Ricardo Izecson dos Santos Leite, për të gjithë Kaka, një kampion i paharrueshëm për tifozerinë e Milanit me ngjyrat e të cilit ka fituar gjithçka. Mes 2003 dhe 2007-ës ka fituar titullin, Superkupën e Italisë, një Ligë Kampionesh, dy Superkupa UEFA dhe një Botëror për Klube, pa harruar “Topin e Artë” 2007.
Kohët e fundit braziliani ka deklaruar se nuk do të rinovojë kontratën me Orlando-n ku luan aktualisht, për “mungesë stimujsh”, por kjo nuk do të thotë se do të “varë këpucët në gozhdë”. Përkundrazi Kaka është në kërkim të një klubi të ri dhe me shumë gjasa do të rikthehet në Brazil për ta mbyllur me futbollin e luajtur pikërisht aty ku e nisi. Në pritje të gjetjes së një skuadre të re, lojtari i klasit të lartë këto ditë ka zbuluar për “AS” 5 ndeshjet më të rëndësishme të jetës së tij, tre prej të cilave me Milanin, por 2 nuk i ka fituar.
1) 30 qershor 2002: Gjermani 0–Brazil 2: “Ndihesha si peshku pa ujë, por shumë krenar që isha pjesë e asaj skuadre në finalen e Botërorit. Isha shumë nervoz, Gjermania ishte një rivale shumë e fortë, por kur Ronaldo shënoi e dija që do të fitonim. Pesë minuta nga fundi hyra në fushë, vrapova shumë dhe me shumë vështirësi arrita ta prekja topin. Ndodhesha afër arbitrit kur bëri vërshëllimën finale, ishte një nga momentet më të mira të karrierës time, kampion me Brazilin vetëm 20 vjeç”.
2) 25 maj 2005: Liverpool 3–Milan 3: “Atë ditë kuptova që, futbolli nuk do të jetë kurrë vetëm një sport. Edhe tani nuk e di se si Liverpool-i arriti të na barazojë në gjashtë minuta. Edhe pse humba, mësova shumë nga ajo ndeshje”.
3) 1 korrik 2006: Brazil 0–Francë 1: “Zgjodha dy ndeshje, të cilat i kam humbur, për faktin sepse kam mësuar shumë prej tyre. Atë vit Brazili ishte i jashtëzkonshëm, me Cafù, Lucio, Roberto Carlos, Ronaldo, që sapo kishte fituar Champions League-n me Barcelona-n, por nga ana tjetër ishte Zidane në një formë të jashtëzakonshme atë ditë; edhe pse për një marrëzi (incidenti me Materazzi-n) më pas humbi mundësinë të fitonte Botërorin”.
4) 23 maj 2007: Milan 2–Liverpool 1: “Ishte hakmarrja e 2005-ës. Por kishim motivimin e duhur. Edhe pse e dinim që po fitonim, kur Kuy-t shënoi në minutën e 89’ na zuri paniku se mund të ripërsëritej skena e 2005-ës, por nuk ndodhi. Ishte e mrekullueshme, 2007-a ishte viti më i mirë i karrierës time”.
5) 16 dhjetor 2007: Boca Juniors 2–Milan 4: “Edhe pse duket i lehtë, Botërori i Klubeve është i vështirë dhe konkurrues. Shënova një gol në minutën e ‘61’-të dhe festova me një T-shirt me mbishkrimin ‘Unë i përkas Jezusit’. Atë ndeshje u zgjodha më i miri në fushë”.
Kaka zbulon 5 ndeshjet e jetës
Prokuroria zbulon periudhën kur Tahiri komunikonte me Habilajt
Prokurorët e Krimeve të Rënda po verifikojnë të gjitha tabulatet telefonike mes Tahirit dhe vllezërve Habilajve. Koha kur prokuroria është përqëndruar për të kontrolluar tabulatet varion nga viti 2013 deri në vitin 2015. Sipas prokurorisë kjo është periudha kur Tahiri ka pasur komunikime me vllezërit Habilaj. Ndërkohë pas publikimit në media të miqësisë Habilaj-Tahiri dhe pretendimeve të Dritan Zaganit, se makina e ish-ministrit përdorej nga një grup kriminal në Vlorë, prokuroria thotë se komunikimet telefonike mes tyre janë ndërprerë. Prokuroria nuk e ka të qartë se se në çfarë forme është është kryer komunikimi mes Habiljave dhe Tahirit, por mes tyre nuk ka pasur më komunikime telefonike. Sipas prokurorisë janë duke verifikuar me imtësi të plotë, të gjitha këto komunikime, dhe se në kohët në vijim do kërkojnë të kryejnë dhe verifikime të tjera në disa drejtime.
Ish-Presidenti Nishani: Visho Ajazi u shantazhua!
Ish-presidenti Bujar Nishani ka folur për gazetën ‘Panorama’ pas vendimit të Visho Ajazit për t’u dorëhequr nga drejtimi i Shërbimit Informativ. Nishani shprehet se, dorëheqja e Ajazit duhet të ketë arsye shumë të forta nisur kjo edhe nga natyra e ish-kryetarit.
“Nuk kam asnjë informacion se cilat kanë qenë arsyet e dorëheqjes së z. Visho Ajazi Lika. Mund t’ju them se kam mbetur i befasuar dhe shumë i keqardhur nga kjo situatë e krijuar në njerin prej institucioneve më të rëndësishme të vendit dhe shumë specifike, për më tepër, në situatën aktuale që lidhet me sigurinë nga kërcënimet, qëoftë me terrozimin, qoftë me krimin e organizuar, kam patur dhe ruaj një eksperiencë të shkëlqyer nga bashkëpunimi me të dhe e vlerësoj për personalitetin, maturinë dhe gjakftohtësinë, me të cilën ka menaxhuar punën dhe sfidat. Me siguri që dorëheqja ka arsye shumë të forta për një natyrë ai ajo që kam njohur unë tek z. Ajazi”, ka deklaruar Nishani.
Nishani ka theksuar se vitet e fundit ka patur presione dhe shantazhe politike ndaj SHISH dhe ish-kryetarit Ajazi, kryesisht nga deputetët e maxhorancës dhe nga qeveria e kryeministrit Edi Rama.
“Shërbimi Inteligjent është një institucion i pavarur kushtetues në kuptimin operacional, dhe kemi parasysh që veprimtaria më kryesore dhe më e rëndësishme është ajo operacionale për këtë institucion. Si i tillë, ai mbetet nën tentativën e kapjen politike. Gjatë viteve të kaluara, ka patur një presion të fortë e herë pas here, deri dhe shantazh politik ndaj Shërbimit dhe z. Ajazi kryesisht. Po të risjellim sulmet nga deputetët e maxhorancës, qeveria dhe Komisioni Parlamentar i Sigurisë do të kuptojmë shumë më mirë rrethanat aktuale”, është shprehur Nishani.
Basha me OSBE-ODIHR: Antimafia konfirmoi shitblerjen e votes, shembje krimit në politikë
Shitblerja e votës, e faktuar tashmë, deformimi i vullnetit të qytetarëve, si dhe prodhimi i një rezultati zgjedhor artificial të ndikuar nga krimi kanë qenë dje shqetësimet e diskutuara mes kryetarit të Partisë Demokratike, Lulzim Basha dhe kreut të delegacionit të vëzhguesve të OSBE-ODIHR për zgjedhjet parlamentare të qershorit 2017, Peter Tejler mbi përfundimet e raportit të misionit. Gjatë takimit, kreu i PD Basha diskutoi mbi minimin e procesit zgjedhor nga krimi i veshur me pushtet, ndërsa tha se zgjidhjet për t’i dhënë fund kësaj situate dramatike vijnë dhe gjenden në reformën e re zgjedhore që do të hartohet.
Kreu i opozitës e konsideroi shumë të rëndësishëm raportin, i cili ka dokumentuar shqetësimet e ngritura nga opozita. Raporti konstaton shkelje të rënda, të cilat kanë deformuar vullnetin e shqiptarëve, duke nisur nga shitblerja e votës, presioni mbi zgjedhësit, presioni mbi administratën dhe mbi biznesin, përdorimi masiv i shtetit në shërbim të partisë në pushtet, cenimin e lirisë dhe sekretit të votës, etj.
Raporti evidenton se individë me rekorde të tmerrshme kriminale luajtën një rol domethënës në fushatë. Kjo u vu re edhe gjatë ditës së zgjedhjeve në bashkëpunimin e kontigjentit kriminal me shtabet e partisë në pushtet. Kryetari i opozitës nënvizoi faktin se përgjimet e Antimafias italiane konfirmojnë se roli i krimit dhe parave të drogës në shitblerjen e votës dhe kërcënimin e votuesve, përbën problemin më të madh të demokracisë dhe zgjedhjeve të lira në vend.
Basha vlerësoi që këto shqetësime janë tashmë rekomandime prioritare nga OSBE/ODIHR. Ai u shpreh se reforma zgjedhore është prioritet për Partinë Demokratike dhe është kërkuar të nisë puna menjëherë me nisjen e sesionit të ri parlamentar. Gjithashtu, vonesat dhe mungesa e vullnetin nga ana e qeverisë mund të cenojë procesin për një hartuar një reformë tërësore.
Kreu i opozitës kërkoi mbështetjen dhe ekspertizën e misionit të OSBE/ODIHR-it për implementimin e rekomandimeve. Reforma zgjedhore duhet të përballet me problematikat e shumta të procesit si lista e zgjedhësve, sistemi i adresave, përdorimi i financimeve dhe individëve me rekorde kriminale, përdorimi i pushtetit, vota e emigrantëve dhe mbi të gjitha shitblerja e votës.
Votimi dhe numërimi elektronik është kërkesa dhe kushti parësor i opozitës shqiptare. Kreu i opozitës tha se, votimi dhe numërimi elektronik do të eliminojë shumë prej problemeve.
Basha tha se Partia Demokratike kërkon me ngulm një reformë tërësore që jo vetëm të adresojë e të zgjidhë problemet e mëdha të procesit, por edhe të fuqizojë të drejtën e qytetarëve për të vendosur, si dhe të kufizojë pushtetin e kryetarëve të partive.
Po ashtu, ngritja e një institucioni të pavarur nga qeveria për të ndalur presionet dhe abuzimet mbi administratën është e domosdoshme, ashtu si ndjekja dhe penalizimi fort i çdo rasti të evidentuar për shitblerje vote. Kryetari Basha mori mbështetjen e ambasadorit Tejler për një bashkëpunim të plotë me OSBE/ODIHR-in, me ekspertët e tyre më të mirë për të asistuar në hartimin e reformës zgjedhore.
Etike, kur vendin e ka mbytur droga dhe krimi i organizuar?!
Belind KELLIÇI
Ndërsa po përgatitesha për këtë diskutim të sotëm mbi hartimin e një projektligji për ndalimin e gjuhës së urrejtjes në Parlament, projektligj të cilin e përkrah pa hezitim, por që e konsideroj një luks të tepërt për realitetin me të cilin përballet shoqëria jonë sot, përpara m’u shfaqën një sërë artikujsh mbi gjendjen alarmante të papunësisë mes të rinjve, krimit, drogës, kriminalizimit të qeverisjes, e mes tyre akuzat e panumërta të kryeministrit ndaj opozitës, medias, shoqërisë civile e gjithkujt që guxon të flasë për këto fenomene.
Ndala për një çast, sepse ajo që sot po vret ëndrrat dhe shpresat e të rinjve, po i shtyn çdo ditë drejt rrugëve të emigrimit, po largon trurin nga vendi ynë, është pikërisht kriminalizimi i qeverisjes në çdo hallkë të sajën.
Prej më shumë se 4 vitesh opozita, gazetarët investigativë, rrjetet mediatike prestigjioze ndërkombëtare dhe shoqëria civile, denoncojnë me forcë shndërrimin e Shqipërisë në një hambar droge, mbështetjen që drejtues të lartë të policisë, me urdher të ish-ministrit të Brendshëm, superministrit të “Rilindjes” dhe bekim të kryeministrit, i japin trafikantëve ndërkombëtarë të drogës. Kemi dëgjuar këto 4 vite se si në vendin tonë po ndërtohen tashmë pista të avionëve të drogës, të cilët për kryeministrin ishin thjesht “mushkonja”. Kemi mësuar se radarët në vendin tonë tashmë fiken për t’u krijuar rrugë të lirë skafeve të drogës. Kjo është një plagë e hapur që po shkatërron të sotmen dhe të ardhmen tonë, po e largon çdo ditë e më shumë rininë nga Shqipëria.
Të gjitha akuzat e opozitës, gazetarëve investigativë, të cilëve sot dua t’u shpreh mirënjohjen time më të thellë për guximin dhe kurajon e treguar, shoqërisë civile dhe qytetarëve, për kriminalitetin, trafikun e drogës dhe mbështetjen politike që gëzon nga qeveria, tashmë janë faktuar.
Dua t’ju rikthej në vëmendjen tuaj Raportin e Departamentit Amerikan të Shtetit, të publikuar në fillim të këtij viti, i cili thotë se:
• Shqipëria është bazë për operacionet rajonale të organizatave të krimit të organizuar.
• Shqipëria prodhon dhe trafikon sasi të konsiderueshme marijuanë, kryesisht për tregun Europian.
• Shqipëria është vend tranziti për heroinën dhe kokainën afgane.
• Shqipëria shërben si një pikë kyçe për shpërndarjen e heroinës në të gjithë Europën.
• Paratë e krimit pastrohen me lehtësi në Shqipëri.
• Shqipëria ka korrupsion të shfrenuar dhe institucione të dobëta.
• Shqipëria ka kontroll të dobët të kufijve dhe zbatim të dobët të ligjit në dogana, çfarë lehtëson trafiqet e paligjshme.
Ndërkohë në nivele alarmante është përmasa e përdorimit të kokainës. Shqipëria renditet e para me 2.5% e ndjekur nga SHBA me një prevalencë prej 2.3%.
Të gjitha sa më sipër nuk janë aspak “Hate speech”, nuk janë fantazi, por janë fakte të denoncuara prej kohësh dhe një realitet i hidhur që na bën me turp, më së pari ne, të rinjve të këtij vendi që vijojmë të pranojmë dhe jetojmë në këtë realitet.
Shqipëria përbën një rast të paprecedentë të futjes në Parlament dhe në nivelet më të larta të qeverisjes e të drejtimit të disa bashkive, persona me precedente kriminal, të dënuar për trafik droge, prostitucion, etj.
Dhe këtu nuk besoj se ka sot ndonjë shqiptar që nuk e di se ishte vendosmëria e opozitës, për të miratuar ligjin e dekriminalizimit, në mungesë të plotë vullneti nga ana e qeverisë, vullnet i cili mungon dhe sot kur të inkriminuarit vazhdojnë të jenë edhe në Parlament, edhe në drejtim të bashkive, edhe në qeverisje.
Sot teksa jemi mbledhur për të diskutuar për zhvillimin e demokracisë, shmangien e gjuhës së urrejtjes etj., ne s’kemi të garantuar themelin e saj, votën e lirë. Raporti i publikuar pak ditë më parë i OSBE-ODIHR për zgjedhjet e qershorit, konfirmon se në këto zgjedhje vota e qytetarëve u kërcënua, u dhunua dhe fenomeni i shitblerjes ishte i shtrirë masivisht. Pra vullneti i qytetarëve të vendit tonë u deformua.
Ky është realiteti famëkeq që po jeton sot çdo shqiptar. Prandaj unë mendoj se prioritet absolut sot për qeverinë dhe parlamentin duhet të jetë lufta kundër krimit dhe drogës. Rrëzimi i narko-shtetit, pastrimi i Parlamentit, qeverisë, policisë, pushtetit vendor, nga të inkriminuarit dhe shkëputja e lidhjeve të krimit me politikën.
Prioritet i yni duhet të jetë garantimi i votës së lirë, zhvillimi ekonomik, krijimi i vendeve të punës për teë rinjtë dhe jo shpërdorimi i parave në mënyrë korruptive për tendera, koncesione e investime luksi.
Sot 30% e familjeve nuk sigurojnë dot bukën e fëmijëve, 39% e familjeve nuk paguajnë dot faturën e dritave dhe ujit, 43% e familjeve nuk sigurojnë dot ngrohjen për fëmijët, ndërsa qeveria vetëm në 6 muajt e parë të këtij viti ka shpenzuar plot 16 milionë dollarë vetëm për bileta avioni dhe orendi për zyrat.
Unë jam mëse i bindur se adresimi dhe ndalimi i përdorimit të gjuhës së urrejtjes në Parlament, do të ishte një vlerë e shtuar në jetën e çdo qytetari. Por në mënyrë që t’ia japim këtë vlerë të shtuar qytetarëve tanë, më parë duhet t’i japim arsye që të qendrojnë në Shqipëri, në vend që të emigrojnë nëpër botë, siguri për të ardhmen e tyre në vend të ofertës rilindase të një Shqipërie kolumbiane, siguri në qeverisje në interes të qytetarëve në vend të marrjes peng të vendit nga kupolat mafioze të kushërinjve trafikantë, apo vëllezërve në kërkim.
Ndalimi i gjuhës së urrejtjes në Kuvend duhet të ndodhë dhe do të ndodhë ashtu dhe siç shumë shpejt, atij Kuvendi i cili duhet të përfaqësoje vullnetin e popullit tonë, dhe që sot është nëpërkëmbur nga lekët e krimit me mandate të vjedhura, duhet t’i jepet dhe do t’i jepet dinjiteti që i takon.
Fjala e kryetarit të FRPD-së, Belind Këlliçi në aktivitetin e organizuar nga Lëvizja “No Hate” dhe Universiteti “Luarasi” me temë; Jo urrejtjes në politikë
Presioni politik shkarkoi Visho Ajazin
Kryetari i Partisë Demokratike, Lulzim Basha e konsideroi dje dorëheqjen e kreut të SHISH, Visho Ajazi, një shkarkim politik si rrjedhojë e presioneve të forta të kryeministrit Rama për shkak të frikës së këtij të fundit nga informacionet sensitive që mund të ketë SHISH mbi lidhjet e qeverisë e konkretisht Ramës me bandat e drogës.
Duke iu përgjigjur interesit të gazetarëve mbi dorëheqjen e Ajazit, Basha shprehu bindjen se, raportet e disponuara nga SHISH mbi veprimtarinë e policisë dhe implikimin e saj me trafikun e drogës kanë tmerruar në palcë Edi Ramën i cili sot përmes presioneve ka larguar nga detyra kreun e SHISH, duke vendosur në krye të këtij institucioni njeriun e besuar të tij.
Basha paralajmëroi dështimin e të gjitha përpjekjeve të dëshpëruara të Ramës për të mbyllur aferën e drogës së tij dhe Saimir Tahirit, ndërsa paralajmëroi se çështjes së Saimir Tahirit derisa ky i fundit të vihet para drejtësisë do t’i shkohet deri në fund.
“Një gjë është e sigurt; një Shërbim Informativ, i cili harton raporte për përfshirjen e Policisë në kultivimin dhe trafikimin e drogës, siç ka bërë SHISH prej dy vitesh, është halë në sytë e narko-shtetit dhe të Edi Ramës. Ndaj nuk mund të ketë konkluzion tjetër përveçse presionit politik.
Kjo tregon që narko-shteti është në panik total dhe po bën gjithçka për të mbyllur aferën e Samir Tahirit. Por e kundërta do të ndodhë. Kësaj afere do t’i shkohet deri në fund. Saimir Tahiri nuk do t’i shpëtojë drejtësisë. Kjo është e sigurt”, tha Basha.
Beteja e Ramës kundër SHISH
Ndërkohë, beteja e Ramës për të larguar Ajazin nga një institucion delikat, që zotëronte sekretet e pushtetit dhe politikës, ka nisur që të nesërmen e futjes në zyrën e kryeministrit. Të gjithëve ju kujtohet, kur kryeministri personalisht, (por më së shumti beniamini i tij Saimir Tahiri) e akuzonte Ajazin, se nuk jepte informacion për grupet e tritolit, që “goditën” edhe familjen e ish-ministrit të Brendshëm. Por akuza më e rëndë ishte ajo, për përgjimin nga ana e SHISH, të eksponentëve të mazhorancës. Ajazi akuzohej veçanërisht nga dyshja Rama-Tahiri se kreu i SHISH, nuk jepte informacion dhe nuk raportonte për asgjë te kryeministri dhe Ministria e Brendshme, por vetëm te ish-Presidenti Bujar Nishani.
Rama u nis për në SHBA në Asamblenë e OKB-së dhe pas kthimit, lufta e Rilindjes me SHISH kaloi në një fazë armëpushimi, të paktën në dukje. Amerikanët që kishin si prioritet global luftën kundër terrorizmit, jo vetëm që e detyruan Ramën që të mbante të lidhur gjuhën për institucionin me të cilin bashkëpunonte ngushtë në këtë betejë strategjike (ISIS ishte në kulmin e vet në atë kohë), por edhe e detyruan që ta vlerësonte, “për punë të shkëlqyer”. Gjithçka u duk se u mbyll me kaq, deri në pranverë-verë të vitit 2016, kohë që përkon me nisjen e një plani gjigant, për kanabizimin e gjithë vendit. Ashtu siç edhe u vërtetua më vonë, strukturat e SHISH nisën të mbledhin informacion të bollshëm, për atë që po ndodhte dhe përfshirjen direkte të policisë, në këtë ndërmarrje gjigante kriminale.
Raportet e SHISH që tmerrojnë Ramën
Raportet që dilnin nga institucioni që drejtohej nga Ajazi ishin në përputhje të plotë (shpesh edhe në bashkëpunim), me ato të shërbimeve sekrete gjermane, italiane etj., për atë që po ndodhte në mes të Europës. Të gjitha informacionet; listat me emra kryepolicësh që bashkëpunonin me prodhuesit dhe trafikantët e drogës; zonat e mbjella; pistat për avionët transportues; fikja e radarëve; tunelet dhe depot e ushtrisë, doganat; pikat kufitare gjithçka që po ndodhte në funksion të kësaj ndërmarrje kriminale, u dokumentua dhe u paralajmërua, nga SHISH i Visho Ajazit.
Meqenëse Edi Rama refuzoi me ndërgjegje që ta pranonte këtë realitet, u vunë në dijeni edhe homologët e vendeve partnere. Ditën e premte, ndërkohë që Presidenti i vendit Ilir Meta gjendej jashtë vendit, ai vendosi që të vinte veton dhe të “pushonte” nga detyra Ajazin, për ta zëvendësuar me Helidon Bendon. Paralelisht me këtë hap ishte kujdesur (dhe vazhdon edhe sot) që nëpërmjet mediave që ka nën kontroll, të përhapte lajmin se “Kreut të SHISH, i ka mbaruar mandati”. Për ta bërë sa më të “kapërdishme” hakmarrjen, Rama nuk tentoi që të vendoste në atë pozicion të rëndësishëm, një njeri të besuar të tij. Për atë mjaftonte vetëm që Ajazin të mos e kishte më nëpër këmbë, veçanërisht në këto kohë të vështira.
Helidon Bendo ka shërbyer në SHISH 21 vite pa ndërprerje dhe ka qenë aty, ndërkohë që parakalonin të gjitha qeveritë e tranzicionit; si një teknicien që e ka ngjitur natyrshëm karrierën brenda institucionit. Pavarësisht se ka qenë shok shkolle dhe janë nga i njëjti qytet me Niko Peleshin, ai në rrethet e ngushta të shërbimeve sekrete njihet më së shumti, si “njeri i amerikanëve”. Kjo ka qenë edhe arsyeja pse Ajazi ka pranuar të vetëdorëhiqet, formalisht. Nëse Edi Rama do të kishte tentuar që ta kapte SHISH (siç ka bërë me institucionet e tjera), duke vendosur në krye të tij ndonjë shok të Engjëll Agaçit, atëherë situata do të ishte ndryshe edhe për presidentin, edhe për opozitën. Pavarësisht të gjithave, një gjë është e sigurt: Ajazin e largoi nga detyra, frika e Edi Ramës dhe Saimir Tahirit.
1800 faqe përgjime të reja, Tahiri sërish në Prokurori
Prokurorët shqiptarë marrin në Prokurorinë italiane të Katanias dosjen me 1800 faqe përgjime për grupin kriminal të drejtuar nga Moisi Habilaj. Pas mbërritjes së provave të reja, Prokuroria e Krimeve të Rënda do të thërrasë për ta pyetur përsëri ish-ministrin e Brendshëm, Saimir Tahiri në lidhje me akuzat, të cilat rëndojnë mbi të. Burime nga grupi hetimor thanë se, janë edhe disa episode të tjera, të cilat ish-ministri duhet të sqarojë në lidhje me përmendjen e emrit të tij në përgjimet e Prokurorisë italiane për llogari të dosjes “Habilaj”.
Të premten për 2 orë e 30 minuta ish-ministri Tahiri qëndroi përballë prokurorëve Vladimir Mara dhe Dritan Prençi, duke iu përgjigjur pyetjeve të prokurorëve për pozicionin e tij në këtë çështje. Tahiri i mohoi akuzat se ka ndihmuar grupin e Habilajve në trafikun e kanabisit drejt Italisë e Greqisë.
Grupi hetimor që ka në dorë këtë dosje është duke kryer disa veprime të tjera në funksion të kësaj çështjeje. Dy prokurorë ishin në Itali, ku morën një dosje me prova të reja, ndërsa prokurorët janë duke mbajtur kontakte të vazhdueshme me Prokurorinë e Katanias dhe Antimafian, të cilat dokumentuan përfshirjen e Tahirit në veprimtarinë e Habilajve.
Pas mbërritjes nga Italia të dosjes me 1800 faqe përgjime për grupin kriminal të drejtuar nga Moisi Habilaj, rezulton se nga viti 2015 nuk përmendet më emri i ish-ministri i Brendshëm Saimir Tahiri gjatë bisedave mes anëtarëve të bandës. Periudha e para dy viteve përkon me kohën e publikimit të lajmit se, automjeti në pronësi të Saimir Tahirit, Audi A8 ishte shitur tek familjarët e Moisi Habilaj, duke mos i ndërruar pronësinë.
Autoritetet italiane vazhdojnë hetimet për aktivitetin e grupit kriminal të drejtuar nga vëllezërit Habilaj. Por gjithashtu, në vëmendje është edhe implikimi i ish-ministrit të Brendshëm të asaj kohe, Saimir Tahiri dhe zyrtarëve të tjerë të përfshirë në trafikun e drogës. Disa ditë më parë, Prokuroria e Krimeve të Rënda kërkoi nga Kuvendi i Shqipërisë autorizim për arrestimin e deputetit Saimir Tahiri, duke ngritur ndaj tij edhe dy akuza për trafik narkotikësh e kryer në bashkëpunim në formën e grupit të strukturuar kriminal dhe e dyta, korrupsioni pasiv i funksionarëve shtetërorë. Nga ana tjetër, “Dosja Habilaj” vijon të jetë në proces nga pala italiane, ku priten edhe supriza. Burime konfidenciale bëjnë me dije se, autoritetet përtej Adriatikut pretendojnë se mes të arrestuarve si pjesëtarë të grupit mund të ketë edhe persona që do të fitojnë statusin e bashkëpunëtorit të drejtësisë, apo siç njihet ndryshe, të penduar. Hetimi për anëtarët e grupit kriminal të drejtuar nga Habilaj ka nisur që prej 2013.
Megjithatë, Krimet e Rënda nuk kanë vetëm këtë çështje për trafikun e kanabisit me Italianë. Mes Prokurorisë dhe Antimafias italiane janë ngritur disa grupe hetimore të përbashkëta që po hetojnë disa banda të trafikut të kanabisit.
Raporti: Në Shqipëri, kanabisi kultivohet në sera dhe tunele
Në një raport të vitit 2016 të hartuar nga Qendra Monitoruese Europiane, posaçërisht për krimin e organizuar, thuhet se, në Shqipëri kanabisi kultivohet në sera dhe tunele. Raporti ishte dërguar një vit më parë në zyrat e Ministrisë së Brendshme, në Prokurorinë e Krimeve të Rënda dhe në Shërbimin Informativ Shtetëror. Në raportin e Qendrës Monitoruese Europiane, të dërguar institucioneve tona nga shërbimet sekrete italiane, Shqipëria renditet si një prej vendeve me prodhimin më të madh të kanabisit në Europë.
Dokumentat konfidenciale theksojnë, se në shumicën e rasteve trafikantët ndërkombëtarë të drogës bashkëpunojnë me prodhuesit shqiptarë. Çdo vit, europianët shpenzojnë rreth 24 miliardë euro për lëndët narkotike, thuhet në raport. Partnerët italiane theksojnë se, kjo shifër është mjaft shqetësuese, duke kërkuar që të merren masa sa më shpejt të jetë e mundur për të paralizuar rrjetin e narkotrafikut me origjinë nga Shqipëria. Një tjetër shqetësim që shprehet në raportin e Qendrës Monitoruese Europiane për 2016 është edhe kultivimi i kanabisit në zonat e Jugut të vendit tonë.
Raporti i 2016 thekson se, Guarda di Financa së bashku me Ministrinë e Brendshme përdorën avionët për të fotografuar plantacionet me drogë, por që nuk rezultoi efikas në terren. Në fund, raporti problematik për Shqipërinë evidenton se, kultivimi i drogës kryhet në toka me pronësi shtetërore, në tunele, sera ose magazina.
Ky raport i përket vitit të kaluar, ndërsa në 2017 Prokuroria e Krimeve të Rënda kërkoi edhe arrestimin e ministrit të Brendshëm të asaj kohe, Saimir Tahiri. Sipas organit të akuzës, ka dyshime se ai ka favorizuar grupin kriminal të vëllezërve Habilaj, të kryente trafik droge gjatë periudhës 2013-2017.
Habilajt përdornin edhe ambulancat për transportin e drogës!
Habilajt kanë përdorur edhe ambulancat e Spitalit të Vlorës për transportin e hashashit. Denoncimi është bërë nga një qytetar nga Vlora, i cili i është drejtuar me një mesazh ish-Kryeministrit Berisha. Qytetari shkruan se, bashkë me infermierin që u arrestua para dhjetë ditësh, pasi iu gjet në një banesë në Babicë 4 ton drogë, është dhe drejtoresha e Spitalit, Brunilda Mersini.
“Habilajt me lejen e drejtoreshës përdornin edhe ambulancat e Spitalit për transportin e drogës!
Lexoni mesazhin e qytetarit dixhital”, shkruan Berisha në Facebook.
“Përshëndetje z.Berisha. Bashkë me infermierin është dhe drejtoresha Brunilda Mersini. Jam i sigurtë që edhe Brunilda është e përfshirë në këtë gjë. Kam jetuar 4 vjet në Vlorë dhe kam qenë në brendësi të Spitalit të Vlorës dhe e di se çfarë bëhet. Aty edhe ambulancat bënin transportin e hashashit për Habilajt, ku Brunilda ishte në dijeni të plotë për këtë gjë në Vlorë. Anonim të lutem”, shkruan qytetari.
Zagani u dënua në fshehtësi me vendim partie
Ish-shefi i Antidrogës në Policinë e Fierit dhe të Vlorës, Dritan Zagani bën një postim pas deklaratës së kreut të Grupit parlamentar në Partinë Socialiste, Taulant Balla. Në postimin në Facebook, Zagani shkruan se, është hera e parë që ai dëgjon se, është dënuar nga Gjykata me vendim të formës së prerë. Zagani shkruan se as ai dhe as avokati i tij nuk kanë qenë vënë në dijeni për këtë dënim. “Surprizat nuk paskan fund në këto ditët e fund-Tetorit…mbas shumë shpifjeve që dëgjova filluar nga lideri global deri te lehësi politik Taotao, më në fund mësoj se qenka gjetur zgjidhja që unë të dal i dënuar nga Gjykata me një vendim të formës së prerë”, shkruan Zagani.
Zagani shkruan më tej se, sot e ka mësuar që qenka dënuar me burg nga “Rilindja”. “Sot mësova, falë këmbënguljes së “Rilindjes”, se unë jam dënuar me 3 vjet burg për largim nga vendi i vuajtjes së dënimit që ka qenë banesa ime dhe e familjes time, dhe surpriza nuk ishte kjo se e prisja diçka të tillë herët a vonë që të ballafaqohem si fakt në gjyqe, por ishte se unë deri në këtë moment po ashtu as avokati im nuk ka qenë informuar mbi faktin, lëre pastaj që na paska dhe një vendim të formës së prerë. Pra, me pak fjalë “drejtësia” paska folur për mua dhe falë “Rilindjes” e mësoj dhe unë këtë gjë. Unë nuk besoj se ka njeri të gjallë me njohjet më minimale për ligjshmërinë që të mos kuptojë këtë handikap ligjor që vetëm në vendin tonë të dashur e gjen me bollëk”, shkruan Zagani.
Më tej, Zagani shkruan se kjo është drejtësia në kohën e “Rilindjes” së liderit global. “Surpriza tjetër dhe më e bukura është se në të njëjtën kohë që unë kam avokatin tim që po më ndjek çështjet e mia ligjore, ku theksoj as nuk e ka idenë e këtij vendimi surprizë, përsëri Gjykata më paska caktuar një avokat kryesisht që kuptohet nuk e ka pasur të mundur të më vejë në dijeni mbi këtë fakt… Sa për të qeshur dhe aq për të qarë,,, Drejtësi në kohën e “Rilindjes” së liderit global. Pra shteti im nuk e ka të mundur të më njoftojë konform ligjeve në fuqi si shtetas i Republikës as kur unë e kam njoftuar publikisht se kush është avokati im ligjor, apo edhe largimin tim jashtë vendit për të mbrojtur jetën e familjes dhe timen bashkë nga këta trafikantë me pushtet, dhe më e bukura se deri tek Prokurori i Përgjithshëm i kam vënë në dijeni të faktit se unë momentalisht jam detyruar të largohem megjithë familje për të siguruar jetën e familjes dhe nuk ndodhem në banesën time, por siç duket as të njoftosh Prokurorin e Përgjithshëm s’paska ndonjë vlerë ligjore.
Zagani thotë se po ndjek rrugën ligjore për vënien e drejtësisë. “Gjithsesi unë sapo u njoftova me këtë vendim menjëherë jam kontaktuar me studion ligjore Aga&Goxhaj Laë Firm, dhe që nesër në mëngjes do filloi aksioni legal për vënien e drejtësisë dhe zbatimin e ligjeve të shtetit. Gjithsesi falenderoj “Rilindjen” dhe falangat e saj që më njoftuan mbi të fshehtat e vërteta”, përfundon Zagani.
Zagani denoncoi para dy vitesh lidhjet e ish-ministrit të Brendshëm, Saimir Tahiri me Habilajt në trafikun e drogës drejt Italisë dhe Greqisë. Zagani, në atë kohë ishte shef i Antidrogës në Policinë e Fierit dhe gjatë hetimeve kishte zbuluar se vëllezërit Habilaj trafikonin drogë drejt Italisë e Greqisë me makinën e Tahirit. Në disa raste, Zagani kishte zbuluar edhe sasi droge të grumbulluar nga Habilajt gati për ta trafikuar jashtë shtetit. Por pas raportit që Zagani kishte dërguar tek eprorët e tij në Ministrinë e Brendshme, droga ishte zhdukur nga vendi i grumbullimit. Menjëherë pas këtyre informacione të mbërritura në Ministrinë e Brendshme dhe Policinë e Shtetit, Tahiri liroi nga detyra Zaganin dhe e paditi për nxjerrje informacioni.
Ja çfarë shkruhej vetëm një vit më parë në një nga gazetat italiane për lidhjet e Tahirit me narkotrafikun: “Përfshirja e Saimir Tahirit në trafikun e drogës (me avionë të vegjël) u denoncua nga Dritan Zagani, një ish-shef i Antidrogës i larguar nga Shqipëria, pasi kishte hetuar mbi këto fluturime. Sipas Zaganit, që është akuzuar për shitje të informacioneve hetuesve italianë te Guardia di Finanza, kushërinjtë e ministrit, për të fshehur ngarkesat me drogë përdornin edhe “makina shtetërore”.
Kryesore
Continue to the category
