Shkrimtari i njohur, Kim Mehmeti ka reaguar ndaj vendimit të Ramës për shembjen e Teatrit Kombëtar dhe ndërtimin e një godite të re të rrethuar me disa kulla.
Mehmeti shkruan në një postim në Facebook se, godina ekzistuese nuk duhet shembur pasi mbart vlera të çmuara ndërsa nuk lë pa ‘shigjetuar’ edhe kryeministrin Rama.
“Siç duket Kryeministri i Shqipërisë ka vendosur të mos tërhiqet dhe ta shembë godinën e tanishme të Teatrit Kombëtar në Tiranë dhe, siç thotë ai, mbi gërmadhat e së shkuarës, të ngrihet teatri i ri! Ku ta dish, mbase është e pamundur që, një piktor të parealizuar siç është ai, ta bindësh se godina e Teatrit Kombëtar nuk janë muret që ai ka, e as vetëm skena ku aktorët i kanë jetuar ëndrrat e tyre artistike, por ajo godinë është kalendari, ku janë shënuar ditët e lavdishme të kulturës sonë, si dhe pasqyrë, ku shihen fytyrat e atyre që lartësuan kullën shqiptare të artit skenik!
Po pra, siç duket ne presim të pamundurën nga Kryeministri i sotëm i Shqipërisë: që ai ta kuptojë se nëse më e bukura e bashkëkohorja çdoherë do e zëvendësonin të shkuarën e më të vjetrën, atëherë gjinia njerëzore nuk do e çmonte mbëmendjen, por harresën! Kështu shembja e godinës së Teatrit Kombëtar është një lloj rrënimi i mbëmendjes dhe i kujtesës sonë, siç është edhe shlyerje e begatisë së formës artistike që është realizuar në skenën e tij!”, shkruan Mehmeti.
Kim Mehmeti shpërthen ndaj Ramës: E pamundur të bindësh një piktor të parealizuar
Berisha reagon për vrasjen në Kamëz: Maskat bëjnë ligjin, vrasin e plaçkisin nën hundën e Xhafës
Ish-Kryeministri Berisha ka reaguar përmes një postimi në rrjetet sociale lidhur me ngjarjen e rëndë të ndodhur mbrëmjen e djeshme në Kamzë, ku si pasojë e një sulmi me armë humbi jetën qytetari Agim Buçi, 52 vjeç dhe u plagos bashkëshortja e tij, Merita.
Berisha shkruan se ligjin në Shqipëri gjithnjë e më shumë po e bëjnë maskat, të cilat po vrasin e po plaçkitin, duke shtuar se dënon me ashpërsinë më të madhe qeverinë, të cilën ai e quan ekzekutivin e drogës dhe krimit.
“Maskat vrasin e plaçkisin përsëri. Ato bëjnë ligjin!
Një qytetar, një prind, baba, bashkëshort, një hero i vërtet i familjes së tij, Agim Buci u ekzekutua mbrëmë nga maskat në mbrojtje të biznesit të tij.
Bashkëshortja e tij u plagos rëndë.
Kjo ngjarje tronditi thellë qytetin e Kamzës dhe Tiranën!
Duk shprehur dhimbjen, solidaritetin dhe ngushëllimet më të sinqerta familjes Buci për këtë humbje tragjike të pakompensueshme dhe uruar shërim të shpejtë zonjës Buci, dënoj dhe një herë me ashpërsinë më të madhe qeverinë e drogës dhe krimit në tërësi dhe Fatzi Xhafën në veçanti, për lidhjet e tyre me krimin dhe për dështimin e plotë të narkopolicisë së shtetit në garantimin e rendit dhe sigurisë së jetës të qytetarëve”, shkruan Berisha.
PD: Rama të dorëzojë Tahirin, po bllokon negociatat
Nënkryetari i Partisë Demokratike, Edi Paloka, ka reaguar lidhur me vizitën e Kryeministrit Edi Rama në Berlin.
Paloka theksoi se pa Sajmir Tahirin para drejtësisë, hapja e negociatave do të jetë një derë e mbyllur për Shqipërinë.
“Me keqardhje pohojmë se nuk ka vend për optimizëm porsa kohë Edi Rama nuk ka përmbushur detyrat, të luftojë krimin dhe korrupsionin, të shkëpusë lidhjet e politikës me krimin dhe të lejojë përballjen e Tahirit me drejtësinë, këto janë parakushtet e Berlinit. Nuk është opozita pengesa e Shqipërisë, pasi ajo ka dhënë mbështetjen e plotë për hapjen e negociatave”, tha Paloka.
Deklarata e plotë
Nuk prisnim sot që Edi Rama t’u thoshte të vërtetën shqiptarëve për vizitën e tij në Berlin.
E vërteta është se pa Saimir Tahirin para drejtësisë, Bashkimi Europian do të jetë një derë e mbyllur për Shqipërinë.
Me keqardhje, duhet të pohojmë, se nuk ka vend për optimizëm, përsa kohë Edi Rama nuk ka përmbushur detyrat: të luftojë krimin e organizuar dhe korrupsionin, të shkëpusë lidhjet e politikës me krimin, të lejojë drejtësinë të veprojë me Saimir Tahirin. Këto janë parakushtet që Berlini pret të plotësohen që të hapë dritën jeshile për negociatat e Shqipërisë.
Pengesa për Shqipërinë nuk është opozita, nuk janë miqtë e Shqipërisë në Berlin që kërkojnë standard gjerman për Saimir Tahirin dhe luftën kundër krimit të organizuar. Opozita ka dhënë mbështetje të pakushtëzuar dhe ka lobuar në Berlin e kudo që Shqipërisë t’i hapën negociatat si mjeti më efikas për të shtuar presionin dhe monitorimin ndaj një qeverie që nuk zbaton asnjë standard europian.
Shqiptarët meritojnë ta dinë të vërtetën: pengesa e vetme për Shqipërinë Europiane është Edi Rama, lidhjet e tij me krimin dhe mbrojtja politike për Saimir Tahirin?
Shifra të frikshme të kriminalitetit në 2018, INSTAT: 50% më shumë vrasje
Numri i vrasjeve me dashje në vendin tonë, është rritur ndjeshëm në muajt e parë të vitit 2018, krahasuar me të njëjtën periudhë të një viti më parë.
Të paktën kështu tregojnë shifrat e publikuara nga INSTAT sa i përket krimeve të rënda të ndodhura në Shqipëri, përgjatë tremujorit të parë të këtij viti.
Sipas raportit të publikuar, në tremujorin e parë të 2018, janë evidentuar gjithsej 7.909 vepra penale, duke shënuar një rritje me 5,5 %, krahasuar me tremujorin e parë 2017.
Po ashtu, raportohet se në tre muajt e parë të vitit 2018 kemi pasur një rritje të vrasjeve me dashje 50% më shumë se në po të njëjtët muaj të vitit 2017.
Edhe aksidentet kanë shënuar një rritje në fillimin e këtij viti.
Ndërsa për sa i përket vepra penale që kanë të bëjnë me drogën, në krahasim me 3 muajt e parë të vitit 2017, kemi pasur një ulje të tyre.
Vrasjet dhe atentate
Numri i grupveprës vrasje me dashje të evidentuara, në tremujorin e parë 2018, është 12, rreth 4 vrasje më shumë, krahasuar me të njëjtën periudhë të një viti më parë. Për grupveprën penale Vrasje mbetur në tentativë, në këtë periudhë janë evidentuar 25 vepra, 8 më pak, krahasuar me të njëjtin tremujor të vitit 2017.
Numri i veprave penale të rënda kundër pasurisë, në këtë tremujor është 33, duke shënuar një rënie me 19 vepra, krahasuar me të njëjtin tremujor të vitit 2017. Kjo grupvepër përfshin veprat penale vjedhje me dhunë, vjedhje me armë dhe vjedhje me pasojë vdekjeje.
Në tremujorin e parë 2018 janë evidentuar 13 krime seksuale, rreth 16 më pak, krahasuar me të njëjtin tremujor të vitit 2017.
Droga
Në tremujorin e parë 2018 janë evidentuar 428 vepra penale në fushën e drogës, duke shënuar një rënie me 6,6 %, krahasuar me të njëjtën periudhë të vitit 2017. Këtu përfshihen veprat penale se prodhimi dhe shitja e narkotikëve, kultivimi i bimëve narkotike dhe trafikimi i narkotikëve. Tremujori i parë 2018 shënon vetëm 1 rast të kultivimit të bimëve narkotike, 5 më pak krahasuar më të njëjtin tremujor të vitit 2017.
Vjedhjet
Në këtë periudhë janë evidentuar 58 vjedhje të automjeteve, me një rënie prej 32,6 %, krahasuar me të njëjtin tremujor të vitit 2017.
Numri i veprës penale të evidentuar për vjedhje lokale tregtie, në tremujorin e parë 2018, është 182, duke shënuar një rritje me 24,7 %, krahasuar me të njëjtën periudhë të një viti më parë.
Numri i veprës penale të evidentuar për vjedhje banese, në tremujorin e parë 2018, është 307, duke shënuar një rritje me 2,3 %, krahasuar me të njëjtën periudhë të një viti më parë.
Në këtë periudhë janë evidentuar 20 vjedhje duke shpërdoruar detyrën, rreth 10 vjedhje më pak, krahasuar me të njëjtin tremujor të 2017.
Numri i grupveprës penale vjedhje mbetur në tentativë, në tremujorin e parë 2018, është 99, duke shënuar një rënie me 10 vepra, krahasuar me të njëjtën periudhë të një viti më parë.
Aksidente
Numri i veprës penale shkelja e rregullave të qarkullimit rrugor, në tremujorin e parë 2018 është 473, duke shënuar një rritje me 16,5%, krahasuar më të njëjtën periudhë të një viti më parë.
Dëshmia e Jani Zekës ndaj kapobandës: Telefonata nga Shullazi dhe tritoli në garazh pas ikjes në Greqi
Në Gjykatën e Krimeve të Rënda u zhvillua seanca gjyqësore ndaj Emiljano Shullazit dhe grupit të tij, që akuzohen për veprën penale “shtrëngim për dhënie pasurie dhe grup të strukturuar kriminal”.
Në seancë u paraqit avokati i Ylvi Beqes, Roland Samarxhi, që ishte thirrur për të dëshmuar në procesin gjyqësor në lidhje me regjistrimin e ish-hotel “Vollgës” në Durrës.
Avokati i Beqes ka refuzuar që të dëshmojë përpara Gjykatës, pasi sipas tij, ai vijonte të ishte avokat i dëshmitarit të mbrojtur.
Që në nisje të seancës, avokati i tha Gjykatës se ai mund të zgjidhte me të drejtë të refuzonte të dëshmonte në gjyq. “E vetmja gjë që dua të them është se unë kam kryer veprime të rregullta dhe ligjore. Jam i gatshëm të përgjigjem për çdo veprim timin”, tha Roland Samarxhi, ndërsa përsëriti se nuk donte të dëshmonte.
Mirëpo, avokati i Shullazit, Ravik Gurra, u shpreh se pyetjet e tyre ndaj dëshmitarit nuk ishin konfidenciale, por kishin karakter procedural. Më parë, Ylvi Beqja ka kërkuar që të mos merret parasysh në gjyq dëshmia e mëparshme e avokatit të tij, Samarxhi, pasi sipas tij, ajo është kryer nën presion.
KËRKESA PËR BEQEN
Po kështu, gjatë seancës se djeshme, avokatët mbrojtës rikërkuan që të administroheshin si prova në proces lëvizjen e Ylvi Beqes jashtë vendit, duke u bazuar në të dhënat e sistemit TIMS. Sipas mbrojtësve, këto të dhëna janë thelbësore dhe mund të zbulojnë mashtrimet sipas tyre, të Ylvi Beqes, të cilin e akuzojnë se ka dërguar para në Mal të Zi dhe në Itali.
Sipas avokatit Denion Bogdani, duke iu referuar dëshmisë së Beqes, ai ka takuar noteren Aida Spahiu në Aeroportin e Rinasit për aneksin e kontratës për dhurimin e ish-hotel “Vollgës”, por ky aneks sipas tij është bërë në datën 14 dhjetor 2014.
Sipas të dhënave të sistemit TIMS, në këtë periudhë Ylvi Beqja nuk ka dalë jashtë Shqipërisë nëpërmjet Rinasit, por lëvizjet e tij kanë qenë nga Porti i Durrësit drejt Malit të Zi. Kështu, sipas Bogdanit, Ylvi Beqaj ka gënjyer në dëshminë e dhënë në gjyq. Gjithashtu, avokati Vladimir Meçe kërkoi që të sillej si provë edhe letra që Ylvi Beqja i ka dërguar ish-Prokurorit të Përgjithshëm, Adriatik Llallës, kur në vitin 2016 i thoshte që të mos hetohej pronësia e ish-hotel “Vollgës”, por gjyqtarët e korruptuar. Kjo sipas tyre tregon se Ylvi Beqja nuk ka qenë i kërcënuar nga Shullazi dhe e gjitha ka qenë sajesë. Por këto u kundërshtuan nga Gjykata.
DËSHMIA E JANI ZAKËS
Në seancën e djeshme u lexua edhe dëshmia e biznesmenit Jani Zaka, i cili është larguar jashtë vendit dhe nuk gjendet nga autoritetet për të dëshmuar sërish në gjyq. Dëshmia që u lexua është ajo dhënë para Prokurorisë së Krimeve të Rënda.
“Disa kohë më parë kam blerë një garazh nga një person i quajtur Fatmir Sinanaj. Garazhi ka qenë i pahipotekuar dhe e kam blerë me kontratë porosie. Ndërkohë, në lidhje me këtë çështje më ka kërkuar takim Emiljano Shullazi, i cili më telefonoi për këtë punë. Më telefonoi dhe më tha që ishte Emiljano Shullazi dhe duhet të takoheshim për çështjen e garazhit. Atë ditë që më ka marrë në telefon unë nuk isha në Tiranë dhe i them që nuk mundem, por që takimin do ta bënim ditën tjetër.
Të nesërmen më telefonon një person tjetër që ishte Blerim Shullazi, kushëriri i Emiljanos. Pasi kontaktova me të, shkova ta takoja. Ai më tha se duhet të zgjidhja problemin që kisha me Fatmir Sinanajn në lidhje me garazhin që i kish mbajtur peng, por në fakt unë e kisha blerë atë dhe këtë ia thashë edhe atij.
Për të zgjidhur këtë problem, unë duhet të takoja të nesërmen Fatmir Sinanajn, por ky takim nuk u zhvillua asnjëherë, pasi unë u frikësova nga mënyra që më kontaktuan. Unë jam larguar për në Greqi sepse nuk doja të bëja këtë takim. Gjatë kësaj kohe ka ndodhur edhe një shpërthim pranë garazhit që kisha blerë”, ka thënë ai.
Timonierit i thyhet timoni! Kthehet nga Berlini me atlete të kuqe. Si e morën në pyetje
Sali BERISHA
Noriega u nis ne Berlin pasi, se bashku me horrat dhe prostitutat e tij politike, per te mbuluar deshtimet dhe rekordet e zeza si mosplotesimin e kritereve dhe standarteve te kerkuara per hapjen e negociatave, i shpalli ne stilin e eterve mizor lufte te ftohte grupit politik parlamentar me te fuqishem ne Bundestagut gjerman dhe Europe.
Shtypi gjerman njofton me transparence per takimet djeshme te piktorit deshtak. Sipas gazetes Tagesspiegel:
1- Kancelarja nuk premtoi hapjen e negociatave pasi nga parakushtet dhe kushtet per hapjen e tyre Shqiperia ka plotesuar disa gjera dhe nuk ka plotesuar kushte te tjera. Pra Shqiperia nuk ka plotesuar kushtet!
2- Deputetet e grupit CDU/CSU, ne nje akt te paprecedent kane bojkotuar darken e shtruar nga Edi Rama per shkak te fushates te luftes se ftohte, shpifjeve dhe trillimeve qe ai se bashku me horrat dhe prostitutat e tij politike kane ndermarre ndaj kryetarit te komisionit per Europen te Bundestagut, Krischbaum dhe deputeteve tjere te Bundestagut.
Ne takimin ne Bundestag, Rama doli nje genjeshtar i paskrupullt. I pyetur pse nuk hoqet imunitetin e Saimir Tahiri, ai u genjeu duke thene se Saimir Trafikut i eshte hequr çdo imunitet. Keshtu, ajo qe mund te thuhet per kete vizite eshte se
Timonierit ju thye keq timoni dhe nga Berilini u kthye me kepuce te kuqe!
Ketu me poshte keni artikullin e gazetes gjermane per kete vizite! sb
https://m.tagesspiegel.de/…/albanien-und-die-…/21214028.html
Gazeta e njohur gjermane zbardh detaje nga takimi në Berlin: Braktiset darka e Ramës dhe anulohet takimi në Tiranë
Që prej ditës së djeshme Edi Rama ndodhet në Gjermani në tentativë për tu mbushur mendjen se Shqipëria nën drejtimin e tij ka ecur para dhe meriton çeljen e negociatave për anëtarësimin në BE, pas rekomandimit të Komisionit të dhënë pak ditë më parë.
Por ajo që ka ndodhur mbrëmjen e djeshme në Berlin duket se ka vendosur në një farë mënyre vendimin që pritet të marrë Gjermania.
Gazeta e njohur gjermane, Tagesspiegel ka zbardhur sot detaje nga ajo që ka ndodhur mbrëmë në Berlin, ku deputetët e CDU-së kanë vendosur të braktisin darkën e organizuar nga ambasada e Shqipërisë në Berlin.
Pala gjermane, deputetët e CDU-së kanë vendosur të braktisin darkën e Edi Ramës, duke mos shkuar. Sipas asaj që shkruar Tagesspiegel, vendimi i braktisjes së darkës është marrë pas sulmeve të orkestruara në Tiranë kundër Gunther Krischbaum dhe deputetëve të tjerë gjermanë.
Por kjo është vetëm gjysma e dështimit të Ramës, pasi gjysma tjetër ka ndodhur gjatë ditës së sotme.
Gunther Krischbaum dhe kreu i Bundestagut, Ëolfgang Schäuble mësohet se kanë pasur një takim me Edi Ramën gjatë paradites, duke e marrë në pyetje kryeministrin e Shqipërisë, Edi Rama.
Takimi mësohet se është zhvilluara para se Edi Rama të takonte kancelaren, Angela Merkel.
Pas takimit me kreun e Bundestagut dhe Krischbaumit mësohet se deputetët gjermanë kanë vendos të anulojnë edhe një vizitë në Tiranë të parashikuar për në fillim të majit.
Sipas Tagesspiegel, këto zhvillime të djeshme dhe të sotme janë një ogur i keq para vendimit që pritet të marrë Gjermania në lidhje me vendimin për ti hapur bisedimet me Shqipërinë.
Krichbaun flet pas takimit: Ramës i thashë në sy; hapja e negociatave është e parakohshme
Pas vizitës së Ramës në Gjermani, Gunther Krichbaum, deputeti i Bundestagut gjerman dhe kryetar i Komisionit për Çështjet Europiane përsëriti edhe njëherë tjetër mendimin e tij për të mos i hapur negociatat me Shqipërinë.
“Dje kam takuar kryeministrin e Shqipërisë, Edi Rama, në Bundestagun e Gjermanisë. Me këtë rast, personalisht i thashë atij se unë mendoj se hapja e bisedimeve të pranimit të Shqipërisë me BE është e parakohshme në këtë fazë. Reforma e mëparshme ende nuk janë të mjaftueshme” shkruan Krichbaum.
Statusi i Krichbaum vjen pak minuta para se Rama të japë një prononcim për medita nga Rinasi, në përfundim të vizitës së tij në Gjermani.
Gjatë takimit në Bundestag, Rama u vu përballë dy sfidash. E para ishtë çështja Tahiri, ku kryeministrit iu kërkua llogari se pse e mbronte ish ministrin e tij. “Si ka mundësi që një ish ministër dhe deputet që i bëhen akuza aq të rënda si në rastin e Saimir Tahirit, nuk i hiqet krejt imuniteti, por mbrohet nga mazhoranca qeveritare”, ishte pyetja e deputetëve gjermanë drejtuar Ramës.
Nga ana e tij kryeministri Rama është shprehur se “Tahirit i është hequr plotësisht imuniteti”, por ai është kundërshtuar nga Raporteri për Shqipërinë i Grupit Parlamentar CDU, deputeti Thorsten Frei. Deputeti i partisë së Angela Merkel, Frei, i cili ishte në Tiranë pak kohë më parë, tha se kjo nuk është e vërtetë, pasi kërkesa e Prokurorisë së Krimeve të Rënda për të dhënë lejen për t’i kërkuar Gjykatës arrestimin e Tahirit, ishte refuzuar nga mazhoranca socialiste. “Votimi u bë pasi prokurorët u sulmuan publikisht, gjë që është e papranueshme dhe jashtë standardit europian”, janë shprehur deputetët gjermanë në seancën dëgjimore me Kryeministrin Rama.
Ish-gruaja e Ramës nuk përmbahet, shan e mallkon ata që kritikojnë Kryeministrin: “Ju zëntë grykën…”
Ish-gruaja e Kryeministrit, Delina Fico ka reaguar në një status në Facebook, kundër të gjithë atyre që kritikojë Ramën për integrimin në BE.
Kritikët e Ramës, Fico i quan njerëz cinikë që janë bërë të pasur mbi mediokritetin dhe shpirtvogëlsinë e tyre.
“Këtë nuk ma ha truri fare, po fare. Ju zëntë grykën buka e këtij vendi”, mallkon aktivistja.
Statusi i plotë në Facebook:
Se si mund te gezohesh qe bashkekombasit e tu mund te mbeten mbrapa ne procesin e integrimit ne BE – kete nuk ma ha truri fare, po fare! Dhe ky gezim cinik – shpresoj, krejtesisht i gabuar – vjen nga njerez qe parate e tyre, vilat ne zona ekskluzive jashte Tiranes dhe apartamentet duplex, makinat e shtrenjta, shtepite e dyta, emrin profesional, shkollat e shtrenjta te femijeve, i kane bere pikerisht ne kete vend, shpesh ne kurriz te shumices se heshtur qe ka derdhur djerse, ka sakrifikuar, ka zgjeruar me shume mund ate biznesin e vet, shumice, e cila do te perfitonte shume nga pershpejtimi i integrimit ne BE, sepse, mbi te gjitha, kjo do te thoshte sundim me i mire e me i forte i ligjit, gje, e cila, nuk do t’i lejonte me pashallaret blu, te verdhe, apo jeshile te Shqiperise te fryhen si kaposha mbi plehun e pasurive, te mediokritetit dhe te shpirtvogelsise, mbi te cilin e kane ndertuar dhe e jetoje jeten. Edhe nje here: Ketyre tipave, ju zente gryken buka e ketij vendi!
Bayern/ Shtypi katalanas “si zakonisht”, flet për favorizim të Real Madridit
“Si zakonisht”, ky është titulli i “Mundo Deportivo”, pas triumfit të të bardhëve në Mynih, ndërsa “Sport” zbulon mesazhe nga peshat e rënda të Barçës në frëngjisht.
Fitorja e Real Madridit zë një pjesë të madhe të shtypit katalanas, ditën e sotme.
“Mundo Deportivo” ankohet për një ndërhyrje të gabuar të Carvajal ndaj Lewandowski, që nuk është evidentuar si penallti nga kryesori holandez, Bjorn Kuipers, ndërsa flet për një Bayern Munich të pasaktë dhe një Real Madrid, që i shfrytëzoi maksimalisht mundësitë e veta.
Nga ana e saj, “Sport” kthehet te situata me Antoine Griezmann dhe flet për mesazhet nga “peshat e rënda” të Barçës, për ta bindur sulmuesin francez të vijë në “Camp Nou” dhe të “lulëzojë” aty nga sezoni i ardhshëm. “L’Esportiu”, nga ana e vet, zgjedh Coutinho për faqen e parë, në titullin “I zgjedhuri”. Sipas mendimit të këtij mediumi, braziliani është njeriu i duhur për të marrë “stafetën” nga Iniesta.
Heynckes ankohet për mënyrën se si Bayerni i pranoi golat dhe pamundësinë e të tijve për t’i shfrytëzuar më mirë mundësitë e krijuara.
“Ne i dhamë Real Madridit dy gola, me gabime të qarta, tha Heynckes për “ZDF”. Patëm një sërë shansesh, që nuk i shfrytëzuam, kështu që nuk është për t’u habitur që kemi humbur”. Bayern Munich kishte më shumë goditje drejt portës dhe dominonte posedimin e topit, por tashmë përballen me një detyrë të madhe, që zhvendoset në “Santiago Bernabeu”, në gjysmëfinalen e kthimit.
Muller: U treguam naivë, ky Real Madrid është absolutisht vulnerabël…
Kapiteni i Bayern Munich, Thomas Muller, tha se çelësi për humbjen e skuadrës së tij në shtëpi, kundër Real Madridit, ishte se të tijtë u treguan shumë naivë dhe, mbi të gjitha, nuk shfrytëzuan shanset për të shënuar.
“Nëse shikoni të gjithë ndeshjen, ne ishim shumë naivë, nuk arritëm të bëjmë atë që kemi bërë në javët e fundit, duke i shfrytëzuar shanset tona, – tha Müller për mediat gjermane. – Mund të kishim një rezultat shumë më të mirë, për shkak të mënyrës se si shkoi ndeshja”.
Müller shtoi se nuk mund të kritikoni ndonjë gjë te Bayerni, sa i përket qasjes taktike, përderisa golat e kundërshtarit erdhën nga aksione të përpikta, të nisura nga gabimet e bavarezëve: “Goli i dytë erdhi nga një gabim yni individual, i pari ishte i çuditshëm, por gjëja përfundimtare është se nuk i kemi shfrytëzuar mundësitë tona”.
Megjithë humbjen 2-1 në “Allianz Arena”, Müller beson se “ka ende shumë për të bërë në këtë raund dhe asgjë nuk është vendosur për kualifikimin”. Nga ana tjetër, duke folur për “Kicker”, ai pranoi se e pa Real Madridin shumë të dobët: “Ky Real Madrid është absolutisht vulnerabël, ne duhet të kemi një mentalitet vrasës, sepse kemi mundësi reale”.
“Jepni familjet tuaja me PPP”/ Artistët përplasen me Policinë Bashkiake: Na tregoni rregulloren!
Edhe pse kanë kërkuar që të jenë të pranishëm në mbledhje, artistët e Teatrit Kombëtar janë refuzuar nga ana e Bashkisë.
Pas tensioneve me Polcinë Bashkiake, një pjesë e artistëve dhe aktivistëve të shoqërisë civile, kanë mundur që të hyjnë në mbledhje. Ata kanë mbajtur një pankartë në duar ku shkruhej “Jepni familjet tuaja me PPP”.
“Duam rregulloren, pse po përjashtohemi”, është pyetja e ngritur nga ana e aktorëve.
Pika më e nxehtë e rendit të ditës së sotme është ajo që kërkon që të vendoset për përcaktimin e procedurës për negocimin me zhvilluesit privat për marrveshje të sipërmarrjes/shkëmbimit për pronat e Bashkisë së Tiranës. Kjo sipas këshilltarëve të opozitës bëhet për të përshpejtuar procedurat për tjetërsimin e hapësirave të Teatrit Kombëtar, duke ia kaluar një kompanie private.
Ndërkohë që jashtë sallës zhvillohej një protestë e aktorëve lidhur me fatin e Teatrit Kombëtar, Bashkia e Tiranës kishte vendosur që të mbyllte derën për ta. Edhe pse artistët kishin bërë kërkesë që të ishin prezentë në këtë mbledhje, vetëm 2 prej tyre do të futen në një moment të dytë.
Protesta e organizuar nga një grup artistësh dhe Shoqëria Civile u zhvillua në orën 12:00 kur po zhvillohej mbledhja e Këshillit Bashkiak. Regjisori Kastriot Çipi por edhe aktorët e artistë të tjerë kanë njoftuar se sot në mesditë, Këshilli Bashkiak i Tiranës do të votojë vendimin që i hap rrugë shembjes së Teatrit. Ai bën thirrje për të qenë pranë Bashkisë në shenjë solidariteti.
Këshilltarët e PD-së dhe të LSI-së braktisën mbledhjen, teksa thanë se Erion Veliaj nuk ka votat e mjaftueshme për të kaluar vendimet.
“Opozita në këshill, PD e LSI, vazhdojmë të mbajmë marrëdhënie të kushtëzuar me këshillin bashkiak. Kjo është kushtëzuar nga prania e përhershme e 6 individëve me mandate false. Ata sillen sikur janë këshilltarë dhe votojnë si të tillë. Prania e tyre hedh në erë legjitimitetin e këshillit bashkiak.
Pse duhet prania e tyre? Kjo duhet për të përgatitur akte si ky që janë sjellë sot për vendim. Dy janë absolutisht kriminale: projekti i sponsorizuar nga një mafie e re, ajo e naftës në Tiranë, për të betonizuar Parkun Rinia. Kjo votë kërkon 3/5.
Vendimi i dytë: Prishja e Teatrit Kombëtar. Këto vota ata sot nuk i kanë, asnjë ditë nuk do t’i kenë për sa në këtë këshill do të jetë kjo opozitë. Ne do bëjmë barrikadë për këto dy krime mafioze. Çdo gjë që ndodh në atë sallë është e kompromentuar. Sot grupi që mbështet PS është minorancë”, u shpreh Çollaku pas daljes nga mbledhja e Këshillit.
Edhe këshilltarët e LSI i janë bashkuar demokratëve në bllokimin e projekteve të kullave dhe betonit në Tiranë.
Këshilltari i LSI, Eltiom Halimi, tha pasi dolën nga mbledhja se “LSI eshte kunder prishjes se Teatrit Kombetar dhe rikioskezimit te parkut “Rinia”.
Votat e LSI ne keshillin bashkiak do te jene gjthmone kunder per keto vendime kriminale kunder interesave te artisteve dhe qytetareve te Tiranes.
LSI deklaron se do te votoje cdo vendim per ndihmen ekonomike, por nuk mund te marre pjese ne mbledhje me 6 mandate te pavlefshme.
Do të largohet nga salla dhe do shkoje prane qytetareve dhe artisteve te tubuar perpara bashkise duke qendruar gjthmone ne krah te tyre ne mbrojtje te vlerave kombetare dhe hapsirave publike”.
Kryesore
Continue to the category
