Kryetari i opozitës, Lulzim Basha, ka mbledhur sot në mesditë Komisionin e Emergjencave Civile në Shkodër sëbashku me kryetaren e bashkisë Voltana Ademi.
Basha ka ndjekur me vëmendje raportimin e Ademit për situatën e rënduar dhe deri më sot është i vetmi politikan i lartë që i gjendet pranë pushtetit lokal atje. Basha tha se, situata nuk po shkon drejt përmirësimit, po përkeqësimit të thellë. “Ndaj dhe arsyeja kryesore është tu vihet në ndihmë me të gjitha mjetet dhe mënyrat banorëve të kërcënuar. Do të thotë se moshspallja e emergjencës është përgjegjësi ligjore dhe penale dhe ccdo pasojë në jetën dhe shëndetin e banorëve të bashkisë së Shkodës dhe Vaut të Dejës, është konseguencë e mosveprimit, vepër penale, kriminale, mos shpallja e emergjencës. Ndihmat e ardhura nga qeveria janë të pamjaftueshme.

Puna e bërë deri tani është nga bashkia e Shkodrës, që si asnjë bashki tjetër nuk është përgatitur të përballojë këtë gjendje emergjence e vetme. Kjo është arsyeja pse insistohet prej më shumë se dy javësh me shpalljen e gjendjes së emergjencës”, tha Basha.
Ai vlerësoi përfaqësuesit vendor që prioritet numër një kanë shpëtimin e jetëve. “Apel të gjithë banorëve të vazhdojnë të mbajnë kontaktet me autoritet lokale dhe tu binden këshillave dhe instruksioneve sepse shpëtimi i jetëve njerëzore mbetet prioritet nr. 1. Sot janë mbi 1 mijë familje dhe 800 banesa të rrethuara nga uji. Kjo përbën një gjendje emergjence, këto familje janë në kërcënimin e vazhdueshëm të izolimit, mungesës së ujit të pijshëm. Në një pjesë të madhe të territorit shkollat kanë ndaluar aktiviteitn e tyre ndërkohë që zona bujqësore e blegtorale është shpartalluar në kuptimin ekonomik të fjalës”, vijoi Basha.

Bashkia e Shkodrës ka mbi një javë që po përballet me përmbytjet e ndihmuar nga Forcat e Armatosura. Por, situata po përkeqësohet ditë pas dite.
Në Shkodër situata e përmbytjeve është kaotike. Në ujë janë mbi 5 mijë hektarë tokë dhe 700 shtëpi të rrethuara nga uji në Dajç, Anë të Malit dhe Berdicë. Në Vilun, Baks, Rrjoll si pasojë e stuhisë së erës është rrëzuar transformatori dhe për pasojë janë pa energji elektrike.
Edhe Dajçi është në errësire në disa fshatra nga dëmtimet e shtyllave. Uji ka depertuar edhe në lagjet periferike Ajasëm e Livadhe ku janë 150 shtëpi të rrethuara nga uji. Erozioni ka dëmtuar rëndë argjinaturat në Ças, Pentar dhe Darragjat.

Nga ana tjetër familjet e evakuara kanë shkuar në 75, të cilat i vizitoj nga afër në konviktin “Arben Broci”, kryebashkiakja Voltana Ademi. Pa mësim janë një pjesë e shkollave të Dajçit, ndërsa në Anë të Malit frekuentimi është i vogël. Shkarkimet nga HEC Vau Dejes vijojne me 1 mije meter/kub per sekond.
Ekstremet e motit nuk kanë të ndalur, duke e vështirësuar edhe më shumë situatën në zonat e përmbytura. Dëbora ka prekur prej mengjesit të së premtes (23 mars) edhe Shkodrën, ndonëse fuqia e saj për ta zbardhur territorin e mbingopur me ujë, është e vogël.
Temperaturat janë ulur ndjeshëm dhe përballja e banorëve të këtyre zonave, por edhe strukturave shtetërore me emergjencën bëhet më e vështirë.

Nuk janë një apo apo 5 kulla, por plot 24 kulla ta larta me mbi 25 kate që do ngrihen me lejet urgjente të Veliajt përpara se ti mbarojë mandate si Kryebashkiak. Urgjenca e Ramës për lejet e ndërtimit lidhet me planin masiv të pastrimit të parave të drogës nga kreu i qeverisë.
Çdo ditë e shohim në TV, të mbjellë pemë, por mos e besoni ai po fsheh një plan mizor. Lali Eri ka në plan të ndërtojë jo pak por 24 kulla të reja në Tiranë. Më pak fjalë harrojeni pyllin orbital, këndet e lojërave, parqet e të tjera fjalë të bukura si këto që marrin vlerë vetëm për fushata.
I ftuar mbrëmjen e sotme në emisionin Real Story, të gazetarit Sokol Balla, Veliaj është shprehur se për planin për ndërtimin e këtyre kullave është bazuar tek të dhënat e INSTAT-it, të cilat vënë në dukje se 25 mijë banorë vijnë çdo vit në Tiranë.
“Për lejet e bashkisë kam thënë që patjetër s’do ketë leje sa kohë s’ka plan. Bashkia para nesh sipas kërkesës ashtu i jepte lejet. Bashkia sot ka marrë planin francez te Ramës, ka parë statistikat e INSTAT ku tregohet se vijnë 25 mijë banorë në vit ne Tirane dhe pasi ka hartuar këtë plan, jep këto leje.

Kur ka plan dhe cdo gjë bëhet sipas distancave, jepet leje.
ër kullat trashëguam planin francez për një qendër që do kishte ndërtesa të larta për arsye të thjeshta, as Rama as unë s’kemi cënuar kurrë hapësirën publike, ka qenë private gjithmonë, është 10 fishuar taksa, është fushë që rrit punësimin”, tha Veliaj.

Baroni i drogës, Met Kanani i arrestuar dje në Turqi me 1.1 ton drogë ka lidhje me Balilin, Habilajt dhe Tahirin. Ai trafikonte drogë drejt Turqisë që nga viti 2015. Një qytear, i është drejtuar me një mesazh ish-Kryeministrit Berisha ku shkruan për lidhjet e baronit të drogës me zyrtarë të lartë të PS.
“Baroni i drogës “Ujku i Detit” lidhje te ngushta me kupolen më të lartë të PS!
Lexoni mesazhi e oficerit dixhital!”, shkruan Berisha në Facebook.
“Mirembrema Dr jam oficer policie. Baroni i droges Met Kanani i kapur dje ne Turqi eshte nje nder eksponetet e trafikut te droges me te fuqishem te jugut, me origjin nga Patosi me lidhje shume te forta politike me kupolen me te larte te Partise Socialite ministra dhe qeveritar te majte vendor Ai esht bizesmen dhe sponsorizus i rendesishem ityre prej vitesh . Ky person ka qe nga viti 2015 qe i ishte vene nofka nga autoritetet nderkombetare “ujku i detir” dhe ka trfikuar me nje super skaf ne Turqi, Greqi dhe Itali lende narkotike canabis stativa dhe heroine dhe arme. Ka burime te forta qe ky klan ka punuar me Klement Balilin dhe Habilajt e Tahirit. Eshte ne kerkim nderkombetar ne disa shtete te BE”, shkruan qytetari.

Si u kap në Turqi kanabis shqiptar 5.2 milionë euro
Sasi prej 1 ton e 100 kg drogë e llojit kanabis usekuestrua dje nga policia metropolitane e Stambollit, duke çuar në pranga 11 shqiptarë. Mediat turke bënin me dije se droga i përket të ashtuquajturit grupi “Met shqiptar”, nofkë kjo e marrë nga baroni ndërkombëtar i drogës Meta Kanan.
Ekipet e policisë shkëmbyen të dhëna me autoritetet shqiptarë në lidhje me dërgesat e drogës në fillim të këtij muaji.
Lënda narkotike është transportuar me anije dhe dyshohet nga Shqipëria, ndërsa autoritetet turke e kanë mbajtur grupin nën vëzhgim, përfshirë edhe kreun e bandës.
“Trt Habe”shkruan se droga është transportuar nga Shqipëria me jahte, ndërsa në operacion janë përfshirë 250 punonjës policie.
Hetimet për grupin kanë zgjatur rreth 6 muaj dhe në pranga kanë përfunduar edhe 4 organizatorët. Gjithashtu, mediat turke shkruajnë se autoritetet shqiptare nuk e kishin arrestuar kurrë personin e njohur me nofkën “Meta Kanan”, i akuzuar për trafik ndërkombëtare të drogës.
Vlera e sasisë së drogës në tregun me pakicë do t’i sillte grupit një fitim prej 25 milionë lirash turke, e konvertuar afërsisht prej 5.1 mln euro. 11 persona që janë në paraburgim duke përfshirë baronin e drogës.

Një person është vrarë ndërsa një tjetër është plagosur gjatë përplasjes me armë me policinë në orët e para të mëngjesit në qytetin e Fierit.
Ngjarja ka ndodhur rreth orës 03:00 të 23 marsit 2018 në lagjen “29 Nëntori”. Policia thotë se personat që kanë tentuar të grabisin kanë qenë të armatosur dhe me maska.
Tentativa e grabitjes
Hajdutët, që mendohet se kanë qenë 4, kanë hipur në katin e tretë të një pallati për të grabitur banesën e Minella Muçi duke thyer drynin e derës. Familjarët kanë ndjerë dhe menjëherë kanë njoftuar policinë.
Përplasja
Burimet bënë të ditur se, personat që janë përplasur me policinë kanë qenë me pistoletë dhe kallashnikov.
“Në kushtet e reagimit propocional, nga shkëmbimi i zjarrit, njëri nga autorët është plagosur dhe një tjetër ka gjetur vdekjen.

Të dy ata ishin të maskuar e të armatosur me pistoleta, të cilat u sekuestruan në cilësinë e provës materiale.
Autorët e tjerë, që dyshohet se janë edhe dy, duke qëlluar në drejtim të punonjësve të policisë janë larguar duke përfituar nga errësira dhe kushtet e motit, me një mjet ende të paidentifikuar. Nga rradhët e Policisë së Shtetit nuk ka të lënduar” informoi policia permes njoftimit të orës 07:20.
Si qëlluan policine me kallashnikov e pistolete
Gazetarja informon: Autorët e grabitjes kanë tentuar të hapin dyert e dy banesave, të Minella Muçit dhe të fqinjit të tij. I plagosuri Arben Muçi ka qenë tek hyrja me kallashnikov dhe ka qëlluar i pari policinë. Më pas ka zbritur personi i cili është vrarë nga policia. Ky ka pasur 2 pistoleta dhe ka qëlluar kundrejt policisë. Në këtë moment policia ka shtënë kundër tij dhe ka mbetur vdekur në vend.

Kush ishin maskat?
Mendohet se njëri prej grabitësve është nga Fieri, tre janë nga Puka. I plagosuri i identifikuar si Arben Muçi, 47 vjeç ndodhet në spitalin e Fierit jashtë rrezikut për jetën. Ende nuk dihet identiteti i grabitësit të vrarë.
Ne ndjekje te dy autoreve te larguar
Policia ka nisur kërkimet për arrestimin e dy personave të tjere te cilet edhe ata kanë qelluar ne drejtim te punonjësve të policisë. Ata janë larguar duke përfituar nga errësira dhe kushtet e motit, me një mjet ende të paidentifikuar. Kanë nisur hetimet me pika kontrolli në hyrje-daljet e qytetit.
Në vendin e ngjarjes janë sekuestruar një numër i konsiderueshëm provash materiale.