Një lapsus i gazetarit të Parlamentit të agjencisë së lajmeve “BW” në raportimin mbi lajmet nga Kuvendi nuk ka kaluar pa vëmendje nga nënkryetari i Parlamentit, Paloka, i cili ka evidentuar edhe gabimin si një “Lapsus mentis”.
“Lapsus mentis i BW per Edvin Ramen. Ne nje shkrim ku komentohet veshja e Rames sot ne Parlament dhe ne disa raste te tjera (kostum zyrtar me atlete tenisi) gazetari i BW ben nje lapsus mentis. Ne vend qe te shkruaj stili i veshjes, shkruan “stili i vjedhjes se kryeministrit”. Kjo per arsyen e thjeshte se mendja, jo vetem e gazetarit, por dhe e cdo shqiptari, e lidh instiktivisht emrin e Rames me vjedhjen…”, shkruan Paloka.

Shkëlzen Berisha është përballur me Taulant Ballën dhe çështja i ka kaluar për gjykim Gjykatës së Lartë. “Po fshihet si tualet pas Ramës”, tha Shkëlzen Berisha për Ballën.
Shkëlzen Berisha, djali i ish-Kryeministrit Sali Berisha, ka mbërritur në Gjykatën e Krimeve të Rënda, ku ka dhënë dëshminë e tij për çështjen CEZ. Berisha shoqërohej në Gjykatë nga avokati i tij. Përballë Berishës mësohet se në Gjykatën e Krimeve të Rënda ka dëshmuar dhe Taulant Balla. Berisha ka hyrë në ambientet e Krimeve të Rënda rreth orës 15:00, dhe pak pas tij ka hyrë dhe socialisti Taulant Balla.

Deklarata e Shkëlzen Berishës
Jam këtu për të vendosur drejtësi. Gjykata iu përgjigj kërkesës së prokurorit dhe ia kthen sërish gjykatës së lartë. Kjo është frikë për të vendosur drejtësi. Gjykata e Lartë është institucioni më i lartë dhe një kryeprokuror dhe gjykatës që ka frikë mund të kthejë sërish në gjykatën e Lartë. Balla e ka një damkë si shpifës, dua që të marrë një përgjigje ligjore. CEZ? Kjo është cështje e ndryshme, për të cilën Balla thotë se për tre vite nuk kam paguar asnjë taksë. Unë kam paguar mbi 15 mln lekë taksa. Përsa i përket CEZ është një shashkë dhe kam deklaruar atë që kam deklaruar para jush. Nuk kam lidhje as me privatizimin dhe as CEZ në Shqipëri.
Taulant Balla ka thënë që unë nuk kam paguar asnjë taksë, unë dua transparencë, kam dokumente nga tatimet, kam paguar taksa. Balla është i vetmi kryetar grupi që nuk zbaton vendimin e Apelit si shpifës dhe fshihet pas Ramës dhe nuk paguan detyrimin. Nëse ky vend do të kishte prokurori, Balla do të ishte proceduar. Dosja CEZ? Nuk kam pritshmëri, pasi nuk ka lidhje me privatizimin apo privatizime.
– Po qëndrimi i Prokurorisë, e cila tha se vendimi i mëparshëm i gjykatës së Lartë është i padrejtë, si e gjykoni ju?
Gjykata e Lartë është institucioni më i lartë i këtij vendi kur vjen puna në çështjet e drejtësië dhe vetëm një kryeprokuror, një përfaqësues i kryprokurorit Edi Rama dhe një kryeprokuror ose një gjykatës që ka frikë mund ta kthejë ose ta marrë këtë si argument dhe ta kthejë prapë çështjen në Gjykatën e Lartë.
– Patët një replikë me Ballën, ai deklaroi se kjo çështje është në hetim për të cilën unë akuzohem, ju kërkuat prova aty.
Ju jeni gazetar, keni lidhjet tuaja në prokurori dhe gjykatë, sikundër unë është hera e parë që dëgjoj diçka të tillë. E vërteta është krejt tjetër. E vërteta është se Balla e ka ngritur këtë shpifje gjatë komisionit hetimor parlamentar për këtë arsye është sjellë këtu si shpifës jo për arsye se unë kam dëshirë ti vë një damkë të dytë si shpifës, se ai e ka një damkë si shpifës, por sepse kam dashur që publiku përveç përgjigjes mediatike të marrë një përgjigje ligjore për sa i përket kësaj çështje.

– Keni dëshmuar për CEZ në prokurorinë e Tiranës, keni një koment?
Këto çështje janë të ndryshme, kjo çështje është për shpifjen e Ballës që thotë se unë në 2009-2011 nuk kam paguar asnjë taksë. Unë vetëm në vitet 2009-2010, nuk po flas për 2008, kam paguar mbi 50 milion lekë taksa pa llogaritur taksat e biznesit. Sa i përket prokurorisë kam thënë ato gjëra që kam thënë sa herë kam dalë nga komisioni, kjo është një shashkë politike që nuk përcjell asnjë fakt, asnjë provë. Në zbatim të ligjit unë kam shkuar në prokurori siç kam shkuar para komisionit dhe kam thënë ato që kam deklaruar para jush që asnjë e ardhur e imja, asnjë kontakt i imi nuk ka lidhje as me privatizimin as me aktivitetin e CEZ në Shqipëri.
– Cilat janë pritshmëritë tuaja?
Pritshmëria ime është të dalë e vërteta. Taulant Balla ka dalë dhe ka thënë që unë nuk kam paguar asnjë taksë për tre vite.Unë kam me vete dokumenta nga Tatimet që deklarojnë se vetëm në dy vite kam paguar 50 milion lekë taksa. Unë vi këtu në respekt të ligjit, njeriu që nuk respekton ligji është shpifësi që do të flasë pas meje sepse është i vetmi kryetar grupi parlamentar në Europë që nuk zbaton vendimin e formës së prerë të Gjykatës së Apelit. Është dënuar si shpifës, është dënuar që duhet të paguajë shpifjen dhe fshihet pas imunitetit, Edi Ramës që e trajtion si tualet dhe nuk paguan detyrimin për shpifje. Nëse ky vend do të kishte prokurori, nëse prokuroria do të kishte sado pak dinjitet duhet ta kishte proceduar penalisht sepse refuzon të zbatojë vendimin e formës së prerë të gjykatës. Nuk kam asnjë pritshmëri përpos së vërtetës.
– Në proces kërkonit dënimin e Ballës apo dëmshpërblim financiar?
Dëmshpërblimi financiar kërkohet në një padi civile por sigurisht ka dhe një kërkesë për dëmshpërblim financiar, kryesisht është dënimi i shpifësit dhe mbi të gjitha transparenca që kjo është shpifje.

Kryetari i Partisë Demokratike Lulzim Basha, priti në takime të veçanta raporterin e Grupit Parlamentar CDU/CSU në Bundestag z. Thorsten Frei dhe anëtarët e Parlamentit Britanik, John Whittingdale dhe Martin Vickers.
Deputeti gjerman Frei ishte me mision faktmbledhës për permbushjen nga Shqipëria të 7 kushteve të integrimit, për të cilat do t’i raportojë grupit më të madh parlamentar në Bundestag, CDU/CSU.
Në të dyja takimet temat e bisedimeve u përqendruan tek nevoja jetike e Shqipërisë për të ndarë qeverisjen nga krimi, aleanca me të cilin vazhdon të jetë pengesa kryesore për hapjen e negociatave me Bashkimin Europian.
Kryetari i opozitës theksoi se ashtu sic kontatohet edhe në strategjinë e zgjerimit, kapja e shtetit nga krimi dhe interesat private është sfida më jetike me të cilën përballet Shqipëria. Treguesi më i mirë për këtë është çështja “Tahiri”, dhe qëndrimi që mbajti Rama duke rrëzuar kërkesën e prokurorisë dhe mbrojtur Tahirin me imunitet duke e kthyer Kuvendin në Gjykatë.
Ai u shpreh se kanabizimi i vendit ndodhi me dijeninë dhe mbështetjen e plotë të kryeministrit dhe instancave më të larta qeveritare të cilët kanë bashkëpunuar me organizatat kriminale në këmbim të parave dhe ndërhyrjes së tyre në zgjedhje.
Për të mbrojtur pushtetin e tij, theksoi kryetari i opozitës Basha, kryeministri po përqendron të gjithë pushtetin dhe vendimmarrjen dike shkelur Kushtetutën dhe ligjet dhe duke uzurpuar çdo institucion, përfshirë Prokurorinë, Gjykatat dhe Reformën ne Drejtësi.
Kryetari i Partisë Demokratike theksoi se krimi i organizuar me mbështetje qeveritare, përveç investimit në zgjedhje po kap sektorë jetikë të ekonomisë.
Basha tha se eksodi i shqiptarëve është pasojë direkte e krizës ku e ka zhytur vendin aleanca e qeverisë me krimin. Pseudo -stabiliteti i bazuar në bashkqeverisjen me krimin nuk është real dhe si i tillë nuk mund të zgjasë.
Kreu i opozitës rikonfirmoi qëndrimin e opozitës për krijimin e një qeverie antimafia si hap i domosdoshëm për të zgjidhur krizën dhe për të rikthyer procesin politik përmes reformës zgjedhore dhe zgjedhjeve demokratike.
Kryetari Lulzim Basha siguroi bashkëbiseduesit se Partia Demokratike mbështet plotësisht hapjen e negociatave, duke e konsideruar këtë hap si kontribues në monitorimin e qeverisë, e cila është përgjegjëse për mospërmbushjen e kushteve të integrimit.

Deputeti demokrat Dashamir Shehi i ka dhënë sërish sot një përgjigje batutave të kryeministrit Rama për qofte dhe raki.
Në fjalën e tij Shehi dha sqarime se pse ai ishte kundër investimeve turke, duke theksuar faktin se ky është një shtet që po shkon drejt autoritarizmit.
“Pse jam kundër investimeve turke? Është e tepruar dhe çdo ndërhyrje tjetër është në dëm të Shqipërisë. E di pse e them këtë? I kemi te bankat, porti, tani do i kemi dhe te aeroporti, i kemi te energjia, i kemi te arsimi, që i kishim deri dje, i kemi te telekomunikacioni për të cilën folëm dje.
Këtu edhe dy kompani që ishin perëndimore, gjermanët e aeroportit dhe kanadezët, i përzumë dhe i zëvendësuam me kinezë a indonezianë a çfarë janë, se nuk i kemi parë ndonjëherë.
Kthimi i kokës mbrapa nuk i shërben këtij vendi, është një tezë shumë e madhe, do përplaseni këtu në të ardhmen. Kjo nuk i shërben Shqipërisë, Turqia është shtet autoritarist. Por kjo është punë për to, po vesh gratë me ferexhe, e që nuk bën zgjedhje të lira është punë për ta. Turqia që lidhet me Rusinë dhe Sirinë, është punë për ne, se duam të shohim drejt perëndimit.
Ku nuk ka asnjë lidhje me perëndimin, është turp që na qeveris ky njeri. Le të thojë për mua që ha groshë e plënc, mjafton që ti shërbej mirë vendit tim. Baba im ka mbaruar në Torino dhe jo në Rusi ku ka mbaruar baba e tij. Vijnë edhe na japin leksione këta klysh komunistësh.
Nëse është këtu për batuta plënc e raki, unë e lë mbrapa ata, 200 vjet, se është nxënësi im. Më merrte në telefon dhe më pyeste. Por këtu jemi për punët e Shqipërisë. I qëndroj kësaj linje, besoj se i shërbej vendit tim, ju bëni çtë doni për ato punët e stomakut”, u shpreh Shehi në Kuvend.

Debati mes tyre lindi disa javë më parë, kur Shehi shprehur shqetësimin lidhur me investimet turke të shtuara kohët ë fundit në Shqipëri. Por, pas këtij reagim, një javë më parë, kryeministri Edi Rama e sulmoi ashpër Shehin, duke e cilësuar atë si një pijanec, që ha plënca dhe grosh.
Ndërsa, ditën e sotme deputetit i PD-së thotë se Rama është një kryeministër autoritar dhe karagjoz, ndërsa ka shtuar se është turku i vetëm që ka mbetur në këmbë.
“Nuk kam qenë këtu kryeministri jonë i nderuar është shprehur këtu për një sërë gjërash kundër meje. Me një inat dhe një paudhësi të pa dëgjuar më parë dhe dua t’ia shpjegoj se nga i vjen kjo. Unë kam kundërshtuar aeroportin në Vlorë se është puro korruptive, por sepse është një prezencë turke e ekzagjeruar. Prezenca në sektorët strategjik është shumë e ekzagjeruar dhe nuk tërhiqem këtu, i kemi tek bankat, i kemi tek arsimi, i kemi tek telekomunacioni, të gjitha këto ja kemi lënë nga një copë miqve tanë turq. Këtu dy kompani perëndimore që ishin i përzumë. Kthimi mbrapa tek perandoria otomane është një gjë shumë e gabuar. Turqia sot është një shtet me autoritar por kjo është punë për to.

Kryeministri e blen dhe e shet Shqipërinë si intereson atij dhe ka kurajo të tallet me çdo lloj kolegu se mendon ndryshe. Ka frikë se i marrin flamurin e oksidentalizimit, pasi vetëm ky me atlete të bardha ka të drejtë për të shkuar në Evropë, ne të tjerët jemi turkoshak. Ne hajmë plonca, hajmë grosh, ndërsa ky ha havjar ky aristokrati.
Kryeministër autoritar dhe karagjoz, është turku i vetëm që ka mbetur në këtë komb. Këta janë thjeshtë këlushët e komunizmit, nuk e duan Shqipërinë, të gjithë ata që janë kundër janë turkoshak. Nëse është për batuta unë ate e lje mbrapa, është nxënësi im për këtë punë, të më arr dhe në telefon për të më pyet”, tha Shehi.

Berisha deklaroi në Parlament se është një batalion me ushtarë që e ruajnë Ramën në vilën e tij në Surrel dhe numri i tyre arrin në 315 persona. Berisha paralajmëroi se kishte edhe foto se si ushqehen në stola se nuk kanë vende ku të rrinë. Fotoja është ilustrimi më i mirë i asaj çfarë ndodh me Ramën, i cili duket jo pak i trembur nga mëkatet e shumta.
“Po kush ta ndërtoi Surrelin ty? Me çfarë paresh e ndërtove Surrelin? E dini që janë 315 gardistë të angazhuar për të ruajtur fshatin Surrel? A e dini se si hajnë të shkretët? Hajnë në stola, s’kanë ku rrinë por vetë jeton në saraje ky. Vetëm xhami tavanit i ka kushtuar 170 mijë euro se është super-special. 70 mijë euro ka bërë vetëm pigmenti i bojës së vilës. Një batalion policie ruan rrugën nga Surreli deri në Kryeministri. Se burrë më frikacak bota ska më të madh se këtë. E patë vetë që u fut në vrimën e miut. Ndaj lëri ato, s’mund të gënjesh t’i artistët. Aty ke parashikuar kullën 45 katëshe. Ke parashikuar të marrësh për vete nja 4-5 kate të mira njëherë. Po lufton dhe ndrikulla të marrë diçka, siç thonë qytetarët”, u shpreh Berisha në Parlament.