15.5 C
Tirana
E hënë, 5 Maj, 2025
type here...

Trajtimi 3 ditor me vaj ekstra të virgjër ulliri për pastrimin e mëlçisë nga helmet

Sëmundjet që prekin mëlçinë po kthehen në një shqetësim madhor në mbarë globin. Miliona njerëz vuajnë nga këto sëmundje, disa prej të cilave vdekjeprurëse, të cilat në shumë raste mund të shmangen falë ndryshimeve në stilin e jetesës.

 

Mëlçia, si çdo organ tjetër, është një shënjestër e lehtë e toksinave dhe kimikateve që na rrethojnë çdo ditë. Natyrshëm, ky organ ka nevojë për ndihmë që të pastrohet prej toksinave dhe organizmave të rrezikshëm, prania e të cilëve vë në rrezik edhe trurin.

Një nga përbërësit kryesorë të të gjitha kurave për pastrimin e mëlçisë është vaji i ullirit. Më poshtë ju sjellim një informacion të dobishëm mbi rolin e vajit të ullirit në shëndetin e mëlçisë si dhe përgatitjen e një kure për trajtimin e saj.

Si funksionon mëlçia?

Mëlçia luan një rol qendror në detoksifikimin e trupit. Mëlçia kryen një sërë detyrash dhe funksionesh, duke nisur që nga prodhimi i proteinave, kolesterolit, ruajtjes së vitaminave, mineraleve dhe karbohidrateve.

Ajo shpërbën toksinat që shoqërojnë alkolin, ilaçet apo nënproduktet natyrale të metabolizmit. Mbajtja në formë e mëlçisë është tejet e rëndësishme për shëndetin.

Si e pastron mëlçinë vaji i ullirit?

Vaji i ullirit ofron shumë vlera të shëndetshme, një prej tyre është pastrimi i mëlçisë. Sipas studimeve, pirja e vajit të ullirit e ndihmon mëlçinë të përshpejtojë përpunimin e çdo substance.

Ai ndihmon edhe në largimin e substancave të dëmshme të ngecura në organ sa më shpejt.

Cili është vaji më i mirë i ullirit për pastrimin e mëlçisë

Vaji natyral i ullirit është kura më e mirë për mëlçinë, por në përzgjedhjen e tij duhet të tregoheni të kujdesshëm. Është e rëndësishme që të përzgjidhni vajin e nxjerrë nga ullinj të përpunuar sa më pak dhe të nënshtruar një presimi të ftohtë.

Vaji ekstra i virgjër i ullirit është ai që nuk është nxjerrë nga një presim i nxehtë i ullinjve apo që nuk përmban kimikate.

Freskia është një aspekt i rëndësishëm në përzgjedhjen e vajit të ullirit. Vaji i ullirit nuk duhet të qëndrojë i papërdorur për shumë kohë.

Vajrat që nuk konsumohen brenda dy viteve nga data e prodhimit nuk janë të shëndetshëm.

Kura tre ditore e pastrimit të mëlçisë

Kura e mëposhtme zgjat tre ditë dhe duhet bërë në mbrëmje përpara se të bini për të fjetur.

Këshillohet që të përzieni në një mikser gjysmë gote me vaj ulliri dhe gjysmë gote me lëng të freskët limoni. Pijeni lëngun menjëherë dhe shtrihuni në shtrat.

Qëndroni shtrirë me gjunjët të mbështetur mbi kraharor. Qëndroni në këtë pozicion për 30 minuta.

Kjo kurë duhet shoqëruar me konsumin e mollëve dhe lëngjeve të saj të cilët gjithashtu kanë efekt pastrues.

Kujdes

Nëse ju keni gurë në tëmth, pirja e vajit të ullirit dhe lëngut të limonit mund të shkaktojë dhimbje të forta abdominale.

Rigels Seliman: Ja pse politikanët e korruptuar duhen tërhequr ‘zvarrë’ si Ilir Meta, sekuestrohen pasuritë që iu kanë grabitur shqiptarëve dhe ‘varur” në shtyllën e turpit

Gazetari Rigels Seliman ka reaguar ashpër në rrjetet sociale sa i takon arrestimit të ish-presidentit Ilir Meta, teksa theskon se
politikanët e korruptuar duhen tërhequr “zvarrë” si ish-kreu i shtetit dhe  sekuestrohen pasuritë që iu kanë grabitur shqiptarëve e madje, sipas tij, ata duhen “varur” në shtyllën e turpit.

“Korrupsioni është një nga problemet më të mëdha që ka përballur Shqipëria gjatë 30 viteve të fundit. Rasti i ish-presidentit Ilir Meta, i arrestuar nga Prokuroria e Posaçme (SPAK) për akuza të rënda si korrupsioni, pastrimi i parave dhe deklarim i rremë, ilustron mirë këtë krizë. Videoja e shpërndarë nga arrestimi i ish-presidentit, ku duket se ai bën rezistencë ndaj forcave të policisë, e bën këtë situatë edhe më dramatike. Megjithatë, ndëshkimi që ai dhe politikanët e tjerë të korruptuar meritojnë duhet të jetë shumë më i ashpër.
Politikanët e korruptuar kanë abuzuar me pasuritë publike dhe kanë shkaktuar një dëm të pallogaritshëm ekonomik, social, juridik dhe politik në Shqipëri. Kjo ka ndikuar në jetën e përditshme të qytetarëve shqiptarë, duke thelluar varfërinë dhe duke minuar besimin në institucionet e shtetit. Të tilla veprime kërkojnë një përgjigje të fortë dhe të vendosur nga shoqëria dhe shteti.
Të tërheqësh zvarrë politikanët e korruptuar është një ide radikale, por ndoshta një nevojë për të rimarrë kontrollin mbi të ardhmen e vendit. Në histori, shumë diktatorë dhe hajdutë kanë përfunduar në mënyrë të turpshme për krimet e tyre ndaj popullit. Po ashtu, në një shoqëri ku drejtësia është e dobët, kërkesat për ndëshkime më të rënda bëhen gjithnjë e më të forta.
Nëse do të kishim një sistem të drejtësisë të fortë, si ai në Shtetet e Bashkuara, ndëshkimi për politikanët si Meta do të ishte shumë më i ashpër.
Duhet të krijojmë një kulturë ku përgjegjësia për veprimet e këqija është e pakthyeshme. Vendi ka nevojë për reforma të thella që të mundësojnë ndëshkimin e atyre që abuzojnë me pushtetin dhe pasurinë publike.
Rruga drejt një shoqërie më të drejtë kërkon mobilizimin e qytetarëve, për të kërkuar transparencë dhe llogaridhënie nga ata që drejtojnë. Të gjithë ne duhet të jemi zë i fortë për të kërkuar drejtësi dhe për të siguruar se askush nuk është mbi ligjin. Vetëm në këtë mënyrë mund të fillojmë të ndreqim dëmet e shkaktuara dhe të ndërtojmë një të ardhme më të ndershme për të gjithë shqiptarët.
Në fund, vetëm një reagim i fortë dhe i vendosur mund të sjellë ndryshimin e nevojshëm. Politikanët e korruptuar duhet të përballen me pasojat e veprimeve të tyre, dhe shoqëria duhet të jetë ajo që e kërkon këtë. Rasti i Ilir Metës është vetëm fillimi i një rrugëtimi të gjatë drejt drejtësisë. Kështu që përballë kësaj situate, mendoj se politikanët e korruptuar duhen tërhequr “zvarrë” si Ilir Meta, t’iu sekuestrohen pasuritë që iu kanë grabitur shqiptarëve dhe madje këta sojsëz duhen “varur” në shtyllën e turpit”, shkruan gazetari Rigels Seliman.

Ç’është Starlink-u i Elon Musk dhe si do të përfitojë Kosova nga shtrirja e shërbimeve të gjigantit amerikan në territorin e saj

Internet pa ndërprerje, në çdo cep të territorit, edhe në situata të jashtëzakonshme. Këto janë vetëm disa të mira që përfiton Kosova nga shtrirja e shërbimeve të gjigantit amerikan, Starlink, në territorin e vet.

 

Futja e Kosovës në hartën e Starlink-ut, njërës prej kompanive më novatore në botë, konsiderohet edhe si promovim i mirë për vendin.

Autoriteti Rregullator i Komunikimeve Elektronike dhe Postare (ARKEP) në Kosovë i ka konfirmuar Radios Evropa e Lirë se shërbimet satelitore të kësaj kompanie do të funksionalizohen në dhjetorin e sivjetmë.

Kosova veçse mburret për mbulueshmërinë me internet në nivel rajonal. Sipas të dhënave të Agjencisë së Statistikave të Kosovës, 98.6 për qind e ekonomive familjare kanë pasur qasje në internet më 2023.

Operatorët aktualë në Kosovë ofrojnë internet kabllor, përfshirë internetin me fibër optike, i cili është prej më stabilëve dhe më të shpejtëve.

Satelitët e Starlink-ut

Starlink-u është kompani që ofron internet satelitor në mbi 100 shtete dhe territore dhe zotërohet prej kompanisë hapësinore amerikane, SpaceX, të miliarderit Elon Musk.

Starlink-u i ka rreth 6.000 satelitë, të cilët gjenden rreth 500 kilometra mbi Tokë, në orbitën e ulët të planetit.

Kjo do të thotë se ata janë rreth 65 herë më afër Tokës sesa satelitët tradicionalë të palëvizshëm dhe, për dallim prej këtyre të fundit, satelitët e Starlink-ut janë vazhdimisht në lëvizje dhe sigurojnë që vonesat në komunikim të jenë 10 herë më të vogla.

Anëtarja e bordit të ARKEP-it, Rrezarta Duraku Rizaj, i ka thënë Radios Evropa e Lirë se leja për operim për Starlink-un është hap i rëndësishëm për avancimin e infrastrukturës digjitale në Kosovë.

“Autorizimi i Starlink-ut ka më së shumti impakt në rritjen e sigurisë nacionale, sidomos në periudhë konfliktesh. Kjo, për faktin se pjesa dërrmuese e infrastrukturës së Starlink-ut gjendet në hapësirë dhe është e paprekshme nga dëmtimet e mundshme në kohë lufte apo katastrofash natyrore në Tokë. Një terminal i Starlink-ut ka në të njëjtin moment pamje në disa satelitë në hapësirë, me çka rritet edhe më shumë disponueshmëria e shërbimit”, ka thënë Duraku – Rizaj.

Ajo beson se kjo përparësi mund të shfrytëzohet nga bizneset dhe nga institucionet qeveritare, sidomos ato të sigurisë, të cilat menaxhojnë infrastrukturë kritike.

Disa të tjerë përmendin ushtrinë dhe misionet e huaja si konsumatorë potencialë. Dhe, jo vetëm ata.

Sipërmarrësi Darsej Rizaj, bashkëthemelues i Shkollës Digjitale dhe i kompanisë Starlabs, i ka thënë Radios Evropa e Lirë se do ta shfrytëzojë këtë shërbim si privatisht, ashtu edhe për bizneset, sapo ai të jetë i qasshëm.

“Interneti është vegël kritike për neve, kështu që Starlink vetëm do të jetë ndihmesë shtesë, që të mos kemi kurrë ndërprerje të shërbimeve të internetit”.

Si do të funksionojë?

Porositjen e shërbimeve do të mund ta bëjë secili në faqen e Starlink-ut, duke kërkuar adresën më të afërt.

Pas porosisë, Starlink-u do t’ia dërgojë klientit pajisjen marrëse, e cila lidhet me satelitët në hapësirë.

Rrezarta Duraku Rizaj ka thënë se marrësi i përdoruesit është i vogël, portativ dhe mund të përdoret në lokacione të ndryshme, si për shembull në mal, në terrene të vështira, e vende të tjera ku nuk ka qasje të mirë në internet.

Sa do të jetë çmimi dhe shpejtësia e internetit?

Përcaktimi i çmimeve do të bëhet varësisht prej fuqisë blerëse lokale të secilit shtet.

“Tarifimi përbëhet nga dy komponentë: blerja e hardverit në fillim, terminali me pajisjet përcjellëse që blihen një herë, dhe një tarifë mujore që do të varet nga planet e shërbimit që janë të disponueshme në faqen e internetit”, ka treguar Duraku-Rizaj.

Ajo ka thënë se kostot do të bëhen publike para lansimit në dhjetor, dhe për krahasim i ka përmendur çmimet në Shqipëri, ku Starlink-u u shtri në prillin e sivjetmë. Atje, blerja e pajisjeve në fillim kushton rreth 500 euro, ndërsa plani mujor më i lirë është rreth 65 euro.

Shpejtësia e internetit që ofron Starlink-u është 120 deri në 250 megabit për sekondë (mbps), varësisht se a bëhet fjalë për plane individuale apo për biznese.

Operatorët në Kosovë, aktualisht, mundësojnë internet më të shpejtë. Ekonomive familjare u ofrohet internet deri në 500 mbps në kuadër të pakove të kombinuara me shërbime televizive, me çmime deri në 35 euro.

Për bizneset ka oferta për internet deri në 1 gigabit për sekondë, me çmime mujore deri në 1.100 euro.

Darsej Rizaj e pranon që sa i përket shpejtësisë, Starlink-u nuk iu bën konkurrencë operatorëve lokalë, por është plan i mirë rezervë, në rast të dështimit të linjave tokësore.

Nami i Starlink-ut në Ukrainë

Starlink-u pati marrë gjithë vëmendjen në shkurt të vitit 2022, kur Rusia nisi luftën në Ukrainë, dhe për pasojë ukrainasve iu shkëputen linjat e internetit.

Vendimi i Muskut për të mbuluar Ukrainën me internet ishte konsideruar jetik për shumë operacione të ushtrisë ukrainase, por edhe për rimëkëmbje të infrastrukturës së energjisë dhe komunikimit.

Starlink-u ka bërë të ditur se po punon edhe për ofrimin e shërbimeve telefonike – por, deri atëherë, të gjithë sytë tek interneti!/REL

Pas skandaleve, Veliaj shkarkon 12 drejtorë në bashkinë e Tiranës

Sot, kryetari i Bashkisë së Tiranës, Erion Veliaj, ka miratuar një seri ndryshimesh në drejtuesit e drejtorive kryesore të Bashkisë.

Këto ndryshime përfshijnë zëvendësimin e drejtorëve në Ujësjellës-Kanalizimet e Tiranës, Policinë Bashkiake, Agjencinë për Mbrojtjen e Konsumatorit, Tirana Parking, Kopshtin Zoologjik, Qytetin Studenti, si dhe disa qendra sociale dhe muzeume.

Nuk dihet pse Veliaj ka marrë këtë vendim, por kujtojmë që SPAK goditi skandalin e dosjes “5D” e cila tronditi këtë institucion.

Kanadaja kufizon imigrimin për të frenuar “rritjen e popullsisë”

Kanadaja tha të enjten se ka vendosur të ulë ndjeshëm objektivat e imigracionit në përpjekje për të “ndalur rritjen e popullsisë”, një ndryshim që pason rënien e mbështetjes së publikut për imigracionin.

 

Njoftimi vjen pasi popullsia kanadeze u rrit në 41 milionë, e nxitur kryesisht nga një valë e pashembullt imigrantësh.

Ministria e imigracionit kishte planifikuar më parë të lejonte hyrjen e 500,000 banorë të rinj me status të përhershëm në vend në vitet 2025 dhe 2026.

Por objektivi i ri tani parashikon pranimin e 395,000 njerëzve në vitin e ardhshëm dhe 380,000 të tjerëve në vitin 2026. Qeveria kanadeze vendosi si objektiv për vitin 2027 pranimin e jo më shumë se 365,000 mijë imigrantëve.

Ministria e imigracionit tha se qëllimi i planit ishte “të ndalonte rritjen e popullsisë në aspektin afatshkurtër për të krijuar kushte për një rritje të mirë-menaxhuar dhe të qëndrueshme në aspektin afatgjatë”.

“Ndonëse është e qartë se ekonomia jonë ka nevojë për njerëz, ne po shohim se vendi ynë po përballet me trysni të ndryshme, që kërkojnë përshtatjen e politikave me rrethanat e reja”, tha përmes një deklarate Ministri i Imigracionit Marc Miller.

Ministria tha se plani synon gjithashtu të lehtësojë trysninë e krijuar nga rritja e kostos së strehimit. Kanadezët radhisin vazhdimisht koston e lartë të qerasë apo kredisë së shtëpive si një shqetësim kryesor ekonomik.

Ministria vlerësoi se rritja e imigracionit ndihmoi ekonominë kanadeze të dilte nga pandemia koronavirusit, duke shmangur rënien e saj.

Një sondazh muajin e kaluar nga Instituti “Environics” mbi qëndrimet e publikut ndaj imigracionit zbuloi se “për herë të parë në një çerek shekulli, një shumicë e qartë e kanadezëve thanë se ka nivel të lartë të imigracionit”.

Pesëdhjetë e tetë për qind e kanadezëve besojnë se vendi pranon shumë emigrantë, një rritje me 14 për qind krahasuar me të dhënat e sondazhit të vitit 2023./voa

Shoqëria me ortak deputetin e LSI që kaloi me PS përfitoi 16.8 milionë lekë, por nuk dha asnjë shërbim! Çfarë thuhet në dosjen e SPAK për Agron Çelën

Deputeti socialist i Shkodrës Agron Çela, dikur një prej njerëzve më të besuar të ish- Presidentit Ilir Meta ka përfituar para nga DIA e Kastriot Ismaliajt në një kohë kur shoqëria ku ai ishte aksioner nuk ka dhënë asnjë shërbim. Kjo e dhënë rezulton në dosjen e SPAK, ku konkretisht thuhet:

 

“Në lidhje me shoqërinë BTT me ortak të vetëm shtetasin Shpëtim Shehu, e cila ka përfituar nga shoqëria DIA shumën prej 16.800.000 lekë hetimi ka provuar se kjo shumë ka pasur si përfitues fundor shoqërinë ‘Xhenis’ shpk, me ortak shtetasin Agron Çela i cili në vitin 2013 zgjidhet deputeti i Kuvendit të Republikës, si përfaqësues i Lëvizjes Socialiste për Integrim”.

Prokuroria e Posaçme argumenton më tej se hetimi ka provuar që përfitimi i këtyre parave është bërë pa ofruar nga shoqëria “Xhenis” apo BTT as edhe një shërbim apo mall të vetëm te shoqëria DIA. SPAK nuk sqaron nëse janë duke u zhvilluar hetime ndaj Agron Çelës po fakt është që deputeti që hyri në Kuvend nën siglën e LSI-së së Ilir Metës bëri shpejt divorc politik me këtë të fundit për motive që nuk u bënë kurrë publike.

WhatsApp-Image-2024-10-25-at-11.06.55

Ilir Meta dyshohet nga SPAK se ka ndërmjetësuar njohjen dhe më pas lidhjen e kontratës mes kompanisë çeke CEZ dhe asaj DIA të Kastriot Ismailajt dhe në këmbim ka përfituar ryshfet. Ish-Presidenti është dërguar tashmë nën arrest nën dyshimet për korrupsion, pastrim parash dhe fshehje pasurie. Për të njëjtat akuza dyshohet dhe ish-bashkëshortja e tij Monika Kryemadhi e cila po hetohet nën masën e sigurisë “Detyrimit për paraqitje”./News24

Ish-drejtoresha e Kadastrës Durrësit pastronte paratë e dy vëllezërve të dënuar për drogë, SPAK kërkon konfiskimin e pasurive, nga apartamente tek shoqëri tregtare

SPAK ka dërguar për gjykim dosjen për ish-drejtoreshën e Kadastrës së Durrësit, Rajmonda Dashi, dy vëllezërit e dënuar për drogë Besjan e Leonard Ramaj dhe biznesmenin Ardjan Malasi, të akuzuar për pastrim parash.

 

Ndërkohë ka kërkuar nga Gjykata e Posaçme konfiskimin e pasurive të sekuestruara më heret si:

  1. 12 (dymbëdhjetë) apartamente në qytetin e Fierit;
  2. 1 (një) dyqan prej 300m 2 në qytetin e Fierit;
  3. 1 (një) pasuri e paluajtshme, ullishte, me sipërfaqe 5.200 m, ndodhur në Mallakastër;
  4. 4 (katër) apartamente në qytetin e Tiranës;
  5. 3 (tre) ambiente me funksion garazh në qytetin e Tiranës;
  6. 1 (një) shoqëri tregtare;
  7. 2 (dy) automjete;

Me anë të një njoftimi SPAK sqaron se Dashi akuzohet për “Pastrim i produkteve të veprës penale ose veprimtarisë kriminale” kryer në bashkëpunim, ndërsa Besjan Ramaj, Leonard Ramaj dhe Ardjan Malasi akuzohen për kryerjen e veprave penale “Pastrim i produkteve të veprës penale ose veprimtarisë kriminale”, “Grupi i strukturuar kriminal” dhe “Kryerja e veprave penale në kuadër të grupit të strukturuar kriminal”.

“Sipas akteve të dërguar nga autoritetet e drejtësisë belge, përmes letërporosisë dhe nga hetimet e kryera në lidhje me të dhënat e përftuara nga këto akte rezulton se të pandehurit, Besjan Ramaj dhe Leonard Ramaj, vëllezër mes tyre janë dënuar nga autoritetet belge në vitin 2021 për vepra penale të lidhura me narkotikët, ndërsa i pandehuri Besjan Ramaj rezulton të jetë dënuar për vepra të njëjta penale në vitin 2012, nga autoritetet e drejtësisë norvegjeze”, thote SPAK.

E pandehura Rajmonda Dashi është përfshirë në disa veprime të kryera pas vitit 2018, në bashkëpunim me të pandehurit Besjan Ramaj dhe Ardjan Malasi, e cila për shkak të kohës së përfshirjes në këtë veprimtari, rolit dhe veprimeve të kryera prej saj, rezulton se ka vepruar në kuadër të bashkëpunimit të thjeshtë dhe jo atij të veçantë.

“Veprimet e tyre kanë konsistuar kryesisht a) në transferimin e pasurisë me qëllim fshehjen e origjinës së paligjshme; b) fshehjes ose mbulimit të pronësisë ose të drejtave në lidhje me pasurinë, duke ditur që kjo pasuri është produkt i veprës penale ose i veprimtarisë kriminale; c) fitimit të pronësisë, duke e ditur në çastin e marrjes në dorëzim të saj, që kjo pasuri është produkt i veprës penale ose i veprimtarisë kriminale; ç) kryerjes së veprimeve financiare ose transaksioneve të copëzuara për shmangien nga raportimi, sipas legjislacionit për parandalimin e pastrimit të parave; d) investimit në veprimtari ekonomike ose financiare të parave a sendeve, duke ditur se janë produkte të veprës penale ose veprimtarisë kriminale dh) përdorimit të shoqërive tregtare, përmes lëshimit të faturave fiktive për të transferuar lehtësisht paratë”, thote SPAK.

Njoftimi i SPAK:

Prokuroria e Posaçme kundër Korrupsionit dhe Krimit të Organizuar ka përcjellë në datën 23.10.2024 pranë Gjykatës së Posaçme të Shkallës së Parë për Korrupsionin dhe Krimin e Organizuar “Kërkesën për dërgimin e çështjes penale për gjykim” të procedimit penal nr.18/2023, në ngarkim të të pandehurve: Besjan Ramaj, Leonard Ramaj, Ardjan Malasi duke i akuzuar për kryerjen e veprave penale  “Pastrim i produkteve të veprës penale ose veprimtarisë kriminale”, kryer në formën e bashkëpunimit të veçantë, atë të grupit të strukturuar kriminal parashikuar nga neni 287/1 dhe 28/4; “Grupi i strukturuar kriminal” parashikuar nga neni 333/a/1/2 dhe “Kryerja e veprave penale në kuadër të grupit të strukturuar kriminal”, parashikuar nga neni 334/1 të Kodit Penal; si dhe të pandehurën Rajmonda Dashi duke e akuzuar atë për kryerjen e veprës penale “Pastrim i produkteve të veprës penale ose veprimtarisë kriminale” kryer në bashkëpunim parashikuar nga neni 287/2 të Kodit Penal.

Sipas akteve të dërguar nga autoritetet e drejtësisë belge, përmes letërporosisë dhe nga hetimet e kryera në lidhje me të dhënat e përftuara nga këto akte rezulton se të pandehurit, Besjan Ramaj dhe Leonard Ramaj, vëllezër mes tyre janë dënuar nga autoritetet belge në vitin 2021 për vepra penale të lidhura me narkotikët, ndërsa i pandehuri Besjan Ramaj rezulton të jetë dënuar për vepra të njëjta penale në vitin 2012, nga autoritetet e drejtësisë norvegjeze.

Përgjatë hetimeve të kryera, rezulton se i pandehuri Besjan Ramaj, të paktën prej vitit 2010 në bashkëpunim të veçantë me të pandehurin Leonard Ramaj (vëllai i tij), Ardjan Malasi (i njohuri i tij) kanë kryer veprime sistematike, të vazhdueshme të kundërligjshme me qëllim pastrimin e të ardhurave që kanë përfituar nga kryerja e aktivitetit kriminal, përmes investimit në pasuri të paluajtshme, kryerjes së veprimeve për shitblerje dhe transferim në vazhdimësi të pronësisë,  si dhe përmes lëshimit të faturave fiktive nga shoqëritë tregtare të tyre për qëllime të justifikimit të burimit të ligjshëm. Kjo veprimtari kriminale rezulton të ketë vazhduar nga viti 2010 e në vijim deri në vitin 2023.

Ndërsa e pandehura Rajmonda Dashi është përfshirë në disa veprime të kryera pas vitit 2018, në bashkëpunim me të pandehurit Besjan Ramaj dhe Ardjan Malasi, e cila për shkak të kohës së përfshirjes në këtë veprimtari, rolit dhe veprimeve të kryera prej saj, rezulton se ka vepruar në kuadër të bashkëpunimit të thjeshtë dhe jo atij të veçantë.

Veprimet e tyre kanë konsistuar kryesisht a) në transferimin e pasurisë me qëllim fshehjen e origjinës së paligjshme; b) fshehjes ose mbulimit të pronësisë ose të drejtave në lidhje me pasurinë, duke ditur që kjo pasuri është produkt i veprës penale ose i veprimtarisë kriminale; c) fitimit të pronësisë, duke e ditur në çastin e marrjes në dorëzim të saj, që kjo pasuri është produkt i veprës penale ose i veprimtarisë kriminale; ç) kryerjes së veprimeve financiare ose transaksioneve të copëzuara për shmangien nga raportimi, sipas legjislacionit për parandalimin e pastrimit të parave; d) investimit në veprimtari ekonomike ose financiare të parave a sendeve, duke ditur se janë produkte të veprës penale ose veprimtarisë kriminale dh) përdorimit të shoqërive tregtare, përmes lëshimit të faturave fiktive për të transferuar lehtësisht paratë.

Përgjatë kësaj veprimtarie kriminale rezulton të jetë përdorur kryesisht paraja në dorë, e cila është integruar në shoqërinë “Ledio 04” sh.p.k me ortak dhe administrator, të pandehurin  Ardjan Malasi, për t’u investuar më pas në pasuri të paluajtshme, e shoqëruar me kryerje të veprimeve dhe transferimeve të shumta bankare të vlerave monetare nga llogaritë e shoqërisë tregtare në atë personale dhe anasjelltas, duke u përfshirë në kryerje të veprimeve fiktive juridike, si huadhënie, shitblerje të pasurive të paluajtshme, apo transferim të këtyre pasurive, Shuma e parave të përfshira në veprimtarinë kriminale të pastrimit të produkteve të veprës penale rezulton të jetë afro një milion e dyqind e pesëdhjetë mijë euro dhe nëntëmilion lekë.

Të gjitha këto fakte në tërësinë e tyre tregojnë se të pandehurit kanë paramenduar mënyrën e të vepruarit, kanë patur vazhdimësi në veprimtarinë e tyre, duke u përfshirë në kryerje të veprimeve të shumta juridike dhe transaksioneve financiare, duke vepruar kështu në kuadër të një bashkëpunimi të vecantë, atë të grupit të strukturuar kriminal, me qëllim përfitimin material.

Dijenia e tyre mbi origjinën e paligjshme të pasurive dhe të të ardhurave rezulton e provuar për të pandehurit Besjan dhe Leonard Ramaj si të përfshirë edhe në aktivitetin kriminal të trafikimit të narkotikëve, ku janë gjeneruar të ardhurat e kundërligjshme dhe për të pandehurin Ardjan Malasi dhe Rajmonda Dashi nga rrethanat faktike, si përfshirje të tyre në kryerje të veprimeve juridike haptazi fiktive, si dhe në veprime të tjera të kryera gjatë investimit në pasuri të paluajtshme të të ardhurave që dihet që kanë origjinë të paligjshme apo veprime të tjera juridike të kryera në lidhje me to.

Në kuadër të këtij procedimi janë sekuestruar më herët dhe është kërkuar konfiskimi në Gjykatën e Posacme të Shkallës së Parë Për Korrupsionin dhe Krimin e Organizuar për:

1.                  12 (dymbëdhjetë) apartamente në qytetin e Fierit;

2.                  1 (një) dyqan prej 300m 2 në qytetin e Fierit;

3.                  1 (një) pasuri e paluajtshme, ullishte, me sipërfaqe 5.200 m, ndodhur në Mallakastër;

4.                  4 (katër) apartamente në qytetin e Tiranës;

5.                  3 (tre) ambiente me funksion garazh në qytetin e Tiranës;

6.                  1 (një) shoqëri tregëtare;

7.                  2 (dy) automjete;

Në lidhje me këtë hetim është bashkëpunuar me autoritetet e drejtësisë së shtetit të Belgjikës dhe të Norvegjisë.

30 vjet kanë bërtit “hajnat në burg, hajnat në burg”, tani thonë Altin Dumani vegël e Ramës

Nga Berat Buzhala

Vllaznit ne Shqiperi jane fantastik

Qe 30 vjet kane bertite “hajnat ne burg, hajnat ne burg”, por kur prokuroria filloi me jau plotesu deshirat, prape nuk jane te kenaqun.

Gjysma po kerkojne me i shti ne burg Meten e Berishen, gjysma Edi Ramen e Erion Veliajn.

Altin Dumani, ne anen tjeter, po thote “avash djema, se ne burg ka me pase vend per krejt, ama mos lypni qe qysh diten e pare, me i zgjidhe problemet historike te Shqiperise”.

Kur kam qene njehere ne emision te Grida Duma pata thane, e po e perseris: SPAK ne Shqiperi eshte si Tribunali Special i Kosoves. Eshte nje organizate e krijume dhe e kontrollume prej Shteteve te Bashkuara te Amerikes.

Kushdo qe mendon qe SHBA i ka investu qindra miliona euro ne drejtesine e Shqiperise, qe pastaj ajo drejtesi me ju dhane dhurate Edi Rames, qe ky me i luftu kundershtaret e tij politik, eshte naiv.

Nese duhet me u arrestu Edi Rama, atehere koha me e mire per me e arrestu ate, do te ishte koha kur opozita nuk kontrollohet prej nje udheheqesi qe eshte ne liste te zeze te SHBA-ve dhe i dyshuar per korrupsion.

Sa per krahasim: Hashim Thaçi eshte arrestu atehere kur aleatet e Kosoves u siguruan qe ne Kosove nuk do te kete boshllek politik. Prokuroria kudo ne bote ben kapak edhe politike. Ajo cfare nuk ben politike eshte gjykata.

Opozita ne Shqiperi eshte nje xhungel e vertete. Eshte nje kaos, pa bisht dhe pa krye. Meqe vet jane ashtu, kerkesa e tyre eshte qe e gjithe Shqiperia te shnderrohet ne xhungel.

Pervoja e jeme jetesore, si vrojtues deri dikund i vemendshem i zhvillimeve politike, me meson qe Shtetet e Bashkuara te Amerikes, ne rajonin tone, kurre, asnje lideri, nuk i kan dhane imunitet bllanko.

Per shkak te rrethanave politike dhe te sigurise, kane bo kalkulime ditore, por kurre nuk i kane investu milionat e tyre per me ia siguru pushtetin Hashim Thaçit, Gjukanovicit, Gruevskit, Edi Rames ose kujtdo tjeter.

Mos e rreni publikun, Altin Dumani nuk eshte vegel e Edi Rames.

“Washington Post”: Gjykata lë në burg Metën, akuzat mund të sjellin 12 vjet burg

“Një gjykatë shqiptare ka vendosur që ish-Presidenti Ilir Meta duhet të qëndrojë në paraburgim teksa kreu i Partisë së majtë të Lirisë përballet me akuzat për korrupsion, pastrim parash dhe fshehje të të ardhurave personale dhe pronave”. Kështu thuhet në një shkrim të amerikanes “Washington Post” që i ka kushtuar hapësirë procesit ndaj Metës në Tiranë. Në shkrim jepen edhe pretendimet e palës së ish-presidentit. Më poshtë shkrimi i plotë.

TIRANË, Shqipëri — Një gjykatë shqiptare vendosi të mërkurën që ish-Presidenti Ilir Meta duhet të qëndrojë në paraburgim teksa kreu i Partisë së Lirisë së majtë përballet me akuza për korrupsion, pastrim parash dhe fshehje të të ardhurave personale dhe pronës. Prokurorët ende nuk kanë ngritur kallëzime zyrtare penale. Një gjyqtar i Gjykatës Kundër Korrupsionit dhe Krimit të Organizuar, e cila merret me zyrtarë të lartë politikë dhe shtetërorë, vendosi se Meta do të mbahet ndërsa hetimet vazhdojnë për akuzat që mund të sjellin 12 vjet burg.

Meta, i cili ka qenë President nga 2017 – 2022 dhe që është një kritik i hapur i kryeministrit aktual Edi Rama, e ka konsideruar rastin si një sulm të motivuar politikisht ndaj një lideri opozitar. Partia e vogël e Lirisë e Metës i është bashkuar grupimit opozitar antiqeveritar kundër Partisë Socialiste të majtë të Ramës. Meta ka akuzuar qeverinë aktuale për drejtimin e një “regjimi kleptokratik” dhe përqendrimin e të gjitha pushteteve legjislative, administrative dhe gjyqësore në duart e Ramës.

“Besoj kaq shumë në pafajësinë time të plotë”, – shkroi Meta në Facebook pasi oficerët e policisë të maskuar dhe civilë e morën me forcë nga automjeti të hënën në kryeqytetin, Tiranë. Policia tha se ai i kishte rezistuar një urdhri për t’u ndaluar. Sekretari i Përgjithshëm i partisë, Tedi Blushi, e quajti atë “një rrëmbim kriminal”, ndërsa avokati i tij Genc Gjokutaj e quajti çështjen ndaj tij të motivuar politikisht.

Ish-bashkëshortja e Metës, Monika Kryemadhi, deputete dhe ish-kryetare e Partisë së Lirisë, u akuzua për të njëjtat krime dhe u urdhërua të paraqitej në polici një herë në muaj. Po hetohen edhe dy persona të tjerë.

Prokurorët pretendojnë se Meta gjatë kohës sa ishte ministër i Ekonomisë, Tregtisë dhe Energjetikës ka abuzuar me autoritetin e tij për të ndikuar në biznese të ndryshme për përfitime financiare. Ata gjithashtu pretendojnë se përpara se të bëhej president në vitin 2017, Meta nuk arriti të justifikonte rreth 460 000 dollarë që kishte përdorur për lobim në Shtetet e Bashkuara.

Shqipëria, e cila kërkon anëtarësimin në Bashkimin Evropian, është pllakosur në epokën e saj postkomuniste me korrupsion që ka dëmtuar zhvillimin e saj demokratik, ekonomik dhe social. Institucionet gjyqësore të krijuara së fundmi, të krijuara me mbështetjen e BE-së dhe Shteteve të Bashkuara, kanë nisur disa hetime ndaj ish-zyrtarëve të lartë të qeverisë që dyshohet se janë përfshirë në korrupsion.

“Do renditen te lista e Doktorit, por po dalin kundër qytetarëve”/ Enriketa Papa: Mbojtja që deputetët e PD po i bëjnë Metës, bajate

Studiuesja dhe historiania e njohur Enriketa Papa nëpërmjet një statusi në profilin e saj në rrjetin social facebook, ka ironizuar deputetët e PD-së që për një vend në listën e Berishën, po dalin kundër qytetarëve dhe, sipas saj, ata e kanë humbur lidhjen me realitetin, sepse në fund me veprimet e tyre nuk do të ketë kush t’i votojë.

Papa shpehet se mbrojtja që po i bëjnë Metës, është shumë bajate.

Më poshtë postimi i plotë:

Mbrojtja plot pathos qe deputet, ish deputete dhe funksionare te larte te PD, i bejne Metes, eshte me se bajate.
Kurse qytetaret, perceptojne teresisht nje tjeter realitet. Mbeshtetjen ndaj drejtesise se re qe nen ombrellen e SHBA dhe BE, po jep pak shprese, per ndeshkimin e “mamutheve te korruptuar te politikes.
Nese vertet mendojne, se me kete pathos te zjarrte pro Metes apo dhe me dacibaot e ngritura ne Europe pro-Dr. po behen populist dhe po ngjallin shpresen e ndryshimit politik, jetojne ne nje “glob qelqi”, por jo me qytetaret.
Maksimumi tek lista e Dr. do rradhiten. Por dhe tek ajo, vend vetem per ata te sigurtet e listes “top-10” do te kete. Te tjeret do i nenshtrohen votes se qytetareve. Duhet te shkunden dhe te kuptojne qe sic po veprojne, duke sulmuar drejtesine e re, po dalin kundra qytetareve.
S’do i votoje kush!

From Punch’s Almanack 1899.
1...598599600...8 281Faqja 599 nga 8 281

Kryesore

Continue to the category
Më shumë
© 2024 Rilindja Demokratike Euroatlantike