Migrimi i brendshëm në Shqipëri ka luajtur një rol të rëndësishëm në ndryshimin e shpërndarjes së popullsisë midis qarqeve, duke krijuar kontraste të theksuara demografike. Banorët po lëvizin nga zonat rurale drejt qendrave urbane, kryesisht në qarqe si Tirana dhe Durrësi, të cilat ofrojnë më shumë mundësi punësimi dhe shërbime. Ky fenomen ka ndikuar jo vetëm në rritjen e dendësisë së popullsisë në këto zona, por edhe në tkurrjen e popullsisë në rajonet më të largëta.

“Scan Intel” ka përpunuar shifrat për të kuptuar si paraqitet treguesi i dendësisë së popullsisë në qarqet e vendit. Të dhënat pozicionojnë Tiranën si qarkun me dendësinë më të lartë, me 459.1 banorë/ km², pasuar nga Durrësi me 296.2 banorë/km² dhe Fieri me 127.2 banorë/km². Por, krahasuar me të dhënat e CENS 2011 vëmë re se tkurrja nuk ka “kursyer” as këto qarqe. Konkretisht, në një dekadë dendësia e popullsisë në Durrës dendësia ra me 46.8 banorë/km², në Tiranë ra me 5.1 banorë/km². Ndërsa, në Fier, rënia ishte edhe më e theksuar, me një diferencë prej 36.8 banorë/km².

Në kontrast, qarqet periferike si Gjirokastra, Kukësi dhe Dibra kanë dendësi shumë më të ulët, përkatësisht 20.8, 26.1 dhe 41.4 banorë/km². Këto shifra pasqyrojnë emigrimin e vazhdueshëm nga këto zona drejt qendrave më të mëdha urbane ose jashtë vendit. Ndërsa më e normalizuar paraqitet situata në qarqet si Berati, Elbasani dhe Lezha ku dendësia e popullësisë është 78.4 banorë/km², 72.7 dhe 61.3 banorë/km² respektivisht

Dendësia mesatare e popullsisë në Shqipëri është rreth 105 banorë për kilometër katror, një nivel që ka pësuar ndryshime të vogla në vitet e fundit, por tendencat tregojnë një pabarazi të thelluar midis qarqeve. Konkretisht, vetëm Tirana dhe Durrësi kanë dendësi mbi mesataren, dhe kjo ndodh për shkak të infrastrukturës së zhvilluar në këto qarqe.

Po ashtu procesi i plakjes së popullsisë dhe rënia e lindshmërisë, të kombinuara me emigracionin e lartë, kanë ndikuar negativisht në ruajtjen e popullsisë relativisht të re në qarqet me dendësi të ulët.

Nga Kreshnik Spahiu

Starsburgu është qyteti i fundit që po i mbyll

çdo derë Partisë Demokratike.

Në Strasburg ndodhen dy institucionet më të rëndësishme Europiane:

– Parlamenti Europian

– Gjykata Europiane e Drejtave Njeriut

Sytë e partisë janë fokusuar në këtë qytet. Madje edhe protesta e fundit u organizuar në Strasburg nga 30 veta, prej të cilëve 20 ishin deputetët e PD dhe 10 ishin familjarë të tyre.

Po çfarë halli ka PD në Strasburg?

– s’ka hallin e Shqipërisë

– s’ka hallin e partisë

– s’ka hallin e kombit

– s’ka hallin e popullit

Ajo ka dy halle të kryetarit të saj Sali Berisha.

1- Në Parlament Europian i duhet mbështetja politike e euro-deputetëve të Partive Popullore për të bërë deklarata pro kryetarit Berisha.

2- Në Gjykatën Europiane i duhet fitorja e çështjes penlae kundër Gjykatave Shqiptare për dosjen penale të kryetarit Sali Berisha.

Kush është aleati dhe avokati në Stasburg?

Aleat është Greqia dhe avokat është Bejleri.

Për fatin e kaq ky aleati i vetëm i Partisë Demokratike ka dështuar keq në Strasburg.

PD kërkoi një deklaratë për lirimin nga arresti shtëpiak të Sali Berishës.

Këtë nuk e arritën dot në mbledhjen e Partive Popullore Europiane, ndonëse rezoluta për Shqipërinë përfshinte problemet me qeverisjen, por asnjë fjalë për Sali Berishën.

Negociatori në hartimin e deklaratës së PPE ka përfaqësuesi grek Thanasis Bakolas, i dërguari i kryeministrit grek Kostandin Micotaqis.

Në deklaratën për Shqipërinë, nuk u përmend as emri dhe as burgosja e Sali Berishës. Në një rast të ngjashëm, nuk u përmend as Beleri. Mesa duket, përfaqësuesi i Micotaqisit nuk ia ka dalë t’i bindë kolegët europianë për të evidentuar Berishën dhe Belerin si probleme të drejtësisë.

Pas humbjes politike, shpresohet në zgjidhjen juridike. Gjykata e Strasburgut është shpresa e fundit për Berishën dhe mbështetsit e tij.

Por Gjykata e Strasburgut është vetë iluzion për këto arsye:

– Afati i gjykimit të Gjykatës Strasburgut dhe proçeduara e gjykimit apo e shpalljes vendimit zgjat së paku 3 vjet nga dita e paraqitjes kërkesës.

– Legjitimiteti i kërkesës do jetë i papranueshëm sepse Gjykata Kushtetuese e Shqiperise ja njohu shkeljen e kufizimit lirise që ishte marrja e pasaportës.

– Gjykata Strasburgut merr në shqyrtim çështje ku të drejtat proçedurale janë mohuar nga Gjykatat shqiptare

– Në trupën gjyqësore nuk ka gjyqtar grek të varur nga partia e Miçotaqis apo nga Athina.

Pas 3 vjetësh edhe zgjedhjet do të kenë mbaruar, por edhe njerzit e kanë harruar.

Partia Demokratike që na premtoi Europën, është e vetmja e izoluar në BE dhe SHBA.

Kur u krijuan nuk na premtuan që rruga në Europë do kalonte nga Athina.

Në fakt i kanë bërë llogaritë gabim sepse Greqia sot është më e dobët në perëndim se Shqipëria.

Nga Rigels Seliman

Kreu i Prokurosië së Posaçme (SPAK), Altin Dumani është një figurë emblematike në luftën kundër korrupsionit dhe krimit të organizuar në Shqipëri. Pas tre dekadash demokraci dhe kaos institucional, kryeprokurori special Dumani ka marrë përgjegjësinë që shumë të tjerë kanë shmangur, duke shpallur një betejë të hapur për të pastruar vendin nga krimi i organizuar dhe korrupsioni në nivelet më të larta të shtetit. Ai e sheh këtë si një detyrë patriotike dhe po tregon së është atdhetar, duke besuar se Shqipëria do të shohë një të ardhme më të drejtë dhe të pastruar nga padrejtësitë.

Në intervistën e tij të fundit në RTSH, Dumani e theksoi se, përballë sfidave të mëdha dhe presionit të vazhdueshëm, SPAK është i angazhuar për të nxjerrë para drejtësisë të gjithë ata që kanë shkelur ligjin dhe kanë përdorur pushtetin për të mbushur xhepat e tyre. Ai theksoi se përpjekjet e tij dhe të SPAK janë të pandalshme, pavarësisht vështirësive dhe pengesave që mund të hasin.
Me vendosmërinë e tij, Dumani po tregon se është një prokuror patriot e i pashoq në luftën kundër korrupsionit dhe krimit.

Dumani është një njeri i vendosur dhe beson se Shqipëria meriton më shumë: një drejtësi të pastër dhe të paanshme, ku askush nuk është mbi ligjin. Ai i ka shpallur luftë ndaj korrupsionit dhe është i vetmi që ka marrë përgjegjësinë të luftojë për të drejtat e qytetarëve shqiptarë. Kjo është një luftë që kërkon sakrifica, por ai beson se vetëm duke hedhur poshtë këto padrejtësi, Shqipëria mund të zhvillohet dhe të ecë përpara në rrugën e saj drejt integrimit evropian.

Një nga temat kryesore që Dumani preku ishte nevoja për të forcuar sistemin e drejtësisë dhe për të krijuar një ambient ku korrupsioni dhe krimi nuk mund të mbijetojnë. Sipas tij, ndryshimi nuk mund të vijë pa përkushtim dhe pa bashkëpunim nga të gjithë qytetarët, agjencitë ligjzbatuese dhe partnerët ndërkombëtar, të cilët duhet të kenë besim në institucionet që u shërbejnë. Dumani e sheh këtë si një mundësi historike për të ndërtuar një Shqipëri ku ligji është mbi të gjithë.

Në përfundim, Altin Dumani është një lider i pasionuar për të mirën e atdheut dhe për këtë ai meriton respektin tonë si qytetarë shqiptarë. Me angazhimin e tij të palodhur dhe vendosmërinë për të sfiduar strukturat e krimit dhe korrupsionit, ai ka vendosur të bëjë gjithçka për të sjellë një ndryshim të thellë në sistemin e drejtësisë. Ai është një patriot dhe atdhetar që po lufton për një Shqipëri të drejtë, pa korrupsion dhe pa lidhje me krimin, duke i dhënë një shans të vërtetë zhvillimit dhe prosperitetit.

Eksperti i Arsimit, Ndriçim Mehmeti, shprehet se infrastruktura për rritjen e fëmijëve në Shqipëri është e rrezikshme.

Ai thotë se rreth ambienteve të shkollave shiten produkte ushqimore të rrezikshme, alkool dhe cigare.

“Infrastruktura për rritjen e fëmijëve është e rrezikshme. Tejet e rrezikshme, sepse nuk ka asnjë parametër sigurie. Flasim për siguri tërësore. Përshembull siguria ushqimore.

Rreth shkollës shitet çdo gjë, me sheqer të shtuar, coca cola, cigare. Dhe ti gjen me ato Vibe, që në klasë të katërt, ose të pestë.

Dhe i shesin si pa gjë të keq, kur t’i shkruan ndalohet për moshën nën 18-vjeç. Në Bulqisë janë helmuar masivisht nxënësit. Në Dibër u asfiksuan nga tymi i Kaldajës. U asfiksuan edhe në Kamëz. Nuk merr përgjegjësi asnjë institucion”, tha Mehmeti në ‘Ditari i Fundjavës’ në A2 CNN.