Kryetari i PD-së tha se Edi Rama pasi privatizoi policinë dhe prokurorinë tani privatizoi dhe gjykatat.
Lulzim Basha: ” Çfarë lidhje ka ky rregjim që liron Orest Sotën të kapur me 860 mijë euro në makinë dhe patentat e Saimir Tahirit dhe mban në burg Florim Onuzin, babain e tre fëmijëve të grabitur në mes të natës pasi i kanë terrorizuar fëmijët në mes të natës, si të ishte një terrorist. Ky është një rregjim që shkel e nëpërkëmb liritë dhe të drejtat e qytetarëve. Lihet i lirë Qazim Sejdini e Vangjush Dako. Ka privatizuar prokurinë e cila nuk çoi një dhunues të protestuese në Gjykatë. Tani privatizoi edhe gjykatën.
Kryetari i PD-së i bëri thirrje qytetarëve të bashkohen nesër në protestat që do të shtrihen në të gjithë vendin, ndërsa pritet dhe bllokimi i disa akseve rrugore.
Lulzim Basha: Ne do të jemi aty, siç kemi qenë sot në krahë të qytetarëve të pafajshëm kuksianë. Do të jemi nesër në protestat e njoftuara nga qytetarët, nga sipërmarrësit e vegjël, nga fermerët, nga qytetarët që janë larguar nga ndihma ekonomike, në Bradashesh, në Milot, në Vorë dhe në Çermë. Do të jemi në krah të tyre. Një popull i bashkuar që do t’i rezistojë me të gjitha format dhe mënyrat demokratike, është garancia se kjo diktaturë dhe tirani e krimit, i ka orët e numëruara.
I bëj thirrje të gjithë shqiptarëve të ndershëm, dhe socialistëve të ndershëm, ta refuzojnë privatizimin e shtetit nga kjo bandë kriminale në pushtet, e cila nuk ka drejtësi për kriminelët, i lë të lirë kriminelët dhe fut në burg popullin. Të kësaj bande që grabit shqiptarët duke u marrë taksa mbi taksa por nuk u kthen kurrë as shërbime, as rroga, as pensione.Opozita do të jetë në krahë të qytetarëve që do të protestojnë nesër, ndaj ju thërras të gjithëve së bashku, të jemi masivisht, për të treguar se populli nuk nënshtrohet dhe e drejta do të triumfojë.

Për vendimin e gjykatës reagoi dhe kryetarja e LSI-së, Monika Kryemadhi.
Monika Kryemadhi: Vendimi i sotëm tregoi hapur se reforma në drejtësi tashmë instaloi përfundimisht kapjen e sistemit të drejtësisë nga politika e inkriminuar. Askush nuk mund të vendoset mbi popullin dhe mbi vullnetin e tij. As bandat dhe as kriminelët që rrethojnë Edi Ramën. As ato që eksporton nga jashtë. Sot fjala e politikës mbaroi tani fjalën e ka populli.
Deklarata e plotë e Bashës
Protesta e Kukësit, ka nxjerrë para gjithë shqiptarëve fytyrën e këtij regjimi kriminal që mbahet në këmbë përmes mashtrimit dhe forcës. Edi Rama, ka privatizuar policinë, gjykatat, prokurorinë, për të vazhduar grabitjen e shqiptarëve dhe për të pamundësuar drejtësinë e vërtetë.
Çfarë lidhje ka ky regjim, që e liron Orest Sotën të kapur me 860 mijë në makinë, me makinat e Sajmir Tahirit dhe mban në burg
Florin Onuzin, babain e tre fëmijëve të grabitur në mes të natës, pasi i kishin terrorizuar fëmijët, sikur të ishte terrorist.
Ky është një regjim që shkel dhe nëpërkëmb liritë dhe të drejtat e qytetarëve.
Katër ditët e fundit keni parë se si gjykatat, prokuroria, policia por edhe gjykata kanë shkelur dhe nëpërkëmbur të drejtat e qytetarëve të pafajshëm që protestonin për të drejtat e tyre legjitime, si Lulzim Popa, invalid që u grabit të mes të natës dhe u mbajt dy ditë pa ilaçet e tij duke i terrorizuar nipër e mbesa.

U ngrit sepse s’kishte para që i vunë tek dera e shtëpisë. Ky është një regjim që burgos popullin dhe lë kriminelët të lirë.
Burgos qytetarët që ngrihen për të drejtat e tyre dhe lë të lirë Sajmir Tahirin që është kapur me përfitime miliona euroshe nga trafiku i drogës, kur ishte Ministër i Brendshëm.
Lë të lirë Vangjush Dakon, të kapur dhe të interceptuar në bashkëpunim me kriminelët duke u dhënë tendera, duke u premtuar konçesione në shkëmbim të blerjes dhe dhunimit të votës. Le të lirë Qazim Sejdinin që me dhëndrin e tij dhe bandën e heroinës të terrorizojë një qytet të tërë.
Lë të lirë Arben Ahmetaj, që u merr çdo vit, pa bërë asnjë punë, miliona euro shqiptarëve, për konçesionin e inceneratorëve dhe burgos njerëzit e pafajshëm. E sotmja ka treguar para çdo shqiptari se Edi Rama e ka privatizuar shtetin në funksion të grabitjes së qytetarëve.
Ka privatizuar policinë e shtetit, që sot bëri shtetrrethim në Tiranë.Ka privatizuar prokurorinë që nuk guxoi të çonte një dhunues të protestuesve para gjykatës. Ka privatizuar gjykatën që sot dhunoi deputetët e opozitës, në shkelje flagrante të ligjit, sepse nuk donte që deputetët e opozitës dhe shqiptarët, përmes tyre, të dëgjonin dëshmitë tronditëse të qytetarëve të pafajshëm të Kukësit, të grabitur në mes të natës sepse protestuan për bukën e gojës.

Por nuk mund të privatizojë dot popullin shqiptar.Regjimet të cilat i kundërvihen interesit publik, regjimet që përdorin dhunën dhe forcën kundër njerëzve, janë vetëm hapa rrëzimit.
Popullin shqiptar nuk e nënshtron dot, nuk e privatizon dot. Ne do të jemi aty, siç kemi qenë sot në krahë të qytetarëve të pafajshëm kuksianë. Do të jemi nesër në protestat e njoftuara nga qytetarët, nga sipërmarrësit e vegjël, nga fermerët, nga qytetarët që janë larguar nga ndihma ekonomike, në Bradashesh, në Milot, në Vorë dhe në Çermë. Do të jemi në krahë të tyre. Një popull i bashkuar që do t’i rezistojë me të gjitha format dhe mënyrat demokratike, është garancia se kjo diktaturë dhe tirani e krimit, i ka orët e numëruara.
I bëj thirrje të gjithë shqiptarëve të ndershëm, dhe socialistëve të ndershëm, ta refuzojnë privatizimin e shtetit nga kjo bandë kriminale në pushtet, e cila nuk ka drejtësi për kriminelët, i lë të lirë kriminelët dhe fut në burg popullin.
Të kësaj bande që grabit shqiptarët duke u marrë taksa mbi taksa por nuk u kthen kurrë as shërbime, as rroga, as pensione.
Opozita do të jetë në krahë të qytetarëve që do të protestojnë nesër, ndaj ju thërras të gjithëve së bashku, të jemi masivisht, për të treguar se populli nuk nënshtrohet dhe e drejta do të triumfojë.

Ish-Kryeministri Berisha ka reaguar ashpër pas vendimit të Gjykatës për protestuesit e arrestuar të Kukësit ku 11 prej tyre u lanë në burg.
Berisha thotë se ky vendim që lë në burg dhe arrest shtëpie shumicën e protestuesve të pafajshëm është një thirrje për çdo shqiptar për të përmbysur sa më parë qeverinë.
“Tani radhën e ka revolta popullore”, shkruan ai.
Postimi i plotë:
Vendim politik hakmarrës dhe antikushtetues!
Farsa gjyqësore politike më e turpshme, që nga kohërat më të zeza në diktaturë. Vendimi i turpshëm i bazuar kryekëput në falsifikime kriminale të dosjeve e procesverbaleve dhe pa asnjë provë e asnjë fakt dhënë me urdhër të kryegjykatësit, kryetrafikantit Edvin Kristaq Rama dhe që e lexoi në sallën e gjyqit përfaqësuesja e tij.
Ky vendim që lë në burg dhe arrest shtëpie shumicën e protestuesve të pafajshëm, është një thirrje për çdo shqiptar të përmbysim sa më parë këtë klikë të urryer nga mbarë shqiptarët!
Tani radhën e ka revolta e përgjithshme popullore! sb

Një ngjarje e rëndë ka ndodhur mesditën e sotmë pas vendimit të gjykatës së Tiranës.
Policia ka shoqeruar dy të rinjtë, Gentjan Gjonaj dhe Ardit Zeneli, që ishin duke protestuar në krah të kuksianëve dhe kundër vendimit të gjykatës.
Burimet thanë se policia ka goditur 2 të rinjt, anëtarë të FRPD-së. Mësohet se është kërkuar ndihma e mjekëve në komisariatin numër 2 ku ka ndodhur ngjarja e rëndë. Sipas burimeve njoftohet se një nga dy të rinjtë ka humbur ndjenjat nga goditjet e bandës në polici. Raportohet se nuk ëhstë lejuar të takohet me klientët e tij as avokati i tyre. Në drejtim të komisariatin të policisë ka shkuar menjëherë deputeti dhe Nënkryetari i Parlamentit, Edi Paloka si dhe Sekretari i Përgjithshëm i PD, Ristani.
Të rinjtë e FRPD janë shtetasit Gentjan Gjonaj dhe Ardit Zeneli.
Policia ka ushtruar dhunë ndaj të rinjve aq sa në komisariatin nr.2 ku ata po mbahen është kërkuar ndihma e mjekëve për të mjekuar dy të rinjtë e lënduar.