27.5 C
Tirana
E enjte, 17 Korrik, 2025
type here...

1 ton drogë nga Shqipëria sekuestrohet në Malin e Zi

Policia e Malit të Zi ka sekuestruar 1 tonë drogë të futur nga Shqipëria dhe ka vënë në pranga 11 persona. Policia malazeze bëri të ditur se gjatë operacionit të koduar “Trik”, i cili ka një vit që ka nisur, ka sekuestruar një sasi prej 928 kg lëndë narkotike e llojit kanabis sativa, 1,7 kg drogë e llojit heroinë dhe 3 kg bazë materiale për përzierjen e lëndës narkotike heroinë. Në prangat e policisë malazeze në Podgoricë të sektorit anti-narkotike ka rënë shtetasi Ndue Pepaj 27 vjeç shtetas shqiptar dhe banues në Malësi të Madhe, pronar i një lokali në zonën e Bajzës.
Ai akuzohet nga Prokuroria në bazë të hetimit se ka qenë kreu i grupit kriminal të strukturuar, të cilët nga Shqipëria kanë trafikuar lëndën narkotike në Mal të Zi dhe e kanë shpërndarë atë nëpër vende të ndryshme. 8 persona të tjerë janë arrestuar që nga fillimi i këtij aksioni policor një vit më parë. Ndërsa, ditën e dielë dhe të hënë në Podgoricë në pranga kanë rënë Ndue Pepaj 27 vjeç me shtetësi shqiptare banues në Malësi të Madhe dhe shtetasit Gjon Junçaj, Vasel Junçaj dhe Violeta Junçaj, të tre këta shqiptarë nga Tuzi i Malit të Zi.
Ndërsa janë kryer edhe kontrolle në disa banesa, ku dyshohet se janë përdorur nga ky grup kriminal si dhe janë sekuestruar tre automjete si dhe një armë zjarri automatik, e cila ka qenë e groposur në bahçen e një shtëpie në lagjen Konik të Podgoricës, ndërsa do i nënshtrohet akt ekspertizës, pasi dyshohet se mund të jetë përdorur në kryerjen e vrasjeve në Mal të Zi. Ndaj shtetasit Ndue Pepaj, Prokuroria e Malit të Zi ka ngritur akuzën për ‘krijim të grupit të strukturuar kriminal dhe trafikim ndërkombëtar të lëndëve narkotike’.
Në Podgoricë janë kryer kontrolle në disa banesa që dyshohet se janë përdorur nga të arrestuarit. Po ashtu u sekuestruan tre automjete, si dhe ky automatik “kallashnikov”, që gjendej i groposur në bahçen e një shtëpie në lagjen Konik të Podgoricës. Ndaj Ndue Pepajt, Prokuroria e Malit të Zi ka ngritur akuzat për “Krijim të grupit të strukturuar kriminal dhe trafikim ndërkombëtar të lëndëve narkotike”.

Shqiptari kapet në Itali me 5 kg kokainë

Një shtetas shqiptar 27 vjeç është arrestuar për trafik droge nga Policia e Bergamos. Policia italiane e Bergamos ka arrestuar në flagrancë një çift francez të moshës 58 e 47 vjeç si dhe një shtetas shqiptar 27 vjeç me akuzën e trafikut të drogës së tipit kokainë. Arrestimi i tyre është bërë në periferinë e Komunës Ponte San Pietro të Bergamos. Ka qenë automjeti i tipi “Seat Ibiza” me targë franceze i parkuar në një zonë periferike të qytezës, i cili ka tërhequr vëmendjen e forcave të policisë.
Gjatë kontrollit ata kanë zbuluar në flagrancë një shtetas shqiptar 27 vjeç banues në komunën Grassobbio, ndërsa i paguante 180 mijë euro cash çiftit francez, e merrte në dorëzim 5 kg kokainë. Droga ishte e fshehur poshtë sediljes në një vend të komanduar në mënyrë elektrike për hapjen e mbylljen e tij. Ndaj 3 personave është lëshuar urdhëri i arrestimit me burg.

Trafik kokaine nga Shqipëria në Itali

Operacioni i koduar “Shuttle 2015” i Policisë Financiare italiane e qytetit të Mesinës në Siçili, ka shkatërrruar një bandë trafikantësh droge mes Shqipërisë e Italisë. Ky operacion ka çuar në urdhër arrestimin ndaj 9 personave, njëri prej të cilëve është shtetas shqiptar. Ky grup kriminal trafikonte hashash e kokainë nga Shqipëria në rajonet e Puglias e Siçilisë me anë të autobusëve të linjës, prej nga ka marrë dhe emrin operacioni i policisë italiane.
Grupi i trafikantëve drejtohej nga një grua Giacoma Cambria, e cila së bashku me dy vëllezërit e saj Michele e Giovanni planifikonin transportin e drogës përmes furnizuesve shqiptarë e pugliezë.
Korrierët e drogës shfrytëzonin autobuzët e linjës Puglia-Messina, për të transportuar hashash e kokainë deri në Messina ku më pas u shitej trafikantëve të vegjël të territorit. Me urdhër të prokurores Daniela Urbani është lëshuar urdhër arresti me burg ndaj 3 personave e ndërsa 6 të tjerë janë vënë nën urdhër arresti shtëpiak.
Nën urdhër arresti shtëpiak me akuzën e trafikut të lëndëve narkotike dhe pjesëmarrje në organizim të paligjshëm kriminal është vënë dhe shqiptari Nikol Marku 37 vjeç, anëtar i kësaj bande trafikantësh. Gjatë operacionit “Shuttle 2015” u sekuestruan 5 kg hashash e 50 gramë kokainë.
Hetimet, të koordinuara nga Prokuroria, kanë zbuluar se banda e trafikantëve drejtohej nga një grua dhe dy vëllezërit e saj, të cilët planifikonin transportin e drogës bashkë me furnizuesit puljezë e shqiptarë, të ndihmuar nga korrierë besnikë, që shfrytëzonin linjat e autobusëve që shkonin nga Puglia në Messina, duke kaluar ngushticën me anije. Pasi arrinte në Messina, droga u dorëzohej trafikantëve lokalë. Droga e trafikuar kap vlerën rreth gjysmë milioni euro. Personat e goditur nga operacioni janë tetë italianë dhe një shqiptar.

 

Fakte të reja si Rama ka vënë shtetin në shërbim të Balilajve

 

Vendimi i opozitës për të nisur një valë protestash, duke filluar nga javët e para të janarit është vendimi që përgjigjet thirrjes së qytetarëve. Kreu i PD, Basha përmend fakte të reja që dëshmojnë se si Rama ka vendosur gjithë shtetin në shërbim të grupeve kriminale të trafikut të drogës.
“Nuk ka njeri në Shqipëri dhe jashtë vendit sot që të besojë se
-Edi Rama dhunoi Kushtetutën,
-goditi Reformën në Drejtësi,
-emëroi një kryeprokuror pa veting,
-vodhi votat e opozitës,
-përdori Gardën për t’i hequr të drejtën e fjalës opozitës brenda në Parlament
-që të zgjedhë një kryeprokuror që çon përpara drejtësisë Saimir Tahirin, Vangjush Dakon apo ministrat e tij të korruptuar. Natyrisht që nuk ka njeri që e beson këtë.
Ngutja për të zgjedhur një kryeprokuror pa veting dhe në shkelje të Kushtetutës ka për qëllim ndalimin e hetimit për njerëzit më të afërt të Edi Ramës, të akuzuar për trafik ndërkombëtar droge dhe bashkëpunim me krimin e organizuar për Saimir Tahirin, për Vangjush Dakon, për dosjen e “Xibrakës”, për Qazim Sejdinin dhe ministrat e korruptuar. Zgjedhja antikushtetuese dhe pa veting e Kryeprokurorit është tregues i panikut të Edi Ramës, për faktin e thjeshtë, sepse përditë po zbulohen fakte të reja sesi Saimir Tahiri e ka venë Policinë e Shtetit në shërbim të Habiljave dhe të trafikut ndërkombëtar të drogës, fakte që po zbulohen nga hetimi në Itali apo nga raporti i Shërbimit Informativ Shtetëror me 127 oficerë të lartë të Policisë të përfshirë për të cilën Edi Rama e ka ditur prej vitesh dhe nuk ka vepruar. Sepse ka qenë pjesë e skemës, ka qenë motivuese dhe përfituese e drejtpërdrejtë i skemës që e ktheu Policinë e Shtetit nën drejtimin e Saimir Tahirit në një organizatë kriminale në funksion të kthimit të Shqipërisë në nyjën kryesore të drogës në Europë.
Po dalin fakte të reja sesi Edi Rama ka vënë shtetin në shërbim të Balilajve, jo thjesht dhe vetëm mos ekzekutimit të urdhrit ndërkombëtar për arrest nën presion të autoriteteve europiane dhe amerikane, të DEA-s amerikane, por edhe fakti që deri para pak ditësh, Balilajt kanë fituar tendera nga Edi Rama me vlera afro 850 mijë euro për mbrojtjen e objekteve shtetërore.
Kjo është situata, kjo është gjendja, ndaj vendimi i opozitës për të nisur një valë protestash, duke filluar nga javët e para të janarit është vendimi i duhur, është vendimi i drejtë dhe i përgjigjet thirrjes së qytetarëve, të qytetarëve shqiptarë, të cilët nuk mund të pranojnë kurrë që Kushtetuta të dhunohet, e të nëpërkëmbet për të ruajtur, mbrojtur dhe lartësuar pushtetin autokratik dhe kriminal të një qeverie të bërë njësh me krimin dhe krimin e bërë njësh me qeverinë”, tha Basha.

 

Puçi kushtetues ndalet vetëm me përballje popullore

“Fundi i narkoshtetit është i sigurt dhe i pashmangshëm”. Me këto fjalë, Kryetari i Partisë Demokratike, Lulzim Basha paralajmëroi dje fundin e pashmangshëm të qeverisë Rama dhe pushtetit të tij. Përmes një konference me gazetarët, Basha deklaroi se puçi kushtetues i Edi Ramës kundër Reformës në Drejtësi e ka futur vendin në një spirale anormaliteti. Kryeprokurori sot është Edi Rama. Basha theksoi se qëllimi i Ramës është që, përmes kapjes dhe emërimit të një kryeprokurori nën kontrollin e tij politik, të mbyllë dosjen “Tahiri” dhe dosjet e tjera të krimit që i rrezikojnë pushtetin. Nga ana tjetër, ai deklaroi se Edi Rama sabotoi KLP që të emërojë kryeprokuror pa vetting, pa 3/5, antikushtetues, të vonojë formimin e SPAK dhe Byronë Kombëtare të Hetimit. Kreu i PD theksoi se, problemi nuk janë tymueset në Parlament, por thyerja dhe dhunimi i Kushtetutës. Ndaj dhe ai, paralajmëroi se kjo do të ketë pasoja të rënda për stabilitetin dhe për demokracinë në vend. Ndërsa theksoi se, në Shqipëri ka rënë shteti. Ai deklaroi se protestat, që do të vazhdojnë janë shprehje e revoltës qytetare kundër mashtrimit nga Edi Rama me Reformën në Drejtësi. “Kriza e rëndë politike nuk zgjidhet me peticione juridike në Gjykatë, por me përballje politike për Shqipërinë e standardit perëndimor. Puçi kushtetues nuk ndalet me peticion, por vetëm me përballje dhe vendosmëri popullore”, theksoi Basha.

– Zoti Basha, ju thoni se dje mazhoranca ka konsumuar një puç kushtetutes, a do ta godisni në Gjykatën Kushtetuese vendimmarrjen e Parlamentit?
Për pyetjen e parë, dua t’i sqaroj të gjithë qytetarëve shqiptarë. Gjykata Kushtetuese, nuk është as zjarrfikës dhe as forcë paqeruajtëse. Gjykata Kushtetuese është një institucion juridik, i cili ka për detyrë të interpretojë paqartësitë në raport me zbatimin e Kushtetutës. Kushtetuta është qartë si drita e diellit. Askush nuk duhet ta mendojë, as të fshihet pas gishtit, se shpëtimi në krizën ku ndodhet vendi, ku institucionet janë zaptuar nga narkoshteti, ku kryeprokurori është emëruar politikisht në shkelje të Kushtetutës, do të vijë përmes proçedurave juridike apo apeleve dhe ankesave në Gjykatë Kushtetuese. Vetë Gjykata Kushtetuese është në presion, praktikisht e paralizuar si rezultat i ofensivës së narkoshtetit. Ndaj e vetmja zgjidhje për këtë krizë të rëndë politike, të shkaktuar nga një narkomazhorancë dhe nga një narkokryeministër, është një përballje politike, e cila nisi dje dhe do të vazhdojë deri në përfundimin, me fitoren e plotë të kushtetutshmërisë, të lirisë, demokracisë dhe aspiratave të qytetarëve shqiptarë, për një Shqipëri të standardit europian dhe jo një Shqipëri të standardit të narkoshtetit.

– Dje ish-kryeministri Berisha, ka hedhur idenë e djegies së mandateve, në shenjë proteste ndaj vendimit të mazhorancës. E mbështesni këtë ide?
Opozita i ka diskutuar në detaje të gjitha opsionet dhe të gjitha opsionet mbeten të hapura. Vendimet e opozitës do të jenë në përputhje me interesin më të mirë të Shqipërisë dhe shqiptarëve.

– Zoti Basha, ju e konsideruat votimin, nul, si një detaj, por që është edhe në shkelje të Rregullores së Kuvendit, a do ta quani legjitim, gjithsesi? Se duke mos u ankuar, duke mos ndjekur veprimet institucionale u jep argumenta edhe të tjerëve lidhur me qëndrimet e opozitës.
Më lejoni në rradhë të parë të them se, kjo nuk është një çështje burokracie, as peticionesh, por është një çështje e mprehtë politike. Shqipëria gjendet në një krizë të gjithanshme politike, ekonomike, kushtetuese, në një krizë të thellë besimi. Këtë e tregojnë shifrat e shqiptarëve që vazhdojnë të largohen nga vendi në mënyrë të frikshme, pavarësisht apeleve të vendeve anëtare të BE-së, për ta ndalur. Kjo nuk ndalet, për një arsye të thjeshtë, sepse në Shqipëri ka rënë shteti. Kur shteti ligjor ka rënë, kur narkoshteti ka pushtuar çdo hapësirë, detyra kryesore e opozitës është të ftojë qytetarët, duke vetëdijësuar qytetarët për këtë të vërtetë, t’i ftoj të bashkohen me të gjitha mjetet demokratike, për t’u përballur, për të rikthyer shtetin ligjor, për të rikthyer Kushtetutën. Kjo është arsyeja se përse ne kemi bërë thirrje dje dhe në javët e ardhshme, për bashkimin e qytetarëve, pavarësisht bindjeve të tyre politike, por që bashkohen tek Kushtetuta. Sepse Kushtetuta nuk është e Partisë Demokratike, as e Partisë Socialiste, është e çdo qytetari dhe është themeli i bashkëjetesës demokratike. Në këtë kuptim nuk dua të jap asnjë iluzion asnjë shqiptari, as protestuesve, as atyre që do të vijnë nesër, se kjo krizë e thellë politike që Edi Rama e ka shkaktuar për të mbrojtur bashkëpunëtorët e tij, të kapur në flagrancë si bashkëpunëtorë të krimit të organizuar, mund të zgjidhet me peticione ligjore. Pa dyshim që një mandat i fituar në mënyrë antikushtetuese është nul dhe i pavlefshëm. I tillë është edhe mandati i fituar dje. Por, nuk është thjesht nul dhe i pavlefshëm. Askush të mos ketë asnjë iluzion. Kryeprokurori në Shqipëri që prej ditës së djeshme është vetë Edi Rama. Dhe arsyeja përse e ka bërë këtë, është thjesht ekzistenciale, jo thjeshtë për Saimir Tahirin dhe Vangjush Dakon, por për vetë atë. Dua t’i them çdo shqiptari, të reflektojmë se ku kemi qenë 5 muaj më parë. As Edi Rama dhe për fat të keq askush nuk e përmendte problemin e drogës, përkundrazi, na sulmonin dhe na akuzonin ne si opozitë. Këto janë faktet, siç e dini fare mirë. Në pak muaj e vërteta ka dalë në pah dhe nuk ka më kthim prapa në rrugën para nxjerrjes para drejtësisë të atyre që e katandisën Shqipërinë në një vend të drogës dhe të krimit. Beteja jonë është e gjatë, por fundi i saj është i pashmangshëm. Saimir Tahiri, Vangjush Dako, Qazim Sejdini, Habilajt, Balilajt, Ahmetajt, Gjiknurët, herët a vonë do të përgjigjen përpara drejtësisë. Qeverisja e Edi Ramës politikisht, ka marrë fund. I vetmi mision është, të shpëtojë kokën e tij. Nuk do t’ia dalë dot, as paratë e drogës, as kriminelët nuk e shpëtojnë dot sikundër nuk e shpëton dot as një kryeprokuror i zgjedhur në mënyrë antikushtetuese. Herët a vonë, Edi Rama do të përgjigjet, jo vetëm për përgjegjësitë e tij politike, por edhe për përgjegjësitë e tij para drejtësisë, për aleancën me krimin dhe për kthimin e Shqipërisë në një vend hambar të drogës dhe krimit. Mburoja e përkohshme që ka votuar dje, është një mbrojtje e përkohshme. Mobilizimi i qytetarëve, i opozitës, do të mundësojnë që vendi të kthehet në shinat e kushtetuetshmërisë, normalitetit, demokracisë dhe Reformës së vërtetë në Drejtësi.

 

– Gjithashtu folët edhe për një valë protestash. Nëse ndodheni përballë situatës që kandidaturat për zgjedhjen e anëtarëve nga Kuvendi për Këshillin e Lartë të Prokurorisë, ju do të merrni pjesë në Kuvend me fillimin e sesionit të ri, për zgjedhjen e këtyre anëtarëve dhe më pas për zgjedhjen e Prokurorit të Përgjithshëm?
Këshillit të Lartë të Prokurorisë i kanë futur një thikë. Kush e di se kur do të formohet Këshilli i Lartë i Prokurorisë? Duhej të ishte formuar në prill. Kanë kaluar 8 muaj. Opozita nuk kishte asgjë në dorë të pengonte apo përshpejtonte KLP. Kjo është një alibi, një gënjeshtër, një mashtrim i Edi Ramës. Faktet tregojnë se Edi Rama ka investuar për mosformimit të KLP-së, përmes levave të tij në Shoqërinë Civile. E ishin ata që insistuan se njëri nga ata duhej të vinte nga Shoqëria Civile dhe ishte pikërisht, Shoqëria Civile që dilte në demostrata për Reformën në Drejtësi, sipas versionit të Ramës dhe jo sipas Venecia-s, që tani nuk na çon kandidatët. Se kur do të formohet KLP nuk është në dorën e opozitës. Këshilli i Lartë i Prokurorisë është sabotuar, për të mos pasur një kryeprokuror me vetting dhe me 3/5 e Kuvendit, por për të pasur një kryeprokuror pa vetting, të emëruar nga Edi Rama, në shkelje flagrante të Kushtetutës dhe për të njëjtën arsye po sabotohet dhe po vonohet formimi i SPAK dhe Byrosë së Hetimit, të cilën opozita siç e dini, është i vetmi nga shtatë ligjet që e ka votuar dhe e ka mbështetur në Kuvend.

– Zoti Basha, ju e quani mazhorancën nul në bazë së asaj që thoni se eshtë zgjedhur me vota të vjedhura. Njëkohësisht sot po e quani zgjidhjen e Gjykatës Kushtetuese, si një iluzion që mund t’i jepet qytetarëve, sepse sipas jush nuk mund të marrë zgjidhje nëpërmjet dokumentave ligjorë. Ju keni deklaruar njëkohësisht se do të bëni opozitë institucionale, por tashmë po i ktheheni popullit për t’i kërkuar praktikisht ndihmë. A nuk do të thotë kjo që ju nuk po njihni institucionet dhe nuk ka asnjë mënyrë që kjo të nisë dhe të çohet deri në fund si opsion ligjor që ekziston?
Dua të përsëris atë që thashë, por ta bëj pak më të qartë, për ju dhe për njerëzit. Dje, Edi Rama vendosi kryeprokurorin siç deshi vetë, pa vetting, pa asnjë proçedurë, pra KLP nuk ka, por KLP është Ulsi Manja. Ulsi Manja mori kryeprokurorin dhe tha, ky do të jetë kryeprokurori dhe Shqipëria tani ka një prokuror që është edhe kryeministër, sepse nuk ka kryeprokuror tjetër. Ta zëmë se me të njëjtën logjikë, Edi Rama mbledh Parlamentin ditën e enjte, dhe vendos se mandati i kryeministrit nuk do të jetë 4 vjet, por do të jetë 8 vjet, ta zëmë se vendos të anulojë pluralizmin politik, siç e kuptoni, as problemi nuk është ligjor dhe kushtetues, çështje e interpretimit të hollë, fin dhe delikat të detajeve, dhe as zgjidhja nuk mund të jetë institucionale në kuptimin e peticioneve ndaj gjykatave. Problemi është thellësisht politik. Grushti i shtetit, puçi kushtetues, nuk ndalet me peticion ndaj gjykatave, por ndalet vetëm me përballje dhe vendosmëri popullore. Opozita ka pjesën e vet, opozita nuk është pronare, as zëdhënëse e Kushtetutës, janë të gjithë qyetarët dhe të gjithë faktorët e shoqërisë, duke përfshirë median, Shoqërinë Civile të vërtetë, jo atë të kapurën dhe të blerën, duke përfshirë faktorin ekonomik, biznesin e vogël dhe të mesëm, të rinjtë, të rejat, studentët , të gjithë njerëzit duhet të vetëdijesohen se Kushtetuta është e tyre, as e imja, as e Edi Ramës, as e Partisë Demokratike, as e Partisë Socialiste. Është pakti që garanton paqen sociale dhe politike, demokracinë, rrotacionin përmes zgjedhjeve të lira dhe të ndershme, shtetin ligjor, të drejtat dhe liritë themelore të qytetarit, funksionimin e lirive në kuptimin e avancimit individual, në lumturi, në liri, të gjitha këto janë në Kushtetutë. Kushtetuta është dokumenti themelor. Puçi kushtetues nuk ndalet me peticione, ndalet vetëm me përballje.

– Zoti Basha, në këto momente që po flasim janë akoma të ndaluar protestues të djathtë para Parlamentit, ndërkohë që disa deputetë janë duke u ndjekur penalisht. A keni një qëndrim lidhur me këtë?
Kjo është pjesë e skemës së terrorit të narkoshtetit dhe të një ministri të brendshëm, i cili është aty jo si pjesë e vullnetit politik, por si emërim i narkotrafikut, të cilit i shërben përmes vëllait të tij Agron Xhafaj. Nuk ka asnjë habi nga ana ime. Kjo ka ndodhur sa herë opozita ka protestuar. Dhe sot kur shpërbërja e krim politikës sapo ka nisur dhe paniku i Edi Ramës dhe Fatmir Xhafës është në kulm, natyrisht tregon pasigurinë dhe panikun e tyre. Ne do të ndjekim hap pas hapi të gjithë hapat ligjorë. Avokatë, jurisë të PD, deputetë të PD janë pranë çdo të ndaluari në mënyrë të paligjshme për t’i mbështetur ata nga ana ligjore, po kështu dhe nga ana morale dhe politike. Ne po evidentojmë dhe do të evidentojmë çdo punonjës të shtetit që po shkel ligjin apo po zbaton urdhëra politikë dhe i garantoj se, do t’i dokumentojmë me emër dhe mbiemër dhe për çdo shkelje të ligjit dhe dhunim të protestuesve, të qytetarëve dhe të mbështetësve të opozitës, do të japin llogari shumë shpejt.

– Zoti Basha, ambasada e SHBA dhe e BE e kanë cilësuar të dhunshme protestën dhe gjithashtu e kanë dënuar sjelljen e deputetëve në Parlament. Keni një reagim në lidhje me këto qëndrime?
Nuk kam ndërmend të ndryshoj sot rregullin tim për të mos komentuar ambasadorët e huaj. Dhuna e vetme dje në Parlament nuk ishin tymueset, por dhunimi i Kushtetutës. Çfarëdo të thonë ambasadorët, faktet janë ato që janë. Këshilli i Lartë i Prokurorisë nuk është krijuar prej 8 muajsh në dhunim flagrant me Kushtetutën. Prokurori është zgjedhur në mënyrë antikushtetuese nga Edi Rama. Prokurori është zgjedhur pa Veting. SPAK dhe Byroja e Hetimit nuk janë formuar dhe nuk dihet se kur do të formohen. Këto janë fakte, të tjerat pastaj janë çështje mendimesh dhe opinione që gjithkush ka të drejtë t’i japë dhe natyrisht të mbajnë përgjegjësi para atyre që mbajnë përgjegjësi.

– A jeni në komunikim ju me ambasadorët dhe me ambasadat lidhur me këto fakte?
Partia Demokratike dhe unë personalisht jemi në komunikim të vazhdueshëm me të gjithë faktorin ndërkombëtar, i cili është më i vetëndërgjegjësuar se dje për krizën kushtetuese dhe politike në vend të shkaktuar nga kthimi i Shqipërisë në narkoshtet si projekt politik i Edi Ramës dhe të jeni të sigurt që nesër do të jenë më të vetëndërgjegjësuar se sot. Fundi i narkoshtetit është i sigurt dhe i pashmangshëm.

Kushtetuta nuk lejon asnjë hapësirë përveçse Prokurorit të Përgjithshëm me 3/5 e votave

Kryetari i opozitës, Lulzim Basha deklaroi dje se votimi për zgjedhjen e kryeprokurorit është i pavlefshëm dhe se e vetmja hapësirë që Kushtetuta dikton për zgjedhjen e kryeprokurorit është ajo e emërimit të tij me 3/5 e votave në Parlament. “Dua ta nis këtë komunikim përmes medias me të gjithë qytetarët shqiptarë që na ndjekin në një konstatim të qartë dhe të thjeshtë. Dje është konsumuar një puç kushtetues dhe vendi është futur në një spirale anormaliteti. Dje, Edi Rama ka shkelur dhe ka dhunuar Kushtetutën në mënyrë flagrante, qëllimi ka qenë kapja politike e Prokurorit të Përgjithshëm. Qëllimi i vërtetë është që përmes kapjes dhe emërimit të një kryeprokurori nën kontrollin politik të Edi Ramës, të mbyllen sa më parë dosjet e krimit që implikojnë bashkëpunëtorët e tij më të afërt dhe vetë Edi Ramën. Unë dua të përshëndes dhe të falënderoj përzemërsisht të gjithë qytetarët që iu përgjigjen thirrjes së opozitës. Protesta e djeshme dhe protestat që do të vijojnë janë një reagim i qytetarëve kundër puçit kushtetues të qeverisë. Shqiptarët e dinë se, Kushtetuta nuk i përket asnjë partie; është e të gjithë qytetarëve dhe të gjithë e kanë për detyrë ta mbrojnë atë. Kur Kushtetuta dhunohet, dhunohet çdo njeri pavarësisht prej bindjeve politike, pavarësisht prej statusit të tij apo të saj në shoqëri. Protesta e djeshme dhe protestat që do të vazhdojnë janë shprehje të revoltës qytetare kundër mashtrimit nga Edi Rama me Reformën në Drejtësi. Qytetarët kanë besuar tek Reforma në Drejtësi, kanë besuar tek vetingu, tek pastrimi i sistemit nga gjyqtarët dhe prokurorët e korruptuar dhe të kapur politikisht, por në fakt dje është provuar katërcipërisht se Edi Rama është i vendosur në rrugën e tij antireformë. Parlamenti nuk është ai që patë dje me një shumicë të marrë peng nga krimi dhe paratë e drogës. Parlamenti është Kushtetuta, janë ligjet, nuk janë as karriget, as kartonat e deputetëve dhe aq më pak kartonat e vjedhur dhe të trafikuar, siç e patë dhe siç e pa gjithë bota dje, nga Taulant Balla dhe ushtarët e tjerë të Edi Ramës në sallën e Parlamentit. Ajo çfarë është e rëndë nuk është sjellja e opozitës në Parlament, por është sjellja e Edi Ramës me Kushtetutën, nuk janë tymueset, por është thyerja dhe dhunimi i Kushtetutës. Ka vetëm një shkatërrim, ka vetëm një dhunim është shkatërrimi dhe dhunimi i Kushtetutës nga Edi Rama; kjo do të ketë pasoja të rënda për stabilitetin dhe për demokracinë në vend. Shqipëria nuk mund të ketë dy standarde kur vjen fjala tek shteti ligjor dhe tek demokracia, ka vetëm një standard, standardi perëndimor, standardi euroatlantik, standardi europian, standardi amerikan. Në çdo vend të botës, nëse do të zbulohej se ministri i Brendshëm është koka e trafikut dhe se Policia ka funksionuar si organizatë kriminale në mbështetje të trafikut, qeveria do të ishte rrëzuar. Në Amerikë, në Gjermani, në Bruksel nuk tolerohet një situatë si në Shqipëri, atje qeveritë bien për shumë më pak. Në çdo vend perëndimor, Saimir Tahiri duhet të ishte në burg dhe Kryeministri duhet të ishte në hetim. Dua të theksoj edhe një herë faktet, Kushtetuta nuk lejon asnjë hapësirë tjetër përveçse zgjedhjen e Prokurorit të Përgjithshëm nga Këshilli i Lartë i Prokurorisë me 3/5 e votave të Kuvendit. Kjo është Kushtetuta. Kushtetuta kishte caktuar prillin e këtij viti si afatin e fundit për zgjedhjen e Këshillit të Lartë të Prokurorisë, pra 8 muaj më parë duhej të ishte zgjedhur Këshilli i Lartë i Prokurorisë, 8 muaj para mbarimit të mandatit të Kryeprokurorit. Për këtë arsye, Kushtetuta nuk lejoi asnjë periudhë kalimtare apo të përkohshme. E gjithë procedura e ndjekur nga Rama nuk është thjesht dhe vetëm antikushtetuese, por është e sajuar aty për aty, nuk është e shkruar në asnjë ligj, në asnjë rregullore, asnjë dokument, thjesht Komisioni i Ligjeve uzurpoi të gjitha kompetencat e një institucioni tjetër kushtetues të pavarur nga Parlamenti që është Këshilli i Lartë i Prokurorisë dhe prodhoi farsën, prodhoi puçin antikushtetues. Kushtetuta ndalon gjithashtu që Kryeprokuror apo dhe prokuror i thjeshtë të zgjidhet dikush që nuk e ka kaluar vetingun. Kryeprokurori u zgjodh me më pak se me votat e gjysmës së Kuvendit, duke bërë këtë rastin e vetëm në historinë e Shqipërisë, ku Kryeprokurori zgjidhet më më pak se 50% të votave dhe votimi është nul dhe i pavlefshëm, sepse është kryer në shkelje flagrante të rregullores. Ky është një detaj, sepse natyrisht më e rënda është thyerja dhe dhunimi i Kushtetutës. Natyrisht të gjitha këto fakte, jo opinione, por fakte të çojnë në të njëjtin përfundim: Prokurori i Përgjithshëm është një emërim politik i Edi Ramës, në fakt Kryeprokurori sot është Edi Rama. Arsyeja dhe misioni është mbrojtja e vetvetes, pra misioni i Kryeprokurorit të kapur politikisht është të mbrojë Ramën”, është shprehur Basha.

Jeruzalemi dhe qëndrimi i Trump

Asllan BUSHATI

Para disa ditësh, Presidenti i SHBA-së Donald Trump, ritheksoi e firmosi (në mënyrë identike) një deklaratë të Presidentëve të mëparëshëm amerikan: Klinton, Xhorxh W Bush dhe Obama se: SHBA-ja, do ta trasferojë selinë e Ambasadës së SHBA-së në Izrael, nga Tel Avivi për në Jeruzalem. Kjo sipas Presidentit Trump, do të bëhet në një kohë të përshtatshme, pasi të jenë siguruar vendi, mjetet financiare dhe ndërtimi i selisë. Firmosja e këtij akti (që nënkupton edhe njohjen nga SHBA të Jeruzalemit si kryeqytet i Izraelit), shkaktoi një “furtunë” diplomatike dhe mediatike, duke e quajtur atë një herezi për të mos thënë një “çmenduri” të Presidentit. Si shqiptaro-amerikan, si vatran, si opinionist në shtypin e përditshëm dhe si ish-ushtarak i lartë në Ushtrinë Shqiptare ndjej si një detyrim moral të shfaq opinionin tim për këtë problem, i cili mund të konsiderohet tashmë madhor.
Për të patur një qasje më të thjeshtë të shkrimit, do të preferoja përdorimin e metodës së katakizmit ku pyet vetë dhe përgjigjesh vetë. Kështu pyetja e parë që më vjen në mendje është: kjo deklaratë dëgjohet tani për herë të parë, apo ishte thënë edhe herë të tjera? Përgjigja është: po ishte thënë edhe më parë nga presidentët e përmendur më lart (të cilët nuk e bënë realitet), por edhe nga Presidenti Trump në fushatën elektorale të vitit 2016. Atëherë sipas një logjike të thjeshtë, Presidenti nuk ka bërë asnjë “çmenduri”, por po mban një premtim elektoral. Por këtu duhet theksuar një gjë shumë specifike madje dhe e rëndësishme se: Zoti Trump nuk erdhi në krye të Shtëpisë Bardhë i formatuar e “stërvitur” nga asnjë lloji kariere politike, por erdhi si një President ndryshe e larg formësimit burrokratik. Ai pikërisht për këtë “President ndryshe” u votu nga elektorati amerikan, sepse amerikanët ishin “ngopur” me rrumbullakosjet e veprimet brenda trasesë politiko-diplomatike shumëvjeçare.
Pyetja e dytë mund të jetë: këtu brenda SHBA-së, firmosja e këtij dokumenti tani, a ka ndonjë arsye tjetër? Mendoj se po. Sepse në të dy krahët e politikës, ka një komunitet të madh hebre, i cili luan një rol të rëndësishëm në biznes, Kongres, Senat, strukturat qëndrore e lokale të shtetit. Ata janë të interesuar për zbatimin e këtij dokumenti presidencial, sepse janë të zhgënjyer nga prentimet boshe të mëparshme. Kështu me këtë lëvizje Presidenti Trump, fiton pikë dhe siguron më shumë garanci në Kongres e Senat për votimin e premtimeve të tjera elektorale.
Po Jeruzalemi çfarë përbën për botën, hebrejt, palestinezët etj? Për botën, ai është hapësira ku ndodhen tri vendet më të shenjta të kulteve të njerëzimit. Si i tillë ai kërkohet që kjo pasuri botërore e kulteve, të ruhet e administrohet sa më mirë që të jetë e mundur. Por të shërbej edhe si vend pelegrinazhi, në paqe të përhershme, në çdo kohë e për gjithkënd.
Për hebrejt (izraelitët), Jeruzalemi, dihet (dhe pranohet botërisht) se si vendbanim njerëzish, më së pari është krijuar e formësuar prej tyre, pra hebrejve. Por në tri mijë vitet e fundit, ai më pak ka qenë në paqe dhe më shumë në luftë. Pushtuesit kanë filluar me egjiptianët …palestinezët,.. romakët… etj., dhe në shekujt e fundit.., turqit, anglezët e izraelitët. Marrë shkas nga faktet historike të të qenit formues të këtij vendbanimi nga hebrejt, por edhe nga fakti se palestinezët jetojnë në ato troje (edhe nën pushtimin e të tjerëve) për gati dy mijë vite, OKB-ja në 1947-ën vendosi për krijimin në atë hapësirë të Autoritetit Palestinez dhe Shtetit të Izraelit.
Por harta e vendbanimeve të këtyre dy etnive, si rezultat i luftërave, zhvendosjes dhe kolonizimeve ka ndryshuar disa herë deri tek gjendja aktuale. Në këto kushte të pas 70 viteve, Izraeli e njeh politikisht Autoritetin Palestinez në klauzolat e shtetit indipendent, nëse edhe ata në të njëjtën kohë e njohin Izraelin si shtet independent dhe fqiun e tyre. Kurse Autoritetet Palestinezë nuk e njeh fare ekzistencën e Izraelit si shtet. Kjo ka bërë që OKB-ja ta njoh Izraelin si anëtar të saj me të drejta të plota dhe Autoritetin Palestinez me statusin e vëzhguesit nën përfaqësimin e Organizatës për Çlirimin e Palestinës (OÇP), sepse shumica e anëtarëve të OKB-së nuk e njohin Autoritetin Palestinez.
Parë më gjërë, e drejta historike dhe shtet formimet, nuk përkojnë me njëra-tjetrën. Shtet formimi nuk njihet (prevalohet) mbi të drejtën historike, por mbi gjendjen aktuale të popullsisë së vendbanimit. Aktualisht sot tre të katërtat (pjesa perëndimore) e Jeruzalemit janë të banuara nga izraelitët dhe një e katërta (pjesa lindore) nga palestinezët.
Po veçmas për palestinezët çfarë është Jeruzalemi? Ai është kryeqender e tyre dy mijë vjeçare e njohur edhe me një dokument të OKB-së që të vitit 1947-1948. Por harta e vendbanimeve në ditët e sotme, (siç u përmend edhe më lart), ka pasuar ndryshime të mëdha demografike nga ajo e 1947-1948-ës. Realiteti në terren flet për një shtrirje të vendbanimeve izraelite në përmasat që nuk e pengojnë atë aspak ta shpallë dhe ta bëjë realitet Jeruzalemin Perëndimor kryeqytet të Izraelit.
Atëherë a mund të ishte një zgjidhje e pranueshme që pjesa lindore e Jeruzalemit të shpallej dhe të pranohej nga të dy palët si kryeqytet i Autoritetit Palestinez dhe pjesa perëndimore po ashtu si kryeqytet i Izraelit? Pse jo. Aktualisht në pjesën perëndimore janë të vendosura disa ministri dhe institucione të rëndësishme të Izraelit dhe çfarë do t’i shtonte apo t’i hiqte peshës së këtij qyteti lëvizja e Ambasadës Amerikane nga Tel Avivi në Jeruzalemin perëndimor? Nga pikëpamja formale asgjë. Nga pikëpamja diplomatike po, sepse përfaqësitë diplomatike vendosen në kryeqytetet e vendeve ku atashohen. Po praktikisht a mund të jetonin, të funksiononin dhe të punonin pa penguar njëri-tjetrin dy kryeqytete të dy etnive të ndryshme (izraelite e palestineze) në Jeruzalem? Prirem të besoj se nëse do të vendoset paqe e qëndrueshme dhe e garantuar nga OKB-ja, pse jo, madje të ishte një shembull i madh për civilizimin e ardhshëm botëror.
Po europianët a friksohen dhe pse, nga deklarata e Presidentit Trump? Po. Ata realisht e kanë një arsye madhore me praninë e shumë refugjatëve nga lufta në Irak, Siri e Libi. Në këto kushte ata mendojnë se mund të ketë trazira të reja në Lindjen e Mesme të cilat do të prodhojnë kontigjente të rinj refugjatësh dhe problemi do të bëhej i pa përballueshëm për to. Kjo qëndron, por pyetja shtrohet pse duhet të ketë trazira, kur nga pikpamja formale asgjë nuk po ndryshon. Trazirat nuk ja zgjidhin problemin as palestinezëve, as izraelitëve dhe as atyre që fishkëllejnë a bërtasin si spektatorë.
Po Rusia, Turqia dhe Irani, pse turfullohen kaq shumë për deklaratën e Presidentit Trump? Mendoj se së pari, ata i bashkojnë disa interesa të ngushta anti amerikane në Lindjen e Mesme, sepse secila veç e veç, por dhe në tërësi (si bashkësi në formim), duan ta dominojnë rajonin. Çdo përpjekje amerikane për ta fuqizuar Izraelin ose vetëm thënia e idesë se çështja e Kurdistanit ekziston dhe se heret a vonë do të bëhet nje realitet i prekshëm siç u bë Izraeli para 70 viteve, atyre ju lëvizin “pllakat tektoinike”.
Po shqiptarët në Shqipëri, Kosovë, Maqedoni e Maltë Zi, si ta vlerësojnë deklaratën e Presidentit Trump, në një kohë që kërkojnë t’i bashkangjiten BE-së dhe kjo e fundit nuk e mbështet atë. Mendoj se nuk duhet të ketë asnjë dyshim për rrugën dhe qëndrimin pro amerikan. BE-ja ka punët e veta dhe vështirësitë e panumërta, siç shpesh është e pa zonja të marrë vendime të shpejta, të drejta e të bashkrenduara me të gjithë partnerët. Por BE-ja është hapësira të së cilës i përkasim, gjeografikisht, politikisht, kulturalisht etj., pra është shtëpia jonë natyrale. Kurse deklarata kundërvënëse që Kryeministri Edi Rama, i bëri BE-së se në qoftë se ju nuk na pranoni në gjirin tuaj, ka edhe opsione të tjera ruse, kineze a turke, në këndshikimin dhe gjykimin tim, është krejt e pa kuptimtë për të mos përdor ndonjë konotacion më negativ. Opsionet lindore ne shqiptarët i kemi provuar dhe kanë rezultuar fatale si me turqit, rusët dhe kinezët.
Por shqiptarët janë me të drejtën e zotit t’ju bëjnë me dije izraelitëve se në kohërat më të vështira për ju, ne si komb ju kemi mbrojtur, duke rrezikuar vehten dhe familjet tona. Tani është radha juaj të njihni pa asnjë ekuivok pavarësinë e Kosovës. Po ashtu, lypset t’ju bëhet me dije palestinezëve, se për disa dekada në periudhën e shtetit totalitar, ju kemi mbrojtur, ndihmuar, madje kemi stërvitur ushtarakisht kuadrot tuaj të “AL Fatahut” (në kundërshtim me të drejtën ndërkombëtare). Tani është koha të reagoni dhe të njihni pavarësinë e Kosovës.
Pyetja e fundit që mund të bëhet për deklaratën e Presidentit Trump është se a mundet që kjo deklaratë të prodhojë më shumë terrorizëm se më parë? Mendoj se jo. Terrorizmi ka ekzistuar, ekziston dhe do të vazhojë të ekzistojë edhe një perudhë kohe, por intensiteti i tij mendoj se do të vijë duke u ulur. E them këtë se besoj shumë tek demokracia, prosperiteti, zhvillimi, qytetërimi e arsimimi i popujve, shoqërive, organizmave, organizatave e institucioneve të ndryshme të çdo vendi. Shkurt besoj se e ardhmja do të jetë më e mirë dhe më tolerante, agresiviteti e ekstremizmi fetar do të ulet dhe një shpërndarje më e mirë e të ardhurave do të bëhet i prekshëm për këdo.

Ruleta e fatit, logo e re e ekonomisë kombëtare

 

“Monitor”

Në parashikimin e tij të fundit për të ardhmen e ekonomisë shqiptare, Fondi Monetar Ndërkombëtar mundohet të mos e shuajë optimizmin e shqiptarëve për përparim ekonomik të dukshëm, deri në vitin 2022.
Por, sa më shumë lexon mes rreshtave të raportit (publikimi i javës së kaluar) kupton që motori i ekonomisë është veç një rrotë që i ngjan ruletës së fatit dhe ngazëllimi se gjërat mund të bëhen mirë, ngjan me shpresën e lojtarit përpara se të ulet të luajë e që mendon se sot është dita e tij me fat, por që në fund…
Të gjitha pjesët e raportit lidhen me një pyetje të përbashkët: A ndodhet Shqipëria në “episodin” që të mund të kthejë ringritjen ekonomike të lartë. FMN thotë “Po”, por nëse ndodhin më parë disa gjëra, që për momentin duken se është çështje fati.
FMN e mban shpresën si fillim te faktorë të jashtëm; është rikthimi i rritjes së ekonomisë globale dhe ndoshta përshpejtimi i procesit integrues nga BE. E meqë këtu, shqiptarët nuk kanë në dorë t’i ndryshojnë gjërat, edhe e ardhmja ekonomike nuk mbetet në dorë të tyre, ndonëse çdo ndryshim pozitiv jashtë reflektohet edhe brenda.
Por më përcaktuesit janë faktorët e brendshëm. FMN rendit reformat strukturore dhe sjelljen politike.
Të dy këta faktorë, sot në Shqipëri janë të paqëndrueshëm, të deformuar dhe plot risk. Le të japim një shembull të fundit nga shkrimi special në këtë numër të revistës “Monitor”. Aty raportohet se në vitin 2017, bizneset që kanë normën më të lartë të fitimit janë bizneset e lojërave të fatit.
Ky lloj biznesi prej kohësh në vendin tonë mban kryesimin dhe lidhet drejtpërsëdrejti me faktin se ka shumë dëshpërim mes qytetarëve dhe pak shpresë se jeta e tyre mund të përmirësohet më shpejt. Dëshpërimi ka arritur deri në atë pikë sa, megjithëse FMN thotë se, kursimet janë pakësuar për shkak të normës së ulët të interesit, të ardhurave të ulëta dhe rënies së remitancave, shqiptarët “guxojnë” t’i harxhojnë paratë e fundit, duke luajtur me fatin, se u mungon një mundësi tjetër më e mirë dhe e sigurt siç është puna.
Por, a mundet të përparojë një ekonomi me strukturë të tillë, ku në majë të piramidës qëndron biznesi i lojërave të fatit? Nuk ka ndodhur në asnjë rast e nuk mund të ndodhë edhe në Shqipëri. Përkundrazi ka ndodhur bjerrja ekonomike dhe shoqërore. Dhe për sa kohë kjo nuk do të ketë reforma strukturore, ashtu siç shpreson FMN, përparimi i ekonomisë mbetet lojë fati e rrezikshme.
Edhe faktori politik sot në Shqipëri nuk jep shembuj se do të ndihmojë ringritjen e shpejtë e të sigurt. Shqiptarët po provojnë edhe këto ditë të fundit të debatit politik se ka një ndërgjegje të ulët politike dhe shmangie të madhe e të qëllimtë nga përgjegjësia për t’i korrigjuar gjërat gabim. P.sh., koncesionet në Shqipëri kanë kapur vlerën e 2 miliardë euro dhe pothuajse të gjitha janë të dyshimta për përftimet dhe të atakuar me të drejtë për afera korruptive.
Të dyja, mazhoranca dhe opozita, secila në kohën e vet në pushtet kanë trazuar letrat për këtë çështje. Por në asnjë rast, debati politik i përbashkët nuk është ndalur të pikasë si duhen rregulluar gjërat, që për koncesione që janë lidhur, të mund të riparohen dëmet, dhe për të rejat të tregohet kujdes. Përkundrazi ka një avancim dhe injorim vrastar për të mos dëgjuar të tjerët, që po e mahis problemin. Ky lloj cinizmi politik po i përmbyt edhe “ekspertët e cinizmit”, siç ka qejf qeveria t’i vlerësojë zërat jashtë gardhit politik, të cilët thonë se koncesionet dhe disa politika të tjera fiskale dhe ekonomike janë lojëra të dyshimta, si lojëra e fatit që nuk tregojnë se kush fiton…por vetëm kush humbet.
Duke i shtuar këtë analizë, raporti i FMN-së bëhet më i qartë për ne sa kohë do të kemi një ekonomi ku lulëzojnë lojërat e fatit dhe ku qeveria është lojtari i saj më i madh, momenti i kthesës është ende larg. Ndërsa shqiptarët… ata po ikin, që ta kërkojnë fatin e tyre larg këtij vendi, ku ruleta është logo e re e ekonomisë kombëtare.

Rama merr edhe zyrtarisht kompetencën për leje ndërtimi

Në datën 13 dhjetor janë bërë ndryshimet përkatëse në vendimin “Për mënyrën e organizimit dhe të funksionimit të Agjencisë së Zhvillimit të Territorit”. Kjo Agjenci ishte nën Ministrinë e Zhvillimit Urban gjatë mandatit të parë qeverisës të kësaj mazhorance, por që në mandatin e dytë kjo ministri u shkri, duke ndarë kompetencat mes ministrive të reja.
Referuar vendimit përcaktohet se Agjencia e Zhvillimit të Territorit i kalon tashmë Kryeministrit. Po kështu, nëse më herët drejtuesi i kësaj agjencie emërohej, lirohej apo shkarkohej nga detyra me urdhër të kryeministrit, por me propozim të ministrit përkatës tashmë çdo procedurë bëhet nga Kryeministri.

Përgjegjësitë e Agjencisë

Referuar vendimit në fuqi AZHT kryen rolin e sekretariatit teknik të Këshillit Kombëtar të Territorit. Në këtë kuadër ka përgjegjësi për të:
Pranuar dokumentacionin për shqyrtim dhe miratim nga Këshilli Kombëtar i Territorit
Organizuar mbledhje të KKT-së
Përgatitur dhe administruar dokumentacionin që shqyrtohet në to. Agjencia ka kompetencë dhe përgjegjësi për të organizuar, drejtuar dhe bashkërenduar procesin me autoritetet e tjera përgjegjëse në nivel qendror dhe ose vendor me qëllim përgatitjen për shqyrtim dhe miratim të dokumenteve kompetencë e KKT-së sipas parimit të shërbimit me një ndalesë.
Bashkëpunuar me njësi të qeverisjes vendore dhe institucione të tjera përgjegjëse për çështje të planifikimit dhe zhvillimit që janë në kompetencë të KKT-së
Kryer komunikimin me palë të treta
Komunikuar për të shpërndarë dhe për të botuar, sistemin elektronik të lejeve vendimet dhe dokumentet e miratuara nga Këshilli Kombëtar i Territorit
Vënë në zbatim vendimet e Këshillit
Kryer monitorimin e zhvillimeve të territorit nëpërmjet regjistrit të integruar të territorit për të përgatitur raportin përkatës dhe për të informuar Këshillin Kombëtar të Territorit e autoritetet e tjera që kanë përgjegjësi në fushën e planifikimit dhe zhvillimit të territorit
Ofruar mbështetje ndaj njësive të qeverisjes vendore në proceset e tyre të zbatimit të instrumenteve të drejtimit të zhvillimit sipas legjislacionit për planifikimin.

Mbeturinat pushtojnë bregdetin e Durrësit

Përmbytjet e fundit me të cilat u përball vendi ynë prekën kryesisht pjesën qendrore dhe jugore të territorit. Pamjet që solli Citizen Channel, pasi lumenjtë u tërhoqën në shtratin e tyre, ishin të ngjashme me vendgrumbullimet e mbeturinave. Mijëra qese, bidona dhe mbetje të tjera vareshin nëpër pemët buzë lumenjve. Prurjet e shumta të lumenjve Erzen dhe Ishëm, megjithëse ndodhen disa kilometra larg disa prej plazheve të frekuentuara përgjatë periudhës së verës në qytetin e Durrësit; Currila, Kallm dhe Porto-Romano, një sasi e konsiderueshme plastike, gome dhe mbetjesh të tjera e kanë ndotur bregdetin përgjatë tij. Madje nuk mungonin as gjymtyrë kafshësh, ambalazhe ilaçesh dhe age. Syri Gjergji, kryeinxhinier i Ndërmarrjes së Shërbimit Komunal, pranë Bashkisë Durrës na bën me dije se ka nisur puna gradualisht për pastrimin e vijës bregdetare. “Ne do të bëjmë çmos që me atë fuqi punëtore që kemi, e cila për hir të së vërtetës nuk është një fuqi punëtore e planifikuar për këtë qëllim, që të shtrijmë aktivitetin tonë deri në Gjirin e Lalëzit apo në grykëderdhjen e lumit Ishëm”, u shpreh për ai Citizens Channel. Ndërsa në një komunikim telefonik, shefi i kabinetit të kryebashkiakut Dako, Lavdosh Beqiraj, u shpreh se “gjendeshin në terren dhe se situata më problematike paraqitej në grykëderdhjet e lumenjve Erzen dhe Ishëm”. Pranë hidrovorit në Porto-Romano ngrihen pirgje me mbetje urbane dhe kallamishte. Ato janë nxjerrë mënjanë, pasi rrezikonin bllokimin e hidrovorit. Ndotje kjo e sjellë nga kanalet kulluese (dhe të ujërave të zeza) që kalojnë në zonën e banuar të ish-Kënetës. Ndërsa në anën tjetër, kanali kullues (dhe i ujërave të zeza) të zonës së Spitallës dhe Porto-Romanos, i depoziton mbetjet urbane direkt në Detin Adriatik. “Ndotja e bregdetit nga mbetjet urbane ndodh si pasojë e transportit të tyre nëpërmjet rrjedhave lumore në det. Burimi i ndotjes është mënyra e stilit konsumator të jetesës së njeriut, gjatë së cilës gjenerohet një sasi shumë e madhe mbetjesh”, thotë për Citizens Channel, Ermelinda Mahmutaj, drejtore ekzekutive e qendrës “EDEN” (Qendra Mjedisore për Zhvillim, Edukim dhe Rrjetëzim). Menaxhimi i mbeturinave kryesisht në zonat periferike ka qenë një nga sfidat më të mëdha të administrimit lokal përgjatë këtyre 27 viteve, me lëvizjet masive të popullsisë, dikur komuna, sot njësitë amdministrative janë pjesë e bashkive të qyteteve. Keqmenaxhimi i mbetjeve urbane në zonat periferike sjell hedhjen e tyre në përrenj dhe lumenj, duke shkaktuar një ndotje që transferohet nga mjedisi lumor në atë detar. Sipas ligjit të miratuar më 31 korrik të vitit 2014, qeverisja lokale e Shqipërisë përbëhet nga ndarja e saj në tre nivele. Sipas këtij ligji ndahet në 12 qarqe, 61 bashki dhe njësi administrative. Pastrimi i bregdetit të Durrësit paraqet një tjetër aspekt problematik, pasi Ndërmarrja e Shërbimit Komunal në Bashkinë Durrës është e fokusuar kryesisht tek pastrimi i qytetit.

The Donald: Viti i parë më i mirë nga sa pritej

“Financial Times”

Një bilanc më i mirë nga sa pritej. Kështu “Financial Times” e gjykon vitin e parë të Donald Trump si President i Shteteve të Bashkuara të Amerikës. Editoriali, i firmosur nga Demetri Sevastopulo, Sam Fleming dhe Barney Jopson – kalon në revistë punën e Trump, duke krahasuar premtime e rezultate, duke filluar nga ai i reformës fiskale. Nëse kjo përfaqëson “fitoren e parë të madhe legjislative” të Presidentit në fuqi, e përditshmja financiare i njeh edhe objektiva të tjera (të paktën prej bazës së tij): nga vendosmëria për të avancuar emërime gjyqësore tek derregullimi, nga goditja ndaj Obamacare tek fitorja në luftën kundër ISIS-it. E gjitha kjo pa u dhënë ndjekje aspekteve më preokupuese të programit të tij dhe pa minuar aleancat kyçe.
“Presidenti Trump është një hap nga fitorja e tij e parë e madhe legjislative, me Kongresin që pritet të miratojë një reformë të taksave që do t’i mundësojë që ta mbyllë vitin e tij të parë me një pikaverazh më të mirë se ai që kishin parashikuar shumë njerëz. Republikanët duket se kanë aq vota sa u duhen për ta kaluar reformën fiskale këtë javë, pavarësisht opozitës së demokratëve. Kjo duhet t’i japë Trump dhe Partisë Republikane municionet e nevojshme për t’ju përgjigjur votuesve republikanë që qenë zemëruar për faktin se partia e tyre nuk ka pasur fitore të mëdha legjislative pavarësisht kontrollit të Kongresit dhe të Shtëpisë së Bardhë”.
Fitorja në reformën fiskale – shkruan “Financial Times” – do ta ndihmonte zotin Trump që të theksonte se viti i parë i tij ka qenë sukses, edhe pse ka bërë përparime të pakta në premtime të tjera kyçe të fushatës së tij elektorale: është akoma i paqartë ndërtimi i murit Shtetet e Bashkuara – Meksikë, ka dështuar abrogimi i plotë i Obamacare dhe ka siguruar fitime të pakta në grindjet tregtare me Kinën. Por reforma fiskale – vazhdon e përditshmja britanike – do t’i japë diçka konkrete për t’ua shtuar pohimeve të tij se, presidenca e tij ka kontribuar në shtytjen e tregut të bursës drejt një rekordi dhe pothuajse me siguri do të stimulojë një përsëritje të akuzave se kritikët e tij nuk kanë qenë të gatshëm t’i njohin asnjë rezultat.
Sarah Huckabee Sanders, zëdhënëse e Shtëpisë së Bardhë, ka nënvizuar mentalitetin e rrethimit në një Twitter të së dielës: “Cila është historia më e nënvlerësuar e… Vitit Një? – Mundja e ISIS-it – Ekonomia e Trump në ekspansion të plotë”.
“Qysh nga inaugurimi i tij, Trump ka ndjekur impenjime të ndryshme elektorale që nuk kërkonin ndonjë legjislacion të posaçëm. Është tërhequr nga marrëveshja tregtare Trans-Pacific Partnership dhe nga Marrëveshja e Klimës e Parisit. Më së fundmi, ka njohur Jeruzalemin si kryeqytet të Izraelit dhe ka thënë se Shtetet e Bashkuara do ta transferojnë ambasadën e tyre aty nga Tel Avivi. Megjithatë, në këtë pikë të mandatit të tij Trump është presidenti më jopopullor i historisë amerikane, pasi përbuzja e votuesve demokratë është shoqëruar nga të pavarurit dhe nga disa republikanë të moderuar që ankohen për qasjen e tij një qeveri”.
Por presidenti – vëren e përditshmja – u ka dhënë disa rezultate mbështetësve të tij konservatorë. Ndërsa është i sulmuar nga probleme ligjore, midis të cilëve investigimi i zhurmshëm rus i drejtuar nga Robert Mueller, Trump ka qenë jashtëzakonisht efikas në avancimin e emërimeve gjyqësore, përfshi konfirmimin e Neil Gorsuch në mbulimin e ulëses vakante të Gjykatës Supreme si pasojë e vdekjes së Gjykatësit ultrakonservator Antonin Scalia. Senati ka miratuar edhe 12 gjykatësit e Gjykatave Zonale, një numër i lartë për vitin e parë të presidencës.
James Manley, ish-bashkëpunëtor i lartë i demokratëve në Kongres, ka thënë se Trump po e ridizajnon sistemin gjyqësor në një mënyrë domethënëse që do të ketë implikacione afatgjata. “Do të jetë një trashëgimi jetëgjatë, në të mirë dhe në të keq, dhe natyrisht që mendoj se do të jetë më keq”, ka deklaruar Manley. “Me mandatin e përjetshëm, [gjykatësit e emëruar] do të jenë në gjendje që të plazmojnë sistemin për vitet në vazhdim”.
“Financial Times” nënvizon rezultatet e Trump lidhur me derregullimin në avantazh të bizneseve. Neomi Rao, funksionare e Shtëpisë së Bardhë përgjegjëse e derregullimit, ka thënë se administrata ka ndërmarrë 67 akte derregullimi në muajin shtator që do të çonin në kursime të kostove vjetore prej 570 milionë dollarësh, megjithëse kritikët thonë se administrata po i fryn shifrat.
“Financial Times” e “shpëton” Trump edhe lidhur me premtimet e bëra për sa i përket abrogimit të Obamacare: “[…] projektligji fiskal i ka mundësuar Presidentit që të bëjë një goditje të papritur në minutën e fundit, duke propozuar që të eliminohet kushti për të gjithë që të kenë një sigurim shëndetësor apo të paguajnë një sanksion – një element kyç i sistemit”.
Administrata – vazhdon më tej “Financial Times” – “ka lënë shenjë edhe në sektorin teknologjik në dy mënyra që e thjeshtojnë përzierjen e tij karakteristike, nganjëherë edhe kontradiktore, të konservatorizmit dhe të populizmit. FCC-ja (Komisioni Federal i Komunikacioneve) ka hedhur poshtë javën e kaluar rregullat e neutralitetit të rrjetit të Obamës që u kërkonin kompanive të telekomunikacionit që ta trajtonin në të njëjtën mënyrë të gjithë trafikun e internetit. Veçmas, Departamenti i Drejtësisë ka thënë se do të ngrejë padi për të bllokuar blerjen e grupit Time Warner nga ana e kompanisë AT & T, duke theksuar se kjo do të dëmtonte konsumatorët”.
Në fund, politika e jashtme. “Shumë qeveri në të gjithë botën – shkruan “Financial Times” kanë marrë frymë thellë për faktin që Trump nuk ka qenë edhe aq i paqëndrueshëm siç sugjerohej nga retorika e fushatës së tij elektorale. Megjithëse i ka irrituar aleatët me disa komente të kota, veprimet e tij nuk i kanë minuar aleancat kyçe e Shteteve të Bashkuara aq sa frikësoheshin disa. Pavarësisht se fushatë elektorale kishte premtuar se do ta griste marrëveshjen bërthamore iraniane ditën e parë që do të vinte në pushtet, nuk e ka bërë akoma. Forcat e armatosura amerikane kanë bërë hapa gjigante në luftimin e ISIS-it këtë vit, por kanë përdorur gjerësisht të njëjtën strategji të administratës Obama”.

Përgatiti
ARMIN TIRANA

Si Trump po zgjon gjigantin e fjetur

Fitorja e Presidenti Donald Trump mund të jetë në prag të fitores së tij më të madhe legjislative, nëse miratohet ndryshimi i kodit të taksave dhe me rishikimin e pjesshëm të ligjit të sigurimit shëndetësor të ish-presidentit Barack Obama. Duket se republikanët në Kongres i kanë votat e mjaftueshme për t’i shkurtuar në mënyrë të përhershme taksat e korporatave dhe për një ulje të përkohshme të taksave për rrogëtarët e shtresës së mesme. Shkurtimet e taksave mund ta rrisin borxhin kombëtar të Amerikës me deri 1.5 trillionë dollarë:
Pranë fundit të vitit të tij të parë në post, Presidenti Trump duket se po nuhat fitore: “Do të fillojmë të ndjehemi shkëlqyeshëm. Kjo na duhet si shtytje përfundimtare”. Republikanët venë bast se 8 vitet e njëpasnjëshme me rritje ekonomnike mund të vazhdojnë dhe madje përshpejtohen me një dozë të madhe stimulimi, duke shkurtuar taksat.
“Miratimi i ligjit për shkurtim masiv dhe reformim të sistemit të taksave, do ta zgjonte gjigantin e fjetur në ekonominë amerikane”, thotë senatori republikan Cornyn.
Por demokratët thonë se situata nuk është dhe aq rozë:
“Republikanët vazhduan ta nxisin ligjin e taksave që do të shkatërronte klasën e mesme dhe punonjësit amerikanë dhe do ta bënte të shpërthejë borxhin tonë kombëtar…Kjo do të thotë se fëmijëve dhe nipërve tanë do t’u mbetet të paguajnë faturën e lartë”, thotë ligjvënësi demokrat Thompson.
Historia ofron një pamje të paqartë për ndikimin e shkurtimit të taksave. Ekonomia amerikane u gjallërua pas shkurtimit të taksave në vitet 1980, por pati rritje më të lartë pas ngritjes së madhe të taksave në vitet 1990. Shkurtimi i taksave në vitet 2001 dhe 2003 u pasua me disa vite rritjeje ekonomike të moderuar dhe pastaj me një recesion të madh.
Republikanët këmbëngulin se amerikanët do të jenë më mirë ekonomikisht pas pakësimit të barrës së taksave.
“Të gjithë kanë për të përfituar, por mendoj se përfitimi më i madh ka për të qenë për vendet e punës për shtesën e mesme…Ekonomia jonë është tani në gjendje fantastike. Por mbetet edhe një hap i madh për t’u kapërcyer, që nuk mund ta marrë pa miratuar ligjin e taksave”, tha Presidenti Trump.
Demokratët thonë se nga ligji do të përfitonin më tepër të pasurit dhe se amerikanëve të varfër dhe të moshuar do t’u duhet paguajnë një çmim më të lartë me planin e republikanëve:
“Ata po zhysin vendin edhe më tej në borxh. Në se i hedh një vështrim buxhetit të tyre, duket fare qartë plani për ta pakësuar programin shëndetësor për të moshuarit Medicare me 500 miliardë dollarë dhe atë për të varfërit, Medicaid, me mbi$1 trilion”, thotë senatori demokrat Van Hollen.
Për të shmangur dezertimet e minutës së fundit të ndonjë ligjvënësi republikan, apo të mungesave në ditën e votimit, Kongresi mund ta çojë ligjin e taksave në Shtëpinë e Bardhë, për t’u firmosur nga Presidenti Trump, që të mërkurën. Pakica demokrate nuk mund ta bllokojë ligjin, por ka premtuar se do ta bëjë atë një çështje madhore në fushatën për zgjedhjet e mesit të mandatit vitin e ardhshëm.

1...6 2076 2086 209...8 382Faqja 6 208 nga 8 382

Kryesore

Continue to the category
Më shumë
© 2024 Rilindja Demokratike Euroatlantike