Prokuroria i ka kthyer një përgjigje qesharake padisë penale të bërë nga LSI ndaj thirrjes antikushtetuese të Ramës drejtuar policisë në zgjedhje, ku ai I kërkonte që të linin deturën dhe të bënin vota për PS. Përgjigja e Prokurorisë është unikale në llojin e saj. Ajo thotë se përderisa Rama ka kërkuar falje në facebook, atëhere nuk ka arsye përse të hetohet. Pra, Prokuroria thotë se shkelja e ligjit mund të mos përbëjë vepër penale nëse kërkohet falje në facebook. Një çmenduri e Prokurorisë të drejtuar nga kamikazja e Ramës. Petrit Vasili tha se tani padia ndaj thirrjeve antikushtetuese të Ramës drejtuar policisë do të drejtohet në Gjykatën e Krimeve të Rënda dhe Gjykatën e Lartë pasi Prokuroria me Arta Markun ka rënë si institucion.

“Potenciali i marrëdhënieve ekonomike mes Shqipërisë dhe Gjermanisë është larg prej të qenit i shterur! Shqipëria ofron mundësi për një numër qartësisht më të madh investimesh, p.sh. për një bujqësi moderne, apo në prodhimin e energjisë diellore dhe natyrisht edhe në turizëm. Në 2017 ishin rreth 120 000 turistë gjermanë që mbërritën të zbulonin bukurinë e peisazhit shqiptar – një rritje kjo prej më shumë se 50% krahasuar me vitin e shkuar”. Me këto fjalë i është adresuar ambasadorja Gjermane Susanne Schütz të ftuarve sipërmarrës dhe përfaqësues të qeverisë në pritjen e përbashkët për Vitin e Ri, organizuar nga Ambasada Gjermane dhe DIHA (Shoqata Gjermane e Industrisë dhe Tregtisë në Shqipëri).
Por, shtoi ajo, edhe pse potenciali i madh i Shqipërisë është tërheqës, investitorët do të vinë vetëm atëherë kur edhe kushtet ligjore të jenë të duhurat, e në mënyrë të veçantë kur ata investitorë që zhvillojnë aktivitetin e tyre tashmë këtu, të trajtohen në mënyrë luajale: pikërisht këta janë ambasadorët më të mirë për Shqipërinë si vend investimesh.
Kështu nga një anketim mes anëtarëve të DIHA-s rezultoi se ata prisnin prej qeverisë së re shqiptare një zbatim konsekuent të reformës në drejtësi dhe një luftë të vendosur kundër krimit të organizuar dhe korrupsionit. Këta janë njëkohësisht edhe tre nga pesë prioritetet kyce, që duhen përmbushur për të celur bisedimet e anëtarësimit me Bashkimin Evropian. Ky hap, tha ambasadorja gjermane, mund të ndërmerret në 2018, nëse Shqipëria do të jetë në gjendje të bindë shtetet anëtare të Bashkimit Evropian, se ka bërë progres të mjaftueshëm. “Unë dëshiroj të inkurajoj në këtë kontekst qeverinë shqiptare për vijimin e reformave dhe përpjekjeve të saj energjike në përmirësimin e mëtejshëm të klimës së biznesit. Gjermania do të vazhdijë të jetë në krah të Shqipërisë dhe do ta mbështesë atë në rrugën drejt Bashkimit Evropian”, tha ajo.
Gjermania e ka mbështetur Shqipërinë prej vitit 1988 me më shumë se 1 miliard euro në zgjerimin e sektorit të energjisë dhe ujit, menaxhimin e mbetjeve , mbrojtjen e burimeve dhe zhvillimin ekonomik. Thelbi i ndihmës ka qenë përmirësimi i kushteve të jetesës së njerëzve, krijimi i mundësive të punësimit dhe të të ardhurave duke ofruar kësisoj perspektivë për të ardhmen. “Së bashku me qeverinë shqiptare edhe këtë vit kemi ndërmarrë shumëçka: kështu p.sh. KfË-ja do të nisë rinovimin e ujësjellësit të Himarës e do të japë në të njëjtën kohë një kontribut të rëndësishëm në zgjerimin e një turizmi miqësor me mjedisin”.
Ambasadorja ka theksuar se DIHA ka 10-vjetorin e krijimit të saj. “Themeluar në 2008 me vetëm 9 anëtarë – dhe mbështetjen e fuqishme e konkrete të shoqatës gjermano-shqiptare të ekonomisë DAË në Berlin – DIHA-n e gjejmë sot të zgjeruar me 80 anëtarë. Konferencat e përvitshme gjermano shqiptare mbi ekonominë, zhvilluar herë ne Shqipëri e herë në Gjermani, janë shndërruar në një simbol të veçantë e në të njëjtën kohë në një platformë të rëndësishme promovimi për Shqipërinë si qendër investimesh. Me gjithë modestinë më lejoni të them, se biznesi gjerman ka dhënë kontributin e vet në rritjen e konsiderueshme ekonomike që Shqipëria ka përjetuar vitet e fundit”.

Alba KEPI

Më data 6.-7 prill operacioni antodrogë i policisë italiane i finalizuar në brigjet e komunës së Locrit në Kalabri në bashkëpunim me forcat ajrore e detare të 4 shteteve Itali, Greqi, Shqipëri e Portugali coi në sekuestrimin e 1449 kg marijuanë në vlerë përfitim prej 10 milionë euro e në ndalimin e në ndalimin e 7 personave 3 prej të cilëve skafistë.
Po gjatë prillit të 2017, e përditshmja italiane “Corriere della sera” në një material të publikuar zbardh lidhjet e mafias kolumbiane me trafikantët shqiptarë të drogës. Artikulli jep detaje të operacionit të policisë italiane që gjatë prillit të 2017, cuan në arrestimin e narkotrafikantit 36 vjecarë, Miro Rizvanovic Niemeier i njohur me pseudonimin “El russo”,  me dy nënshtetësi boshnjake e gjermane e një nga krahët e djathtë dhe ortak në biznes i  bosit kolumbian të drogës “Otoniel” me emrin e vërtetë Dairo Antonio Úsuga, i cili konsiderohet trashgëimtar i mbretit të drogës Pablo Ecobarit. Sipas investigimeve të policisë italiane “El russo” ndodhej në Itali me destinacion qytetin e Milanos për t’u takuar me trafikantë aleatë shqiptarë për të vendosur mbi cmimin e rreth 100 kg kokainë që do të shitej në këtë qytet.
“Sipas burimeve investigative italiane , shkruan Corriere della Sera, “El russo” i mbështetuar nga klani i trafikanëve shqiptarë të drogës në Itali, pritej të takohej dhe me përfaqësues të mafias romane si dhe të mafias kalabreze Ndragheta që vepron në veri të Italisë.”
Gjatë prillit 2017 një ngjarje e rëndë tronditi komunitetin shqiptar në Romë. Një 43 vjecar shqiptar i martuar e me fëmijë u vra në një atentat mafioz në një lagje periferike të kryeqytetit italian. Shqiptari Gasper Reci ishte i skeduar nga policia italiane me krime të lidhura me trafikun e lëndëve nakotike. Deri më sot ende nuk janë gjetur autorët e vrasjes.

Kreu i Grupit parlamentar të Partisë Demokratike, Edmond Spaho, në një deklaratë pas mbledhjes së Konferencës së Kryetarëve, theksoi se në datën 18 dhjetor, gjatë seancës së fundit të Kuvendit, është kryer një puç kushtetues i urdhëruar nga Edi Rama, por me dijeninë, miratimin dhe zbatimin e kryetarit të Kuvendit, Gramoz Ruçi.
Nisur nga faktet dhe argumentet e paraqitura këtë të enjte në Kryesinë e Kuvendit, në prezencë të Ruçit, Partia Demokratike ka kërkuar dorëheqjen nga funksioni i Kryetarit të Kuvendit.
Spaho ka shprehur kërkesën në mbledhjen e Konferencës së Kryetarëve. Kjo kërkesë bëhet për shkak të drejtimit të seancës së betimit të kryerprokurores së Përkohshme, Arta Marku.
Spaho theksoi se Kuvendi i Shqipërisë me votat e mazhorancës, në kundërshtim me përcaktimet Kushtetuese, të cilat kërkojnë zgjedhjen e Prokurorit të Përgjithshëm me 3/5 e votave, të propozuar nga Këshilli i Lartë i Prokurorisë dhe të ketë kaluar proçesin e vettingut, e zgjodhi atë me propozim të Grupit parlamentar të Partisë Socialiste, pa vetting dhe me 69 vota.
Spaho vuri në dukje se, kjo shkelje flagrante e Kushtetutës i jep mbrojtje politike dhe antiligjore Edi Ramës, ministrave dhe oligarkëve të tij, i jep mbrojtje Saimir Tahirit dhe aktivitetit të tij kriminal, i cili kanabizoi vendin, i jep mbrojtje Vangjush Dakos nga përgjimet e shërbimeve të huaja, ku në këmbim të votave në zgjedhjet e 25 Qershorit u ofroi grupeve kriminale fonde shtetërore nëpërmjet tenderave publikë, i jep mbrojtje Qazim Sejdinit për lidhjet me krimin e organizuar në Elbasan, pastrimin e parave për të cilën hetohen familjarët e tij dhe blerjen e zgjedhjeve. Ai theksoi se për sa kohë Kushtetuta e Shqipërisë do të shkelet, Parlamenti nuk do të funksionojë në kushte normale.
Ai tha se opozita nuk mund të lejojë shkeljen permanente të Kushtetutës dhe delegjitimimin e institucioneve, duke qëndruar fort në mbrojtje të saj dhe institucioneve demokratike.
“Paralajmërimi i opozitës po vërtetohet çdo ditë me shkarkimin e prokurorëve brenda disa ditëve dhe zëvendësimin e tyre me sejmenë të Edi Ramës, dhënien e pasaportës Saimir Tahirit, lirimin e Orest Sotës, i cili u kap me 863 mije euro dhe dy patenta të Saimir Tahirit si dhe lirimin para disa ditësh të një të burgosuri të proçesit të Xibrakës. Në këto kushte, opozita nuk mund të lejojë shkeljen permanente të Kushtetutës dhe delegjitimimin e institucioneve, duke qëndruar fort në mbrojtje të saj dhe institucioneve demokratike dhe si hap i parë i kthimit të normalitetit në Kuvend, kërkojmë dorëheqjen nga funksioni i Kryetarit të Kuvendit”, theksoi kryetari i Grupit parlamentar të PD, Edmond Spaho.

Marrëdhënie të kushtëzuara me Parlamentin

Spaho paralajmëroi dje në një intervistë mediatike gjithashtu se opozita do të kushtëzojë marrëdhëniet me Kuvendit derisa ai të kthehet në shinat e ligjshmërisë dhe kushtetutshmërisë. “Nuk mund të sillemi sikur nuk ka ndodhur gjë. Shqipëria po rrëshket, u blenë zgjedhjet e 25 qershorit, po rrënohet Reforma në Drejtësi, po rrënohet pakti i korrikut 2016 si dhe zhvillimet tejet negative për lidhjet e qeverisë me grupet kriminale. Ju e dini dosjen e Saimir Tahirit, i dini akuzat për kryebashkiakun e Durrësit dhe Elbasanit, kapjen e sistemit të drejtësisë dhe emërimin me dhunë të kryeprokurorit të përkohshëm. Nuk bëhet fjalë për përkohshmëri, por për ndërhyrje në sistemin e drejtësisë. Pas emërimit iu lirua pasaporta Saimir Tahirit, u lirua Orest Sota që u kap me 863 mijë euro dhe dy pasaporta të Tahirit, u lirua edhe një i arrestuar për “Xibrakën”. Kjo vërteton atë që përmes lëvizjeve në Prokuori mazhoranca synon të mbrojë Edi Ramën dhe bashkëpunëtorët e tij, të cilët drejtësia po synonte t’i vendoste përpara përgjegjësisë. Ne do të përgjigjemi, do reagojmë, marrëdhënie e kushtetuësja ka të bëjë me kthimin e legjimitetit të instituciioneve. Sa kohë mazhoranca do shkelë Kushtetutën, ne s’mund të sillemi sikur jemi në kushte normale”, tha numri dy i PD, Edmond Spaho.

Gjykata e Strasburgut ka rrezuar qeverinë Rama për çështjen e pallatit të shkatërruar në Vlorë në vitin 2013 për ndërtimin e ‘Lungomares’. Gjykata e Strasburgut ka vendosur në mënyrë unanime se qeveria shqiptare ka shkelur të drejtat e njeriut dhe urdhëron qeverinë shqiptare të dëmshpërbleje familjaret e dëmtuar nga shembja e pallatit.

Sipas vendimit, qeveria shqiptare duhet të paguaje 13 milion euro për vendimin e shkatërrimit të një pallati banimi të pajisur me leje të rregullt. Vendimi i gjykatës së Strasburgut hap një precedent për çdo qytetar prona e të cilit shkatërrohet në mënyrë të paligjshme nga qeveria.

Kompleksi “Jon” në afërsi të Ujit të Ftohtë në Vlorë është rrafshuar përfundimisht pas marrjes së pushtetit nga Rama në vitin 2013. Shembja e pallatit me pronar vjehrrin e Lulzim Bashës shkaktoi shumë debate, ndërsa çështja u dërgua në Strasburg.