Krimi i organizuar për realizimin e proçesit të pastrimit të parave i drejtohet ndërmjetësve financiarë. Për të ndërhyrë në tregun financiar krimi i organizuar, fillimisht synon të stabilizojë kërkesat dhe nevojat, pastaj përcakton mjetet për realizimin e kërkesave dhe të dëshirave kriminale. Pastrimi i parave realizohet nga organizma financiarë që nuk kanë lidhje me veprimtari kriminale. Sot mund të blesh një aksion dhjetë, nesër njëmbëdhjetë ose më pak. Vlera fillestare dhe e drejta për t’i lëvizur këto vlera është shumë e vështirë të kontrollohet, pra dhe fitimi nuk mund të kontrollohet. Tregjet e vlerave veprojnë dhe rregullohen vetëm nëpërmjet ndërmjetësve financiarë (persona juridikë). Regjistrohet blerja dhe kundër blerja e aksioneve, që mund të jenë edhe bankë. Mikrostruktura e tregjeve të rregulluara paraqitet në këtë mënyrë: shiten aksionet nga personat që i kanë blerë “X” apo “Y” një aksion, rritet vlera kur ka shumë kërkesa dhe ulet vlera e aksionit kur ka shumë urdhra për shitje.

 Sektori kryesor ku pastrohen paratë, ndërtimi

Sektori tradicional i pastrimit të parave është investimi në sende të paluajtshme, si blerja e pronave, investimet në ndërtime, në hotele, zona turistike, në koleksione të rralla etj. Statistikat e sekuestrimit të pasurive të krijuara nëpërmjet tregut të zi të parasë, tregojnë se forma e pastrimit hipotekor është dominuese, pasi 1 mijë metra katrorë sipërfaqe banimi në zona të preferuara blerjeje, vlejnë më shumë se sa rreth 1 milion dollarë para “cash” të bllokuara në llogaritë bankare. Është fakt se ndërtimi dhe pasuritë e tjera të paluajtshme po bëhen gjithnjë e më tërheqëse për individë dhe subjekte të ndryshme, për të investuar dhe pastruar paranë e pistë nëpërmjet hipotekimit të këtyre pronave.

Zyrat e regjistrimit të pasurive të paluajtshme janë destinacioni i fundit i këtij aksioni mafioz për pastrimin e parave. Subjektet kryesorë që mund të përfshihen në veprimtarinë kriminale të pastrimit të parave janë bankat, zyrat e këmbimit, bursat, fondet e investimeve, shoqëritë e sigurimit, shoqëritë e lojërave të fatit, Agjencia Kombëtare e Privatizimit dhe çdo institucion tjetër që ka të drejtën e transferimit të pronës, zyrat e regjistrimit të pasurive të paluajtshme, organizatat jofitimprurëse, ekspertët kontabël, avokatët, noterët, shoqëritë e udhëtimit, etj. Gjithashtu, futja në dorë e sektorit të vlerave kulturore dhe e sendeve të floririt, i shërben këtij qëllimi. Kështu, pronarët e industrisë së floririt kërcënohen nga pastrimi i parave. Krimi i organizuar përdor direkt edhe kambizmin me flori për realizimin e pastrimit të parave.

Hetimi i “Dirty Soçer” dhe përfshirja e asaj që tashmë prej vitesh është organizimi kryesor kriminal në Itali (“Ndrangheta”) mund të befasojë në momentin kur shfaqet, por nuk ndodh kështu nëse bëhet një arsyetim me mendje të ftohtë. Futbolli është terren gjuetie ideale për mafien: një biznes me shumë zero që “tërheq” interesin (dhe konsensusin) e mijëra personave. Dhe organizatat kriminale janë sidomos “të vogla” dhe “kontroll konsensusi”, ashtu si disa politika. “Kooptimi i eksponentëve të kriminalitetit të organizuar në kërkim të konsesusit (disa nga të cilët të dënuar për bashkëpunim të tipit mafioz) në skuadrat e futbollit përbën një sinjal emblematik… në të njëjtën mënyrë si kuptimi i dyfishtë që këto pozicione kanë për shoqatën mafioze, duke lejuar një qasje të dorës në një kanal të pastrimit të të ardhurave nga aktivitetet kriminale nëpërmjet investimeve legale te klubet e futbollit. Veç kësaj, vjen edhe rrjedhimisht ndërtimi i një imazhi publik për të fituar mbështetjen popullore, duke pasur parasysh interesin e gjerë të ngjarjeve të futbollit”. Ky dokument është shkruar nga Drejtimi Kombëtar Antimafie në raportin e vitit 2014, i publikuar disa muaj më parë.

Eshtë i vitit 2010 dosieri i kuruar edhe nga “Libero”, “Mafiet në futboll”. Sipas artikullit riciklimi i parave bëhet me sponsorizime, ndeshje të trukuara, baste klandestine, presidentë “falso”, biznesi i madh i botës ultrase, “duart” mbi shkollat e futbollit. Klanet mafioze janë në futboll dhe shpesh “godasin” topin. Nga Lombardia tek krahina e Lacios, duke vazhduar në Kampanja, Bazilikata, Kalabri, për të prekur Pulian me dyshime edhe në Abruco. Në këtë hartë, edhe ishulli siçilian. Më shumë se 30 klane të pëfshira që kanë fije në skuadrat e futbollit të kategorive të ulëta dhe që, shpesh, i japin mundësi klubeve që s’kanë financime të tjera, të “mbijetojnë”. Për klanet, futbolli është mjet i jashtëzakonshëm edhe për të kontrolluar territorin. Duke u futur në klube, mafia arrin që të afrohet me botë të largëta si politika dhe sipërmarrja. Për bastet krijohen “join venture” mes mafies ndërkombëtare dhe klaneve lokale. E gjitha kjo është shpjeguar edhe nga Rafaele Kantone, që sot drejton ANAC, “Autoriteti Antikorrupsion”.

Tentativat – Në 2006, u bë një hetim mbi tentativën e klanit “Casalesi” për të trukuar Lacion, ndërsa po sipas dëshimeve të një të penduari, për Krotone-Juventus të po këtij viti të sipërpërmendur, në tribunë ndodheshin përfaqësues të “Ndrangheta”, por edhe nënklane si “Nicosia”, “Arena” e kështu me radhë. “Kontrolli i skuadrës së qytetit sjell shumë konsens dhe popullaritet”, shkruan Kantone.

De Rosi e Skuli – “Interesat ekonomikë në botën e futbollit dalin edhe në Mafia Capitale, me atë që “Messaggero” e cilëson si “rrjeti i biznesit në tribunë”. Për të mos folur për lidhjet, miqësinë dhe njohjet e rrezikshme që kanë dalë këto vite, nga Mikoli, tek Skuli, nipi i bosit Xhuzepe Morabito (“E di që jam nipi i tij dhe s’e mohoj kurrë. Për mua s’ka bërë asnjëherë asgjë të paligjshme”, ka thënë lojtari) dhe për ta mbyllur me Daniele de Rosin e Romës, që tregojnë se përpara dy vjetësh pati një sherr bashkë me Benatian në një lokal të Romës dhe mori në telefon Xhovani de Karlon, figurë e rëndësishme mafioze, për të mos patur probleme mbrapa me agresorët.

Bankat mund të shërbejnë si një instrument i rëndësishëm për pastrimin e parave. “Pastrimi i parave të pista, në shumicën e rasteve realizohet nga bankat dhe një fakt i rëndësishëm është ai që janë pikërisht bankat më të mëdha ato që realizojnë këtë pastrim. Procesi i pastrimit të parave, nëpërmjet sistemit bankar, realizohet në këto forma kryesore:

– kalimi ose transferimi i parave nga banka e një vendi në një bankë të një vendi tjetër me qëllim maskimin dhe investimin në biznese të ndryshme;

– hyrja në marrëdhënie këmbimi e transferimi me banka të njohura si “parajsë bankare” ose në vende “parajsa fiskale”;

– bashkëpunimi me punonjësit e këtyre bankave, i cili nuk realizohet individualisht, por me porosinë dhe inkurajimin e drejtuesve më të lartë të këtyre bankave.

Pastrimi i parave realizohet nëpërmjet bankës, duke bërë depozitime dhe transferta nga një bankë në një tjetër, nga një vend në një tjetër. Autoriteti i origjinës është tjetër person dhe autori i pastrimit është tjetër person (banka). Sipas specialistëve italianë të luftës kundër pastrimit të parave, pastrimi i kapitaleve të paligjshme në fushën bankare ka mundësi të mëdha veprimi dhe përdor kryesisht këto forma:

– depozitimi në emër të një personi tjetër, jo në llogari rrjedhëse, por në librezë fikse, ku nuk shënohet emri i personit, por kush e paraqet, ai i merr paratë. Kur tërhiqen paratë shënohet, se i ka tërhequr personi “X”, që mund të jetë kushdo, jo ai që e ka emrin por, kushdo tjetër. Njëlloj si bankomati, mjafton të formosh numrin e identifikimit. Pra, hapja e llogarive falso në emër të një personi që merr emrin e tjetrit;

– nga një llogari rrjedhëse në një llogari tjetër rrjedhëse;

– marrja pjesë në kapitalet shoqërore, blerja e titujve shtetërore;

– marrja pjesë në kambizmin valutor;

– realizimi i operacioneve financiare jo nëpërmjet bankës por, duke marrë pjesë në bursë. Blen aksionet në bursë dhe bën veprime të ndryshme financiare;

– blerja e titujve shtetërore, obligacioneve, huatë shtetërore që garanton shteti për shtetasit e tij, janë anonime;

– në Degën e Thesarit, blerja e Bonove të Thesarit, letrave me vlerë. Këto tituj mund të kthehen me lekë nga shteti;

– marrja e çertifikatave të përbashkëta shtetërore, fondeve të përbashkëta të shoqërive që investojnë në fusha të ndryshme;

– shoqëritë që veprojnë në emër të një tjetre, shoqëri ndërmjetësimi, si shoqëritë e ndërmjetësimit financiar (Sh.I.F.).

Lideri i opozitës, Lulzim Basha ishte për vizitë në shtëpinë e policit të vrarë Artan Cuku, sot në 105 vjetorin e themelimit të policisë. Duke folur për mediat, pas kësaj vizite, Basha u bëri thirrje policëve të thjeshtë të ngrihen në protestë bashkë me qytetarët për të larguar këtë politikë që ia dorëzoi Policinë e Shtetit, kriminelëve.

Pjesë nga deklarata

Kam një mesazh për çdo punonjës policie në detyrë apo lirim, çdo polici që ka punuar me përkushtim dhe ndershmëri. Dua ti falenderoj ata sepse kanë qendruar në kohë të vështira, të tradhëtuar nga drejtuesit politik. Kriminelët janë në krye të Policisë dhe të Ministrisë së Brendshme dhe janë puonjësit me integritet që kanë marrë arratinë, apo janë vravrë si Artan Cuku. Dritan Zagani e kolegët e tij janë larguar në azil pasi kanë denoncuar lidhjet e Tahirit me drogën.
Policia e Shtetit i është dorëzuar kriminelëve nga Edi Rama, Saimir Tahiri, Haki Cako.

Duhet kurajo qytetare që do të ngrihen të gjithë në protestë.

Korrupsioni nisi nga Tahiri dhe Çako, por edhe Xhafaj ka pjesën e vet.

Pyetje” Vetingu në polici?

Është njësoj si ti varës ujkut melcitë në qafë.

Kryeministri Rama bashkë me kabinetin gjenden këtë fundjavë në qytetin e Lezhës. Kryeministri theksoi se ka bashkëpunim të mirë me kryetarin e djathtë të bashkisë, Fran Frrokaj i cili ishte i pranishëm në takim, por Frrokaj i është ëprgjigjer menjëherë duke i kërkuar të investojë për Bashkinë e Lezhës ashtu siç bën me bashkitë e majta.

Frrokaj, i kërkoi Kryeministrit të zhbllokojë lejet e ndërtimit. “Kemi tre vite të bllokuar dhe mungesa e lejeve të ndërtimit na ka sjellë edhe bllokim financiar”, tha Frrokaj. Nga ana tjetër, Rama e thumboi për protestën e djeshme të banorëve të Torovicës, duke i thënë “a ke gisht ti?”. Frrokaj u përgjigj se nuk kishte arsye për të bllokuar protestën, pasi ata kërkojnë rikonstruksionin e rrugës. Sakaq, Rama tha se do jenë dy projekte që nisin këtë vit në infrastrukturën e këtij qyteti.