Pas 205 prezencash në total me Inter-in (i dyti në këtë skuadër pas Samir Handanoviç në kuotën 216), është lojtari i pesëdhjetë më jetëgjatë i të gjitha kohërave te zikaltrit. Sipas “Gazzetta dello Sport” rreth moshës 30-vjeçare Yuto duket se gjeti rrugën për të nisur një rritje konstante dhe me shumë kuptim (në 12 shtator mbushi 31 vjeç). Merita është edhe mbi të gjitha e Luciano Spalletti-t. Ndoshta nuk do të bëhet mbrojtësi i majtë më i fortë në botë, por tani mund të garantojë rezultate vendimtare për skuadrën në pozicionin e tij.
Karriera e japonezit tek Inter-i (kontrata i skadon në 2019-ën), ka qenë shpesh afër ndërprerjes. Një herë kur refuzoi Manchester United, dhe disa të tjera kur është folur për të ristrukturuar repartin e mbrojtjes. Rritja e Yuto-s ka kaluar edhe përmes gabimeve trashanike si ai kundër Napoli-t në fund të kampionatit të kaluar. “Jam trajtuar si një kriminel”, kishte shfryrë në Twitter më herët.
Tani atmosfera duket se ka ndryshuar totalisht. Dhe këtë ndjesi e përcjell vetë lojtari: “Ndaj Samp mendoj se kam bërë ndeshjen time më të mirë që kur kam ardhur tek Interi. Jam gjithmonë krenar kur zbres në fushë me këtë fanellë, ngjyrat zikaltër janë në zemrën time. Dhe jam krenar për shokët e mi”.
Nagatomo, gladiator i Interit
Si modifikohet makina e drogës
Ka mënyra të shumta për mënyrën se si modifikohet një makinë për transportin e drogës. Prej ditësh Prokuroria është vënë në kërkim të Audit AA003GB të Tahirit që përdorej nga Habilajt për trafik droge, por pa shpresë. Burimet thonë se Audi është zhdukur për të fshehur çdo provë të mundshme nga hetimi.
Xi Jinping, timonieri tjetër i madh 2.0 i Byrosë politike të Kinës
Jo, Xi Jinping nuk është “Kryetari i Madh”. Por gjithsesi kryetari i shtetit dhe i partisë së Kinës konsiderohet si “Kryetar i të gjithave”. Asnjë kryetar partie pas Mao Ce Dun-it nuk ka përqendruar në duart e tij kaq shumë pushtet, sa përqendroi në pesë vitet e para të mandatit të tij Xi, i cili vjen nga një familje e vjetër funksionarësh komunistë. Tani, 64 vjeçari i afrohet edhe formalisht themeluesit të shtetit Mao Ce Dun: “Mendimi i Xi Jinping-ut për socializmin me tipare kineze për një epokë të re” u fisnikërua duke e bërë pjesë e kushtetutës së partisë. Një nder kaq i madh nuk i qe bërë asnjë kryetari partie që prej Maos. Xi është në Këshillin e Përhershëm të Byrosë Politike në këtë mënyrë jo një i parë midis të barabartëve – ai tani është vetëm i Parë! Timonieri i madh 2.0.
Ndarja me “udhëheqjen kolektive”
Një portret i madh i ish-timonierit të madh vazhdon të qendrojë i varur në hyrjen e Pallatit të vjetër Perandorak në qendër të Pekinit; maozoleumi i Maos me kufomën e tij të balsamosur vazhdon të mbizotërojë Sheshin Tien-An-Men. Por ia vlen të kujtosh: edhe zyrtarisht, veprimtaria e Maos vlerësohet pozitivisht vetëm në 7/10 e saj dhe në 3/10 vlerësohet si e keqe. Për shembull, sepse Mao si sundimtar absolut me “Hapin e madh përpara” shkaktoi midis viteve 1958 dhe 1961 urinë më të madhe të shkaktuar ndonjëherë nga njeriu, me disa miliona të vdekur. Ose sepse me Revolucionin Kulturor ai i shkaktoi Kinës një katastrofë nacionale. Për t’i shmangur në të ardhmen këto teprime, Partia Komuniste themeloi konceptin e “udhëheqjes kolektive”. Me meshën e kurorëzimit për Xi Jinpingun, partia distancohet në një masë nga kjo praktikë.
Xi e nis mandatin e tij të dytë me mbështetje të pashembullt. Përfshirja me emër në kushtetutën e partisë është vetëm një gjë. Tjetra janë ndryshimet në personel, më të mëdhatë në organet e partisë që prej vitit 1969: 70 përqind e vendeve në Komitetin Qendror janë zënë tani me persona të rinj; pesë nga shtatë vendet e Byrosë Politike në Komisionin e gjithëpushtetshëm të Përhershëm të Byrosë Politike u liruan. Dhe Xi pati mundësi që të vendosë kudo mbështetës – për ta vënë në jetë edhe më tej programin e parties.
Se në ç’drejtim do ta çojë kombin më të madh të botës njeriu më i pushtetshëm i Kinës që prej dekadash, këtë e bëri të qartë Xi në fjalimin e tij të gjatë në çelje të kongresit: Epoka e Ten Hsiao Pinit mori fund- koha në të cilën synimi ishte që Kina të bëhet e pasur. Tani vjen epoka Xi. Dhe në këtë epokë, Kina duhet të bëhet e fortë: e fortë brenda vendit, përmes një partie të gjithëpushtetshme dhe me një kryetar partie të gjithëpushtetshëm. E fortë edhe nga jashtë deri në vitin 2035, me një ushtri në nivelin botëror – me fjalë të tjera: në nivel të barabartë me SHBA.
Ndikim i partisë në të gjitha sferat e jetës
Vizioni i madh i Xi-së shtrihet deri në vitin 2050. Por ajo që shpalli ai për pesë vitet e ardhshme tingëllon se do të kemi më shumë nga e vjetra: fushata antikorrupsion do të vazhdojë. Dhe para së gjithash ndikimi i partisë në të gjitha fushat e jetës do të zgjerohet më tej. Kjo në një kohë që Xi do të mbështetet edhe në Big Data: Partia do të përdorë të dhënat e sipërmarrjeve kineze të IT dhe do të fusë me detyrim për secilin nga 730 milionë përdoruesit e internetit një “sistem të vlerës sociale”: çdo veprim do të shpërblehet me pika plus ose do të ndëshkohet me heqje pikësh. Inteligjenca artificiale do të ndihmojë në krijimin e nënshtetasit perfekt. Shteti i mbikqyrjes po punon tashmë për një sistem të identifikimit të fytyrës: sigurimi i shtetit do të jetë në gjendje që brenda tri sekondash të identifikojë çdo kinez, të filmuar në njërën prej 20 milionë kamerave të përgjimit në sheshet publike. Me diktaturën njëpartiake të suksesshme ekonomikisht, Xi Jinping hyn në garë sistemesh me Perëndimin. Dobësia e Perëndimit me një Donald Trump në Shtëpinë e Bardhë ia lehtëson ndërkohë punën. Evropa duhet të gjejë një përgjigje për këtë.
Kosova vendos barriera ndaj miellit serb, po Shqipëria?
“Kjo është barrierë klasike doganore me të cilën pengohet ose dhe madje ndalohet importimi i miellti nga Serbia”, citon RTS të ketë thënë Lajiq, transmeton Koha.net.
Taksa prej 40 eurosh është aq sa që importimin e miellit nga Serbia e bën të pakompensueshëm”, ka thënë Lajiq.
“Nëse kjo masë nuk tërhiqet, do të kërkojmë takim urgjent të Komitetit të përbashkët të CEFTA-s në mënyrë që kjo çështje të vihet në rendin e ditës e njëkohësisht do t’iu drejtohemi edhe trupave përkatës të Komisionit Evropian”, thënë ai.
Ndërsa Kosova e ka marë këtë masë, pyetja shtrohet po Shqipëria si vepron? Dyshimet janë se mieli serb ka pushtuar tregun në Shqipëri pasi është më i lirë dhe kryesisht nuk duhet të përdoret në furrat e bukës.
Basha: Mesazhi i Azemit, liria fitohet e mbahet me beteja duke shkuar çdo ditë në luftë për të
Lulzim BASHA
Shumë të dashur qytetare dhe qytetarë të Tropojës,
Miq, të afërm, familjarë të Azem Hajdarit,
Të dashur Fatmira, Rudina, Kiri dhe Azem,
I nderuar z.kryetar i Bashkisë,
I nderuar Dr.Berisha,
Të nderuar deputetë dhe personalitete të Shqipërisë, Kosovës, Maqedonisë, Malit të Zi, Luginës së Preshevës,
Shkelqësi ambasadorë, anëtarë të trupit diplomatik, bashkëqytetarë të Azem Hajdarit,
Zonja dhe zotërinj,
Kam ardhur me gëzim dhe dëshirë të madhe në këtë festë të bukur, në këtë ditë solemne të rikthimit të përjetshëm të Azem Hajdarit, në vendlindjen e tij të dashur, në Tropojën e tij të shtrenjtë.
Këto male, e di janë plot me heroizëm dhe lavdi shqiptare që shkon thellë në histori. Azem Hajdari është heroi më i ri, është një maje e lartë e këtij panteoni të historisë e kombit tonë. Ai është udhëheqësi i Lëvizjes Studentore demokratike dhe intelektuale të Dhjetorit 1990.
Tropojës i takon nderi t’i ketë dhënë kësaj lëvizje historike që hapi epokën e demokracisë europiane në Shqipëri edhe liderin e Studentëve të Dhjetorit, Azem Hajdarin, edhe liderin historik të demokracisë shqiptare Sali Berishën.
Azem Hajdari e shënoi hapjen e epokës së re të demokracisë shqiptare, e shënoi që nga çasti kur në emër të studentëve që u ngritën bashkë me të dhe me thirrjen e tij kundër diktaturës komuniste kërkoi vendosjen e pluralizmit politik në Shqipërinë e telave me gjemba e deri kur armiqtë e lirisë e goditën pabesisht, për ta ndarë në mes të një rruge të gjatë betejash, arritjesh, sfidash dhe sakrificash nga gjiri ynë. Beteja, sakrifica dhe sfida për të ruajtur busullën dhe kursin perëndimor të demokracisë së brishtë shqiptare.
Azem Hajdari është nga brumi i atyre heronjve që me kalimin e kohës e tresin brenda emrit të tyre çdo epitet që mund të thuhet për ta.
Azemi është uragani, është tribuni, është guximi, është trimëria, është frymëzimi, është liria, është shqiptaria.
Emri i tij është personifikimi i këtyre vlerave që mishërojnë dhe lartësojnë njeriun, shqiptarin, atdhetarin.
Si bir i familjes ku i lind dhe i krahinës ku u rrit, Azem Hajdari ju përket ju, i përket Tropojë dhe ju jeni krenarë për birin tuaj. Si udhëheqës politik Azem Hajdari i përket Partisë Demokratike të Shqipërisë, themelues dhe kryetari i parë i së cilës ishte. Demokratët janë dhe do të jenë përherë mirënjohës dhe krenarë me prijësin e tyre të orëve të para, me tribunin e tyre të pavdekshëm. Si heroi i demokracisë Azemi i përket gjithë Shqipërisë, i përket gjithë kombit.
Sa më shumë shkon koha, Azem Hajdari fiton përmasat e një figure politike të papërsëritshme, që afron, që bashkon, që frymëzon me shembullin dhe veprën e tij.
Shqiptarët i detyrohen shumë me mirënjohje dhe nderim për gjithçka bëri e dha për lirinë e të gjithëve ne.
Duke i prirë betejës së madhe fisnike dhe heroike për lirinë e të gjithëve Azemi fitoi përjetësinë. Ky është fati i luftëtarëve të lirisë. Kjo përmendore që ngrihet sot në nderim të tij është vetëm njëra prej përmendoreve në mbarë vendin, në mbarë kombin.
Në fakt përmendoren më të madhe të Azemit e kemi e në zemrat dhe mendjet tona. Këtu në zemrat dhe mendjet tona Azem Hajdari vazhdon të na ndriçojë rrugën. Këtu në mendjet dhe në zemrat tona Azemi na flet sikur të ishte i gjallë. Sepse këtu është dhe do të mbetet i gjallë përherë.
Në mendjen dhe në zemrën time, në mendjet dhe zemrat e mbarë rinisë shqiptare kujtimi i ndritur i Azem Hajdarit vjen me mesazhin e gjallë e frymëzues se Liria nuk është një dhuratë e përjetshme, se liria u përket atyre që e duan dhe e çmojnë si më të shtrenjtën gjë në jetë, se Liria shërbehet e duhet të shërbehet me përkushtim e sakrifica. Se liria fitohet e mbahet me beteja duke shkuar çdo ditë në luftë për të. Se liria është mision për drejtuesit politikë.
Ky është Azemi i pavdekshëm i mendjeve dhe zemrave.
Por sa bukur ta shohim sot në një vepër arti, në një përmendore si kjo që u lartësua në qytetin e tij të lindjes. Kështu kthehen heronjtë. Do ta keni në mesin tuaj, do të zgjoheni e ngryseni me të, me bashkëqytetarin tuaj të përjetshëm.
Tropoja është sot më e bukur me përmendoren e Azem Hajdarit.
Azemi rikthehet madhështor në Tropojë
U përurua sot në Bashkinë e Tropojës, shtatorja madhështore e Heroit të Demokracisë, Azem Hajdarit. Në ceremoninë e rastit merrnin pjesë, kryetari i PD, Lulzim Basha, kryetari i Bashksië së Tropojës, Besnik Dushaj, ish-Kryeministri Sali Berisha, kryetarja e LSI, Monika Kryemadhi, Princi Leka, Daut Haradinaj, si dhe personalitete të rëndësishme të vendit dhe rajonit, etj.
Ceremoninë e hapi kryebashkiaku i Tropojës, Besnik Dushaj, i cili tha se, djalin tonë të bukur e përcollëm të ri, dhe na u kthye në bronx. “Azem, ti je gjallë dhe faleminderit që na dha mundësitë të ëndërrojmë”, tha ndër të tjera kryebashkiaku Dushaj.
Kryetari i PD, Lulzim Basha tha gjatë fjalës së tij se, kam ardhur me gëzim dhe dëshirë të madhe në këtë festë të bukur, kthimin e Azem Hajdarit në Tropojën e tij të shtrenjtë.
“Kam ardhur me gëzim dhe dëshirë të madhe në këtë festë të bukur, kthimin e Azem Hajdarit në Tropojën e tij të shtrenjtë. Këto male janë plot me heroizëm dhe lavdi. Azem Hajdari ju përket ju, i përket Tropojës dhe ju jeni krenar për birin tuaj. Si udhëheqës politik, Azem Hajdari.
Sa më shumë shkon koha, Azem Hajdarit i detyrohemi shumë për çka bëri për lirinë e gjithëve ne. Kjo është vetëm njëra prej përmendoreve që ngrihen për të. Në fakt përmendoren më të madhe, Azem Hajdari e ka në mendjet dhe zemrat tona. Ai vazhdon të na ndriçojë rrugën.
Në mendjen dhe zemrat time, të mbarë rinisë shqiptare, kujtimi i Azem Hajdarit na shërben të kujtojmë se liria është gjëja më e çmuar në jetë. Tropoja sot është shumë e bukur me përmendoren e Azem Hajdarit”, u shpreh ndër të tjera Basha.
Ish-Kryeministri Berisha tha gjatë fjalës së tij se, Azem Hajdari do të kthehej e do të shndërrohej në legjendën e vërtetë. “Azem Hajdari do të kthehej e do të shndërrohej në legjendën e vërtetë. Do të ngrihej si luan mbi mitrolozët,përballë autoblindave, përballë një diktature më të rëndat e Evropës, do të brohoriste. Do të shkallmonte dyert e mbyllura të lirisë dhe dinjitetit për shqiptarët, që shqiptarët të ngrihen kudo si njerëz me besim dhe krenarë!
Vëllezër dhe motra!
Azem Hajdari jeton e do të jetojë përjetë në ëndrrën më të bukur të çdo qytetari të kësaj toke që do të ndihet i barabartë, me dinjitet, kokëlartë, ndaj dhe sot ai është një apel, një frymëzim pasi pas 27 vitesh nuk mund të mohohet se një vello e zezë ka mbuluar Shqipërinë. Velloja e narkotikëve që ka bërë që shqiptarëvt të mos vendosin dot për fatin e tyre, që emri i tyre të mos shkëlqejë në mes të kombeve të tjera. Por ne jemi ëktu sot të frymëzuar nga Azem hajdari për t’u ndarë nga çdo e keqe, për të ecur të sigurtë drejt hapësirave që meritojmë.
Shqipëria europiane është ëndrra jonë. Të luftojmë ta bëjmë realitet sa më shpejt. Azemi ?7shtë ngritur në bronx, por ai duket si i gdhendur në shkëmb. Falenderoj edhe njëherë skulptorin Isa Baliaj, që na e solli Azemin këtu në qytetin e alpeve, që ai të prehet përjetësisht këtu. Nder përjetë heroit legjendar”, u shpreh Berisha.
A do të arrestohet Rama?
Fakte dhe prova të reja dhe të tmerrshme për lidhjet e krimit me Ramën dhe Tahirin. Të dy janë kapur në flagrancë nga shërbimet e vendeve partnere me Shqipërinë. “RD” zbardh një nga këto prova.
Në versionin print të gazetës
Oficeri i Antidrogës: Na u kërkua arshivimi i informacioneve për Audin AA003GB të Tahirit
Ish-oficeri i Antidrogës Antonio Nazeraj ka deklaruar se i është kërkuar zyrtarisht dhe janë bërë presione të që arshivojë të dhënat që kishin për lëvizjet e makinës Audi AA 003 GB në pronësi të Tahirit dhe me të cilin lëviznin Habilajt.
Sa grupe te strukturuara kriminale kishte sipas infove tuaja në këtë zonë?
Në qarkun e Fierit janë të paktën katër grupe kriminale që kanë operuar në fushën e narkotikëve, heroinës dhe kokainës, që bënin trafikimin në Greqi dhe Itali si dhe kanabis. Heroina vinte nga Stambolli nga Turqia, por me prejardhje nga Afganistani që më pas trafikohej në Greqi, si dhe kokaina.
Kishin mbrojtje pushtetit?
Në ato vite që kam punuar të them të drejtën nuk e kam ndjerë asnjëherë veten të kërcënuar nga shteti para 2013, por më pas krerët e policisë dhe Ministrisë së Brendshme u bënë njësh me bordin e mafias. Këta kishin shumë mbështetje politike. Këta vendosnin dhe emëronin dhe oficerët, shefa policie, drejtorë policie, në rrethe të ndryshme, apo oficerë në drejtori policie, që i vendosnin, ata bandat vendosnin.
Ky bord bënte dhe emërimet?
Bënte dhe emërime në policinë e shtetit, që kurrë s’kishte ndodhur
Kanë mbështetur politikanë këto grupe?
Këto grupe kriminale kanë pasur goxha mbështetje dhe u bënë shumë të fuqishëm në muajt në vijim.
Heroina dhe kokaina një problem i madh, cilat linja funksiononin?
Ne kemi pasur në hetim gjatë atyre viteve të drogës që vinte nga Turqia dhe kokaina nga Brazili, ku ka pasur eksponentë të njohur në fushën e heroinës, kishim një grup kriminal që sillte kokainën nga Amerika Latine, nga Brazili, nëpërmjet kamionëve të vegjël, që përdoreshin kryesisht për pulat e ngrira.
Kishte një biznes që e mbulonte këtë trafik?
Po ka pasur një biznes, ka pasur disa biznese qe mbulonin trafikun e kokainës nga Brazili në Shqipëri, disa subjekte, ka qenë një bord, një grupim, që ndanin pjesët me përqindje, dhe bënin llogaritë e shitjes së kokainës.
Vinte nga Brazili për ku?
Destinacioni i kokainës në shumë raste, marr shembull një grup, zhdoganonte në Mal të Zi, pastaj futej në Shqipëri, në Veri të Shqipërisë dhe më pas vinte në Fier dhe shpërndahej në vende të ndryshme.
Fieri si magazinë?
Le të themi se ka qenë një laborator i kokainës. Nga infot që ne kemi ndjekur kjo bandë e trafikut të kokainës e mbulonte me shitjen e pulave të ardhura nga Brazili. Kemi pasur në ndjekje një tjetër biznes, biznes i ujit të pijshëm në Jug të vendit. Dhe ky e mbulonte këtë biznes dhe merrej me trafikun e heroinës nga Afganistani në Shqipëri, më pas transportonte në Greqi.
Përse si arrestonit këto?
Kanë qenë gjithnjë në hetim, por vitin e fundit ishte e pamundur të vepronin, kishim një operacion konkret me arrestime.
Ka një episod për t’ju korruptuar?
Kemi sekuestruar dhe ndaluar mjetin dhe ofruar 50 mijë euro t’i linim të lirë dhe dhjetë mijë euro që mos t’i linim të lirë.
Dhe ne e dërguam në burg. Kemi bërë sekuestrimin e heroinës, janë bërë veprime hetimore, ishte një grup shumë i strukturuar kriminal që doli më pas nga transkriptimet, por me terrorin e muajve të fundit nga SHKB, dhe eprorët e Policisë së Shtetit ishte e pamundur të hetojë këto grupe kriminale, pasi kishte dhe dhjetë persona të tjerë grupesh kriminale në trafik me destinacion Athinën, kishte persona të tjerë nga Fieri, Berati, Mallakastra në këtë grup kriminal. Por pjesa e krerëve të policisë, gjykatës dhe prokurorisë kanë paguar shuma të mëdha parash dhe ky hetim pastaj ngeli, isha në ditët e fundit, kur jam transferuar në Lushnjë.
Ka ardhur një zyrtar nga Amerika Latine, një trafikant?
Gjatë hetimit që kemi pasur për një trafik droge kokainë, që vinte nga Brazili në këtë episod ishte përfshirë dhe një shtetas nga Amerika Latine, nga Kili apo Brazili, më duket një ish-ministër, i cili ishte përfshirë në trafik droge dhe erdhi në Fier pasi ka pasur një ftesë nga ish-kryetari bashkisë në atë kohë, për planin e rregullimit të qytetit të Fierit, sipas informacionit që morëm në bashki, por, sipas hetimit tonë, ishte i përfshirë në trafikun e kokainës që vinte nga Brazili në Shqipëri dhe në Fier. Ky person ka pas bashkëpunim me disa persona që ne kemi pasur në hetim për trafikun e kokainës si dhe një grup kriminal të mirorganizuar në qytetin e Vlorës.
Një tjetër zyrtar që më shumë bënte mbledhje partie se policie?
Po në atë kohë më kujtohet se ish- nëndrejtori i policisë është munduar të fshehë një dosje kontingjenti të një ish- funksionari të lartë të partisë në pushtet, ishte nipi funksionari të lartë, ky nëndrejtor ishte një njeri shërbimesh në kohën e diktaturës.
Grupe të mëdha biznesi në kokainë heroinë, kishte vrasje, gjoba?
Pengmarrje e vrasje ka pasur, por këta, kohë pas kohe, kanë korruptuar gjykatën dhe policinë, por dhe krerët e lartë të Policisë së Shtetit
Gjykatës e prokuror të korruptuar?
Gjykata dhe prokuroria pjesë e sistemit të korruptuar.
Mos e bëjmë teorike, ju ka qëlluar konkretisht?
Po, jemi hasur, por edhe me emra nuk mund t’i themi të gjithë, pasi tetë vite kemi pasur info goxha se si korruptoheshin, duke parë dhe vendimet e gjykatës që me gjithë provat tona ata dilnin pa lagur.
Nëse drejtësia funksionon, ju do ia përcillnit këtë rrëfim asaj?
Po, patjetër. Nëse do të funksiononte do të isha i gatshme t’ia përcillja këto informacione, dhe informacione të tjera.
“Askush mbi ligjin”, pse SHBA po u drejtohet qytetarëve për të vërtetën?
Ambasadori amerikan përsëriti dje deklaratën e bërë një ditë më parë nga zëvendësndihmësekretari amerikan i Shtetit, Yee, duke deklaruar se askush nuk duhet të dalë mbi ligjin. Shtetet e Bashkuara po lëshojnë mesazhe të qarta të brakstisjes së qeverisë Rama e lidhur me krimin e organiziuar veçanërisht pas votimit të së mërkurës, kur PS refuzoi kërkesën e Prokurorisë së Krimeve të Rënda për arrestimin e Saimir Tahirit.
“Nuk do të ishte e përshtatshme për mua të them, nëse Saimir Tahiri është fajtor apo i pafajshëm. Por, është jashtëzakonisht e rëndësishme që ju si drejtues të shoqërisë civile, ju si të rinj, ju si qytetarë të Shqipërisë të zbuloni të vërtetën. E drejta për të ditur të vërtetën nuk i përket asnjë partie politike. I përket qytetarëve të Shqipërisë. Askush nuk duhet të jetë mbi ligjin”, tha Ambasadori Lu.
Shtetet e Bashkuara, thirrje qytetarëve
Shtetet e Bashkuara tani po i bëjnë thirrje direkte qytetarëve për të kërkuar të vërtetën mbi lidhjet e Tahirit me krimin dhe bandën e Habilajve. “Nuk do të ishte e përshtatshme për mua të them, nëse Saimir Tahiri është fajtor apo i pafajshëm. Por, është jashtëzakonisht e rëndësishme që ju si drejtues të shoqërisë civile, ju si të rinj dhe ju si qytetarë të Shqipërisë të zbuloni të vërtetën. E drejta për të ditur të vërtetën nuk i përket asnjë partie politike. I përket qytetarëve të Shqipërisë”. Deklaroi sot, Ambasadori amerikan Donald Lu për çështjen Tahiri”. Po çfarë fshihet pas thirrjes që po bëjnë amerikanët drejtuar shoqërisë. Ata nuk po i drejtohen më thjesht dhe vetëm politikës. As nuk po i drejtohen thjesht dhe vetëm Drejtësisë, ata tani po i drejtohen shoqërisë që të kërkojë të vërtetën e lidhjeve të krimit me Tahirin.
Instrumentat që shoqëria ka për të kërkuar të vërtetën mbi lidhjet e qeverisë me krimin nuk janë institucionale. Shoqëria reagon përmes protestave dhe kjo është ajo çfarë pritet të ndodhë gjatë ditëve dhe javëve të ardhshme. Beteja për çmontimin e krimit nuk do të jetë e lehtë, por do të ndodhë me çdo kusht. Ky është mesazhi që po përsërisin partenrët e Shqipërisë, të cilët kësaj here duken të vendosur për të shkuar deri në fund këputjes së hallkave të krimit të organizuar me politikën.
Seanca e së mërkurës ishte prova e parë e kapjes së të gjithë mazhorancës dhe kriminalizimit të forcës politike në qeverisje përmes vendimmarrjes së saj. Tani në terrenin e politikës së brendshme dhe asaj ndërkombëtare janë skenarë të tjerë për çmontimin politik të krimit të organizuar të njehsuar me partinë në pushtet.
Cili është kuptimi i shprehjes “askush mbi ligjin”
Shtetet e Bashkuara përmes dy deklaratave radhazi kanë përsëritur të njëjtën shprehje; “Askush mbi ligjin”. Cila është domethënia e kësaj fjalie dhe kujt i drejtohet. Deklarata bëhet vetëm pak orë pas votimit, ku Rama dhe PS nuk lejuan Prokurorinë të arrestojë Tahirin. Atëherë është i qartë konteksti i deklaratës amerikane. Mbi ligjin është sot PS dhe ish-ministri i saj i Brendshëm, Tahiri të cilët e kanë vendosur veten pas votimit të së mërkurës mbi shtetin ligjor dhe mbi drjetësinë, Prokurorinë dhe Gjykatat. PS ka bërë gabimin fatal me votimin e së mërkurës, duke vendosur partinë dhe lidhjet e krerëve të saj me krimin e organizuar mbi ligjin. Ndaj dhe reagimet amerikane kanë qenë mjaft të ashpra, brenda 48 orëve dhe pritet që të ashpërsohen në ditë dhe javët e ardhshme. Shtetet e Bashkuara ashtu si dhe BE nuk do të mund të lejojnë një forcë politike të dalë mbi ligjet pasi ky do të ishte fundi i kapitullit të një shteti të së drejtës dhe instalimi dhe pranimi zyrtar i diktaturës së krimit.
Reagimi i plotë i ambasadorit
Dua t’ju përgëzoj për punën e jashtëzakonshme që keni bërë për të luftuar korrupsionin në sistemin arsimor. Por së pari, më lejoni të them dy fjalë në lidhje me polemikat aktuale rreth ish-ministrit të Brendshëm, Saimir Tahiri.
Të gjithë ju jeni duke parë të shkruhet historia në këtë vend. Ajo që dini është se në komunizëm, Shqipëria kishte problemin e turpshëm të udhëheqësve komunistë që dërgonin njerëz të pafajshëm në burgjet më të tmerrshme: në Spaç, në Burrel dhe në Qafë Bar.
Në 27 vitet e fundit, ky vend është përballur me problemin tjetër, me problemin e turpshëm të politikanëve të fuqishëm, nga e djathta dhe nga e majta, që kanë kryer krime të tmerrshme dhe i kanë shpëtuar drejtësisë, pa pushim.
Nuk do të ishte e përshtatshme për mua të them, nëse Saimir Tahiri është fajtor apo i pafajshëm. Por, është jashtëzakonisht e rëndësishme që ju si drejtues të shoqërisë civile, ju si të rinj, ju si qytetarë të Shqipërisë të zbuloni të vërtetën. E drejta për të ditur të vërtetën nuk i përket asnjë partie politike. I përket qytetarëve të Shqipërisë. Askush nuk duhet të jetë mbi ligjin.
Ju nuk jeni gjyqtarë apo prokurorë, por jeni njerëz që votoni. Ju i dhatë besimin tuaj këtij personi si anëtar i Kuvendit dhe si ministër i lartë i kabinetit. Është përgjegjësia juaj të kërkoni që publiku të dijë të vërtetën për këtë çështje. Nëse është i pafajshëm, njerëzit duhet ta dinë këtë. Nëse është fajtor, ai duhet të përballet me drejtësinë.
Tani, më lejoni të flas për arsyen pse jemi këtu sot – korrupsioni në sistemin arsimor.
Unë besoj që brezi juaj do të ndihmojë në gjetjen e zgjidhjes së problemit të rritjes së korrupsionit në shkolla dhe universitete. Më pëlqejnë shumë idetë që po vini në praktikë. Për shembull, më pëlqen idea juaj për të identifikuar profesorët më të mirë dhe për t’iu treguar të gjithëve, se cilët profesorë i rezistojnë korrupsionit dhe vendosin edukimin e studentëve të tyre përpara interesave vetiake.
Ndërsa brezi juaj lufton korrupsionin, ju lutem dijeni se keni mbështetjen tonë të plotë. Ne po punojmë çdo ditë për të mbështetur vetingun në drejtësi, luftën kundër krimit të organizuar dhe dekriminalizimin e politikës. Aty ku brezat e kaluar kanë dështuar në luftën kundër korrupsionit, unë jam besimplotë se ju do të keni sukses.
Më lejoni ta përfundoj duke falenderuar të gjithë anëtarët e Këshillit Rinor, Qendrën për Nisma Ligjore Qytetare dhe veçanërisht profesorët e dekanët që e kanë mbështetur me guxim këtë nismë.
Korrupsioni nuk do të mposhtet në një ditë të vetme, por mund të mposhtet nga një brez. Do të mposhtet nga brezi juaj.
Arben SHAHINI
Kryesore
Continue to the category
