Një falënderim mjaft special ka marrë një mjek nga Milano, i cili punon në Institutin Evropian të Onkologjisë, në Milano. Një fëmijë vetëm 5 vjeç ka vendosur t’i dhurojë të gjitha kursimet e mbledhura mjekut Pietro Caldarella, pasi i ka shpëtuar jetën nënës të prekur nga kanceri. Këto para 5-vjeçari Giovanni do që të përdoren për kërkimet kundër kancerit.
“Këto janë kursimet e mira për kërkimet kundër kancerit”, i ka thënë vogëlushi mjekut, i cili ka postuar foton e zarfit me kursime në faqen e tij në Facebook.
“Në mëngjes djali 5-vjeçar i një pacienteje më dha një zarf për të më falenderuar për kurën e nënës së tij, e brenda ishin kursimet e tij që ka dashur të më japë mbi kërkimet për kancerin…. Më vjen për të qarë!”, ka shkruar në Facebook doktori.
45 qindarka kanë qenë kursimet e tij në total, jashtëzakonisht pak në luftën kundër kancerit, por që marrin shumë vlerë kur vijnë nga pastërtia e një fëmije.
5-vjeçari dhuron kursimet për luftën kundër kancerit
I mbijetuari rrëfen tmerrin në Kampin e Tepelenës: “Si vdiqën 30 fëmijë brenda 24 orëve”
Çështja e Kampit të Tepelenës, ka qenë tema e emisionit “Studio e Hapur” të martën në News24. I ftuar ka qenë Simon Miraka, një nga të mbijetuarit e Kampit të Tepelenës i cili ka rrëfyer ditët e tmerrit që ka kaluar në ato ambjente.
Në një rrëfim prekës, Miraka tha se brenda 24 orësh në kamp kanë ndërruar jetë rreth 30 fëmijë për shkak të mungesës së ushqimeve dhe higjenës.
“Kam shku 2 javësh. Jemi internu në 1945. Fillimishit jemi sistemu në kalanë e Beratit. Në 1949 na hoqën nga Berati dhe na sistemuan në ‘Toran’, na vendosën në stane bagëtish. Brenda 24 orëve kanë vdekur 30 fëmijë nga mungesa e ushqimit dhe mungesa e higjenës. Kjo situatë alarmoi ministrinë e Brendshme, dhe atëherë na hoqën nga kampi Toranit dhe na vendosën në kampin e Tepelenës. Në kampin e Tepelenës kam ndenjur nga mosha 4 vjeçare deri në moshën 8-vjeçare. Fëmija i regjistron ngjarjet dhe i mban mend të gjitha. Fëmijët janë engjuj dhe këta engjuj ishin të rrethuar me tela. E dhimbshme ishte për nanat të rritnin fëmijët mes telave. Kampi Tepelenës ishte i përbërë nga pleq, plaka, fëmijë”, ka thënë Miraka.
Kjo çështje u rikthye në vëmendjen e publikut, pas deklaratës së historianit Pëllumb Xhufi, i cili tha se kushtet nuk ishin dhe aq të këqija gjatë një debati politik.
“Oj nanë po na hanë shtrigat”
Dëshmi rrëqethëse vijnë nga i mbijetuari i Kampit të Tepelenës, Simon Mirakaj. Në rrëfimin në studion e emisionit ‘Studio e Hapur’ në ‘News24’, Mirakaj tregon rreth vuajtjeve të nënave që shihnin fëmijët e tyre të torturoheshin.
“Mbaj mend dy fëmijë të cilët u shtrinë barkas nën tela për të gjetur ndonjë frutë, gorricë ose dardha. Në momentin që fëmijët u ngritën u pikasën nga policia. Policia i kapi fëmijët dhe i lidhi në një shtyllë. I mbajti gjithë natën deri në mëngjes. Ata qanin të dy sepse i vendosnin afër çezmës dhe aty frynte. Edhe sot e kam kujën e tyre në vesh kur thërrisnin “Oj nanë po na hanë shtrigat”, pohoi Simon Mirakaj.
“Më rrahën sa humba ndjenjat se doja babain”
Në një kohë kur vijojnë debatet për kushtet në kampin e Tepelenës, vjen një rrëfim i pazakontë në emisionin ‘Studio e Hapur’ në “News24”. I mbijetuari nga ky kamp, Simon Mirakaj në një ballafaqim me të shkuarën flet për jetën në këtë kamp, moshën kur është dërguar në kamp dhe vuajtjet që ka kaluar atje.
Mirakaj rrëfen se mësuesi e kishte pyetur nëse e donte babanë e tij dhe ai ishte përgjigjur me sinqeritetin e një fëmije se ‘po’. Por siç duket përgjigja e tij nuk i kishte pëlqyer mësuesit, e cila e kishte rrahur për orë të tëra, derisa në kthimin nga shkolla për në kamp, atij i kishte rënë të fikët.
Mbi gjysma e trupit tonë nuk është njerëzor
Mbi gjysma e trupit të njeriut është i huaj. Qelizat e trupit të njeriut zënë vetëm 43% të numrit në total të qelizave. Pjesa tjetër janë kolonizatorë mikroskopikë. Zbërthimi i gjysmës tonë të panjohur – mikroorganizmit – po ndryshon rrënjësisht njohuritë mbi sëmundjet, duke filluar nga alergjitë deri tek sëmundja e Parkinsonit. Kjo fushë ka ngritur madje disa pyetje se çfarë do të thotë të jesh “njerëzor”. Nuk ka rëndësi sa mirë laheni, thuajse çdo cep i trupit është i mbuluar me krijesa mikroskopike.
“Ato janë thelbësore për shëndetin”, thotë prof. Ruth Ley, drejtuesja e departamentit të shkencës së mikrobiomës tek Instituti Max Planck.Këtu përfshihen baktere, viruse, kërpudha dhe mikrobe (organizma që janë klasifikuar gabimisht si baktere. Pjesa më e madhe e tyre janë të përqendruar në zorrë. “Jemi më shumë mikrob sesa njerëzor. Nëse numërojmë të gjitha qelizat që kemi, ato nuk përbëjnë më shumë se 43% të masës së trupit tonë”, thotë profesori Rob Knight i Universitetit të Kalifornisë për BBC. Studiuesit thonë se këto shifra janë vetëm sa i takon masës së qelizave, ndërsa kur bëhet fjalë për “thelbin”, pra për genet, ato janë plotësisht njerëzore.
Nga skleroza deri tek kanceri, ja çfarë shkakton mungesa e vitaminës D
Me siguri keni lexuar nëpër artikuj të ndryshëm që mosmarrja mjaftueshëm e vitaminës D mund të rrisë rrezikun e zhvillimit të një sërë sëmundjesh. Është e rëndësishme t’i lexoni këta artikuj me kujdes, duke qenë se mund të ketë shpjegime të ndryshme për lidhjen e mungesës së vitaminës D me sëmundjet.
Studimet lidhur me vitaminën D vazhdojnë akoma, dhe mund të sigurojnë të dhëna më të sakta nëse suplementet e vitaminës D mund të ulin rrezikun e zhvillimit të sëmundjeve të zemrës, kancerit dhe sëmundjeve të tjera kronike.
Nga depresioni deri tek kanceri, shumë sëmundje lidhen edhe me mungesën e vitaminës D. Megjithatë, mos përhapni menjëherë panik dhe filloni të pini ilaçe, por konsultohuni fillimisht me mjekun për t’u siguruar nëse po merrni lëndët ushqyese të nevojshme.
Obeziteti
Burrat, gratë dhe fëmijët obezë janë 35% më të rrezikuar që të kenë mungesë të vitaminës D krahasuar me njerëzit e tjerë me peshë normale, dhe 24% më të rrezikuar se njerëzit mbipeshë, sipas një studimi afatgjatë të kryer në vitin 2015.
Shpjegimi që japin shkencëtarët: Obeziteti pengon trupin të përdor vitaminën D si nga rrezet e diellit ashtu edhe nga burimet ushqimore, duke qenë se grumbullohet tek qelizat dhjamore dhe nuk përthithet siç duhet në të gjithë trupin. Thënë ndryshe: Obeziteti e përkeqëson mungesën e vitaminës D.
Diabeti
Sipas një studimi spanjoll të publikuar në vitin 2015, njerëzit që vuajnë nga diabeti dhe prediabeti kanë nivele më të ulëta të vitaminës D krahasuar me ata me nivele normale të sheqerit në gjak. Si njerëzit e dobët ashtu edhe ata obezë që vuajnë nga diabeti kanë nivele më të ulëta të vitaminës D. Megjithatë, shkencëtarët mendojnë se mungesa e vitaminës D dhe obeziteti së bashku mund të rrisin rrezikun e diabetit dhe çrregullimeve të tjera metabolike.
Sëmundjet e zemrës
Sëmundjet e zemrës dhe mungesa e vitaminës D lidhen me njëra-tjetrën; një studim i vitit 2009 ka zbuluar se njerëzit me nivele jashtëzakonisht të ulëta të vitaminës D janë 3 herë më të rrezikuar të vdesin nga ataku në zemër dhe 5 herë më të rrezikuar të kenë një vdekje të papritur kardiake.
Gjithsesi, ekspertët thonë se nuk ka të dhëna që vërtetojnë për një lidhje direkte mes niveleve të larta të vitaminës D dhe uljes së rrezikut për sëmundjet kardiovaskulare, prandaj është shumë herë për të thënë që nëse merrni suplemente mund të përmirësoni shëndetin e zemrës.
Skleroza e shumëfishtë
Në vitin 2013, një ekip shkencëtarësh analizuan të dhënat e gati 500 pacientëve që ishin në fazat e para të zhvillimit të sklerozës së shumëfishtë, një sëmundje autoimunitare që prek sistemin nervor qendror. Në fund të studimit, shkencëtarët vunë re se nivelet e larta të vitaminës D të matura në fillim të shfaqjes së simptomave (dhe pas 6, 12 dhe 14 muajsh) ngadalësuan përkeqësimin e sëmundjes. Pacientët me nivele të larta të vitaminës D kishin më pak dëmtime në tru dhe më pak probleme në të lëvizur se ata me nivele të ulëta të vitaminës D.
Kanceri kolorektal
Që ekziston një lidhje mes vitaminës D dhe rrezikut për kancer shkencëtarët e kanë ditur që nga vitet 1940, kur një shkencëtar nga Kolegji Mjekësor i Virgjinias tregoi për një lidhje mes lirisë (që parashikon ekspozimin tonë në diell, burimi kryesor i vitaminës D) dhe vdekjes nga kanceri.
Së fundmi, një analizë që i është bërë më shumë se 1 milion subjekteve studimore ka zbuluar se nivelet e larta të vitaminës D lidhen me një rrezik më të ulët për zhvillimin e kancerit kolorektal. Nga ana tjetër, një eksperiment klinik i kryer në vitin 2006 si pjesë e Iniciativës së Shëndetit të Gruas zbuloi se gratë që marrin suplemente të kalciumit dhe vitaminës D për rreth 7 vite nuk janë më pak të rrezikuara nga kanceri kolorektal se gratë e tjera. Gjithsesi, duhet të bëhen më shumë kërkime shkencore për të vërtetuar këto rezultate.
“Freedom House”: Tahiri i lidhur me rrjetin e drogës, PS votoi kundër heqjes së imunitetit që ai të arrestohej
Në raportin më të fundit të ‘Freedom House’ për Shqipërinë, përmendet edhe ish-ministri i Brendshëm, Saimir Tahiri. Sipas kësaj organizate, përparimi në rënien e kultivimit të kanabisit, u zbeh nga dyshimet se ish-ministri ishte i lidhur me një rrjet shqiptaro-italian të trafikut të drogës.
Sipas raportit në fjalë, gjatë 2017-ës, pati njëfarë përparimi në luftën kundër drogës. Mirëpo rënia e kultivimit të kanabisit u zbeh pas publikimit të dyshimeve për lidhjet e Tahirit në këtë aktivitet të paligjshëm.
“Megjithë këto njoftime, shumica socialiste në parlamentin e Shqipërisë votoi kundër kërkesës së prokurorëve për t’i hequr Tahirit imunitetin parlamentar, që ai të mund të arrestohej”, thuhet në raport.
Në raport thuhet se kultivimi i kanabisit ra në mënyrë drastike në Shqipëri, pjesërisht falë ndërhyrjes së policisë shqiptare.
“Ndërsa zyrtarët e qeverisë ia atribuan këtë strategjisë së tyre kundër kanabisit, analistët e pavarur argumentuan se mbiprodhimi gjatë tre viteve të mëparshme, krijoi rezerva të pashitura të kanabisit që e shkurajoi kultivimin e mëtejshëm në vitin 2017”, thuhet në raport.
Freedom house ka arritur në përfundimin se demokracia në Shqipëri është në vend numëro, ndërsa shpeh shqetësim për prirjet e qeverisë Rama për autoritet.
Banka Botërore: Ku shkojnë paratë e koncesioneve, duhet transparencë në menaxhimin e tyre
Banka Botërore ka prezantuar raportin ekomomik rajonal. Përfaqësuesja e Bankës Botërore u shpreh se jo të gjitha PPP rezultuan të suksesshme dhe duhet trasparencë. Sa i përket tarifës në Rrugën e Kombit sipas Bankës Botëreore pagesat janë të nevojshme, por duhet të merren parasysh banorët e zonës për lehtësira.
“Duhet të fuqizohet mënyra si vlerësohen PPP. Ministria e Financave të luajë rol me rëndësi për të menaxhuar PPP. Pagesa në rrugën e Kombit është e nevojshme, por duhet të merren parasysh nevojat e banorëve të zonës”- tha përfaqësuesja e Bankës Botërore gjatë konferencës në Tiranë.
Gjatë fjalës së saj, ekonomistja e Bankës Botërore, Hilda Shijau tha se politikat monetare kanë mbështetur rritjen ekonomike dhe eksportet kanë pasur performancë të mirë.
“Politikat monetare kane mbështetur rritjen ekonomike dhe borxhi në vitin 2017 është ulur në 71%. Inflacioni është mesatarisht 2%, poshtë objektivit te BB. Rritja ekonomike pritet te arrije ne 3.5 %, por rrezik mbetet, regresi ne politikat e brendshme. Duhet te vijoje reforma ne energji”, tha ajo.
BB kundër TVSH-së për biznesin e vogël
Ekspertët e Bankës Botërore janë shprehur skeptikë sot, lidhur me uljen e pragut të TVSH-së te biznesi i vogël nga 5 në 2 milionë lekë.
Gjatë prezantimit Raportit të rregullt ekonomik për Ballkanin Perendimor, Hilda Shijaku, eksperte e Bankës tha se barra administrative për ta mbledhur TVSH-në tek biznesi i vogël është e ulët, ndërsa përfitimi që mund të vijë nga kjo nismë është i ulët.
Ekspertët e Bankës theksuan se ata nuk kanë informacion për rritje të kostove te biznesi.
Qëndrimi i Bankës Botërore është pak a shumë në të njëjtën linjë me atë të Fondit Monetar Ndërkombëtar, i cili ka pohuar më herët se përfshirja e këtyre bizneseve në skemë do të krijojë më shumë ngarkesë për administratën dhe do ta shpërqendrojë, në vend të fokusohet të ndërmarrjet e mëdha. Kjo mund të ndikojë në uljen e të ardhurave.
Përfaqësuesi i përhershëm i FMN-së, në Shqipëri, Jens Reinke, është shprehur se “pas vlerësimeve të shumta nga ekspertët tanë të taksave, ne e kemi këshilluar qeverinë fuqimisht kundër uljes së kufirit të TVSH-së nga niveli aktual.
Ndërmarrjet e vogla përbëjnë gjysmën e të gjithë bizneseve, por sjellin kanë vetëm 2% të transaksioneve të taksueshme. Zgjerimi i sistemit të TVSH-së do të jetë një barrë shumë e rëndë për burimet e Departamentit të Taksave. Informaliteti dhe evazioni i taksave mund të rritet dhe eficenca e administratës së taksave ka të ngjarë të bjerë. Sipërmarrjet e vogla do të mund të përballen gjithashtu me një barrë të shtuar të kërkesave për raportime”, ka pohuar ai.
Megjithatë qeveria vijoi me planin e saj dhe TVSH për biznesin e vogël filloi të zbatohej në 1 prill, duke ngjallur pakënaqësi të shumta te sipërmarrjet e vogal, që disa herë kanë mbyllur qepenat në formë proteste.
Ndërsa ministri i Financave Arben Ahmetaj ka këmbëngulur se skema e TVSH që përfshin bizneset e vogla, është një hap i rëndësishëm në luftën ndaj informalitetit. Sipas ministrit, kjo reformë nuk ka në fokus të gjenerojë të ardhura nga biznesi i vogël, por ka në fokus saktësimin e deklarimeve të biznesit të madh.
Maskat terror në Tiranë, plagosin me thikë një vajzë tek “Ali Demi”
Grabitjet e dhunshme janë kthyer në një fenomen tepër shqetësues anembanë vendit, ndërsa shembulli më tragjik është ai i Fierit, ku pronari i një Fast-Foodi mbeti i vdekur prej sulmit.
Një rast i tillë është përsëritur mbrëmjen e djeshme në lagjen “Ali Demi” në kryeqytet, por fatmirësisht vajza e re, që u sulmua nga një grup grabitësish në mesnatë, mori vetëm disa plagë të lehta.
Policia bëri me dije se agresorët e kanë lënduar në krahë 18-vjeçaren, e cila ka shpëtuar pa pasoja të tjera pasi ka kërkuar ndihmën e forcave të rendit. Dëshmitarët në vendngjarje pohuan se disa djem kanë tentuar ta grabisin të renë dhe kanë përdorur thikën, duke e qëlluar në krah.
Vajza është dërguar për ndihmë mjekësore në spital, ndërsa parandalimi i një ngjarje me pasoja më të rënda u bë i mundur për shkak se krimi ndodhi pranë Drejtorisë së Përgjithshme të Policisë.
Autorët e sulmit janë larguar me vrap pas thirrjeve për ndihmë nga vajza, ndërsa forcat e policisë kanë nisur hetimet.
Alarmi që vjen nga Freedom House: Demokracia në Shqipëri në rrezik, vendi nën autoritarizmin e Edi Ramës
Demokracia në Shqipëri nuk pati ndonjë përparim gjatë vitit 2017, pasi “çdo hap përpara, u zhvlerësua nga një hap pas”, sipas organizatës Freedom House.
Shqipëria është në kategorinë e vendeve me demokraci në tranzicion ose regjim hibrid, ndonëse ka shënuar një ngritje të lehtë në pikët e përgjithshme, falë zgjedhjeve të fundit që u zhvilluan të qeta.
Në kapitullin për Shqipërinë të raportit të përvitshëm të organizatës Freedom House “Vendet në Tranizicion” – një përmbledhje të së cilit e përgatiti Zëri i Amerikës – thuhet se përparimi në rënien e kultivimit të kanabisit, u zbeh nga dyshimet se ish-Ministri i Brendshëm Saimir Tahiri ishte i lidhur me një rrjet shqiptaro-italian të trafikut të drogës.
Arritjet në luftën kundër korrupsionit u zbehën nga zgjedhja si president i Ilir Metës, “i cili shihet nga shumë qytetarë si simbol i korrupsionit” , si edhe nga “zgjedhja me një shumicë të thjeshtë në parlamentin e Shqipërisë të Prokurores së Përkohëshme më 18 dhjetor, gjë që minoi seriozisht besueshmërinë dhe pavarësinë e institucionit”, thuhet në raport.
Përparim në zgjedhje por polarizimi politik vazhdon
Zgjedhjet parlamentare të 25 qershorit shënuan përparim, pasi ofruan garanci të gjera për opozitën. Falë këtij përmirësimi, rezultati i përgjithshëm i indeksit të demokracisë u përmirësua në 4.11 nga 4.14 që ishte një vit më parë. Sipas Freedom House numri 1 përfaqëson nivelin më të lartë të demokracisë dhe numri 7 më të ulëtin.
“Fushata zgjedhore, si dhe numërimi i votave në zgjedhjet parlamentare të vitit 2017 kishte shumë më pak probleme sesa në zgjedhjet e kaluara. Për këtë arsye, asnjë nga partitë kryesore nuk i kundërshtoi rezultatet e zgjedhjeve”, thotë raporti.
Por zgjedhjeve u parapriu një bllokim politik mes opozitës dhe qeverisë gjatë katër muajve të parë të vitit 2017 “që e vuri të gjithë procesin zgjedhor në rrezik”.
Në raport thuhet se qeverisja demokratike në Shqipëri, u karakterizua nga ngecja në vend për shkak të polarizimit të thellë mes partisë kryesore opozitare, Partia Demokratike dhe Partisë Socialiste në pushtet, si edhe nga prirjet autoritare në vitin 2017.
Bojkotimi i parlamentit nga Partia Demokratike gjatë katër muajve të parë të 2017-ës, e frenoi reformën e kodit zgjedhor që ishte rekomanduar nga OSBE/ODIHR-i.
Po ashtu rrezikoi ta hidhte të gjithë procesin zgjedhor në kaos pasi PD-ja refuzoi të emëronte përfaqësuesit e vet në Komisionin Qendror të Zgjedhjeve dhe i regjistroi kandidatët e vet, shumë pas afateve të përcaktuara në kodin zgjedhor.
“Marrëveshja e majit mes PS-së dhe PD-së, që i dha fund bojkotit, megjithëse u hapi rrugë zgjedhjeve të qeta, e sforcoi sistemin zgjedhor, pasi logjika politike iu imponua kodit zgjedhor”, thuhet në raport.
Ndërkohë raporti thotë se Partia Demokratike e opozitës dukej se ishte në një proces shpërbërjeje pas humbjes më të thellë në 25 vjet, ndërsa presidenti i ri Ilir Meta nuk e kishte besueshmërinë për të mos lejuar abuzime të mundshme me pushtetin nga ekzekutivi.
Lufta kundër korrupsionit dhe kundër kanabisit
Freedom House thotë se në vitin 2017 pati një farë përparimi kundër korrupsionit dhe rryshfeteve, veçanërisht në radhët e policisë, si edhe në luftën kundër drogës, që u vu re në reduktimin e kultivimit të kanabisit. Por përparimi në rënien e kultivimit të kanabisit, thuhet në raport, u zbeh nga njoftimet e agjencive italiane të rendit se ish-Ministri i Brendshëm Saimir Tahiri ishte i lidhur me një rrjet shqiptaro-amerikan të trafikut të drogës.
“Megjithë këto njoftime, shumica socialiste në parlamentin e Shqipërisë votoi kundër kërkesës së prokurorëve për t’i hequr Tahirit imunitetin parlamentar, që ai të mund të arrestohej”.
Në raport thuhet se kultivimi i kanabisit ra në mënyrë drastike në Shqipëri, pjesërisht falë ndërhyrjes së policisë shqiptare.
“Ndërsa zyrtarët e qeverisë ia atribuan këtë strategjisë së tyre kundër kanabisit, analistët e pavarur argumentuan se mbiprodhimi gjatë tre viteve të mëparshme, krijoi rezerva të pashitura të kanabisit që e shkurajoi kultivimin e mëtejshëm në vitin 2017”, thuhet në raport.
“Lufta kundër korrupsionit mori gjithashtu një goditje me zgjedhjen e Ilir Metës si President i Republikës më 28 prill, presidenca e të cilit u bë e mundur nga votat e Partisë Socialiste. Në vitin 2011, Rama vetë e kishte cilësuar Ilir Metën si simbol të gjithçkaje që ishte e kalbur në politikën shqiptare, një vlerësim që e ka edhe një pjesë e madhe e elektoratit shqiptar”.
Përparimi i bërë në vitin 2017 për të ulur korrupsionin në nivele të ulta, thuhet në raportin e Freedom House, u zbeh nga humbja e terrenit në luftën kundër korrupsionit në nivele të larta dhe kapjes së shtetit.
Raporti flet për strategjitë e miratuara kundër korrupsionit nga qeveria, përfshirë reformën në drejtësi që ka sy synim vetingun mes gjykatësve dhe prokurorëve në gjithë nivelet.
“Strategjia e qeverisë kundër korrupsionit u përqendrua pothuajse ekskluzivisht tek korrupsioni administrativ dhe neglizhoi korrupsionin politik dhe publik-privat, si kapja e shtetit”, thotë raporti që thekson se “institucione kyçe të anti-korrupsionit si Prokurorja e Përgjithshme e përkohëshme, Kontrolli i Lartë i Shtetit dhe Inspektori i Përgjithshëm i Deklarimit dhe Kontrollit të Pronave dhe Konfliktit të Interesave nuk patën pavarësi pasi janë zgjedhur me shumicë të thjeshtë parlamentare të së njëjtës parti që u duhet ta kontrollojnë”.
Ndërsa duke folur për kapjen e shtetit, raporti thotë se ende nuk ka masa rregulluese për lobimin, nuk ka kufizime për zyrtarët që kalojnë në sektorin privat pas jetës publike – përveç drejtorëve të policisë – dhe një kuadër të pamjaftueshëm ligjor për konfliktet e interesave.
Reforma në Drejtësi
Bojkotimi i parlamentit nga opozita dëmtoi gjithashtu edhe reformën e drejtësisë, pasi Partia Demokratike nuk i paraqiti tre kandidaturat e veta në Komisionin Parlamentar përgjegjës për përzgjedhjen e anëtarëve të organizmave që do të kishin përgjegjësinë të kontrollonin figurat e gjykatësve dhe prokurorëve.
Kjo pengoi krijimin e dy institucioneve kyçe të drejtësisë: Këshilli i Lartë i Gjyqësorit dhe Këshilli i Lartë i Prokurorisë dhe vonoi procesin e vetingut që filloi më në fund më 26 tetor. Raporti thotë se mungesa e Këshillit të Lartë të Prokurorisë shkaktoi bllokimin serioz në zgjedhjet e pasuesit të Prokurorit të Përgjithshëm Adriatik Llalla kur atij i mbaroi mandati, gjë që solli si rezultat zgjedhjen e Prokurores së Përgjithshme të përkohëshme, Arta Marku nga Partia Socialiste në fuqi, me një shumicë të thjeshtë votash, që u kundërshtua me forcë nga partitë opozitare në parlament.
Shqetësime për prirje autoritare në qeverisje
Më 13 shtator, parlamenti miratoi qeverinë e dytë të udhëhequr nga Edi Rama, që përbëhej pothuajse plotësisht nga besnikë të tij. Kjo, shkaktoi frikë mes analistëve politikë se Rama mund të qeveriste me grusht të hekurt, duke pasur parasysh shumicën e tij prej 74 vendesh dhe kontrollin e tij të fortë mbi ekzekutivin.
Raporti thotë se një numër ngjarjesh në vitin 2017 duket se i konfirmuan shqetësime të tilla, përfshirë amendamentet e propozuara për ligjin e taksave që i jepnin autoritet të pashembullt (qeverisë) për të përcaktuar nivelet e taksave për biznese të ndryshme si edhe përdorimi i shumicës së thjeshtë për të zgjedhur Prokuroren e Përgjithshme të përkohëshme.
“Në fakt, vendimi i Ramës për të zgjedhur në mënyrë të njëanshme Prokuroren e re të Përgjithshme të përkohëshme me një shumicë të thjeshtë në parlamentin shqiptar në dhjetor, duke shpërfillur kundërshtimet e ashpra të dy partive kryesore opozitare, shfaqi një hap të parë shqetësues në këtë trajektore”, thotë raporti.
Shoqëria Civile dhe Media
Në raportin e Freedom House shprehet gjithashtu shqetësim për mangësitë financiare dhe humbjen e besimit të publikut tek organizatat e shoqërisë civile. Sipas organizatës, komuniteti Roma mbetet më i diskriminuari, pasuar nga ai LGBT që “vuan nga nivele të larta të homofobisë”.
Media vazhdon të vuajë nga autocensura dhe lidhjet e ngushta mes politikës, biznesit dhe medias.
Raporti përmend faktin që parlamenti miratoi amendamente në ligjin për Mediat Audiovizuale, duke detyruar organet e medias që të ofronin kohë falas në valët televizive gjatë fushatës zgjedhore.
“Në relievin e medias shqiptare pavarësia editoriale vazhdoi të jetë e kufizuar, pasi pronarët e medias gjithnjë e më shumë vazhduan të përcaktojnë përmbajtjen”.
Sipas raportit, legjislacioni shqiptar mbeti i heshtur për të drejtat, liritë dhe përgjegjësitë e redaktorëve. Si shembuj përmendet fakti që kontratat e drejtorit të televizionit ABC News dhe drejtorit të botimeve të MAPO-s, Alfred Lela nuk u ripërtërinë për shkak të poliitkës editoriale të pronarëve.
“Në vitin 2017, pronarët e mediave vazhduan të përdorin mediat e tyre për t’i bërë shantazhe qeverisë ose për ta detyruar atë që t’u bënte favore ekonomike”, thuhet në raport.
“Kështu më 30 mars, parlamenti miratoi një ligj që jepte 5 milionë Euro për organet e medias në mënyrë që të lehtësonin kalimin nga transmetimet analoge në ato dixhitale. Dy përfituesit kryesorë të këtij fondi ishin familjet Hoxha dhe Frangaj, që kanë në pronësi dy stacionet kryesore televizive në Shqipëri, Top Channel dhe Klan”, thotë raporti.
Ndërkohë në vitin 2017 shumë gazetarë vazhduan të punonin pa kontrata, të mos merrnin rrogat në kohë dhe nën rrezikun e pushimit arbitrar nga puna.
Parashikimi për vitin 2018
Sipas Freedom House, 2018-a paraqet mundësi për përmirësimin e qeverisjes në Shqipëri, por edhe rrezikun e autoritarizmit. Me një shumicë të gjerë, Partia Socialiste në pushtet dhe kryeministri i saj kanë një shans të vërtetë për të kryer reforma të rëndësishme, që kanë mundësinë të ulin korrupsionin në sistemin gjyqësor dhe rryshfetete në administratën publike, dhe njëkohësisht të përmirësojnë qeverisjen e mirë. Nga ana tjetër, kontrolli i plotë që ka kryeministri Rama mbi Partinë Socialiste dhe shumica e konsiderueshme që ai ka në parlament, e kombinuar me një kontroll të fortë mbi ekzekutivin, mund t’u hapë rrugën prirjejve autoritare që mund t’i vendosin institucionet shtetërore nën kontrollin e kryeministrit. /VOA/
Vrasja në Tiranë/ Gjendet e djegur makina e krimit, si iu larguan autorët policisë
Dalin detaje të reja për vrasjen e Marjo Majollarit mbrëmjen e djeshme në zonën e Kinostudios në kryeqytet. Gjatë mëngjesit të sotëm është gjetur një makinë tip benz e djegur në fshatin Gramëz të Fushëkrujës.
Makina e djegur është gjetur në rrugen që lidh autostradën me fshatin, rreth 300 metra nga autostrada. Paraprakisht dyshohet se mund te ketë lidhje me vrasjen e Marjo Majollarit dhe autorët e kanë përdorur atë për t’u larguar nga vendi i ngjarjes.
Pista kryesore në të cilën po heton Policia për vrasjen është ajo e hakmarrjes, pasi Avni Majollari, babai i viktimës është dënuar me burgim të përjetshëm për vrasjen e dy personave në zonën e Dajtit në vitin 2000.
Avni Majollari jetonte prej 14 vitesh në arrati, edhe pse i dënuar me burgim të përjetshëm për vrasje të dyfishtë. Policia e Tiranës e arrestoi në vitin 2014 në rrugën “Ibrahim Brahja” në kryeqytet. Në momentin e arrestimit, 44-vjeçari, banues në Tiranë u kap edhe me armë pistoletë në brez, kurse në banesë iu gjetën një automatik, një tjetër pistoletë dhe sasi municioni që u sekuestruan si prova materiale.
Grupi hetimor po sekuestron e grumbullon çdo prove per te identifikuar dhe perballur me drejtesine autoret e krimit.
10 vjeç kur i ati vrau 2 persona
Marjo Majollari duket se e parandjente një hakmarrje të mundshme, pasi në 2015-tën, një vit pas arrestimit të të atit të tij kishte shkuar për të kërkuar azil në Suedi.
Pas refuzimit të kërkesës për azil, ai u kthye në Shqipëri dhe tashmë jetonte vetëm me të ëmën pasi ishte djalë i vetëm. Marjo ka qenë vetëm
Pista kryesore në të cilën po heton Policia për vrasjen është ajo e hakmarrjes, pasi Avni Majollari, babai i viktimës është dënuar me burgim të përjetshëm për vrasjen e dy personave në zonën e Dajtit në vitin 2000.
Avni Majollari jetonte prej 14 vitesh në arrati, edhe pse i dënuar me burgim të përjetshëm për vrasje të dyfishtë.
Policia e Tiranës e arrestoi në vitin 2014 në rrugën “Ibrahim Brahja” në kryeqytet. Në momentin e arrestimit, 44-vjeçari, banues në Tiranë u kap edhe me armë pistoletë në brez, kurse në banesë iu gjetën një automatik, një tjetër pistoletë dhe sasi municioni që u sekuestruan si prova materiale.
Mario Majollari u qëllua me armë zjarri në zonën e Kinostudios. Policia ka dyshime se pista kryesore e vrasjes ngelet hakmarrja.
Roma bën histori, përmbys rezultatin dhe eleminon Barcelonën
Roma ka bërë historinë. Ata kanë eleminuar nga Kupa e Kampioneve skuadrën më të fortë dhe pretenduesen kryesore për fitimin e trofeut europian. Roma është kualifikuar në gjysmëfinale të Ligës së Kampionëve. Italianët fituan 3:0 ndaj Barcelonës. Golat u realizuan nga Edin Dzeko, Daniele De Rossi dhe Kostas Manolas. Ndeshja e parë u fitua nga Barcelona 4:1, por Roma bëri përmbysjen e pabesueshme. Rezultati mund të konsiderohet historic për Romën dhe jashtë të gjitha parashikimeve sportive.
Kryesore
Continue to the category
