Kryetari i PD, Lulzim Basha ka reaguar pas sulmeve dhe kërcënimeve që Rama iu bëri pedagogëve. Në një postim në Facebook Basha shkruan se, nuk ka pamje më të trishtë se një kryeministër i ulur në krye të vendit duke ju dhënë leksion profesorëve të ulur si nxënës në auditor, duke i marrë në pyetje e duke ju dhënë edhe lejen të flasin apo jo.
“Kryeministri që mbledh Senatin e Universitetit, kërcënon dhe fyen pedagogët, përqesh dhe denigron profesorët, është dëshmia e “pavarësisë” falso të universitetit publik, ku rrogat i vendos ministri, strukturën e shkollave e vendos ministri, programet i vendos ministri, madje edhe ditën e fillimit të vitit shkollor e vendos ministri.

Pedagogëve që kërkuan ballafaqimin, ju është fshehur dhe i sulmon e ju hakërrehet nga frëngjia e bunkerit ku ka futur përdhunshëm shumë nga të emëruarit e tij.
“Universiteti duhet të bëjë para, duhet të bëjë biznes”, ju thotë kryeministri pedagogëve, sepse edhe universitetin ky e sheh si bizneset e ndërtimit me të cilët ndan paratë. Një kryeministër injorant që nuk kupton se dija dhe shkollimi nuk është mall si çdo mall tjetër dhe universitetet nuk janë firma ndërtimi është në krye të një qeverie që mbjell injorancë.
Ka vetëm një zgjidhje për arsimin e lartë: autonomi e plotë akademike, financiare dhe administrative. Ka vetëm një zgjidhje për arsimin e lartë: universitete jo-fitimprurëse, jashtë kontrollit të qeverisë dhe të pronarëve”, shkruan Basha.

Kryeministri Edi Rama gjatë një takimi me senatin e Universitetit të Tiranës tha se vonesa e pagave tregon se reforma në arsimin e lartë është një sifdë. Rama duke iu referuar akreditimit të universiteve tha se Universiteti i Tiranës është bishti i fundit i kavallit.
Kreu i ekzekutivit deklaroi se nuk do rrisë më pagat për pedagogët, pasi janë vetë universitetet që duhet të përcaktojnë për rritjen ose jo të pagave dhe kjo do të varet nga performanca.
Rama: Sot jeni bishti i të gjithë universiteteve të Shqipërisë bazuar nga akreditimi i britanikëve. Jeni bishti i fundit të kavallit të universiteteve të Shqipërisë dhe nuk ka faj as reforma, as ligji dhe as aktet nënligjore. Nëse doni përgjegjësinë hajde ta ndajmë por ju tuajën ne tonën. Ne nuk ndërhyjmë çfarë kërkoni nga ne. Merrni fjalën shyqyr bukën e gojës ta zgjidhëm”.
Vonesa e pagave është një shembull i faktit që reforma është sfidë, edhe për ne që e kemi udhëhequr dhe e kemi kthyer në legjislacion. Sepse na ka vonuar ne si qeveri një debat mes ministrisë së arsimit dhe asaj të financavce për trashëgimin e grantit të pakushtëzuar. Ministria e Arsimit këmbëngul që granit i pakushtëzuar trashëgohet automatikisht dhe administrohet nga vetë univetrsitetit. Ndërsa ministria e Financave këmbëngul që po trashëgohet por cdo vit duhet një aprovim i ministrisë së Financave për trashëgueshmërinë.

U dëshën disa ditë për të hapur rrugën e zgjidhjes dhe rruga e zgjidhjes është fondet e universitetet trashëgohen dhe nuk varet nga vullneti i ministrisë së Financave.
Granti i pakushtëzuar është i pamjaftueshëm, pra nëse e shohim në volumin e tij shkon në tërësinë e vet për të mbuluar një pjesë të konsiderueshme të pagave. Këtu ka 2 gjëra, një na takon ne, një ju. Ne na takon që grantin ta rrisim, por jo ta rrisim pa u bazuar tek merita, por duke u bazuar tek merita dhe performanca e universiteteve.
Ana tjetër është rroga. Ne morëm një vendim për rritjen e rrogave. Është hera e fundit që qeveria rrit rroga, ndërkohë që i takon çdo universiteti të vendosë për rrogat, Dikush mund të marrë më shumë dhe dikush më pak, kjo varet në bazë të performancës.

Reagimi i shkrimtarit të madh Kim Mehmeti për heqjen e flamurit kombëtar nga qendra e Prishtinës:
“Sa e sa shqiptarë, u kalbën burgjeve, vetëm pse ëndërronin që flamuri kombëtarë të valëvitet nëpër sheshet e vendbanimeve shqiptare, e që sot, burrështetasit e Kosovës së pavarur, atë flamur ta largojnë nga ‘rrethi’ në hyrje të Prishtinës! Ku ta dish, mbase vuajmë nga mendësia që nuk e ka kuptuar se po të mos ishte flamuri Kuq e Zi, kurrë nuk do kishte flamur shtetërorë të Kosovës! Pra ne harrojmë se flamuri shtetëror të Kosovës na e vizatuan dhe na e sollën të tjerët, e atë me shqiponjë dykrenore, e mbajti ngritur gjaku i shumë gjeneratave shqiptare! Dhe sa keq ndjehet njeriu kur e sheh se bëhemi popull që i ndërron flamujt varësisht nga dora që ia gdhendë shtizat!”

Deputeti i Bundestagut gjerman Thorsten Frei tha se ish-ministrit Tahiri duhet t’i ishte hequr mandati. “Konstatojmë se situata është e tillë që pikërishtr në fushën e vettingut dhe luftës ndaj korrupsionit dhe krimit të organizuar ka progres, por edhe rastet e mëdha, për peshqit e mëdhe mbetet për të parë nëse do të ketë pasoja, nëse ka vërtet goditje reale ndaj krimit të organizuar në përmasa të mëdha.
Me shumë vëmendje Kam ndjekur rastin e ish-ministrit të Brendshëm Saimir Tahiri dhe kam ndjekur faktin si është trajtuar ky rast në pikëpamjen politike. Në pikëpamjen time është një problem madhe që nuk është arritur që në Parlament, në qëndrimin time besoj që kjo duhet të kishte ndodhur në parlament për të hequr imunitetin pa diskutime të mëdha në Parlament”, u shpreh Thorsten Frei.

Deputeti i Bundestagut gjerman Thorsten Frei, njëkohësisht raportuesi për Shqipërinë në Komisionin Parlamentar për çështjet e jashtme në Parlamentin gjerman, ka dalë sot para mediave në Tiranë. Në prag të rekomandimeve që Komisioni Evropian pritet të japë, Frei ka dhënë opinionin e tij lidhur me hapat e Shqipërisë në përmbushjen e prioriteteve te përcaktuara nga KE. Duke iu referuar deklaratave për kapjen e peshqve të mëdhenj, Frei tha se priste që parlamenti t’i hiqte pa debate imunitetin ish-ministrit të Brendshëm Saimir Tahiri dhe të vendoste gjykata për të. Deputeti gjerman tha se është e rëndësishme që të dëgjohen të gjitha palët, edhe opozita dhe qeveria. “Shqipëria duhet të vijojë në rrugën e integrimit që është në interes të Shqipërisë dhe vetë BE-së. Ndër kushtet për hapjen e negociatave është edhe dekriminalizimi e reforma zgjedhore. Pika më e rëndësishme është reforma në drejtësi e vettingu. Komisioni i apelit nuk ka mjediset e duhura të zyrës për të zhvilluar punën. Janë hartuar akte të rëndësishme por seancat e dëgjimeve që shërbejnë për të marrë vendime për vettingun do të fillojnë në mars. Është vendimtare se si mund të matet progresi konkret. Gjatë bisedave të mia, më janë paraqitur përshkrime të ndryshme të situatës, në varësi nëse kam zhvilluar biseda me qeverinë apo opozitën. E rëndësishme të bisedohet me të gjitha palët dhe të shihen të gjitha faktet. Edhe në Gjermani merremi në mënyrë intensive me raste simptomatike.

Situata është e tillë, sidomos në fushën e vettingut, në luftën krimit të organizuar janë shënuar progrese por edhe në rastet e mëdha për peshqit e mëdhenj mbetet për t’u parë nëse ka vërtetë goditje reale ndaj krimit të organizuar në përmasa të konsiderueshme. Kjo nuk është realizuar në mënyrë të mjaftueshme. Kam ndjekur rastin e ish-ministrit Tahiri me shumë vëmendje, se si është trajtuar ky rast nga pikëpamja politike. Është problem i madh që në parlament nuk është hequr imuniteti pa debate. Para ligjit jemi të gjithë të barabartë. Është vendim nga organet gjyqësore që duhet të merret nga gjyqtarët. Ky rast është përgjigje për pyetjet se cilat janë arritjet në këtë rast. A është vërtetë Shqipëria në gjendje që të mos ndalet para rasteve të tilla”, deklaroi deputeti gjerman.

Në vend të teatrit planifikohet ndërtimi i një kulle me 43 kate, leja e të cilës do të jepet nga Rama dhe do të jetë në bashkëpronësi me një biznesmen nga rrethi i ngushtë i kreut të qeverisë. Plani parashikon zhvendosjen e teatrit në një magazinë, të cilës Rama i ka vendosur emrin “Turbina”. Deri tani qeveria nuk ka pranuar të japë asnjë detaj për atë që do të ndodhë me vendin, ku sot është Teatri Kombëtar. Burime nga Bashkia sqarojnë se është përgatitur edhe projekti i kullës që do të ngrihet me 43 kate. Burime të tjera sqarojnë se, investimi do të jetë pjesë e një grupi njerëzish të rrethit të ngushtë të Ramës pavarësisht se në publik do të dalë vetëm një nga biznesmenët. Pas këtij ndërtimi fshihet një pastrim i parave të pista kryesisht të drogës të akumuluara gjatë viteve të fundit nga njerëzit e afërt të Ramës.
Ndërtimi i një kulle në vend të Teatrit Kombëtar ka qenë një plan i Ramës edhe gjatë kohës që ai ka qenë në krye të Bashkisë së Tiranës. Edhe atëherë Rama tentoi të zhvendosë Teatrin për t’i hapur rrugë ndërtimit të kullës, por kjo hasi në protesta të forta të komunitetit të artistëve. Në atë kohë në krye të qeverisë ishte Berisha, i cili u doli në krah artistëve dhe deklaroi se nuk do të lejojë ndërtimin e kullës. Tani që Rama është edhe në krye të qeverisë edhe në krye të Bashkisë sikurse dhe ka edhe paratë e drogës me vete për ta ndërtuar, projekti duket më afër se kurrë për t’u realizuar.
Por jo çdo gjë do të përfundojë këtu. Pas prishjes së Teatrit Kombëtar dhe ndërtimit në të një kulle 43 kate, rradhën do ta ketë një tjetër institucion sporti. Bëhet fjalë për Pallatin e Sportit, Asllan Rusi, i cili po ashtu si teatri do të prishet për të ngritur një tjetër kullë.

“Turbina” në ndërtesën e ish-Laboratorit Hidroteknik

Rama ka folur për herë të parë për shqetësimin e ngritur nga artistët për Teatrin Kombëtar. Kryeministri nuk u ka kthyer përgjigje drejtpërdrejt aktorëve, por komentuesve në Facebook dhe ka deklaruar se projekti i tij do të vazhdojë dhe nuk pranon leksione nga askush. Sipas tij, debati për të mbrojtur godinën e rrënuar të teatrit, është pa asnjë vlerë e asnjë kuptim sot.
Qytetari: E dëgjove Robert Ndrenikën Edo? Po Bujar Asqeriun? Folën nga plasja shpirtit… kështu jemi pothuaj të gjithë, edhe pse të japim votën që të mos fitojë më ai Qoftëlargu!
Rama: Jo Andi nuk i kam dëgjuar dhe nuk e di çfarë plasje kanë, po di që debati për të mbrojtur godinën e rrënuar të Teatrit, është një debat i stërvjetër, i stërlodhur dhe pa asnjë vlerë e asnjë kuptim sot! Sa ka bërë qeveria ime për teatrot, muzetë, stadiumet në vetëm 4 vjet nuk i kanë bërë të gjitha qeveritë bashkë në 25 vjet! Nuk mjaftojnë? Aspak. Por ama leksione të asnjë lloji s’na jep dot askush dhe në këto katër vjet do bëjmë ende më shumë, përfshirë edhe Teatrin e Ri Kombëtar, duan s’duan ata që s’dinë çfarë duan!