20.5 C
Tirana
E hënë, 5 Maj, 2025
type here...

“Do renditen te lista e Doktorit, por po dalin kundër qytetarëve”/ Enriketa Papa: Mbojtja që deputetët e PD po i bëjnë Metës, bajate

Studiuesja dhe historiania e njohur Enriketa Papa nëpërmjet një statusi në profilin e saj në rrjetin social facebook, ka ironizuar deputetët e PD-së që për një vend në listën e Berishën, po dalin kundër qytetarëve dhe, sipas saj, ata e kanë humbur lidhjen me realitetin, sepse në fund me veprimet e tyre nuk do të ketë kush t’i votojë.

Papa shpehet se mbrojtja që po i bëjnë Metës, është shumë bajate.

Më poshtë postimi i plotë:

Mbrojtja plot pathos qe deputet, ish deputete dhe funksionare te larte te PD, i bejne Metes, eshte me se bajate.
Kurse qytetaret, perceptojne teresisht nje tjeter realitet. Mbeshtetjen ndaj drejtesise se re qe nen ombrellen e SHBA dhe BE, po jep pak shprese, per ndeshkimin e “mamutheve te korruptuar te politikes.
Nese vertet mendojne, se me kete pathos te zjarrte pro Metes apo dhe me dacibaot e ngritura ne Europe pro-Dr. po behen populist dhe po ngjallin shpresen e ndryshimit politik, jetojne ne nje “glob qelqi”, por jo me qytetaret.
Maksimumi tek lista e Dr. do rradhiten. Por dhe tek ajo, vend vetem per ata te sigurtet e listes “top-10” do te kete. Te tjeret do i nenshtrohen votes se qytetareve. Duhet te shkunden dhe te kuptojne qe sic po veprojne, duke sulmuar drejtesine e re, po dalin kundra qytetareve.
S’do i votoje kush!

From Punch’s Almanack 1899.

Pedro Paramo nuk është një emë personazhi, ai është një botë e pafundme

Nga Agim Baçi

Ç’është një emër? Në rastin Pedro Paramo nuk është vetëm një emër personazhi- ai është një botë. Madje, një botë aq e pafund, sa në çdo lexim duket se në jetë ke bërë veç disa hapa ndërkohë gjithçka shtrihet ende përpara teje.
Juan Rulfo, shkrimtari që mahniti botën veç me një libër, vendos të na rrëfejë se si mundemi të kemi jo vetëm kohën tonë, por edhe marrëdhënien e veçantë me botën. Ai nuk tenton as të bëjë heronj e as t’i zhdukë ata. Përmes të zakonshmes, gati asaj të padukshmes deri në harresë, vjen madhështorja, ajo që të ngulitet si një gozhdë në tabelën e mendimeve, për të të mbajtur varur shpresat se do e kuptosh këtë botë. Teksa i sheh të bashkuara, të dukshmen dhe të padukshmen, nuk të mbetet veçse t’i mbështetesh fuqisë së meditimit. Të trokasësh pa fund atje ku nuk sheh, por ama me bindjen se po të shohin, siç duhet të ndodhë me njeriun që kërkon e kërkon, për të mos kaluar kurrë në urën e dorëzimit përballë asaj që do.

“Ky fshat është përplot me jehona. Sikur ato të qenkëshin të mbyllura në llagëme muresh apo poshtë gurëve. Kur ecën, ndien se dikush shkel pas hapave të tua. Dëgjon fëshfërima. Gërvima. Të qeshura. Ca të qeshura shumë të moçme, sikur janë lodhur së qeshuri. Ca zëra të harxhuar nga përdorimi. Ja, gjëra të tilla dëgjon…”. (“Pedro Paramo”, Juan Rulfo, f. 53).

Kolama, vendi ku ndodhin ngjarjet, nuk është fshat. Është bota që vjen e do të vijojë të jetë, pavarësisht nëse e dallojmë ne apo jo. Në atë fshat është gjithë hija e së shkuarës që ka syzet e duhura për të parë edhe të ardhmen. Është fshati i mendjes sonë, ku jemi mes kujtesës, mes asaj që na e kanë thënë e si na e kanë thënë, dhe nxitimit tonë për të ndërtuar një version të ri të asaj që shohim e që kemi parë. Sepse mendja jonë kërkon aleat në ndërtimin e historisë rreth nesh.
Aty murmurima është furtunë, ndërsa furtuna është një petal trëndafili. I gjalli me të vdekurin bëjnë shpesh të njëjtin udhëtim. Kali që i nis për diku, mund të mos i kthejë sërish aty ku u nisën. Por ata vijnë mbi kurrizin e imagjinatës, me vrapin dhe kohën e vet. Duket sikur toka pikërisht në fshatin e Pedro Paramos nuk ka fuqinë e zakonshme të rrotullimit, sepse aty është “fshati tjetër me kohën e vet”, që mundet ta ndalë ose edhe ta lërë ta rrotullojë.

“Eshtë fillim mëngjesi dhe dita duket sikur po vjen me zor. Toka mezi xhiron, sikur t’i jenë ndryshkur menteshat; dridhet e shkreta tokë, për t’u larguar nga terri i saj”. (“Pedro Paramo”, Juan Rulfo, f. 117)

Po cila është forca për të ç’ndryshkur “menteshat e botës” që ta bëjë të rrotullohet me kohën e vet? Mendja duhet t’i bashkëngjitet veç dashurisë apo mahnitjes me të. Duhet të kërkojë të jetë aty ose të nisë të dojë përmes tyre dhe si ata, që koha të nisë të ecë. Sepse pa kuptuar këtë çelës atje koha ndalet, merr rrjedhë tjetër, udhëton me kalë tjetër, e të vonon mbërritjen drejt botës së kuptimit. Ky është guximi i Rulfos. E pasi mbaron Pedro Paramon, ndoshta edhe pa i besuar shumë Rulfos se e ka plandosur heroin e tij në krahët e Damiana Cisneros “sikur të kish qenë një pirg me gur” (“Pedro Paramo”, Juan Rulfo, f. 132) atëherë nis e sheh sërish fjalët e Jorge Luis Borgesit dhe Gabriel Garsia Markezit për këtë prozë mahnitëse. I pari pranon magjinë e madhe të Rulfos të cilën veçse mund ta admirosh, ndërsa Markezi, që i preku të gjitha çmimet në të gjallë, pohon se nuk do kish dashur të shkruante roman tjetër përveç “Pedro Paramos”. Në këtë not leximesh Paramo të mbetet gjatë në mendje me kohën e vet, me të qenurit “andej” dhe “këtej”, e duke i kapërcyer shtigjet kohore e shpirtërore a thua se thjesht po shijon një gotë uji ashtu pa u nxituar, megjithëse etja na klith të gjithëve që ta mbarojmë një çast e më parë. Një prozë që duket sikur nis forcën e madhe kur Paramo “rrëzohet”. Ai avull i ngritur nga vlimi shpirtëror që ndodh pas çdo germe, të qepur ashtu sipas formës që duam t’i japim shpesh shpirtërores brenda nesh jo vetëm me imagjinatë.

“Tridhjetë vjet prita që të kthehesh Suzana. Doja të kisha gjithçka. Jo vetëm diçka, por gjithçka që mund të arrihet, në mënyrë që të mos na mbetet asnjë dëshirë pa plotësuar, sidomos dëshira për të të pasur ty, vetëm ty, dëshira për ty”. (“Pedro Paramo”, Juan Rulfo, f. 91).
I adhur në shqip nga Bajram Karabolli, Pedro Paramo mbetet një mahnitje e rrëfimit, duke na treguar se letërsia ka mundur të na zgjasë gjithmonë dy duar- nga e ardhmja dhe e shkuara, nga kujtesa dhe imaginata.

Përdorimi i inteligjencës artificiale për të mbrojtur sigurinë kombëtare, Joe Biden nënshkruan urdhrin!

Presidenti Jo Bien nënshkroi të enjten një direktivë që i kërkon Pentagonit dhe agjencive të zbulimit që të përqafojnë me shpejtësi teknologjinë e inteligjencës artificiale, si një çështje që i përket sigurisë kombëtare.

Direktiva synon që Shtetet e Bashkuara të mbajnë rolin udhëheqës në teknologjinë e inteligjencës artificiale, ndërsa synon parandalimin që vendi të bjerë viktimë manipulimeve me këtë teknologji nga vende kundërshtare si Kina.

Memorandumi, ku inteligjenca artificiale (AI) cilësohet si “një teknologji përcaktuese për epokën”, gjithashtu parashtron udhëzime për të cilat Shtëpia e Bardhë thotë se janë krijuar për të parandaluar përdorimin e AI për të dëmtuar liritë civile ose të drejtat e njeriut.

Rregullat e reja do të “sigurojnë që agjencitë tona të sigurisë kombëtare t’i përdorin këto teknologji në mënyra që përputhen me vlerat tona”, tha për gazetarët një zyrtar i lartë i administratës, duke folur për memorandumin në kushte anonimiteti përpara publikimit të tij zyrtar.

“Dështimi për ta vënë menjëherë në funksion këtë teknologji”, tha zyrtari, “mund të na vërë në rrezik të një surprize strategjike nga rivalët tanë”.

“Për shkak se vende si Kina i kuptojnë mundësitë që ofron kjo teknologji për të modernizuar dhe revolucionarizuar aftësitë e tyre ushtarake dhe të zbulimit përmes inteligjencës artificiale, është veçanërisht e domosdoshme që ne të përshpejtojmë përfshirjen dhe përdorimin e AI nga agjencitë e sigurisë kombëtare”, tha zyrtari.

Por disa organizata që mbrojnë liritë civile kanë shprehur shqetësimet se udhëzimeve të reja u mungojnë masa mbrojtëse të mjaftueshme.

Udhëzimet e reja bazohen në një urdhër ekzekutiv të lëshuar vitin e kaluar që u kërkon agjencive qeveritare që të hartojnë politika mbi mënyrën e përdorimit të inteligjencës artificiale.

Dispozitat në memorandum kërkojnë një sërë veprimesh për të mbrojtur zinxhirët e furnizimit që prodhojnë pajisje të avancuara kompjuterike, kritike për sistemet e inteligjencës artificiale. Gjithashtu kërkohen veprime shtesë për të luftuar spiunazhin ekonomik që do të lejonte kundërshtarët ose kompanitë jo-amerikane që të vjedhin risitë kritike.

Këshilltari i Shtëpisë së Bardhë për Sigurinë Kombëtare, Jake Sullivan, tha se: “Nëse nuk e fusim në përdorim me shpejtësi AI dhe në mënyrë gjithëpërfshirëse për të forcuar sigurinë tonë kombëtare, mund të vëmë në rrezik epërsinë tonë të fituar me djersë”./VOA

Vendet e punës në Shqipëri po transferohen jashtë, shkak rritja e kostove!

Shqipëria jo vetëm që nuk po përfiton nga tendenca e nearshoring (delegimi i prodhimit në tregje të tjera), por përkundrazi dhe ato vende pune që janë po mbyllen e proceset po transferohen jashtë.

Rritja e kostove të punës dhe humbjet që solli rënia e euros bëri që shumë fabrika që prodhojnë në Shqipëri veshje, këpucë, ushqime etj të transferohen jashtë vendit.

“21% punëtorë shqiptarë thonë se një pjesë e punës së bërë në vendin e tyre të punës është zhvendosur në një vendndodhje ose shtet tjetër (14% në Ballkanin Perëndimor dhe 16% në BE)” thuhet në rezultatet e Anketës Europiane për Aftësitë dhe vendet e Punës për vitin 2023.

Transferimi i vendeve të punës për shkak të rritjes së kostove në Shqipëri ishte shumë më i lartë se në vendet e tjera të Ballkanit dhe të Europës.

Siç tregon anketa, tregu i punës në Shqipëri po përjeton një tranzicion të madh. Rreth një e treta e punëtorëve shqiptarë kanë përjetuar futjen e teknologjive të reja digjitale në vendin e tyre të punës.

Të anketuarit u pyetën për ndryshimet që kishin ndodhur në vendin e tyre të punës gjatë 12 muajve të fundit për sa i përket menaxhimit, vetë punës, teknologjive të reja digjitale, produkteve ose shërbimeve të reja, apo zhvendosjes së prodhimit.

Për shembull, rreth një në tre (35%), tregojnë se janë prezantuar teknologjitë e reja digjitale (26% në wB5 dhe 43% në BE). Për më tepër, gati gjysma e tyre (47%) thonë se janë zhvilluar produkte ose shërbime të reja në vendin e tyre të punës (38% në WB5 dhe 37% në BE) dhe janë integruar metoda të reja të menaxhimit (45% kundrejt 30% në WB5 dhe 35% në BE).

Futja e teknologjive të reja digjitale raportohet më shpesh nga punëtorët më të rinj (53% e atyre të moshës 25-34 vjeç kundrejt 21%-35% në grup moshat e tjera).

Në mënyrë të ngjashme, 66% e atyre në profesione të kualifikuara raportojnë për një ndryshim të tillë. Ndryshime të tilla ndodhën gjithashtu më shpesh në sektorin publik, arsim dhe shëndetësi (44%) dhe shërbime (42%) sesa në bujqësi ose industri (24%).

Rritja e teknologjive digjitale ka transformuar ekonominë dhe mënyrën se si njerëzit punojnë, duke nxitur një interes në rritje për të ardhmen e punës. Ndërkohë që pasojat e digjitalizimit për punësimin kanë qenë subjekt i shumë debateve, është më pak e njohur se si digjitalizimi po ndikon në atë që bëjnë punëtorët dhe nëse dhe si zhvillimi i arsimit dhe aftësive mund t’u mundësojë individëve të përfitojnë, në vend që të kërcënohen nga ndryshimi teknologjik.

Anketa Evropiane për Aftësitë dhe vendet e Punës1(ESJS) mbledh informacion mbi kërkesat për aftësitë dhe vendet e punës, mospërputhjet e aftësive dhe kualifikimeve, si dhe pjesëmarrjen e punëtorëve të moshës madhore në arsimimin dhe trajnimin e mëtejshëm. Një vëmendje e veçantë i kushtohet edhe evidencës mbi ekspozimin e punëtorëve ndaj teknologjive digjitale dhe ndikimit të tyre në nevojat për aftësi./Monitor.al

Poli Hoxha paralajmëron për politikēn shqiptare: Do ketë non-grata të tjera! Pritet vetëm ambasadori i ri i SHBA

Analisti Poli Hoxha paralajmëroi në Frontlinese do të ketë së shpejti dhe non grata të reja duke aluduar për Ilir Metën tani që u vu në arrest në burg.

Sipas analistit pritet vetëm ardhja e ambasadorit të ri.

‘Pas zgjedhjeve në SHBA, që për mendimin për ne nuk ndryshon gjë pavarësisht nga stekat që ngrihen. Pas zgjedhjeve do vijë ambasadori. Priten non grata. Edhe nga Britania e Madhe. Më kryesorja të vijë ambasadori.’

“E di e gjithë bota!”- Kancelari gjerman nuk pranon kerkesën e Zelenskyt për anëtarësimin e Ukrainës në NATO: Një vend që ndodhet në luftë nuk mund t’i bashkohet aleancës

Kancelari gjerman Olaf Scholz ka refuzuar kërkesën e presidentit ukrainas Volodymyr Zelensky, i cili kërkon që vendi i tij të ftohet në NATO, si pjesë e “planit të fitores” që ai ka hartuar kundër Rusisë.

“Është e rëndësishme të kuptohet se një vend që ndodhet në luftë në asnjë rrethanë nuk mund të bëhet anëtar i NATO-s. E gjithë bota e di, nuk ka asnjë debat për këtë. Dhe ftesa zakonisht lidhet shumë shpejt me anëtarësimin në NATO”, tha kancelari gjermane në një intervistë me transmetuesin publik ZDF.

“Ne përvijuam një perspektivë”të pranimit të Ukrainës në samitet e NATO-s në Vilnius vitin e kaluar dhe në Uashington këtë verë”, kujtoi Scholz, duke iu referuar angazhimit të Aleancës për të ftuar Kievin kur vendet e saj të vendosin dhe kushtet të jenë realizuar. “Por besoj se përtej kësaj, aktualisht nuk ka nevojë të merret një vendim i ri”, shtoi ai.

Javën e kaluar, Zelensky i prezantoi BE-së dhe NATO-s një “plan fitoreje” që do ta vendoste vendin e tij në një pozicion të fortë kundër Rusisë, përpara se të fillonin negociatat.

Ky plan parashikon që Ukarinës t’i jepet ftesa për t’u anëtarësuar në NATO tani, pasi Aleanca është e vetmja garanci reale e sigurisë për Kievin, siç beson ai.

Zelensky bën gjithashtu thirrje për heqjen e kufizimeve në përdorimin e sistemeve të armëve të ofruara nga Perëndimi për Ukrainën dhe për vendosjen e mjeteve parandaluese jo-bërthamore në tokën ukrainase.

Por asnjë nga këto kërkesa nuk gjen marrëveshje unanime midis anëtarëve të NATO-s.

Në intervistën e tij, Scholz përsëriti se ai nuk dëshiron që NATO të bëhet një luftëtare në luftën që Rusia nisi kundër Ukrainës në shkurt 2022. Ai gjithashtu kujtoi se nuk pajtohet me dërgimin në Ukrainë të raketave gjermane Taurus me rreze të gjatë, të cilat mund të godasin objektiva thellë brenda territorit rus.

LIGA E KONFERENCËS/ Çelsi dhe Fiorentina nuk falin, triumfon edhe skuadra që eliminoi Egnatian! Ja të gjitha rezultatet (VIDEO)

U luajtën mbrëmjen e djeshme sfidat e treta të vlefshme për Ligën e Konferencës ku nuk munguan surprizat. Borac Banja Luka, skuadra që eliminoi Egnatian këtë sezon nga arena Europiane, mposhti APOEL Nikosian në transfertë me rezultatin 0-1 duke arkivuar 3 pikë të arta. Për sa i përket emrave të rëndësishëm, Çelsi dhe Fiorentina nuk falën duke bërë detyrën në transferë.  

Ndërkohë në duelet e tjera Noah e Erald Çinarit u mposht me rezultatin 1-0 nga Rapidi i Vjenës. Fitore të rëndësishme në shtëpi arritën edhe Çelje, Vikingur, Gent, Hearts, Jagiellonia. Ja të gjitha rezultatet:  

 REZULTATET:

Gent 2–1 Molde

24′ Fadiga, 90+5′ Broun /  78′ Daehli

Djurgarden 1–2 Vitoria SC

62′ Stenson – 58′ Manu, 78′ Santos

 

APOEL 0–1 Borac

63′ Saviç

SK Rapid 1–0 Noah

31′ Beljo

Harts 2–0 Omonoia

16′ Forest, 23′ Spital

St. Galen 2–4 Fiorentina

23′ Mambimbi, 62′ Gortler / 50′ Martinez, 54′, 69′ Ikone, 90+4′ Gosens

Goli i Gosens (VIDEO)

Goli i dytë i Ikone (VIDEO)

Goli i Mambimbi: (VIDEO)

Goli i Martinez: (VIDEO)

Goli i Ikone: (VIDEO)

Goli i Gortler: (VIDEO)

Goli i Ikone: (VIDEO)

Panathinaikos 1–4 Çelsi

70′ Pelistri – 22′, 55′ Xhoao Feliks, 49′ Mudryk, 59′(p) Nkunku

Golat e ndeshjes: (VIDEO)

Jagiellonia 2–0 Petrokub

69′, 72′ Pululu

Celje 5–1 Bashakshehir

5′ Svetlin, 30′ Brniç, 35′ Seslar, 51′, 77′ Kucys / 75′ Pelkas

Larne 1–4 Shamrok Rovers

48′ Gallager / 3′ Burns, 24′ Keni, 30′ Cosgrove (autogol), 54′ Burke

FORMACIONET ZYRTARE

Gent – Molde

gent

Djurgarden – Vitoria SC

djurdg

APOEL – Borac

apoel

SK Rapid – NOAH

cinari

Harts – Omonoia

heart

St. Galen – Fiorentina

fiorenti

Panathinaikos – Çelsi

chelsea

Jagiellonia – Petrokub

petrocub

Celje – Bashakshehir

celje

Larne – Shamrok Rovers

larne

Ushqimet më të mira që duhet të konsumoni gjatë vjeshtës

Vjeshta ka ardhur dhe ne jemi të gatshëm të përfitojmë nga frutat dhe perimet sezonale. Produktet të cilat janë të stinës janë më të shëndetshme, kanë aromë të pasur dhe zakonisht janë më të lira. Kjo sepse frutat dhe perimet rriten më lehtë në stinën e tyre.
Ushqimet më të mira të vjeshtës renditur nga nutricionistët:

1. Mollët

Mollët janë fryti i markës tregtare të vjeshtës. Mollët janë të pasura me fibra të tretshme dhe vitaminë C, kështu që janë perfekte edhe për vakte gjatë lëvizjes.

1

2. Dardha

Ju nuk mund t’i shoqëroni gjithnjë dardhat me vjeshtën. Por pa marrë parasysh llojin, zgjidhni dardhat tuaja ndërsa ato janë akoma të forta, më pas lërini të piqen. “Ata piqen nga lart poshtë, kështu që ju e dini kur ato janë të pjekura pasi pjesa e kërcellit zbutet.

2

Dardhat janë një ushqim hidrofilik, që do të thotë se përmbajnë shumë ujë dhe ju ngopin shpejt.

3. Rrushi

Rrushi mburret me aromën më të mirë në vjeshtë, kur mund t’i shijoni të freskëta nga hardhia. Në vjeshtë rrushi përfshin varietete që nuk mund t’i merrni në stinë të tjera të vitit. Rrushi është një burim i mirë i vitaminës K, vitaminës C, antioksidantëve dhe resveratrolit, një përbërje anti-inflamatore që ndihmon që lëkura juaj të duket e re.

3

4. Hurmë

Hurmat janë një frut i verdhë i artë i mbushur me vitamina, minerale dhe antioksidantë. Ato duken të ngjashme me domatet e vogla të verdha-portokalli dhe ato kanë të njëjtat përbërës mbrojtës, të tillë si beta-karoteni dhe likopeni.

4

5. Zarzavate me gjethe

Vjeshta është në të vërtetë një nga momentet më të mira për të shijuar zarzavate me gjethe, ironike pasi çdo gjethe tjetër po bëhet e verdhë, e kuqe dhe kafe për sa i përket larmisë dhe aromës së saj. Zarzavatet me gjethe jeshile të vjeshtës janë një burim i shkëlqyeshëm i vitaminës K, vitaminës A, vitaminës C, fibrave dhe manganit.

5

6. Boronica

Boronicat janë në sezon vetëm për një kohë të shkurtër, në të vërtetë nuk do t’i gjeni të freskëta në asnjë kohë tjetër. Produkti kryesor i festave është i pasur me fitonutrientë dhe është një burim i mirë i vitaminës C, fibrave dietike dhe manganit.

6

Dorëzohet Shkullaku: Edi Rama nuk ka mundur dot Lulzim Bashën. Në 2021 e mundi Basha Ramën po…

I ftuar në Opinion dhe duke diskutuar për gjendjen e opozitës sot, analisti Armand Shkullaku është shprehur se Rama nuk ka mundur dot Lulzim Bashën në 2021.

“Atij Luli që thoshte fle gjumë. E mundi Lulzim Basha në 2021 Edi Ramën.”

Ai u shpreh më tej se Rama mori vetëm 48% të votave dhe po mos të kishte përdorur trukun elektoral të sistemit, do kishte rënë nga pushteti.”

Spahiu: As mafia italiane nuk ka kërcënuar prokurorët si Meta në gjykatë para kamerave

Juristi Kreshnik Spahiu e shikon mjaft të gabuar qasjen e Metës ndaj prokurorëve të SPAK dhe veçanërisht Altin Dumanit dje gjatë seancës së vlerësimit të masës së sigurisë, në Gjykatën e Posaçme.

Në emisionin ‘Frontline’ në Report Tv Spahiu thekson se as mafia italiane nuk e ka kërcënuar në gjykatë prokurorin ashtu si Meta me Dumanin dhe Krajën.’E papërshtatshme kanosjet e presidentit të republikës kreu të SPAK para procesit. Gjatë arrestimit dhe gjatë seancës. Ashtu siç nuk kemi parë as mafioz të arrestohen kështu. Kam qenë në seancë gjyqësore të Fatos Nanos, Ramiz Alisë, kam parë reagimet e tyre. Kam qenë edhe tek salla e gjykimit si është bërë,. Reagimet për kanosje nuk i kam parë as tek familjet mafioze në Itali që të kërcënojnë në sallë prokurorët’ tha Spahiu për gazetaren Marsela Karapanço.

Dje në 5 orë seancë mes debateve e kërcënimeve ndaj drejtësisë, gjykata e posaçme konfirmoi masën e arrestit në burg për Ilir Metën, dhe caktoi detyrim paraqitje 1 herë në muaj për Monika Kryemadhin nën akuzë nga SPAK për korrupsion, pastrim parash e fshehje të pasurisë. Të dy, sulmuan ashpër drejtësinë për një proces pa prova me urdhër politik. Meta iu drejtua me kërcënime të hapura, fjalë të rënda dhe ofenduese ndaj kreut të SPAK, duke e cilësuar “Dumduman”, “Qen” dhe madje ka kapur veshin duke i thënë “Këtu ta kam, mbajë mend çfarë kam për të të punuar”.

1...602603604...8 284Faqja 603 nga 8 284

Kryesore

Continue to the category
Më shumë
© 2024 Rilindja Demokratike Euroatlantike