20.4 C
Tirana
E hënë, 19 Maj, 2025

Pasi u diskredituan me tezën ruse, tani po fajësojnë Facebook për fitoren e Trump

Kompania Facebook është vënë nën kritika të ashpra pas njoftimeve se një firmë që merret me të dhënat e votimeve kishte grumbulluar informacione nga 50 milionë përdorues të këtij gjigandi të medias sociale.
Ligjvënësit amerikanë po kërkojnë përgjigje ndërkohë që aksionet e Facebook-ut në bursë kanë humbur rreth 35 miliardë dollarë nga vlera e tyre.
Kreu i kompanisë, Mark Zuckerberg e pranon se Facebook-u bëri një gabim, por nuk kërkoi ndjesë. Michelle Quinn e Zërit të Amerikës na njeh me kërcënimet me të cilat përballet kompania.
Çmimi i saj i aksioneve ka rënë. Rregullatorët e tregut si dhe ligjvënësit në SHBA dhe Evropë kërkojnë përgjigje. Ka lindur ndërkohë një lëvizje e re: “Fshije Facebook-un”.
Gjigandi i mediave sociale me më shumë se 2 miliardë përdorues, është në vështirësi pas njoftimeve se të dhënat e 50 milion përdoruesve i janë dhënë një firme që ndihmonte fushatën presidenciale të zotit Donald Trump.

Sipas disa vëzhguesve, polemika e tanishme nxjerr në pah faktin se Facebook-u u ka lejuar të tjerëve qasje tepër të madhe tek të dhënat e përdoruesve.
“Facebook-u gjithmonë u ka dhënë shumë liri firmave të jashtme që krijojnë aplikacione, duke i lejuar të grumbullojnë shumë informacion, por pa i mbikqyrur mjaftueshëm. Si pasojë, kur njëra nga këto mijëra firma shfaq sjellje të keqe, përgjegjësia i ngelet në derë Facebook-ut,” thotë profesori Chris Hoofnagle.
Facebook-u ka kohë që e reklamon veten si një forcë që e bën botën më të lidhur dhe më demokratike. Në të njëjtën kohë, ai grumbullon sasi të mëdha të dhënash për njerëzit, të cilat mund të keqpërdoren për të minuar demokracitë.
Kritikët thonë se është çasti që të gjitha kompanitë e mediave sociale t’i rishikojnë me ndershmëri veprimet e tyre.
“Është e rëndësishme që kompanitë si Facebook-u të ndalen pak dhe të kuptojnë se janë zgjedhjet që ata bëjnë në strategjinë e tyre të dizajnit dhe të monetizimit që përcaktojnë pritshmëritë e përdoruesve të tyre.

Kjo strategji nuk mund të vazhdojë më tej. Tani ato duhet të japin llogari për atë bënë vetë,” thotë Michelle de Mooy e Qendrës për Demokracinë dhe Teknologjinë.
Kreu ekzekutiv i Facebook-ut, Mark Zuckerberg foli për polemikat dje, duke u zotuar se do të auditojë mijëra aplikacione që përdorin të dhëna nga Facebook-u. Ai premtoi se firma do të mbrojë më mirë informacionin e përdoruesve. Por shumë gjëra do të varen nga ajo se sa do të mbahen këto premtime.
“Facebook-u ka qenë shpesh objekt polemikash në të kaluarën, shumë prej të cilave ka mundur t’i kalojë shpejt duke kërkuar ndjesë dhe duke ritheksuar vlerën e tij si mjet që e mban botën të lidhur. Por nëse njerëzit nuk e besojnë më këtë argument, Facebook-u do të ndodhej përballë një kërcënimi ekzistencial. Nëse ata e vënë gishtin te fenomene të tilla si Brexit, Trump apo Putin dhe thonë se ju vërtet po e lidhni botën por ajo po bëhet një botë më e keqe, atëherë mendoj se Facebook-u nuk i ka punët mirë,” thotë profesori Chris Hoofnagle.
Për Facebook-un dhe 2 miliardë përdoruesit e tij, kjo është një sfidë e madhe.

Trump i vendos sanksione ekonomike Kinës, tarifa në vlerën e 60 miliardë dollarëve

President Donald Trump signs a Presidential Memorandum imposing tariffs and investment restrictions on China, in the Diplomatic Reception Room of the White House, Thursday, March 22, 2018, in Washington. (AP Photo/Evan Vucci)

Presidenti Donald Trump nënshkroi të enjten një dokument, që i hap rrugën tarifave të reja me vlerën e 60 miliardë dollarëve ndaj importeve kineze, që mund të çojnë në një luftë tregare me Pekinin. Kjo masë kundër Kinës është pjesërisht në përgjigje të vjedhjes dhe transferimit jo të ligjshëm të teknologjisë amerikane tek kompanitë kineze.
“Po ndodh një vjedhje e jashtëzakonshme e pronës intelektuale”, tha Presidenti Trump.
Ai tha se Shtetet e Bashkuara duan që të zhvillohet tregti reciproke dhe të ketë një marrëveshje për tarifat me Kinën dhe me vende të tjera.
“Në se ata na bëjnë të paguajmë, të njëjtën gjë do bëjmë edhe ne”- komentoi Presidenti Trump në Shtëpinë e Bardhë.
Gjatë presidencës së tij 14-mujore, Trump e ka vlerësuar shpesh Presidentin kinez Xi Jinping, duke cituar marrëdhëniet e mira që ka me të. Por Trump vazhdimisht është ankuar për deficitin vjetor tregtar të Shteteve të Bashkuara me Kinën, me vlerën e 375 miliardë dollarëve, si arsye për vendosjen e kufizimeve të reja. Ai tha se me rritjen e tarifave tregtare, ai shpreson ta shkurtojë deficitin tregtar me Kinën, me 100 miliardë dollarë në vit.

Pekini thotë se askush nuk i fiton luftërat tregëtare, por nuk po tërhiqet nga kjo sfidë.
“Kina nuk dëshiron luftë tregtare me askënd. Por nëse dikush na detyron të luftojmë, nuk do të frikësohemi e as do të fshihemi. Nëse Shtetet e Bashkuara ndërmarrin veprime që dëmtojnë interesat kineze, atëherë Kina do të duhet të ndërmarrë hapa të domosdoshme dhe të nevojshme për t’u përgjigjur dhe mbrojtur interesat tona legjitime”, tha Hua Chunying, zëdhënëse e Ministrisë së Jashme kineze.
Në janar, presidenti Trump vendosi tarifa mbi industrinë e paneleve diellore të dominuar nga kompanitë kineze.
Grupet tregtare që përfaqësojnë gjigandët amerikanë të shitjes me pakicë, si Ëalmart dhe kompanitë e teknologjisë, përfshirë Apple, paralajmërojnë se tarifat e reja do të rrisnin çmimet për konsumatorët në Shtetet e Bashkuara dhe mund të mos bëjnë sa duhet për të pakësuar deficitin tregtar.

Ndodhi edhe kjo, e diplomuar në Holandë dhe Angli, ministria e Arsimit nuk i njeh anglishten

Juna Musa është një studente shqiptare e cila ka studiuar për mjekësi jashtë Shqipërisë në Holandë dhe Angli. Ajo është rikthyer për të bërë specializimin në vendin e saj, por ministria e Arsimit nuk I njeh anglishten.
E ftuar në emisionin e lajmeve të Ora News me gazetaren Ilva Tare studentja ka rrëfyer të gjitha vështirësitë që ka hasur në Fakultet dhe ministri.
Juna Musa: Dje ishte data e fundit për tu regjistruar për specializimin e mjekësisë dhe nuk ma dhanë të drejtën për të konkurruar sepse gjithë dokumentat i kisha në rregull dhe nuk më njifnin anglishten që kam bërë në Holandë dhe Angli. Kjo është absurde!
Unë u riktheva në vendin tim për të dhënë kontributin meqënëse unë përfitova nga një bursë ekselence të fituar nga BE si kuotë e shtetit shqiptar ndërmjetësuar nga Fakulteti i Mjekësisë.
Po cfarë kërkon ajo nga ministria e Arsimit?

Juna Musa: Unë kërkoj që Ministria e Arsimit, së bashku me dekanin dhe rektorin kur të bëjnë rregulloren ta bëjnë të plotë dhe jo një rregullore të thatë dhe të kenë sa më shumë komunikim me studentët. Ata gjoja po ushtrojnë një politikë që mos ti largojnë mjekët por në rastin tim nuk ndodhi ashtu dhe në rastin e shumë studentëve të tjerë që mbase nuk kanë guxim që të shprehin problematikat.
Juna Musa tha se është e gatshme të hedhë në gjyq ministrinë e Arsimit, duke ia shprehur shqetësimin e saj edhe zyrës së Bashkimit Europian.
Juna Musa: Unë jam e gatshme që ti hedh në gjyq për dëmshpërblim për dëmtimin moral që më kanë bërë dhe nuk do resht së hequri dorë. Unë i kam shkruar edhe zyrës së BE që merret me këto cështje dhe nëse ajo vendos të hedhë në gjyq ministrinë e Arsimit për këtë budallik që ka bërë duke qenë unë viktima atëherë ata do të marrin dhe një gjobë shumë të madhe.

Rekomandimi i KQZ: Zgjedhjet vendore me sistem proporcional, të votohet me 1 fletë

Në një raport prej 13 faqesh, Komisioni Qëndror i Zgjedhjeve i ka përcjellë Komisionit të Posaçëm Parlamentar disa propozime të rëndësishme në lidhje me reformën zgjedhore.
Të ndara në disa kategori, ku më kryesoret ishin forcimi i sistemit zgjedhor, financimi i partive politike dhe për pasqyrimin e fushatës në media, Komisioni Qëndror i Zgjedhjeve propozon që në zgjedhjet e ardhshme vendore sistemi zgjedhor të jetë proporcional në nivel bashkie.
Pra votimi të bëhet me një fletë duke votuar vetëm për partinë dhe jo për kandidatin.
“Një sistem zgjedhor proporcional vendor do përforconte efektin dhe do i plotësonte më shpejt objektivat politiko ligjore të sistemit zgjedhor të ri; Një sistem unik votimi për zgjedhjet vendore do të thotë një votim, në vend të dy votimeve që kemi sot, një fletë votimi në vend të dy fletëve”.
Kjo do të thotë që kryetarin e bashkisë nuk e zgjedhin direkt qytetarët por këshillatrët bashkiakë që përbëjnë shumicën.
Qëllimi i kësaj sipas KQZ është të eliminojë dualitetin e pushtetit Kryetar – Këshill Bashkiak, i cili jo në pak rastë është bërë burim konfliktualiteti ose krizash qeverisjeje në nivel lokal.

“Demokracia vendore në Shqipëri dukshëm ndjen sot nevojën për rritjen e përgjegjësive dhe rolit të këshillave, shndërrimit të tyre në “parlamente” të mirëfillta vendore, si dhe shndërrimin e kryetarëve në ‘ekzekutiv” të mirëfilltë, i cili votëbesohet dhe eventualisht humb votbesimin e këshillit”.
Për sa i përket pasqyrimit të fushatës në media, KQZ rekomandon që Bordi i Monitorimit të Mediave të ngrihet shumë kohë përpara zgjedhjeve për të mos lejuar pasqyrimin e aktiviteteteve elektorale të partive të cilat nisin shumë më herët se 30 ditët e parashikuara.
“Kodi Zgjedhor duhet të parashikojë një formulim të qartë të ndalimit të pasqyrimit në media të veprimtarive me karakter elektoral, jashtë perudhës së fushatës zgjedhore dhe sanksionet përkatëse në rast të shkeljeve së tyre”.
Në fushatë përfshihet edhe portalet online për të cilat KQZ kërkon që të kenë pronësinë dhe përgjegjësinë ligjore të qartë dhe nëse nuk i kanë, kjo mund të sjellë mbylljen e tyre
Financimi i Partive Politike është një detyrë e vësjtirë që KQZ e ka të pamundur ta kryjë e vetme.

Në rekomandimet e saj, Komisioni kërkon që të ulet pragu i donacioneve që i bëhen partive nga 1 milion lekë të vjetra në 150 euro. “Pragu prej 1 mln lekë është shumë i lartë dhe lë shteg që të pengohet bërja e transparencës së burimeve të financimit nën këtë shumë. Pragu deri në 150 euro, sa paga minimale, i shërben ndjeshëm më mirë nevojës për transparencë që kërkon sot Shqipëria”.
Nisur nga problematika e zgjedhjeve të kaluara ku u shkelën të gjitha afatet e regjistrimit të partive politike në zgjedhje, Komisioni Qëndror i Zgjedhjeve kërkon që të rishikohen afatet e regjistrimit të partive për të mos rrezikuar më.
Një tjetër propozim lidhet me depolitizimin e komisionerëve partiakë në votim dhe numërim dhe uljen e numrit të grupeve të numërimit nga 4 në 3.
KQZ propozon që nëse partitë politike nuk kanë besim tek komisionerët e tyre mund t’i shkarkojnë por pa të drejtë zëvendësimi.
Zëvendësimi i tyre do të bëhet nga specialistë të trajnuar që do t’i emërojë KQZ. /Ora News/

Shifra e çmendur, 661.5 miliardë lekë i paguajmë Ramës për koncesionet me taksa, Open Data: Lista e 243 kontratave

Open Data Albania ka hulumtuar mbi kontratat koncesionare apo të partneritetit Privat Publik PPP, të cilat janë lidhur ndër vite. Hulumtimi bazohet tek të dhëna për kontratat apo marrëveshjet koncesionare sipas një evidentimi të bërë në dokumentin Relacioni për Projekt Buxhetin e Shtetit 2018.
Kontratat janë ndarë sipas sektorëve ekonomik. Kontratat koncesionare dhe PPP apo marrëveshjet janë mjaft dinamike. Vlerat e parashikuara janë të lidhura me efekte realizimi dhe mosrealizimi sikurse me efekte të ndryshimeve shtesave apo riformulimeve që ju bëhet kontratave.
Gjithashtu këto lloj kontratash kanë një shtrirje të gjatë në kohë dhe shpesh regjime apo referenca ekonomike të tregut, sjellin ndryshime të mundshme në parashikime dhe realizime të kontratës.
Sipas listës të publikuar nga Ministria e Financave, në total janë dyqind e njëzet e tre kontrata koncesionare, të ndarë në gjashtë sektorë: Sektori i Energjisë, Sektori i Transportit; Sektori i Shëndetësisë; Sektori Tatimor dhe Doganor; Sektori i Mjedisit; Sektori i Bujqësisë.

• Vlera e përllogaritur e kontratave koncesionare është pesëqind e katër miliardë pikë tetë lekë (504.8 mld lekë). Për vitin 2018 janë parashikuar edhe tetë kontrata të reja koncesionare. Në total vlera e koncesioneve ekzistuese dhe të parashikuara llogaritet 661,594,257,243 lekë.
• Sektori që ka peshën më të madhe të kontratve në vlerë është Energjia, me 75 për qind të totalit të vlerës. Në total ky sektor numëron një qind e tetëdhjetë e pesë kontrata (185) nga 223 kontrata që janë në total, me një vlerë prej 379.4 miliardë lekësh.
Të gjitha kontratat koncesionare të këtij sektori janë të llojit Ndërtim, Operim, dhe Transferim/Mirëmbajtje hidroncetrali. Kontrata me peshën më lartë ndaj totalit të vlerës së këtij sektori është kontrata koncesionare e Ndërtim, operim dhe transferim hidrocentrali Kaskada e Devollit, me një vlerë prej 130 miliardë lekësh.
• Sektori i dytë me peshë më të lartë për sa i përket vlerës së kontratave është Transporti, me 7 për qind të totalit të vlerës së kontratave, apo 37.5 miliardë lekë. Ky sektor numëron 14 kontrata koncesionare, të ndara sipas llojit në tre kontrata shërbimesh dhe 11 kontrata të Ndërtimit, Operimit dhe Transferimit. Kontrata me vlerën më të lartë në këtë sektor është “Ndërtimi, Operimi dhe Transferimi i Aeroportit “Nënë Tereza””, me një vlerë prej 9.3 miliardë lekë.

Kontrata e dytë me vlerë më të lartë në këtë sektor është kontrata e “Ndërtimi, Operimi dhe Transferimi (BOT) HEC mbi lumin Devoll, rimbursimi i ndërtimit të rrugëve zëvendësuese” me një vlerë prej 7 miliardë lekë. Kjo kontratë realizohet me mbështetje nga buxheti i shtetit.
• Sektori i Shëndetësisë është sektori i tretë me peshën më të lartë për sa i përket vlerës së kontratave të këtij sektori ndaj totalit të shumës së të gjitha kontratave. Të gjitha kontratat e këtij sektori janë me mbështetje buxhetore.
Në sektorin e Shëndetësisë janë lidhur katër kontrata shërbimesh: Ofrimi i setit të personalizuar të instrumenteve kirurgjikale, material mjekësor steril njëpërdorimësh në sallat kirurgjikale, trajtimi i mbetjeve biologjike dhe dezinfektimi i sallave kirurgjikale; Shërbimi i Hemodializës; Ofrimi i Shërbimit të Kontrollit Bazë (Check-Up); Ofrimi i shërbimeve laboratorike spitalore. Në total vlera e koncesioneve e këtij sektori llogaritet 34.2 miliardë lekë.

• Sektori i Tatimeve dhe Dogana ka një faturë koncesionare prej 28.1 miliardë lekë. Ky sektor numëron dy kontrata shërbimesh:Financimi, ngritja dhe operimi i shërbimit të skanimit të konteinerve e automjeteve të tjera në Republikën e Shqipërisë me vlerë 27.6 miliardë lekë; Shërbimi i markimit dhe monitorimit të karburanteve me vlerë 475 milionë lekë.
• Sektori i Mjedisit ka lidhur kontrata me vlerë 25.4 miliardë lekësh. Ky sektor ka tre lloje kontratash të lidhura: një kontratë shërbimesh Menaxhimi dhe zhvillimi teknologjik i prodhimit të fidanëve pyjor, arror në Fidanishten Shtetërore të Cërrikut, Elbasan; tri kontrata të llojit Ndërtim, Operim dhe Mirëmbajtje (të cilat marrin mbështetje nga buxheti i shtetit): Ndërtimi dhe administrimi i impiantit të përpunuar të mbetjeve urbane të qarkut Elbasan; Për ndërtimin e administrimin e Impjantit të trajtimit të mbetjeve urbane të Qarkut Fier dhe prodhimin e energjisë; Inceneratori i Tiranes dhe një kontratë koncesionare shfrytëzimi: Shfrytezimi i Burimit ujor “Sasaj, Bunec”, Sarandë. Inceneratori i Tiranës ka vlerën më të lartë të këtij sektori prej 18.3 miliardë lekë dhe është një kontratë që do të marrë mbështetje nga buxheti i shtetit.

• Sektori i Bujqësisë është sektori me më pak peshë për sa i përket faturës koncesionare me vlerë prej 1.9 milionë lekë. Lloji i kontratës së lidhur është Ndërtim, Operim, Transferim për kultivimin e ullirit deri në 1000 ha, në Kavajë.
Lista dhe Vizualizimet e Koncesioneve ne Artikullin e publikuar tek ODA
Për vitin 2018 janë parashikuar 8 kontrata të reja koncesionare të ndarë sipas sektorëve: 1 në Sektorin e Arsimit; 1 në Sektorin e Shëndetësisë dhe 6 në Sektorin e Transportit.
• Në Sektorin e Arsimit parashikohet ndërtimi me koncesion i 17 shkollave në Bashkinë Tiranë me një vlerë prej 6.4 miliardë lekë.
• Ndertim, Operim, Transferim i Spitalit Rajonal Fier me koncesion ka një vlerë prej 9.5 miliardë lekësh.
• Në sektorin e Transportit për 2018-ën parashikohen të fillojë ndërtimi me koncesion për këto projekte: Ndertimi dhe Operimi i Aksit Tirane-Thumane-Vore; Ndertimi dhe Operimi i Rruges Kardhiq – Delvine; Ndertimi dhe Operimi i Rruges Kashar – Rrogozhine; Ndertimi dhe Operimi i Rruges Milot – Balldren; Ndertimi dhe Operimi i Rruges Orikum – Himare; Ndertimi dhe Operimi i Rrugës se Arbrit.

Evgeny Morozov: “Ia kemi dorëzuar jetët tona Big Tech”

“Shpesh qytetarët do ta zbulojnë se do t’u duhet të paguajnë për postën elektronike apo për kërkimet” –
“Manipulimi i shënjestruar i procesit politik ekziston të paktën qysh nga fillimi i Luftës së Ftohtë. Tani ka dalë në sipërfaqe, shumë do ta braktisin vizionin e tyre teorik lidhur me funksionimin e demokracisë dhe do të kuptojnë se shpesh ai kalon nga kompani të errëta si Cambridge Analytica”
“Është në zhvillim një ndeshje vdekjeprurëse midis kompanive me standarte etike mjaft të ulëta. Në dekadën e parë të ekzistencës së tij, Facebook ka pasur nevojë për zhvillues të jashtëm për të ndërtuar funksionalitete dhe aplikacione. Në shkëmbim i ka ofruar të dhënat dhe inxhinierë dinakë kanë përfituar dhe i kanë komercializuar me analistë, si për shembull Cambridge Analytica. Vetëm tani rrjeti social gëzon të drejta thuajse ekskluzive mbi të dhënat”. Evgeny Morozov është një gazetar e sociology bjellorus, komentator i “The Guardian” dhe ndër ekspertët më të mëdhenj të internetit e mjeteve të komunikimit.

-Mesazhet e treguara nga fushata e Trump mbi bazën e rezultateve të Cambridge Analytica kanë bërë diferencën në përcaktimin e rezultatit elektoral?
Po, por nuk duhet t’i fryjmë. Jam skeptik për efikasitetin e këtyre të dhënave. Për shembull, publiciteti online është gjithnjë e më i dobët. Nuk arrin as të bindë njerëzit që të blejnë një palë këpucë. Burimi kryesor i propagandës dhe i manipulimit mendor në Amerikë mbetet televizioni: impakti i Fox News është shumë më i fortë si i këtyre reklamave online. Pastaj, kompani si puna e Cambridge Analytica ushqehen më para publike falë kontratave me Departamentin amerikan të Shtetit, NATO-n dhe institucione të tjera të ngjashme. Bile qeveria amerikane pati arritur deri aty sa ta quante “diplomacia publike 2.0”.

-Domethënë gjithçka ishte e njohur tashmë?
Manipulimi i shënjestruar i procesit politik ekziston të paktën qysh nga fillimi i Luftës së Ftohtë. Tani ka dalë në sipërfaqe, shumë do ta braktisin vizionin e tyre teorik lidhur me funksionimin e demokracisë dhe do ta kuptojnë se se shpesh ai kalon nga kompani të errëta si Cambridge Analytica, anipse joefikase. Vetëm pak vite më parë, Kryeministri juaj Matteo Renzi festonte konsulentët politikë amerikanë si Jim Messina. Qeveritë nuk kishin ndonjë strategji industriale lidhur me dixhitalen, sigurisht jo në Europë. Pasojat më të gjera e këtyre modeleve (varësi, manipulim, spostim vendesh pune) nuk qenë akoma të dukshme. Veç kësaj, kritikët që na kanë paralajmëruar lidhur me këto tema janë marxhinalizuar, pasi “Big Tech” gëzon hegjemoninë në bashkëbisedimin intelektual e politik dhe kanë edhe lobistët për ta bërë një gjë të tillë.

-Kështu do të jetë gjithmonë?
Rregullimi aktual – mallra dhe shërbime falas në shkëmbim të të dhënave – nuk do të zgjasë përjetësisht. Publiciteti online është shumë më i brishtë nga da duket. Aq sa kompanitë me ngarkesën e tyre të të dhënave janë diversifikuar në zona të tjera, përfshi furnizimin e shërbimeve të inteligjencës artificiale për kompani dhe qeveri. Shpejt përdoruesit do të zbulojnë se do t’u takojë të paguajnë për postën elektronike apo për kërkimet e ndryshme. Kostoja e përdorimit është një zgjidhje tashmë e mbështetur nga disa prej investitorëve të parë në Facebook. Është çmimi për t’u paguar pse nuk është investuar në një infrastrukturë dixhitale publike.
(nga Il Fatto Quottidiano)

Përgatiti
ARMIN TIRANA

Sot Shkodra ka nevojë për ndihmën e të gjithëve, lërini LGBT

Dritan KABA

Mbreme, papritmas, doli problemi i propagandes ne gjimnaze i LGBT, qe realisht eshte kunder Familjes dhe Zotit, Ndersa ne shkolla nuk lejohet as politika as feja te beje propagande nuk duhet te lejohet as LGBT, por problemi eshte komplet tjeter. Kjo propagande po lancohet sot se ka vetem nje qellim shmangien e vemendjes se publikut nga permbytjet ne Shkoder. Kjo behet duke ditur fare qarte sensibilitetin e shoqerise per kete lloj propagande.
Do i kerkoja miqve te mije, kjo puna e propagandes se LGBT ne shkolla, pret. Te permbyturit ne Shkoder nuk presin. Ata sot jane jashte vemendjes se Qeverise, jane jashte vemendjes se televizioneve te blera me koncensione e leje ndertimi per kulla. Keta qytetare shqiptare sot jane ne veshtiresi per ekzistence dhe do jene akoma me shume kur te ike uji. Gjendja e tyre do te rendohet edhe me shume per shkak te mos shpalljes se gjendjes se jashtezakonshme nga Qeveria, se nuk do ju demshperbleje kush humbjet. Per ta permbytja do te vazhdoje edhe pas ikjes se ujit.
Kjo shmangie e fokusit eshte nje taktike qeveritare e stilit sorosian. Nje skandal, nje problem, nje afere korruptive kalohet duke i hedhur opinionit nje tjeter edhe me te madh, qofte kjo edhe e sajuar, nese nuk ekziston per momentin.

Me mijera qytetare te Shkodres sot jane ene rrezik per ekzistence,per kete duhet te shqetesohemi sot. Pse Qeveria pa drejtim nuk shpall gjendjen e jashtezakonshme?
Sa per propaganden e LGBT duhet thjeshte nje padi ne gjyq per te shkarkuar nga puna te gjithe ata drejtues qe ambjentet e shkollave i perdorin per propagande, qofte kjo edhe LGBT.
Sot Shkodra ka nevoje per ndihme. Sot duhet te jemi, te gjithe bashke, per te sensilibizuar opinionin qe e lene te shurdher dhe te verber mediat e blera dhe neglizhenca kriminale e Qeverise. Sot duhet te ngreme zerin fort kunder kesaj Qeverie te papergjegjshme.
Sot Shqiptaret jane pa drejtim.

Rama, i vetmi që nuk uron bektashinjtë, ndërsa përgatit edukatën homoseksuale në shkolla

Kreu i qeverisë i ishte i vetmi sot ndër rradhët e politikanëve të lartë, i cili jo vetëm nuk vizioi Kryegjyshatën Botërore të Bektashinjve për festën e Sulltan Novruzit, por madje nuk lëshoi asnjë mesazh urimi për bektashinjtë.
Kryegjyshatën e vizitoi sot Presidenti i Republikës, Meta, i cili lëshoi një mesazh atje. Më pas një mesazh urimi përçoi nga Kryegjyshata Kryetari i PD, Basha, i cili tha se ditëlindja e Imam Aliut është një ditë e shenjtë për bektashinjtë dhe bëri thirrje për bashkim.
Po ashtu një mesazh të përzemërt dha edhe ish-Kryeministri Berisha, i cili po ahstu vizitoi Kryegjyshatën. I vetmi as nuk e vizitoi dhe as nuk lëshoi një mesazh ishte kreu i qeverisë, i cili e ka detyrim nga detyra dhe posti që mban të respektojë të gjitha besimet dhe komunitetet fetare në vend njësoj.
Këtë detyrim nuk mund ta kuptojë vetëm një i papërgjegjshëm si ky që mban kreun e qeverisë. Për bektashinjtë është më mirë që nuk patën sot një urim nga kryenjeriu i veseve dhe hajdutlliqeve në vend sepse ai do ta bënte pis këtë ditë. Duke u larguar nga kjo ditë të pakëtn e la atë në shenjtërinë e vet.

Këtij njeriu i interson feja vetëm si fasadë për ti përdorur lart e poshtë klerikët nëpër parade të turpshme si ajo e Francës dhe ku ai ishte bahskë me to si për të gënjyer botën se qenka ky mashtruesi njeriu që paska sjellë harmoninë fetare në vend.
E ndërsa i largohet festive të besimeve fetare, Rama prej kohësh po mundohet që të fusë në shkolla edukatën homesksuale. Një aktivitet është mbajtur pak ditë më parë në Tiranë në shkollën e mesme Petro Nini Luarasi ku kreu i Bashkisë, Veliaj nën udhëzimet e shefit në qeveri ka dërguar dy transgjinorë për të mbajtur leksione në një klasat e kësaj shkolle.
Duke pasur një Kryeministër të devijuar seksualisht dhe mendërisht është normale që të mos njohë shenjtërinë e fesë dhe mësimet që ajo përcjell për shenjtërinë e familjes dhe marrëdhënieve burrë-grua.

Plas tek PS! Drejtori i Ujësjellësit të Tepelenës bën “leckë” tek Rama kryebashkiakun e Memaliajt

Lufta brenda llojit në PS e Tepelenës sapo ka startuar dhe duket se nuk do të jetë e lehtë për protagonistët e saj. Njeriu i besuar i Tërmet Pecit që është drejtor i Ujësjellësit të Tepelenës Arben Kacorri, ka sulmuar ashpër dhe akuzon për vjedhje kryetarin e Bashkisë së Memaliajt Durim Roshi. Këtë Kacorri ka zgjedhur t’a ndajë vetëm me kryetarin e partisë së tij në qendër njëkohësisht kryeministër Edi Rama.
Por mesa duket, mesazhi në formën e një pamfleti komunist akuzator, denoncues i ngjashëm si raportimet e fuksave 1200 të kohës së qoftëlargut, ka rjedhur në formën e një epidemie tek vetë socialistët e Tepelenës nga të cilët Jugunews.net e ka administruar.
Nëse akuzat e Kacorrit qëndrojnë identikisht ashtu sic i shkruan kryeministrit Rama, atëherë kemi të bëjmë me skandalin më të madh në gjirin e socialistëve të Tepelenës dhe me pasoja të papara në jetën sociale të Tepelenës dhe Memaliajt.
Për më tepër lexoni fjalë për fjalë rreshtat e Kacorrit dërguar kryeministrit Rama, ndërkohë që Jugunews.net i jep të drejtën e reagimit kryebashkiakut të Memaliajt Durim Roshi për këto akuza të rënda karshi tij nga miku i tij Arben Kacorri.

Më fal për shqetësimin Kryeministër !
Ka më shumë se 1 muaj që Kr i Bashkisë Memaliaj ka bllokuar punën e U.K Tepelenë…ka krijuar konflikt për arsye personale e klienteliste…ka bllokuar aksionin e ujit me qëllime të mbrapta…e them me fakte këtë: Nuk paguan faturat e ujit të shkollave, cerdheve, kopshteve… ndërkohë që blen makinë lluksoze me lekët e taksapaguesve…nuk ka blerë qoftë edhe 1 metër tubo uji që nga koha që është bërë kryetar afro 3 vjet…nuk ka blerë asnjë pompë uji për banorët që vuajnë për ujë në fshatra…por me fodullëk i përzë për tek ujësjellësi…
Po mundohet cdo ditë të bllokojë celjen e fondit të ujësjellësit me pretekstin se nuk është bërë dëgjesë publike…po vetëm protesta të banorëve në stinën e verës që ngelen pa ujë…një kryetar që nuk merr mundimin të bëjë minimumin e detyrës që i takon me ligj…dhe që abuzoi në mënyrë skandaloze me sheshin e qytetit 1 miliardë lek tek firma e krushkut të tij…një kryetar që nuk firmos vetë në dokumenta zyrtare po detyron zv e tij… deri më sot nuk kam reaguar duke respektuar në maksimum normat dhe detyrimin që kam për PS dhe Tërmet Pecin në vecanti…të lutem ma kushto pak kohë me këtë problem…se nuk pyeta në 21 janar që u hodha para autoblindës së rregjimit nuk e llogaris fare këtë kryetar hajdut Durim Roshi… për cka të shpreha të garantoj vërtetësinë…në të kundërt largohem nga detyra…sinqerisht Arben Kacorri Dr U.K. Tepelenë 4 shkurt 2018. /Jugunews/

Shpërthimi i aeroplanit/ Inxhinieri humb jetën, e pabesueshme si shpëton piloti përmes flakëve me parashutë (Video)

Piloti i Shigjetave të Kuqe David Stark ka arritur t’i shpëtojë në mënyrë të pabesueshme duke arritur të largohej në kohën e duhur nga aksidenti ajror pasi një aeroplan u përplas në tokë dhe shpërtheu në flakë.
Pas tij, një flakë zjarri masive e zë aeroplanin e tij ndërsa shembet në tokë dhe i bllokuar brenda është inxhinieri Jonathan Bayliss. 41-vjeçari nuk kishte shanse. Ai u vra në çast kur T1 Haëk u rrëzua më pak se dy minuta pas ngritjes.
Imazhet e aksidentit fatal – që mendohet të jenë shkaktuar nga një zog janë marrë nga fotograf amator David Taylor, 50 vjeç. Ai tha: “Unë u trondita vërtet nga ajo që pashë”.
“Aeroplani u ngrit normalisht, rrotat e tij u tërhoqën, por pastaj u kthye ashpër”. “Unë mendova ‘ai nuk do të mund t’ia dalë”.
Imazhet e Taylor tregojnë se vetëm 116 sekonda kanë kaluar nga ngritja në tragjedi. Ai tha se do t’i ofrojë fotografitë e tij policisë dhe RAF-it për të ndihmuar hetimin e tyre.
Piloti 35-vjeçar Stark aktualisht po shërohet në spital. /F.W/