Ditët e fundit është ngritur një alarm për një shtim të rasteve me sëmundjen e zgjebes, e cila flitet se përhapet lehtësisht tek femijët dhe të rriturit.

I ftuar për të folur në lidhje me këtë temë, nëse ka zgjebe apo jo në Shqipëri, në emisionin “Drejt” në “Ora News” me Luan Ramën ishte specialisti i shëndetit publik, Gazmend Koduzi.

“Unë personalisht kur më morën në telefon dhe më thanë që tema e emisionit do të jetë zgjebja thashë se çfarë po ndodh. Kur paska plas epidemia e zgjebes e se paskam marrë vesh. Gjëja e parë që bëj, futem tek faqja e Onstitutit të Shëndetit Publik dhe shikoj raportet përkatëse, e hap buletinin dhe nuk kishte të dhënë. Shikoj edhe alertin e javës as aty nuk kishte informacion. Pyes kolegët e mi dhe thonë se mesatarisht në vit kanë 50-100 raste me zgjebe. Nuk kemi pasur raportime.

Ka disa institucione në sistemin shëndetësor, një prej tyre është Operatori i Shërbimit të Kujdesit Shëndetësor, i cili informon qytetarët apo shkollat nëpërmjet mjekëve të shkollave apo infermjerëve, ashtu siç edhe Instituti i Shëndetit Publik ka një sektor të tij që ka të bëj me promocionin e edukimit shëndetësor, apo qoftë edhe me faqen e tyre, të nxjerrin informacion në numrin e rasteve”, tha Koduzi

Në emisionin “Open” në News24 është diskutuar lidhur me mbetjet, që u rikthyen në Shqipëri, pasi ishin nisur më parë në Tajlandë. Po çfarë janë këto mbetje, sa të rrezikshme janë dhe si do të mund të bëhet asgjësimi i tyre.

Në total bëhet fjalë për 2100 tonë mbetje, që dyshohet se janë të rrezikshme, ndërsa me një urdhër të Prokurorisë së Durrësit janë sekuestruar kontenierët.

Jim Puckett nga rrjeti i Bazelit, duke folur në një lidhje Skype me emisionin “Open” tha se  praktikisht pluhuri përshkruhet i tillë në faturat që shoqërojnë transportimin dhe ky përshkrim është i njëjtë me ato të dhëna që kemi marrë nga informatori dhe është pluhur që del nga oxhaqet e metalurgjisë.

Më herët ai ka ngritur dyshimet se kemi të bëjmë me mbetje që kanë arsenik. Puckett tha se arsenik u gjet në Tajlandë, në vendin ku ishin destinuar këto mbetje. Në këto kushte ai dyshon se ka edhe arsenik.

Në vijim të intervistës, Puckett u shpreh se fabrika ku po dërgoheshin këto mbetje, është një fabrikë ku në rrethinat e saj u gjetën ndotës shumë të rrezikshëm, përfshi edhe arseniku.

“Atje mblidheshin mbetje shumë të rrezikshme nga shumë vende të Botës. Nuk mund të them se çfarë kanë mbetjet në Shqipëri, por fakti që janë dërguar atje, ngre dyshime se janë shumë të rrezikshme”, tha ai.

Puckett kërkoi që kontenierët të vendosen në një vend të sigurtë, të mbuluar, që mos kenë kontakt me reshjet e shiut, pasi kjo mund të sillte ndikime të mëdha.

“Është një mbetje e zakonshme që del nga metalurgjia, për të cilën ne kemi shumë njohje”, tha Puckett.

Ai tha se jemi shumë të lumtur që Prokuroria e ka marrë hetimin seriozisht dhe ka konfiskuar kontenierët.

“Të zbulohet e vërteta në mënyrë transparente”, tha Puckett. Ai tha se kemi kërkuar që të zbardhet e vërteta dhe një kampion i ndarë në 3 pjesë i mbetjeve në kontenier, të analizohet një nga ne dhe dy nga laboratorë të tjerë.

Puckett tha se nuk janë vetëm metale të rënda, por edhe kimikate shumë të rrezikshme. “Plumbi është shumë i rrezikshëm, veçanërisht për fëmijët dhe organizmin e njeriut”, tha ai.

“Kur kam folur sot me zyrtarë të Ministrisë së Mjedisit më kanë thënë se në Shqipëri ka një fabrikë të vogël për të ricikluar këto mbetje. Por duhet të keni parasysh se e vetmja gjë që mund të përfitohet është zinku dhe nuk ia vlen që t’i hyhet një procesi të tillë për një sasi shumë të vogël”, tha Puckett.

Ai tha se ne na nevojitet e vërteta, kush është dëmtuesi dhe kush janë ata që kanë shkelur ligjin, nëse është shkelur ligji. Puckett tha se jemi të frikësuar se një gjë e tillë mund të ketë ndodhur më herët, por i takon Prokurorisë që të zbulojë sa herë ka ndodhur.

Apeli i Gjykatës së Posaçme ka pranuar kërkesën e SPAK për përsëritjen e shqyrtimit gjyqësor lidhur me të pandehurit për Inceneratorin e Fierit. Gjykata ka vendosur të thërrasë 8 dëshmitarë për marrje në pyetje.

Në seancën në Apelin e GJKKO, prokurorët kanë kërkuar prishjen e vendimit të shkallës së parë, për pafajësitë që janë dhënë për Arben Dervishajn, Juri Imeraj dhe Arjola Kodrën, si edhe për Alqi Ballkon, i cili u shpall i pafajshëm për shpërdorim detyre.

Kërkesa e SPAK u kundërshtua nga avokatët, por nuk u mor parasysh nga Apeli i GjKKO. Seanca e radhës për të marrë në pyetje dëshmitarët do të mbahet më 7 nëntor në Apelin e GJKKO.

Dy prokurorët e SPAK, Klodian Braho dhe Arben Kraja kërkuan që Bllako të dënohet me 4 vite burg, në përfitim të gjykimit të shkurtuar 2.8 vite burg, ndërsa për Kokën kërkuan t’i shtohet edhe dënimi për “shpërdorim detyre”. Ish-ministri Lefter Koka është dënuar në shkallën e parë antikorrupsion me 6.8 vite burg me gjykim të shkurtuar.

Nga Ervis Iljazaj

Fatmir Xhafaj ka mbetur i vetëm në komisionin parlamentar anti-korrupsion. Institucionet e pavarura të drejtësisë nuk morën pjesë, aletatët ndërkombëtarë të Shqipërisë gjithashtu, nga BE e deri të Shtetet e Bashkuara. Madje, nuk lënë rast pa përmendur që organet e Reformës në Drejtësi, sidomos SPAK, nuk duhen prekur. Mirëpo, sot në një konferencë për mediat, Fatmir Xhafaj la të kuptohej se asgjë nuk përjashtohet nga ky komision, edhe ndryshimet kushtetutese. Për momentin deklaroi nuk ka të tilla, por derën e la hapur edhe për ndryshime ligjore edhe për ato kushtetutese.

Po sot, Sali Berisha doli hapur dhe tha se Reforma në Drejtësi duhet sh’bërë. Tashmë ç’montimi i Reformës në Drejtësi, kryesisht SPAK, është program elektoral i Partisë Demokratike. Të gjitha protestat e saj, pavërisisht se kanë dhe kauza të tjera formalisht, qëllimin kryesor kanë sulmin ndaj drejtësisë dhe SPAK. Por që ta arrijë këtë qëllim, Partia Demokratike ka nevojë për Edi Ramën dhe pushtetin, pasi i duhen vota në parlament. Reforma në Drejtësi ka nevojë për ndryshime kushtetutese, dhe ndryshimet kushtetutese kanë nevojë për një bashkëpunim opozitë-pozitë. Kjo është një thirrje e hapur që Partia Demokratike i bën PS-së për ta sh’bërë Reformën në Drejtësi. Në këtë kuptim, Sali Berisha ka nevojë për komisionin që kryesohet nga Fatmir Xhafaj. Të vetmit që mund të marrin pjesë në komisionin Xhafaj për këtë qëllim, janë deputetët e opozitës.

Fatmir Xhafaj sot u shpreh se është në pritje të deputetëve të Partisë Demokratike.
E gjitha kjo histori tregon edhe njëherë tentativën e klasës politike për të penguar aktivitetin e SPAK dhe organeve të reja të Reformës së Drejtësisë, duke qenë se ajo është vënë përballë ndaj trysnisë së drejtësisë së re. SPAK është kthyer në një bezdi të madhe si majtash ashtu edhe djathtas. Kështu që, ata që ndihen të rrezikuar prej tij kanë nevojë të gjejnë mënyra apo strategji të reja për ta ndaluar atë. Nuk dihet nëse kjo aleancë tranversale kundër drejtësisë do të funskionojë ose jo, por fakt është se tentavitat e para për bashkëpunim kanë filluar. Komisioni Xhafaj është njëri prej tyre.

Si opozita ashtu edhe pozita janë kundër Reformës në Drejtësi pavërësisht se sillen ndryshe nga njëra-tjetra. Partia Demokratike ka dalë hapur kundër saj, ndërsa qeveria bën çdo gjë për ta sabotuar atë me të gjitha mjetet, edhe pse e merr në mbrojtje publikisht. Një mbrojtje që për hir të së vërtetës është një fasadë dhe s’ka lidhje me realitetin.
Është naive të mendosh se ky komision ka vërtetë qëllim kryesor të luftojë korrupsionin. Në emër të luftës ndaj korrupsionit, padyshim që fshihen qëllime aspak të mira.

E vërteta është se një komision me një natyrë të tillë nuk ekziston në asjë parlament tjetër. Ky i Shqipërisë është më shumë një rast unik se sa i rrallë. Funksionet janë të qarta në një republikë parlamentare. Parlamenti përfaqëson politikisht qytetarët, aprovon ligje dhe mbi të gjitha kontrollon aktivitetin e qeverisë. Nuk është detyrë e parlamentit të luftojë korrupsionin. Nëse parlamenti ka nevojë të aprovojë ligje në këtë drejtim ka komisionet e përhershme për ta bërë këtë gjë, dhe aty mund të marrë çdo ‘feed back’ për luftën ndaj korrupsionit. Çdo komision tjetër i posaçëm për luftën ndaj korrupsionit është thjesht një fasadë e mirë për të propaganduar më shumë luftën ndaj korrupsionit, por që s’ka asnjë lloj efikasiteti.

Aq më tepër që Shqipëria nuk vuan aspak për ligje dhe masa ndaj korrupsionit. Ndoshta Shqipëria është vendi me më shumë ligje, masa apo reforma në luftën ndaj korrupsionit, e megjithatë ajo renditet në të gjitha raportet ndërkombëtare të besueshme si një vend i korruptuar. Problemi i Shqipërisë nuk janë ligjet, por pavarësia e drejtësisë dhe vullneti i saj për të luftuar korrupsionin.

Shqipëria mban rekord në projektet për të luftuar korrupsionin, madje kemi edhe një ministri anti-korrupsion që nuk ekziston në asnjë vend tjetër të botës si e tillë. Por përsëri korrupsioni mbetet një nga problemet kryesore të Shqipërisë. Ajo që duhet të bëjë Shqipëria në këtë drejtim është të mbajë larg pushtetin politik nga organet e drejtësisë; ti lejojë ato të punojnë në pavarësi të plotë dhe ti japë të gjitha instrumentat financiarë dhe strukturorë./Liberale.al

Prej muajit prill 2024, kryeministri Edi Rama ka hedhur në sulm,  Eduard Shalsin e tij të famshëm të pazareve me monopolistët; për të kapur e marrë nën kontroll Kontrollin e Lartë të Shtetit, nëpërmjet një n/komisioni dhe ligji anti-kushtetues e mafioz.

Kundër këtij skenari, u bënë reagime nga KLSH, ekspertët, mediat e partnerët SHBA-BE, por në datën 18 korrik 2024, Eduard Shalsi miratoi draftin e qeverisë, ndërsa në datën 25 korrik e miratoi bashkë me PD-në, duke shtuar propozimet e Eduard Shalsit e Erion Braçes.

Ky është një ligj, i sajuar nga kryeministri Edi Rama dhe mafia ekonomike-financiare e lidhur me fondet e pasuritë shtetërore, që do bllokojnë veprimtarinë e pavarur të KLSH-së nëpërmjet n/komisionit “Shalsi”, si e vetmja mundësi për të vazhduar vjedhjet pa u përballur drejtësinë.

N/komisioni do kontrollojë paraprakisht, planifikimet e auditimeve që do kryejë KLSH; do informohet e diktojë për emrat e audituesve që do kontrollojnë; do vihet në dijeni për çfarë objekti do jenë kontrollet në institucionet e entet shtetërore, dhe paraqitjen e raporteve audituese te Edi Shalsi, para se ato të miratohen e bëhen publike.

N/komisioni parlamentar i PS-së dhe prapa kuintave edhe i PD-së, nën maskën e gjoja paanshmërisë e zbatimit të ligjit, do ketë dhe të drejtën të diktojë veprimtarinë e KLSH-së në çdo hap të praktikave e procedurave, që do të thotë diktat i plotë.

Kjo e drejtë, shkon deri te përcaktimi, se për cilët zyrtarë shteti duhen rekomanduar masa administrative, dhe nëse duhen çuar apo jo në organet e drejtësisë, paçka se KLSH është institucion kushtetues me tagër e status të plotë pavarësie.

Me këtë skenar, kryeministri Edi Rama synon të marrë peng, ta kthejë e ta përdorë KLSH-në, siç ka përdorur prej 12 vitesh, Drejtorinë e Auditit të Brendshëm në kryeministri dhe në nëpër ministri, drejtoritë qendrore, bashkitë, Dogana, Tatime, OSHEE, KESH, ARRSH, OST, Hekurudhë etj., ku zyrat e auditeve fshehin vjedhjet e nuk bëjnë kallëzime në SPAK.

Sipas të dhënave, vetëm në vitet 2021-2024, Kontrolli i Lartë i Shtetit, ka zbuluar e ka çuar në organet e drejtësisë, vjedhjet e 3 miliardë Euro me tenderë, ankande, shtime vlere kontratash, koncesione, kontrata qiraja, shpenzime luksi, shitje e dhurime të pasurive publike dhe mos kryerje investimesh publike sipas projekteve.

Sipas kushtetutës e ligjit, të vetmin detyrim që ka KLSH-ja ndaj parlamentit, është paraqitja në Komisionion e Ekonomi-financave e në çdo komision që kërkohet; si dhe raportimi vjetor në parlament, për veprimtarinë e auditeve si statistikë e propozime për ndryshime ligjore.

Por Babloku, me ministrat, drejtorët dhe me ata që zhvat miliardat e pasuritë publike, duan ta kenë KLSH-në nën kontroll, për të mos u nxjerrë, për të mos u bërë publike dhe për të mos ua çuar vjedhjet në tavolinën e drejtësisë./Pamfleti