Kush është i riu që u vra sot në Tiranë (Foto)
Personi që shihni në foto është 28-vjeçari që mbeti i vrarë sot në kryeqytet. Mario Majollari u qëllua me armë zjarri në zonën e Kinostudios. Policia ka dyshime se pista kryesore e vrasjes ngelet hakmarrja.
Kjo pasi babai i tij, Avni Majallari është dënuar me “Burgim të përjetshëm”, për veprën penale të “Vrasjes me paramendim” e kryer në bashkëpunim. Në vitin 2000 ka vrarë pas një konflikti me armë zjarri shtetasit Armando Nelaj dhe Ilir Gjuzi, në segmentin rrugor Tiranë – Dajt. 
Vrasja është kryer me silenciator pranë një karburanti në Kinostudio. “Rreth ores 20.25 ne nje rrugice qe lidhet me rrugen “Aleksander Moisiu” eshte vrare me arme zjarri, dyshohet pistolete, shtetasi M.M, 28 vjeç.
Grupi hetimor ka mberritur brenda pak minutash ne vendngjarje dhe po sekuestron e grumbullon çdo prove per te identifikuar dhe perballur me drejtesine autoret e krimit. Forca te shumta policie kane ngritur pika kontrolli ne zone, si dhe ne te gjitha rruget lidhese me vendin e ngjarjes. Per hetimin e saj eshte ngritur nje grup i posaçem hetimor me specialiste te Drejtorise Vendore te Policise Tirane.
Policia ka shoqeruar e po vijon shoqerimin e disa shtetasve qe mund te ndihmojne me deshmite e tyre per zbardhjen e rrethanave te vrasjes”, thuhet në njoftimin e policisë.
Si u kap babai i të riut që u ekzekutua sot, është dënuar për dy vrasje
Mario Majollari është ekzekutuar mbrëmjen e sotme në Tiranë shumë pranë banesës së tij. Ndonëse nuk ka të dhëna për të kaluarën e tij kriminale, dyshimet e policisë flasin për hakmarrje, pasi babai i tij Avni Majollari është dënuar me burg përjetë për vrasje të dyfishtë në vitin 2000.
Por Avni Majollari, 48 vjeç u kap pas 14 vitesh në kërkim, më 1 mars të vitit 2014.
Sipas njoftimit të atëhershëm të policisë, thuhej se Majollari, ishte një person i shumëkërkuar, dënuar me burgim të përjetshëm. Arrestimi i tij u bë nga Sektori i Operacioneve Speciale dhe Kërkimit.
“Kapja e tij u bë sepse Gjykata e Rrethit Gjyqësor Tiranë me vendimin datë 11.01.2001, e ka dënuar me “Burgim të përjetshëm”, për veprën penale të “Vrasjes me paramendim” e kryer në bashkëpunim, parashikuar nga nenet 78-25 & 278/2 të Kodit Penal”, njoftonte policia.
Sipas policisë, ky shtetas në vitin 2000 ka vrarë pas një konflikti me armë zjarri shtetasit Armando Nelaj dhe Ilir Gjuzi, në segmentin rrugor Tiranë-Dajt.
Gjatë momentit të kapjes, shtetasi Avni Majollari mbante në dorë një pistoletë tip “TT” ku dhe pas kontrollit të imtësishëm në banesës ju gjet një automatik kallashnikov; një pistoletë tip “Cervena Zastava” si dhe një sasi e konsiderueshme fishekësh e municionesh.
Rrëfimi i rrallë i Olsi Ramës për të vëllanë: Ka lindur psiko, më rrihte pa shkak kur isha i vogël
Arben SHAHINI
Një rrëfim i rralë i Olsi Ramës për të vëllanë që sot është Kryeministër i vendit. Dëshmia është bërë publike nga një mik i Olsi Rames me të cilin ka jetur për shumë vite në Miçigan në Shtetet e Bashkuara. Olsi Rama ka jetuar për shumë vite si emigrant atje deri ditën kur Rama u bë Kryeministër dhe mbërriti ne Shqiperi për të mbaruar punët e tij.
Reagimi ka ardhur përmes një statusi në Facebook nga Sami Shuaipi, një ish-sportist që ka pasur lidhje shoqërore me Olsi Ramën gjatë kohës që ky i fundit jetonte në Shtetet e Bashkuara. Në një moment sinqeriteti, Olsi Rama i ka rrëfyer mikut të tij se vëllai i tij ka lindur psikopat. Ai i ka kujtuar se si e rrihte kur ishin të vegjël pa pasur asnjë shkak. “Më rrihte pa shkak kur ishim të vegjël. Ka lindur psiko” kujton Shuaipi çfarë i thoshte Olsi në bisedat në Shtetet e Bashkuara.
”E Kam pasur 6 vite ne Micigan Olsi Ramen” vazhdon Shuaipi duke konfirmuar miqesine me vellane e Kryeministrit.
Kjo është një tjetër dëshmi e fortë e dhënë nga një tjetër anëtar i familjes për Edi Ramën. Olsi duket nuk e ka harruar dhe nuk e ka të lehtë ta harrojë dhunën që ka ushtruar ndaj tij Edi. Edi është disa vite më i madh se Olsi dhe marrëdhëniet e tij janë të vështira jo vetëm me njerëzit e tjerë, por edhe me ata që e rrethojnë dhe madje edhe me njerëzit më të afërt të familje. Dëshmi të dhunës në familje të Ramës janë dhënë prej kohësh nga pjestarë të tjerë të familjes së tij. Bashkëshortet e tij kanë dëshmuar shumë herë për dhunën shtazarake që ai ushtronte ndaj tyre. Rastet kanë qenë flagrante dhe janë edhe mjekë të njohur që kanë mjekuar plagët e tyre që konfirmojnë dhunën e ushtruar.
Dhunës së ushtruar prej tij nuk i ka shpëtuar as nëna e tij. Mikesha të Anetës tregojnë se si ajo shkonte në klinikën qëndrore të stomatologjisë në Tiranë me fytyrëm të mbuluar me shall për shkak të plagëve dhe nxirjes që kishte pësuar nga goditjet e njeriut të sëmurë që sot drejton vendin. Janë disa nga ish-mikeshat e Anetës në atë kohë që e kanë konfimuar një fakt të tillë për “RD”, sikurse është fakt i njohur shtrimi i Ramës në spitalin psikiatrik të burgut disa herë përgjatë viteve ’80 dhe në dhomë mbahej i lidhur në krevat për shkak të rrezikut që paraqiste për pacientët e tjerë.
Ndarja me Matilda Makoçin
Rama ka qënë i martuar me aktoren Matilda Makoçi por ishte një martesë që nuk jetoi gjatë për shkak të dhunës që ai ushtronte ndaj bashkëshortes. Cila është çështja shumë e përfolur rreth të vërtetës së madhe mbi ndarjen e çiftit Rama – Makoçi në vitin 1991. Në fakt këtu kemi të bëjmë me viktimën më të njohur të jetës së Edvin Ramës, që për fat të keq qëlloi të ishte aktorja e njohur Matilda Makoçi, shembulli më i prekshëm i pasojës Edvin Rama. Mjafton të shihet profili i saj në gjithë këto vite vuajtje e të dilet në përfundimin se kush njeriu të mëton të bëhet kryeministër i Shqipërisë. Cili ishte shkaku kryesor që i fshihet publikut rreth ndarjes së vërtetë midis Edvin Ramës dhe Matilda Makoçit.
Ndarja e çiftit në fakt ka ndodhur në 12 shkurt 1991. Nga kjo martesë lindi edhe fëmija e tyre i datëlindjes 12 gusht 1990. Por jo më larg se disa muaj më parë, në mars, një e përditshme që njihet si gazeta personale e Edvinit, botonte një “speciale” ku gjoja informonte publikun për “të vërtetën e ndarjes” midis Edvin Ramës dhe Matilda Makoçit. Deri atë çast, kjo histori ishte publikuar nga një e përditshme tjetër në atë kohë në opozitë e sot e afërt me Edvin Ramën dhe partinë e tij. Çfarë kishte ndodhur pra në këtë mes dhe si ishte e vërteta. Në këtë realitet të hidhur, veprimet ishin të gjithëllojshme. Dhe u arrit deri atje sa të mohohej e gjithë ajo që kishte ndodhur dhe çështja e tij me Matilda Makoçin të shpallej vetëm si “çështje divorci” e asgjë tjetër. Sigurisht nuk do guxonim në asnjë rrethanë të merreshim me çështje sikur kjo të ishte “çështje divorci”. Këtu është edhe falsifikimi i fundit që kanë bërë mediat e kontrolluara nga Edvin Rama, duke dashur t’i heqin atij thënien e përdorur në një nga gjyqet e kafshatës kur diskutohej jo për ndarje, por për kafshatën e ushqimit. Kjo fyerje e lëshuar në adresë të aktores tregonte më së mirë cili është Edvin Rama.
Duhet të jesh i duruar e deri në fund i kthjellët të kuptosh atë që ka ndodhur në vitin 1990 nga takimet e Ishull – Lezhës e deri tek shtëpia e “dy kuajve” në afërsi të stadiumit “Dinamo” në Tiranë. Natyrisht një njeri i ndjeshëm si aktorja e njohur, nuk mund të mos vërente deviacionet fiziologjike të bashkëshortit të saj në ato momente. Përkundrejt këtyre deviacioneve, Edvin Rama u mundua të veprojë duke shpifur e duke i nxirë jetën aktores së njohur duke çuar deri në prerjes e karrierës së saj, por duke mos ngelur deri këtu, por duke i nxirë dhe jetën tërësisht.
E vërteta e proceseve gjyqësore
Janë zhvilluar në fakt disa gjyqe midis Edvin Ramës dhe aktores së njohur Matilda Makoçi. Sigurisht nuk përbën material për gazetën të merret me marrëdhëniet private midis tyre dhe as do të merremi me një gjë të tillë. Por kur njeriu që pretendon të aplikojë “solidaritetin social” në vend, është mirë që të njihen shqiptarët që midis tij dhe aktores ka pasur disa gjyqe që mund të konsiderohen si gjyqe të “kafshatës”. Pikërisht kur është diskutuar çështja e detyrimit ushqimor që Edvin Rama duhej të jepte për djalin e tij. E pra pikërisht këtij njeriu i ka munguar “solidariteti social” për djalin e tij. Në gjyqet e zhvilluara objekti i padisë ka qenë mosshlyerja e detyrimeve ushqimore ndaj djalit të vet. Pra njeriu që kërkon të jetë kujdestari i shoqërisë shqiptare me “solidaritetin social” nuk kishte shlyer detyrimet e tij sociale për të cilat u padit në gjykatën e Tiranës. Pra seancat gjyqësore të Edvin Ramës me Matilda Makoçin, nuk janë zhvilluar vetëm në një seancë gjyqësore e ndarjes ku ai nuk ka marrë pjesë pasi ndodhej në Greqi i larguar. Këtu ishte edhe manipulimi i një të përditshme që botoi një intervistë të nënës së Matilda Makoçit, kur në radhë të parë duhej të pyeste këtë të fundit se kush është Edi Rama.
Gjyqi i 1995
Në fakt e përditshmja që botoi në shtator 2000 gjyqin e kafshatës dhe fjalët e rënda të Edvin Ramës, mund të ishte prononcuar sot për këtë çështje. Por sigurisht tani nuk mundet më pasi është në krah të Edvnit. Gjyqi i publikuar nga e përditshmja që sot mban anën e Edvin Ramës, nuk ishte i falsifikuar por ishte i vitit 1995 krejt ndryshe nga ç’mëtoi në mars të këtij viti, ish-vjehrra e Edvin Ramës. Ky gjyq ishte i vitit 1995, pra jo i ndarjes, por i kërkesës për dhënies së të drejtës së ushqimit, djalit të vogël që jetonte vetëm me të ëmën.
Breshëri plumbash në Tiranë, ekzekutohet 40 vjeçari
Një personështë vrarë me armë zjarri në Tiranë, në zonën e Kinostudios. Rrethanat e ngjarjes mbeten ende të panjohura. Ngjarja ka ndodhur pranë një karburanti në Kinostudio, ndërsa ende nuk dihen shkaqet. Policia ka shkuar në vendngjarje por nuk ka mundur të arrestojë autorin.
Viktima raportohet të jetë Mario Majollari, megjithëse ende nuk ka një konfirmim zyrtar nga ana e policisë. Viktima është qëlluar disa herë me armë zjarri, ndërsa dyshohet se arma e përdorur është silenciator.
Njoftimi i policisë
“Rreth ores 20.25 ne nje rrugice qe lidhet me rrugen “Aleksander Moisiu” eshte vrare me arme zjarri, dyshohet pistolete, shtetasi M.M, 28 vjeç” thotë policia.
Grupi hetimor ka mberritur brenda pak minutash ne vendngjarje dhe po sekuestron e grumbullon çdo prove per te identifikuar dhe perballur me drejtesine autoret e krimit.
Forca te shumta policie kane ngritur pika kontrolli ne zone, si dhe ne te gjitha rruget lidhese me vendin e ngjarjes.
Per hetimin e saj eshte ngritur nje grup i posaçem hetimor me specialiste te Drejtorise Vendore te Policise Tirane.
Policia ka shoqeruar e po vijon shoqerimin e disa shtetasve qe mund te ndihmojne me deshmite e tyre per zbardhjen e rrethanave te vrasjes.
Pista kryesore ajo e hakmarrjes. Policia ben me dije se po verifikohen problemet personale te viktimes pasi mendohet se eshte hakmarrje.
Berisha: Grushti i biznesit ndaj Kryeministrit pa të mbathura, vazhdim deri në fitore
Ish-Kryeministri Berisha ka reaguar për protestën e bizneseve në të gjithë vendin kundër vendosjes së TVSH-së për biznesin e vogël. Berisha shkruan në një postim në Facebook se, biznesi sot i dha grusht të fortë turinjve piktorit dështak pa të mbathura.
“Biznesi sot i dha grusht te forte turinjve piktorit deshtak pa të mbathura. Ai si shpetim zgjedh mashtrimin!
Zyrtari i larte tatimor e pergenjeshtron si mashtrim deklaraten e tij se tregjet nuk do kene TVSH.
Nderkohe qe, ne vendimin e qeverise te azhornuar, ata do jene ne TVSH ne rastin e mbi 2 milione. Ne vendim (shif nenin 11), jane perjashtuar vetem profesionet e lira, te cilat nuk kane prag TVSH, bujqesia qe e ka 5 milion pragun dhe hotelet me pese yje do ta kene vetem 6%.
Ndaj ju bej thirrje te gjitha bizneseve te vogla ne tregjet e vendit dhe jashte tyre, pas grushtit qe i dhane sot kryeministrit pa te mbathura te vazhdojne betejen deri ne fitoren e tyre te plote!
Lexoni mesazhin e tij” shkruan Berisha.
“Doktor, Rama mashtron ne postimin e tij ne fb, pasi tregjet qe mbyllen sot qepenat nuk jane te perjashtuara nga TVSH-ja. Ato do jene ne TVSH ne rast te xhiros mbi 2mln leke.
Po ju dergoj nenin perkates(11)te VKM-se se azhornuar
Ne kete nen vihet re se trajtim ndryshe kane profesionet e lira (qe skane fare prag tvsh),
Bujqesia qe e ka 5 mln, dhe
Paketa qe miratuan per hotelerite e luksit (6% tvsh)”, shkruan zyrtari.
“Misioni i pamundur” i Juventusit!
Pas fitores 3-0 që Real Madrid arriti ndaj Juventus në Torino, duket se çështja e kualifikimit është mbyllur dhe bardhezinjtë do të luajnë vetëm për krenari në “Santiago Bernabeu”.
Ndeshja e parë ishte shumë dramatike për bardhezinjtë dhe krahas kartonit të kuq të marrë nga Paulo Dybala u goditën edhe nga një gol me roveshatë nga Cristiano Ronaldo, i dytë për Real Madrid.
Ronaldo kishin shënuar edhe në minutën e tretë pas pasimit të marrë nga Isco dhe me 14 gola është golashënuesi më i mirë në këtë edicion të Champions League. Golin e tretë e shënoi Marcelo në minutën e 72-të dhe “Los Blancos” janë me një këmbë në gjysmëfinale.
Sergio Ramos do të jetë i skualifikuar dhe duke qenë se Nacho është i dëmtuar, Zidane nuk ka shumë zgjidhje për në qendër të mbrojtse, pasi i riu Jesus Vallejo ende nuk jep garanci për të luajtur një ndeshje të plotë.
Juventus ka pësuar gol në të shtatë ndeshjet e fundit kundër Real Madrid. Herën e fundit që bardhezinjtë nuk pësuar gol ishte vitit 2008, kur Alessandro Del Piero shënoi dy gola në fitoren 0-2 në “Bernabeu”. Që nga ajo ditë bilanci ka qenë në favor të Real Madrid, 3 fitore, 2 barazime dhe 1 humbje.
Real vjen në ndeshjen e sotme pas barazimit 1-1 ndaj Atletico Madrid, ndërsa në ndeshjen e fundit të Serie A, Juventus fitoi 4-2 në fushën e Benevento dhe tanimë kryeson Serie A me katër pikë avantazh.
Kur Real Madrid luan në shtëpi në Champions League, Casemiro ka një mesatare prej 5.5 topash të rikuperuar për ndeshje dhe 3.3 sparkatash vendimtare. Ai do të luajë si zakonisht në qendër të mesfushës në krah të Toni Kroos dhe Luka Modric.
Te Juventus, Paulo Dybala do të jetë i skualifikuar dhe kësisoj e gjithë përgjegjësia bie mbi Gonzalo Higuain, i cili duhet të shënojë golin e pestë në këtë edicion të Ligës së Kampioneve.
Real Madrid ka fituar mesatarisht 8.7 duele ajrore për ndeshje në këtë edicion të Champions League, ndërsa Juventus është edhe më mirë në këtë aspekt dhe ka fituar 12.9 duele ajrore për ndeshje.
Duke shqyrtuar futbollistët e të dyja ekipeve, Douglas Costa është lojtari që ka bërë më shumë driblime, 3.7 të tilla për ndeshje, ndërsa Ronaldo është i dyti dhe mesatarish ka realizuar dy driblime në çdo ndeshje të këtij edicioni të Champions League.
“Përbindëshi” që kushtoi 13 miliardë dollarë (Foto)
Thuajse një vit më parë hyri në shërbim anija luftarake më e madhe në botë. USS Gerald R. Ford, një “përbindësh” që ka kushtuar 13 miliardë dollarë dhe që sipas ekspertëve ka në bordin e saj teknologjinë më të fundit, një pjesë e së cilës sekret.
Vetë Trump tha se kjo aeroplanmbajtëse do të qetësojë aleatët dhe do të bëjë armiqtë të dridhen, sepse tregon qartësisht se kur amerikan mbërrin, vjen me forcë të jashtëzakonshme.
Megjithëse ende nuk është përcaktuar sektori i planetit ku mali i hekurt do të shërbejë, ekspertët i kanë drejtuar sytë nga Azia, sidomos tek zonat e tensionit të saj rreth Koresë dhe veriut, por edhe Rusisë e kinës. /t.ch/
Zbulohet skandali/ Rama i ka dhënë miliona euro konçensionarit të “Rrugës së Kombit” në 4 vjet
Shefqet Kastrati, pronar i një prej kompanive kryesore të naftës në Shqipëri dhe krye-konçensionari i Rrugës së Kombit, ka marrë 70 milionë euro në 4 vitet e fundit nga tenderat e qeverisë së Edi Ramës.
“Boldnews.al” ka përpunuar të dhënat e Thesarit të Shtetit, të publikuara në portalin “Spending Data Albania”. Shifrat e përfituara nga “Kastrati sha” dhe “Kastrati”, të dyja nën pronësinë e Shefqet Kastratit, dëshmojnë për hegjemoninë e plotë të kësaj kompanie në fondet publike shqiptare.
Nga hulumtimi rezulton se janë shumë të rrallë ato institucione publike qeveritare që nuk kanë lidhur kontratë me kompanitë e Kastratit për furnizimin me karburant. Në listën e gjatë të institucioneve që kanë paguar faturat për xhepin e Shefqet Kastratit janë edhe shumë institucione dhe agjenci lokale, të gjitha ose pjesa më e madhe e tyre të kontrolluara nga Partia Socialiste e Edi Ramës.
Kryeministri, në apologjinë dhe sulmin e tij kundër protestës në Rrugën e Kombit gjatë fjalës në Parlament të enjten, iu kundërvu të gjithë atyre që përmendin termin “oligark”. Sipas tij, opozita dhe të tjerë po godasin biznesin e ndershëm për qëllime elektorale.
Nga hulumtimi i “Boldneës.al” mbi përfitimet publike në 4 vitet e fundit, rezulton katërcipërisht se Shefqet Kastrati është dhe plotëson të gjithë kushtet për t’u konsideruar “oligark”, madje ndër më të afërtit e kryeministrit Rama.
“Kastrati Group”, dukshëm me bekimin e qeverisë, kontrollon tregun e karburanteve dhe mbizotëron dhunshëm në tenderat publikë. Ai ka hyrë fuqishëm në tregun e ndërtimit. Me lejen e Edi Ramës dhe beniaminit e kryeministrit në Bashkinë e Tiranës, Erion Veliaj, Kastrati po ndërton një prej atyre kullave që do të zaptojnë hapësirat publike në qendër të kryeqytetit. Së bashku me oligarkun tjetër, Nikolin Jaka, Shefqet Kastrati po ndërton kullën gjigande te ish-parku i fëmijëve “7 xhuxhat”, tek Rr. e Elbasanit.
Dhe, së fundmi, Kastrati rezulton të jetë bosi që do të fitojë nga konçensioni i Rrugës së Kombit, tarifat e të cilës u japin goditje fatale qytetarëve të varfër të Veriut të vendit.
Nga të dhënat e “Spending Data Albania”, dallohet lehtësisht se ministritë kryesore të vendit, ato që menaxhojnë paratë më të mëdha publike të shqiptarëve, janë nën diktatin e Shefqet Kastratit.
Këshilli i Ministrave, vetëm për aparatin administrativ që ndihmon Kryeministrin në detyrën e tij, ka kryer procedura tenderuese për karburant dhe ka kaluar në xhepin e Shefqet Kastratit rreth 460 mijë euro, në periudhën 2014-2018.
Ministria e Energjitikës, e drejtuar prej vitit 2013 nga Damian Gjiknuri, ka kryer disa procedura tenderuese për karburatin, duke i dhënë Shefqet Kastratit rreth 200 mijë euro gjatë periudhës 2014-2018.
Ministria e Financave dhe Ekonomisë, e drejtuar nga Arben Ahmetaj i ka dhënë buxhetit të Kastratit nga fondet publike të qytetarëve mbi 150 mijë euro tendera për karburantë.
Ministria e Turizmit, e drejtuar më parë nga Eglantina Gjermeni dhe që aktualisht drejtohet nga Blendi Klosi, për periudhën 2014-2018, ka dërguar në llogaritë e Shefqet Kastratit 150 mijë euro.
Bashkia e Tiranës, e drejtuar nga Erion Veliaj, rezulton të jetë treguar shumë bujare me “oligarkun” Kastrati. Në tre vitet e fundit, Bashkia e Tiranës ka shpallur fitues kompaninë e Kastratit në një numër të lartë tenderash karburantë, vlera e të cilëve arrin në rretn 500 mijë euro.
Lista e institucioneve shtetërore që kanë kontribuuar për shëndoshjen e financave të Shefqet Kastratit është shumë e gjatë dhe me shifra marramendëse. Drejtoritë e Përgjithshme të Tatimeve, Doganave, Policisë, si edhe shumë ente të tjerë publikë, janë gjithashtu kontribuuse për xhepit e Kastratit.
Me zhvillimet e fundit në Rrugën e Kombit, Edi Rama dha prova të qarta se, krahas fondeve publike, ai vë në dispozicion të “oligarkut” Kastrati edhe institucionet ligjzbatuese. Policia, Prokuroria dhe Gjykata dhanë provën e tyre se janë në mbështetje të kryeministrit dhe Kastratit, kundër qytetarëve të varfër kuksianë dhe të të gjithë Veriut. /Boldnews.al/
Kontrabanda, ilaçe të skaduara dhe të rrezikshme po helmojnë shqiptarët
Kontrabandimi me barna vazhdon të mbetet një prej problemeve të shumta në tregun farmaceutik në Kosovë. E njëjta situatë në fakt ndodh edhe në Shqipëri.
Zyrtarë në Doganat e Kosovës thonë se barnat si produkte, mund të kontrabandohen shumë lehtë, për shkak se sasia e tyre nuk është e madhe, por vlera është mjaftë e lartë.
Adriatik Stavileci zyrtar në Doganat e Kosovës tha për Radion Evropa e Lirë se gjatë vitit 2017 janë kapur mbi 15 mijë kuti të barnave pa banderola. Sipas tij barnat e kontrabanduara vijnë kryesisht nga Serbia.
“Sa i përket kontrabandës me barna, Dogana e Kosovës normalisht që shtron kontrolle si në pikat kufitare, po ashtu edhe në brendi të vendit. Vetëm vitin e kaluar ne kemi pasur mbi 50 raste kur kemi hasur në tentim të kontrabandimit të barnave dhe gjitha këto raste kanë qenë edhe në barnatore, brenda në depo të kamufluara, por edhe gjatë kalimit të kufirit”.
“Pra është një dukuri shqetësuese, por që nuk është në përmasa të mëdha. Zakonisht këto barna janë nga Serbia, por ka edhe nga vende të tjera kryesisht që përdoren për sëmundje të rralla e që kanë vlerë të madhe”, tha Stavileci.
Ditën e hënë, Policia e Kosovës ka gjetur sasi të barnave të dyshuara si mallra kontrabandë me banderola të Serbisë dhe afat të skaduar. Sipas vlerësimit fillestar, vlera e barnave të sekuestruara ka qenë rreth 20 mijë euro.
Kështu kanë thënë zyrtarë policorë, sipas të cilëve, një person i dyshuar është arrestuar në këtë operacion dhe pas intervistimit të tij, me urdhër të prokurorit të rastit nga prokuroria kompetente, i njëjti është liruar në procedurë të rregullt.
Ndërkohë, farmacistët thonë se arsyeja e kontrabandës me barna bëhet për faktin se çmimet e barnave në Kosovë janë 100 për qind më të shtrenjta se në rajon.
Visar Ademi, farmacist tha për Radion Evropa e Lirë se institucionet relevante nuk po bëjnë sa duhet për ta rregulluar unifikimin e çmimeve të barnave, andaj edhe kontrabanda është evidente prej vitesh.
“Unë mendoj se një prej arsyeve të kontrabandës së barnave është edhe mosunifikimi i çmimeve në Kosovë. Kosova ka çmimet më të larta të barnave në rajon”.
“Rajoni e ka të rregulluar këtë çështje. Mungesa e unifikimit të çmimeve ka bërë që në Kosovë çmimet e barnave të janë 100 për qind më të shtrenjta se në Serbi për shembull. Andaj edhe shumica e barnave të kontrabanduara vijnë nga Serbia”, tha Ademi.
Shaban Osmanaj, ushtrues detyre i drejtorit të Inspektoratit Farmaceutik në Ministrinë e Shëndetësisë tha se janë disa arsye pse ende në Kosovë vazhdojnë të kontrabandohen barna.
“Një prej faktorëve është çmimi i lartë i barnave, meqenëse nuk ka unifikim të çmimeve dhe është në procedurë udhëzimi administrative për unifikimin e çmimeve”.
“Tjetra arsye mund të jetë edhe përshkrimi i ilaçeve që nuk janë të regjistruara në Kosovë, e mjekët përshkruajnë ato barna, dhe qytetarët i fusin në mënyrë të pakontrolluar brenda Kosovës”, thotë Osmanaj.
Sidoqoftë, Kosova nuk e ka një legjislacion që do t’i rregullonte çmimet e barnave në vend dhe kjo shfrytëzohet nga kompani të ndryshme, por edhe nga vetë qytetarë, për t’i futur në mënyrë ilegale barnat në Kosovë.
Mesazhi në Bruksel: Mos mbyllni sytë ndaj Shqipërisë, po rrëshket në autoriarizëm
Partia Demokratike çon në BE çështjen e taksës së “Rrugës së Kombit” dhe arrestimin e protestuesve kuksianë.
PD iu ka kërkuar vendeve anëtare të Bashkimit Europian të mos mbyllin sytë dhe veshët ndaj situatës në Shqipëri, sepse vendi po rrëshqet në autoritarizëm. Mesazhin e dha në Bruksel Gert Bogdani gjatë diskutimit në Asamblenë Politike të PPE-së për zhvillimet në Ballkan dhe në Shqipëri.
Sekretari për Marrëdhëniet me Jashtë i PD theksoi se liritë dhe të drejtat e njeriut në Shqipëri janë përkeqësuar ndjeshëm dhe se ekonomia është përqendruar në duart e disa oligarkëve, klientë të qeverisë.
Bogdani e quajti kontratë korruptive koncesionare, taksën 10 euro për një udhëtim, ku kompania do të marrë 400 milionë euro fitim, në një kohë kur zona e Kukësit jeton në varfëri dhe papunësi dhe ka numrin më të lartë të azilkërkuesve në Europë.
Bogdani iu tha përfaqësuesve të vendeve anëtare në PPE se taksat e larta e të padrejta për qytetarët me qëllim pasurimin e njërit prej oligarkëve të lidhur me kryeministrin Rama, ishin arsyeja përse banorët e Kukësit u ngritën në protestë të bashkuar, përtej dallimeve partiake.
Sekretari për Marrëdhëniet me Jashtë vuri në dukje se protestuesit u arrestuan në mënyrë të paligjshme, në shkelje të të drejtave kushtetuese dhe vazhdojnë të mbahen në burg pa një procedurë të rregullt ligjore.
“Në vijim të metodave autoritariste, për shkak të protestës kundër arrestimit të paligjshëm, janë proceduar penalisht rreth 60 deputetë, kryebashkiakë dhe aktivistë të shoqërisë civile, të cilët nuk kontrollohen nga kryeministri Rama, me synimin për të shuar zërat kritikë kundër qeverisë”, u shpreh ai.
Bogdani rikonfirmoi qëndrimin e PD për mbështetjen e hapjes së negociatave të anëtarësimit, duke argumentuar se sa më afër integrimit në Bashkimin Europian të jetë Shqipëria, aq më shumë llogaridhënie dhe mbajtje përgjegjësie do të ketë për qeverinë.
Kryesore
Continue to the category
