E plotë në versionin print të gazetës
A po përfundon në flluskë hetimi për këshilltarin e Trump, akuza evazion fiskal?
Ish-menaxheri i fushatës presidenciale të Donald Trumpit, Paul Manafort dhe një ish-partner i tij biznesi, Rick Gates akuzohen për vepra penale, ndër të cilat komplot kundër Shteteve të Bashkuara, shkelje të ligjit për regjistrimin si përfaqësues të një qeverie të huaj si dhe akte të tjera penale që lidhen me evazion fiskal dhe larje parash. Akuzat u ngritën sot në kuadër të procesit hetimor për të zbuluar si ka vepruar Rusia në përpjekjet e saj për të manipuluar zgjedhjet presidenciale të 2016:
Aktpaditë iu lexuan sot dy të akuzuarve që u dorëzuan vetë tek autoritetet federale për të shmangur ballafaqimin me agjentët e FBI-së para kamerave dhe publikut.
Këto janë aktpaditë e para që ngrihen në kuadër të procesit gjithnjë e më të gjerë hetimor që po zhvillon prokurori special Robert Mueller. Prokurorit Mueller i është besuar detyra për të drejtuar hetimet mbi rolin që ka luajtur Rusia në zgjedhjet e vjetshme presidenciale, kontaktet me shtetas amerikanë, në veçanti me punonjës të fushatës presidenciale Trump dhe nëse në këto kontakte ka pasur shkelje të ligjit federal.
Aktpadia e paraqitur në gjykatën federale në Uashington i akuzon Manafort-in dhe Gates-in se kanë kaluar miliona dollarë në llogari bankare në vendet që shërbejnë si “parajsa fiskale”, jashtë Shteteve të Bashkuara, pa deklaruar pagesat që kanë marrë për punën në interes të qeverisë së Ukrainës. Të dy ata akuzohen se kanë shkelur ligjin që kërkon që kushdo që vepron në emër të një qeverie të huaj të regjistrohet në Departamentin e Drejtësisë si përfaqësues i një shteti tjetër. Akuzat e tjera lidhen me evazion fiskal, fshehje të llogarive bankare, deklarata të rreme para autoriteteve federale e vepra të tjera.
Më parë, të dy të akuzuarit kishin mohuar se kishin kryer akte të paligjshme. Shtëpia e Bardhë nuk ka pranuar të komentojë për aktpaditë.
68-vjeçari Manafort u shkarkua nga detyra e menaxherit të fushatës në gusht 2016 pasi dolën fjalë se kishte organizuar një operacion të kamufluar lobizmi në favor të interesave ruse në Ukrainë. Aktpadia e akuzon Paul Manafort-in dhe Rick Gates-in se kanë orkestruar një operacion të fshehtë thuajse për një dekadë për interesat e partisë së Yanukoviçit në Ukrainë dhe për të transferuar fshehtazi miliona dollarë në llogari të huaja bankare.
Ndërkohë aktpadi të tjera priten në ditët në vazhdim në kuadër të hetimeve nën prokurorin special Robert Mueller, i cili e mori detyrën në maj për të drejtuar procesin hetimor të Departamentit të Drejtësisë lidhur me ndërhyrjet e Kremlinit në zgjedhjet presidenciale dhe rolin që mund të kenë luajtur punonjës të fushatës Trump.
Manaforti është përmendur prej muajsh si një ndër të dyshuarit.
Hetimet e prokurorit Mueller përfshijnë edhe rrethanat e shkarkimit të drejtorit të FBI-së, James Comey. Hetuesit kanë kërkuar nga Shtëpia e Bardhë dokumente të shumta lidhur me veprimet e Presidentit Trump dhe kanë intervistuar disa zyrtarë aktualë dhe të mëparshëm të administratës.
Trump: Zhurma për të larguar vëmendjen nga ulja e taksave
“Nuk ka pasur bashkëpunim të fshehtë/të paligjshëm!” shkruan Presidenti Trump në llogarinë e tij në Tëitter. Presidenti e postoi komentin menjëherë pasi u paraqit aktpadia kundër ish-menaxherit të fushatës së tij presidenciale, Paul Manafort në kuadër të hetimeve mbi rolin që mund të kenë luajtur punonjës të fushatës Trump për të ndihmuar përpjekjet ruse për ndikim tek zgjedhjet amerikane në 2016.
Aktpadi u ngrit edhe kundër Rick Gates, partner në biznes i zotit Manafort. Fillimisht presidenti komentonte në Tëitter që padia lidhej me një periudhë kur zoti Manafort nuk kishte filluar ende punë për fushatën e tij. Po më pas në Tëitter, presidenti shkruante “Përse nuk janë nën hetime edhe Hillari mashtruesja dhe demokratët?”
Dje, ndërsa shtoheshin spekulimet lidhur me aktpaditë, Presidenti Trump e përdori llogarinë në Tëitter për të vënë në lojë idenë se fushata e tij kishte bashkëpunuar fshehtazi me Rusinë për të ndikuar tek rezultati i zgjedhjeve dhe për të shprehur revoltim që vëmendja e medias ishte më e përqëndruar tek aktpaditë dhe jo aq shumë tek hetimet lidhur me akuzat kundër rivalëve dhe armiqve të tij politikë.
Presidenti aludoi se hetimet mbi Rusinë e kishin larguar vëmendjen e publikut nga përpjekjet e republikanëve tek reforma fiskale. “Mos është e rastësishme? JO!” shkruan presidenti.
Ty Cobb, një ndër juristët në ekipin ligjor të presidentit, tha se komentet e presidentit nuk kanë lidhje me zhvillimet në hetimet e prokurorit special Mueller.
Shtëpia e Bardhë: Akuzat nuk kanë lidhje me Presidentin
Paul Manafort, ish-udhëheqës i fushatës së presidentit amerikan, Donald Trump, u akuzua të hënën për komplot për të mashtruar Shtetet e Bashkuara në marrëveshjet e tij me Ukrainën.
Juria federale e ngarkoi Manafortin dhe bashkëpunëtorin e tij biznesor, Rick Gates, me 12 akuza, përfshirë: konspiracion kundër SHBA-së, konspiracion për shpëlarje të parave, të vepruarit si agjentë të huaj të paregjistruar, të bërit deklarata të rreme e të tjera.
Manafort ka arritur në zyrën e FBI-së në Uashington menjëherë pasi The Neë York Times dhe CNN, duke cituar burime të paidentifikuara, kanë raportuar se atij dhe Gates u është thënë të dorëzohen tek autoritetet federale.
Dokumentet e gjykatës po ashtu kanë treguar se George Papadopoulos, ish-këshilltar për politikë të jashtme i fushatës së Trumpit, është deklaruar fajtor për mashtrim të FBI-së në lidhje me kontaktet e tij me Rusinë.
Akuzat janë të parat që rrjedhin nga hetimet që po bën këshilltari i posaçëm, Robert Mueller, për ndërhyrjen e dyshuar të Rusisë në zgjedhjet presidenciale të SHBA-së më 2016 dhe për bashkëpunimin e mundshëm të ndihmësve të Trumpit me zyrtarët rusë.
“Njoftimet e sotme nuk kanë të bëjnë asgjë me presidentin, nuk kanë të bëjnë asgjë me fushatën e presidentit apo aktivitetin e fushatës”, u tha gazetarëve zëdhënësja e Shtëpisë së Bardhë, Sarah Sanders.
Ajo po ashtu tha se akuzat nuk tregojnë prova për bashkëpunim midis fushatës së Trumpit dhe Rusisë.
Sanders tha se roli i Papadopoulosit ka qenë “jashtëzakonisht i kufizuar në fushatë” dhe se ai ka qenë në “pozitë vullnetare” dhe “nuk ka bërë asnjë aktivitet në kapacitet zyrtar”.
Antimafia zbuloi të vërtetën, Rama dhe qeveria e tij janë të zhytur në krim
Deputeti i PD, Enkelejd Alibeaj përmes një deklarate për shtyp reagoi ndaj deputetit të PS, Taulant Balla, i cili tha se, ish-kreu i Antidrogës, Dritan Zagani, personi që denoncoi i pari lidhjet e trafikantëve Habilaj me ish-ministrin e Brendshëm Tahiri, ishte dënuar. “Në këto katër vite, Saimir Tahiri dhe Edi Rama kanë akuzuar dhe arrestuar vetëm një njeri: Dritan Zaganin, njeriun që hetoi dhe kapi në flagrancë bandën Tahiri-Habilaj. Asnjë polic dhe madje asnjë kriminel nuk është sulmuar dhe akuzuar prej Edi Ramës sa Dritan Zagani. Kaq mjafton për të kuptuar se në anën e kujt kanë qenë Saimir Tahiri dhe Edi Rama.
E vërteta është se Rama-Tahiri kanë qenë në dijeni të plotë të veprimtarisë kriminale të Habilajve dhe jo vetëm. Kanë qenë frymëzues, mbështetës dhe përfitues të saj, siҁ del nga përgjimet e Antimafias italiane. Kanë qenë në dijeni, e kanë ndihmuar dhe e kanë bekuar trafikimin ndërkombëtar të narkotikëve. Kanë përfituar prej saj dhe kanë blerë edhe zgjedhjet me milionat e drogës.
Prandaj oficerin Dritan Zagani e sulmuan, e kërcënuan e arrestuan dhe e persekutuan të gjithë këto tre vjet: e kërcënuan Habilajt, e kërcënoi Saimir Tahiri, e kërcënoi Edi Rama. Së bashku deshën ta dergjnin në burg për shumë vite, por nuk ja dolën dot”, u shpreh Alibeaj.
Alibeaj tha më tej se, para dy ditësh Edi Rama gënjeu publikisht se Zagani është i dënuar nga Krimet e Rënda. “Pasi gënjeshtra e tij doli zbuluar, sot serviri përmes Taulant Ballës një masë sigurimi të Krimeve të Rënda. Në fakt, kushdo përveç avokatit të krimit dhe mafias e kupton se, një masë sigurimi nuk është vendim dënimi. Aq më tepër, kur masa e sigurimit i është dhënë për shkak të konspiracionit të strukturave të SHKB në varësi direkte të Tahirit.
E vërteta është se deri më sot nuk ka asnjë vendim gjyqësor për fajësinë e Zaganit. Se masa e sigurimit “arrest në burg” e kërkuar në vitin 2014 pranë Krimeve të Rënda është një tullumbace e shfryrë, nga vetë kjo gjykatë për mungesë provash. Se sot nuk ka asnjë procedim penal tek Krimet e Rënda ndaj Zaganit. Se procedimi penal është përcjellë në Gjykatën e Fierit dhe pas më shumë se 3 vjetësh, ende nuk ka përfunduar, megjithë presionin politik të pashembullt!
Çdokush e kupton pse Rama ka lënë ҁdo punë dhe merret me Zaganin, duke nxjerrë nga arkiva e vitit 2014 gjysmë kopjesh të vendimeve gjyqësore. Përpiqet me ҁdo kusht të mbulojë gjurmët!
Rama bëri ҁ’është e mundur të pengojë drejtësinë dhe për këtë shkak, ai nuk e dorëzoi Tahirin! Por i kapur nga paniku, sot nuk i mjafton vetëm mbrojtja e Tahirit! Ai është hedhur në sulm që me ҁdo mjet të asgjësojë provat dhe të intimidojë dëshmitarët.
Por faktet janë kokëfortë. Hetimi i Antimafias italiane e ka zhveshur të vërteten lakuriq. Edi Rama dhe qeveria e tij janë të zhytur në krim dhe të kapur nga krimi. Dhe rrjeta po fillon të shtrëngohet rreth peshqeve të mëdhenj. Nuk do të kenë shpëtim!”, përfundoi Alibeaj.
Krimet e Rënda, grup hetimor me Antimafian e Barit
Tonelatat e kanabisit, të cilat nisen nga brigjet shqiptare drejt Italisë kanë detyruar autoritetet e dy vendeve të ngrenë një tjetër grup të përbashkët hetimor. Përveç Task-Forcës me Antimafian e Leçes, Prokuroria e Krimeve të Rënda po bashkëpunon me Antimafian e Barit.
Në fokus të punës së hetuesve të dy vendeve janë grupet që trafikojnë drogë nga bregdeti shqiptar me destinacion Barin. Prokurorët kanë mundur të identifikojnë një grup kriminal me qendër në Vlorë, i cili është mjaft aktiv në trafikun e kanabisit. Kjo bandë, sipas të dhënave të siguruara nga Prokuroria e Krimeve të Rënda, nuk përdor vetëm bregdetin e Vlorës, ka nisur ngarkesa edhe nga Divjaka dhe Kavaja.
Hetimi me Antimafian e Barit ka disa kohë që ka nisur dhe është duke u dokumentuar veprimtaria e grupit kriminal. Rreth një vit më parë për shkak të situatës së krijuar me trafikun e drogës Antimafia italiane kërkoi nga Prokuroria shqiptare që të ngrihen grupe hetimore të përbashkëta.
Rezultatet e para bashkëpunimi i dha me goditjen e rrjetit te Habilajve. Krahas provave të mbledhura nga Prokuroria e Katanias, Krimet e Rënda arritën të faktojnë se, Habilajt kanë kultivuar disa mijëra rrënjë kanabis në Treblovë të Vlorës, parcela të cilat u shkatërruan në një operacion të drejtuar nga Krimet e Rënda.
Bashkëpunimi me Antimafian italiane për çështjen e trafikut të drogës u kërkua dhe në vizitën që kreu i këtij institucioni pati me kryeprokurorin Adriatik Llalla në shkurt të këtij viti e po ashtu edhe në takimin e kryer këtë javë mes ministrave të Brendshëm të dy vendeve.
Ndahet nga jeta regjisori i njohur Mihal Luarasi
Është ndarë nga jeta në moshën 88-vjeçare regjisori dhe dramaturgu i njohur Mihal Luarasi. Vepra të suksesshme në skenë mbajnë emrin e tij. Mihal Luarasi, i cili është nderuar me disa tituj, si “Nderi i Kombit”, “Artist i Popullit”, ka ndërruar jetë për shkaqe natyrale.
Kush ishte Mihal Luarasi
Mihal Luarasi lindi më 16 shtator të vitit 1929 në Korçë. Shkollën e mesme e kreu në liceun artistik “Jordan Misja” në Tiranë, ndërsa studimet e larta në Akademinë e Arteve të Teatrit dhe Filmit në Budapest të Hungarisë.
Në teatër për herë të parë si regjisor paraqitet me tragjedinë e Shilerit “Intrigë dhe dashuri” në 1957 me shumë sukses në Teatrin Popullor, spektakël që qëndroi në repertor shtatë vjet dhe u luajt më së 300 herë.
Mihal Luarasi është njeri nga tre regjisorët e shquar të periudhës më të ndritur e cilësore të teatrit shqiptar në vitet 1957-1973: Luarasi – Spahivogli – Mani. Për arsyet që dihen, në Teatrin Kombëtar Luarasi vuri pak pjesë, por ato u dalluan për cilësinë dhe nivelin e lartë artistik, si: “Dragoi i Dragobisë”, “Dhelpra dhe rrushtë” (fituese e të gjitha çmimeve të para në Festivalin e II-të kombëtar të teatrove), “Mosha e bardhë”, “Banorët e shkallës nr. 6”, “Rrugë të tërthorta”, “Një dashuri e tillë”.
Më 1966 vë për herë të parë në skenë në Teatrin “Migjeni” të Shkodrës dramën “Cuca e maleve”.
Më 1972 në Teatrin “Aleksandër Moisiu” të Durrësit vuri në skenë dramën “Çështja e inxhinier Saimirit” të Fadil Paçramit, vepër që u dënua. Me festivalin 11 në RTVSH 1972, Luarasi u ndesh përsëri me diktatorin, i cili kësaj herë nuk ia fali “fajet” e vazhdueshme dhe urdhëroi burgosjen e tij. U dënua me tetë vjet heqje lirie, dhe pas lirimit punoi si bojaxhi deri në vitin 1990.
Në dhjetor 1990, largohet në Hungari. Më 1991-1992, vë në skenë në Budapest dramën e Rexhep Qosjes “Vdekja e një mbretëreshe”. Më 1995 e fton Teatri Kombëtar në Tiranë dhe vë në skenë dramën “Hekurat” të dramaturgut hungarez Göncz Arpad. Mihal Luarasi është regjisor i disa spektakleve të mëdha në Teatrin e Operas dhe Baletit, si “Karmen”, “La Traviata”, “Pranvera”, “Opera për tre grosh”, etj.
Gjatë qëndrimit në Hungari, ka botuar një sërë shkrimesh mbi teatrin në shtypin hungarez dhe atë shqiptar. Në vitin 2003 u botua libri i tij “Teatri Kombëtar në udhëkryq” dhe pas dy vjetësh libri i dytë me shkrime mbi teatrin dhe arte të tjera “Kujtesa që nuk fle”.
Në vitin 2001, ai kthehet përfundimisht nga Hungaria dhe vë në skenë në Teatrin Kombëtar dramën e Ruzhdi Pulahës “Streha e të harruarve” në 60-vjetorin e Teatrit Kombëtar.
Avionë të rinj droge në Patok dhe Gjirin e Lalzit
Katër avionë të rinj droge janë ulur dhe ngritur ditën e djeshme në lagunën e Patokut dhe në Gjirin e Lalzit. Denoncimi është bërë nga ish-Kryeministri Berisha pas mesazheve dhe videove të dërguara nga qytetarët dixhitalë. Fillimisht Berisha publikoi dje në mesditë mesazhin e një banori nga Patoku ku e informonte për dy avionë të vegjël që ishin ulur në lagunën e Patokut. “Aeroplanët shkojnë e vijnë! Lexoni mesazhin e qytetarit dixhital”, shkruante Berisha në një postim në Facebook.
“Përshëndetje doktor. Jemi ulur në lokalet në lagunën e Patokut. Para 2-3 minutash u ulën 2 avionë të vegjël në distancë maksimale 1000 metër në veri të Patokut. Erdhën nga deti në një lartësi jo më të madhe se 50 ose 60 metër mbi nivelin e detit. Gjithçka është parë nga gjithë njerëzit që janë ulur këtu. Mbi 30 persona. Avionët dukeshin me ngjyrë jeshil të errët. Ju lutem anonim. Respekt”, shkruan banori.
Disa orë më vonë, ish-Kryeministri Berisha publikoi një video ku duken disa avionë të vegjël që fluturojnë ulët në Gjirin e Lalzit. “Mushkonjat fluturojnë sot ulët mbi Gjirin e Lalzit!”, shkruan Berisha në Facebook, duke publikuar videon.
Dyshohet se avionët e vegjël po ulen për të transportuar drogë drejt Italisë. Dy vitet e fundit janë kapur dy avionë të vegjël të mbushur me drogë në Divjakë dhe në Ishëm. Opozita denoncoi para tre vitesh trafikun e drogës me avionë nga Shqipëria drejt Italisë, por qeveria deklaronte se nuk janë avionë droge, por avionë të vegjël që spërkatin pyllin e Divjakës për mushkonjat.
Më 10 maj 2014 u zbulua avioni i parë që transportonte drogë drejt Italisë. Ishte një defekt në avionin e mbushur me drogë në Divjakë, që piloti nuk mundi ta ngrejë në fluturim avionin drejt Italisë. Një avion i vogël me një pilot italian është rrëzuar në plazhin e Divjakës, duke nxjerrë zbuluar qeverinë për trafikun e drogës edhe nga ajri. Disa metra më larg avionit u gjetën disa thasë me drogë, ndërsa brenda në avion ishin edhe dy çanta të mbushura me drogë të fortë, kokainë e heroinë.
Avioni u rrethua menjëherë nga forca të shumta policore, duke mos lejuar median që të afrohet. Edhe pse trafiku i drogës me avion u kap në flagrancë, Rama e mbylli këtë skandal, duke mos vënë para përgjegjësisë asnjë nga zyrtarët e lartë të përfshirë në këtë trafik droge.
Droga dyshohej se ishte e Habiljave ndërsa për trafikimin e saj ata bashkëpunonin edhe me ish-ministrin e Brendshëm, Saimir Tahiri. Vetëm pas publikimit të përgjimeve të Antimafias italiane të Habilajve u vërtetua se Tahiri bashkëpunonte me Habilajt për trafiklun e drogës drejt Italisë.
Ndonëse opozita denoncoi me fakte, duke publikuar video të avionëve që uleshin dhe ngarkoheshin me drogë e niseshin drejt Italisë, Rama dhe zyrtarët e tij i cilësonin si “mushkonja”.
Nuk kaloi shumë kohë dhe një tjetër avion i vogël me drogë ngeci në Ishëm. Edhe në këtë rast ish avioni nuk arriti të ngrihej për shkak se ishte mbushur me drogë më shumë se kapaciteti. Avioni ngeci në Ishëm për shkak të ngarkesës së madhe me drogë. Në avion ishin ngarkur 3 tonë drogë, një ngarkesë shumë e madhe, të cilën nuk e përballonte avioni i vogël. Për këtë shkak avioni nuk arriti të ngjitej në fluturim. Prej kohësh, aty ishte hapur një pistë për uljen e avionëve dhe mbushjen me drogë. Banorët e zonës bënë të ditur se, prej disa netësh kishin parë zjarre të ndezura afër pistës në Ishëm, ku trafikantët orientonin uljen e avionëve të drogës.
Të gjitha ngarkesat e avionëve me drogë bëheshin me dijeninë e zyrtarëve të lartë, ndaj dhe nuk bllokoheshin nga qeveria.
Drejtuesit e policisë denoncuar nga SHISH për lidhjet me krimin
Dosja e publikuar 18 muaj më parë nga opozita dhe që u institucionalizuar si hetim nga Prokuroria për lidhjet e krerëve të policisë me krimin e organizuar. Titullarët e policisë dhe roli i tyre në trafiku e drogës.
Qerim Aliaj, drejtor i Kufirit në Shkodër. I implikuar në trafikimin e lëndëve narkotike përmes kalimit në Malin e Zi. Më parë, kur ishte drejtor Kufiri në Gjirokastër organizonte kalimin e drogës në Greqi. Në tri raste të kapjes së sasive të mëdha të kanabisit në vendin fqinj, Aliaj ka mbyllur çështjen duke mos kryer asnjë veprim hetimor.
Ervin Hodaj, drejtor i Policisë Tiranë, së bashku me zëvendësin e tij, Ermal Muça, janë të implikuar në kultivimin e bimëve narkotike dhe vjeljen e 30 për qindëshit në zonat Pezë, Prezë, fshatrat mbrapa malit të Dajtit, Zallherr, në Kombinat me serra, deri në kufi me Durrësin dhe Kavajën
Afrim Tafa, në Drejtorinë e Policisë Berat, së bashku me shefin e Komisariatit të Skraparit, Ferdinand Dusha dhe me shefin e Komisariatit Berat, Learton Hoxha kanë nën përgjegjësi drogën në afërsi të Malit të Tomorrit nga krahu i Beratit ku janë mbjellë rreth 80.000 rrënjë kanabis dhe krahu i Skraparit
Jeart Çela, drejtor i Policisë në Vlorë, lidhje e fortë e Tahirit dhe vëllezërve Habilaj. Menaxhon drogën në Novoselë, Mifol, Vjosë, Nartë, Panaja, Zvërnec, Trevllazër. Më tej në Risili – Llakatund – Trevllazër- Mëkat – Kaninë dhe zona e tretë është Vranisht – Llakatund – Tërbaq – Mesaplik – Gjorm – Brataj- Ramic – Sevaster. Vlen për t’u theksuar se zona Armen- Kocul –Selenicë – Poçem që lidhen me fshatrat e Tepelenës kontrollohet nga grupi i shoqërimit të ministrit Tahiri.
Besmir Qebini, dora e Shullazit në polici, ka vënë në dispozicion të kanabisit magazinat doganore, duke qenë zëvendësdrejtor i Përgjithshëm i Doganave. Më parë kur ishte në polici ishte i përfshirë në gjithë aktivitetet kriminale të Shullazit.
Afrim Tafa, në Drejtorinë e Policisë Berat, së bashku me shefin e Komisariatit të Skraparit, Ferdinand Dusha dhe me shefin e Komisariatit Berat, Learton Hoxha kanë nën përgjegjësi drogën në afërsi të Malit të Tomorrit nga krahu i Beratit ku janë mbjellë rreth 80.000 rrënjë kanabis dhe krahu i Skraparit ku janë mbjellë rreth 100.000 rrënjë.
Edmond Targaj, drejtor i Policisë Qarku Dibër, ka nën hyqëm 12 grupe kriminale nga Tepelena, Vlora dhe Dibra, që mbjellin e trafikojnë drogën. Zonat ku është përqendruar ky aktivitet janë fshati Viçisht me rreth 20.000 rrënjë bimë cannabis, fshati Muhurr me 15.000 rrënjë, fshati Qaf – Muhurr me 17.000 rrënjë dhe fshati Shupenzë, me rreth 50.000 rrënjë. Porosia është të mos pranohet asnjë ofertë më pak se 10 mijë rrënjë. Ndihmësi i Edmond Targajt në Dibër është Robert Aga, i përfolur në çdo raport të shërbimeve partnere për rolin e tij kyç në trafikimin e drogës.
Fatmir Lleshi, në detyrën e tij si shef i Komisariatit 4 në Tiranë, në bashkëpunim me deputetë të PS-së në Tiranë, u kujdesën për drogën në zonën e Tujanit dhe në rrethinat e Dajtit. Me ndihmën e inspektorit të policisë Demaliaj dhe Alban Ahmetaj, menaxhohet dhe kanabisi i Shëngjergjit.
Erjon Ismailaj, shef i Komisaritatit të Policisë Krujë, i përfshirë drejtpërdrejt në kultivimin e kanabisit, ku mendohet se janë rreth 75.000 rrënjë. Ky shef komisariati dorë e Shullazit dhe Tahirit ka keqtrajtuar dhe mbajtur peng disa orë inspektorë të mjedisit që konstatuan arat me drogë dhe i kërcënuan me jetë nëse flasin.
Henrigert Mitri, menaxhon mbi 40 mijë rrënjë në zonën e Burrelit, ku është shef komisariati, një njohje e vjetër e Shullazit dhe Erjon Braçes. Ishte shef komisariati në Lushnjë, kur ndihmoi për fshehjen e provave pas rënies së avionit me drogë në Divjakë.
Të tjerë drejtues të implikuar me drogën
Gëzim Zhupa, drejtor i Kufirit Vlorë. Lidhje e ngushtë e Tahirit. Hallkë kyçe në kalimin e tonelatave me drogë në Itali me peshkarexha.
Sokol Çelaj, drejtor Rajonal i Kufirit Vlorë, i përjashtuar nga policia në vitin 2002. Me rikthimin në vitin 2013 në polici, konkretisht në Vlorë, është drejtuesi kryesor për trafikimin e lëndëve narkotike të forta kokainë dhe heroinë në bashkëpunim me
Albert Paten, ish-drejtor i Njësisë Operacionale. Informacione këto të konfirmuara nga autoritetet partnere.
Albert Pata, me Edi Ramën u emërua drejtor i Forcës së Posaçme Operacionale. Informacionet e shërbimeve partnere e nxjerrin të përfshirë në trafikun e lëndëve narkotike nga Lazarati në drejtim të Italisë dhe Greqisë.
Artion Duka, drejtor i Forcës së Posaçme Operacionale. Është implikuar në trafikimin e lëndëve narkotike. Lidhje e drejtpërdrejtë e Emiljano Shullazit, ka të dhëna të besueshme se ka manipuluar provat në ngjarjen e Kasharit dhe Rrugën e Kavajës.
Ermal Muça, zv/drejtor i Policisë Tiranë, emërim i Emiljano Shullazit.
Arben Skëndo, drejtor i Përgjithshëm i SHÇBA-së. I përfshirë në kultivimin dhe trafikimin e lëndëve narkotike në bashkëpunim me Ervin Hodaj. Është kujdesur në rekrutimet që bën, të ketë persona të përshtatshëm për trafikun e drogës.
Taulant Kondi, zv/drejtor i Përgjithshëm i Antikontrabandës. Lidhje e ngushtë e Tahirit dhe Shullazit. I përfshirë në trafikimin e lëndëve narkotike.
Genc Merepeza, zv/drejtor i Përgjithshëm për Kufirin dhe Emigracionin. Rezulton i implikuar në trafikimin e lëndëve narkotike në kufirin e gjelbër dhe në Pikat e Kalimit Kufitar. Për këtë, ka krijuar klanin e tij në disa pika doganore.
Zija Çela, shef i Komisariatit në Korçë. Me kombinime të ngushta me drejtorin e Kufirit në Durrës, Boge Bodini, kanë favorizuar kalimin e drogës drejt Italisë.
Deklarata qesharake e pasurisë së Tahirit
Saimir Tahiri rezulton të jetë një ndër ish-ministrat më të pasur të Ramës, emri i të cilit është lakuar nga kokat e drogës si personi që fiton 5 milionë euro në muaj nga trafiku i drogës. Me katër vite në drejtimin e Ministrisë së Brendshme dhe gjithë trafikut të drogës drej Italisë dhe vendeve fqinjë, Saimir Tahiri me patjetër që është ndër më të pasurit në vend, pavarësisht se paratë i ka ndarë kokërr më kokërr me Ramën dhe bandat njëkohësisht. Por nëse i hedh një sy deklaratës zyrtare të pasurisë së Tahirit përballesh me një deklaratë të thatë në të cilën Tahiri shfaqet vetëm me rrogën e tij prej ministri, asaj kohe (deklarimi i 2016).
Portali Open Data zbardhi dje disa nga pasuritë e deklaruara nga deputetët e Kuvendit të Shqipërisë për vitin 2016 pranë Inspektoratit të Lartë të Deklarimit të Pasurisë, ILDKP. Nëse kërkon për deklarimin e pasurisë së Saimir Tahirit rezulton se ai është një deputet model apo ministër gjatë kohës së deklarimit, i cili mbahet me forcat e veta, me rrogën e shtetit e asgjë më shumë. Madje, në traditën e deklarimeve të Ramës, edhe në deklarimin e Tahirit rezulton bashkëshortja me më shumë të ardhura.
Megjithatë, ajo që spikat në deklarimin e pasurisë së Tahirit janë dy kredi të shlyera gjatë 2016, një prej të cilave është marrë enkas për të shlyer gjobat e marra si dënim nga gjykata për shpifje ndaj fëmijëve të ish-kryeministrit Berisha.
“Shlyer gjatë vitit 2016 -56 714 lekë për një kredi konsumatore, kredi e marrë me qëllim shlyerje të detyrimit sipas vendimit gjyqësor me palë të dëmshpërblyera Argita dhe Shkëlzen Berisha. Kredia është marrë më 28.09.2015 në vlerën totale 2 100 000 lekë, në datën 31 dhjetor 2016 rezulton pa paguar diferenca 253 535 lekë. Kredia është kthyer pasi nuk është realizuar qëllimi i saj dhe pas marrëveshjes me zyrën përmbarimore u vendos që detyrimi të shlyhet çdo muaj në llogaritë e paditësve”, thuhet në deklaratën e pasurisë së Tahirit.
Pasuria “modeste” e një ministri që fiton 5 milionë euro në muaj
Vetëm një palë syze të tij kushtojnë 10 mijë euro, dhjetëra mijëra të tjera kostumet e veshjet firmato për të mos folur më pas për automjetet dhe jetën luksoze në tërësi, por në deklarimin e pasurisë së tij, Tahiri shfaqet me llogaritë bankare “të pakësuara” dhe me shuma minimaliste, a thua Tahiri mezi paska mbyllur muajin, në pritje të rrogës.
Llogaritë e varfra të ministrit të drogës
Ai drejtoi prej katër vitesh trafikun më të madh të drogës që ka ndodhur ndonjëherë në Shqipëri. Në çdo ngarkesë prej tonelatash që transportohej jashtë vendit nën monitorimin direkt të tij, Tahiri merrte përqindjen e majme. Por në deklaratën e tij shkruhet:
Gjendje e llogarisë së pagës më 31 dhjetor 65 958 lekë, pakësuar me 91 210 lekë.
Llogari bankare në emër të djalit është shtuar me 605 158 lekë.
Llogaria e kursimit nuk ka ndryshim gjendje, pjesa takuese 50%.
Gjendje llogari rrjedhëse, 3 381 lekë.
Gjendje llogari rrjedhëse, 200 lekë.
Gjendje llogari rrjedhëse, 1 200 lekë.
Bashkëshortja më e pasur se Tahiri
Bashkëshortja Fatlinda Tahiri të ardhura nga puna si pedagoge pranë Universitetit të Tiranës, FSHS, 1 044 527 lekë.
Bashkëshortja, të ardhura nga paga në Satfarma shpk, 826 560 lekë.
Bashkëshortja, të ardhura si drejtuese e bordit të qendrës TISS, 240 000 lekë.
Bashkëshortja, të ardhura nga puna pranë Save the children, 3 210 euro.
Bashkëshortja të ardhura nga shitja e librit ku është bashkautore 150 000 lekë.
Bashkëshortja të ardhura si eksperte pranë CRCA 2 550 euro.
Bashkëshortja znj. Fatlinda Tahiri, gjendje llogari kursimi, shtuar me 900 euro.
Bashkëshortja, gjendje depozitë bankare, shtuar me 52 497 lekë.
Bashkëshortja, gjendje depozitë bankare, shtuar me 327 euro.
Bashkëshortja, gjendje llogari kursimi e pandryshuar.
Bashkëshortja, gjendje llogari kursimi çelur më 22.07.2016, 4 400 euro.
Bashkëshortja, gjendje llogari page, shtuar me 555 848 lekë.
Bashkëshortja, gjendje llogari page 403 510 lekë, shtuar me 224 578 lekë.
Bashkëshortja, gjendje depozitë bankare 24-mujore çelur më 27.09.2016, 350 000 lekë.
Separatistët katalonjas kanë humbur mbështetjen e zgjedhësve
Lёvizja pёr njё pavarёsi tё Katalonjёs sipas anketimeve mund tё humbasё shumicёn nё Parlament nё zgjedhjet nё dhjetor. “Rroftё Spanja”, thёrrisnin pёrkrahёsit e unitetit, duke manifestuar nё rrugёt e Barcelonёs.
Rreth 300.000 vetё, sipas tё dhёnave tё policisё, marshuan nё rrugёt e kryeqytetit katalonjas pёr unitetin e Spanjёs. Me protestёn e tyre masive nё Barcelonё kundёr separatistёve katalonjas, ata pёrbёjnё njё shumicё, sipas sondazheve, qё po dёshmon njё kthesё aktuale tё opinionit në rajon.
Kёrcёnon njё dёshtim nё zgjedhje
Nё bazё tё kёtyre sondazheve nё zgjedhjet mё 21 dhjetor pёrkrahёsit e pavarёsisё nga Spanja duhet tё llogarisin me njё humbje tё shumicёs nё parlamentin rajonal. Nёse tani do tё votohej, partitё qё synojnё pavarёsinё mund tё merrnin maksimumi 42,5 pёr qind tё votave e kёsisoj vetёm 65 vende, sikurse del nga njё anketim i publikuar tё dielёn (29.10) realizuar me porosi tё gazetёs “El Mundo” nga Instituti prestigjioz “Sigma Dos”. Pёr shumicёn absolute nё Barcelonё janё tё nevojshme 68 mandate parlamentare.
Kundёrshtarёt e shkёputjes nga pushteti qendror nё Madrid, sipas kёtij sondazhi, mund tё shpresojnё pёr rreth 43,4 pёr qind tё votave. Pёr realizimin e anketimit janё marrё nё pyetje 1000 qytetarё nga e hёna deri tё enjten.
Kohёt e fundit sondazhet vazhdimisht rezultonin, qё shumica e 5,3 milionё qytetarёve katalonjas me tё drejtё vote janё kundёr shkёputjes nga Spanja. “Rroftё Spanja”, “Barcelona i pёrket Spanjёs” dhe “Unё jam spanjoll”, thёrrisnin tё dielёn demonstruesit duke marshuar nё rrugёt e Barcelonёs. Ata kёrkuan arrestimin e presidentit rajonal tё shkarkuar nga qeveria qendrore Carles Puigdemont.
Pajtim dhe paqe?
Pёr manifestim kishte bёrё thirrje lёvizja pro spanjolle Sociedad Civil Catalana (SCC) nёn moton “Ne jemi tё gjithё Katalonja!”. Nё njё njoftim kjo organizatё vё nё dukje, se do tё punojё qё tё arrihet njё pajtim mes unionistёve dhe separatistёve, nё mёnyrё qё nё tё ardhmen nё rajon tё mbizotёrojё arsyeja dhe bashkёjetesa paqёsore.
Qeveria qendrore nё Madrid nёn kryeministrin konservator Mariano Rajoy tё shtunёn (28.10) e vendosi komunitetin autonom tё Katalonjёs nёn administrimin e detyrueshёm, pasi Parlamenti rajonal nё Barcelonё shpalli pavarёsinё. Rajoy, sikurse njoftojnё mediat, ngarkoi zёvendёsen e tij Soraya Sáenz de Santamaría me drejtimin nё rajon.
Azil nё Belgjikё pёr Puigdemont?
Presidenti i rrёzuar rajonal Puigdemont mund tё arrestohet dhe tё akuzohet. Nёse ai dёnohet pёr kryengritje kundёr shtetit ose pёr “rebelim”, atё e kёrcёnojnё deri nё 30 vjet burg. Sekretari i shtetit tё Belgjikёs pёr azilin dhe migracionin e sugjeron vendin e tij si vendstrehim tё mundshёm pёr separatistёt. Katalonjasit, qё ndihen tё pёrndjekur politikisht, mund tё kёrkojnё azil nё Belgjikё, vend i BE-sё, tha Theo Francken nё televizionin flamand VTM News. “Belgjika mund tё jetё edhe njё rrugёdalje e mundshme pёr Puigdemont”, tha politikani i partisё nacionaliste flamande N-VA.
Separatistёt tё pёrҁarё
Baza e ithtarёve tё pavarёsisё pёrreth Carles Puigdemont sё fundi dukej e dobёsuar. Ajo u shpёrbё nё dy kampe: njё krah i moderuar, qё nё fund kёrkonte zgjedhje tё parakohshme rajonale, dhe njё pjesё e pa kompromis, qё kёrkon hiҁ mё pak se shpalljen e pavarёsisё nё mёnyrё unilaterale. Veҁanёrisht pёrҁarja doli nё pah, kur Puigdemont para dy javёsh deklaroi pavarёsinё dhe menjёherё e suspendoi atё.
Nga njёra anë ky ishte njё lёshim ndaj partisё radikale tё majtё CUP (Kandidatura e Unitetit Popullor), qё siguroi shumicёn nё Parlament. Nga ana tjetёr, ky ishte njё sinjal i lёshimit ndaj pjesёs sё moderuar benda partisё sё tij PDeCat (Partia Europiane Demokratike e Katalonjёs).
Ndarja nё dy kampe doli qartё nё pah tё premten, kur ministri pёrgjegjёs pёr sipёrmarrjet Santi Vila dha dorёhejen pёr protestё kundёr vendimeve tё presidentit rajonal dhe e komentoi vendimin e tij nё Twitter: “Pёrpjekjet e mia pёr dialog sёrish kanё dёshtuar”.
“Nё bllokun e pavarёsisё ka ende njё pёrҁarje”, thotё eksperti Oriol Bartomeus. “Tani kjo nuk ёshtё e dukshme, por do tё jetё evidente nё ditёt e ardhshme, kur tё diskutohet, nёse pёrkrahёsit duhet tё marrin pjesё nё zgjedhje mё 21 dhjetor ose jo”.
Kёto mosmarrёveshje pasqyrohen edhe nga fryma nё rrugёt e Barcelonёs. Lёvizja fillimisht homogjene e pavarёsisё u shpёrbё nё kampe tё ndryshme: Nga njёra anё pёrkrahёsit e flaktё tё pavarёsisё e kanё ndryshuar mendimin qёkurse nisёn tё tёrhiqen nga Katalonja bankat dhe sipёrmarrёsit. Njerёz kёta, qё nё fillim dёshironin njё statut mё tё fortё autonomie pёr Katalonjёn dhe pёr protestё dhanё votёn e tyre “po” nё referendum.
Por ka edhe katalonjasit e tjerё, tё cilёt shfaqen nё demonstratat mё tё spikatura dhe kёrkojnё vetёm pavarёsinё. Kёtё pavarёsi, ata e patёn tani – edhe pse fare shkurt.
Apeli i Papa Franҁeskut për qeveritë nё Europё
Ndoshta jo patjetёr tё shkon mendja tek Papa, nёse kёrkon njё referent pёr njё kongres mbi tё ardhmen. Por fjalimi qё mbajti Franҁesku nё njё konferencё nё Vatikan, ishte udhёrrёfyes pёr tё ardhmen.
Me apele pёr njё fillim tё ri nё Europё dhe njёkohёsisht pёr njё reflektim ndaj vlerave tё pёrbashkёta u mbyll kongresi “(Re) thinking Europe” nё Vatikan. Kongresi dyditor u organizua nga Komisioni i ipeshkёve tё BE-sё, COMECE. Papa Franҁesku i tёrhoqi vёmendjen politikёs, qё tё nxisё njё kulturё tё re dialogu. Gjithashtu, ai theksoi solidaritetin si parim themelor i BE-sё dhe bёri thirrje pёr tё qenё mё tё hapur.
Kontributi i parё e “ndoshta mё i madh” i kristianёve pёr Europёn e sotme ёshtё tё kujtojnё, “qё ajo nuk ёshtё njё grumbull shifrash apo institucionesh, por qё ajo pёrbёhet nga njerёz”, theksoi Papa nё fjalimin e tij. Ai njёkohёsisht kritikoi njё “shoqёri tё ҁrrёnjosur” nё sfondin e tendencave individualiste dhe kritikoi po ashtu lёvizjet ekstremiste e populiste. Kёto protestёn e kthejnё nё mesazhin e tyre thelbёsor, pa ofruar alternativa politike konstruktive. Nё vend tё dialogut shfaqen “kundёrthёnie tё tmerrshme” ose njё epёrsi politike, qё pengon demokracinё e vёrtetё. “Nё njё rast shkatёrrohen urat dhe nё njё rast tjetёr ngrihen mure”, tha Franҁesku.
“Mё shumё njё burim se sa njё barrё”
Shprehimisht Papa u bёri thirrje qeverive nё Europё tё jenё tё hapura pёr imigrantёt dhe kulturёn e tyre. Migrantёt janё “mё shumё njё burim se sa njё barrё”. Nё sfondin e dramёs sё refugjatёve nuk duhet tё harrojmё, qё kemi tё bёjmё me njerёz. Kёta “nuk duhet tё zgjidhen sipas qejfit apo tё seleksionohen”. Po ashtu, duhet qё politika e migracionit tё konceptohet me “menҁuri”. Europa duhet tё gjejё sёrish solidaritet dhe njё ndarje tё drejtё tё barrёs, theksoi Franҁesku. Nuk shkon qё disa tё sakrifikojnё dhe tё tjerё tё mbrojnё privilegjet.
Presidenti i COMECE, kardinali Reinhard Marx, kryetari i Konferencёs sё Ipeshkёve gjermanë, propozoi njё Konventё tё re Europiane tё tё gjitha vendeve anёtare tё BE-sё, lidhur me ҁёshtjet e sё ardhmes. Ai tha, se kontineti ndodhet nё njё pikё vendimtare; shtrohet pyetja, nёse Europa do tё shpёrbёhet apo do tё gjejё forcё pёr njё fillim tё ri. – Nё takimin dyditor nё Vatikan morёn pjesё rreth 350 pёrfaqёsues nga politika, kisha dhe shoqёria. Ndёr ta edhe Antonio Tajani, president i Parlamentit Europian.
Kryesore
Continue to the category
Rajmond Dervishi denoncon: Në një qendër votimi në Marikaj të Vorës...
Kandidati për deputet i Koalicionit Euroatlantik, Rajmond Dervishi, denoncon se në një nga qendrat e votimit në bashkinë Vorë, ka më shumë vota sesa...
