Prokuroria e Krimeve të Rënda ka marrë dje në pyetje Orges Liperin, pronarin e ligjshëm të skafit me të cilin ka udhëtuar Tahiri për në Greqi.
Sipas deklaratës së tij, Orges Liperi e ka blerë skafin në Itali, paratë për të cilin nuk dihet se ku janë marrë. Skafi është blerë për llogari të Roni Shqopës, ish-drejtor i shtëpisë së pushimit nën varësinë e Ministrisë së Brendshme, me qëllim përdorimin e skafit nga ish-ministri Tahiri.
Drejtori Roni Shqopa, gjithashtu ka ndërmjetësuar në blerjen e skafit midis Liperit dhe një shtetasi italian.
Liperit ka deklaruar gjithashtu se faturat e rregullimit të skafit të prishur të ankoruar në Brindizi, me vlerë 30 mijë euro, janë paguar nga Roni Shqopa dhe Boge Budini, ish-drejtor i policisë Kufitare Durrës.
Roni Shqota dhe Boge Budini janë dy punonjës të tjerë policie që i shtohen listës së policëve që i kanë shërbyer privatisht ish-ministrit Tahiri dhe bandës së vëllezërve Habilaj.
Po ashtu, sot u bënë publike dhe detaje nga dosja hetimore se si një tjetër polic, Naim Brahimaj, ka punuar privatisht për nevoja e ish-ministrit Tahiri dhe bandës Habilaj.
Në gusht 2014, Naim Brahimaj dhe Artan Habilaj kanë takuar Saimir Tahirin në Greqi dhe kanë marrë skafin e tij të prishur për ta dërguar në Itali. Naim Brahimaj ka qenë ish-shofer dhe komandant skafi pranë repartit “Delta Force”. Aktualisht, ai është inspektor në Drejtorinë Rajonale të Kufirit dhe Migracionit Durrës.

Në 2017-ën të tjerë drejtues të lartë të policisë u morën në pyetje për veprime ose mosveprime në favor të Habilajve dhe Tahirit.
Kështu në 11 nëntor 2017, Prokuroria e Krimeve të Rënda mori në pyetje Edi Merkajn, Drejtorin e Shërbimit për Çështjet e Brendshme dhe Ankesat në Policinë e Shtetit.
Prokuroria dyshon se Shërbimi i Çështjeve të Brendshme ka dekonspiruar aksionin dhe kanë lejuar arratisjen e tre drejtuesve të lartë të Policisë së Shtetit: Jaerd Çelës, ish-drejtori i policisë së Vlorës; Gjergji Kohilës, shefi i sektorit të luftës kundër krimit të organizuar në drejtorinë e Qarkut Vlorë; dhe Sokol Bodes ish-kreu i policisë kufitare të Dhërmiut.
Në fillim të nëntorit 2017, u shpallën në kërkim nga policia për përfshirje në trafikun ndërkombëtar të lëndëve narkotike në mbështetje të grupit të organizuar kriminal të vëllezërve Habilaj grupi i strukturuar i drejtuar nga Jeard Çelaj, ish-shef i Policisë në Vlorë ku bënin pjesë Alban Çelaj, ish-shefi i Policisë Shkodër; Gjergji Kohila, shef i krimeve Vlorë; Sokol Bode, ish-shef i Policisë Kufitare Dhërmi dhe Enkeled Greku, ish-drejtor i Postës së Policisë Selenicë.
Deri më tani, nga përgjimet e dosjes Habilaj dhe dëshmitë e personave të përfshirë në hetim në Shqipëri, 11 funksionarë të shtetit ndër to Saimir Tahiri dhe deputetja Elona Gjebrea dhe 9 punonjës të lartë të policisë janë nën akuzë nga Prokuroria e Krimeve të Rënda sepse me veprimet ose mosveprimet e tyre kanë lejuar që grupi kriminal Habilaj të funksionojë.

Siç e vërtetoi Rama që ekspertizën me siguri e ka bërë ën Surrel, pse i janë vënë prapa dëshmitarit? Nga e dinë policia e Xhafës kush është dëshmitari X/ Kush është ky që qenka përgjimi i manipuluar? Jua tha Xhafaj vëllezërit se ata e dinë fare mirë kush është dëshmitari X se gjithçka në atë bisedë është e vërtetë por shteti nuk vepron.
Kamikazët Marku dhe Prela nuk veprojnë.
Agron Xhafaj ka emëruar drejtorët e Policisë nëpërmjet Fatmirit duke filluar që nga Ardi Veliu.
Rama dhe të tjerë emëruan prokuroret.
As Xhafaj në arrest, as nuk shkarkohet dhe shteti i Ramës ka detyrë t’i mbyllë gojën dëshmitarit dhe opozitës me ndjekje penale.
Ditën kur ky parlament u kompozua nga Tahiri habilajt e Xhafaj ka humbur ?5do legjitimitet.
Tani po të them Gramoz Ruçi se gojën opozitës nuk ke për t’ia mbyllur as me metodat e vjetra dhe as me metodat e reja që ju i paguani me milionat e drogës.
Ndaj unë do të vazhdoj deri në fund çështjen e vetme që ka ky parlament dhe nëse do të vazhdosh tëë ndalosh fjalën e opozitës ne do të vazhdojmë me mjetet që nuk na i ndalo dot as Sigurimi i Shtetit.
Ruçi: Është e drejta e opozitës të marrë fjalën. Ju jeni regjistruar janë 34 vetë që janë regjistruar për 6 orë e gjysëm të gjithë diskutantët tuaj. Me gjithë LSI keni 7 orë vetëm për një projektligj. Dhe opinioni publik po pret. Nëse ju doni të bëni ritualin tuaj për të dhënë mesazhin Sofjes së këtu s’ka normalitet politikë, kjo është puna jote, nuk është lajm i mirë për Shqipërinë, por natyrisht do të ketë dhe përgjegjësinë përkatëse.

Basha: Ky nuk është një parlament normal Ruçi: Mos na pengoni, z. Berisha mezi po pret të marrë fjalën Ruçi: Seanca mbyllet për 10 minuta Basha vazhdon fjalën: Ju i keni tradhtuar edhe ata mijëra socialë. Rama Xhafa e të tjerë i tradhtuan dhe e kthyen vendin në zonë të lirë për krimin.
Kthehemi tek çështja e ditës.
Kjo makineri që është vënë në lëvizje tregon fare qartë se çfarë është, çfarë bën Edi Rama, e njejta shfaqje që ai bëri në mbrojtje të Tahirit dhe bandës së Habilajve, e njëjta shfaqje me të cilën mbrojti Frrokun, Ndokën, përdhunuesin Elvis Roshi dhe cilindo kriminel që ka lidhur me fatin e tij.
Sot është radha e Fatmir Xhafajt, vëllait të tij trafikant droge. Faktet tregojnë se ai ka fshehur dhe mohoi raportet e shërbimeve sekrete dhe të huaja.
Edi Rama e di fare se përgjimi është i vërtetë, se Agron Xhafaj ka vazhduar trafikun e drogës. Kjo është arsyeja pse Agron Xhafaj është nisur me urgjencë në Itali pa iu nxjerrë opionit me zë e figurë; shqiptarët duan ta dëgjojnë vetë jo përmes laboratorëve të Surrelit.
Me ultimamute e kërcënime Rama nuk tha dje pse shqiptarët kanë sot një Ministër të Brendshëm që është vetë subjekt i ligjit Antimafia, pse e pengon hetimin e aktivitetit kriminal aktual të Fatmir Xhafaj dhe e di gjithë jugu dhe një pjesë e mirë e gjithë Shqipërisë. Por mori rolin e preferuar të kryegjyqtarit dhe kryeprokurorit sa herë kapen kriminalet e tij me presh në duar. Nuk i mjaftoi që e emëroi vetë kamikazin e tij me 69 vota kundër Kushtetutës dhe sot Vangjush Dako, Qazim Sejdini janë gati të shkelin mbi gjakun e dëshmitarëve të vrarë për të shpëtuar lëkurën.

Duke mos u shfaqur sot në këtë sallë Fatmir Xhafaj është deformimi i hetimit për ligjin antimafia Duke qëndruar ën detyrë dhe duke heshtur për 9 ditë në këto momente që flasim e gjithë policia është vënë pas dëshmitarit X.
Nga e morën vesh kush është këta që pretendojnë se përgjimi nuk është autentik?! Kjo është një tjetër provë se ata janë në mbulimin e provave, njeri përmes bandave dhe tjetri përmes policisë e po i bëjnë presion dëshmitarit X presion familjes së dëshmiarit X.
Opozita kishte të drejtë. Ishte denoncimi ynë që i shtyu drejt këtij hapi.
Dërgimi në Itali e shpëtoi nga ndjekja penale këtu në Shqipëri. Ishte për të mos nisur hetimin. Duket si një veprim i thjeshtë. Agron Xhafaj duhetj të kishte vetë . vizat qeveria jonë i hoqi në vitin 2010. Vendimi ndaj tij është marrë në 2012. Por e vëretta është se ishte Fatmir Xhafaj që mbronte mafiozin e kokainës dhe sot është Agron Xhafaj që mbron Fatmir Xhafaj nga hetimi i aktivitetit kriminal të tij.
Veprimet e kamikazes Arta Marku janë skandaloze sepse ai nuk duhej të lejohej të largohej nësë kishte filluar hetimi. Nëse nuk kishte filluar, pse nuk kishte filluar?
Kupola e policisë që nga Ard Veliu është emëruar nga ata deri poshtë.
Dua t’u bëj një apel figurave publike se është momenti kritik kur mafia dhe krimi dominojnë gjithçka. Mos u merrni me gjërat anësore që servir Rama Xhafaj mos u shpërqëndroni nga thelbi. Duhet ta kuptoni se sot krimi është shumë më i fortë se shteti se sot krimi nuk kursen askënd. Ndaj sot është dita të marrim vendimet e mëdha që do ta ndajnë njëherë e përgjithmonë politikën nga krimi. Ne jemi këtu për detyrën tonë si opozitë por ne do të jemi në krahun tuaj në një aksion popullor që do të bëjë që prokuroria e kapur dhe policia e bërë njësh me Agron Xhafajn do të shkulë këtë mafia që ka kapur Shqipërinë prej fyti.

Familjarët e 27-vjeçarit, Enea Ftoi, që u gjet i vdekur në dhomat e sigurisë në Komisariatin e Policisë Korçë, akuzojnë policinë për ngjarje.
Të shokuar nga ngjarja, ata thonë se njoftimin per vdekjen e moren sot nga gjykata pasi ishte seanca per masen e sigurise. Sipas tyre, policia nuk kishte njoftuar asnje nga familjaret.
Bashkëshortja dhe babai i tij drejtojnë gishtin nga tre efektivët që e kanë shoqëruar, për ushtrim dhune ndaj tij. Ata pretendojnë se i kanë shkaktuar vdekjen me gjilpëra.
Babai: Tre efektive policie e dhunuan gjate arrestimit ne flagrance ne Pazarin e qytetit. Kemi folur ne telefon dhe na tha qe ishte ne gjendje te rende shendetesore. Na e vrau djalin policia. Nuk ishte i semure. Ishte perdorues heroine. Policia na tha eshte mire.
Gruaja: E pa vjehrri për herë të fundit, e di si më tha burri? Më tha, do të vdes.I bënë gjilpëra me zor.Ma vranë, po çfarë shteti është ky. Djali 26 vjeç me baba të sëmurë, tre fëmijë kishte, me nënën në depresion. Unë 21 vjeçe, kisha fëmijën 10 muajshe në gji, as punë në shtet, asgjë. Këtë bën shteti, si të mos vjedhë. Megjithatë, vodhi, të vuante dënimin dhe të mos e vriste. Na e vrau.Ma vranë.
I ati i viktimës kërkon zbardhjen e të vërtetës.
Babai: Të marrë masa shteti, ose do t’i marrim vetë masat.
Policia në njoftimin për mediat tha se nga kqyrja e trupit nuk janë konstatuar shenja dhune dhe nga informacionet paraprake dyshohet se viktima ka qenë përdorues i lëndëve narkotike.

Një ngjarje e rëndë ka ndodhur në Korçë. Një i arrestuar ka ndërruar jetë në dhomat e paraburgimit të Policisë së Korçës. Enea Ftoi mësohet se ishte tre ditë më parë nga policia për vjedhje.
Sot ai do të dilte para gjykatës, por familjarët thonë se janë njoftuar në mëngjes se ai kishte ndërruar jetë. Familjarët hedhin akuza ndaj policisë, për dhunë ndaj të riut.
Bëhet e ditur se viktima Enea Ftoi ishte arrestuar 2 dit më parë për vjedhje me dhunë. Ndërkohë që familjarët e viktimës akuzojnë policinë.
Sipas tyre tre efektivë policie e dhunuan gjate arrestimit në flagrancë në Pazarin e qytetit.
“Kemi folur në telefon dhe na tha që ishte në gjendje të rëndë shëndetësore. Na e vrau djalin policia. Nuk ishte i sëmure. Ishte përdorues heroine. Policia na tha është mirë”, shprehen familjarët.
Sipas policisë nga kqyrja e trupit nuk janë konstatuar shenja dhune dhe nga informacionet paraprake dyshohet se viktima, ka qenë përdorues i lëndëve narkotike.