15.5 C
Tirana
E martë, 6 Maj, 2025
type here...

KE kërkon të tjera arrestime: Korrupsioni rrezik i madh për Shqipërinë, godisni nivelet më të larta!

Komisioni Evropian hodhi dje një hap kyç për të mundësuar pagesat e para për vendet e Ballkanit Perëndimor nga Plani i Rritjes dhe reformave, duke miratuar në takimin e 23 tetorit agjendat e reformave për Kosovën, Shqipërinë, Maqedoninë e Veriut, Malin e Zi dhe Serbinë.

Në raportin për vendin tonë fokusi padyshim vendoset te zbatimi ligjit dhe te korrupsioni. Sipas dokumentit, në Shqipëri problem mbetet korrupsioni dhe për këtë arsye një pjesë e madhe e fondeve do të fokusohen te kjo pjesë.

“Korrupsioni paraqet ende një rrezik të madh në Shqipëri, pavarësisht masave dhe reformave që po ndërmerren nga qeveria shqiptare dhe organet e pavarura të drejtësisë. Janë një sërë sfidash në luftën kundër korrupsionit dhe parashikohet që ato të përfshihen në Strategjinë e re Kundër Korrupsionit që do të miratohet në fund të këtij viti”, theksohet në dokument.

BE shprehet se do të mbështesin Shqipërinë që të hetojnë nivelet më të larta të politikës. Raporti vjen në një kohë që sapo shkoi në qeli ish-presidentit Meta. Si duket BE kërkon të tjerë emra pas hekurave.

“Reformat në fushën e parandalimit dhe goditjes së korrupsionit janë të nevojshme, pasi ato pritet të mbështesin progresin e vazhdueshëm në hetime, ndjekje penale dhe dënime përfundimtare, duke përfshirë konfiskimet dhe të trajtimin e pengesave legjislative dhe rregullatore në fushat e konfliktit të interesit, sponsorizimeve dhe financimit të partive. Prioriteti duhet të jetë rritja e cilësisë së hetimeve, rritja e numrit të ndjekjeve penale dhe dënimeve, sidomos në nivelin e lartë, pasi kjo do të jetë pjesa e vlerësimit të KE”, theksohet aty.

Më pas deklarohet se në fokus do të jenë dhe liria e shprehjes, financat publike, transprenca apo dhe koncesionet apo PPP-të.

“Nuk po arrestohet opozita, por ata që e morën peng opozitën për këtë ditë!”/ Namir Lapardhaja: Arrestimi i Ramës, dialektikë e pakthyeshme

Nga Namir Lapardhaja

Pasi e marrin peng dhe zvarrë opozitën për 3 vite me radhë, tani që përballen me drejtësinë thonë që po arrestohet opozita!

Jo, zotërinj! Nuk po arrestohet opozita, por të korruptuarit e djeshëm dhe të sotëm. Kemi 3 vite që na ra goja që e duan opozitën si bunker për hallet e tyre me drejtësinë.

Ja, koha është gjykatësi më i mirë.

Pavarësisht kësaj, opozita ka ende kohë dhe mundësi ta tejkalojë ngërçin e saj.

Nëse do lënë nam në Strasburg dhe Bruksel, thjesht do bëhen qesharak në sytë e botës dhe të neveritshëm në sytë e shqiptarëve.

Është koha që opozita të mblidhet në një front anti Ramë, anti Berishë, anti Metë, pro SPAK, pro Drejtësi, pro Halleve të Njerëzve!

Opozitën nuk mund ta përfaqësojë Meta nga qelia dhe Berisha nga Ballkoni!

Opozita sot do duhej të fliste për hallet e njerëzve, sepse koha po i jep të drejtë denoncimeve të saj.

Shihni vetëm listën e Durrësit, se si 3 deputetë të pushtetit janë në rrjetën e SPAK-ut, për të kuptuar se sa afër pushtetit do ishte sot po të mos ishte marrë peng nga Berisha dhe Meta.

Rama është peshku i radhës në rrjetën e drejtësisë! Kjo është dialektikë e pakthyeshme.

Opozita t’i thërrasë mendjes dhe të kthehet te njerëzit.

Basha komenton raportin e World Justice: Shqiptarët janë më të varfërit në Europë, sepse kemi qeverinë më të korruptuar i Europës

Kreu i PD-Demokratët Euroatlantikë, Lulzim Basha, ka reaguar në lidhje me raportin e “World Justice”, i cili shprehej se Shqipëria është vendi me korrupsionin më të madh në Europë.

Në reagimin e tij në facebook, Basha shkruan se shqiptarët janë më të varfërit në Europë, sepse kemi qeverinë më të korruptuar të Europës.

Postimi i plotë i Bashës:

Shqiptarët janë më të varfërit në Europë, sepse me këtë qeveri Shqipëria renditet si vendi më i korruptuar i Europës.
Shqipëria meriton më shumë.

Meta në paraburgim, gazetarja Banushi: Në seancë akuzoi si mashtrues Krajën dhe fyeu Dumanin! Mërtiri: Prokuroria nuk ka më frikë të godasi në nivele të larta

Arrestimi i Ilir Metës u vijua të diskutohej në ‘Studio Live’ në Report Tv pasditen e sotme. Gazetarja Keti Banushi dha më shumë detaje se ç’ndodhi dje gjatë seancës në GJKKO kur Meta u njoh me masën e arrestit në burg.

‘Që prej të dielës ka filluar SPAK të jetë aktiv me dosjet. Kishte ardhur koha si për zotin Meta si për Çyrbja dhe për Berishën që është në seancë paraprake. Kanë qenë kërkesa GJKKO-së dhe gjyqtari e mbajti 12 ditë, mori kohën për kërkesat e arrestimit. SPAK ka çuar kërkesën në gjykatë në datën 9 dhe ka dalë prej andej në datën 20 dhe më 21 u bë ekzekutimi. Është gjykata që merr kohën e nevojshme. Nuk janë vendime të lehta.’

Meta që tashmë ndodhet tek paraburgimi 313, ditën e djeshme nuk la pa fyer prokurorët e çështjes Altin Dumani dhe Arben Kraja.

Keti Banushi: Politikani i parë që goditet nga Sky Ecc
‘Dje u bë verifikimi i masës së sigurisë. Janë persona në hetim. Seanca ka nisur me tensione. Meta ka qenë i tensionuar me të gjithë prokurorët. Ka qenë Kraja që ka relatuar se masa u bë konform rregullave kjo e ka irrituar Metën i cili pasi ka akuzuar si mashtrues Arben Krajën. Dhe ka akuzuar kreun e SPAK me të njëjta shprehje si më herët.

Ka patur fyerje dhe kërcënime. Ai i ka thënë ta kam vath në vesh shihe çdo të të bëj. Seanca për 3 orë u shty dhe më pas ka qenë ndryshe qëndrimi i Metës duke u marrë me akuzat duke mbajtur qëndrimin e tij për CEZ/DIA. Vërtetë ishe dosje që hetohej që në 2019, ishte e vështirë për të gjetur prova. Ismailaj shumë herë nuk ka pranuar të bashkëpunojë me Prokurorinë e Posaçme.’

‘Është tek paraburgimi 313. Qëndrojnë pranë banesave. Meqë familjen e ka në Tiranë u mendua të qëndrojë tek 313.’ tha Banushi.

Ermal Hasimja theksoi për Arbër Hitajn se duket një lloj selektiviteti në goditjet e SPAK.

‘Arrestimi i Metës pritej, drama ishte përgatitur. Forma që u zgjodh ishte e panevojshme dhe e mori vëmendjen. Duket, që ka një lloj selektiviteti tek arrestimet. Edhe po të krahasosh tek akuzat që kanë dalë, duken qesharake në përmasat e tyre në raport me skandalet e përjavshme këto vitet e fundit. Merr një tjetër dritë ky arrestim i Metës. Duket si i dalë nga radha. Është drejtësia ajo që vendos. Nuk ka qarkullim elitash, kemi rrallim elitash. Nuk kemi ndonjë zëvendësim të figurave kryesore. Ajo që është risi kemi një drejtësi që fut në burg politikanë të kalibrit të lartë. Të jep një lloj shprese por shoqërohet me dyshimet e veta.’

Për Ergys Mërtiri arrestimi i Metës ishte e pritshme, ndërsa e quan absurde të merremi prej 4 ditësh me mënyrën si u arrestua Meta.

‘Arrestimi diçka e pritshme. Për më shumë se një vit është folur, u kuptua nga sjellja e Metës. Gjuha e tij jonormale, gjuhë gangsterë, kërcënimet që i bën kujtdo. Kuptohet se një problem kishte me SPAK. Arrestimi ishte fare pranë. Problemi që prej 3 ditësh mediat merren me një detaj pa rëndësi. Si u arrestua? Dhe debati bëhet pa asnjë lloj fakti. U mor me forcë Meta por askush nuk thotë nëse i është paraqitur vendimi zotit Meta.

Shoh që zoti Meta ka folur me një gjuhë agresive, nuk ka aspak çudi që këtë sjellje ta ketë bërë edhe gjatë arrestimit. Nëse presidenti i republikës ka refuzuar urdhërin e arrestimit pa tjetër që do merret me forcë. Është pa sens të merresh 4 ditë. Ky ishte lajm i pakonceptueshëm më parë. Kemi një prokurori që nuk ka frikë të godas në nivele të larta. E them me sinqeritet të plotë dhe pa hezitim.’

Ndërsa për Fatbardh Kadillin ky është momenti kulmor i këtyre viteve për drejtësinë.

‘E shoh si moment kulmor nga ajo që ka nisur këto vitet e fundit. Si çdo opozitar kam besuar që në ditët e para që ne si opozitë nuk kemi aleatë më të fortë se reforma në drejtësi. Ia kam thënë zotit Basha që nuk kemi aleatë më të mirë. PD dhe opozita sot duhej të duartrokisnin SPAK, është një arritje për reformën në drejtësi. U prekën peshqit e mëdhenj. Është fitore e gjithkujt që ka dëshiruar të bëjë politikë në mënyrë të ndershme dhe dinjitoze. Na u bën modele ata që ishin me pantallona me arna, pastaj u bënë milionerë me banjo për macet. Shohim përditë zyrtarët që janë të korruptuar, a do jetë e zonja reforma në drejtësi ti nxjerri fajtor? Të urojmë të vazhdoj.’

Përplasje mes Gjeloshajt dhe partive proruse në Mal të Zi

Fronti Demokratik prorus (DF) në Mal të Zi paralajmëroi zëvendëskryeministrin e këtij vendi, Nik Gjeloshaj, se mund të përjashtohet nga Qeveria, pasi ai kundërshtoi nismat për përfshirjen e dyshtetësisë dhe të serbishtes si gjuhë zyrtare.

“Ne, me dashamirësi, e këshillojmë Gjeloshajn që ta pranojë realitetin social në Mal të Zi dhe të mos përpiqet të na i mohojë të drejtat që i kanë të gjithë të tjerët… sepse nëse kafshon shumë, mund t’i thyejë dhëmbët”, thuhet në komunikatën e DF-së, e cila është pjesë e koalicionit qeveritar.

Zëvendëskryeministri Gjeloshaj, njëherësh edhe ministër i Zhvillimit Ekonomik, ishte në Uashington, ku nënshkroi Memorandumin për Bashkëpunim Strategjik Ekonomik ndërmjet Malit të Zi dhe SHBA-së.

Në një takim me zëvendësin e ndihmëssekretarit amerikan të Shtetit për Ballkanin Perëndimor, Alexander Kasanof, ai paralajmëroi kundër “aktiviteteve potencialisht destabilizuese të strukturave klero-nacionaliste, që synojnë ta minojnë perspektivën evropiane të Malit të Zi”.

Duke e sqaruar këtë deklaratë në një intervistë dhënë Zërit të Amerikës, Gjeloshaj tha se iniciativat e DF-së për ndryshimin e Ligjit për shtetësinë malazeze dhe për miratimin e Ligjit për agjentët e huaj – sipas modelit të ligjit rus – kanë për qëllim ngadalësimin e rrugës evropiane të Malit të Zi.

Në mesin e vendeve të Ballkanit Perëndimor, Mali i Zi është lider në procesin e anëtarësimit në BE.

Duke folur për vijat e kuqe rreth pjesëmarrjes së mëtutjeshme të partisë së tij në Qeveri, Gjeloshaj tha se ato do të ishin vendime që nuk përputhen me politikat e BE-së dhe të SHBA-së.

Ai nuk e përjashtoi mundësinë e një rikonstruktimi të Qeverisë së Malit të Zi apo të një marrëveshjeje të re.

Qeveria e Malit të Zi u rikonstruktua në korrik, kur asaj iu bashkuan DF-ja dhe Partia Boshnjake.

Partitë proruse morën dy poste të zëvendëskryeministrave dhe tri ministrore, ndërsa boshnjakët morën një zëvendëskryeministër dhe pesë pozita ministrore.

Ky ishte rikonstruktimi i parë i Qeverisë së Millojko Spajqit, e cila u formua në fund të tetorit të vitit 2023.

Në tetor të atij viti, partitë në pushtet nënshkruan një marrëveshje, me të cilën u zotuan se do ta respektojnë “kursin euroatlantik të Malit të Zi” dhe “do të zhvillojnë bashkëpunim miqësor me të gjitha vendet që i njeh Mali i Zi”.

Marrëveshja u nënshkrua edhe nga partitë e DF-së, njëri nga liderët e të cilave, Andrija Mandiq, u zgjodh kryetar i Kuvendit të Malit të Zi.

Partitë e DF-së duan heqjen e sanksioneve kundër Rusisë, të ndërmarra për shkak të agresionit të saj në Ukrainë, nuk e njohin pavarësinë e Kosovës, janë kundër anëtarësisë së Malit të Zi në NATO, si dhe mohojnë gjenocidin në Srebrenicë.

Edhe pse DF-ja tha se do t’i ngrinte qëllimet e politikës së jashtme dhe do t’i respektonte marrëdhëniet e fqinjësisë së mirë, në praktikë ndodhi ndryshe.

Mali i Zi mori katër nota proteste nga vendet fqinje, Kroacia dhe Bosnje e Hercegovina, gjatë mandatit të shumicës së re parlamentare.

Shkak u bënë deklaratat dhe iniciativat e udhëheqësve të DF-së, disa prej të cilave – si rezoluta për gjenocidin në Jasenovac – u pranuan edhe nga partitë e tjera në pushtet.

Gjithashtu, dy ditë pasi DF-ja hyri në Qeveri, Kroacia i shpalli udhëheqësit e saj të padëshirueshëm.

Partitë proruse dhe proserbe në Qeverinë e Malit të Zi janë për nënshkrimin e marrëveshjes për dyshtetësi me Serbinë dhe me vendet e tjera, si dhe për ndryshimin e Ligjit për shtetësinë.

Duke e shpjeguar këtë iniciativë, udhëheqësi i DF-së, Mandiq, tha se këtë e kërkon edhe diaspora nga radhët e popujve pakicë.

Gjeloshaj reagoi, duke i bërë thirrje Mandiqit të mos i përmendë shqiptarët në kontekstin e rrëfimit për dyshtetësinë.

Ai vlerësoi se ky është një “projekt shovinist” dhe se popullata shqiptare nuk do të marrë pjesë në krijimin e “botës serbe”, e as “botëve të tjera imagjinare dhe të ngjashme mbi baza kombëtare”.

Në intervistën dhënë Zërit të Amerikës, Gjeloshaj tha se shqiptarët janë qytetarë të Malit të Zi, të cilin e perceptojnë si vendin e tyre, dhe se ndryshimi i Ligjit për shtetësinë “do të çonte në një ndarje të madhe në Mal të Zi”.

“Jo vetëm tek unë, por edhe në parti, te populli që i përkas, do të kishte një reagim të ashpër, nëse do të shkonte përpara Ligji për shtetësinë, i cili ka vetëm një qëllim dhe ai është ndryshimi i strukturës kombëtare të Malit të Zi”, tha Gjeloshaj.

Paralajmërimi për mundësimin e shtetësisë së dyfishtë shkaktoi kritika të ashpra edhe nga opozita, sipas së cilës, një gjë e tillë do të mundësonte ndërhyrje nga vendet fqinje, çfarë do të çonte në humbjen e vendimmarrjes sovrane në Mal të Zi.

Pas publikimit të rezultateve të regjistrimit të popullsisë në Mal të Zi, të cilat treguan se serbishtja është gjuhë amtare për 43 për qind të popullsisë dhe gjuha malazeze për 34 për qind, partitë proserbe filluan një fushatë për ndryshimin e Kushtetutës.

Ato duan që serbishtja, e cila tani ka statusin e një gjuhe në përdorim zyrtar si gjuha shqipe, kroate dhe boshnjake, të marrë statusin e gjuhës zyrtare si gjuha malazeze.

Gjeloshaj tha se Kushtetuta nuk do të ndryshohet për ta zyrtarizuar gjuhën serbe.

Ai kritikoi edhe fushatën para regjistrimit të popullsisë, në fund të vitit të kaluar, e cila u sugjeronte qytetarëve se si të regjistroheshin.

“Për mua është poshtëruese t’i tregosh dikujt se si të deklarohet. Mali i Zi është një vend demokratik, ka të drejtën e mendimit, të ndjenjës… ”, tha Gjeloshaj për Zërin e Amerikës.

Para regjistrimit, forca dhe media proserbe dhe proruse u bënin thirrje qytetarëve në Mal të Zi që të deklaroheshin si serbë, që flasin serbisht dhe janë besimtarë të Kishës Ortodokse Serbe.

Duke reaguar ndaj Gjeloshajt, DF-ja tha se i duhet të zvogëlojë kërcënimet dhe “shovinizmin e theksuar ndaj popullit serb në Mal të Zi”.

“Ai nuk na ka futur në Qeveri dhe nuk mund të na nxjerrë jashtë, sidomos për faktin se nuk ka asnjë deputet të partisë së tij në Kuvend, por i ka dy ministri, duke u falënderuar edhe deputetëve serbë”, tha DF-ja dhe shtoi se vetë Gjeloshaj mund të nxirret jashtë.

DF-ja i ka 13 deputetë në Kuvendin e Malit të Zi, ndërsa Alternativa Shqiptare e Gjeloshajt, si pjesë e koalicionit të Forumit Shqiptar, i ka dy.

Përveç deputetëve të DF-së, shumica parlamentare përbëhet nga Lëvizja Evropa Tani, Demokratët, Partia Popullore Socialiste, partitë boshnjake dhe shqiptare.

REL

Shtrimet në spitale u rritën 7% nga ndotja. Mjekët paralajmërojnë shtim të rasteve kardiake

Për periudhën janar-gusht numri i pacientëve të trajtuar në shërbimin spitalor publik arriti në 215,884 pacientë, me një kosto prej 81,763 lekë/pacientë. Krahasuar me të njëjtën periudhë të vitit të kaluar totali i numrit të pacientëve të shtruar u rrit 7%.
Të dhënat janë publikuar në raportin “Realizimi i treguesve të monitorimit financiar për Ministrinë e Shëndetësisë dhe Mbrojtjes Sociale për 8-mujorin e vitit 2024”.
Referuar të dhënave konstatohet se ka nisur rënia e numrit të pacientëve të shtruar në kardiologji dhe kardiokirurgji, pas tendencës rritëse që pati për këto pacientë në periudhën e pandemisë së Covid-19.
Për janar-gusht 2024 janë shtruar 6.419 pacientë, me një kosto prej 74.993 lekë/pacientë. Krahasur me të njëjtën periudhë  numri i shtrimeve ka rënë 9%.
Rënie është shënuar edhe te pacientët e trajtuar në spitalet psikiatrike. Sasia e realizuar është 824 pacientë me një kosto prej 693.238 lekë/pacient. Kundrejt të njëjtës periudhe të mëparshme numri i shtrimeve në psikiatri ka rënë 46%.
Por  mjekët pohojnë se për shkak të nivelit të lartë të ndotjes, mungesës së aktivitetit fizik dhe dëmeve të kequshqyerjes do të ketë tendencë rritëse për simptoma kardiake dhe neurologjike.
“Ndotja  ambientale prej gazrave të makinës, ndotja nga lumi i Lanës (lumë septik), plehrat et, ndikojnë negativisht, Në qoftë se shton dëmet që vijnë nga ushqyerja, mungesa e aktivitetit  fizik nëpër parqe, janë të gjitha kushte që ndikojnë në shëndetin e zemrës. Në pereceptimin tim, si mjek urgjence, shoh rritje në simptomat kardiake, neurologjike si dhe ato respiratorë”, pohon Ilir Allkja mjek urgjence.
Sakaq numri i pacientëve të trajtuar me radioterapi arriti në 20,125 me një kosto prej 50.31 lekë/pacientë. Në raport me të njëjtën periudhë të 2023 numri i tyre u rrit 12%.
Pacientë të trajtuar me dializë 136,986 seanca të realizuara për muajt janargusht me një kosto prej 10,652 lekë/seancë. Numri i seancave është rritur 3% kundrejt të njëjtës periudhë të 2023.
Pacientë të trajtuar me katarakte 2,497 pacientë kundrejt 4,326 të parashikuar, me një kosto prej 4,646 lekë/pacientë.
Shpenzohen 8.2 mld lekë për rimbursimin e barnave
Sipas të dhënave të raportit të Monitorimit të treguesve për 8 mujorin 2024 janë trajtuar 361.498 pacientë me barna të rimbursueshme  me një kosto 6.763 lekë/pacientë. Krahasuar me vjet numri i tyre është rritur 0.5%.
Për muajt janar-gusht 2024 për rimbursimin e barnave  të listës është shpenzuar 8.2 mld lekë nga 12.2 mld lekë të planifikuara apo 68% e planit vjetor.
Për periudhën 8 mujore, sipas analizës statistikore të vlerave të pranuara të rimbursimit të barnave janë pranuar listë tregues të rimbursimit të barnave në vlerën rreth 8.2 mld lekë apo 0.4 % më shumë se e njëjta periudhë në 2023.
Nga lista e rimbursuar e fishave të diabetit kanë përfituar 52,237 pacientë, ose 754 pacientë më shumë nga e njëjta periudhë e vitit të kaluar, me një rimbursim të fishave, në vlerë 96,1 mln lekë, ose 34 mln lekë më shumë nga e njëjta periudhë e vitit të kaluar.
Sa i përket rimbursimit të fishave të diabetit, me VKM nr. 492, datë 24.07.2024 përfitojnë nga ky rimbursim, përveç personave me Diabet Mellitus të grup moshës 0-25 vjeç dhe ≥ 65 vjeç edhe invalidët e punës dhe personat me aftësi të kufizuar./Monitor

Von der Leyen thirrje Shkupit të miratojë ndryshimet kushtetuese për të përmbushur detyrimet për anëtarësimin në BE

Presidentja e Komisionit Evropian (KE), Ursula von der Leyen, i ka bërë thirrje të enjten Maqedonisë së Veriut t’i kalojë ndryshimet kushtetuese për ta përmbushur njërin prej detyrimeve vendimtare në rrugën e saj drejt anëtarësimit në Bashkimin Evropian (BE).

 

Von der Leyen u takua me kryeministrin maqedonas, Hristijan Mickoski, gjatë një vizitë në Shkup të enjten, si pjesë e turneut të saj në Ballkanin Perëndimor, ku e përsëriti se zgjerimi i BE-së mbetet një nga prioritetet kryesore të saj.

“Pothuajse jemi aty. Shpresoj se me dialog të përbashkët, të gjitha forcat politike në vend do të bashkohen dhe do t’i ndërmarrin hapat e nevojshëm vendimtarë për përparim. Jam e bindur se mund t’i kapërcejmë barrierat të cilat ekzistojnë”, tha Von der Leyen të enjten në një konferencë shtypi së bashku me Mickoskin.

Maqedonia e Veriut ka ngelur mbrapa në procesin e integrimit dhe mori një goditje këtë muaj kur BE-ja e hapi kapitullin e parë në negociatat për anëtarësim me Shqipërinë, duke e shkëputur Shkupin nga paketa e përbashkët me Tiranën.

Arsyeja është se Maqedonia e Veriut nuk e ka përmbushur kushtin e vendosur nga Bullgaria, që ta përfshijë në preambulën e Kushtetutës së vendit edhe minoritetin bullgar.

Ky kusht ishte futur në kornizën negociuese që Parlamenti maqedonas votoi në korrik të vitit 2022, propozim që njihet edhe si “propozimi francez”. Opozita, që atëbotë udhëhiqej nga VMRO-DPME, ishte kundër ndryshimeve kushtetuese.

Në zgjedhjet e majit të këtij viti, VMRO-ja doli e para dhe mori udhëheqjen e Qeverisë dhe kryeministri Mickoski e ka bërë të qartë se ai dëshiron ta rinegociojë “propozimin francez”.

Por, gjatë konferencës me shefen e KE-së të enjten, Mickoski deklaroi se Qeveria e tij mbetet e përkushtuar në rrugën drejtë BE-së dhe se me ndihmën e bllokut “mund të tejkalohet çdo sfidë”.

“Qëllimi ynë është i qartë, ne duam të jemi pjesë e familjes evropiane, duke ndarë të njëjtat vlera të demokracisë, sundimit të ligjit dhe respektimit të të drejtave të njeriut. Jemi të vetëdijshëm se para nesh qëndrojnë sfida të rëndësishme si në fushën e drejtësisë, luftës kundër korrupsionit, zhvillimit ekonomik dhe forcimit të institucioneve që mbeten vendimtare për të ardhmen tonë”, tha Mickoski.

Mickoski, duke anashkaluar kërkesën e KE-së për ndryshimet kushtetuese dhe përfshirjen e minoritetit bullgar në të, tha se Qeveria e tij mirëpret ndihmën e Bashkimit Evropian për të vazhduar procesin e integrimit evropian.

Von der Leyen vlerësoi përparimin e Maqedonisë së Veriut dhe vendeve të tjera të Ballkanit Perëndimor në agjendën e reformave dhe njoftoi se Shkupi do të përfitojë më shumë se 750 milionë euro nga Plani i Rritjes, duke përfshirë këstin e parë prej 52 milionë eurosh, deri në fund të vitit.

“Jini të sigurt që zgjerimi do të mbetet prioritet kryesor për Komisionin Evropian në pesë vitet e ardhshme. Tani i kemi të gjitha mjetet dhe instrumentet e nevojshme për ta mundësuar këtë”, tha kreu i KE-së.

Veç takimit me kryeministrin Mickoski, ajo do të takohet edhe me presidenten e vendit, Gordana Silanovksa – Davkova.

Von der Leyen mbërriti në kryeqytetin maqedonas nga Tirana, ku e kishte nisur turneun e saj në gjashtë vendet e rajonit.

Ndërkohë, të premten ajo do ta vizitojë Bosnje e Hercegovinën, ku në Sarajevë do të takohet me anëtarët e Presidencës së Bosnjës, si dhe me kryesuesen e Këshillit të Ministrave, Borjana Krishto, e pastaj do të niset drejt Beogradit, në takime me presidentin serb, Aleksandar Vuçiq dhe me kryeministrin Milosh Vuçeviq.

Të shtunën, Von der Leyen do të qëndrojë në Prishtinë, ku do të takohet me presidenten Vjosa Osmani, dhe kryeministrin Albin Kurti. Pas kësaj ajo do të qëndrojë edhe në Podgoricë, me çka e përfundon turin rajonal të filluar të mërkurën me vizitën në Tiranë.

Në prag të vizitës së saj, Komisioni Evropian përcaktoi të mërkurën edhe zyrtarisht agjendën e reformave të Maqedonisë së Veriut dhe katër vendeve të tjera të Ballkanit Perëndimor, duke i hapur mundësi rajonit për qasje në Fondin për Reforma që parasheh një ndihmë prej gjashtë miliardë eurosh. Bosnje e Hercegovina u përjashtua nga paketa pasi në Bruksel paraqiti një agjendë jo të plotë reformash./REL

Triumfoi në transfertën me Gjeorgjinë, Shqipëria ngjitet në renditjen e FIFA-s

Kombëtarja shqiptare është ngjitur dy pozicione më lart në renditjen e FIFA-s pas suksesit në ndeshjen e fundit në transfertë ndaj Gjeorgjisë, e vlefshme për Ligën e Kombeve.

 

Nga vendi 67 tani Shqipëria renditet në vendin e 65 duke kaluar në renditjen Gjeorgjinë, por edhe Finlandën.

Shqipëria do të rikthehet në fushë në muajin nëntor për dy ndeshjet e fundit në grupin B1 të Ligës së Kombeve ndaj Çekisë (16 nëntor, 20:45) dhe Ukrainës (19 nëntor, 20:45). Të dy ndeshjet do të luhen në stadiumin “Air Albania” dhe Kombëtarja është në garë për vendin e parë në grupin B1.

Renditja

Shpiket pajisja që zbulon kancerin e lëkurës në fazë të hershme! Studiuesit: Saktësia arrin në 97%, ja kur do të hidhet në treg

Ekipe studiuesish nga dy universitete në Letoni kanë krijuar pajisjen që jep mundësinë e diagnostikimit të melanomës së lëkurës, lloje të ndryshme të kancerit të lëkurës si dhe masa të tjera beninje, në fazë të hershme.

Zbulimi në fazën e hershme të melanomës së lëkurës, një formë agresive e kancerit të lëkurës, do të thotë 100% shanse për t’ia dalë mbanë. Ambicia e studiuesve është që pajisja të përdoret në shkallë të gjerë, edhe nëse shkon tek estetisti apo në shtëpi. Aleksejs Lihacovs, drejtues shkencor i projektit, pjesë e “Biophotonics Laboratory” në Universitetin e Letonisë flet në intervistë për DW:  Pjesa shkencore tashmë ka mbaruar dhe ekipi kërkon që produkti i tyre të hidhet në treg.

DW: Z. Lihacovs, si lindi ideja për prodhimin e një pajisjeje të tillë?

Aleksejs Lihacovs: Gjithçka nisi rreth 10 vite më parë, teksa një shkencëtare po punonte në pjesën kërkimore të tezës së masterit. Ajo dëshirontë të krijonte një sistem diagnostikues, jo-invaziv në zbulimin e melanomës. Më pas, ajo e vijoi kërkimin e saj edhe gjatë doktoraturës. Patëm rezultate të shkëlqyera nga këto kërkime, të cilat na vërtetuan se përmes reflektimit të dritës, duke përdorur imazherinë shumë- spektrike dhe vetëm me “fotografimin” tri-ngjyrësh, mund të dallonim melanomën nga llojet e tjera të njollave në lëkurë. Në ato çaste, vendosa t’i diskutoj menjëherë rezultatet me kolegët tanë nga Universiteti Teknik i Rigës dhe nisëm bashkëpunimin me ta. U ulëm të shkruajmë projektin për të kërkuar mbështetje nga fondet e BE-së, ajo mbështetje na u dha dhe ne nisëm punën për të vënë në zbatim zbulimin tonë.

DW: Kur nisët nga puna për këtë projekt? Sa kohë u desh për ta krijuar pajisjen?

Aleksejs Lihacovs: Në vitin 2017 nisëm punën për këtë projekt, i cili u financua nga Fondi Europian për Zhvillimin Rajonal (ERDF). Por para se të arrinim tek projekt-propozimi ne i kishim përftuar rezultatet bazike që na bënë të shkonim më tej.

DW: si funksionon pajisja në praktikë?

Aleksejs Lihacovs: Funksionon shumë thjeshtë në praktikë. Mjafton ta afrojmë pajisjen pranë lëkurës sonë dhe të bëjmë “fotografimin 3-ngjyrësh”. Kaq duhet. Pastaj ne përdorimin përpunimin matematikor të kësaj ‘fotografie’.  Dimë algoritmet e duhura për të vizualizuar morfologjinë e lëkurës, e cila në rastet e melanomës është shumë problematike. Atëherë e kuptojmë se kur kemi të bëjmë me masa beninje, lloje të tjera kanceri apo depigmentim të lëkurës.

DW: Sa është përqindja e saktësisë së kësaj diagnoze?

Aleksejs Lihacovs: Saktësia e pajisjes sonë arrin në 97%, që do të thotë se në 97% të rasteve ne mund ta zbulojmë melanomën. Dhe një tjetër parametër i rëndësishëm është prevalenca. Ne prekim një masë në lëkurë dhe themi me shumë mundësi është melanomë. Dhe prevalenca na tregon nëse është melanomë, kancer lëkure, lëkurë e depigmentuar apo masë beninje. Edhe në rastin e prevalencës, pajisja jonë ka një përqindje të lartë saktësie që shkon deri në 86%.

DW: Si ishte reagimi i mjekëve kur mësuan rreth kësaj shpikjeje?  A ishin ata skeptikë?

Aleksejs Lihacovs: Bashkëpunimi i parë nisi gjatë projektit. Ne kishim fonde të posaçme për këto bashkëpunime me mjekët e përgjithshëm që do të testonin prototipin tonë të parë. Në fillim ishin mbase paksa skeptikë. Por ata bënë punë të mrekullueshme. Ishte një grup mjaft specifik pacientësh, të cilëve u nevojitej një kontroll periodik, si fillim me një grup prej 50 vetësh dhe më pas më shumë. Dhe që në fillim u zbuluan dy pacientë me risk të lartë melanome. Këta pacientë u dërguan më pas në repartin onkologjik dhe diagnoza që iu vu atyre aty ishte melanomë. Kjo ishte një histori suksesi sepse gjurmoi melanomën në fazën e parë dhe pacientët ia dolën. Ne flasim për histori të tilla suksesi në çdo konferencë shkencore, dhe kudo ku ftohemi të flasim për pajisjen “Bdetect”. Dhe gjëja kryesore është se kjo pajisje nuk është ideuar për mjekët dermatologë – sepse ata kanë dermatoskopin – por për mjekët e familjes, sepse në një shtet si Letonia nevojitet shumë kohë për të patur një datë të lirë tek dermatologu dhe gjithashtu kushton. Gjithashtu edhe për qendrat estetike apo qoftë edhe si pajisje për t’u pasur në shtëpi, sa herë vëren diçka të dyshimtë në lëkurë.

Hapi i radhës: certifikimi

Leva Gaigala nga ministria letoneze e Financave gjendet pranë ekipit të shkencëtarëve për ta konkretizuar punën e gati një dekade. “Certifikimi është hapi madhor i radhës, sepse merr shumë kohë dhe përpjekje para se ta nxjerrësh pajisjen në treg” – thotë ajo për DW.

Megjithatë, ekipi është optimist edhe për këtë sfidë. Dëshira e tyre është që të jenë në tregjet e vendeve ku melanoma regjistrohet në përqindje shumë të larta, në vende me bollëk ditësh me diell por edhe në Skandinavi, ku numri i pacientëve me diagnoza të rrezikshme të lëkurës është i lartë./DW

Albin Kurti takim me komandantin e KFOR-it, Barduani: Dialogu mes Kosovës dhe Serbisë, pikë kyçe për sigurinë dhe për stabilitetin rajonal

Kryeministri Albin Kurti është takuar sot me komandantin e ri të KFOR’it, gjeneralmajor Enrico Barduani.

 

Në një reagim për mediat, KFOR njoftoi se në këtë takim Barduani ka vënë në dijeni kryeministrin e Kurti se mbështet dialogun Kosovë-Serbi të lehtësuar nga BE-ja, si platformë për zgjidhjen e çështjeve të pazgjidhura.

“Komandanti i KFOR-it nënvizoi se KFOR-i do të vazhdojë të kontribuojë për një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme, në përputhje me Rezolutën 1244 të Këshillit të Sigurimit të Kombeve të Bashkuara të vitit 1999 dhe Marrëveshjen Teknike Ushtarake.

Ai përsëriti mbështetjen e plotë të KFOR-it për dialogun e ndërmjetësuar nga BE-ja ndërmjet Beogradit dhe Prishtinës, si platforma e vetme për zgjidhjen e çështjeve të pazgjidhura dhe arritjen e zgjidhjeve që respektojnë të drejtat e të gjitha komuniteteve, duke shtuar se kjo është kyçe për sigurinë e qëndrueshme në mbarë Kosovën dhe për stabilitetin rajonal”, tha KFOR.

KFOR thotë se Barduani në takim me Kurtin vuri në dukje gjithashtu “angazhimin e tij të palëkundur” për të promovuar unitetin me të gjithë homologët e tij, “në mënyrë që të sigurohet koordinimi dhe të zvogëlohet mundësia për veprime që mund të çojnë në tensione”.

“Kjo është ajo që do të mbështesë të gjitha përpjekjet e mia dhe të gjitha aktivitetet e përditshme të KFOR-it, siç dëshmohet nga motoja e KFOR-it “UNITAS OMNIA VINCIT”, tha ai.

KFOR-i përsëriti se vepron si reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), “respektivisht, me të cilët punojmë në koordinim të ngushtë”.

1...604605606...8 285Faqja 605 nga 8 285

Kryesore

Continue to the category
Më shumë
© 2024 Rilindja Demokratike Euroatlantike