Ajo ishte shumë e dhënë pas ëmbëlsirave. Por vendosi që të hiqte dorë nga sheqeri. Carolyn Hartz sot është 70 vjeç dhe jeton në Perth të Australisë. Nëna e 3 fëmijëve ka zbuluar një sekret të sajin për “Daily Mail Femail”.
Prej 28 vitesh nuk konsumon sheqer, si dhe ushqime me gluten. “Shumë gra mbi të 50-at mendojnë se thjesht nuk është e mundur të ruash linjat pas kësaj moshe.
Kam folur madje edhe me gra mbi 40 vjeç, të cilat kanë pasur fëmijë, që kanë frikë se nuk do ta rifitojnë më formën e mëparshme fizike”, – tha Hartz, autore e librit “Ëmbëlsira pa sheqer”. Ajo ka një këshillë për të gjitha femrat që duan të qëndrojnë në formë, pa shkuar në palestër: “kujdes çfarë ha dhe jepu këmbëve”.
Edhe në Australi obeziteti ka arritur në shifra shumë të larta, ndaj ajo rekomandon që në vend të sheqerit të përdorni ‘Xylitol’. Carolyn nuk është për dieta drastike, por thjesht për të ushqyerin e shëndetshëm dhe këmbëngul sidomos të bëhet kujdes e të mos teprohet me sasinë.
Eksperimenti, si duket në moshën 70-vjeçare gruaja që nuk hëngri sheqer për 28 vjet
Shpërthimi i Tahirit për Ramën në takimin me Gaz Demin: Le të guxojë po të dojë…
Duket se ka një problem në marrëdhëniet e reja mes Ramës dhe Tahirit pas rekomandimit për hapjen e negociatave nga BE. Një takim i zhvilluar në bllok mes Tahirit dhe ndërmjhetësit gaz Demoi ka shkuar deri në acarim të Tahirit, i cili i ëhstë hakërryes Ramës indirekt. Dëshmitarët thonë se kanë dëgjuar Tahirin të ngrejë zërin dhe të thotë “le të guxojë pot ë dojë, po ja mbajti b…
Ish-Kryeministri Berisha ka përcjellë mesazhin e qytetarit dixhital.
Saimir Tahiri i dergon Rames perseri Gaz Demin se bashku me Dash Pezen! sb
“Doktor ne keto momente qe po te shkruaj tek Perla ne Bllok po zhvillohet prej nje ore nje bisede midis Sajmir Trafikut dhe Gaz Demit e Dash Pezes.Nga biseda e tensionuar ndigjohen here pas here shperthime te Tahirit si “le te guxoje po te doje”, “po ja mbajti b…”, etj, etj!”
Rama mbron Tahirin para Mogerinit: S’ka asnjë provë ndaj tij
Çështja e arrestimit apo mosarrestimit të ish-ministrit të Brendshëm Saimir Tahiri ngrihet në çdo vizitë që bëhet nga zyrtarët e lartë të BE në vendin tonë.
Dhe ditën e sotme, teksa kryeministri Edi Rama, duke folur në një konferencë të përbashkët për shtyp bashkë me Përfaqësuesen e Lartë për Punët e Jashtme dhe Politikën e Sigurisë në BE, Federica Mogherini, është pyetur se nëse do të arrestohet Saimir Tahiri.
Për Ramën është ende e qartë se Prokuroria e Krimeve të Rënda nuk ëshë asnjë provës për të kërkuar arrestimin e tij, ndërsa shtoj se mazhoranca do të jetë e gatshme të mirëpresë organi e akuzës nëse gjen prova të reja.
“Është shumë e rëndësishme që të arrijmë të shpjegojmë që në procesin e Saimir Tahirit kuvendi dhe shumica qeverisë zbatoi në frymë dhe në germë gjithçka që Komisioni i Venecias nënvizoi lidhur me rastet kur një komision i posaçëm në parlament thirret në detyrë për të trajtuar çështjen e arrestit apo masave të parashikuara për një deputet.
Mirëpresim që Prokuroria të rikthehet me të paktën një provë të vetme dhe prokuroria e krimeve të rënda është larg shumë larg së qeni një trup që mund të konsiderohet e influencueshme nga çdo kush qoftë.
Së treti e thashë dhe e përsëris është gjëj
Opozita-Mogerinit: Të mos fshihen problemet me krimin dhe korrupsionin
Ka përfunduar takimi i liderëve të opozitës shqiptare me Federika Mogherinin në selinë e Misionit të BE në Tiranë.
Nënkryetari i PD, Edi Paloka deklaroi se, për ne është prioritet për shqiptarët pasi realizon një dëshirë të shqiptarëve por edhe si një mënyrë që BE të rrisë monitorimin e tij ndaj poltikës shqitare e cila është sot simbol i lidhjes së krimit me politiken. Paloka tha se, uruam gjithashtu që deri në Qershor kur do të merret vendimi të shihet qëndrimi i disa vendeve që janë skeptike.
“Për ne është prioritet për shqiptarët pasi realizon një dëshirë të shqiptarëve por edhe si një mënyrë që BE të rrisë monitorimin e tij ndaj poltikës shqitare e cila është sot simbol i lidhjes së krimit me politikën.
Në deklaruam se Komisioni Europina në të ardhmen të jetë më vëzhguese dhe trasnparente. Ka raste si ai i Tahirit që eshtë kaluar si çeshtje periferike, ne kërkuam që të këtë jo fshehje të problemeve, por zgidhje të problemeve e cila është ajo që i bën të mirën Shqipërisë.
Uruam që në Qershor negocitatat të hapen sepse është në të mire të shqiptarëve. Sot kemi në burg 11 qytetarë të pafajshëm. Hapi i parë i qeverisë është lirimi i tyre. Kjo ishte një nga kërkesat tona për Mogherinin”, u shpreh Paloka.
Kryetarja e LSI, Monika Kryemadhi, bëri të ditur para medias se i kanë kërkuar zonjës Mogherini të ndërhyjë pranë kryeministrit Edi Rama të lirojë qytetarët shqiptarë të arrestuar që protestuan në Rrugën e Kombit.
Kryemadhi e vlerësoi mjaft raportin pozitiv të KE-së për hapjen e negociatave dhe deklaroi se opozita do ta lexojë me shumë vëmendje, raportin prej 37 faqesh.
“Raporti që na dorëzohet sot është për githë klasën politike, – tha Kryemadhi, – aty theksohet rëndësia e luftës kundër drogës, korrupsionit, vazhdimi i reformës në drejtësi që shqiptarët
Ne i kërkuam zonjës Mogherini që të ndërhyjë pranë z. Rama për lirimin e qytetarëve shqiptarë që mbahen në mënyrë të padrejtë kur dhe z Rama kërkoi falje vetë; është e rëndëishme sot që shqiptarët ta kenë BE-në më afër.
Zonja Mogherini e ka parë opozitën si bashkëvepruese në këtë proces e madje edhe më shumë se mazhorancën, sepse opozita ka sakrifikuar më shumë nga vetja e saj për t’u dhënë mundësi shqiptarëve. Është një rrugë e vështirë deri në qershor sidomos për situatën që e bën BE-në vetë më skeptike ndaj ne do ta lexojmë me shumë vëmendje raportin.
E falenderoj zonjën Mogherini për mbështetjen personale dhe hapjen e negociatave për Shqipërinë”.
Ironia e fortë e Sekretarit amerikan të Mbrojtjes për ‘liderin global’ në takimin me Xhaçkën
Sekretari amerikan i Shtetit, Mattis ka përdorur ironinë për të bërë një përkufizim të qartë të qeverisë Rama. “Shqipëria godet më fort se pasha e saj” i tha Mattis, ministres së Mbrojtjes Xhaçka. Në fakt kjo është një karakteristikë për liderët global si Rama me të cilin Mattis ka zgjedhur të tallet.
Sekretari amerikan i Mbrojtjes James Mattis falenderoi sot Shqipërinë për angazhimin e saj në NATO si një vend aleat, kontributi i së cilës shkon përtej madhësinë si shtet. “Shqipëria ka treguar se madhësia e saj gjeografike ka shumë më pak rëndësi, se sa angazhimi i saj në aleancë. Si një aleate e vendosur, Shqipëria godet më fortë se sa pesha e saj”, tha Sekretari Mattis gjatë takimit me Ministren e Mbrojtjes të Shqipërisë Olta Xhaçka.
Ai vlerësoi edhe rolin e Shqipërisë për të mos lejuar, siç u shpreh ai “ndikimin e dëmshëm rus në rajon”. “Angazhimi i Shqipërisë për pjesën e barrës që i takon vjen në një kohë kur Rusia po kërkon të përçajë aleacën tonë. Gjithashtu, pak vende në rajon kanë qëne më vigjilente se Shqipëria lidhur me ndikimin e dëmshëm rus në rajon dhe unë ju përgëzoj për punën tuaj për të ruajtur integritetin e institucioneve shqiptare”, tha sekretari Mattis.
Shqipëria ofron baza ushtarake
Gjatë takimit të martën në Pentagon, Ministrja e Mbrojtjes e Shqipërisë, Olta Xhaçka bëri thirrje për një prani ushtarake të Shteteve të Bashkuara në Shqipëri.
Ajo tha se Shqipëria po paraqet disa ide për të vënë në dispozicion baza tokësore, ajrore dhe detare por edhe aftësi të tjera, qoftë në mënyrë dypalëshe me SHBA ose në suazën e NATO-s.
Zonja Xhaçka u sugjeroi zyrtarëve amerikanë të mbrojtjes të shikojnë mundësinë që Shqipëria të shërbejë si vend kontakti në rajonin e Ballkanit Perëndimor. Sipas saj, një prani e SHBA ose e NATO-s mund të ishte një demonstrim i qartë se ky rajon nuk është harruar nga aleatët.
Ajo propozoi konkretisht baza dhe kantiere detarë të Shqipërisë, një aeroport ushtarak për furnizimin me karburant në ajër dhe zonën e stërvitjes në Bizë të Elbasanit si ide që mund të eksplorohen.
Ajo shprehu dëshirën që SHBA të shtojnë praninë e industrisë ushtarake në Shqipëri. Zonja Xhaçka tha se në Shqipëri mund të ketë zona të gjera ku SHBA mund të investojnë. Ajo tha se në një takim me firmën Lckheed-Martin në Uashington, i kishte ofruar firmës të angazhohet më shumë në shtimin e aftësive të vëzhgimit ajror dhe detar të Shqipërisë.
Ministre Xhaçka tha se krahas qëllimeve të Rusisë për t’u shtrirë në rajon dhe veprimeve të tyre destabilizuese vihen re edhe një shtim i synimeve dhe interesave nga vende të tjera si Kina, Irani apo edhe Turqia. Ajo tha se nevojitet të dërgohet një mesazh i fortë se vendet e Ballkanit perëndimor janë të orientuara nga perëndimi.
Ajo tha se “fati i Ballkanit Perëndimor është ai euro atlantik dhe kjo është përgjigjja më e mirë ndaj nacionalistëve ekstremistë fetare dhe ndërhyrjes ruse.”
Komentet e Sekretarit amerikan të Mbrojtjes, Mattis: “Shqipëria godet më fort se pasha e saj”.
“Që nga anëtarësimi i saj në NATO në 2009, Shqipëria ka treguar se madhësia e saj gjeografike ka shumë më pak rëndësi, se sa angazhimi i saj në aleancë. Si një aleate e vendosur, Shqipëria godet më fortë se sa pesha e saj, duke kontribuar me trupa në misonet e NATO-s, duke u bërë vendi i parë që ka dhuruar armë dhe municione për të mposhtuar koalicionin e IS-sit. Gjithashtu ju keni punuar për të luftuar kundër përhapjes së ekstremizmit në Ballkan dhe më tej nëpërmjet Qendrës suaj të Ekselencës së NATO-s për luftëtarët terroristë të huaj. Faleminderit! Të gjitha këto tregojnë se Shqipëria është e përgatitur për të luajtur rol udhëheqës në Ballkanin Perëndimor, siç tregon edhe angazhimi juaj për të shtuar buxhetin e mbrojtjes në 2 për qind të PPB deri në vitin 2024. Faleminderit për rolin udhëheqës duke dhënë shembull për këtë. Angazhimi i Shqipërisë për pjesën e barrës që i takon vjen në një kohë kur Rusia po kërkon të përçajë aleacën tonë. Gjithashtu, pak vende në rajon kanë qëne më vigjilente se Shqipëria lidhur me ndikimin e dëmshëm rus në rajon dhe unë ju përgëzoj për punën tuaj për të ruajtur integritetin e institucioneve shqiptare. Amerikanët dhe shqiptarët kanë lidhje të forta. Programi i partneritetit me Gardën Kombëtare të Nju Xhersit pasqyron një lidhje më të thellë mes dy vendeve. Gjithashtu sot është dhe një moment mjaft i rëndësishëm për vendin tuaj.”, tha Mattis.
Krimet e komunizmit, akuza për genocid ish-Presidentit rumun. Tek ne i biri i Kristaqit dhe Gramozi drejtojnë shtetin
Prokurorët ushtarakë rumunë akuzuan zyrtarisht ish-presidentin Ion Iliesku të martën për krime të dyshuara kundër njerëzimit gjatë kryengritjes së dhunshme që rrëzoi liderin komunist të vendit Nikolai Çausheshku në dhjetor 1989.
Prokurorët thirrën në gjykatë Ilieskun, 88 vjeç, të martën në mëngjes dhe e njoftuan atë për padinë. Ish-kreu i shtetit ndenji rreth një orë me prokurorët dhe refuzoi të komentonte mbi aktakuzën.
Prokurori i Përgjithshëm i Rumanisë kërkoi leje më 2 prill për të ndjekur penalisht Ilieskun dhe ish-kryeministrin Petre Roman për krime kundër njerëzimit gjatë kryengritjes së vitit 1989. Ish-zv/kryeministri Gelu Voican Voiculesku është vendosur gjithashtu të ndiqet penalisht.
Presidenti Klaus Iohannis e miratoi kërkesën më 13 prill.
Prokurorët thonë se Iliesku, Romani dhe Voiculescu ishin në krye të Këshillit të Fronit Kombëtar të Shpëtimit në dhjetor 1989, kur protestat kundër regjimit u kthyen të dhunshme, duke shkaktua më shumë se 1,000 të vdekur dhe 2,500 persona mbetën të lënduar.
Çështja e revolucionit të vitit 1989 ka qenë një nga hetimet më të gjata dhe më kontroverse në historinë e Rumanisë.
Në vitin 1990, Prokuroria Ushtarake e Bukureshtit hapi një hetim penal në lidhje me këtë çështje, por hetimi është ndalur dhe rihapur katër herë që atëherë.
Në vitin 2015, Gjykata Europiane e të Drejtave të Njeriut vendosi kundër Rumanisë dhe i kërkoi shtetit të paguante kompensim për tetë persona – nga 2,400 euro secili – për kohëzgjatjen e procedurës penale në një çështje që kishte lidhje me keqtrajtimin e tyre në dhjetor 1989.
Në nëntor 2016, prokurorët ushtarakë rifilluan hetimin për krime të dyshuara kundër njerëzimit.
Në dhjetor 2017, prokurori ushtarak Marian Lazar njoftoi se hetuesit kishin zbuluar prova se kryengritja ishte e organizuar dhe se zyrtarë të lartë ushtarakë u përpoqën të vrisnin diktatorin Çausheshku dhe gruan e tij Elena të paktën tri herë para se ata të gjykoheshin dhe ekzekutoheshin më 25 dhjetor 1989.
Një sërë protestash, shkëmbime zjarri dhe demonstratash midis 15 dhjetorit dhe 25 dhjetorit 1989, çuan në rënien e Çausheshkut dhe fundin e regjimit komunist.
Kjo është hera e dytë që Iliesku përballet me akuza për krime kundër njerëzimit. Në qershor të vitit 2017, prokurorët ushtarakë të Gjykatës së Lartë e paditën Ilieskun dhe ish-zyrtarë të tjerë të lartë për krime kundër njerëzimit për rolin e tyre në një goditje të dhunshme ndaj protestuesve të opozitës në Sheshin e Universitetit të Bukureshtit në 13-15 qershor 1990.
Dhuna la të paktën katër të vdekur dhe më shumë se 700 të plagosur në Bukuresht. Gjyqi vazhdon.
Iliesku njoftoi në shkurt 2010 se ai po tërhiqej nga politika.
Ai ishte president i Rumanisë midis viteve 1989 dhe 1996 dhe nga viti 2000 deri në vitin 2004.
“Reporter.al”
Deputeti akuzon Halitin: Mori 4 milionë USD nga ish-ministri i Mbrojtjes para se ta vrisnin, ku shkuan paratë?
Xhavit Haliti (Zeka), ish- shef Zbulimit në UÇK, sot nënkryetar i Kuvendit të Kosovës, është vënë nën akuzë se ka marrë shuma të mëdha nga kosovarët “për çështgjen kombëtare”, por në fakt nuk janë dukur më. Edhe ministrit të Mbrojtjes, Rexhep Krasniqi i paska marrë 8.8 milionë marka Gjermane (rreth 4 milionë dollarë, dhe pas kësaj Krasniqi u vra në një rrugicë të errët pranë stacionit të Trenit në Tiranë.
Udhëheqësi i fondit “Vendlindja thërret” në Gjermani, Ibrahim Kelmendi, i është bashkuar polemikës që filloi mbrëmë kur deputeti i LDK-së, Anton Quni, tha se Xhavit Haliti i PDK-së, gjatë luftës, kishte marrë 8 milionë marka nga koloneli Ahmet Krasniqi. Kelmendi thotë se Haliti i ka marrë 8.8 milionë marka nga FARK-u, shkruan Express.
Xhavit Haliti me të hapur sot seancën në Kuvend e ka quajtur “rrenc” Qunin, kjo sepse mbrëmë në emisionin “Pressing” të televizionit 7 ai tha se Haliti i kishte marrë gjatë luftës rreth 8 milionë marka nga Ahmet Krasniqi.
Kelmendi thotë se në atë kohë Halitit i ishin dhënë 4 milionë dollarë, që bënin 8.8 milionë marka.
Ai shkroi në Facebook se Haliti nuk i kishte informuar Fondin “Vendlindja thërret” për shumën që kishte marrë. E, siç thotë Kelmendi, pasi ishte zbuluar se kishte marrë ato para, Haliti kishte thënë se e kishte cilësuar si “sekret ushtarak”.
Ky është shkrimi i plotë i Kelmendit:
NUK ISHIN 8 MILIONË DM, POR 4 MILIONË US-DOLLARË.
Në kuadër të komplotit që po bënte Xhavit Haliti, tashme i ndihmuar edhe nga kolegët marioneta, Ahmet Krasinqi, Bujar Bukoshi dhe Co, ka marrë 4 milionë US $ „ndihma“, por jo për UÇK-në, por për ta komplotuar UÇK-në.
Atëherë Dollari kishte kursin e rreth 2.21 DM, që do të thotë se ka marrë rreth 8.840.000 milionë DM (tetë milionë e tetëqind e katër dhjetë mijë). Ato të holla që i ka pranuar Xhavit Haliti nga „ministri“ Ahmet Krasniqi janë zhduk në „vrimë të zezë“…
Për atë “ndihmo” Xhavit Haliti nuk pat informuar as përgjegjësit e Fondin “Vendlindja thërret”, as strukturat udhëheqëse të Lëvizjes (ku ai bonte pjesë), por pasi kemi zbuluar atë ndodhi ka belbëzuar se e ka çmuar si “sekret ushtarak”.
Për këtë “ndihmo” të “ministrit” Ahmet Krasniqi, dorëzuar Xhavit Halit, ka vite që kam informuar. Zhurmimi aktual po ndodh në kuadër të luftës se pistë për pushtet.
Kurse beteja për BETEJEN E KOSHARËS po vazhdon të shpërdoret për interesa partiake dhe në terren tepër të mjegulluar. Rrëfimi i mbrëmshëm i Anton Qunit ishte edhe një serial i betejës për Betejen e Kosharës, tashmë e mitizuar dhe e legjendarizuar në shumo variante…
Kreu për BE-në në Bundestag paralajmëron Ramën: Nuk e ke kaluar provimin, Gjermania nuk ka vendosur ende
Pas rekomandimit pozitiv për çeljen e negociatave me Shqipërinë, ka reaguar kryetari i Komisionit parlamentar për çështjet e BE-së, Gunther Krichbaum.
Në një prononcim për DË shqip, zyrtari i qeverisë gjermane tha se rekomandimi i Komisionit Europian nuk mjafton për hapjen e negociatave për Bundestagun gjerman.
“Perspektiva e Shqipërisë në BE është realiste. Shqipëria është kandidate, por ne do ta lexojmë me vëmendje raportin e progresit. Sepse nuk mjafton vetëm rekomandimi i Komisionit të BE-së për hapjen e kapitujve të anëtarësimit. Ne si Komision i Europës, por edhe unë personalisht dua të konsultoj edhe raportet e tjera për të marr këtë vendim, si për shembull raportin e Transparency International, raportin e Ëorld Bank dhe raporte të tjera ndërkombëtare. Ne, si grup parlamentar i CDU-CSU, kemi formuluar në nëntorin e parvjetshëm pika shumë të qarta, dhe tani duam të dimë se sa janë plotësuar ato. Do të krahasojmë se sa ka ndryshuar situata nga nëntori i vitit 2016 deri në prill 2018 dhe vetëm nëse vërejmë se ka pasur përmirësime thelbësore, do të miratojmë hapjen e negociatave të anëtarësimit.“-është shprehur Krichbaum.
Penalltia e Realit dhe reagimi i Buffon/ Vjen reagimi i fortë i presidentit të UEFA
Në Itali dhe Gjermani, tashmë është aktive, në ligat e tjera do të jetë, apo kanë nisur disa eksperimente të thjeshta. VAR është gati për të pushtuar Europën, me përjashtim të Ligës së Kampionëve, ku ende nuk janë hedhur hapa përpara në drejtim të teknologjisë.
Presidenti i UEFA-s, Aleksandër Ceferin, duke folur për “La Gazzetta dello Sport”, është i qartë në këtë pikë: “Liga e Kampionëve është si një “Ferrari”, ose “Porsche”. Pra, nuk mund t’i përzinë ato menjëherë, pa pasur produktin e testimit dhe të gjithë të kuptojnë se si funksionon. Eshtë herët për VAR. Realisht, ne mund të kemi atë në sezonin 2019-2020, në Ligën e Kampionëve dhe Ligën e Europës”.
Kreu i UEFA-s ka folur edhe për polemikat e fundit juventine, në lidhje me penalltinë e minutës së 93-të, që i eliminojnë bardhezinjtë nga Championsi, kundër Real Madridit. “Çfarë do të ndryshoja te Real Madrid-Juventus? Asgjë. Ka nga ata që e panë atë rast njëzet herë, unë e kam parë pesëdhjetë herë, por gjysma e njerëzve është e bindur për penallti, gjysma tjetër jo. Buffon? Çfarë tha ai, nuk ishte e drejtë. Megjithatë, nga pikëpamja e atij që ishte duke luajtur, unë e kuptoj frustrimin dhe zhgënjimi i tij, që të humbasë një ndeshje nga një penallti e minutës së 93-të. Ju mendoni se e keni humbur rastin”.
Presidenti Andrea Agnelli, në vend të kryesorit anglez, sulmoi dizenjatorin e arbitrave të UEFA-s, italianin Collina. Për presidentin e UEFA-s, ai nuk ka faj: “Collina nuk është për tu fajësuar. Është si trajneri, që zgjedh ekipin. Ti zgjedh lojtarët më të mirë në formacion për të fituar, pastaj mund të ndodhin gjëra të diskutueshme. Na pëlqen Collina, ai i ka dhënë aq shumë UEFA-s. Unë kurrë nuk i ndërhyj, ai vendos me profesionalizmin e tij. Ka mbështetjen time të plotë”.
Raporti i BE nxin Ramën për koncesionet dhe inceneratorët: Do t’u kushtojnë shqiptarëve 230 miliardë lekë
Qeveria shqiptare habiti ekspertët mjedisorë disa vite më parë, kur pa pritur dha një kontratë koncesionare me propozim të pakërkuar për ndërtimin e një incerneratori në Elbasan. Habia konsistonte në faktin që strategjia kombëtare për menaxhimin e mbetjeve urbane nuk parashikonte nevojë për ndërtimin e incerneratorëve si një mënyrë për zvogëlimin e volumit të mbetjeve. Strategjia, e miratuar vite më parë, vlerësonte se grumbullimi i duhur dhe rritja e shkallës së riciklimit të mbetjeve i mjaftonin një vendi të vogël si Shqipëria për të menaxhuar mbetjet për dekadat e ardhshme, kryesisht për shkak se prodhimi i mbetjeve në vend është i ulët, i kushtëzuar nga niveli i ulët ekonomik si dhe nga fakti se zvogëlimi i volumit të mbetjeve me djegie është forma më e kushtueshme e menaxhimit të problemit.
Por qeveria jo vetëm që dha ndërtimin me koncesion të një inceneratori në Elbasan, që do t’i kushtojë shqiptarëve 3.3 miliardë lekë nga taksat e tyre, por vijoi me planet për të ndërtuar, sërish me koncesion, një incernerator në Fier dhe një tjetër, shumë të madh dhe të kushtueshëm, në Tiranë. Nëse do të ndërtohet, incerneratori i Fierit do t’i kushtojë taksapaguesve 4 miliardë lekë ndërsa ai i Tiranës, mund t’i kushtojë taksapaguesve rreth 16 miliardë lekë, për një total prej mbi 23 miliardësh (ë reja) ose afro 176 milionë euro.
Por ka vetëm një problem: incernetatorët kanë dalë nga moda dhe përdorimi i tyre po diskurajohet në shumë vende për disa arsye praktike: e para, incerneratorët janë në konflikt me riciklimin, metoda e parapëlqyer e menaxhimit të mbetjeve, si për shkak të kostos ekonomike më të ulët ashtu edhe për shkak të përfitimeve mjedisore më të larta. E dyta, incerneratorët janë të kushtueshëm, forma më e kushtueshme e menaxhimit të mbetjeve që bota njeh aktualisht.
Bashkimi Europian e bëri të qartë këtë me një fjali të shkurtër në Raportin e Progresit të Shqipërisë të publikuar të martën:
“Ndërtimi i një incerneratori në Elbasan, i cili filloi të operojë vitin e kaluar dhe planet për investime të mëtejshme në incerneratorë përbëjnë një shqetësim në termat e respektimit të parimeve të BE-së për shkak se groposja dhe incernerimi janë opsionet më pak të pëlqyera të menaxhimit të mbetjeve.” [Link Raporti i Progresit]
Raporti në kapitullin e mjedisit e konsideron Shqipërinë një vend me “nivel të ulët të përgatitjes” për anëtarësim ndërsa vlerëson se ecuria nga raporti i fundit i progresit i publikuar më 2016 është “e pakët”.
Shqipëria, thotë raporti, nuk ka instrumentet e nevojshme ekonomike për të promovuar riciklimin e mbetjeve në vend të groposjes apo djegies së tyre, ndërsa vlerëson se kriteret për dhënien e lejeve mjedisore për ndërtime hidrocentralesh apo resortesh turistike në zonat e mbrojtura nuk janë në përputhje me rregullat e BE-së.
Qeveria shqiptare është kritikuar nga Fondi Monetar Ndërkombëtar dhe Banka Botërore për praktikën e dhënies së koncesioneve, veçanërisht koncesioneve të pakërkuara siç është rasti i incerneratorëve, për shkak se sipas FMN-së, “kapacitetet e qeverisë për të vlerësuar kostot dhe përfitimet” e koncesioneve janë “të pamjaftueshme” për të garantuar se këto koncesione janë në përputhje me interesin publik. Qeveria ka refuzuar të dëgjojë këto këshilla deri tani. Por planet e saj për ndërtimin e incerneratorit të dytë në fshatin Verri të Fierit kanë hasur kundërshtimet e ashpra të banorëve të zonës.
Kryeministri Rama ka deklaruar se dëshiron të bindë banorët e Fierit se projekti i incerneratorit “nuk sjell ndotje, por ky projekt sjell ekonomi, sjell punësim, sjell zhvillim.”
Gjithsesi, siç shkruhet edhe në Raportin e Progresit, banorët e fshatit Verri nuk janë të vetmit që mendojnë se incerneratori është vetëm një gjë e mirë.
Aktualisht Shqipëria nuk ka një sistem “të integruar” për menaxhimin e mbetjeve urbane. Një pjesë e madhe e territorit të vendit nuk kanë fare sistem grumbullimi të mbetjeve ndërsa proceset e riciklimit pothuajse nuk ekzistojnë në mënyrë të organizuar. Megjithatë, një pjesë jo e vogël e mbetjeve, veçanërisht metaleve, plastikës dhe letrës, të cilat kanë një vlerë relativisht të lartë tregtare, riciklohen falë punës së shtresave më të varfra të shoqërisë. Incerneratorët rrezikojnë të dëmtojnë pikërisht riciklimin e letrës dhe plastikës, pasi janë dy llojet e mbetjeve që mund të digjen në këto impjante. Llojet kryesore të mbetjeve si qelqi, nuk digjen në incerneratorë ndërsa mbetjet organike janë shumë të kushtueshme për t’u djegur për shkak të përmbajtjes së ulët energjetike që kanë.
Raporti i KE për ekonominë jo vetëm për të qeshur: U rrit punësimi në grupmoshën 64 vjeç
Komisioni Europian, në raportin e vitit 2018 për Shqipërinë, që shoqëron komunikimin për politikën e zgjerimit të Bashkimit Europian i ka kushtuar një hapësirë të rëndësishme kapitujve për zhvillimin ekonomik dhe konkurrueshmërinë e vendit.
Raporti thekson se Shqipëria ka bërë disa përparime dhe është e përgatitur mesatarisht në zhvillimin e një ekonomie tregu funksionale. Raporti i borxhit publik ndaj PBB-së dhe deficiti i llogarisë korrente u zvogëluan. Rritja ekonomike u rrit më tej dhe papunësia është në ulje, por është ende e lartë.
Kreditë me probleme (NPL) në sektorin bankar janë zvogëluar, por kreditimi bankar ndaj bizneseve mbetet i ngadaltë. Reformat thelbësore për përmirësimin e mjedisit të biznesit kanë përparuar, por kërkojnë përpjekje të mëtejshme. Reforma gjithëpërfshirëse gjyqësore ka avancuar, por duhet të zbatohet plotësisht. Ligji i ri i falimentimit ka hyrë në fuqi dhe duhet të forcojë regjimin e falimentimit. Megjithatë, rregulloret relevante për biznes mbetën të komplikuaradhe mangësitë në sundimin e ligjit vazhduan të pengonin bizneset dhe të frenonin investimet.
Për të mbështetur rritjen afatgjatë, raporti thekson se Shqipëria duhet t’i kushtojë vëmendje të veçantë:
→ të vazhdojë konsolidimin fiskal për të përmbushur objektivin afatmesëm për reduktimin e borxhit publik dhe për të krijuar më shumë hapësirë për manovrim të politikës fiskale;
→ të forcojë më tej stabilitetin financiar duke vazhduar të promovojë zgjidhjen e NPL-ve dhe përdorimin e monedhës vendase;
→ të zvogëlojë ekonominë joformale, duke përfshirë punën e padeklaruar.
Përkundër legjislacionit të ri dhe masave të tjera, mjedisi i biznesit mbetet një pengesë për performancën e konkurrencës dhe të rritjes së Shqipërisë, thekson raporti.
Pengesat e tepërta rregullatore dhe procedurale përbëjnë një kufizim tjetër të rëndësishëm për biznesin. Qasja në financat formale, sidomos në fazën fillestare të një biznesi, mbetet një sfidë për firmat.
Mangësitë në sundimin e ligjit vazhdojnë të pengojnë mjedisin e biznesit, edhe pse reforma e drejtësisë ka përparuar. Përkundër masave të marra për të adresuar ekonominë joformale, ajo vlerësohet të përbëjnë të paktën një të tretën e PBB-së. Kjo po shkakton humbje nga të ardhurat nga taksat, mungesë të mbrojtjes së punës dhe konkurrencë të padrejtë midis firmave. Zbatimi joefektiv i kontratave, të drejtat e pasigurta të pronësisë dhe prevalenca e korrupsionit janë shqetësimet kryesore të shprehura në mënyrë të përsëritur nga bizneset. Përparimi në reformën gjyqësore duhet të përkthehet në një mjedis më të favorshëm biznesi. Qeverisja më e mirë, një sistem më i parashikueshëm i taksave, zbatimi i vazhdueshëm i rregullave dhe ofrimi më efikas i shërbimeve publike do të përmirësonte ndjeshëm mjedisin e biznesit, rekomandon raporti.
Aktiviteti më i fortë ekonomik ka përmirësuar kushtet e tregut të punës, por papunësia mbeti e lartë.
Rritja ekonomike vazhdoi të krijojë vende të reja pune në vitin 2017, por me një ritëm më të ulët se në vitin paraprak. Në tre tremujorët e parë, punësimi në grupmoshat 15-64 vjeç u rrit me një ritëm relativisht modest prej 2.5% krahasuar me një vit më parë. Kjo ka lejuar që shkalla e papunësisë të bjerë në 14.3% nga 16.0% në periudhën korresponduese në vitin 2016. Shkalla e papunësisë së të rinjve (që mbulon grupmoshat 15-29 vjeçare) ra nga 29.2% në 26.3%. Përveç mospërputhjeve të konsiderueshme të aftësive, papunësia e lartë vazhdimisht pasqyron ngurtësinë në legjislacionin e tregut të punës dhe mungesën e stimujve për të punuar.
Raporti rekomandon që për të mbështetur rritjen afatgjatë, Shqipëria duhet t’i kushtojë vëmendje të veçantë:
→ të përmirësojë cilësinë e sistemit arsimor, duke përfshirë rritjen e kapacitetit;
→ të zhvillojë kapacitetin për tërheqjen e teknologjive, kërkimin, zhvillimin dhe inovacionin;
→ të rrisë investimet publike në infrastrukturë në mënyrë transparente dhe fiskalisht të përgjegjshme.
Ditën e djeshme, Komisioni Europian rekomandoi hapjen e negociatave me Shqipërinë, por vendimi final duhet të merret në mënyrë unanime nga të 28 anëtarët e BE-së në muajin qershor.
/Monitor/
Kryesore
Continue to the category
