Álvaro Morata (26 vjeç) ia ka dalë të triumfojë edhe në Premier League. Ai është sulmuesi i padiskutueshëm i Chelsea. Në Angli ka gjetur vazhdimësinë, që nuk e ka pasur te Real Madridi, për të cilin e deklaron veten si një ndjekës besnik dhe i dëshiron më të mirën. Lidhur me faktorët përcaktues për largimin e tij nga Real Madridi, Morata tha: “Në fund të fundit, i vetmi faktor vendimtar është se unë kisha nevojë për diçka që Real Madridi nuk mundi të ma japë. Po të vazhdoja të rrija te Real Madridi nuk do të kisha mundësi që të luaja çdo të dielë. Real Madridi është Real Madridi dhe çdo lojtar dëshiron të jetë pjesë e tij, ndaj natyrshëm lind pyetja: Pse të dëshiroja të largohesha që aty?
Duhet të luaj, asgjë më shumë. Unë kam luftuar gjithë jetën time për të luajtur, për të qenë te Real Madridi, sepse përpiqem të jem në formacionin fillestar. Kam nevojë për të luajtur dhe te Chelsea kam gjetur atë, që e kam të nevojshme. Po Zidane, a më ka kërkuar që të qëndroj? Unë do të jem mirënjohës gjatë gjithë jetës time për Zidane, sepse më dha mundësinë për të fituar një tjetër Champions dhe për të luajtur me Real Madridin. Ai më tha: Álvaro, e kuptoj që, nëse doni të luani dhe të keni vazhdimësi, ka kuptim logjika e largimit. Ai më tha që, nëse doja të qëndroja, ishte i lumtur, por gjithashtu kishte shumë opsione në sulm. Vendosa që ishte më mirë të largohesha, sepse kisha përpara një Kupë Botërore dhe dëshiroja të isha në të.
Dua të jem i rëndësishëm për Spanjën dhe për këtë duhet të kem një vazhdimësi, çka është ajo që po bëj te Chelsea. A do të pendohem? Nuk do të kem keqardhje që vendosa të shkoj në një klub si Chelsea. Do të doja të isha te Chelsea gjatë gjithë kohës. Ju nuk duhet të pendoheni për asgjë në jetë. Të gjitha hapat që kam ndërmarrë në karrierën time më kanë shërbyer për diçka, kam mësuar. Kam fituar në Itali, kam fituar te Real Madridi dhe ndihesha i rëndësishëm. Tani kam sfidën që të jem një kampion edhe në Angli. Ky është qëllimi im: të fitoj Premier League dhe hyni në historinë e spanjollëve, që kanë fituar titullin në të tria vendet”, u shpreh Morata.

Mesut Özil (Gelsenkirchen, 15.10.1988) ngrihet si “shkuma në pishinat” e “Can Barça”, sepse pritet të jetë nënshkrimi i dimrit. Josep Maria Bartomeu tashmë pranon haptazi se, për të fituar Ligën e Kampionëve, ata do të duhet të bëjnë një “goditje” në janar. Nënshkrimi, atëherë, duket i afërt. Edhe pse plani A është ende Philippe Coutinho, në zyrat e klubit katalanas i dinë mirë dy gjëra: e para, është se braziliani nuk mund të luajë në Ligën e Kampionëve. E dyta, se Liverpool do të vërë gurë në rrugën e klubit katalanas dhe nënshkrimi mund të shtyhet për në verë. Pavarësisht nga kërkesa e vetë Coutinhos, që ka kërkuar transferimin në Katalonjë, “Reds” nuk kanë lëvizur nga pozicioni i tyre. Barça nuk dëshiron të jetë e varur kështu dhe Özil është një opsion tërheqës. Arsenali mund ta lërë atë për 20 milionë euro, sipas raporteve të së martës në “Mundo Deportivo”.
Özil ishte afër për t’u bërë lojtar i Barcelonës në verën e vitit 2010. Në atë kohë, përfaqësuesi i tij ishte Pere Guardiola, vëlla i trajnerit të atëhershëm të Barcelonës. Është spekuluar se, Guardiola nuk do të jetë i përfshirë në nënshkrim nga frika se ishte i përfshirë në biznesin e vëllait të tij, por në fillim të vitit 2017 ishte i njëjti Özil, i cili tha se kurrë nuk ka marrë një telefonatë nga Guardiola dhe indiferenca e tij, e përzier me afeksionin e Mourinhos, bënë që të largohej nga Madridi. Özil luajti ndeshje të mëdha me fanellën e Real Madridit në “Camp Nou”. Tani ai duket më afër se kurrë për Barçën. Lojtar i talentuar është në gjendje të hapë mbrojtjet kundërshtare me aftësinë e tij dribluese. Gjithashtu, atij i pëlqen për të nisur kundërsulmet dhe asistuar lojtarët e tjerë në repartin e përparmë.
Përkundër hapit të tij të dukshëm të lodhur, ai është në gjendje të përparojë shumë dhe shumë shpejt me topin e ngjitur në këmbë. Özil, i cili nënshkroi një kontratë pesëvjeçare me Arsenalin në vitin 2013, e përfundon angazhimin e tij me “topçinjtë” në qershorin e ardhshëm. Çmimi nuk do të ishte problem. Por, ndoshta, kushtet e kontraktimit, pasi gjermani do të kërkojë bonusin përkatës të nënshkrimit sikur të kishte përfunduar kontrata. Kjo është ajo ku Barça, e cila ka një rrugë të tretë në pritje të Di Marias, do të duhet të bëjë llogari.
Kontrata e mesfushorit gjerman Mesut Ozil me Arsenalin mbaron në verën e vitit të ardhshëm dhe e ardhmja e tij në “Emirates” mbetet e pasigurt. Për ketë, kryetari i Schalke, Clemens Tonnies, shpreson se lojtari kreativ i Arsenalit do të rikthehet në klub në të ardhmen, transmeton Express. Megjithatë, së fundmi Ozil është lidhur me një kalim të mundshëm te Barcelona apo Manchester United. Por ish-klubi i tij, Schalke ka treguar interesim për të. “Mund ta imagjinoj shumë mirë rikthimin e tij. Nëse do të ketë ndonjë mundësi, do ta mendojmë natyrisht”, ka thënë Tonnies për Kicker.

Trajneri i Liverpool, Jurgen Klopp, kërkoi nga Daniel Sturridge që të qëndrojë i përqendruar, pavarësisht nga spekulimet për të ardhmen e tij, duke thënë se “Reds” ende kanë nevojë për sulmuesin e Anglisë. Sturridge ka luajtur vetëm katër ndeshje në Premier League këtë sezon, duke shënuar dy herë. Sulmuesi anglez ka të ngjarë të ketë nevojë për më shumë kohë, nëse do të luajë me kombëtaren angleze në Kupën e Botës, por Klopp, i cili viziton Sevilla në Ligën e Kampionëve, tha se donte që Sturridge të përqendrohej te Liverpool.
“Unë mund të imagjinoj një lojtar, që me cilësinë e tij nuk është i lumtur. Ai nuk po luan gjithë kohën, por kjo është e gjitha, tha ai për gazetat në Mbretërinë e Bashkuar. Situata me lojtarin është plotësisht OK. Në këtë moment, jemi në nëntor dhe kemi nevojë për të gjithë lojtarët tanë. Ka rreth një muaj e gjysmë, para se të hapet merkatoja dhe unë nuk mendoj për gjëra të tilla. Ka shumë lojëra përpara dhe unë kam nevojë për të gjithë”. Sturridge zhvilloi 26 ndeshje dhe shënoi 21 gola në sezonin 2013-2014, por që atëherë ka shënuar 17 gola në 29 ndeshje pasuese, në tri sezone, ndërsa shpesh ka qenë duke luftuar me lëndimet.

6 lojtarë të Barcelonës dhe 3 të Realit të Madridit në 11-shen më të mirë të shekullit të 21-të. UEFA ka zbuluar formacionin më të mirë këtyre 17 viteve të fundit në futboll dhe ndër të përzedhurit e tifozëve, të cilët me votat e tyre kanë zgjedhur 11-shen më të mirë, spikasin Barcelona dhe Realin e Madridit, me blaugranat që bëjnë ligjin me plot 6 lojtarë. Në portë është zgjedhur Iker Casillas për atë çfarë ka dhënë me Realin e Madridit, pasi aktualisht gardiani spanjoll është pjesë e Portos. Mbrojtja përbëhet nga ish-kapiteni i Bayernit, Philip Lahm, ish- qëndërmbrojtësi i Barcelonës, Carles Puyol, por edhe nga dy më të mirët e momentit në pozicionet e tyre, Gerard Pique dhe Sergio Ramos. Kabina e regjisë në mesfushë i përket një ish- katalanasi, pikërisht Xavi-t i mbështetur nga Iniesta dhe Gerard. Në sulm përkrah Mesit dhe Ronaldos, fansat që kanë marrë pjesë në votim kanë preferuar edhe francezin Thierry Henry, i cili më shumë sesa për paraqitjet e tij me Barcelonën, është vlerësuar për periudhën fantastike të karrierës së tij me Arsenalin.

Revista braziliane “Man About Town” përkujtoi 10-vjetorin e saj. Kjo media kishte bërë me këtë rast një intervistë me Neymar, në të cilën ylli nga Rio fliste për çështje profesionale dhe personale. Edicioni përmbante edhe imazhe të numrit “10” të PSG-së. Sa për futbollin, Neymar ka theksuar synimin e tij për të fituar tituj në nivel kontinental, me klubin e tij, PSG, me të cilin u bashkua për shumën rekord të 222 milionë eurove verën e këtij viti: “Unë dua të fitojë një Champions me PSG dhe Kupën e Botës me Brazilin, pastaj, ndoshta, edhe martohem”.
Braziliani, gjithashtu foli për marrëdhënien e tij me modën dhe si të jetë një karakter futbolli, që përcakton një prirje, siç bëri David Beckham në kohën e vet: “Është vërtet e çuditshme, por ju jeni mësuar me të. Unë kurrë nuk do të veproj, nuk shërbej për të qenë një aktor, ose të paktën nuk do ta bëja mirë këtë gjë”. Në jetën familjare, 25-vjeçari ka thënë se dy njerëzit më të rëndësishëm janë djali dhe babai i tij: “Unë vazhdimisht flas me babain tim dhe i kërkoj atij këshilla. Por, në mënyrë të qartë, unë e di se si të marr vendimet e mia”.
Rreth Davi Lucca, djalit të ri, tha Neymar shtoi: “Kur ju jeni një prind duhet të mësoni për ta dashur dhe për ta mbrojtur në çdo mënyrë të mundshme. Gjithmonë i vlerësoj përpjekjet e bëra nga babai im dhe çdo gjë që ai më dha. Vetë dua të bëj dyfish për djalin tim, sepse është dhurata më e mirë që Perëndia më ka dhënë në jetën time”.

Ousmane Dembele mbetet në rrugën e të bërit të rikthimit të tij me Barcelonën, përpara ndeshjes “El Clasico” të dhjetorit, me Real Madridin. Ndërkombëtari i Francës ka qenë jashtë veprimit, pasi vuajti një lëndim të pësuar kundër Getafes, më 16 shtator. Kjo ndeshje ishte vetëm e treta për Dembele me fanellën e Barçës, që nga përfundimi i transferimit veror prej 105 milionë eurosh nga Borussia Dortmund. Ai u ble për të ndihmuar në mbylljen e hendekut të krijuar nga largimi i Neymar te PSG, por i është mohuar mundësia për të treguar “ngjyrat” e tij të vërteta. Megjithatë, Dembele është duke mbyllur fazën riaftësuese dhe e ka rritur regjimin e tij të trajnimit.
Ai po i afrohet fundit të një programi të gjatë rehabilitimi. Barcelona e ka kaluar në mënyrë të shkëlqyeshme mungesën e Dembele, me një fillim të pamposhtur në La Liga. Katalanasit janë katër pikë të qarta avancim nga të tjerët në krye të klasifikimit. Valencia është sfiduesja më e afërt për gjigantët “Camp Nou” për momentin, me kampionët spanjollë në fuqi të Real Madridit 10 pikë larg kreut, në vendin e tretë. “Los Blancos” do të kenë shansin për ta ngushtuar këtë “boshllëk”, kur Barça të bëjë një vizitë në “Santiago Bernabeu”, më 23 dhjetor. Dembele do të shpresojë të luajë një rol në atë ndeshje, duke e lejuar atë të rifillojë karrierën e tij në Katalonjë.