Sali BERISHA

Nuk ka fatkeqësi më të madhe se ti përgjigjesh një njeriu (Ahmetaj), që në mënyrën më qesharake vajzat dhe gratë e Ministrisë e thërrasin “tigri” se përndryshe pësojnë shqetësime nga ai. Pra, ti flasësh këtij njeriu të shkon fjala dëm, por fatmirësisht këtu përpara flasim para publikut dhe kjo ndryshon pastaj se përndryshe ky meritonte vetëm injorimin e plotë dhe total. Del këtu dhe thotë se janë dy projekte të Berishës; ndihma ekonomike dhe “Rruga e Kombit”.
Po sqaroj shqiptarët:
Projekti i Sali Berishës për ndihmën ekonomike ka qenë ky dhe vetëm ky, dixhitalizim i plotë i ndihmës ekonomike, regjistri dixhital dhe kjo është realizuar. Shtimi me të paktën e 45 mijë familjeve të reja në ndihmë ekonomike, në mënyrë që të çrrënjosej mjerimi nga Shqipëria. Varfëria nuk çrrënjoset, luftohet, por mjerimin dhe varfërinë ekstreme duhet detyrimisht të çrrënjoset. Dhe ajo qeveri, e cila nuk merr masa për të çrrënjosur, ajo është një qeveri antipopullore.
Erdhëm në 2005 e gjetëm varfërinë ekstreme 3.4%. Me një seri masash e ulëm atë në 1.2%. Por prapë 1.2% do të thoshte 15 mijë familje, do të thoshte të paktën 45 mijë frymë. Ndaj dhe ne po përgatiteshim në mënyrë që të shpallnim se çrrënjosëm mjerimin, jo varfërinë. Dhe kjo që bëni ju o të papërgjegjshëm, që hiqni 20 mijë familje jashtë çdo kriteri, vetëm ata që janë të zhveshur nga çdo moral njerëzor mund të ndërmarrin një veprim të tillë.
Tani vijmë tek çështja e cila ka tronditur kombin mbas çlirimit të Kosovës e deri sot më shumë se çdo çështje tjetër.

Pas studimit vendosëm kundër taksës
Për herë të parë në këto vite lirie, pjesa e kombit që jeton në Kosovë proteston, ngrihet dhe bllokon rrugën e komunikimit me Shqipërinë. Unë i përgëzoj ata qindra kamionistë, të cilët ndërmorrën një protestë apel për ndërgjegjien shoqërore dhe kombëtare të çdo shqiptari, por këta apatridë s’kanë ndërgjegje.
Është e vërtetë që në vitin 2011, qeveria e kryesuar nga unë dhe ministrin e ndjerë Sokol Olldashi, bëmë të gjitha studimet. Asgjë të fshehtë nuk ka këtu. Por është po kaq e vërtetë se pas studimit, u vendos që taksa të mos vihet.
A jam unë kundër fondeve për mirëmbajtjen e rrugëve?! Absolutisht jo! Përkundrazi, sado fonde të sillni në këtë Kuvend, unë do t’i votoj, se është jetike, por të caktosh 5 milionë USD për mirëmbajtjen e rrugëve, që janë 18 mijë km në mbarë vendin, do të thotë se nuk jeton në këtë vend dhe s’ke përgjegjësinë më minimale.
Kthehemi prap tek taksa.
Doli vlera, ishte e papranueshme. Atëherë u vendos jo ta mirëmbajë Drejtoria e Rrugëve, kurrë. Unë jam dhe kam qenë dhe mbetem që mirëmbajtja e rrugëve t’u jepet kompanive private, të cilat kanë fuqi shumë herë më të madhe se Drejtoria e Përgjithshme e Rrugëve. Nuk kam pasur ndonjëherë ndërmend ta shndërroj Drejtorinë e Rrugëve…Përkundrazi, edhe atë e reformuam. Dhe ne do të bënim autosorcin njëlloj siç u bë, por cili ishte dallimi?!

Dallimi ishte thelbësor. Do t’i jepnim koncesionairit, siç i jepni ju ndrikull Nushit, siç i ndani ju me ndrikull Nushin, apo me atë muratorin e instrumentave, ne do të jepnim para për të mirëmbajtur “Rrugën e Kombit”, rrugën Tiranë-Durrës, rrigën Fier-Vlorë e me radhë! Ky ishte drejtimi i politikës sonë.
Ata që duan të fshihen pas shpatullave të mia si mi, se burri s’e bën atë kurrë – i pyes: Po pse s’e vura unë atë taksë? Ju më penguat? Unë aty e kisha studimin. Mora një orientim se ku rrihte mesatarja e mirëmbajtjes dhe nuk e vumë. Bashkë me ministrin ramë dakord që kjo nuk do të ishte me tarifë dhe nuk u vendos. Po janë të pafytyrë ata si puna këtij që flet nga vendi. As janë dhënë kurrë dhe sdo jepej kurrë. Po të ishte dhënë, do të ishte bërë. Nuk tërhiqem unë nga vendimet e mia, por u pa që nuk duhej bërë, duhej kaluar në variantin tjetër.
Se natyrisht që po të vësh një elif matrak në financa, ai ngatërron çdo gjë. Piktori dështak zotohet se do masi borxhin si përqindje të GDP dhe do merret Banka me këtë punë, zotime të tilla i kupton ti. Se ngatërrova një ditë Brisin me ty Elisa, se ti e kishe anulluar kompaninë që solli drogën (Rapiskan).

Si loboi Rama kundër “Rrugës së Kombit”
Taksa nuk u vu dhe nuk do vendosej. Tani marrim flasim pas se pse nuk u vu taksa. Taksa nuk u vu, sepse kjo është një arterie e kombit, nuk është vetëm e Shqipërisë. Kjo është dhe e Kosovës dhe ky është për çdo shqiptar investimi më strategjik që ka bërë ndonjëherë dhe ka bërë Shqipëria. Pse Edi Rama e quajti “rrugën e asgjësë”, pse Rama nisi disa prej deputetëve të shkojnë dhe të ngrejnë kampin e grevës së urisë tek kampi i tunelit të Kalimashit, deri sa i nxorrën hujtë mirditorët dhe i përzunë. Se shkuan me çadra e batanijë këta për të hyrë në grevë urie për të penguar tunelin. Pse ky qëndrim antishqiptar ndaj këtij projekti strategjik. Edi Rama s’ishte asgjë tjetër, veçse një shtrirje e atyre lobeve antishqiptare, të cilat donin me çdo kusht të pengonin ndërtimin e rrugës. Dhe në fund e thanë haptas se kjo rrugë ndryshon gjeostrategjinë e rajonit, ndryshon portet.
Shpërtheu një stuhi antikombëtare për rrugën e asgjësë, si asnjëherë tjetër në histori. Edhe këto ditë keni nxjerrë njerëzit tuaj në media duke thënë se, Kukësi u bë epiqendra e një investimi të verbër. Rruga ishte e kombit, rruga ishte e Sarandës, Durrësit, Vlorës. Nuk është vetëm Kukësi. Më shumë se kushdo tjetër nga rruga përfitoi Saranda, përfitoi Himara, Vlora, Durrësi, Velipoja, Shëngjini. Shkoni shihni si është bërë Shëngjini, qytet krejt tjetër. Rruga jep mbi 300 mln euro në vit, dhe ju shkoni nxisni një protestë që do të hyjë në histori si faqja më e zezë e Edi Ramës, si një figurë antikombëtare fund e krye, që ngre pjesët e kombit kundër njëra-tjetrës. Dhe pse? Sepse i urren shqiptarët, sepse ka urrejtjen atërore.

Nesër në orën 11:00është paralajmëruar një protestë masive që do të bashkojë Shqipërinë dhe Kosovën kundër taksës së“Rrugës së Kombit” qëështë vendosur nga Rama për të ndarë dy vendet. Qytetarët do të protestojnë pikërisht në vendin ku është ngritur trau që ndan jo vetëm Shqipërinë me Kosovën, por edhe Veriun me pjesën tjetër të vendit. Organizimii protestës është inicuar nërrjetet sociale dhe solidarizimi ka vazhduar përgjatë dy ditëve të fundit në të dy anët e kufirit.
Këshilltarët e Këshillit Bashkiak të Kukësit kanë kundërshtuar njëzëri taksën e “Rrugës së Kombit” dhe kanë i bërë apel qeverisë që të anulohet kjo tarifë.
Kryetar i Këshillit Bashkiak Kukës, Gjelbrim Shehu u shpreh se, anëtarët e të gjitha forcave politike do të zhvillojnë protesta paqësore deri në heqjen e taksës për kuksianët. Protesta do të mbahet të shtunën (31 mars) tek trau në “Rrugën e Kombit”.
Gjelbrim Shehu: “Sot u mbajt një mbledhje jashtë radhe nga Këshilli Bashkiak Kukës dhe u ra dakord unanimisht që të organizohet një protestë paqësore ditën e shtunë në orën 11:00 tek trau i vendosur në “Rrugën e Kombit” për shkak të vendosjes së taksës në funksion.
Dhe ne duke e trajtuar si një çështje shumë të ndjeshme për rajonin tonë e ndjejmë si obligim, si përfaqësues të komunitetit të Kukësit, që të mblidhemi të gjitha forcat politike pa dallim dhe të organizojmë një protestë shumë paqësore, duke vënë në dijeni qeverinë për një taksë të padrejtë si edhe t’i kërkojmë që të gjendet një zgjidhje për rajonin tonë”.
Edhe Këshilli Bashkiak i Hasit dhe i Tropojës kanë vendosur që të kërkojnë nga qeveria dhe Kuvendi anulimin e kësaj takse si edhe do të zhvillojnë protesta paqësore.

Mimoza Kusari Lila për “Rrugën e Kombit”: Kur nuk na pengon Serbia na pengon Rama
Deputetja e Alternativës, Mimoza Kusari – Lila ka komentuar caktimin e taksës në “Rrugën e Kombit” nga ana e qeverisë shqiptare.
Përmes një postimi në Facebook ajo ka thënë se, kjo taksë i zhvesh të dy qeveritë nga pretendimet se po punojnë në mbledhje të përbashkëta për të përafruar dallimet mes shteteve.
Më poshtë mund ta lexoni shkrimin e saj të plotë:
10€ për 10 vjet shtet – “Talli” i rrugës së Kombit
10€ pagesë për vajtje ardhje në rrugën e kombit zhveshën dy qeveritë nga pretendimet se po punojmë në mbledhje të përbashkëta të qeverive për të përafruar dallimet në mes dy shteteve.
10€ për një makinë deri në 3.5 t absurd shqiptar andej kufirit. Ende më keq, tanimë kur ministri i Infrastrukturës së Kosovës deklarohet se, nuk e kanë ditur për këtë shumë dhe për këtë punë?!?!
Por, çka kanë biseduar ministrat e Infrastrukturës sa ishin bashkë në mbledhje të dy qeverive?!
Tre zv/ministrat kosovarë në qeverinë e Shqipërisë, përfshirë, zv/ministrin e Turizmit, u konsultuan sado pak për këtë pikë, apo nuk janë për t’u konsultuar aty?!
Kosovarët janë jashtë çdo kategorie, vizitorët më të shumtë të shtetit amë, ndaj me këtë taksë rrugore, a po pretendohet të ulet numri i tyre apo si është puna?!

Sa për ilustrim, në qershor të vitit 2017 nga 437 mijë e 820 turistë që vizituan Shqipërinë, 31% erdhën nga Kosova, që do të thotë 135,724 turistë erdhën nga Kosova për një muaj vere. Të gjithë këta do të shpenzojnë së paku 30-fishin e taksës prej 10 €, andaj çfarë po synon shteti shqiptar të arrijë me këtë taksë tani?! Apo, preferon më tepër turistët që do të vijnë me avion dhe anije dhe do të shpenzojnë dy-tre fish më tepër se kosovarët.
Neve shqiptarëve, kur nuk na pengojnë serbët në integrim, sikur me autostradën energjetike (linjën 400 kV), ne pengojmë njëri -tjetrin me talle të autostradës rrugore.
Çfarë kalkulimi u përdor për të nxjerrë këtë shifër? A e dijnë autoritetet e Shqipërisë që pagesat vjetore për shfrytëzim të autostradave evropiane nuk kalojnë 200 €? Cili është motivi dhe cilat janë pritjet nga kjo tarifë?!
Shumë më mirë do të ishte të kishte folur Kryeministri i Shqipërisë për këtë pagesë në 10-vjetorin e pavarësisë së Kosovës, sesa që lundroi në imagjinatën e vet dhe foli për President të përbashkët në mes të dy shteteve.
Ndoshta Shqipëria e liruar se po ecim drejt liberalizimit të vizave, dëshiron të na ndihmojë të gjejmë rrugët për në Evropë, ndërsa evropianët t’i lëmë të vijnë në Shqipëri. Arsyetim tjetër nuk më vjen në mend për këtë tarifë për autostradën e papërfunduar.
Lëre më, që ana kosovare ende nuk e i ka vendosur tarifat e veta.
Nëse mund të ketë absurd të kësaj pranvere, atëherë ky është absurdi më i madh.

Haradinaj paralajmëron Ramën: E ke tepruar me taksën në “Rrugën e Kombit”
Për Kryeministrin e Kosovës, Haradinaj, taksa e vendosur nga Rama për “Rrugën e Kombit” është e tepruar
Taksa prek më së shumti kosovarët, thekson Haradinaj, i cili bën një llogari të thjeshtë: për shkak të mospërfundimit të rrugës, ata, sipas tij, humbin me amortizim makinë e kohë, e duke i shtuar edhe 5 eurot e taksës, e gjithë kjo, për kryeministrin e Kosovës është e ekzagjeruar.
“Për mua është e tepruar, sidomos për faktin se nuk po e shoh të jetë thënë që do ta përmbyllim këtë autorrugë vjeshtën e këtij viti. Të thuhet do vendosim kritere, mirëmbajtje dhe këtë taksë, atëherë jemi në rregull. Unë e paguaj me qejf, jo 5 euro, por sa të duash, ama mos na e lë rrugën ashtu”, deklaroi Haradinaj.
Kamionistë nga kompani të Kosovës protestuan paraditen e së mërkurës në Morinë kundër taksës, që për makinat e tonazhit të rëndë, parashikohet rreth 22 euro.
Oda Ekonomikë e Kosovës ka shprehur shqetësime në lidhje me barrierat që bizneseve kosovare po i vendosen nga Shqipëria.
Së fundi edhe taksa për “Rrugën e Kombit”, që duhet secili që hyn në tunelin e Kalimashit të paguajë, ka shqetësuar bizneset.
Kryetari i Odës Ekonomike të Kosovës, Safet Gërxhaliu, beson se ky vendim do të përfundojë në Gjykatën Kushtetuese të Shqipërisë, raporton KP.

Gërxhaliu tha se nëse vazhdon kështu, ajo më nuk është “Rrugë e Kombit”. “Rruga e Kombit” kështu nuk do të jetë “Rrugë e Kombit”, por rruga e përfitimit të kompanisë Kastrati”, tha Gërxhaliu gjatë konferencës ku u prezantuan rezultatet e studimit rreth barrierave dhe mundësive të sektorit prodhues në vend.
Gërxhaliu në këtë konferencë ka folur edhe për ratifikimin e Demarkacionit me Malin e Zi. ku shfrytëzoi rastin që për këtë vendim t’i përshëndes deputetët e Kuvendit të Kosovës që e kanë votuar atë.
Ai ka bërë apel tek vendet e Bashkimit Evropian. që të mos merret si kusht lufta kundër korrupsionit. sepse pësojnë qytetarët dhe bizneset, pasi që siç tha Gërxhaliu, “politikanët nuk do të vuajnë pasojat”.
“Dua të besoj që kriteret më kryesore janë përmbushur”, tha Gërxhaliu.

A e krahasoi Kryeministri shqiptar popullin e tij me organin seksual mashkullor?! Këtë lipset ta sqarojë ai vete publikisht, pasi deklarata e tij ne kontekst pati një jehonë të madhe në rrjetet sociale. Të shumtë janë qytetarët që kanë reaguar ashpër. Po kaq edhe politikanët…
Teksa fliste për taksën e Rrugës së Kombit dhe akuzonte opozitën nga foltorja e Parlamentit, Edi Rama u shpreh kështu:
“Nuk mundet që ju të pengoni asgjë dhe të ndaloni asgjë! Kërcënimet: Shiko do ngrihen këta, do ngrihen ata. Bjeri bjeri se do ngrihet. Ai i shkreti kokë ulur s’të përgjigjet dot. Eshtë poezi që e di doktori. Pyeteni doktorin se e di mirë ai atë punë”.
Në rastin konkret ata që kanë paralajmëruar se do ngrihen janë qytetarët e thjeshtë që kundërshtojnë taksën e Rrugës së Kombit. Nesër tek Tuneli i Kalimashit është lajmëruar një protestë. Por për të mos ju larguar thelbit, deklaratës në kufijtë e absurdit të Kryeministrit, më poshtë keni disa prej reagimeve ndaj tij.

Sali Berisha, ish-kryeminister: Kjo eshte gjuha e perçmimit dhe poshterimit te njerezve te thjeshte qe Edvin Kristaq Rama perdori ne parlament!
Bledian Koka gazetar: Te lumte b… Edi Rama qe e krahason popullin opozitar me nje k…Por kur te ngrihet a do gjeje vrime ku te futet valle?
Petrit Vasili: E keni dëgjuar që për fat të keq që ky kryeministër ka bërë një krahasim vulgar duke e krahasuar popullin me organin gjenital mashkullor. Ky që ka nis karrieren lakuriq do e mbyllë lakuriq.
Julian Deda, aktor: I dashur popull, dogjojeni pak me çfare ju krahason Kryeministri juaj.
Ju si te doni tani, ndaç ngrihuni ndaç rrini kokulur.
Andis Harasani, ish-deputet: Jam shume kurioz te di cilat nga deputetet femra te PS dhe cilat ministre duartrokiten pas kesaj fjale te Kryeministrit tone te nderuar.