18.5 C
Tirana
E diel, 4 Maj, 2025
type here...

Ofroi para në këmbim të votës në zgjedhjet e 14 majit, GJKKO shpall fajtor Agim Locin! Ja sa u dënua

GJKKO ka shpallur fajtor Agim Locin, i cili akuzohet për korrupsion zgjedhor, duke e dënuar me 1 vit burg, por për shkak të gjykimit të shkurtuar dhe kodit të procedurës penale, ai do të kryejë 80 orë punë në interes publik, për 6 muaj.

gjkko

Kujtojmë se nga hetimet e SPAK ka rezultuar Agim Loci, është angazhuar në fushatën e zgjedhjeve vendore të datës 14 Maj, të vitit 2023, për bashkinë Vorë, ku shtetësja me iniciale A. L., e bija e Agim Locit, ishte në listën e kandidatëve për Këshillin Bashkiak, si pjesë e një prej koalicioneve pjesëmarrëse në zgjedhje.

Loci ka rezultuar se i ka ofruar shtetasit me iniciale A.K. para me vlerë prej 10 000 (dhjetë mijë) lekë, për të ndikuar në vullnetin e tij, në mënyrë që të votojë një subjekt të caktuar politik në Zgjedhjet për Organet e Qeverisjes Vendore, më 14 Maj 2023.

Vendimi i GJKKO:

Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Dërgimin për gjykim të çështjes nr. 105 të vitit 2023, me të pandehur Agim Loci, i akuzuar për kryerjen e veprës penale “Korrupsioni aktiv në zgjedhje”, parashikuar nga neni 328 i Kodit Penal”.

Gjykimi i kësaj ҫështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin eOrganizuar me trup gjykues të përbërë nga gjyqtarët Erjon Bani, Flojera Davidhi dhe Rudina Palloj, me vendimin Nr. 64, datë 28.10.2024 vendosi:

Deklarimin fajtor të të pandehurit Agim Sinan Loci, për veprën penale të “Korrupsioni aktiv në zgjedhje”, parashikuar nga neni 328 i Kodit Penal dhe dënimin e tij me 1 (një) vit burgim.

Në zbatim të nenit 406 të Kodit të Procedurës Penale, të pandehurit Agim Sinan Loci, i ulet 1/3 (një e treta) e dënimit të dhënë, duke u dënuar përfundimisht me 8 (tetë) muaj burgim.

Në zbatim të nenit 63 të Kodit Penal, urdhërohet pezullimi i dënimit me burgim duke e detyruar të pandehurin Agim Sinan Loci, të kryejë 80 (tetëdhjetë) orë punë në interes publik, për një periudhë kohe prej 6 (gjashtë) muajsh, ku gjatë kësaj kohe i pandehuri detyrohet të mbajë kontakte me Shërbimin të Provës, për të përcaktuar llojin e punës që i pandehuri do të kryejë, vendin e kryerjes së punës dhe ditët e javës ku do të kryhet puna në interes publik.

Shpenzimet proçeduriale të parapaguara nga shteti dhe shpenzimet gjyqësore i ngarkohen të pandehurit.

Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 (pesëmbëdhjetë) ditëve, duke filluar ky afat nga e nesërmja e njoftimit të këtij vendimi.

Vritet me armë zjarri kryebashkiaku në Austri, policia në kërkim të autorit! Dyshimet e para

Një kryebashkiak në Austri është vrarë me armë zjarri, raporton CNN.

 

Bëhet fjalë për Franz Hofer, kryebashkiak i Kirchberg ob der Donau. Ai u vra në fshatin Altenfelden në rajonin rural Muhlviertel të Austrisë, pranë kufirit me Gjermaninë dhe Republikën Çeke.

Gjithashtu mësohet se nga të shtënat ka mbetur i vrarë edhe një tjetër person, identiteti i të cilit nuk dihet.

Z ëdhënësja e policisë së Austrisë së Epërme, Ulrike Handelbauer, njoftoi se një operacion i gjerë policor, që përfshin helikopterë dhe forca speciale, është duke u zhvilluar për kapjen e autorit, i cili mund të jetë i armatosur.

Sipas hetimeve, vrasja duket të ketë qenë e lidhur me një mosmarrëveshje mbi të drejtat e gjuetisë.

Linjat e trafikut të kokainës nga Amerika Latine në BE dhe përfshirja e shqiptarëve! Dumani me 4 prokurorë të SPAK në Brazil

Kreu i SPAK Altin Dumani së bashku me 4 prokurorë të tjerë kanë udhëtuar drejt Brazilit. Ata kanë shkuar pasi janë duke hetuar çështje të trafikut të drogës nga Amerika Latine ne drejtim te vendeve te BE dhe vendit tonë.

Dyshohet për përfshirje të grupeve kriminale shqiptare. Dumani shoqërohet nga prokurorët Arben Kraja, Adnand Xholi, Elida Kaçkini dhe Vladimir Mara.

Berisha dhe Xhafaj kërkojnë ndryshime në sistemin e Drejtësisë. Qëllimet e përbashkëta të kundërshtarëve të vjetër

Nga Desada Metaj

Sali Berisha dhe Fatmir Xhafaj kanë zgjedhur sot në të njëjtën orë të ditës për të folur për sistemin e drejtësisë. Secili me ankesat dhe pretendimet përkatëse, të dy kanë renditur arsyet pse ky sistem duhet të ndryshojë.

Kryetari i PD ka kërkuar ndërhyrjen e Komisionit të Venecias për ndryshime: “Të angazhojnë Komisionin e Venecias për një rishqyrtim tërësor të këtij sistemi, në mënyrë që shqiptarëve t’u rikthehet e drejta themelore e një procesi ligjor të drejtë dhe drejtësia të nxirret nga kthetrat e politikës dhe të shndërrohet në një sistem të varur nga ligji.” – deklaroi ai, duke e shoqëruar kërkesën si gjithmonë me akuza ndaj drejtësisë dhe kryesisht SPAK.

Më i moderuar në qëndrim, por jo në qëllim, ka qenë kryetari i komisionit të posaçëm që po merret me ndryshimet e reformës. Fatmir Xhafaj duket i pakënaqur nga puna e bërë deri më tani nga drejtësia (lexo: SPAK) kur deklaroi se “grupi i posaçëm për ngritjen e Komisionit është konsultuar me ndërkombëtarët,” ndërsa theksoi se Komisioni nuk bën luftë, por ligje.

Se ç’lufte mund t’i bëjë korrupsionit një qeveri që në shumicën e saj po hetohet për korrupsion nga SPAK, këtë zoti Xhafaj nuk e sqaroi para gazetarëve. Ai thjesht justifikoi bojkotin e institucioneve të drejtësisë për të dërguar ekspertë në komision me fjalinë se kjo ishte një shenjë pjekurie, pasi sipas tij ata kanë sjellë amendamente të ndryshme dhe po të shikosh kanë përplasje, sepse s’ka pasur konsultim. Megjithatë, zoti Xhafaj nuk u tregua i sinqertë kur deklaroi se institucionet e drejtësisë në letër refuzimin e tyre kanë thënë se kanë besim tek Kuvendi dhe komisioni i drejtuar prej tij. E vërteta është që përveç Këshillit të Lartë të Prokurorisë, të gjitha institucionet e drejtësisë kanë refuzuar të marrin pjesë, sepse në thelb e kanë arsyetuar si të panevojshme dhe të tepruar “futjen e hundëve” të mazhorancës në punët e drejtësisë.

Ndoshta zgjedhja e orës 12 të ditës si nga Berisha ashtu edhe nga Xhafaj për të komunikuar me gazetarët për problemet e tyre me drejtësinë mund të jetë e rastësishme. Por jo kaq të rastësishme janë qëllimet e përbashkëta për të ndryshuar rregullat e lojës në momentin kur drejtësia po “djeg” shumë nga figurat kryesore të politikës, si në PS ashtu edhe në PD. Rregulla (apo ligje) që tashmë palët e përvëluara po tentojnë t’i ndryshojnë në funksion të shpëtimit nga drejtësia e re, që megjithë problemet që mund të ketë, po tregon vullnet për të hetuar të pandëshkueshmit e 30 viteve./vna.al

U përplas për vdekje nga makina në rrugë, viktima është avokat i njohur (FOTO)

Avokati Mariglen Koçiu është identifikuar si viktima i aksidentit të ndodhur në autostradën Lushnjë-Tiranë më datën 26 tetor.

 

Avokati 56-vjeçar raportohet se po kalonte në këmbë nga njëra anë e autostradës në tjetrën, kur u përplas nga një automjet që drejtohej nga shtetasi, Lulzim Balilaj.

Mariglen Koçiu ndërroi jetë menjëherë në vendin e ngjarjes si pasojë e plagëve të marra.

Kolegët dhe miqtë e tij kanë ndarë mesazhe ngushëllimi në rrjetet sociale për ikjen e tij të parakohshme.

Mbytet varka me emigrantë në Kanalin Anglez, humb jetën një 40-vjeçar

Një 40-vjeçar ka vdekur pasi një varkë me emigrantë e cila u mbyt në Kanalin Anglez, thonë zyrtarët.

 

Autoritetet franceze thanë se viktima, i cili ishte indian dhe rreth 40 vjeç, ishte në një varkë që u nis nga Tardinghen, Franca veriore, në orën 5:30 të mëngjesit të së dielës.

Varka mbyt pak pasi u nis dhe ata që ishin në bord notuan përsëri në plazh, thanë autoritetet.

Shërbimet e urgjencës kanë tentuar ta ndihmojnë 40-vjeçarin, por ai ka ndërruar jetë në vendngjarje.

Autoritetet thanë gjithashtu se disa përpjekje të tjera u ndaluan nga policia të dielën në mëngjes, duke përfshirë në Equihen-Plage, Calais dhe Sangatte.

Të mërkurën në mëngjes, tre persona humbën jetën kur një varkë me emigrantë u mbyt në Kanal.

Ky incident ndodhi në brigjet e Sangatte, afër Calais, ku rreth 50 emigrantë mësohet se kanë rënë në ujë pak pas orës 8 të mëngjesit.

Shifrat e Home Offices treguan se që nga e shtuna, më shumë emigrantë kishin kaluar Kanalin me varka të vogla sesa në të gjithë vitin 2023.

Harris ose Trump, këto janë shtetet që mund të vendosin fituesin e zgjedhjeve presidenciale! Pse luajnë një rol kaq të rëndësishëm?

Zgjedhjet e ardhshme presidenciale në SHBA mund të vendosen në shtatë shtete kyçe. Cilat janë ato dhe pse pikërisht ata luajnë një rol kaq të rëndësishëm?

Shtetet e Bashkuara të Amerikës përbëhen nga 50 shtete, por në zgjedhjet presidenciale disa shtete janë më të rëndësishme se të tjerët. Ndërsa shumë “shtete të sigurta” zakonisht votojnë me besueshmëri për kandidatin demokrat ose republikan, në të ashtuquajturat “swing states”, shumica e votave ndonjëherë shkojnë për njërin e ndonjëherë për kandidatin e partisë tjetër. Kjo u jep atyre një peshë të veçantë në fushatën parazgjedhore, sepse rezultati i zgjedhjeve në to mund të vendosë se kush do të bëhet president. Prandaj vëmendja përqendrohet në shtetet e “luhatshme”, atje mbahen mitingjet më masive parazgjedhore.

Procesi zgjedhor kompleks dhe i diskutueshëm

Roli kryesor i “swing states” mund të shpjegohet nga sistemi zgjedhor i njohur si Kolegji Zgjedhor. Ndryshe nga shumica e vendeve të tjera, në SHBA, presidenti dhe nënkryetari nuk zgjidhen drejtpërdrejt nga votuesit. Përkundrazi zgjedhësit votojnë për të ashtuquajturit zgjedhës nga kolegji zgjedhor. Për të hyrë në Shtëpinë e Bardhë, është e nevojshme të fitohen votat e të paktën 270 nga 538 anëtarë të këtij Kolegji.

Në këtë proces zgjedhor kompleks dhe të kontestuar, mund të ndodhë që një kandidat të marrë shumicën e votave të zgjedhësve, por të mos fitojë shumicën e votave të Kolegjit, pra të mos bëhet president. Kështu ndodhi në vitin 2000 kur Al Gore humbi nga George W. Bush ose në 2016 kur Donald Trump fitoi, por më shumë vota kishte Hillary Clinton.

Lista e temave ndryshon – për shkak të popullsisë, ndryshimeve demografike ose ndryshimeve në qëndrimet ndaj çështjeve të rëndësishme. Për shumicën e njerëzve në SHBA, çështjet kryesore të zgjedhjeve janë ekonomia dhe inflacioni. Ndërsa edhe qëndrimi ndaj të drejtës së abortit do të luajë një rol të madh në pjesëmarrjen në zgjedhje. Por përveç këtyre temave, çdo vend i paqëndrueshëm ka grupin e vet të çështjeve kryesore.

Arizona

Një nga çështjet kryesore të zgjedhjeve në Arizona është e lidhur ngushtë me gjeografinë. Vendi ka një kufi të gjatë me Meksikën dhe është bërë një pikë e nxehtë për imigracionin e paligjshëm.

Si zëvendëspresidente, Kamala Harris kishte për detyrë të lehtësonte krizën kufitare duke luftuar “kauzën” në shtetet fqinje të SHBA-së Në sytë e shumë amerikanëve, ajo nuk ka arritur ta bëjë këtë dhe Donald Trump shfrytëzon çdo mundësi për ta theksuar këtë.

Fluksi i emigrantëve e bën Arizonën një nga shtetet me rritje më të shpejtë të numrit të banorëve në vend. Pothuajse një e treta e popullsisë është me origjinë nga Amerika Latine. Në zgjedhje do të jetë e rëndësishme të fitohet edhe këtë grup votuesish.

Arizona po përpiqet të forcojë ekonominë e saj duke forcuar sektorin e prodhimit. Si pjesë e ligjit të vitit 2022 (CHIPS ACT), 280 miliardë dollarë janë caktuar për të inkurajuar kërkimin dhe prodhimin e çipave kompjuterikë në SHBA. Rreth 80 miliardë janë planifikuar vetëm për fabrikat dhe hapjen e vendeve të reja të punës, megjithatë do të duhet kohë derisa fabrikat e reja të funksionojnë.

Në vitin 2020, Biden fitoi në këtë vend.

Numri i zgjedhësve: 11 milionë

Statusi aktual:

Kamala Harris: 46,7

Donald Trump: 48.6

Georgia

Në zgjedhjet e fundit, Biden fitoi në Georgia, duke fituar vetëm 0.2 për qind të votave më shumë se Donald Trump. Ishte hera e parë që nga viti 1992 që ky shtet votoi për demokratët. Përqindja e votuesve me ngjyrë është rreth 33 për qind, një nga më të lartat në SHBA. Kjo mund të funksionojë në favor të Kamala Harris.

Georgia është gjithashtu shteti ku një juri e madhe paditi Trumpin dhe të tjerët për përpjekje për të manipuluar zgjedhjet e mëparshme presidenciale. Por këto procese nuk do të përfundojnë para zgjedhjeve të këtij viti.

Në vitin 2020, Biden fitoi në Georgia.

Numri i zgjedhësve: 16 milionë

Statusi aktual:

Kamala Harris: 46,9

Donald Trump: 48.7

Michigan

Kur bëhet fjalë për Michiganin, është pothuajse e pamundur të mos përmendim industrinë e automobilave. Aty janë selitë e Ford, General Motors dhe Chrysler, e cila tani është pjesë e Stellantis. Punët në prodhim janë të një rëndësie kyçe për këtë rajon. Biden kohët e fundit vendosi tarifa 100 për qind për automjetet elektrike kineze për të parandaluar konkurrencën.

Michigan është shteti i origjinës së Gretchen Whitmer, një guvernator i njohur demokrat, i cili ka qenë prej kohësh një halë në sytë e republikanëve.

Megjithatë, për të shprehur pakënaqësinë e tyre me Bidenin, në zgjedhjet paraprake të shkurtit, më shumë se 100,000 njerëz ushtronin presion ndaj të pavendosurve, për të votuar të tjerë.

Harris duhet të bindë votuesit e shumtë arabo-amerikanë të shtetit. Mbështetja e tyre për demokratët është lëkundur, pasi partia ka mbajtur anën e Izraelit në luftën e Izraelit kundër Hamasit në Gaza.

Në vitin 2020, Biden fitoi në Michigan

Numri i zgjedhësve: 15 milionë

Statusi aktual:

Kamala Harris: 47.4

Donald Trump: 47.2

Nevada

Për shkak të afërsisë me kufirin jugor të SHBA-së edhe në Nevada, migrimi është një çështje kyçe. Shumica e popullsisë së këtij shteti jeton në qytete. Pothuajse një e treta e popullsisë është me origjinë nga Amerika Latine.

Nevada është shumë e varur ekonomikisht nga turizmi dhe gjatë administratës së Bidenit ka parë rritjen më të lartë ekonomike midis shteteve që lëkunden në vota. Në të njëjtën kohë, shkalla e papunësisë në këtë shtet është më e larta në vend.

Në vitin 2020, Biden fitoi në Nevada

Numri i zgjedhësve: 6 milionë

Statusi aktual:

Kamala Harris: 47,6

Donald Trump: 47.1

Karolina e Veriut

Në njëmbëdhjetë zgjedhjet e mëparshme, demokratët arritën ta fitojnë këtë shtet vetëm një herë. Përpara se Biden të largohej nga gara në korrik, Trump kishte këtu një epërsi solide në sondazhe. Por tani Kamala Harris e ka përmirësuar gjendjen.

Karolina e Veriut ka kaluar një ndryshim të fortë demografik në 30 vitet e fundit: popullsia është rritur ndjeshëm dhe pjesa e popullsisë së bardhë ka rënë nga 75 për qind në 60 për qind. Një popullsi e larmishme vjen në Karolinën e Veriut, nga ish-ushtarakët, te pensionistët, te njerëzit me arsim të lartë.

Në vitin 2020, Trump fitoi Karolinën e Veriut

Numri i zgjedhësve: 16 milionë

Statusi aktual:

Kamala Harris: 47,5

Donald Trump: 48.0

Pensilvania

Më shumë se shumica e shteteve të tjera, Pensilvania është e ngarkuar nga rritja e kostos së jetesës. Fracking e ka bërë këtë shtet prodhuesin më të madh të gazit natyror në vend, i dyti pas Teksasit. Trump ka mbështetur prej kohësh frackingun, ndërsa Harris më parë bëri thirrje për një ndalim, tani po i mban të hapura opsionet dhe planifikon të prezantojë ligje më të rrepta.

Përballja e parë, dhe ndoshta e fundit, televizive mes Harris dhe Trump u zhvillua në Pensilvani më 10 shtator.

Në vitin 2020, Biden fitoi në Pensilvani

Numri i zgjedhësve: 19 milionë

Statusi aktual:

Kamala Harris: 47,5

Donald Trump: 47.9

Wisconsin

Wisconsin është shteti me shumicë të bardhë të popullsisë dhe pjesëmarrjen më të lartë në zgjedhjet presidenciale. Si në vitin 2016 ashtu edhe në vitin 2020, presidenti që ishte në pushtet fitoi Wisconsin me më pak se 25.000 vota. Kjo tregon se sa e rëndësishme mund të jetë çdo votë individuale në këtë vend.

Në vitin 2020, Biden fitoi në Wisconsin

Numri i zgjedhësve: 10 milionë

Statusi aktual:

Kamala Harris: 47,8

Donald Trump: 47.6

Shikuar nga gjendja e tanishme, Trump kryeson në 4 ndërsa Harris në 3 nga këto shtatë shtete.. Sondazhet janë kryer më 19 dhe 20 tetor. Sipas këtyre sondazheve, në gjithë vendin, Kamala Harris ka aktualisht 48.2 për qind të votave, ndërsa Donald Trump 46.4 për qind të votave./DW

Prokuroria sekuestroi kontejnerët me 2100 ton mbetje helmuese, VOA: Dyshohet se firma “Sokolaj” s’i deklaroi! I shkarkoi në një mjedis të hapur në portin e Durrësit

Prokuroria e Durrësit sekuestroi sot 102 konteinerë me afro 2 mijë e 100 ton mbetje të dyshuara si pluhur helmues nga oxhaqet e fabrikave metalurgjike, që u kthyen në portin më të madh të Shqipërisë mëngjesin e të hënës me anijen Moliva ardhur nga Italia.

 

Konteinerët u nisën nga Durrësi më 4 korrik drejt Tajlandës, e cila refuzoi ngarkesën pas alarmit, që dha organizata joqeveritare “Rrjeti i Aksionit të Bazelit BAN”, se në të kishte mbetje të rrezikshme helmuese nga proceset metalurgjike.

Prokuroria urdhëroi Autoritetin Portual, Kapitenerinë, Doganën, Drejtorinë e Kufirit, Policinë dhe Hetimin Doganor për të sekuestruar si provë materiale “konteinerët, të cilët janë transportuar sipas deklaratës doganore R27224 më 4 korrik të këtij viti me eksportues Sokolaj sh.p.k. dhe marrës GS Minerals Doo”, për hetimet e nisura dy muaj më parë “me qëllim kryerjen e ekspertimeve përkatëse”.

Dy prokuroret Suela Beluli dhe Mediana Meta detajuan në urdhërin e tyre se sekuestrimi u krye bazuar në procedimin mbi nenet përkatëse të Kodit Penal nën dyshimet për “kontrabandë me mallra të ndaluara ose të kufizuara”, “ndotje të ajrit përmes çlirimit të tymrave, gazrave dhe lëndëve të tjera toksike radioaktive, si dhe “shpërdorim detyre të funksionarit publik”.

Prokuroria u kërkoi autoriteteve që konteinerët e sekuestruar të mos hapen, por të depozitohen në një vend të sigurtë nga pikëpamja mjedisore e fizike dhe të monitorohen me kamera pa ndërprerë.

Dyshimet janë se firma Sokolaj nuk i ka deklaruar si “mbetje të rrezikshme” pluhurat metalurgjike dhe i ka shkarkuar në një mjedis të hapur në portin e Durrësit për t’i eksportuar më pas jashtë vendit. BAN ka dyshime se transporte të tilla janë kryer periodikisht nga ky port.

Autoritetet shqiptare janë shprehur për “realizimin e analizave shteruese dhe provave ligjore të besueshme dhe të verifikueshme”.

Ndërsa BAN i bëri thirrje Shqipërisë për transparencë një javë më parë, duke hapur “kontejnerët publikisht dhe në prani të grupeve të pavarura si BAN-i dhe të ndajë mostrat, që mund të analizohen paralelisht në laboratorë të ndryshëm”.

BAN po ashtu ka shprehur gatishmërinë që të qëndrojë në Durrës për të mbështetur qeverinë shqiptare në kontrollin dhe trajtimin e konteinerëve.

Krahas prokurorisë së Durrësit, hetime po kryen edhe zyra e Bashkimit Europian kundër Mashtrimeve, OLAF./VOA

Dokumentet/ Sekuestrohen kontejnerët që dyshohen me mbetje toksike, zbardhet vendimi i Prokurorisë: Të depozitohen në një vend të sigurtë dhe të monitorohen 24 orë me kamera

Prokuroria e Durrësit ka sekuestruar 102 kontejnerët në anijen “MOLIVA” që dyshohet se mbajnë mbetje toksike. Anija, e cila kishte destinacion Tajlandën, mbërrit në Portin e Durrësit mëngjesin e sotëm dhe u ankorua në radë.

porti i durresit anije

Sipas vendimit të Prokurorisë, sendet e sekuestruara duhet të depozitohen në një vënd të sigurtë si përsa i përket sigurisë mjedisore dhe asaj fizike, nëpërmjet monitorimit të kamerave 24 orë.

Gjithashtu, organi i akuzës ka ardhëruar që sendet sekuestrua të mbahen në gjendjen që janë pa u proceduar me hapjen e tyre.

“Në funksion të këtij procedimi është e nevojshme të sekuestrohen në cilësinë e provës matëriale me qëllim kryerjen e ekspertimeve përkatëse 102 kontenierë, të cilët janë duke u transportuar në Shqipëri me anijen MOLIVA XA443A dhe që sipas informacioneve të Drejtorisë së Hetimit Doganor janë kontenierët të cilët janë transportuar sipas deklaratës doganore R27224 datë 04.07.2024 me eksportues Sokolaj sh.p.k. dhe marrës GS Minerals Doo. Për këto arsye, bazuar ne nenet 187, 188, 189, 208 dhe 304 të K.Pr.Penale Vendosa: Sekuestrimin në cilësinë e provës materialeve të 102 kontenierëve të cilët janë duke u transportuar me anijen MOLIVA XA443A”, thuhet në dokument.

Vendimi i Prokurorisë:

Bashkëlidhur me këtë shkresë, po ju dërgojmë për ekzekutim Vendimin e Prokurorit datë 26.10.2024 për sekuestrimin e konteniereve në lidhje me proçedimin penal nr. 1596/2024.

Të gjithë subjeketet e ngarkuara me zbatimin e këtij vendimi të nënshkruajnë në procesverbalin e sekuestrimit, në të cilin të përshkruhen në mënyrë të detajuar të gjitha veprimet që do kryhen në ekzekutim të vendimit dhe përshkrimi i saktë i sendeve. Të merren masa që sendet e sekuestruara të depozitohen në një vënd të sigurtë si përsa i përket sigurisë mjedisore dhe asaj fizike, nëpërmjet monitorimit të kamerave 24 orë.

Sendet esekuestrua të mbahen në gjendjen që janë pa u proceduar me hapjen e tyre.

Praktika e mbajtur për ekzekutimin të dërgohet menjëherë në Prokurorinë pranë Gjykatës së Shkallës së Parë të Juridiksionit të Përgjithshëm Durrës.

prokuroria kontejnere anije porti i durresit mbetje toksike prokuroria kontejnere anije porti i durresit mbetje toksike1 prokuroria kontejnere anije porti i durresit mbetje toksike2 prokuroria kontejnere anije porti i durresit mbetje toksike3

Politikanët që s’kanë punuar asnjë ditë, janë pasuruar nga paratë publike/ Zekthi: Mbrojtja e tyre, korrupsion moral

Nga Fitim Zekthi

Veshja me gjëra të shtrenjta, blerjet në dyqane të shtrenjta, shpenzimet e mëdha dhe luksoze, shtëpitë e shumta në vende të ndryshme, vilat në brigje detesh apo qytete të rëndësishme të Europës dhe bvotës janë diccka që politikanët në perëndim dhe në vendet demokratike e shmangin edhe kur janë shumë të pasur.
Është në etikën dhe në moralin politik që përfaqësuesi i popullit edhe kur është miliarder, edhe kur ka trashëguar pasuri të madhe të mos jepet pas luksit dhe jetës së shtrenjtë, të mos jepet pas vilave dhe pas shpenzimeve gjigande apo blerjes së shumë shtëpive. Vjet për shembull në Britani kur u zhvillua gara mes Lizz Truss ministre e jashtme dhe Rishi Sunak ministër I financave për kryeministër, shtypi shkruajti gjatë mbi mënyrën se si ata visheshin dhe jetonin. Lizz Truss e kishte stil të sajin që përdorte këpucë 5 euro dhe vathë 4,5 euro të Claire Accesssories. Sunak përdorte këpucë Prada 400 euro. Të gjithë thanë që kjo gjë favorizonte Truss dhe e ëmtonte Sunak. Dhe ai humbi përballë saj ( jo thjehst prej kësaj sigurisht). Kjo jo sepse anglezët duan varfërinë apo të varfrin por sepse duan modestinë dhe ndjenjën e përkushtimit, ndjenjën e mos turrjes pas qejfit dhe epshit. Rishi Sunak ishte deputeti më I pasur më Britani, edhe më i pasur se sa mbretëresha Elisabetë sepse e shoqja e tij,Murty, është e bija e një miliarderi indidan që zotëron Infosy-in. Sunak vetë ka punuar në bankat më të mëdha të botë dhe ka fituar gjithashtu shumë para. Edhe Liz Truss është e pasur. Ajo kishte të paktën 10 milionë euro pasuri. Ajo kishte punuar në Shell dhe shumë kompani të tjera të fuqishme. Pra ishin të dy të pasur.
Sunak nuk po gjykohej se prishte paratë e vjedhura apo paratë e fituara pa punë ose trashëgimi. Ai po gjykohej se dukej i dhënë pas shpenzimeve të luksit kur shërbëtori I njerëzve duhet të jetë ndryshe. Truss nuk ishte e varfër por ajo vlerësohej sepse jetonte në mënyrë modeste dhe ishte e përkushtuar.
Vite më parë e shoqja e Davoid Cameron, kryeministriit anglez përdorte një makinë minicooper që kushtonte 5 mijë paund. Ajo ishte shumë shumë e pasur. Vinten ga një familje me trashëgimi të madhe. Përdorte makinë të thejshte dhe mall të shtrenjtë, sepse, sic tha vetë ajo, “ kryeministri duhet ta respektojë popullin e tij në ccdo kuptim. Ne nuk mund të vijmë vërdallë në luks pavarëissht se jemi të pasur” tha ajo. Në Shqipëri po vihet re që shumë njerëz në media duan të mbrojnë apo justifikojnë pasuritë, shtëpitë e shumta, vilat, shpenziimet luksoze të politikanëve të lartë. Kjo është një shkallë korrupsioni moral më e lartë se gjithyccka. Këta politikanë nuk kanë punuar as në banka, as në biznes, dhe nuk kanë trashëgimi. Këta janë pasuruar nga marrja e parave të publikut dhe asgjë tjetër dhe është e papranueshme kryerja e shpenzimeve të tilla, blerja e vilave apo shtëpive apo vizita në vende shumë të shtrenjta.

1...588589590...8 281Faqja 589 nga 8 281

Kryesore

Continue to the category
Më shumë
© 2024 Rilindja Demokratike Euroatlantike