Ndjekësit e Ramës në FB kanë shpërthyer në revoltë pas reagimit të Ramës mbi protestën e bizneseve. “Ishalla nuk ngjitesh në majë të kodrës thoshin plakat, fillon rrokullisja tani” ishte një nga paralajmërimet e ndjekësve të Ramës n facebook-un e tij.
Kryeministri Rama ka reaguar pas protestës së biznesit të vogël në mbarë vendin.
Sipas tij, futja e biznesit të vogël në skemën e TVSH-së, nuk e rrit barrën e tyre por siguron kontrollin e bizneseve të mëdha.
“Protesta e uljes së qepenave në tregjet bashkiake tallje e madhe me njerëzit nga politikanët pa atdhe!Sepse tregjet JANE JASHTE SKEMES së TVSH!Ne bëmë ZERO taksën e Biznesit të Vogël dhe futja në TVSH e të vegjëlve nuk rrit aspak barrën mbi ta po siguron kontrollin e të mëdhenjve.”
Ky status i kryeministrit ka bërë që komentuesit t’i “kërkonin llogari” në komente. Madje njëri prej tyre i ka prezantuar një rast konkret, rast i cili ka fituar edhe vëmendjen e Ramës.
“Mbaja bilancin e një dyqani çakmakësh dhe cigaresh, kur shkova t’i bëja bilancin më dha 150 fatura. Nga 2 mijë lekë në muaj që i merrja atij, i thashë pa 10 mijë lekë (të vjetra) nuk t’i mbaj dot. Ja hengsha zemrën Edi Ramës më tha”-shkruan qytetari.
Rast që Rama e ka hedhur poshtë, pasi sipas tij biznesi i vogël ka një xhiro deri në 2 mln lekë dhe nuk hyn në skemën e TVSH-së.
Revolta në FB e Ramës: Tani të pret rrokullisja – Lexoni komentet
Shpenzimet e luksit, Drejtori i Gjiknurit në KESH blen 2 skafe me çmime jahti
Në janar të vitit 2014, pak muaj pasi e majta kishte marrë pushtetin, ministri Damian Gjiknuri denoncoi ish-drejtorin e Korporatës Energjitike Shqiptare se kishte blerë një skaf me çmim jahti. Por 4 vite më pas, Kontrolli i Lartë i Shtetit, ka zbuluar shkelje të rënda në blerjen e dy skafeve me çmime jahti nga drejtori aktual i KESH, i emëruar nga ministri Gjiknuri, i cili nuk i denoncoi shkeljet.
Tpz.al ka siguruar një raport të KLSH-së, e cila ka audituar tenderin për blerjen e dy mjeteve lundruese. Në këtë raport thuhet se komisioni i marrjes në dorëzim të shërbimit, ka verifikuar dorëzimin e shërbimit sipas kontratës dhe është shprehur se operatori fitues i plotëson specifikimet teknike të kërkuara në kontratë.
“Nga dokumentacioni i vënë në dispozicion të grupit të auditimit, nuk vërtetohet plotësisht se mjetet lundruese i plotësojnë specifikimet teknike, pasi nga dokumentacioni i dorëzuar për mjetet lundruese është me mangësi”– thotë KLSH.
Sipas saj, nga çertifikata e lundrimit të sigurtë, për mjetet e lundrimit nuk ka evidencë që këto mjete lundrimi mbajnë secili nga 6 persona + 1 automjet, në kundërshtim me specifikimet teknike të përcaktuara në dokumentet e tenderit. Gjithashtu, në deklaratat e pjesshme të konformitetit të dy mjeteve lundruese të paraqitura nga operatori fitues i kontratës, përcaktohet se prodhuesi është C. Y. & B. Gmbh, ndërsa në setin e ofertës së operatorit fitues, autorizimi i prodhuesit që ka garantuar shitjen e mjeteve lundruese në emër të kompanisë GTS SHPK për KESH SHA, është një firmë tjetër. “Rezulton se mjetet e marra në dorëzim nuk janë në përputhje me specifikimet teknike, si rrjedhojë e dokumentacionit të vënë në dispozicion” thuhet në këtë raport.
KLSH-ja analizon se vlera e kontratës për dy mjetet lundruese prej 407 milionë lekësh konsiderohet efekt financiar negativ për shoqërinë KESH SHA. Pra, nga dokumentet rezulton se një mjet, megjithë pajisjet shtesë, është blerë për rreth 200 mijë USD, sa vlera e një jahti.
Tpz.al ka mësuar se KESH akordoi rreth 400 mijë USD (bashkë me TVSH) për dy mjete lundruese, ndërsa në tender mori pjesë vetëm një operator, i cili ka ofruar disa qindarka më pak të vlerës.
Duket se historitë përsëriten në këtë vendin tonë të vogël, pasi 4 vjet më parë, ministri Gjiknuri do të akuzonte paraardhësit e tij për skafet e KESH -it. Në janar 2014, Gjiknuri se çoi për ndjekje penale ish-drejtorin e hidrocentralit të Komanit, Arben Cani, dhe drejtues të tjerë të këtij HEC-i për abuzim me tenderin për blerjen e një mjeti lundrues. Bëhej fjalë për blerjen e një skafi, i cili rezulton të jetë prokuruar nga HEC-i i Komanit me vlerë 7 herë më të lartë nga çmimi i zhdoganimit. Skafi i tipit “Marinko Cruiser 222”, i importuar fillimisht nga një subjekt privat është zhdoganuar në doganë me vlerë 38 mijë e 150 euro, por është blerë më pas nga Hidrocentrali i Komanit për një çmim shtatë herë më të lartë, plot 255 mijë euro.
Ky është standardi i dyfishtë i “rilindjes”, ku zyrtarët socialistë bëjnë kurban kundërshtarët për çdo shkelje të vogël, ndërsa vehten e tyre e kursejnë në çdo abuzim.
Bastisja, Trump e konsideron sulm kundër vendit, gati shkarkimi i Muller
Agjentët e Byrosë Federale të Hetimeve, të pajisur me autorizime të gjykatës, konfiskuan dokumente të avokatit personal të presidentit Donald Trump, Michael Cohen, në zyrën e tij në Mahatan të Nju Jorkut.
Kjo u bë e ditur në një deklaratë të avokatit të zotit Cohen, Stephen Ryan.
Ai tha se urdhrat për kërkimin e dokumenteve u ekzekutuan nga zyra e avokatit amerikan për qarkun jugor të Nju Jorkut, por ato kanë lidhje vetëm “pjesërisht” me hetimet e prokurorit të posaçëm Robert Mueller.
Presidenti Trump reagoi mbrëmjen e së hënës, duke thënë se “kjo është një situatë e turpshme, është një sulm kundër vendit tonë”.
Ai i bëri komentet gjatë një takimi të këshillit të sigurisë kombëtare të mbledhur për të diskutuar mbi reagimin e SHBA ndaj sulmit me armë kimike në Siri.
Presidenti Trump tha se “kjo është një gjueti e pastër shtrigash”, duke iu referuar tërthorazi punës së prokurorit të posaçëm Robert Mueller, i cili po heton rreth një bashkëpunimi të mundshëm të fshehtë të fushatës Trump me Rusinë.
Presidenti Trump tha se deri tani nuk është gjetur asnjë bashkëpunim i tillë i fshehtë.
I pyetur nëse do ta shkarkonte zotin Mueller, ai nuk u përgjigj drejtpërsëdrejti por tha se “këtë do ta shohim”.
Ai u ankua se ndërkaq nuk ka patur asnjë hetim rreth rivales së tij në zgjedhje, Hillary Clinton, duke iu referuar “33 mijë emaileve të saj të zhdukura”.
Avokati i zotit Cohen tha më herët të hënën se agjentët e FBI-së konfiskuan “komunikime klient-avokat që mbrohen me ligj,” por nuk dha hollësi mbi përmbajtjen e tyre. Ai shtoi se përdorimi i mandateve të kërkimit ishte “krejtësisht i papërshtatshëm dhe i panevojshëm”.
Michael Cohen, avokati personal i zotit Trump, muajt e fundit është vënë nën vëzhgimin e pandërprerë të medias, për shkak të një pagese prej 130 mijë dollarësh që i ka bërë aktores së filmave pornografikë Stormy Daniels, e cila pretendon se ka pasur lidhje intime me zotin Trump në mesin e viteve 2000.
Presidenti Trump thotë se nuk ka qenë në dijeni të pagesës, për të cilën disa ekspertë ligjorë thonë se mund të jetë nxjerrë nga kontributet për fushatën e tij zgjedhore dhe si rrjedhojë ka qenë e paligjshme.
Taksat dhe detyrimet e reja të qeverisë që falimentojnë biznesin
Nga Ledina Loga/Monitor
Biznesi i Besar Balliut ka hyrë këtë janar në vitin e dytë të aktivitetit. Kur vendosi që të blinte bar-kafenë në Qytetin e Studentit, i kishte menduar ndryshe “llogaritë” për të ardhurat që do të siguronte nga ky aktivitet.
Aktualisht, pa u bërë ende pjesë e skemës së TVSH-së, Besari, kryefamiljar, thotë se ka një fitim prej 80 mijë lekësh në muaj. Lokali i tij ka një xhiro mesatare mujore prej 450 mijë lekësh në muaj, 190 mijë lekë janë shpenzime fikse, ku përfshihen: qiraja mujore 70 mijë lekë; 48 mijë lekë pagat e punëtorëve; 40 mijë lekë fatura e energjisë elektrike; 10 mijë lekë fatura e ujit; 20 mijë e 100 lekë kontributet e sigurimeve shoqërore dhe shëndetësore dhe 2 mijë lekë tarifa e ekonomistes.
Sipas Besarit, aktivitetet e bar-kafeve operojnë me një marzh bruto prej 60% (çmim mesatar i aplikuar mbi furnizimet e lokalit). Për një xhiro mesatare mujore prej 450 mijë lekësh, ai do të duhet të paguajë rreth 45 mijë lekë në muaj TVSH, kur të hyjë në skemën e TVSH-së.
Nëse deri sot (para përfshirjes në skemën e TVSH-së) prej aktivitetit përfitonte një pagë mujore prej 80 mijë lekësh, pas përfshirjes në TVSH, në rastin më të mirë, do t’i mbeten vetëm 35 mijë lekë në muaj. Për më tepër, atij do t’i nevojiten shërbime shtesë, gjë që do t’i rrisë kostot administrative. Sipas ekspertëve, një biznes i vogël do të shpenzojë rreth 7 mijë lekë më shumë çdo muaj për ekonomistë dhe për programet financiare, duke e çuar fitimin neto në 28 mijë lekë në muaj. Me këto nivele fitimi, Besari tha për “Monitor” se nuk ka ndër mend që ta vazhdojë aktivitetin.
Edhe pse biznesin e bleu në fillim të vitit të kaluar për 8 mijë euro, duke marrë një kredi në bankë, Besari rrëfen se aktiviteti nuk ka nxjerrë as paratë e investimit në fillim.
“Me përfshirjen në skemën e TVSH-së do të na vihet laku në fyt” – u shpreh ai.
Pjesa më e madhe e bizneseve të intervistuar nga “Monitor”, në zona të ndryshme të Tiranës, nuk ishin të informuar se si do të vepronin. Si biznese të vogla nuk kanë shpenzuar shumë tek ekonomistët. Pjesa më e madhe e tyre i kanë kontaktet e rralla me ekonomistët dhe thanë se nuk janë vënë në dijeni se kur do fillojnë të paguajnë.
“Manovrat” e biznesit të vogël
Aida, 34 vjeçe, nga Tirana, është vetëpunësuar duke hapur një dyqan veshjesh pranë shkollës “Vasil Shanto”. Ajo pohoi për “Monitor” se me vendosjen e TVSH, për të mbijetuar, do të detyrohet që të mos i presë të gjithë kuponët tatimorë, ose kur t’i presë, t’u vendosë çmim më të ulët se ai real. Edhe pse e di mirë se nëse bën këtë shkel ligjin dhe se mund të përballet me gjoba të larta, ajo tha se vetëm kështu mund të mbijetojë, ndryshe do të duhet të mbyllë dyqanin.
Pjesa më e madhe e bizneseve që u intervistuan pohuan se herë pas here detyrohen të bëjnë manovra për të mos deklaruar qarkullimin real. Ata thanë se, pavarësisht se kanë një qarkullim që ndonjëherë kalon pragun e vendosur nga shteti për t’u përjashtuar nga detyrimi i Tatimit mbi Vlerën e Shtuar, kanë kosto shumë të larta operative, kryesisht të qirasë, por edhe të energjisë elektrike dhe ujit.
Dori, i cili ka një bar-kafe pranë sheshit “Ëillson”, tha se me rritjen e çmimit të ujit me 40%, shpenzimeve të tij mujore do t’i shtohet një zë tjetër.
“E kemi kot emrin biznes”, – tha ai për “Monitor”, duke shtuar se nuk e ka të qartë përfshirjen si biznes me TVSH.
“Disa thonë që ne jemi përfshirë që më datë 1 janar, të tjerë se do të fillojmë pas marsit. Ekonomisti që më mban letrat nuk është vetë i informuar, – tha Dori për “Monitor”.
Të gjitha bizneset që realizojnë një xhiro mesatare ditore prej 5,500 lekë e lartë e kalojnë kufirin prej 2 milionë lekësh në vit, aq sa do të jetë pragu për t’u përfshirë në TVSH. Kjo është një shumë minimale e xhiros që e realizon pothuajse çdo biznes, çka nënkupton se pjesa më e madhe e tyre do të përfshihen në skemë.
Aktualisht, sipas tatimeve, janë rreth 70 mijë biznese që nuk paguajnë TVSH.
Rritja e çmimeve largon klientët
Një nga mundësitë më të diskutuara është transferimi i TVSH-së tek çmimi për të ruajtur të njëjtat nivele fitimi. Sipas bizneseve të intervistuara në një treg ku konkurrenca është e fortë, lëvizja e çmimit çon drejt largimit të klientëve.
Mariel Hoxha punon prej kohësh si kontabilist. Ai thotë se problemi më i madh i bizneseve është mbi stokun e inventarit që ata kanë krijuar dhe që janë blerje pa TVSH. Kur bizneset e vogla të bëjnë shitje me TVSH, do t’ju transferohet e gjithë kostoja (duke qenë se nuk përfitojnë nga TVSH-ja e zbritshme). Sipas Marielit, bizneset do të detyrohen që ta transferojnë atë në çmim. Për këtë shqetësim të biznesit, “Monitor” kontaktoi me operatorin e vendosur nga Tatimet në numrin e tyre pa pagesë. Sipas operatorit, biznesi nuk do të ketë zgjidhje tjetër, përveçse të mbajë të gjithë TVSH-në në shitje vetë.
Problemi i faturave fiktive, problem zinxhir
Aida tregoi për “Monitor” se shpeshherë bizneset e mëdha ku ajo bën furnizimet, nuk i japin fatura të sakta tatimore, në të cilat shënojnë vlerë më të ulët të mallit të blerë. Për një fustan që ajo e blen 4500 lekë/copa tek grosisti me shumicë i ishte dhënë një faturë blerje me çmim vetëm 900 lekë/copa. Nëse ajo deklaron çmimet reale të shitjes, TVSH e pagueshme do të ishte shumë më e lartë se ajo reale.
Tatimi mbi Vlerën e Shtuar aplikohet në diferencën midis çmimit të shitjes dhe çmimit të blerjes. Sa më e madhe diferenca, aq më i lartë është detyrimi i bizneseve të vogla. Për çdo blerje që kryen një biznes, paguan edhe TVSh-në për mallin, ndryshe TVSH e rimbursueshme (e zbritshme). Ndërsa për mallrat që shet, biznesi mbledh TVSH-në (TVSH e mbledhshme). TVSH-ja e pagueshme është rezultati i diferencës së TVSH-së së mbledhshme (e mbledhur nga shitjet e aktivitetit) dhe TVSH-së së rimbursueshme (që ka paguar biznesi nga furnizimet).
Pjesa më e madhe e bizneseve të vogla të intervistuar nga “Monitor” nuk ishin të qartë se kur do të duhet të fillonin që të mbanin librat e blerjeve me TVSH. Në rast se bizneset e vogla nuk fillojnë që tani me inventarizimin e mallrave me TVSH, do t’iu duhet që pas datës 1 prill të paguajnë TVSH për mallrat që kanë blerë pa TVSH nga data 1 janar deri më 30 mars. Thënë ndryshe, do t’iu shtohet një kosto prej 20%. Ahmet Gjinishi, kontabilist, thotë se aktualisht, asnjë biznes që ai ka në portofolin e tij të klientëve, nuk ka ndërmarrë hapa për të kryer procesin e inventarizimit të mallrave me TVSH dhe se një pjesë e tyre po shpresojnë që në datën 1 prill, i gjithë malli që kanë në magazina të inventarizohet si mall me TVSH. Deri atëherë mbeten në pritje të ndonjë vendimi të dytë nga administrata tatimore.
Kostot administrative
Sipas Ahmet Gjinishit, kontabilist i cili punon edhe me bizneset e vogla, bizneset janë në amulli, duke qenë se nuk kanë orientim me skemën e re. Sipas zotit Gjinishi, përveç TVSH-së, bizneseve do t’iu shtohen edhe kosto administrative. Deri më tani, bizneset e vogla nuk kanë pasur një ekonomist me kohë plotë. Kontabilisti përllogarit një kosto shtesë minimale vjetore prej 30 mijë lekësh për të. Ai thotë se bizneseve do t’iu lindë nevoja për të blerë dhe programet financiare si Bilanc, Alfa apo Financa 5, të cilat kushtojnë rreth 50 mijë lekë në vit.
Në total, përllogaritet një kosto mujore shtesë prej 7 mijë lekësh, përveç TVSH-së së pagueshme (nëse nuk transferohet TVSH në rritjen e çmimeve).
Zëri i Amerikës: Biznesi në Shqipëri proteston, i rënduar nga taksat, fuqia blerëse ka rënë me 46%
Bizneset e vogla në Shqipëri zhvilluan sot grevë njëorëshe, duke mbyllur dyert e shitoreve të tyre në shenjë proteste ndaj rritjes së taksave dhe vendosjes për ta të taksës së vlerës së shtuar, tvsh.
Protesta u zhvillua në të njëjtën orë në të gjithë qytetet e vendit, me mbylljen e shitoreve.
Përfaqësues të bizneseve të vogla pohuan se krahas vendosjes së tvsh-së, mbi ta rëndojnë edhe 37 taksa të tjera, të cilat kanë mbyllur deri tani 82 mijë biznese të vogla në 4 vite.
Ata pohojnë se taksat e reja po falimentojnë masivisht bizneset e ndershme dhe synojnë të pastrojnë terrenin për bizneset klienteliste dhe korruptuese të qeverisë.
Tregtarët e vegjël thonë se gjenden në një periudhë mjaft kritike, e ndoshta kohërat më të vështira, që po kalon biznesi i vogël. Me mbylljen e këtyre bizneseve, pohojnë tregtarët, ata po largohen nga vendi. Biznesi i vogël dhe i mesëm përbën 99% e biznesit shqiptare. Mbi to rëndon taksa dhe çmimet e karburantit dhe energjisë, fuqia blerëse ka rënë me 46 %. Protesta e tregtarëve të vegjël u mbështet nga opozita, që e konsideron si vazhdim të mosbindjes civile. Ndërsa qeveria tha se greva është pjesë e përpjekjeve të opozitës për të përfituar pikë politke nga vështirësitë që ndeshin grupe të ndryshme sociale.
Tregtarët: Duhet përmbysur ai maskara, të ngrihemi nga Jugu në Veri
Tregtarët janë shprehur të revoltuar lidhur me vendimin më të fundit të qeverisë për përfshirjen e tyre në skemën e re të TVSH.
Nga 1 Prilli hyri në fuqi skema e re e Tatimit mbi Vlerën e Shtuar, e cila detyron të gjitha bizneset me xhiro vjetore mbi 2 milionë lekë të reja të jenë pjesë e saj.
Në këto kushte, tregtarët janë shprehur të revoltuar me argumentin se taksat janë bërë të papërballueshme dhe po i çojnë drejt falimentit.
“Kam 2-3 vjet që s’po çojmë asnjë lek në shtëpi. Barra fiskale është 100 e ca mijë lekë në muaj, kërkojnë edhe ekspert kontabël, që kërkon mijë lekë në muaj”, u shpreh njëri nga sipërmarrësit te tregu i Medresesë.
“Paguajmë sigurimet, bashkinë, konkurrenca është e pandershme, taksat janë rritur dhe punë s’ka. Të ngrihet veriu dhe jugu dhe ta përmbysim këtë maskara, taksa arrin në maksimum, unë jam me llamarinë dhe s’kam kushte. S’kam ku të ha unë, ai ta mbajë fjalën dhe mos ta dredhë fjalën”, është shprehur e revoltuar një tjetër tregtare në Durrës.
Paralajmërimi i ish-Presidentit: Shpërthimi popullor do të jetë masiv dhe i pa imagjinueshëm
Ish-Presidenti paralalajmëron qeverinë për atë që e pret nga revolta popullore. Ish-Presidenti Bujar Nishani, e cilëson shpërthim të akumuluar prej vitesh ndaj qeverisë, reagimin e dhunshëm të protestuesve në Rrugën e Kombit.
Në një intervistë për “Panorama”, ish-Presidenti deklaron se përmes arrogancës dhe shantazhit që qeveria po ushtron ndaj qytetarëve, shumë shpejt motoja e çdokujt do të jetë “Më arrestoni dhe mua”.
Ish-kreu i shtetit ka folur edhe për zhvillimet e brendshme në Partinë Demokratike ku ka theksuar se dinamika që i duhet të prodhojë sot opozitës në Shqipëri, duhet t’i kalojë disa herë frekuencat e një opozite tjetër në një vend ku demokracia zhvillohet mbi kriteret dhe ligjësitë normale.
Ja çfarë thotë Nishani për mosbindjen civile dhe paralajmërimi për shpërthim masiv
Protesta e qytetarëve në Rrugën e Kombit është shpërthimi i një zemërimi të akumuluar prej vitesh ndaj një qeverisjeje, që e ka varfëruar në ekstrem popullin, ka ngritur në një kult të pandëshkueshmërisë korrupsionin, ka injoruar dhe fyer dinjitetin dhe personalitetin e qytetarit të thjeshtë.
Këtë zemërim e has në çdo cep dhe qytet të vendit. Shpërthimi i tij masiv do të jetë i paimagjinueshëm sepse përgjegjësitë për rendin social dhe shoqëror kanë krijuar një shkëputje të madhe nga realiteti dhe mendojnë se me anë të frikës dhe shantazhit do mund të ruajnë këtë status quo. Zhvillimet dhe reagimet nga populli po tregojnë se shumë shpejt motoja e qytetarëve të këtij vendi do të jetë “Më arrestoni dhe mua”, se dufi i akumuluar nga hallet dhe mospërfillja as që imagjinohet nga pushtetarët. Këdo që takon sot dhe me këdo që flet për protestën, i konsideron ata qytetarë të arrestuar dhe burgosur si heronjtë e ditës të shqiptarëve.
Po krijohet një frymë popullore që, kush ndeshet fort me pushtetin e korrupsionit dhe hajnisë, kthehet në hero. Për fat të keq, opozitës nuk i ka mbetur asnjë alternativë normale politike. I vidhen votat me para droge, i goditen simpatizantët me mekanizmat e shtetit si Policia, Tatimet dhe mohimit te shërbimeve publike. A ju kujtohet se çfarë thoshte Kryeministri gjatë fushatës elektorale në zgjedhjet lokale: “… Po votuat kandidatin e opozitës do mbeteni në izolim se nuk do keni investime, projekte dhe buxhet nga qeveria”.
Kjo në fakt ka ndodhur atje ku drejtojnë të zgjedhurit e opozitës. Çfarë duhet të bëjë opozita në këtë situatë? A e dëgjuat se si e identifikoi Kryeministri popullin e vet nga foltorja e Parlamentit? A ka ndodhur kjo ndonjëherë në ndonjë vend të botës? Kurrë, asnjëherë, nga askush. Çfarë duhet të bëjë opozita në këtë situatë? Unë mendoj se përgjegjë- sia e saj për ndryshim dhe ndihmuar popullin është tmerrë- sisht e madhe. Ajo të marrë plotësisht këtë përgjegjësi.
Protesta e bizneseve, reagon Basha: Shqipëria do të çlirohet nga oligarkia politike dhe ekonomike
Futja e biznesit të vogël në TVSH është goditje që i bëhet biznesit, ekonomisë, dhe vetë Shqipërisë. Sipërmarrësit e vegjël janë motori i çdo ekonomie dhe shoqërie: ata krijonë punësim, ata sjellin zhvillim, ata sjellin mirëqenie.
Nuk ka asnjë arsye ekonomike, asnjë arsye publike për vendimin e Edi Ramës kundër biznesit të vogël. Ka vetëm dy arsye private: favorizimi i oligarkëve dhe krijimi i kushteve për koncesionin privat të TVSH-së.
Sipërmarrësit e vegjël treguan sot në mbarë vendin se ata nuk do të heshtin para arbitraritetit, nuk do të lejojnë që bizneset dhe mundi i tyre të grabitet nga Edi Rama dhe klientët e tij.
Ata duan një Shqipëri ku ka mundësi, ku ka konkurencë të ndershme, ku ka drejtësi.
Kjo Shqipëri do të jetë realitet vetëm kur politika të mos jetë e kapur, kur Shqipëria të çlirohet nga oligarkia politike dhe ekonomike.
Ky është vizioni dhe vullneti i Partisë Demokratike.
Kalvari i të diplomuarve në Shtetet e Bashkuara, qytetarja: Zëdhënësi i Ramës më tha se Edi është si Obama
Vjollca Xhaka është një nga qindra të rejat shqiptare, të cilat kanë zgjedhur që të kthehen në Shqipëri pas kryerjes së studimeve në perëndim.
Ajo ka përfunduar disa universitete në SHBA, ndërsa ka mbajtur dhe poste shumë të rëndësishme në administratën amerikane, si dhe ka qenë punonjëse dhe në OKB.
Mirëpo çfarë ndodh tani që ajo është kthyer në Shqipëri, pasi ka qendruar për 18 vite në SHBA?!
Dëshira e saj për të dhënë një kountribut për vendin, duket se ka rënë në heshtje të plotë nga figurat politike dhe institucionet në vendin tonë, asaj i janë mbyllur të gjitha dyert.
Ajo thotë se sapo ka ardhur në Shqipëri u ka dërguar të gjithë eksperiencën e saj institucioneve, sidomos në pjesën e auditimit, pasi korrupsioni në vendin tonë është një nga problemet më të mëdha me të cilin ndeshen qytetarët dhe jo vetëm. Ajo tregon se ka kontaktuar Edi Ramën dhe deputetët më të rëndëishëm, po në shkëmbim ka marrë vetëm heshtjen.
“Nga zëdhënësi i Edi Ramës mora një përgjigje në telefon, dhe më tha që zoti kryeministër nuk mund të më gjej punë, pasi ky nuk është pozicioni i tij. Më tha se është njësoj si të marrësh në telefon dhe të të zgjidhë punën Barack Obama. Ndërkohë që unë dhe në SHBA kisha bërë të njëjtën gjë duke kontaktuar me presidentin amerikan edhe pse nuk kam marrë përgjigje as nga ai.
Për t’u bërë audituese në KLSH duhet që të dija kushtetutën e Shqipërisë, ligjin e nënpunësit civil, informacione që mund t’i merrja gjatë kohës që do ta fitoja këtë pozicion pune. Pse i duhet revizorit që të mësojë kushtetutën?! Unë shkova në provim dhe nuk më ra asnjë nga këto, po më ranë pyetje që kishin të bënin me llogaritjen. Tjetër gjë mësova dhe tjetër gjë më ra në povim. Qeveria shqiptare ka shpikur konkursin, ku i vlerëson njësoj si ata që kanë studiuar te Kristali si ata që kanë përfunduar në Ilinois”, shprehet Vjollca Xhaka në ”Fax neës”.
Ajo është kthyer tashmë në qytetin e saj të lindjes në Shkodër, dhe s’ka ndërmend të kthehet prapë drejt SHBA-ve, pa u pëpjekur me sa të ketë mundësi që të arrijë t’ia dalë në tregun shqiptar.
Tregtari i përgjigjet Ramës me tone të ashpra
Një nga tregtarët që morën pjesë sot në aktin e biznesit të vogël duke mbyllur qepenat, me tone të ashpra ka thënë para kamerave, se Kryeministri Edi Rama, deklaratën e tij në Parlament: “Thirri të ngrihet…ai i shkreti me kokë ulur”, e ka patur për veten e tij.
“Se e tha ai për rrushin e vet… jo për rrushin e popullit. T’i boni të fala atij (Ramës) se ka ik gjithë rinia mo zotëri; gjithë rinia. S’ka rini që të rrijë këtu”, ka thënë tregtari.
Shumë biznese sot në të gjithë vendin kanë ulur qepenat në formë kundërshtimi ndaj futjes në skemën e TVSH-së.
Nga ana tjetër, ministri Arben Ahmetaj, ka folur për mediat dhe ka mohuar impaktin negativ që kjo protest mund të ketë në biznesin e vogël.
Kryesore
Continue to the category
