16.7 C
Tirana
E mërkurë, 14 Maj, 2025
type here...

Gareth Bale do të largohet!

“Çështja Bale” është zyrtarisht e hapur. Ishte një thashethem, zëra të vazhdueshëm thumbues nga shtypi katanalas, por tani po flitet me zë të lartë edhe në kampin madrilen. “Bale nuk do të qëndrojë te Real”, ishte një nga lajmet kryesore në gazetën “Marca”, firmosur nga Carlos Carpio, një gazetar shumë pranë klubit “Los Blancos”. “Gareth Bale ka hyrë në tre muajt e fundit të kontratës me Real Madrid, lexohej në këtë gazetë. Në klub e kanë marrë vendimin për largimin e tij. Krediti ka mbaruar. Amin!”. Nëse është me të vërtetë një vendim presidencial, atëherë uellsiani duhet të shqetësohet. Sinjalet e krizës mes palëve kanë qenë të dukshme. As me Ronaldon të lënë pushim, Bale nuk u aktivizua si titullar nga Zidane në ndeshjen kundër Leganes, ditën e mërkurë. Në të njëjtën mënyrë ai e nisi nga stoli ndeshjen e javës së kaluar kundër Paris SG. Në momentin më të rëndësishëm, Zidane i ka besuar futbollistëve që përdori në finalen e Kardif, pra me Isco dhe jo me Bale.

Gareth Bale ka qenë i dëmtuar 25 herë gjatë katër viteve e gjysmë në Madrid dhe në 78 ndeshje ka qenë i padisponueshëm. Në finalen e kaluar, Bale e pranoi me sportivitet stolin duke thënë se nuk ishte në 100% të formës dhe se Isco e meritonte ta niste ndeshjen nga minuta e parë. Por sot, ai është mirë fizikisht dhe në verë do të mbushë 29 vjeç. Gjithsesi nuk ka luajtur një ndeshje për 90 minuta që nga muaji shtator dhe marrëdhënia me trajnerin Zidane është ftohur. Në Leganes futbollisti nuk kishte vënë as palestrinat dhe e bëri nxehjen me alete, një veprim të cilin trajneri nuk e pëlqeu.

Pas prishjes së Teatrit, radhën e ka Pallati i Sportit

Një kullë të re planifikon Rama dhe loloja i tij në Bashkinë e Tiranës. Pas Teatrit Kombëtar radhën për t’u prishur e ka Pallati i Sportit “Asllan Rusi” në Tiranë. Edhe ky monument me të cilën identifikohen sportet e e basketbollit dhe volejbollit do të prishet për t’i hapur rrugë një tjetër kulle, e cila do t’i jepet një tjetër oligarku të Ramës.  Për t’i hapur rrugë këtij ndryshimi të destinacionit prej kohësh qeveria ka marrë masat. Pallati i Sportit me vendim qeveria ka kaluar nga varësia e mëparshme që kishte nga ministria e Kulturës dhe Sporteve tek bashkia e Tiranës për ti bërë më të lehtë rrugën Ramës për dhënien e lejes së ndërtimit. Në vend të teatrit planifikohet ndërtimi i një kulle me 43 kate, leja e të cilës do të jepet nga Rama dhe do të jetë në bashkëpronësi me një biznesmen nga rrethi i ngushtë i kreut të qeverisë. Plani parashikon zhvendosjen e teatrit në një magazinë, të cilës Rama i ka vendosur emrin “Turbina”. Deri tani qeveria nuk ka pranuar të japë asnjë detaj për atë që do të ndodhë me vendin, ku sot është Teatri Kombëtar. Burime nga Bashkia sqarojnë se është përgatitur edhe projekti i kullës që do të ngrihet me 43 kate. Burime të tjera sqarojnë se, investimi do të jetë pjesë e një grupi njerëzish të rrethit të ngushtë të Ramës pavarësisht se në publik do të dalë vetëm një nga biznesmenët. Pas këtij ndërtimi fshihet një pastrim i parave të pista kryesisht të drogës të akumuluara gjatë viteve të fundit nga njerëzit e afërt të Ramës.

Ndërtimi i një kulle në vend të Teatrit Kombëtar ka qenë një plan i Ramës edhe gjatë kohës që ai ka qenë në krye të Bashkisë së Tiranës. Edhe atëherë Rama tentoi të zhvendosë Teatrin për t’i hapur rrugë ndërtimit të kullës, por kjo hasi në protesta të forta të komunitetit të artistëve. Në atë kohë në krye të qeverisë ishte Berisha, i cili u doli në krah artistëve dhe deklaroi se nuk do të lejojë ndërtimin e kullës. Tani që Rama është edhe në krye të qeverisë edhe në krye të Bashkisë sikurse dhe ka edhe paratë e drogës me vete për ta ndërtuar, projekti duket më afër se kurrë për t’u realizuar.  Por jo çdo gjë do të përfundojë këtu. Pas prishjes së Teatrit Kombëtar dhe ndërtimit në të një kulle 43 kate, rradhën do ta ketë një tjetër institucion sporti. Bëhet fjalë për Pallatin e Sportit, Asllan Rusi, i cili po ashtu si teatri do të prishet për të ngritur një tjetër kullë.

Shpërthimi i Salvinit në PE: Keni 20 milionë të papunë dhe merreni me Facebookun. Lirinë nuk e ndalni, bëni gati valixhet

Eurodeputeti italian, Matteo Salvini, ‘i ka bërë për një lek’, drejtuesit e Parlamentit Europian në seancën e së mërkurës së shkuar. Ai i drejtohet presidentit të PE-së, italianit tjetër, Antonio Tajani dhe zyrtarëve të tjerë që ndodheshin pranë tij, duke u thënë se ‘nuk jeni në rregull nga trutë e kokës’ dhe se ‘duhet të kurohen nga mjekë shumë të zotë’. Në fjalën e tij Salvini fshikullon drejtuesit e PE-së lidhur me temën e debatit në seancë për ngacmimet në Facebook dhe Fake Neës, ndërkohë që rendit një mori problemesh me të cilat përballet Europa siç janë papunësia, ‘pushtimi’ nga emigrantët, rrezikut nga terrorizmi islamik.
Video e fjalimit të Salvini-t ka pasur një shikueshmëri rekord në rrjetet sociale me më shumë se 5 milionë të tilla brenda dy ditësh. Multimiliaderi Soros u ka shpallur luftë të hapur mediave sociale dhe Facebook kohët e fundit, duke i emërtuar si ‘manipulative’ dhe ndikuese në proceset zgjedhore nëpër botë.

Debati i plotë
Salvini: Faleminderit zoti president. Ju kërkoj ndjesë atyre që më ndjekin nga shtëpi, i kërkoj ndjesë publikut për këto lloj deliresh. Sipas meje nuk jeni në rregull. Janë rreth 20 milionë të papunë në Europë, është terrorizmi islamik, është një emigracion jashtë kontrollit, dhe ju me çfarë e angazhoni Parlamentin Europian këtë të mërkurë pasdite. Me hakërrimet në Facebook, me Fake Neës. Ju duhet të kuroheni nga një mjek shumë i zoti. Unë do të doja të dija nëse…
Tajani: I nderuar, i nderuar, zoti Salvini
Salvini: Kujdes juve sipër se mund t’ju nxjerrin jashtë nëse duartrokisni, kështu që bëni kujdes.
Tajani: I nderuar Salvini, më falni.
Salvini: Mund të vijoj.
Tajani: Jo, duhet të më dëgjoni. Dhe duhet të jeni respektues jo vetëm ndaj vendimit të një parlamenti që në mënyrë demokratike ka vendosur që të diskutojë lidhur me këto tema por edhe ndaj kolegëve që janë të pranishëm.
Salvini: Unë thjesht po them se nuk jeni në rregull, a mund ta përmbyll atë që nisa.
Tajani: I nderuar Salvini, ju ftoj që të jeni i kujdesshëm me fjalorin që përdorni. Faleminderit.

Salvini: Atëherë, nuk ma ndjen fare për këtë kërcënim, pasi për popullin europian të jesh kundër terrorizmit islamik të bën islamofob, të jesh kundër adoptimeve të fëmijëve nga çifet gay të bën homofob, të mbyllësh kampet e refugjatëve për të ndalur pushtimin nga klandestinët të bën racist, jo në fakt do të thotë të jesh pozitiv. Do të thotë të jesh njeri i lirë. Po ju vete shumë keq, nuk po arrini më t’i blini mendjet e njerëzve, të kontrolloni gazetat, televizionet, radiot, në Britaninë e Madhe votuan siç ua deshi qejfi, në SHBA po kështu, në Itali votuan gjithashtu siç deshën, dhe jo po çmendeni dhe çfarë bëni ju, merreni me shakatë në Facebook, shakatë në internet, një milion, 5 milionë, 50 milionë, shpikini Ministrinë e së Vertetës të George Orëell, Ministrinë e Propagandës. Unë pres që Parlamenti Europian, të paguajë Policinë për Psikikën, për të hetuar krimet psikike të atyre që nuk i nënshtrohen mendimit unik dhe monedhës së përbashkët. Mund të shpikni gjithçka doni por e vetmja gjë që mund të bëni është të bëni gati valixhet dhe të shkoni të kërkoni një punë të vërtetë sepse lirinë nuk e ndalon dot askush as këtu dhe as në ndonjë vend tjetër. Faleminderit dhe rroftë rrjeti, rroftë Facebook./Hashtag.al/

Shorti i Europa League: Milan-Arsenal, finalja e parakohshme, ja përplasjet e tjera

Eshtë hedhur në Lyon të Francës shorti për 1/8-t e finaleve të Europa League, në qytetin ku do të luhet edhe finalja e këtij edicioni të “kupës së vogël”. I vetmi rregull i paracaktuar ishte se të tre skuadrat ruse ende në garë nuk mund të ndesheshin me ukrainasit e Dinamos së Kievit, pjesa tjetër ishte short i lirë. Ai që nxori goglat nga vazo ishte ish-futbollisti i Barcelonës, Eric Abidal.
Sfida më e fortë që ka dalë nga ky short është padyshim Milan-Arsenal, një përballje që kohët e fundit është parë shpesh në Champions League. Të besuarit e Gattuso, shtatë herë kampion të Europës, do të sfidojnë ekipin e Wenger që për herë të parë në 17 sezonet e fundit merr pjesë në Europa League. Takimi i parë do të luhet më 8 mars në “San Siro”, ndërsa ndeshja e kthimit më 15 mars në “Emirates”.
Lazio do të përballet me Dinamon e Kievit, ndërsa RB Leipzig do të vihet përballë Zenit Shën Petërsburg. Atletico Madrid, një nga ekipet pretendente për suksesin final, do të ndeshet me Lokomotivën e Moskës. Skuadra tjetër moskivite, CSKA sfidon francezët e Lyon. Interesante do të jetë edhe përballja mes Marsielle dhe Athletic Bilbao.

Europa League, 1/8-t e finaleve
(8 dhe 15 mars)
Lazio – Dinamo Kiev
RB Leipzig – Zenit
Atletico Madrid – Lokomotiv Moskë
CSKA Moskë – Lyon
Marsielle – Athletic Bilbao
Sporting – Victoria Plzen
Borussia Dortmund – Salcburg
Milan – Arsenal

Intoleranca ushqimore, testi që zbulon problemin

Trupi njerëzor është një “makineri” kaq e sofistikuar. Ushqimi është “karburanti” që bën të mundur mbarëvajtjen e funksioneve të tij. Dhe marrëdhënia mes tyre është shumë komplekse. Shpeshherë, e ngrëna, na dhuron një kënaqësi të pafundme, që arrin të ngopë edhe shqisat tona, por ndonjëherë, ama, mund të na bëjë keq. Në të tilla raste, trupi ynë na flet në një gjuhë kaq të thjeshtë… por sigurisht, të tijën, që ne, herë e kuptojmë dhe herë jo, e më të shumtën e kohës, e keqkuptojmë. Kështu që nëse ndjeni fryrje, spazma, dhembje koke, aritmi, luhatje humori, etj, këto janë shenja që organizmi juaj që nuk e pranon më një lloj të caktuar ushqimi dhe është fjala për intolerancë ushqimore. Si mund ta kuptoj ndaj çfarë ushqimi kam intolerancë? Përmes testit për intolerancën ushqimore. Quhet test citotoksik dhe është metoda më e besueshme diagnostikuese e intolerances ushqimore. Me këtë test ne mund të kontrollojmë të gjitha ushqimet themelore të dietës sonë të përditshme si: drithëra, mish, peshk, produktet e qumështit, vezët, vajra, fruta, perime, ushqime pikante, pije, etj. Testi citotoksik është një prove laboratorike qe kryhet nga laboratorë të specializuar posaçërisht për intolerancat ushqimore. Teknika është e bazuar në monitorimin e veprimit midis qelizave të bardha të gjakut (limfociteve T-hellper) dhe alergenëve ushqimorë. Testi kryhet me gjak dhe rezultati është specifik për çdo pacient.

Intoleranca ushqimore
Nutricionistët italianë shpjegojnë se “Kur flasim për intolerancë ushqimore, nënkuptojmë paaftësinë e organizmit për të tretur tërësisht ose për të marre ashtu siç duhet ushqimet ose një grup ushqimesh te caktuara”. Konkretisht nutricionistët thonë se “Intoleranca ushqimore tregon se ato ushqime që ne konsumojmë nuk janë korrekte për organizmin tonë, p.sh. duke marrë shumë vitaminë C mund të kemi probleme me sistemin imunitar, mund të kemi probleme me humorin. Vitaminat dhe kripërat minerale ndikojnë në shumë probleme në trupin tonë. Një mosmarrje në mënyrën e duhur të kalciumit mund të krijojë probleme me osteoporozën. Një mënyrë e gabuar e marrjes së hekurit mund të provokojë dhimbje koke. Nga ana tjetër, nëse kemi një PH të stomakut që është i alternuar atëherë kemi një asimilim të hekurit jo të rregullt. Ndaj dhe këshillohet që të bëhet një test gjenetik për intolerancat ushqimore”.

Kush janë enveristët e punëve të brendshme

Nga Kastriot Dervishi
Në ngjarjet e vitit 1991, kanë ngelur jo fort e njohura revoltat e oficerëve të Ministrisë së Punëve të Brendshme, të cilët ishin edhe më të indoktrinuar se ata të Ministrisë së Mbrojtjes Popullore. Ata të armës së Sigurimit, Enver Hoxha i quante “punëtorë të specializuar partie”, në vijën e parë të luftë me “armikun e klasës”. Ata nuk përshtateshin fare me ndryshimet e reja në vend dhe as kuptonin çfarë po ndodhte. Rrallë ndodh në botë që p.sh. një shërbim sekret si Sigurimi të ishte kaq jashtë loje e në nivele të larta mediokriteti, konsekuencë logjike e ardhur nga përzgjedhja politike e këtij kontingjenti. Më poshtë po përcjell telegramin e Degës së Punëve të Brendshme Lushnje në mbrojtje të figurës së diktatorit. Mënyra ultimative e tekstit si dhe gjuha mediokre, janë vizatimi më i mirë për këtë kategori enveristësh që vetëm ushtarakë nuk mund të ishin. Në një prej pikave japin edhe porosi si duhen dhënë intervistat në “Zërin e Amerikës” (në vëmendje të z.Elez Biberaj). Ishin kaq të marrë sa edhe kur erdhi z.Biberaj për vizitë në Shqipëri pak javë më vonë, u trajtua “armik” si subjekt i Degës së Parë të Drejtorisë së Parë të Sigurimit të Shtetit. Nuk ndryshonin këta në asnjë mënyrë konceptet e mikut dhe armikut.

***
Telegram
Këshillit Presidencial të RPSSH
Ministrisë së Mbrojtjes Popullore
Ministrisë së Punëve të Brendshme
Gjithë degëve të punëve të brendshme
Kolektivi i Degës së Punëve të Brendshme Lushnje, me ndjenjë të lartë e detyrë të shenjtë mbrojtjen e atdheut dhe veprës të komandantit tonë legjendar Enver Hoxha, u mblodh sot për t’u betuar edhe njëherë se do të jetë besnik deri në vdekje i detyrave që i ka ngarkuar populli e atdheu.
Të indinjuar nga veprimet vandaliste të forcave destruktive, kërkojmë:
1-Programet e partive politike të krijuara në vendin tonë, të ballafaqohen me veprimet e deklarimet konkretet të tyre dhe për ato që bien në kundërshtim me programet e miratuara të nxirret jashtë ligjit.
2-Urgjentisht të zbulohen organizatorët e sulmit kundër monumentit të Enver Hoxhës dhe t’i bëhen të njohura sa më shpejt mbarë opinionit publik shqiptar dhe nëse kjo veprimtari është e përgatitur dhe e drejtuar nga jashtë.
3-Të ndalohet dhënia e emisioneve me anë të telefonit nga të gjitha partitë politike “Zërit të Amerikës”. Ndaj atyre që do të veprojnë në kundërshtim me këtë kërkesë, të ndalohen me forcë nga organet e pushtetit.

4-Të merren masa për marrjen në përgjegjësi penale për veprimtari në dëm të interesave të atdheut ndaj Lisien Bashkurtit, Napolon Roshit dhe Azem Hajdarit.
5-Duke qenë të bindur sa më lart, shprehim kërkesat e ligjshme të efektivit tonë, i lutemi radio-televizionit shqiptar dhe radio Kukësit, Gjirokastrës, Korçës e Shkodrës të komunikojnë pa asnjë koment këtë telegram.
Për të gjitha problemet kërkojmë përgjigje nga Këshilli Presidencial deri më datë 25.2.1991.
Nga kolektivi i DPB Lushnje
Lushnje, 23.2.1991

Rama pritet me protesta në Berat, ndërhyn policia me dhunë dhe arrestime

Kryeministri Rama është pritur me protesta sot në Berat. Rama ka shkuar me ministrat e tij për të zhvilluar atje mbledhjen e qeverisë, por qytetarë të shumtë kanë protestuar ndaj qeverisë për shkak të gjendjes së rëndë ekonomike. “Rama pritet me protesta në Berat. Policia ndërhyn me dhunë dhe arrestime!”, shkruan Berisha në Facebook, duke publikuar edhe një videoi ku duken qytetarët duke protestuar.
“Përshëndetje zoti Sali, jam një punëtor që kam 10 vjet që punoj në guroret e malit të Tomorrit. Protestuam paqësisht për bllokimin e punës, por tani kanë filluar arestimet ju lutem na ndimoni”, shkruan qytetari.

Në Berat (ri)kthehet për t’u (ri)vënë në skenë telekomedia “Gjuetia e fundit”…
Prezanton: ERTV
Skenari: Endri FUGA
Regjia: Endri dhe Edi
Drejtor filmi: Edi dhe Endri
Operator zeri: Ish-çunat e “MJAFT-IT”
Montazhi: Ish-gocat e “MJAFT-IT”
Operator: Edi dhe Endri (ERTV)
Interpretojne aktoret:
Edi Rama, Klosi, Kumbaro, Gjiknuri, Philip Keller, Beci, Prefekti, Drejtori i Pergjithshem i TIKA-s, Zevendeskryeministrja, deputetet, familja e Hekuran Cepes dhe 150 pjesemarres te siguruar (te kontrolluar dhe te besuar – mund te prishin skenarin) nga drejtuesi politik i qarkut.
P:S
Shihni axhenden e Kryeministrit Rama te dates 23 e ne vijim ne Berat. E gjitha duket nje telekomedi moderne, ku gjithkush eshte ne rolin e vet, edhe ata qe vijne, edhe ata qe presin, edhe pemet qe mbillen, edhe ata qe do flasin… Çfare do flasin? Si do flasin? Si do reagojne e si do qendrojne? Ku do hane? Çfare do hane e si do e hane? Ku do flene? Si do flene e kur do ngrihen?

Madje, duket se edhe tek Xha Braho qe do vene per dreke, perveç demeve qe do t’i bejne ne te buta, gjithçka do ta marrin me vete, si dikur Byroja Politike kur vinte per dreke tek populli i thjeshte e gjithçka e merrte nga Tirana, pavaresisht pergatitjeve te rastit nga pritesi.
Mjafton te lexosh axhenden zyrtare te Rames ne Berat, per te pare se teoria e gjasmimit dhe e sikurit eshte e vetmja metodologji qe perdor ky kabinet, ku, mbi gjithcka, ka vetem propaganden boshe. /Namir Lapardhaja/

I shkarkuari nga Gjykata për shpërdorim detyre, emërohet nga Rama drejtor në INSTAT, do përpunojë të dhënat për BE

Deklaratë e zëdhënesës së Partisë Demokratike, Ina Zhupa

Emërimet e dyshimta të Edi Ramës në pika kyçe të administratës janë treguesi më i qartë se prapa fasadës dhe propagandës për “bashkëqeverisje me njerëzit e zakonshëm” qëndron tepsia e pushtetit të korruptuar.
Rasti i Erjon Manohasës është tipik për një qeveri që predikon drejtësi, por mbështet dhe gradon ata që kryejnë padrejtësi.
Për këdo që nuk e njeh, Erjon Manohasa ka qenë, deri para pak kohësh, Drejtori i Fondit të Sigurimit të Detyrueshëm Shëndetësor, që menaxhon interesat multimilionere të shëndetësisë. Por drejtori i tepsisë së pushtetit, perfaqësues i PDIU-së, u shkarkua nga detyra me vendim gjykate “për shpërdorim detyre”, sepse dyshohej se firmosi një kontratë korruptive për nje laborator hemodialize ne Durrës, që nuk plotësonte asnjë kusht për këtë shërbim jetësor për të sëmurët.
Sot, sërish si pjesë e tepsisë së pushtetit, drejtori i shkarkuar Erjon Manohasa është emëruar sërish drejtor. Ai do të jetë në krye të Drejtorisë së Integrimit dhe Projekteve në Institutin e Statistikave. Thënë ndryshe, të dhënat statistikore që Bashkimi Europian do të marrë nga Shqipëria janë në përgjegjësinë e të njëjtit drejtor që u hoqi të sëmurëve të drejtën e kurimit me hemodializë në spital, duke i detyruar ta bënin atë në një apartament që nuk plotësonte asnjë standard.
Rasti i Erion Manohasës si modeli i zyrtarit të shkarkuar nga gjykata për shpërdorim detyre me dyshime për korrupsion, nxjerr në dritë realitetin që fshihet nga propaganda qeveritare: se tepsia e pushtetit jo vetëm nuk është çuar për skrap, por ajo ka vend për këdo që i shërben pushtetit të korruptuar dhe të inkriminuar të Edi Ramës.

Prokuroria kërkon të marrë në pyetje në Itali financierin e bandës Tahiri-Habilaj

Prokurorët e Krimeve të Rënda kërkojnë sërish ndihmën e autoriteteve italiane, për hetimin e çelur ndaj ish-Ministrit të Brendshëm, Saimir Tahiri. Përmes një letër-porosie që ka marrë udhë tri ditë më parë, grupi i hetimit, kërkon nga prokuroria e Catanias, t’i vërë në dispozicion dëshmitë e të gjithë të arrestuarve në Itali, përfshi dhe të dyshuarin si kreu i grupit kriminal, Moisi Habilaj, që ka lidhje familjare me ish-ministrin.
Prokurorët kërkojnë edhe pyetjen e Nezar Seitit, i cilësuar si financieri i grupit kriminal, i cili ndodhej në burg në Shqipëri, por u ekstradua drejt shtetit fqinj, në kundërshtim me ligjin.
Në letërporosi theksohet fakti se gjatë qëndrimit në paraburgim në vendin tonë, Seiti ka refuzuar të japë shpjegime rreth çështjes, ndaj kërkohet të pyetet nga autoritetet e drejtësisë atje për llogari të hetimit që po zhvillohet ndaj Saimir Tahirit.

Ekstradimi i Seitit shkaktoi përplasje të forta institucionale, madje pati dhe akuza nga opozita se ai u largua për ti kyçur gojën, pasi kishte vendosur të fliste kundër ish-ministrit të Brendshëm.
Rreth 2 javë më parë organi i akuzës kërkoi ndihmë edhe nga Greqia, për të mësuar gjitha lëvizjet e Tahirit në territorin fqinjë, vendet ku ka qëndruar, pagesat e kryera në resorte, apo hotele, personat me të cilët ka patur kontakt, si dhe mjaft detaje të tjera që mund ti vlejnë hetimit.
Vetëm pasi të zbatohen këto letërporosi, atëherë Krimet e Rënda do të vendosin për fatin e dosjes që konsiderohet si një ndër çështjet më të nxehta, për shkak se i hetuari kryesor është ministri i brendshëm më jetëgjatë në këto 28 vite. Për momentin, grupi i hetimit, është duke analizuar të dhënat e siguruar nga kompanitë celulare, apo dokumentet e sekuestruara nga institucione të ndryshme.
Hetimet ndaj Saimir Tahirit nisën në tetor të 2017, pas arrestimit të Moisi Habilajt dhe disa bashkëpunëtorëve të tij në Catania. Pasi prokuroria dështoi të dërgojë prapa hekurave ish-ministrin, për shkak se Kuvendi nuk e miratoi arrestimin e tij, javë më vonë, Tahirit iu ndalua e drejta për të dalë jashtë vendit.

Apeli për Krime të Rënda e prishi vendimin e shkallës së parë duke i hequr masën shtrënguese ish-ministrit nën hetim. Aktualisht çështja në fjalë, ndodhet në gjykatën e Lartë, pasi prokuroria paraqiti rekurs.

Tension në Kosovë, qëllohet me vezë Albin Kurti gjatë protestës para Kuvendit

Kryetari i Vetëvendosjes, Albin Kurti është gjuajtur me vezë derisa hynte në ndërtesën e Kuvendit. Mediat kosovare shkruajnë se një qytetar me emrin Islam Krasniqi ka gjuajtur me vezë në drejtim të Kurtit në shenjë proteste për mos ratifikimin e Demarkacionit.
Pas këtij veprimi Krasniqi është shoqëruar nga policia të cilët e kanë future në oborrin e ndërtesës së Kuvendit. Për sot është paralajmëruar një protestë para Kuvendit në përkrahje të Demarkacionit.
Kasniqi ka gjuajtur me vezë në drejtim të Kurtit në shenjë proteste për mos ratifikimin e Demarkacionit. Pas këtij veprimi Krasniqi është shoqëruar nga policia të cilët e kanë futur në oborrin e ndërtesës së Kuvendit. Për sot është paralajmëruar një protestë para Kuvendit në përkrahje të Demarkacionit.

1...5 8945 8955 896...8 304Faqja 5 895 nga 8 304

Kryesore

Continue to the category
Më shumë
© 2024 Rilindja Demokratike Euroatlantike