28.5 C
Tirana
E martë, 12 Gusht, 2025
type here...

Xhunga: Rama po përgatit një puç elektoral me votat e diasporës. SPAK nuk vepron dot jashtë kufijve

Albi Xhunga, gazetar shqiptar në Bruksel, tha përmes një lidhjeje me skype për edicionin e lajmeve në MCN TV se Rama po përgatit një puç elektoral me votat e diasporës.

Sipas tij Rama po vazhdon patronazhimin jashtë kufijve, ku SPAK nuk mundet të veprojë jashtë kufijve të Shqipërisë.

“Kjo është një qasje pragmatiste e kryeministrit, duhet të gjejë një fabul për të kërkuar votën e emigrantëve. Por kryeministri harron se ai është një ndër shkaktarët kryesor të emigrimit të këtyre emigrantëve, sepse kemi pastur një emigrim në përmasat e një eksodi, dhe këtu kryeministri ka një përgjegjësi të dorës së parë. Rama është dobësuar brenda vendit dhe kryeministri shqiptar po përgatit një puç elektoral jashtë kufijve të Shqipërisë, ku Task Forca anti-korrupsion s’ka fuqi të veprojë. Ka zëra që thonë që po u kërkohet administratës të sjellin vota nga jashtë kufijve, dhe patronazhimi do vazhdojë jashtë kufijve, aty ku SPAK nuk mund të veprojë. Do të jetë një puç elektoral që do t’i japë vota kryeministrit”.

Sipas Albi Xhungës, në rezolutën e PPE nuk flitet fare për të burgosur politik në Shqipëri, dhe sipas tij më tepër është një goditje se sa një favor ndaj PD-së.

Ai tha që në Europë është parë si një zgjidhje marrëveshja Rama-Meloni për ngritjen e qendrave të emigrantëve në Gjadër të Lezhës.

Emrat/ Dy ish-gjyqtarë të arrestuar, detaje nga operacioni blic! Kush është ish-kreu i Gjykatës së Elbasanit i vendosur në pranga, u dorëhoq pas nisjes së procesit të vettingut

Dy ish-gjyqtarë janë arrestuar gjatë një operacioni blic në qytetin e Elbasanit.

 

Bëhet fjalë për ish-magjistraten Pajtime Fetahu ndaj të cilës ishte caktuar masa e sigurisë “arrest shtëpie” nga SPAK për lidhje me bandat.

Gjithashtu është arrestuar edhe Zihni Shahu, ish-kreu i Gykatës së Elbasanit.

Zihni Shahu dha dorëheqjen rreth 7 muaj pas nisjes së procesit të vettingut, pasi ndaj tij kishte filluar hetimi administrativ dhe kërkoi të përjashtohej për 15 vjet nga e drejta për të punuar në sistemin e drejtësisë.

“Në datën 20.7.2020 subjekti i rivlerësimit, përmes postës elektronike, deklaroi për Komisionin se hiqte dorë nga detyra e magjistratit, moskandidimin në detyrë për një afat prej 15 vitesh, si dhe pas këtij njoftimi do t’i drejtohej organit kompetent, KLGJ-së, sipas ligjit për dorëheqjen”, thuhej në vendimin e publikuar nga Komisioni.

KPK vuri në dukje se pas këtij vendimi u vendos ndërprerja e procesit të vettingut ndaj tij dhe Komisionoi e sanksionoi që t’i ndalohej të ishte pjesë e sistemit për 15 vjet.

Operacion blic në Elbasan, raportohet për disa persona të arrestuar! Kontrolle në banesat e personave të lidhur me krimin dhe në biznese

Policia ka organizuar një operacion blic në Elbasan ditën e sotme ku janë vendosur në pranga, mes tyre dy ish-gjyqtarë.

Foto ilustruese

Bëhet fjalë për ish-magjistraten Pajtime Fetahu ndaj të cilës ishte caktuar masa e sigurisë “arrest shtëpie” nga SPAK për lidhje me bandat.

Gjithashtu është arrestuar edhe Zihni Shahu, ish-kreu i Gykatës së Elbasanit.

Sipas burimeve, jantë ushtruar kontrolle në banesat e personave të lidhur me krimin dhe në biznese.

Altin Dumani: Në fund të muajit SPAK merr kompetencat e Komisionerit Publik në KPA! Zbatuam ligjin Anti-Mafia për gjyqtarët dhe prokurorët e shkarkuar nga vettingu

Kreu i Prokurorisë së Posaçme Kundër Korrupsionit dhe Krimit të Organizuar, Altin Dumani, ka deklaruar gjatë një aktiviteti nga Komiteti Shqiptar i Helsinkit, së në fund të muajit dhjetor, SPAK merr kompetencat e Komisionerit Publik në Kolegjin e Posaçëm të Apelimit.

 

“SPAK ka patur raste ku ka aplikuar ligjin Anti-Mafia për subjektet e shkarkuar nga detyra, përfshi gjyqtarë e prokurorë”, theksoi ai, ndërsa shtoi se materialet në procesin administrativ të Vetingut janë përdorur si indicie për të gjetur provat në hetimin penal.

Kreu i SPAK u shpreh i hapur për bashkëpunim me shoqërinë civile, ku tha se analizat e tyre i shërbejnë institucionit për përmirësimin e performancës.

Dumani: Shoqëria Civile është e ftuar të bashkëpunoje me SPAK për tematika të caktuara. Këto analiza i shërbejnë institucionit tonë për përmirësimin e performancës. Jemi të hapur për bashkëpunime të tilla. 

Në fund të muajit dhjetor drejtuesi i SPAK merr kompetencat e komisionerit publik në KPA. SPAK ka patur raste ku ka aplikuar ligjin antimafia për subjektet e shkarkuar nga detyra (përfshi gjyqtarë e prokurorë). 

Materialet ne procesin administrativ të Vetingut i kemi përdorur si indicie për të gjetur provat në hetimin penal. Rezultatet e hetimit administrativ janë një bazë e mire për të gjetur prova tek subjektet e shkarkuar nga Vetingu.

“S’kemi qenë të verbër nga organet e vettingut”- Drejtuesi i SPAK, Altin Dumani: Shqetësimi ynë s’janë prokurorët dhe gjyqtarët e shkarkuar, por ata të konfirmuar në detyrë

Drejtuesi i Prokurorisë së Posaçme Antikorrupsion, Altin Dumani është shprehur se shqetësimi i SPAK nuk janë prokurorët dhe gjyqtarët e shkarkuar nga vettingu, por magjistratët e konfirmuar në detyrë.

 

Në një aktivitet të organizuar nga Komiteti Shqiptar i Helsinkit, kreu i SPAK se fokusi i tyre janë shpreh se prokurorët dhe gjyqtarët në sistem për shkak se mund të kryejnë akte korruptive.

Gjithashtu, Altin Dumani shtoi se “nuk kemi qenë të verbër nga organet e vetingut”, duke theksuar se janë marrë nën hetim magjistratë të shkallëve të ndryshme të gjyqësorit.

“Ne nuk kemi qenë të verbër nga organet e vetingut, kemi riregjistruar me iniciative hetime kryesisht për veprën penale të korrupsionit.

Janë çështje që i kemi në hetim dhe jemi të kujdesshëm duke bërë filtrime të vendimeve te vettingut. Sot që flasim SPAK ka marrë nën ndjekje penale, gjyqtarë të Gjykatës Kushtetuese, Gjykatës së Lartë, anëtarë të KPA, prokurore të përgjithshëm. Kemi një numër të madh subjektesh dhe do të vazhdojmë ta bëjmë sa herë do kemi indicie apo të dhëna.

Shqetësimi më i madh nuk janë të shkarkuarit, por ata që janë konfirmuar në detyrë dhe ky është fokusi ynë. Sepse ata janë në sistem dhe mund të kryejnë akte korruptive”, u shpreh drejtuesi i SPAK.

CDU kryeson sondazhet për të udhëhequr qeverinë e ardhshme gjermane, por a do t’i shkurtojë përfitimet sociale për refugjatët ukrainas të luftës?

CDU kryeson sondazhet për të udhëhequr qeverinë e ardhshme gjermane, Por a do t’i shkurtojë ajo përfitimet sociale për refugjatët ukrainas të luftës?
 

Brenda partive konservatore CDU dhe CSU dëgjohen zëra që duan të shkurtojnë përfitimet sociale, nëse Unioni CDU/CSU fito  zgjedhjet e shkurtit 2025: Synimi heqja e kontributit social, të ashtuquajturit “paratë për qytetarin” për personat që kanë mbetur të papunë për një periudhë më të gjatë kohore, si dhe integrimi më i mirë i më shumë se 5.5 milionë të papunëve afatgjatë në tregun e punës. Partia Kristiandemokrate (CDU) dhe ajo Kristiansociale (CSU)aktualisht kryesojnë sondazhet. Kreu i CDU dhe kandidati për kancelar Friedrich Merz ka shans të mirë për të zëvendësuar Olaf Scholz nga SPD si kancelar pas zgjedhjeve të reja të planifikuara për më 23 shkurt.

Qëndrime nga CDU

Por konservatorët gjithashtu kanë vënë në dyshim, nëse ukrainasit që vijnë në Gjermani duhet të vazhdojnë të marrin “paratë për qytetarin” në vend të përfitimeve më të ulëta, si i marrin azilkërkuesit e tjerë. Pas sulmit agresor rus në Ukrainë rreth 1000 ditë më parë, shumë ukrainas erdhën në Gjermani. Deri më tani, ata kanë marrë përfitime sociale në përputhje me ligjet evropiane. Megjithatë, “udhëzimet për rregullimin e fluksit masiv” nuk specifikojnë saktësisht se sa duhet të jenë këto.

Zëdhënësi për politikat sociale të grupin parlamentar të CDU/CSU, Stephan Stracke (CSU), tha për DW, se “kushdo që ikën nga lufta dhe dhuna ka të drejtën e mbrojtjes nga ne. Megjithatë, kjo nuk do të thotë se ka të drejtë automatike në Gjermani për paratë e qytetarit”. Në vend të kësaj, sipas Stracke, refugjatët e rinj ukrainas të luftës që hyjnë në vend duhet “fillimisht të marrin përfitimet që marrin azilkërkuesit”.

100 euro më pak?

Aktualisht në Gjermani jetojnë rreth 1.2 milionë refugjatë ukrainas, rreth 530,000 prej të cilëve janë klasifikuar si të punësueshëm nga Agjencia Federale e Punësimit në maj dhe për këtë arsye kanë të drejtën e përfitimit qytetar. Kjo do të thotë se ata marrin deri në 563 euro në muaj dhe shteti u mbulon edhe qiranë dhe shpenzimet e ngrohjes. Ka një subvencion shtesë edhe për fëmijët në bazë të moshës. Rreth 360,000 nga refugjatët ukrainas në Gjermani janë fëmijë. Kurse përfitimet për azilkërkuesit janë dukshëm më të ulëta deri në 460 euro në muaj.

Në të kaluarën ka pasur thirrje nga radhët e CDU dhe CSU për të shkurtuar përfitimet sociale për ukrainasit në Gjermani. Dy vjet më parë, kreu i CDU, Friedrich Merz e vuri në pikëpyetje mbrojtjen e ukrainasve: “Tani po përjetojmë turizëm social nga këta refugjatë: në Gjermani, përsëri në Ukrainë, në Gjermani, përsëri në Ukrainë,” tha Merz për transmetuesin “Bild-TV”. ” Merz u kritikua shumë për këtë. Më pas ai deklaroi se i vinte keq që përdori termin “turizëm social”.

“Mbështetje dhe kërkesa”

Në krahasim me vendet e tjera evropiane, Gjermania ka më shumë vështirësi në integrimin e ukrainasve në tregun e punës. Ky është rezultati i studimeve të Institutit për Kërkimin e Tregut të Punës dhe Profesionit (IAB) në Nuremberg. Vetëm 27 për qind e ukrainasve në Gjermani kanë gjetur punë deri në mars të këtij viti, krahasuar me 57 për qind në Lituani dhe 53 për qind në Danimarkë. “Gjermania padyshim nuk ka qenë veçanërisht e suksesshme deri më tani në futjen e refugjatëve ukrainas në punë,” tha politikani i CSU-së Stracke. “Vendet e tjera evropiane e bëjnë këtë shumë më mirë.” Shifrat më të dobta se në Gjermani i ka Norvegjia, Spanja dhe Finlanda, ku vetëm një në pesë ukrainas ka gjetur punë.

Sipas CDU/CSU dhe Alternativës për Gjermaninë (AfD) pjesërisht ekstremiste të krahut të djathtë, numri i lartë i refugjatëve që jetojnë me asistencë sociale është pjesërisht për shkak të nivelit të përfitimeve. “Kjo është arsyeja pse ne në Gjermani duhet ta bëjmë përsëri më të vlefshëm parimin e mbështetjes dhe kërkesës”, kërkoi Stracke.

Burokracia si pengesë

Studimi i IAB tregon gjithashtu se përqindja e ukrainasve të punësuar rritet vazhdimisht në të gjitha vendet evropiane – dhe se ka pak prova se kjo lidhet me nivelin e mbështetjes shtetërore. Sipas IAB, barrierat gjuhësore janë një pengesë më e madhe sesa përfitimet sociale. Një faktor tjetër i rëndësishëm është se kërkesa për punëtorë ekziston kryesisht në sektorin me paga të ulëta.

Iryna Shulikina nga shoqata “Vitsche” gjithashtu thekson pengesat burokratike për refugjatët ukrainas që kërkojnë punë në Gjermani. Shoqata me qendër në Berlin, do që zërat ukrainas të dëgjohen në Gjermani. “Kur vijnë këtu, ata e kanë të vështirë të njohin diplomën”, tha Shulikina për DW. Sipas IAB, rreth 72 përqind e refugjatëve ukrainas kanë ose një diplomë universitare ose një kualifikim profesional – më shumë se refugjatët e tjerë ose fuqia punëtore gjermane në përgjithësi.

Shulikina tregon për profesionistët mjekësorë, të cilëve iu deshën dy vjet e gjysmë para se të lejoheshin të punonin: duhej të aplikonin për një punë, të miratonin dokumentet dhe kualifikimet e tyre, të bënin testet e kërkuara dhe të mësonin gjuhën. “Është një sfidë e vërtetë”, thotë ajo. Duke pasur parasysh mungesën e punëtorëve të kualifikuar në këtë vend, shumë kompani kërkojnë gjithashtu që procedurat të thjeshtohen.

Temë fushate zgjedhore: paratë për qytetarin

Nëse një qeveri e mundshme e udhëhequr nga Unioni mund të zbatojë ndryshime në përfitimet e qytetarëve do të varet gjithashtu nga partnerët e saj të koalicionit: Socialdemokratët (SPD) e kundërshtojnë këtë, ndërsa anëtarët kryesorë të Demokratëve të Lirë (FDP) kanë shprehur tashmë mbështetjen e tyre për një riklasifikim të refugjatëve ukrainas të luftës. Megjithatë, grupi parlamentar i FDP-së nuk ka dashur të shprehet i pyetur nga DW lidhur me këtë.

Shulikina beson se debati aktual politik për paratë e qytetarëve po zhvillohet kryesisht si pasojë e fillimit të fushatës zgjedhore. Ajo nuk beson se “paratë për qytetarin” i pengojnë refugjatët ukrainas të punojnë. Të gjithë refugjatët që ajo njeh, të cilët merrnin përfitime qytetare, donin t’i jepnin fund kësaj sa më shpejt që të ishte e mundur. “Është shumë poshtëruese dhe e bezdisshme. Je shumë e varur dhe nuk shikohesh si pjesë e barabartë e shoqërisë.” Duhet të justifikosh çdo cent që shpenzon, u shpreh ajo. “Nuk mendoj se ka shumë njerëz që duan të marrin paratë e qytetarëve.

“Ata kanë humbur gjithçka”

Lyudmyla Mlosch, kryetare e Shoqatës së Përgjithshme të Ukrainasve në Gjermani (ZVUD), shkon një hap më tej. Ajo thotë se shumë ukrainas as që duan të jenë këtu. “Unë njoh shumë njerëz që janë këtu. Dhe ata ëndërrojnë të kthehen në shtëpi. Por ata nuk kanë shtëpi. Ata nuk kanë asgjë, ata kanë humbur gjithçka. Sigurisht që kanë nevojë për këtë mbështetje.”

Megjithatë Mlosch sugjeron diferencim të mëtejshëm. Për shembull, refugjatët nga rajonet në Ukrainën lindore, të cilat janë nën bombardime pothuajse të vazhdueshme nga Rusia, janë më të varur nga ndihma e qeverisë se të tjerët. Po kështu, të moshuarit apo të sëmurët apo ata që nuk kanë kursime. “Nuk duhet t’i vendosësh në të njëjtin nivel”, thotë ajo për DW. Veçanërisht të rinjtë që mund të punojnë nuk duhet të marrin aq para sa refugjatët e tjerë, thotë ajo./DW

Lufta kundër korrupsionit, Dumani: Secili institucion të përmbushë detyrimet e veta, furnizoni SPAK me informacion

Kreu i SPAK, Altin Dumani ditën e sotme mbajti fjalën e tij në tryezën e organizuar nga Shoqëria Civile, për luftën kundër korrupsionit.

Dumani theksoi në tryezë se institucioni që drejton ka ushtruar ndjekje penale ndaj shumë gjyqtarëve në të gjitha nivelet e gjykatave. Dumani i bëri thirrje të gjitha institucioneve që të përmbushin detyrimet e veta. Gjithashtu theksoi se institucionet përgjegjëse në luftën kundër korrupsionit, duhet të furnizojnë SPAK me informacion.

Dumani: SPAK ka marrë në ndjekje penale gjyqtarë të Kushtetueses, të Gjykatës së Lartë, të KPA, prokurorë të juridiksionit të përgjithshëm, apo oficerë të policisë gjyqësore. Shqetësimi më i madh për SPAK nuk janë subjektet e shkarkuara, por ata që kanë kaluar këtë proces dhe vijojnë të ushtrojnë funksionin. Problem është që janë në sistem dhe kanë premisa për të kryer veprime korruptive.

Secili institucion të përmbushë detyrimet e veta. I bëj thirrje qytetarëve të denoncojnë çdo akt korruptiv të gjyqtarëve apo prokurorëve. Institucionet përgjegjëse në luftën kundër korrupsionit duhet të jenë aktive dhe të furnizojnë SPAK me informacion.

Mediat amerikane: Donald Trump po planifikon të largojë transgjinorët nga ushtria që ditën e parë të marrjes së detyrës

Presidenti i zgjedhur i SHBA-së, Donald Trump po planifikon të nënshkruajë një urdhër ekzekutiv menjëherë pas marrjes së detyrës që do t’i ndalojë transgjinorët të shërbejnë në forcat e armatosura amerikane.

 

“The Telegraph” shkruan se Donald Trump do të përdorë një urdhër ekzekutiv për të realizuar këtë lëvizje, dhe ajo mund të ndodhë që ditën e parë të ardhjes së tij në detyrë.

Ky veprim do të çojë në largimin e mijëra ushtarëve në një moment kur forcat e armatosura amerikane po përballen me vështirësi për të arritur objektivat e rekrutimit.

Gjatë mandatit të tij të parë, Trump ndaloi që personat transgjinorë të bashkoheshin me ushtrinë amerikane, por ata që ishin tashmë në detyrë u lejuan të mbajnë pozitat e tyre. Ky ndalim u anuluar nga Joe Biden.

Sipas propozimeve të reja të raportuara, personat transgjinorë do të ndalohen gjithashtu të bashkohen me ushtrinë.

“Këta njerëz do të detyrohen të largohen në një kohë kur ushtria nuk mund të rekrutojë mjaftueshëm ushtarë,” tha një burim i njohur me planet e Trump. “Vetëm Trupa e Marinës po arrin objektivat e saj për rekrutimin dhe disa nga ata që do të preken janë në pozita shumë të larta.”

Dëmtohet gatishmëria

Ky vendim ngre shqetësime serioze për gatishmërinë e forcave të armatosura. Sot, rreth 15,000 persona transgjinorë shërbejnë në forcat e armatosura të SHBA-së, duke mbajtur poste dhe specialitete kritike, raporton Times.  Kritikët e vendimit thonë se heqja e tyre do të shtojë presion të mëtejshëm ndaj forcave të armatosura, të cilat tashmë po përballen me mungesa serioze rekrutimi.

Vetëm vitin e kaluar, forcat e armatosura nuk arritën të plotësonin 41,000 pozicione të regjistruara dhe procesi i zëvendësimit të ushtarëve të aftë mund të zgjasë dekada dhe të kushtojë miliarda dollarë.

Rachel Brannaman, drejtore e Shoqatës Moderne Ushtarake të Amerikës, vuri në dukje se “largimi i 15,000 personave nga personelit do të minonte gatishmërinë ushtarake, do të përkeqësonte krizën e rekrutimit dhe do të dërgonte një mesazh të rrezikshëm dobësie për armiqtë e SHBA. Do të kishte një kosto të konsiderueshme financiare, si dhe një humbje të përvojës dhe drejtuesve që mund të kërkohen 20 vjet dhe miliarda dollarë për t’u zëvendësuar.”

Rreth 2,200 ushtarë ishin diagnostikuar me disfori gjinore kur ndalimi i mëparshëm u hoq, por politikat e privatësisë bëjnë që numri i saktë i personelit ushtarak transgjinor të mos dihet, sipas Pentagonit.

Vendimi jo vetëm që pritet të provokojë reagime sociale, por edhe sfida ligjore, pasi grupet e të drejtave civile përgatiten të kundërshtojnë politikën e re të Trump.

“Qitja e parë dështoi”, zbardhet skema e vrasjes së biznesmenit Reçi: Pse autorët hidhnin fishekzjarrë

Vëllezërit Florjan dhe Shkëlqim Duka, janë tashmë të arrestuar si autorët e vrasjes së biznesmenit Eduart Reçi në Tiranë.

Sipas uniformave blu qitja u krye nga oficer i policisë gjyqësore në komisariatin nr. 2, Shkëlqim Duka, për një konflikt pronësie që kishte me viktimën.

Ekzekutimi i biznesmenit Eduart Reçi më 13 nëntor ishte paraprirë nga një tentativë e dështuar më 8 nëntor. Zëvendësdrejtori i Krimeve në Tiranë, Erion Ismaili, tha në emisionin Review në Euronews Albania se kamerat e sigurisë kishin kapur një person të dyshuar, i cili ndodhej në një shkallë emergjence pranë një hoteli në zonë dhe qëlloi drejt Reçit, i cili ndodhej në oborrin e pallatit të tij. Megjithatë, qitja e 8 nëntorit nuk rezultoi fatale dhe biznesmeni nuk u godit.

Personi që qëlloi më datë 8 nëntor, u pozicionua për 5 ditë rresht në shkallët e hotelit, ku kishte fushëpamje mbi oborrin e viktimës dhe vrasjen mundi ta realizonte më 13 nëntor.

“Pika që mori kthesën ngjarja, ishte analizimi i pamjeve filmike. Nga pamjet filmike ne kemi konstatuar që dinamika e ngjarjes ka filluar më datë 8 nëntor dhe ka vazhduar deri më datë 13, kur është ekzekutuar viktima.

Kur them dinamike, nënkuptoj që personi i dyshuar si qitësi është vendosur në një shkallë metalike nga ku kishte pamje vizuale mbi oborrin e viktimës.
Ai është pozicionuar aty më datat 8, 9, 10, 12 dhe 13 nëntor. Vetëm më datë 12 nuk e kemi të dokumentuar këtë për shkak se punonjësi i policisë në këtë datë ka qenë në një detyrë tjetër.
Ngjitej në shkallën e emergjencës së hotelit që është ngjitur me pronën e të arrestuarve. Kamerat treguan se në katin e dytë të shkallës vendosej një person i cili pozicionohej me një armë që në dukje është një armë me dylbi”, tha zëvendësdrejtori i krimeve të Tiranës.

Për të krijuar mundësinë e një sulmi të dytë dhe për të nxjerrë Reçin jashtë banesës së tij, autorët përdorën një taktikë të pazakontë: ata hodhën fishekzjarre të fuqishme pranë shtëpisë së tij. Kjo manovër kishte për qëllim të nxirrte biznesmenin në oborr, duke e bërë më të lehtë qëllimin e objektivit nga pozicioni i zgjedhur nga qitësi.

“Ai u vendos për 5 ditë rresht gjatë natës, fillonte në orën 19 dhe vazhdonte deri në orën 23:30. Përdornin dhe një mekanizëm që për të nxjerrë viktimën në oborr gjatë momentit që pozicionohej, përdornin fishekzjarre në oborrin e viktimës për ta nxjerrë atë në oborr. Kemi pasur një qitje më datë 8 dhe nuk është realizuar, më pas vrasja është realizuar më datë 13. Ka përdorur një armë sportive që i përshtatet dhe pjesa e dylbisë. Armën nuk e kemi gjetur, por kemi gjetur mënyrën si e ka siguruar armën. Kemi të dhëna që do na çojnë shumë shpejt te arma”, tha Ismaili.

“Mirë se u ktheve Mbret!”- Klubi turk feston aktivizimin e Manajt. Trajneri: Rrezikuam, por donte të luante

Pakkush priste që Rei Manaj të ishte në fushën e lojës që në ndeshjen e kësaj fundjave të Sivaspor në kampionatin turk. Sulmuesi kishte disa javë i dëmtuar dhe për këtë arsye u tërhoq edhe nga grumbullimi i Kombëtares shqiptare.

Por për ccudinë e të gjithëve, ai hyri në fushë në minutën e 78 të takimit ndaj Kasimpasha, që u mbyll me shifrat 0-0. Një rikthim i shumëpritur për Sivasporin i cili ka shkëlqyer falë golave të Manajt e tani ka shfaqur vështirësi pa të në fushë. Ndaj nuk është rastësi që vetë klubi postoi në rrjetet sociale një foto të tij nga ndeshja ,me mbishkrimin “Mirë se u ktheve Mbret!”.

Ndërkohë, trajneri Ujgun, shpjegoi se pse kishte vendosur ta hidhte sulmuesin në fushën e lojës. “Rei Manaj ka qenë i dëmtuar për tre javë, ai u stërvit me grupin dje. Ne deshëm ta mbanim në stol, por ai dëshironte shumë të luante. E hodhëm në fushë në 10 minutat e fundit. Morëm përsipër një rrezik të madh me të, pasi nëse dëmtohej përsëri, ky dëmtim nuk do ta linte të qetë”, tha trajneri për aktivizimin e Manajt.

1...602603604...8 382Faqja 603 nga 8 382

Kryesore

Continue to the category
Më shumë
© 2024 Rilindja Demokratike Euroatlantike