhe uji janë të rëndësishëm sepse kur stërviteni, nxirrni nëpërmjet djersës shumë sodium. Nëse humbisni shumë ujë, dehidratoheni dhe rrezikoni të zhvilloni ngërçe muskulore.
Shalqi për hidratim
Shalqiri është 90% ujë, prandaj është i duhuri për hidratim. Ai është i pasur edhe në kalium.
Qumësht
Qumështi është një burim i mirë i elektroliteve si kalciumi, kaliumi dhe sodiumi. Është i mirë për hidratim. Dhe është i pasur në proteina, që ndihmojnë në parandalimin e ngërçeve muskulore.
Kryesore
Continue to the category
