Deputetja e Demokratëve Euroatlantike Oriola Pampuri, e ftuar në rubrikën “Opinion” në News24, ka deklaruar se mund të bëhej edhe ajo pjesë e protestës që u mbajt sot pas vrasjes së 14-vjeçarit Martin Cani, por nuk donte të politizonte tubimin me prezencën e saj si deputete.

Ajo tha se tubimet apo protestat nuk kanë pse të thirren nga politika, duhet të jenë vetë qytetarët që duhet të reagojnë.

Deputetja tha se ngjarja ka shkaktuar një dhimdje të jashtëzakonshme për familjen.

“Shoh një shoqëri që nëse je një nxënës që studion dhe shoqërohesh i qetë, bullizohesh. Në këtë shoqëri nuk dinë më fëmijët se si të sillen. Nis bullizimi nga rrjetet sociale.

Kjo shoqëri do një rregullator ta sjellë në shina”, tha Pampuri.

Të gjitha hetimet që SPAK ka hapur për qeverinë prej kohësh, nuk përfaqësojnë dosje mbi persona, apo mbi çështje të veçanta personale. Siç janë edhe hetimet ndaj Sali Berishës dhe Ilir Metës.

Hetimet e SPAK janë thuajse të gjitha mbi projekte që janë ideuar nga Edi Rama, miratuar nga qeveria e tij, si dhe financuar prej qeverisë së tij.

PPP-të apo koncesionet në shëndetësi, përpara se të jenë një operacion që e ka menaxhuar Ilir Beqja, janë ideuar dhe propaganduar nga Edi Rama. Madje edhe negociuar me grupin e biznesmenëve që janë përfshirë në operacion.

E njëjta gjë edhe për impiantet e mbetjeve, që u shpallën e u mbrojtën nga kryeministri. Madje zgjedhjet e vitit 2021 u bënë në një skenografi me impiantin e Elbasanit.

Të gjithë ose shumica e hetimeve kapin këtë, pra PPP-të e qeverisë së Edi Ramës.

Siç ka ndodhur, të gjitha apo pjesa më e madhe e tyre është nën hetim, por të pandehurit janë zyrtarë të nivelit të dytë e të tretë. Të cilët sot ose janë nën hetim ose janë dënuar. Ka të tjerë si Arben Ahmetaj, që është rebeluar dhe thotë troç se hetimi ndaj tij është i padrejtë, pasi siç shpjegon ai, po hetohet për një vendim që e ka marrë Edi Rama me shefin e tij juridik në Kryeministri.

Të gjithë njerëzit e hetuar deri më sot nga SPAK ndoshta nuk janë viktima, por nuk përbëjnë burimin e shkeljes ligjore. Shkelje që ka ardhur nga lart, në qeveri. Por Rama, kërkon të lajë duart si Ponc Pilati, e të thotë se ai nuk ka lidhje me asnjë çështje.

Atëherë le të kujtojmë faktet. Kanabizimi.

Po si ka mundësi që Koço Kokëdhima, njeriu më i afërt i Edi Ramës në atë kohë foli me mendjen e vet për të legalizuar bimën e ndaluar?

Rama i preu kokën Koços, i cili në fund të fundit ishte njeriu i afërt i Bablokut. Më pas Saimir Tahirit, e të tjerëve me radhë. Po si mundet që për të gjitha këto hetime që nuk janë segmente, por projekte të ideuara e të përzgjedhura nga kryeministri, të hetohen të tjerë?

Ndoshta edhe mundet si pjesë e hetimit, por koka është lart, pasi kemi të bëjmë me projekte qeveritare.

Se nuk kuptohen dardhët e ngrëna nga pema që ka mbjellë Babloku? Madje me vendime qeveritare të nxituara e të shpeshtuara për ta nxitur procesin.

Kjo është dilema; kush i ka dhënë paratë publike e kush i ka shpërndarë? Këtë duhet të hetojë SPAK, jo thjesht procedurat. Padyshim edhe ato, por nëse ndiqen paratë, ata duhet të ndiqen në origjinë. /Pamfleti

Gjykata Kushtetuese rrëzon ankimimin (kërkesë-padinë) e depozituar nga ish-kryeministri Sali Berisha, i cili ndodhet nën arrest shtëpie prej një viti, në lidhje me dosjen “Partizani”, bazuar në akuzat dhe masën e SPAK dhe GJKKO.

Vetë institucioni konfirmon se pas shqyrtimit të kërkesës disa ditë më parë është vendosur që ajo të rrëzohet. Kjo, pasi autorizimi i Prokurorisë së Posaçme nga Kuvendi nuk ka qenë i nevojshëm dhe nuk cenon të drejtat kushtetuese.

Vendimin e shpalli sot në orën 19:00, vetë Kryetarja e Gjykatës, Holta Zaçaj, në një komunikim me gazetarët, “në lidhje me çështjen me kërkues Sali Berisha”.

Nuk jepen detaje nëse kryetarja e Kushtetueses do të shpallë vendimin që është marrë mbi ankimimin nga Kolegji pas shqyrtimit apo do japë sqarime për arsyet e shtyrjes.

Më 19 Nëntor, Gjykata Kushtetuese njoftoi se “e ka mbyllur shqyrtimin gjyqësor për çështjen e ish-kryeministri Sali Berisha”, i cili kërkon shfuqizimin e masës së sigurisë të vendosur ndaj tij për aferën Partizani dhe do e shpallte në vijim.

Berisha ka ankimuar masën e parë, ‘detyrim paraqitjeje’ të 21 Tetorit 2023, që më pas u kthye nga GJKKO në masë shtrënguese “arrest me burg”. Ai e cilëson antikushtetues vendimin, pasi nuk është marrë leje nga Parlamenti për vendosjen e masës.

Më 18 Shtator të këtij viti, Kushtetuesja e mori nën shqyrtim ankimimin e ish-kryeministrit.

Partia Socialiste duket se po përjeton orë të vështira në radhët e saj, dhe nga momenti në moment pritet të shpallë sërish ndryshimin e drejtuesve të fushatës nëpër qarqe.

Dhe argementi i pritshëm do të jetë ai se kjo lëvizje bëhet për maksimalizuar votën në favor të saj në zgjedhjet e radhës parlamentare që pritet të mbahen pranverën e vitit të ardhshëm.

Por krejt ndryshe duket se është situata në prapaskenë.

Frika se Prokuroria e Posaçme SPAK mund të arrestojë Erion Veliajn nga momenti në moment, ka detyruar kryesocialistin Edi Rama që të mendojë për “asin” nën mëngë, që vendi i kryebashkiakut të Tiranës të mos ngelet bosh.

Dhe për këtë duke se është marrë vendimi. Ministri Blendi Gonxhe është thirrur nga Dibra për t’i marrë vendin Veliajt në organizimin e fushatës së PS-së në Tiranë.

Fushata në Tiranë aktualisht i është besuar Elisa Spiropalit, Erion Veliajt dhe Ogerta Manastirliut.

Por së fundmi Gonxhja ka konfirmuar angazhimin e tij në njësinë numër 6 të kryeqytetit, që përfshin zonën e Kombinatit, dhe që aktualisht është e caktuar Ogerta Manastirliu.

Konfirmimin e këtij lajmi, që në fakt qarkulloi edhe gjatë ditës së djeshme me shpejtësi nëpër portale dhe mediat online, por që për opozitën u cilësua si një lajm i dalë nga “portali i incineratorit”, Gonxhja e ka bërë përmes rrjeteve sociale.

Në faqen e tij zyrtare në rrjetet sociale, ministri Goinxhaj ka publikuar një foto-album nga një takim i zhvilluar me strukturat e PS-së në kryeqytet dhe në krah të tij gjenden ministrja Manastirliu dhe deputeti Petro Koçi. Dhe ajo që vihet re lehtësisht në këto pamje është mungesa e Erion Veliajt.

“Me kolegen Ogerta Manastirliu për angazhimin e ri politik në Tiranë, ku rrisim forcat për qarkun lokomotivë dhe fuqizojmë organizimin në çdo njësi! Kombinati në veçanti, njësia 6, ku do të optimizojmë e zgjerojmë ekipin – me frymën e gjithëpërfshirjes që Partia Socialiste e jetëzon si asnjë forcë tjetër politike, mes shokësh të çmuar të disa fushatave fitimtare që na lidh misioni i përbashkët për t’u qenë pranë qytetarëve dhe komunitetit, nga role e detyra të ndryshme që burojnë nga votëbesimi elektoral e demokratik. #PartiaSocialiste ???? #QarkuTiranë ✌️ #Zgjedhjet2025 ???????? #Shqipëria2030”, shkruan Blendi Gonxhja në komentin e tij bashkëngjitur foto-albumit në fjalë.

Ajo që mbetet për t’u parë në ditët në vijim është fakti se kjo lëvizje e Gonxhajt vjen me një urdhër të Ramës për të konfirmuar lajmin e ndryshimit të drejtuesit të Tiranës, me qëllim për të shmangur vëmendjen nga përditshmëria shqetësuese e vendit, që është përfshirë së fundmi jo vetëm në skandalet korruptive, por edhe në një situatë të rëndë kriminale, ku atentatet mafioze sa vijnë e shtohen që prej masakrës me 4 të vrarë në Dobraç të Shkodrës, si dhe dy vrasjet mafioze në Tiranë brenda pak ditësh; Apo kjo lëvizje e Gonxhajt nga Dibra në Tiranë është shenjë që Erion Veliaj e ka mbyllur përfundimisht karrierën e tij politike dhe tashmë burgu për të është i pashmangshëm, ashtu siç ka ndodhur me vartësit dhe njerëzit e tij të besuar në krye të Tiranës që sot gjenden prapa hekurave, lidhur me korrupsionin galopant me incineratorin e Tiranës, apo edhe me skandalin e vjedhjeve përmes kompanisë famëkeqe tashmë “5D Konstruksion”.

Veliaj është vënë në akuzë të fortë nga opozita për përfshirjhen e tij  në aferën korruptive me inceneratorin e Tiranës, të cilën, sipas saj, Veliaj e ka kryer së bashku me Edi Ramën. Por veçanërisht me “vjedhjen spektakolare të “5D”, ku shpiku një super skemë për gllabërimin e taksave të qytetarëve të Tiranës”, thekson opozita, skemë e cila duket se e ka të pashmangshme dorëzimin para drejtësisë të kryetarit të Bashkisë së Tiranës.

Gjithsesi, zyrtarizimi i këtyre ndryshimeve mund të kërkojë disa ditë, apo javë, por burimet brenda socialistëve theksojnë formalisht se lëvizjet bëhen në kuadër të nevojës për të fuqizuar fushatën në qarkun e Tiranës.