Kryetarja e Lëvizjes Socialiste për Integrim, Monika Kryemadhi pas takimit në selinë e opozitës, sqaroi se çfarë do të thotë mos bindje civile duke u bërë thirrje edhe gazetarëve të bashkohen. Duke i konsideruar heronjtë e Shqipërisë 23 të arrestuarit për protestën në Rrugën e Kombit, Kryemadhi tha se gratë deh vajzat shqiptare do të jenë nesër përpara gjykatës.
Kryemadhi: Mosbindja qytetare do të thotë të heqësh dorën e Edi Ramës nga xhepi i shqiptarëve.
Mos bindja qytetare është shumë e thjeshtë; t’u heqë litarin që Edi Rama u ka hedhur qytetarëve në qafë dhe që po ua shtrëngon çdo ditë e më shumë.
Mos bindje qytetare do të thotë t’i thuash ik Edi Ramës se boll ua more shpirtin këtij populli kaq të vuajtur.
Ju bëj thirrje ju gazetarëve të bëheni pjesë e kësaj mos bindje qytetare sepse pagat tuaja të vogla janë si pasojë e vjedhjes që bën Edi Rama.
Duke na mbyllur gojën ne, duke ju mbyllur gojën fukarenjve, Edi Rama çdo ditë e më shumë po instalon diktaturën e krimit, të vjedhjes, diktaturën e drogës që shqiptarët çdo ditë e më po e ndjenjë.
Ju bëj thirrje që mos ndaloni dhe bëhuni misionarë të atyre qytetarëve, të atyre 23 të burgosurve që janë sot heronjtë e Shqipërisë dhe mësim për opozitën. Dhe i falenderoj me zemër në emër të të gjithë grave dhe nënave shqiptare që do të jenë atje nesër në dyert e gjykatës në daç në Kukës, në daç në Tiranë, gratë shqiptare do të jenë në përkrahje të atyre burrave që i dhanë dinjitet shqiptarëve, që Edi Rama me një fjalor rrugaçi i fyeu në mënyrën më vulgare.

Opozita e bashkuar ka marrë vendimin për të nisur menjëherë mosbindjen civile në të gjithë Shqipërinë dhe për të udhëhequr protestat popullore të cilat do të jenë me të gjitha format që parashikon mosbidnja civile. Basha deklaroi se janë shteruar të gjitha mundësitë e tjera pasi Rama dhe qeveria e tij kanë rrëzuar shtetin ligjor dhe kanë bërë të dështojnë të gjitha reformat përfshi atë në drejtësi.
“Në këtë vend nuk ka më demokraci kushtetuese. Në këtë vend janë rrëzuar të gjitha institucionet. Këtu nuk ka më rregulla loje demokratike. Këtu nis mos binja civile dhe kjo do të nisë nga kjo javë me të gjitha format kunër një klike që vrarë shpresën. Ky është vendim unanim nga dita e sotme duke nisur me mos pagesën e rritjes së taksave abuzive. Në këtë betejë qytetarët do të kenë në krah të tyre opozitësn. Ne do të jemi në krye të këtyre protestave”, tha Basha.
Kryetarja e LSI Kryemadhi u shpreh se mosbindja qytetare është që të heqim dorën e Ramës nga dora e xhepit të qytetarëve.

Basha: Hapësira e vetme për ti qëndruar në krah qytetarëve është mosbindja qytetare dhe kjo nis që këtë jave, në krah të qytetarëve me mosbindjen qytetare. Me refuzimin jo vetëm të takës së rrugës së Kombit, por çdo takse tjetër që ka rritur Rama dhe me të gjitha hapat format, dhe mënyrat e mosbindjes qytetare si forma më e lartë e veprimit politik dhe qytetar kundër një klike. Ne këtë nuk do ta pranojmë.
Ndaj ky është një vendim unanim i opozitës e cila nis që sonte orgnizimin për të bërë realitet mosbindjen qytetare, duke nisur nga pagesa te taksave të rritura. Ne do të ndërthurim të gjitha format e nevojshme të aktivitetit opozitar ashtu siç e gjykojmë të përshtatshme për të arritur qëllimin. Të gjitha format dhe mënyrat.
Opozita do të jetë në ballë të çdo organizimi për ta bërë mosbindjen qytetare formën e parezistushme dhe do të rrëzojë këtë bandë në pushtet dhe do ti japë mundësi shqiptarëve për të zgjedhur një qeveri të shumicës, por tani për tani vëmendja jonë është të jemi në krah të njerëzve.

Reagim i fortë i analisti Fatos Lubonja. Përmes një analize Lubonja shprehet se duhet të denoncojmë përdorimin skandaloz të shtetit për interesa private, këtë regjim që me Edi Ramën po shkon dita ditës drejt atij që quhet fashizëm ekonomik.
Në një analizë të botuar në “Panorama”, Lubonja shkruan se çfarë u mbetet njerëzve të bëjnë kur edhe pasi bëhen këto denoncime policia dhe drejtësia nuk veprojnë, sepse kontrollohen nga kryeministri dhe oligarkët e tij ose sepse kryeministri ka sajuar ndërkaq VKM pas VKM-je për të ligjëruar vjedhjet që ka bërë sëbashku me oligarkët e tij?
Një përgjigje gjithnjë demokratike janë protestat paqësore. Të tilla ka pasur jo pak, por kryeministri dhe oligarkët e tij nuk kanë ndalur. Të shkretët njerëz, që nuk e duan dhunën apo i frigohen asaj, janë përgjigjur duke marrë plaçkat dhe kërkuar azil në masë edhe pse nuk jemi në luftë civile e nën bombardime si gjetkë.
Mirëpo megjithë sinjalet dramatike që ka dhënë ky eksod Kryeministri dhe oligarkët e tij nuk kanë reflektuar as një çast për njerëzit që ikin për tu shpëtuar bombardimeve të grykësisë së tyre, por kanë vazhduar ta ngrenë traun e grabitjes, arrogancës paturpësisë?
Së fundi çfarë u mbetet njerëzve të bëjnë kur shohin se kryeministri nuk mjaftohet me këto, por, duke pasur në dorë të gjitha instrumentet e shtetit që punojnë për të dhe oligarkët jo për njerëzit, edhe i poshtëron duke i quajtur “dele” e njerëz të tredhur?”, shkruan Lubonja.

Referuar protestës që qytetarëve kuksiane kundër tarifës së vendosur në Rrugën e Kombit, analisti Lubonja e cilëson atë si reagim i njeriut të grabitur, fyer e poshtëruar që nuk sheh rrugë tjetër daljeje nga gjendje e tij e dëshpëruar përveç asaj fjalës popullore: “Kur mbaron fjala, gjykon palla.”
“Dihet se pasojat e dhunës janë gjithmonë të rrezikshme sepse dhuna pjell dhunë, por përgjegjës për dhunën e kuksianëve është dhuna kryeministrore dhe ajo e oligarkëve bashkëpunëtorë të tij, dhuna strukturore e një regjimi fashistoid që ka kohë që po u merr frymën njerëzve.
Në gjykimin e kësaj ngjarjeje duhet të ndjehemi të gjithë kuksianë sepse të gjithë në Jug dhe në Veri po e përjetojmë në forma të ndryshme këtë dhunë.
Përgjigja e kuksianëve si e shqiptarëve më të goditur nga taksa grabitqare e Rrugës së Kombit është edhe përgjigja jonë e munguar për grabitjet që po na bëhen përditë.
Ajo është edhe shpresëdhënëse sepse, kurajoja e tyre na tregoi se përveç ikjes, nënshtrimit, dhe shitjes së votës për pesë lekë ka edhe rrugë të tjera për ta ndalur dhunën fashistoide të këtij regjimi, por edhe pse mund të shërbejë si një mësim dhe paralajmërim për çdo qeveritar dhe biznesmen që sillet si këta që na kanë sjellë në këtë gjendje”, shkruan Lubonja.

Studiuesja dhe pedagogia amerikane Lory Amy e cila ndodhet prej disa kohësh në Tiranë për një studim në lidhje me krimet e komunizmit, është ndaluar sot nga policia e kryeqytetit në zonën e Myslym Shyrit dhe ndodhet në ambjentet e Komisariatit Nr.3.
Në videon që na dërgojnë persona shoqërues me zonjën Amy, shihet se stafi i policisë u kërkon atyre ta heqin celularin me të cilin filmojnë.
Sipas vetë rrëfimit të zonjës Amy, teksa ajo kalonte pranë Drejtorisë së Policisë Tiranë, ka vërejtur që në rrugën e bllokuar nga njerëzit që protestojnë për lirimin e banorëve të Kukësit, policia lejonte hyrjen e makinave deri në një pikë të caktuar dhe më pas i detyronte ato të ktheheshin pas, duke krijuar një rreth të mbyllur lëvizjeje, që krijonte kaos në trafik.
Lory Amy është afruar tek policët duke u kërkuar që t’i orientonin makinat që në hyrje të rrugës e të mos i lejonin të hyjnë në zonën e protestës, por ata kanë refuzuar.
Atëherë studiuesja amerikane ka dalë në rrugë dhe ka menduar të kryejë një detyrë qytetare, duke u thënë shoferëve ta shmangin zonën e bllokuar.
Në këtë moment, efektivët e policisë i janë afruar dhe e kanë ndaluar pa i dhënë një motiv për arsyet e këtij shoqërimi në komisariat.
Studiuesja është ndaluar pak minuta ma parë, teksa është gjendur përpara drejtorisë së Policisë së Tiranës, ku familjarët e të arrestuarve në protestën e Kukësit janë mbledhur për të kërkuar lirimin e tyre.