30.5 C
Tirana
E hënë, 18 Gusht, 2025
type here...

Thikë mu në zemrën e shoqërisë

NGA REDI SHEHU 

I nguli thikën mu në zemër 14-vjeçarit. E shtyu thellë atë derisa përshkoi gjithë shoqërinë shqiptare tejpërtej. Pastaj, me krenari postoi në Colosseum-in dixhital tonin, armën së bashku me një nënqeshje rrëqethëse, duke ekzekutuar publikisht “common sense”-in me të cilin në rregullojmë përditshmërinë tonë. Një karshillëk si përshtyrje në surratin e secilit prej nesh, që krekosemi se kemi ndërtuar një farë qytetarie që gjarpëron mes smogut qytetas, por që ngelet akoma primitive nën sfondin e reklamave digjitale të ‘city light’-ve komerciale. Sa herë që mjete të ftohta e të mprehta, të nxehta e fishkëllyese, tejshpojnë trupa burrash e grash, fëmijësh e pleqsh, shoqëria jonë ngrihet duke ulëritur me jehonë që shuhet vetëm në pak ditë në pritje të plagëve të radhës. Qasja jonë në këto histori ka qenë reaguese jo parandaluese, sepse e para është më e thjeshtë, ndërsa e dyta më e vështirë, e cila nuk do thjesht masa, por do zemra e njerëz, humanizëm e këmbëngulje.

Para se të pyesim se përse e vrau, ne duhet të pyesim se çfarë i ofruam ne atij? Çfarë bota sot po u ofron brezit të ri? Globalizimi i ekonomisë, tregut, ideve, modës e qejfit, medias, spektaklit dhe vanitetit e të çoroditjes së familjes ka sjellë edhe globalizimin e dhunës, dhimbjes e të gjitha pasojave që ato sjellin. Me pak fjalë ka sjellë globalizimin e ulërimës, e cila merr të njëjtën trajtë pavarësisht flamujve nga vjen. Sipas Organizatës Botërore të Shëndetësisë, mbi 10.000 të rinj në Evropë mes moshës 15-29 vjeç humbin jetën çdo vit nga dhuna e përdorimit të armëve të ftohta. Në Britani, krimet me thikë mes moshave 13-19 vjeç, çdo vit kalojnë 280, shifër e cila është thjesht dyfishuar krahasuar me vitet paraardhëse. Në Australi panorama është edhe më pesimiste. Ndërsa përsa i përket Shteteve të Bashkuara, statistikat për vitin 2023 të vrasjeve me thikë kapin shifrën prej 119.892 personash, ku adoleshentët përbëjnë absolutisht grupin më të madh të këtyre viktimave.

Ky është jo vetëm një problem i yni, ky është edhe problem i yni. Territoret janë të ndryshme, ndërsa ushqimi është i njëjtë. Përgjegjësia është fjala më e artikuluar, por, nga kush? Duhet ta pranojmë që të gjithë jemi brenda një dalldisjeje, e cila na ka marrë jo vetëm vëmendjet tona, por na ka marrë bashkë me fytyrën edhe shpresat tona. Kërkojmë të kemi rezultate të ndryshme nga e njëjta metodë. Kërkojmë të kemi siguri e prosperitet, dije e arsimim, drejtësi e qeverisje të mirë duke kërkuar vetëm në katalogjet memories sonë, por pa ndryshuar asgjë nga vetja dhe duke bërë ekzaktësisht me vetëdije të njëjtat gabime.

Thika në të vërtetë u ngul mu në zemrën e shoqërisë tonë. U rrotullua mirë për të treguar se vdekja e saj është e pashmangshme. Kjo nuk ishte thjesht një vrasje. Jo, ajo ishte një vrasje arrogante e vlerave të cilat të struktura e të ndrojtura, kanë ngelur në skutat më të largëta të vetëdijeve tona. Virtyti është fshehur si pasojë e arrogancës sonë, paaftësisë për ta formatuar vetveten në versionin e të qënurit pozitiv. E mira sot ka më shumë se kurrë veti avulluese, zhduket menjëherë nga kujtesa, e cila pushtohet patundshëm nga mosmirënjohja dhe egoizmi. Në kohën kur mashtrimi dhe hipokrizia heqin hopthi vallen e së vërtetës, poshtërsia dhe maskarallëku asfiksojnë çiltërsinë e ku imoraliteti turbullon shqisat dhe perceptimet, ecja vetëm në shtegun gjithnjë e më të ngushtë të së drejtës bëhet pothuaj një pamundësi. Zhveshja e shpirtit dhe e trupit nga petku i së moralshmes, sot përbën një rutinë, ndërkohë që fisnikëria qëndron e trembur prej faktit e të qenurit një gjë e rrallë. Respekti dhe dashuria, në emigrim e sipër, kundrojnë shoqërinë tonë si të ishte një rrënojë lufte me viktima që ecin. Vringëllues të shpatave prej gjuhe vrasim e presim realitetin dhe pastaj kthehemi të pikëlluar në funeralin e së vërtetës të mallëngjyer me pika loti të parafabrikuara.

Kohë më parë, Peter Maurin dhe Dorothy Day patën përkufizuar shoqërinë virtuoze si bazë e civilizimeve, duke u mbështetur në postulatin se një shoqëri e mirë është ajo shoqëri që ta lehtëson punë për të qenë njeri i mirë. Një shoqëri e lirë është ajo shoqëri që ta lehtëson punën për të qenë njeri i lirë. Që të jesh i lirë dhe të jetosh i lirë do të thotë se duhet të jetosh shpirtërisht, sepse vetëm shpirti është i lirë. Ajo që po ndodh me shoqëritë relativiste sot është se ata duke zhbërë kuptimin e ligjeve morale, duke atomizuar, thërrmijëzuar dhe subjektivizuar kuptimin e të qenurit i mirë dhe të qenurit i lirë, në fund të fundit kanë ekzekutuar shpirtin, e kanë futur brenda një burgu, i cili rrethohet nga një liri aparenciale mashtruese. Është kjo natyrë e shoqërive të sotme, të cilën Hannah Arendt e përkufizonte si krizë autoriteti, një krizë e autoritetit moral që shpërfaqet si kaos. Krizë ndaj të kuptuarit se parimet morale që në thelb janë të pandryshueshme, janë objektive dhe mbi të gjitha, janë parime universale.

Çfarë u ofrojmë ne fëmijëve tanë? Çfarë i ofron shoqëria e sotme rinisë? Më kujtohet se një njeri i mençur pat thënë se “fëmijët janë si një arkë kursimi, ku prindërit depozitojnë sjelljet e tyre”. Në fakt, fëmijët tanë janë depozita plote apo boshe të sjelljeve dhe moraleve tona. U bënë dekada që bëjmë përgjegjës institucione e struktura, deri edhe media, por përsëri fenomeni sa vjen dhe rritet. I tillë është edhe në ato shoqëri të zhvilluara, ku institucionet dhe shërbimet janë në nivele më të larta. Treguesit na çojnë në faktin se nuk kemi gjetur çelësin për ta zgjidhur situatën, për sa kohë edhe në ato vende ku nuk ka probleme me shërbimet ndaj qytetarëve, situata është e njëjtë. E çelësi është te bërthama e njeriut, te shpirti i tij. Ne nuk mund të pretendojmë të kemi një shoqëri të mirë e të drejtë, nëse atë e ushqejmë vazhdimisht me produkte që i vrasin shpirtëroren dhe e shpërbëjnë të natyrshmen brenda saj. Një shoqëri pa shpirt është një shoqëri boshe pa përgjegjësi, pa fajtorë e për rrjedhojë pa pendim. E kur nuk pendohesh, atëherë nuk ka asnjë arsye që të përmirësohesh.

Kaosi dhe përshpejtimi brenda rendit të ri të unifikuar digjital kanë zëvendësuar dy qendrat e pushtetit të shoqërive tradicionale do të thoshte Foucault, fenë dhe qeverinë. Ata zëvendësuan fuqinë e strukturave tradicionale mbi jetën, lidhjet familjare dhe sjelljen e individëve. Ata praktikisht përkryen procesin më të panatyrshëm në botë, atë ndarjes së vetes nga vetvetja. Atë të njeriut që biologjikisht është i gjallë ama shpirtërisht pa faj, pa pendim, pa jetë. Në këtë optikë, marrja e çdo mase institucionale, e cila ofron vetëm riparime të jashtme ka një sukses me koeficient të kufizuar. Rezultati real ndjehet kur njeriu t’i kthehet vetes së vet përmes çdo lloj procesi që të rikthen te natyrshmëria e tij, ku padyshim është edhe institucioni i një familjeje me vlera.

FOTO/ Erë e fortë dhe reshje shiu gjatë natës, disa zona të Shkodrës pa energji elektrike! Masivi shkëmbor rrezikon një banesë

Reshjet e dendura të shiut dhe era e fortë gjatë natës kanë sjellë jo pak probleme në disa fshatra në Shkodër.

Raportohet se në Bashkinë Vau i Dejës, në disa fshatra të njësive administrative, Bushat, Hajmel dhe Vig-Mnele, mungon plotësisht energjia elektrike.

E njëjta problematikë dhe në territorin e Bashkisë Fushë-Arrëz, ku si pasojë e reshjeve të dendura të shiut, janë dëmtuar pothuajse të gjitha rrugët rurale, janë shënuar rrëshqitje dherash dhe rënie gurësh në rrugë.

Po ashtu, që nga dje pasdite, ka pasur ndërprerje të energjisë elektrike në njësitë administrative Qafë-Mali, Iballe dhe Blerim. Mësohet se janë dëmtuar disa pallate në qytetin e Fushë-Arrëzit, ndërsa çatia e një katramaje është shkëputur nga era e fortë.

shkoder (3)

Edhe në spitalin e Pukës është dëmtuar çatia e spitalit si pasojë e erës së fortë, e cila ka shkëputur një pjesë të çatisë me përbërje llamarine.

 

Njofitmi

Ju informojmë se gjatë natës, në të gjithë territorin e Qarkut Shkodër ka pasur erë të fortë dhe reshje shiu. Aktualisht, reshjet e shiut kanë pushuar.

Sipas informacionit nga strukturat MC të Bashkisë Vau i Dejes, ka pasur mungesë të energjisë elektrike në disa fshatra të njësive administrative Vau i Dejes dhe Bushat. Në fshatrat e njësive administrative Hajmel dhe Vig-Mnele, mungon plotësisht energjia elektrike.

Në Bashkinë Pukë, është dëmtuar çatia e spitalit si pasojë e erës së fortë, e cila ka shkëputur një pjesë të çatisë me përbërje llamarine.

Në territorin e Bashkisë Fushë-Arrëz, si pasojë e reshjeve të dendura të shiut, janë dëmtuar pothuajse të gjitha rrugët rurale, janë shënuar rreshqitje dherash dhe renie gurësh në rrugë. Që nga dje pasdite, ka pasur ndërprerje të energjisë elektrike në njësitë administrative Qafë-Mali, Iballe dhe Blerim. Po ashtu, janë dëmtuar disa pallate në qytetin e Fushë-Arrëzit, ndërsa çatia e një katramaje është shkëputur nga era e fortë.

Po rrezikohet banesa e shtetases Leonora Morina, pasi një masiv shkëmbor është shkëputur dhe i ka rrezikuar shtëpinë.

Sipas informacionit nga Drejtoria Rajonale e Vetëqeverisjes Vendore Shkodër (DRV), qarkullimi vijon pa probleme dhe firmat mirëmbajtëse janë në gatishmëri me mjete dhe punonjës.

Nga Drejtoria e Ujërave të Kaskadës së Drinit dhe Liqenit të Shkodrës (DrUK) informohemi se, gjatë 24 orëve të fundit, reshjet e shiut prej rreth 30 mm nuk kanë shkaktuar probleme në infrastrukturën e kullimit, në argjinaturat dhe në digën e rezervuarit të Shtodrit.

Një qeveri hipokrite nuk është asnjëherë zgjidhje!

Nga Namir Lapardhaja

Qeveria nuk mund të lajë duart me dhunën dhe degradimin e shkollës duke thënë se do mbyllim “TikTok-un” dhe “SnapChat-in” dhe me këto masa do reduktohen dhe parandalohen ngjarje si ajo e pak ditëve më parë në shkollën “Fan Noli”.

Një qeveri e përgjegjshme, që kërkon vërtet një zgjidhje për problemet e shkollës dhe të adoleshentëve, si një moshë shumë e vështirë dhe shumë delikate, nuk mund të jetë kaq e papërgjegjshme, duke mos mbajtur asnjë lloj përgjegjësie dhe duke mos reflektuar kurrfarë vrasje ndërgjegjeje.

Edi Rama është hipokrit kur thotë se do të mbyllim një pjesë të rrjeteve sociale, ndërkohë që personazhet e njohur nëpërmjet kësaj bote, që transmetojnë vetëm dhunë dhe konflikt në këngët dhe ‘artin’ e tyre, i ka në krye të fushatës dhe koncerteve elektorale të Partisë Socialiste.

Së dyti, një qeveri e përgjegjshme, që ka qëllim të përmirësojë situatën dhe të zgjidhë problematikën brenda mundësive dhe aftësive të saj, nuk mund të flasë vetëm për arritje imagjinare dhe të paqena, por do duhet të ngrejë disa pyetje: Ku kemi gabuar? Çfarë nuk kemi bërë si duhet? Çfarë duhet të përmirësojmë në sistemin e shkollimit dhe të edukimit? Cili është roli i mësuesit dhe i edukatorit sot në shkollë?

Së treti, një qeveri që përpiqet për të mirën e njerëzve dhe të komunitetit, nuk mund të jetë hipokrite dhe të mos e shoh realitetin e politizuar ekstremisht të të gjithë hallkave të institucioneve shkollore, duke filluar nga drejtori i shkollës, psikologu, oficeri i sigurisë etj., të cilët, në masë të madhe, më shumë se sa për t’i dhënë zgjidhje konflikteve mes adoleshentëve, përpiqen t’i mbajnë ato të mbyllura që të mos dalin jashtë mureve të shkollës, në mënyrë të mos bëhen problem për mediat etj.

Së katërti, një politikë që kërkon zgjidhje pa pyetur dhe pa i marrë mendim apo opinion mësuesve, është e destinuar të dështojë, sepse askush tjetër më mirë se mësuesit, të cilët kanë punë të drejtpërdrejtë dhe të përditshme me këto mosha, nuk i di problemet e adoleshentëve.

Së pesti, ka një mori aktesh ligjore dhe nënligjore, rregullash dhe obligimesh që i tregojnë nxënësve të drejtat e tyre, por shumë pak që i obligojnë në detyrimet e tyre; ka shumë rregulla që i tregojnë mësuesve penalitetet e tyre nëse sillen ‘keq’ ndaj nxënësve, por asnjë rregull që mbron mësuesin përballë dhunës dhe trysnisë në punën e tyre. Kjo duhet të marrë fund. Ligji duhet të mbrojë mësuesin, sepse ai nuk mund ta kryejë siç duhet detyrën e tij nëse nuk e ka një mbrojtje të tillë. Kam parë mësues që kanë frikë nga nxënësit dhe prindërit e tyre të dhunshëm, duke mos pasur kurajo të marrin masat e duhura ligjore në raste të dhunës ekstreme.

Vetëm një politikë e përgjegjshme, që ka aftësinë të ngrejë pyetjet e duhura për të dhënë zgjidhjet e nevojshme, është çelësi i suksesit për të minimalizuar dhe parandaluar akte të tilla të dhunshme. Përndryshe, një qeveri hipokrite dhe një shoqëri që gëlon në përditshmërinë e saj nga një narrativë e dhunshme që vjen nëpërmjet politikës dhe ekranit, do të pjellë në përditshmëri vetëm akte të tilla, që cilat, siç e tregoi edhe ngjarja e fundit, do të kenë pasoja fatale për jetën e adoleshentëve.

Qeveria e Edi Ramës sërish selektive: Asnjë zë investimesh në buxhetin e ‘2025’ për Veriun e vendit

Edi Rama dhe qeveria e tij mburret lart e poshtë për rritjen e të ardhurave në buxhet si pasojë e rritjes së numrit të turistëve, të cilët kanë sjellë të ardhura për strukturat e shërbimeve. E më pas këto biznese kanë paguar taksa më shumë në shtet.

Siç e tregojnë të gjitha statistikat, veriu i Shqipërisë, përkatësisht bregdeti dhe zona e mrekullueshme malore e alpeve por edhe ajo e Korabit apo Krujës etj, kanë pasur një numër më të madh turistësh efektiv se bregdeti i jugut. Këto janë fakte që paraqiten qartë në statistikat e INSTAT.

Pra, edhe pse infrastruktura rrugore në veri është më e prapambetur sesa ajo e jugut të vendit, tërheqja e turistëve ka qenë e barabartë, për të mos thënë se në shumë raste veriu ka qenë më atraktiv, duke u pëlqyer shumë, sidomos nga turistët perëndimorë. Përkatësisht gjermanë, francezë, zviceranë, skandinavë apo britanikë. Që do të thotë vizitorë me gjendje më të mirë ekonomike, e mundësi për të shpenzuar më shumë. Shkurt: turistë cilësorë.

E sipas gjasave, ky trend është në rritje dhe e tregojnë të gjitha parashikimet si ato vendore ashtu edhe ndërkombëtare.

Që do të thotë sërish, se kemi një mundësi edhe më të madhe të rritjes së të ardhurave.

Por çfarë ndodh konkretisht?

Në ligjin e “buxhetit më të madh”, në mënyrë skandaloze nuk është parashikuar asnjë investim vital për veriun, në mënyrë që të lehtësojë rritjen e fluksit, e të shtojë gjithnjë e më shumë trendin e ardhjes së turistëve cilësorë, përkatësisht nga vendet e zhvilluara.

Nëse shihen me kujdes zërat e investimeve në buxhetin e shtetit për vitin 2025, ka miliarda të akorduara me zëra të veçantë për projekte infrastrukturore në jug. Pjesën e luanit e kanë investimet në një segment vetëm 4.8 kilometra i gjatë që është zona Palasë-Dhërmi.

Ndërkohë që vazhdojnë investimet kapitale në Vlorë, Fier, Sarandë e Ksamil.

Nga ana tjetër, edhe në investimet e paracaktuara për Fondin Shqiptar të Zhvillimit, i cili ka kryesisht nën hyqëm zonat e brendshme e rurale, mungon ose është përfshirë shumë pak zona e veriut.

Zërat e vetëm në buxhet të paracaktuara për disa zona, janë ajo e mbylljes së Rrugës së Arbrit që u kthye si Kalaja Rozafës, e që është PPP në vazhdim, janë disa të tjera për struktura të caktuara sociale si materniteti i Shkodrës etj, që kanë qenë të nisura më kohë.

Asgjë për rrugën kalvar Tiranë-Shkodër, apo Milot-Shkodër. Madje as PPP-ja e Balldrenit nuk është parashikuar në vitin e ardhshëm. Me një fjalë, të shkosh në veri, do të kemi të njëjtën panoramë rraskapitëse, ndërkohë që për në jug po mbarohet autostrada e re Tiranë-Durrës. Me shpejtësi po rindërtohet dhe rruga Ndroq-Plepa.

Qartësisht ka një prioritet të Edi Ramës dhe qeverisë. Për të kanalizuar paratë, fondet dhe investimet vetëm në një pjesë të vendit. Kjo e ka emrin prioritet investues. Pra Rama do që së pari(së paku) të zhvillohet jugu, i cili vjet pati alarmin e madh të pakësimit të turistëve. Pasi operatorët atje u çmendën me çmimet e larta. 15 euro një pjatë makarona, makarona! Ndërkohë në Lezhë, Shkodër apo pjesë të tjera çmimet ishin dyfish më pak. 7 euro një pjatë makarona, madje të bëra vetë e jo të blera të thata.

Vjet, në mënyrë të qartë, garën e fitoi veriu, edhe pse u godit poshtë brezit me fake news-e dhe me zjarre të “papritura” që të frikësojë vizitorët që e pëlqejnë gjithnjë e më shumë të shkojnë në bregdetin veriperëndimor, në alpe, apo edhe në bukuritë e Dibrës, Kukësit a Matit.

Normalisht një qeveri do të duhet ta nxisë këtë fluks me investime, por nuk e bën. Pasi qartë kërkon ta frenojë, për të mbajtur me zor një fluks nga ana tjetër që duket hapur se po shkon drejt rënies. Pasi nuk i ofron vizitorëve balancën e famshme çmim-cilësi-shërbim./Pamfleti

Qeveria e Edi Ramës sërish selektive: Asnjë zë investimeshQeveria e Edi Ramës sërish selektive: Asnjë zë investimeshQeveria e Edi Ramës sërish selektive: Asnjë zë investimeshQeveria e Edi Ramës sërish selektive: Asnjë zë investimesh

SHBA mesazh Ramës të kufizojë investimet kineze? Nancy VanHorn: Shmangi kompanitë që rrezikojnë sigurinë kombëtare

Shtetet e Bashkuara të Amerikës i kanë dërguar një mesazh të fortë qeverisë sa i takon thithjes së investimeve të huaja.

E Ngarkuara me Punë Nancy VanHorn ka kërkuar të bëhet kujdes me kompanitë që afrohen, pasi disa edhe mund të cenojnë sigurinë kombëtare.

Edhe pse ajo nuk përmendi emër, dyshimet janë se fjala është për kompanitë kineze, pasi në Shqipëri nuk është se ka kompani ruse. Kina është shpallur rivale tregtare nga SHBA dhe ka pasur disa herë raste kur ambasada e SHBA ka qenë kritike ndaj qeverisë. Rasti më i fundit ishte futja e rrjeti “5 G”.

Në një takim të mbajtur nga Dhoma Amerikane e Tregtisë, Nancy VanHorn kërkoi gjithashtu që të mbështetet drejtësia dhe të vijojë lufta ndaj korrupsionit dhe zbatimit të ligjit. Edhe pse organet e reja po sulmohen përditë, e dërguara e SHBA ka dalë krah tyre.

“Sa i takon rrugës drejt BE, kërkojmë të fuqizohet shteti ligjor, kam pasur takime këto ditë dhe sot me institucionet e drejtësisë. Duhet të jeni shumë krenarë për integritetin e këtyre organeve. Kemi parë shumë shifra mbresëlënëse, por ne jemi të drejtpërdrejtë, ne kërkojë më tepër. Ne do të vijojmë të punojmë për këto probleme që ka ngritur Dhoma Amerikane. Janë disa çështje. Si çështja e pronësisë, rritja e transparecës për taksapaguesit. Do të punojmë krah për krah me ju për një klimë të mirë biznesi. Duhet të kemi parasysh dhe disa prej rreziqeve nga investimet problematike. Ambasada e mbështet legjislacionin për shqyrtimin e investimeve. Të shmangim investimet që nuk janë në përputhje me interesat shqiptare apo që sjellin rreziqe. Gjatë rrugës ju bashkohuni vendeve të BE që kanë caktuar hallka për verifikimin e investimeve”, tha ajo.

Po sot e dërguara e SHBA ka zhvilluar një vizitë në Gjykatën e Lartë, ku dha mesazhe mbështetëse për reformën në drejtësi. Në njoftimin e ambasadës së Shteteve të Bashkuara të Amerikës në Tiranë theksohet se: “E Ngarkuara me Punë Nancy VanHorn përsëriti angazhimin e Shteteve të Bashkuara për të mbështetur Gjykatën e Lartë në përparimin e mëtejshëm të shtetit të së drejtës në Shqipëri dhe përgëzoi Gjykatën për progresin e saj të dukshëm në reduktimin e çështjeve të prapambetura, duke e nxitur të vazhdojë ushtrimin e funksioneve të saj me integritet dhe profesionalizëm”.

U përdorën për herë të parë nga Ukraina, çfarë janë raketat “Storm Shadow” që goditën Rusinë?

Ukraina goditi Rusinë për herë të parë me raketa “Storm Shadow” të prodhuara në Mbretërinë e Bashkuar.

Këto armë janë raketa me rreze të gjatë – distanca maksimale që mund të arrijnë është rreth 250 km (155 milje).

Raketa lëshohet nga një avion dhe më pas fluturojnë me shpejtësinë e zërit. “Storm Shadow” konsiderohet si një armë ideale për të depërtuar në bunkerë dhe depo municionesh, si ato të përdorura nga Rusia në luftën e saj kundër Ukrainës.

Çdo raketë kushton gati 1 milion dollarë (767,000 £), kështu që ato priren të lëshohen me kujdes maksimal. Britania dhe Franca i kanë dërguar këto raketa në Ukrainë, por duke thënë se Kievi mund t’i hedhë ato vetëm në objektiva brenda kufijve të tij.

U përdorën për herë të parë nga Ukraina,

Më herët, presidenti Joe Biden i dha “OK” Ukrainës për të përdorur raketa amerikane me rreze të gjatë veprimi për të goditur brenda territorit Rusisë.

Çfarë janë raketat “Storm Shadow”?

Britania e Madhe u bë vendi i parë që furnizoi Kievin me raketa me rreze më të gjatë verën e kaluar. Ai lejoi forcat ukrainase të godasin trupat ruse dhe depot e furnizimit përpara se të niste kundërofensivën vitin e kaluar.

Lidhur me këtë vendim, zëdhënësi i Kremlinit, Dmitry Peskov deklaroi asokohe se Britania i ka dalë kundër aleatëve, duke dërguar armë në Ukrainë.

Raketat prej pesë metrash u shpikën në mesin e viteve 1990 nga Britania e Madhe dhe Franca, ndërsa që atëherë janë vendosur në zonat e konfliktit në Irak dhe Libi.

U përdorën për herë të parë nga Ukraina,

Raketa “Storm Shadow”

Pasi lëshohet, çdo raketë mund të udhëtojë deri në 155 milje dhe peshon më shumë se një makinë e vogël. Ai është projektuar për të goditur objektiva statike, të fortifikuara dhe me vlerë të lartë – me një kosto prej 2 milion £ për një raketë.

Raketa përmban dy koka luftarake – e para depërton nëpër fortifikime dhe e dyta shpërthen. Katër metra beton nuk mund ta ndalojë raketën dhe është në gjendje të fluturojë në një nivel shumë të ulët.

Kampionati italian spektakolar këtë sezon, kalendari i buzëqesh Interit dhe Napolit

Seria A është më e bukur se kurrë këtë sezon. Gjashtë skuadra që kanë diferencë të vogël pikësh dhe gjithçka është e hapur për titullin kampion. Është shumë herët për të folur, por nga tani deri në fundin e vitit kalendarik do të ketë disa impenjime që mund të tregojnë se cila është favorite.

Nëse i hedhim një sy kalendarit, Napoli dhe Interi duket se janë më të favorizuara dhe do të tregojnë që janë liderët e këtij kampionati. Por Atalanta së bashku me Fiorentinën që kanë një kalendar mesatar nuk kanë asnjë dëshirë që të dorëzohen tani, në momentin më të bukur.

Impenjimet më të vështira i ka skuadra e Lacios, por edhe Juventusi do të kërkojë të qëndrojë aty nëse heq dorë nga barazimet. Milani duhet që të rikuperojë një ndeshje, por për momentin është e përqendruar edhe në Champions.

Çaji jeshil, gjashtë përfitime të jashtëzakonshme që merrni nga konsumi i tij

Ndër të gjitha varietetet e çajit të disponueshëm në treg, ka të paktën 6 arsye për të zgjedhur çajin jeshil.

  1. Çaji jeshil ka veti antioksiduese

Gjethet e saj përmbajnë një përqendrim të lartë të flavonoideve, të njohura si katekina, të cilat kanë veti antioksiduese. Në veçanti, çaji jeshil është jashtëzakonisht i pasur me EGCG, një katekinë që ofron përfitime anti-inflamatore.

  1. Parandalon disa sëmundje

Çaji jeshil ka aftësinë për të ulur nivelet e kolesterolit, gjë që ndihmon në uljen e rrezikut të sëmundjeve të zemrës dhe goditjes në tru. Sipas një studimi, njerëzit që konsumojnë dy deri në katër filxhanë çaj jeshil në ditë kanë një rrezik 24% më të ulët për të pasur një goditje në tru. Përveç kësaj, flavonoidet që përmban çaji jeshil ofrojnë mbrojtje për zemrën.

  1. Përmirëson shëndetin e trurit

Disa aminoacide dhe katekina ndihmojnë në mbrojtjen e trurit. Një studim i kryer me të rriturit e moshuar tregoi se pjesëmarrësit që konsumonin rregullisht çaj jeshil kishin një rrezik 64% më të ulët për të përjetuar humbje të kujtesës ose probleme të përqendrimit.

  1. Forcon kockat

Konsumimi i tij duket se ofron mbrojtje edhe kundër osteoporozës. Sipas gjetjeve të meta-analizës, polifenolet që ai përmban mund të ndihmojnë në përmirësimin e densitetit të kockave, gjë që është veçanërisht e rëndësishme ndërsa plakemi.

  1. Redukton nivelet e sheqerit

Njerëzit me diabet të tipit 2 ose para-diabet mund të përfitojnë nga pirja e çajit jeshil për shkak të niveleve të larta të L-theaninës që përmban. Ky çaj ndihmon në përmirësimin e niveleve të sheqerit në gjak dhe ndjeshmërisë ndaj insulinës, me kusht që të mos konsumohet me ëmbëlsues.

  1. Ofron energji

Një filxhan çaj jeshil përmban rreth 30 ml kafeinë, që është më pak se ajo e kafesë. Kjo do të thotë se mund t’ju sigurojë energjinë e nevojshme gjatë ditës, pa ndikuar në gjumin tuaj gjatë natës.

“McGonigal afera e shekullit”, Basha: Nëse SPAK do bëj punën e vet deri në fund, Edi Rama do përballet me drejtësinë për dëmet që i ka shkaktuar vendit

Në një intervistë për podkastin “Të Pashoq”, kryetari i Partisë Demokratike-Demokratët Euroatlantikë, Lulzim Basha, deklaroi se Edi Rama mund të përballet me të njëjtat pasoja si Sali Berisha dhe Ilir Meta, nëse SPAK do të kryejë detyrën e tij deri në fund. Ai u shpreh se, pas lidhjeve të Ramës me aferën McGonigal dhe akuzave të tjera, kryeministri nuk mund të ndjehet i sigurt.

Basha theksoi se Rama ka tentuar të ndikojë dhe të kapë SPAK-un, por shtoi se, nëse ky institucion vepron pa presione politike, të tre liderët mund të gjenden përpara drejtësisë për aferat e mundshme korruptive.

Basha ritheksoi mbështetjen e plotë për SPAK, që sipas tij është jetike për të ardhmen e vendit.

Pjesë nga intervista:

Lulzim Basha: Ajo që është frustruese është padiskutim, është ajo se çfarë po ndodh me Edi Ramën? Dhe kjo është pikërisht, siç ju thash në fillim të këtij bashkëbisedimi që tmerron Edi Ramën. Se në qoftë se shikon zotin Berisha të përballet me këto akuza dhe në fund është drejtësia ajo që do të jap përgjigjen për këto akuza, imagjinoni se çfarë e pret Edi Ramën me të njëjtin standart.

Pyetje: Ju i besoni vendimmarrjes të kësaj drejtësie?

Lulzim Basha: Unë mendoj se sot, gjithmonë në veçanti sot është jetike për të ardhmen e vendit që SPAK të ketë mbështetje totale dhe të pakushtëzuar politike. Por kjo sdo të thotë që SPAK është perfekt, asgjë në këtë botë nuk është perfekt, vetmë Zoti është perfekt.

Pyetje: Nuk e besoni që është i kapur nga Rama, se keni pjesë të retorikës tuajm kështu që kot po e bëj këtë pyetje.

Lulzim Basha: Nuk e vë në dyshim që Rama nga mëngjesi deri në darkë bën gjithçka për të intimiduar, për të kapur, për të vënë nën presion SPAK-un. Por ka dy aleatë këtu që janë Sali Berisha dhe Ilir Meta.

Pyetje: Po mirë si janë aleatë këta?

Lulzim Basha: Sepse ndajnë të njëjtat halle.

Pyetje: Sot janë të dy liderët e opozitës, dy kryesorët janë në izolim. Njëri shtëpiak prej gati një viti dhe tjetri prej pak kohësh në qelitë e 313-ës.

Lulzim Basha: Sepse në qoftë se SPAK do ta bëj punën e vet deri në fund, së shpejti do t’u bashkohet dhe Edi Rama.

Pyetje: E besoni ju këtë?

Lulzim Basha: Nëse SPAK do të bëjë punën e vet deri në fund, së shpejti duhet t’u bashkohet dhe Edi Rama. Dhe kjo i bën bashkëaksionerë të betejës kundër SPAK-ut.

Pyetje: E keni informacion, apo e keni perceptim?

Lulzim Basha: Shiko, një njeri i cili qartësisht është kapur në aferën e shekullit, aferën McGonigal. Gjurmët e të cilit ndodhen në çdo aferë korruptive madhore si rezultat i së cilës Shqipërisë i kanë humbur miliarda euro çdo vit. Padiskutim ka lënë mjaftueshëm indicja edhe pa kallëzime penale që tashmë janë bërë kundër tij në SPAK, për të mos e bërë gjumin e qetë.

“Dera ime ka qenë e hapur sa herë kanë trokitur forcat e reja”, Basha: Parakusht për bashkëpunimin integriteti, distancimi nga krimi dhe paratë e pista. Do jemi në garë si alternativë që i shërben njerëzve

Në podkastin “Të Pashoq”, kryetari i Partisë Demokratike-Demokratët Euroatlantikë, Lulzim Basha, theksoi se dera e tij ka qenë gjithmonë e hapur për forcat e reja që kanë trokitur për të bashkëpunuar.

Ai theksoi se parakushti për çdo kandidat është integriteti, duke theksuar se nuk pranojnë lidhje me krimin ose para të pista. Basha shpjegoi se Demokratët Euroatlantikë janë një strukturë e konsoliduar që ka një program të shpalosur dhe që përfaqëson një alternativë për Shqipërinë.

Më tej ai theksoi se kandidatët për deputetë do të vijnë nga komunitetet, qw jetojnw me hallet e qytetarwve.

Pjesë nga intervista:

Lulzim Basha: E para e punës dera ime ka qenë e hapur sa herë kanë trokitur forcat e reja dhe forca të regjistruara më parë në zgjedhje. Kanë trokitur ata në derën time, jo unë.

Pyetje: Kush janë ata?

Lulzim Basha: Ska rëndësi, e dinë fare mirë ata që kanë trokitur. Pastaj vendosin vet. Nuk jam unë që vendos strategjitë dhe prioritetet e tyre politike, unë vendos prioritetet për Demokratët Euroatlantikë dhe për aleatët tanë. Ne kemi një parakusht që shtë integriteti i çdo kandidati. Pra, jo para të pista, jo lidhje me krimin dhe nuk kemi asnjë paragjykim tjetër. Pastaj nëse dikush që ka trokitur disa herë në derën tonë ndryshon mendje për një arsye apo për një arsye tjetër, ia lëmë atyre.

Pyetje: Ky dikush do pranojë një listë të stërgjatë nga radhët tuaja që ta fus tek lista e vet si? Se dua të di objektivin e 2025-ës, deri ku shkon përveç Lulzim Bashës që mund të marrë nga një mënyrë apo në një tjetër jë tjetër mandat deputeti në Kuvend. Se sbesoj të jetë ambicja vetëm për kaq.

Lulzim Basha: Këto janë ato që i quajtët forca të reja. Unë nuk jam këtu si një individ. Unë përfaqësoj këtu një strukturë të shtrirë në 5 mijë qendra votimi në të gjithë Shqipërinë. Me struktura të angazhuara, me kryetar degësh, me Kryesi partie, me Këshill Kombëtar, me vendimmarrje, me program. E vetmja forcë politike që ka një program të shpalosur tashmë. Dhe sigurisht këtu ka vend edhe për ato forca të cilat numerikisht mund të përbëhen nga disa individ, disa prej tyre siç e kanë pranuar në ato takime, skanë as struktura. Për sa kohë qëndrojnë të vendosur kundër qeverisjes së Edi Ramës dhe për një alternativë e cila i shërben njerëzve, i shërben Shqipërisë.

Pyetje: Po për kandidat për kryeministër humb shansi në 2025-ën, apo?

Lulzim Basha: Varet gjithçka nga performanca elektorale. Por këtu si asnjëherë tjetër ne do t’i qasemi njerëzve pa asnjë kompleks për të kaluarën . Ne do t’u çojmë kandidat për deputetë e para vijnë nga komuniteti. Kur thonë fikin dritën me komunitetin që kërkojnë votën natën, zgjohen me ta, çojnë fëmijët në shkollë me ta, përballen me problemet e rendit public me ta, kur thonë dëgjojnë krsimën kokë më kokë me ta. Pra nuk ndodhen në longet ekskluzive dhe të shtrenjta të Tiranës, ndërkoh krimi ndodh në Shkodër apo në Elbasan apo në lagjet e Tiranës. Pra, njerëz që jetojnë me hallet e njerëzve. Ky është mësimi i parë nga e kaluara dhe mësimi i dytë është që ne do t’i japim fuqi atyre që në këto tre vite kanë qëndruar me sakrificë personale për diçka më të madhe që kanë besuar.

1...616617618...8 382Faqja 617 nga 8 382

Kryesore

Continue to the category
Më shumë
© 2024 Rilindja Demokratike Euroatlantike