Kreu i qeverisë ka sulmuar me një fjalor vulgar dhe në të njëjtën kohë ka paralajmëruar se nuk do të japë para për pagat e pedagogëve dhe se ata duhet të nxjerrin vetë universitetet, të cilët ndonëse nuk janë universitete privatë, por janë publikë, sipas Ramës duhet të sillen si pronë private.
“I takon çdo universiteti të vendosë për rrogat. Dikush mund të marrë më shumë dhe dikush më pak, kjo varet në bazë të performancës”, tha Rama.
Kryeministri Edi Rama gjatë një takimi me senatin e Universitetit të Tiranës tha se, vonesa e pagave tregon se Reforma në Arsimin e Lartë është një sifdë. Rama duke iu referuar akreditimit të universiteve tha se, Universiteti i Tiranës është bishti i fundit i kavallit.
Kreu i ekzekutivit deklaroi se nuk do rrisë më pagat për pedagogët, pasi janë vetë universitetet që duhet të përcaktojnë për rritjen ose jo të pagave dhe kjo do të varet nga performanca.
Rama: Sot, jeni bishti i të gjithë universiteteve të Shqipërisë bazuar nga akreditimi i britanikëve. Jeni bishti i fundit të kavallit të universiteteve të Shqipërisë dhe nuk ka faj as reforma, as ligji dhe as aktet nënligjore. Nëse doni përgjegjësinë, hajde ta ndajmë, por ju tuajën ne tonën. Ne nuk ndërhyjmë çfarë kërkoni nga ne. Merrni fjalën shyqyr bukën e gojës ta zgjidhëm”.
Fjalimi i Ramës ka sjellë reagimin e pedagogëve, të cilët kanë paralajmëruar se, nëse Rama nuk do të pranojë dialogun me ta, atëhere ata do të nisin një gervë të përgjithshme.

Forumi për liritë akademike

Pas takimit që zhvilloi kryeministri Edi Rama me Senatin e Universitetit të Tiranës, vjen reagimi i ashpër i Forumit për Liritë Akademike dhe Autonominë Universitare. Përmes një deklarate për shtyp, Forumi i Pedagogëve bëri të ditur kryeministrit që të marrë rolin e kryetarit të senatit apo të organeve të zgjedhura të UT-së.
Po ashtu, nuk do të ketë negociata me qeverinë nëse flitet me gjuhë shantazhi. Mes të tjerash, Forumi paralajmëron se nëse nuk merren parasysh kërkesat e tyre, ata do të shkojnë të futen në grevë.
Deklarata e plotë:
Forumi për Liritë Akademike dhe Autonominë Universitare ndoqi takimin e kryeministrit Edi Rama dhe të ministres së Arsimit dhe Shkencës znj. Lindita Nikolla me senatin e Universitetit të Tiranës.
Forumi mendon se ky takim nuk është në përgjigje të kërkesave që ne kemi paraqitur publikisht, pasi forumi nuk i ka kërkuar Kryeministrit që të marrë rolin e kryetarit të senatit apo të organeve të zgjedhura të UT-së. Forumi nuk i ka kërkuar qeverisë që “t’i heqë veshin burokracisë universitare” dhe as shndërrimin e saj në palë për larjen e hesapeve mes klaneve të brendshme por, hapjen e një dialogu me profesoratin, studentët dhe shoqërinë shqiptare për marrjen e përgjegjësive që i takojnë qeverisë dhe jo vetëm qeverisë, pra, për bashkëndarjen e përgjegjësisë për degradimin e gjendjes së Arsimit të Lartë në vend dhe mosfunksionimin e Ligjit për Arsimin e Lartë.

Forumi nuk ka pasur një kërkesë formale të ardhur nga kryeministri, por edhe sikur të kishte pasur, një takim i tillë pa axhendë të përcaktuar do të ishte krejt i padobishëm. Arsimi i Lartë në Shqipëri nuk mund të shndërrohet në show, ai është tashmë një dramë. Një dramë për ne profesoratin, për studentët dhe shoqërinë, një dramë që shpaloset sot para syve të kujtdo me përjashtim të kryeministrit dhe ministres. Një dramë, që nesër mund të shndërrohet në tragjedi për dijen dhe vendin. Forumi refuzon gjuhën shantazhuese dhe tallëse, por megjithatë të shqetësuar më shumë se prej talljeve apo kërcënimeve, nga gjendja dramatike dhe problemet e mprehta të pazgjidhura që vazhdojnë të shtohen pafundësisht, shpreh vullnetin për dialog, të cilin përveçse publikisht do ta adresojë edhe në mënyrë zyrtare.
Grupi i negocimit i zgjedhur nga pjesëmarrësit e Forumit, pret me seriozitet një përgjigje. Forumi mbetet i palëkundur në vullnetin e tij që në rast refuzimi, të bashkuar me studentët tanë të shkojmë drejt një greve të përgjithshme.

Koordinatori i Forumit
Prof. As. Dr. Mark Marku

Ministri i Punëve të Jashtme, Bushati i ka kërkuar Presidentit Meta plotfuqishmërinë në lidhje me nisjen e negociatave dypalëshe të Shqipërisë dhe Greqisë, ku përfshihet çështja e detit, ligji i luftës dhe çështja çame. Kjo kërkesë është bërë në lidhje me negociatat që po zhvillohen në lidhje me hapësirën detare. Kjo kërkesë e Bushatit është dorëzuar dhe është vënë në dijeni edhe kryeministri Rama.
Çështja e marrëveshjes së detit me Greqinë u soll sërish në vëmendje të publikuar pas deklaratës së ministrit të Jashtëm grek, Kotzias, i cili u shpreh se qeveria shqiptare ka pranuar shtyrjen e detit me 12 milje.
Presidenti Meta nuk do t’ia japë menjëherë plotfuqinë ministrit të Jashtëm, Ditmir Bushati, për negociatat me Greqinë për kufirin detar. Burime nga Presidenca konfirmojnë për Lapsi.al se kërkesa e Ministrisë së Jashtme mbërriti të martën në mbrëmje, ndërsa mëngjesin e së mërkurës, Presidenti Meta priti ish-Presidentin Nishani për t’u konsultuar. Pritet që Meta të konsultohet edhe me ish-presidentët e tjerë këto 2 ditë për t’i dhënë apo jo plotfuqinë Bushatit.
Ndërkohë që ministri ynë i jashtëm thotë se, negociatat nuk kanë nisur, mediat greke vazhdimisht kanë publikuar detaje të marrëveshjes, disa prej të cilave të konfirmuara nga Nikos Kotzias.

Qëndrimi i Nishanit

Media greke njofton se Marrëveshja e Detit midis Shqipërisë dhe Greqisë është arritur midis dy qeverive përkatëse.
Me triumfalizëm dhe shumë e kënaqur, media greke njofton se qeveria shqiptare i ka dorëzuar Greqisë zonat më të rëndësishme të ekskluzivitetit ekonomik.
Tashmë nuk përbën më sekret se zonat që i përkasin “de facto” Shqipërisë janë zotëruese të pasurive të mëdha të gazit dhe naftës.
Nëse lajmi i medias greke është i vërtetë, ky akt i qeverisë aktuale shqiptare do të përbënte aktin më të lartë të tradhëtisë kombëtare që nga themelimi i shtetit shqiptar në 1912.
Ky akt i padrejtë do të hapte një konflikt të ri e të panevojshëm historik midis dy vendeve me pasoja rajonale.
Me një arrogancë ekstreme qeveria shqiptare mban sekret marrëveshjen dhe nuk bën me dije asnjë informacion nga kjo marrëveshje e negociuar dhe përfunduar sipas ministrit të Jashtëm të Greqisë para pak kohësh dhe medias greke sot.
Së pari, nuk ka të deklaruar nëse qeveria shqiptare ka marrë “Autorizimin e Plotfuqishmërisë” nga Presidenti i Republikës?

Deklaroj se deri më 24 korrik 2017 në institucionin e Presidentit të Republikës nuk është paraqitur asnjë kërkesë nga qeveria për “Plotfuqishmërinë” ndonëse tashmë shihet qartë se, negociatat dhe bisedimet janë zhvilluar edhe përpara kësaj date. Nëse pas kësaj date ka një kërkesë dhe nëse kjo “Plotfuqishmëri” është dhënë apo jo, kjo mbetet për t’u mësuar. Por, që pas Vendimit nr. 15, datë 15.04.2010 të Gjykatës Kushtetuese marrja e “Plotfuqishmërisë” për negocimin e Marrëveshjes së Detit është detyrim ligjor. Mos zbatimi i këtij Vendimi të GjK përbën vepër të rëndë penale.
Citoj vendimin e Gjykatës Kushtetuese:
“26. Gjykata vlerëson se pretendimi i kërkuesit për mungesën e plotfuqisë së lëshuar nga Presidenti i Republikës për grupin negociator shqiptar gjatë bisedimeve dhe lidhjes së marrëveshjes për delimitimin e zonave detare midis Shqipërisë dhe Greqisë është i bazuar dhe duhet pranuar”.
Pra Gjykata thotë: “gjatë bisedimeve dhe lidhjes së marrëveshjes”.
Kërkoj publikisht si ish-President i Republikës, Prokurorit të Përgjithshëm të Republikës që të nisë verifikimin ligjor, kur kanë nisur negociatat dhe bisedimet, theksoj, “negociatat dhe bisedimet” për Marrëveshjen e Detit dhe nëse gjatë këtyre bisedimeve është marrë “Plotfuqishmëria” sipas detyrimit të Vendimit të Gjykatës Kushtetuese.
Në këtë rast Prokurori i Përgjithshëm i Republikës dhe Prokuroria shqiptare janë përpara një përgjegjësie të madhe ligjore kushtetuese mbi Sovranitetin e Shtetit.
I bëj thirrje opozitës shqiptare të kërkoj transparencë të plotë për të gjithë proçesin e negociatave dhe rezultatin e arritur për këtë çështje. Në këtë rast opozita ka një përgjegjësi historike. Shpresoj shumë që media dhe intelektualët shqiptarë të mos heshtin në bashkëfajësi!

Meta takon Berishën për pazarin e Ramës me Greqinë për faljen e detit

Me anë të një shkrese zyrtare të dorëzuar këtë të mërkurë në Presidencë, Ministria e Jashtme kërkon nga Ilir Meta plotfuqishmërinë për negociatat e detit me Greqinë. Pas kësaj kreu i shtetit, Ilir Meta, ka nisur takimet me ish-presidentët për t’u konsultuar në lidhje me këtë çështje të ndjeshme për opinionin shqiptar.
Burime nga Presidenca, kanë bërë të ditur se edhe ish-Presidenti Sali Berisha ka pranuar ftesën e Metës.
Ende nuk dihet ora e saktë e takimit, por ish-Presidenti Sali Berisha i është përgjigjur pozitivisht ftesës së Presidentit Ilir Meta për konsultime, në lidhje me marrëveshjen që kërkon të nënshtruajë qeveria me Greqinë.
Një nga pikat e nxehta të kësaj marrëveshja është ndarja e detit, ku pala shqiptare deri më tani i ka dhënë Greqisë, 22.1 kilometra.

Sali BERISHA

Në një përpjekje të re për të mbuluar tradhtinë e tyre të lartë, faljen e fushave më të mëdha të gazit dhe naftës në Jon dhe Mesdhe palës greke, Edvin Kristaq Rama dhe Ditzi Sulejman Bushati nxorën në treg në mediat e tyre dhe po përdorin për shqiptarët në mënyrën më antikombëtare, gogolin e Protokollit të Korfuzit, aktin më tradhtar të firmosur ndonjëherë nga shqiptarët në vitin 1914, në këtë ishull me të cilin pranohej krijesa e Jorgo Zografit, Vorio Epiri!
Ky protokoll është hedhur poshtë nga 6 fuqitë e mëdha, të cilat kanë firmosur në Firence më 27 janar 1925 Protokollin e përcaktimit të kufirit shtetëror midis Shqipërisë dhe Greqisë. Ky protokoll njohu si kufij shtetërorë midis dy vendeve këta kufij që janë edhe sot. Megjithëkëtë duhet të pranojmë se deri në vitin 1996 midis Shqipërisë dhe Greqisë nuk kishte një marrëveshje bilaterale për kufijtë ndërshtetërorë.
Pala greke e konsideronte të panevojshme këtë marrëveshje, pasi të dy palët kishin firmosur aktin e Helsinkit. Por pala shqiptare kërkoi që njohja e kufijve aktualë ekzistues, pra që janë kufijtë e përcaktuar në Protokollin e Firences, të sanksionohej edhe në Traktatin e Miqësisë midis dy vendeve. Kjo kërkesë u pranua nga pala greke. Prandaj në nenin e parë të Traktatit të Miqësisë sanksionohet: “Republika e Shqipërisë dhe Republika greke…. shpallin përkushtimin e tyre ndaj parimit të paprekshmërisë së kufijve ekzistues të njohur ndërkombëtarisht në përputhje me Aktin Final të Helsinkit dhe Kartën e Parisit dhe se vija kufitare midis të dy vendeve do të jetë vijë kufitare paqeje dhe miqësie”.

Pra, në Traktatin e Miqësisë pala greke ka pranuar përfundimisht dhe pa ekuivok kufijtë ekzistues midis dy vendeve dhe vetëkuptohet ka hequr dorë botërisht nga Protokolli i Korfuzit. Kështu që Rama dhe Ditziu i tij pranojnë si plaçkë tregu, si gogol Protokollin e Korfuzit, një protokoll të varrosur përfundimisht nga Protokolli i Firences, Akti i Helsinkit, Karta e Parisit dhe Traktati i Miqësisë dhe Bashkëpunimit midis Shqipërisë, por dhe e përdorin dhe si gogol për të mashtruar, por edhe trembur shqiptarët.
Ata, pasi dështuan me shitjen e heqjes së ligjit të luftës, një akt atavik i turpshëm në kancelarinë greke, si justifikim për dhurimin e fushave më të mëdha të gazit dhe naftës në Jon dhe Mesdhe Greqisë, tani Edvini dhe Ditziu i tij iu servirin shqiptarëve si sukses heqjen dorë nga pala greke nga ky Protokoll i Korfuzit të varrosur në mënyrë përfundimtare që në vitin 1925 dhe si shpërblim i dhuruan Greqisë fushat më të mëdha të naftës dhe gazit në Jon dhe Mesdhe. Edhe një herë u bëj thirrje shqiptarëve të ngrihemi me të gjithë fuqitë tona për të mbrojtur integritetin territorial të vendit dhe të përmbysim këtë qeveri që ka shndërruar në plaçkë tregu për karriget e saj pasuritë përrallore të Shqipërisë!

Adela dhe Albi Osmani do të kishin qenë një çift krejt i zakonshëm dhe i panjohur për publikun e gjerë, nëse kryebashkiaku Erion Veliaj nuk do t’i kishte ekspozuar. Jo më larg se dy ditë më parë, Veliaj ka qenë në çerdhen e tyre të dashurisë, për të promovuar ‘sistemimin dashamirës’ që i ka bërë kryebashkiaku i qytetit më të rëndësishëm në Shqipëri, një çifti të ri, në nevojë. Të dy ata, Adela dhe Albi, e kanë mikpritur në shtëpinë e tyre të re kryebashkiakun. Pas qerasjeve të planifikuara, Veliaj ka dhënë sinjalin për fotot e zakonshme dhe ja ku i kemi: të gjithë të gëzuar, të gjithë të lumtur!
Shkruan Veliaj në postimin e fotove në ‘Facebook’: ‘Urime për shtëpinë e re! Një mikpritje tepër e ngrohtë në strehëzën e re të çiftit Adela dhe Albi Osmani, të cilët përfituan nga programi i kredisë së butë vitin e kaluar’. Ky është episodi i parë, i një planifikimi të imtësishëm. Episodi i dytë ndodhi rreth 15 ditë më parë në një tjetër familje. Erion Veliaj niset drejt rrugës së shtëpisë së re të Arditit dhe Blerinës për të promovuar një punë tjetër të arritur: kredinë e butë dhënë familjes Kaçi. Edhe këtu ekspozimi i tyre është i detyruar. Shkruan për ta Veliaj: ‘Tak-tak, hape derën! Tek Laiza dhe prindërit e saj shembullore Ardit dhe Blerina në shtëpinë e tyre të re, falë programit te Bashkia Tiranë për kreditë e buta. Arditi dhe Blerina janë jo vetëm prindër shembullorë, por edhe veterinerë mjaft të zotë!’
Çfarë i lidh dy episodet është një fakt i vërtetuar: Erion Veliaj i njihte më përpara. Një gjest krejt spontan i të zotërve të shtëpisë përfituar me kredi të butë, ardhur ndoshta nga gëzimi i madh i një shtëpie të re, zbulon krejt padashur njohjen e Veliajt me familjen Kaçi.

Siç shihej nga fotoja që familja mbante të printuar në shtëpinë e saj, Veliaj kishte ekspozuar vajzën e tyre në një foto të hershme, teksa e mbante në park.
Ndërsa njohja me çiftin e parë është edhe më e fortë. Nga një hulumtim i Genc Sejkos, Albi Osmani rezulton të ketë qenë nën shoqërinë e Veliajt para përfitimit të kredisë, siç e tregojnë fotot që ju shihni. Momente miqësore, a nuk ju duken? Nën shoqërinë e Veliajt shfaqet edhe në dy momente të tjera; gjatë emisionit ‘Dritare’ të Rudina Xhungës dhe në një bar, duke tokur grushtat.
Por një njohje, njësoj të fortë, partnerja e Albit ka patur edhe me kryeministrin e vendit: Edi Ramën. Në po të njëjtën festë me Veliajn, në qershor të vitit të kaluar, Adela Osmani ka kaluar një mbrëmje interesante te një nga bar-restorantet e Tiranës, pas shpatullave të së cilës qëndronte kryeministri. ‘Pas festës me shefin’, shkruan Adela Osmani, duke iu referuar Edi Ramës.
Mirëpo në disa foto të tjera rezulton se çifti i ri Albi dhe Adela Osmani kanë shëtitur botën: Venecia, Paris, Barcelonë, Kroaci, etj etj. Por… kreditë e buta janë të destinuara për çifte të reja, në vështirësi ekonomike dhe që nuk mund të përballojnë kredi me interesat normale të bankave.
Këto janë faktet e para të një procesi (dhënie kredie të butë) të dyshuar si të kompromentuar dhe plot favorizime personale te të rinj, të cilët Veliaj i ka mbështetës./Hashtag.al