Një aksident i rëndë ka ndodhur gjatë mesditës së djeshme në kryeqytet. Ngjarja ka ndodhur në rrugën “Llazi Miho” në zonën e Kombinatit. Në aksident janë përfshirë një automjet dhe një motor. Sipas dëshmive të para, automjeti ka përplasur motorin, duke i shkaktuar plagë të rënda motoçiklistit. Ky i fundit është dërguar menjëherë në spital për të marrë ndihmën e nevojshme mjekësore. Policia ka shkuar në vendngjarje për zbardhjen e plotë të aksidentit.
Po ashtu, një aksident me pasojë plagosjen ka ndodhur mesditën e djeshme në aksin Korçë-Pogradec. Ngjarja ka ndodhur në afërsi të fshatit Bulgarec. Si pasojë e aksidentit ku janë përfshirë 2 automjete, rezultojnë të plagosur 4 persona. Ende nuk bëhet e ditur gjendja e tyre shëndetësore, ndërkohë që ambulanca dhe forcat e policisë kanë shkuar menjëherë në vendngjarje për zbardhjen e aksidentit. Shkak kryesor i përplasjes së dy automjeteve besohet të ketë qenë parakalimi i gabuar i njërës prej makinave.
Aksident i rëndë në Tiranë, makina përplas motorin
Shërbimet ushtarake italiane: 40 gomone me vlerë 40 milionë euro për transport refugjatësh
Të dashur zotërinj
Në përputhje me informacionin e marr dje nga Italia (Shërbimet Inteligjente Ushtarake) gjatë një aktiviteti moniturues është vënë re se disa grupe kriminale shqiptare, të njëjtë me ata që gjatë eksodit të shqiptarëve në vitet 1997-2000 çonin njerëz nga Shqipëria në Itali (brigjet e Pulias), janë duke kërkuar informacione për kostot dhe kohën e implementimit lidhur me një porosi për të paktën 40 varka (fillimisht 20 dhe më pas 20 të tjera) me motorrë të fuqishëm, (të paktën tre motorrë me 200 kuaj fuqi secila) për aktivitetin e tyre të paspecifikuar që do të nisë në një të ardhme të afërt.
Sipas shërbimeve inteligjente, një grup (delegacion) I këtyre “biznesmeneve shqiptarë” vizituan disa kantiere detare në brigjet e Adriatikut për të parë modelet e skafeve, pajimet, kohën e implementimit etj.
Sikurse është raportuar nga pronarët e këtyre kantiereve, delegacioni u ka bërë atyre me dije se ishin të interesuar për të hapur disa aktivitete të turizmit detar në rivierën shqiptare (Sarandë dhe zonat pranë saj) dhe se gjithashtu ishin të interesuar për të parë edhe tregun grek për të njëjtat arsye.
Bazuar mbi këtë dhe përvojat e mëparshme të këtyre grupeve kriminale dyshohet se ata duan të nisn një aktivitet të transportit illegal të emigratëve nga Turqia përmes Greqisë. Kjo mund të jetë një zgjidhje logjike dhe praktike në kushtet e kufijve të mbyllur me gardhe dhe mure nga vendet e Ballkanit.
Tashmë është e nevojshme të vihet në dukje se me një skaf të pajisur me këtë lloj motorrësh ata mund ta mbulojë distancën (nga bregu në breg) Shqipëri-Itali të paktën për 1 orë e gjysmë dhe duhet të shtojmë se do të kenë si zonë të lirë 500 km vijë bregdetare ku mund të zbresin emigrantë ilegalë, ndaj në këto kushte do të jetë e pamundur që t’I bllokojmë dhe të procedojmë në idetifikimin e tyre.
Zhvillimet mbi ngjarjen po monitorohen në mënyrë të vazhdueshme nga Zyrtat Përgjegjëse Italiane dhe informacione të tjera do t’ju komunikohen në vijim.
KLSH: Mungojnë 720 milionë euro në dy vite
720.5 milionë euro në dëm të buxhetit të shtetit janë konstatuar në raportin e fundit të auditit të KLSH. Kontrolli i Lartë i Shtetit prezantoi Buletinin e Tretë Statistikor për vitin 2017, i cili përmbledh rezultatet e të gjitha auditimeve të kryera prej tij në periudhën janar-shtator 2017. Nëntë muaj punë të audituesve të Kontrollit të Lartë të Shtetit kanë sjellë një raport skandaloz me abuzimet e kryera nga qeveria në 2 vite me paratë e taksapaguesve.
Në këtë buletin përfshihen dëmi ekonomik i konstatuar, të ardhurat e munguara dhe shpenzimet e kryera jo në përputhje me parimet e efektivitetit, eficiencës dhe ekonomicitetit (3E), masat disiplinore dhe administrative të rekomanduara, rekomandime për ndryshime apo përmirësim të legjislacionit, si edhe kallëzimet penale të përcjella në Prokurori. Kontrolli i Lartë i Shtetit ka kryer auditime për periudhën 2014-2016 ku konstatohet se shitja dhe blerja e pasurive shtetërore kanë pasur edhe abuzimet më të mëdha me fondet e ndjekura nga doganat dhe tatimet. Viti 2016 rriti me të paktën 41% borxhin tatimor dhe doganor së bashku me borxhin në skemën e sigurimeve shoqërore gjatë 2016-s në raport me një vit më parë. Është ky konstatimi i bërë nga Kontrolli i Lartë i Shtetit në buletinin e auditimeve për periudhën janar-shtator 2017. Për periudhën janar–shtator 2017, Kontrolli i Lartë i Shtetit, nga 124 auditime të planifikuara ka kryer dhe ka vijuar me përgatitjen e materialeve për 136 auditime, ose 10 për qind më shumë se parashikimi. Sipas llojit, auditimet e përfunduara për këtë periudhë janë 90. Prej tyre, 69 janë auditime të ligjshmërisë dhe rregullshmërisë, 6 janë auditime përputhshmërie, 7 auditime financiare, 6 janë auditime performance dhe 2 janë auditime të teknologjisë së informacionit. Auditimet kanë siguruar mbulueshmëri të lartë të veprimtarisë dhe institucioneve kryesore të shtetit. Nga auditimet e realizuara gjatë periudhës janar–shtator 2017 janë vërejtur parregullsi dhe shkelje financiare që i përkasin periudhës objekt auditimi 2014-2016. Më konkretisht, institucioni ka konstatuar parregullsi dhe shkelje financiare, në të ardhurat dhe në shpenzimet e kryera nga institucionet shtetërore të audituara, me dëm ekonomik në shumën totale prej 9,226 milionë lekësh (69 milionë euro), nga e cila ka rekomanduar për shpërblim dëmi shumën 5,601.6 milionë lekë. Vlera 2,864.5 milionë lekë është pagesë e kryer nga OSHEE për CEZ A.S. dhe vlerësohet si dëm ekonomik pa mundësi arkëtimi. KLSH po ashtu ka konstatuar shkelje të disiplinës financiare me ndikim negativ në perfomancën e subjekteve të audituara, në shumën totale prej 86,961 milionë lekësh ose afërsisht 651,3 milionë euro, nga të cilat 81,244 milionë lekë në fushën e të ardhurave ose rreth 608,5 milionë euro dhe 5,717 milionë lekë ose 42,8 milionë euro në fushën e shpenzimeve. Treguesi i dobishmërisë së auditimit tregon se për çdo lek të shpenzuar nga buxheti i shtetit, KLSH ka kërkuar 76.8 lekë shpërblim dëmi vetëm në vitin 2016. Për periudhën 2012-2016, treguesi i dobishmërisë së institucionit ka arritur nivelin 127.1 lekë, krahasuar me vetëm 21.1 lekë që ishte në periudhën 2002-2011 (për 10 vjet). Për vitin 2016 rritja e detyrimeve ndaj tatimeve dhe doganave (borxhi tatimor dhe doganor), si dhe ndaj skemës së sigurimeve shoqërore është në vlerën 51,175 milionë lekë ose 41% më e lartë se viti 2015. Kjo dëshmon për një administrim fiskal jo eficient dhe efektiv, për shtim të ndjeshëm të detyrimeve fiskale dhe për thellimin e deficitit në skemën e pensioneve publike. Dëmi i konstatuar në realizimin e të ardhurave në dogana është në vlerën 1,752,816 mijë lekë ose 19%, pasuar nga 12% në fushën e prokurimeve, sektor që mbetet me një risk të lartë për sa kohë shkeljet nuk lidhen vetëm me dëmin e zbuluar, por edhe me mungesën e efektivitetit të një sistemi të plotë që siguron prokurimin e mallrave, punimeve dhe shërbimeve për shtetin.
Auditimi, bizneset rritën me 59 miliardë lekë detyrimet, në kulmin e antiinformalitetit
Bizneset në vend krijuan të paktën 59 miliardë lekë detyrime të papaguara tek Tatimet në dy vitet e fundit. Kontrolli i Lartë i Shtetit ka zhvilluar një auditim me fokus “Efektivitetin e masave të ndërmarra nga organet tatimore në mbledhjen e detyrimeve të papaguara të subjekteve tatimpaguese”, duke nxjerrë në pah edhe një sërë shifrash. Gjendja e detyrimeve tatimore të papaguara në fund të vitit 2016 është mbi 146 miliardë lekë dhe paraqitet me një rritje e ndjeshme, në masën 45.5%, krahasuar me një vit më parë. “Në vlerën e detyrimeve të papaguara prej 146 068 milionë lekësh është e përfshirë edhe vlera prej 37 338 milionë lekë e 541 subjekteve që janë në proces gjyqësor. Ndërsa krahasuar me vitin 2011 gjendja e detyrimeve të papaguara në fund të vitit 2016 është 2.2 herë më e madhe”, thuhet në auditimin e KLSH-së. Kontrolli i Lartë i Shtetit konstaton se nga gjendja totale e borxhit tatimor, një pjesë e konsiderueshme i përket bizneseve që aktualisht kanë status pasiv. Kjo, sipas audituesve, ul mundësitë e mbledhjes së këtij borxhi. Në total bizneset që kanë detyrime të papaguara pranë administratës tatimore dhe njëkohësisht kanë status pasiv kapin një nivel prej 37%. “Gjendja e detyrimeve tatimore të papaguara në afat në fund të periudhës (2016) përbëhet kryesisht nga detyrimet tatimore të lindura nga 2-5 vite me një peshë prej 58% të totalit të borxhit, gjë që tregon se sasi të mëdha të detyrimeve tatimore të papaguara janë të pambledhshme, për të cilat DPT tashmë e ka praktikisht të vështirë të ndërmarrë veprime të mëtejshme ligjore për mbledhjen e detyrimit me forcë”, raporton KLSH. Një pjesë e mirë e totalit të borxhit duket se është krijuar vetëm në dy vitet e fundit 2015-2016. Kontrolli i Lartë i Shtetit thekson se të paktën 41% e këtij borxhi është krijuar pikërisht në këtë dyvjeçar nga ana e biznesit. Kjo do të thotë që bizneset kanë të paktën 59 miliardë lekë detyrime të papaguara të krijuara në kohën kur qeveria ishte në kulmin e fushatës antiinformalitet.
Abuzimet, borxhi tatimor dhe doganor u rrit me 41% në një vit të vetëm
Viti 2016 rriti me të paktën 41% borxhin tatimor dhe doganor së bashku me borxhin në skemën e sigurimeve shoqërore gjatë 2016-s në raport me një vit më parë. Është ky konstatimi i bërë nga Kontrolli i Lartë i Shtetit në buletinin e auditimeve për periudhën janar-shtator 2017. Po gjatë periudhës janar–shtator 2017, KLSH ka rekomanduar gjithsej 42 propozime për ndryshime ligjore, ndryshime që prekin rekomandime për përmirësime në korniza ligjore, në kuadrin të brendshëm rregullativ të institucioneve kryesore të shtetit, me synim forcimin e sistemeve të kontrollit të brendshëm dhe rritjen e efektivitetit të përdorimit të fondeve publike. I udhëhequr nga standardet ISSAI të organizatës botërore të institucioneve supreme të auditimit INTOSAI, dhe konkretisht në ISSAI 1240 “Përgjegjësitë e audituesit në lidhje me mashtrimin financiar në një auditim të pasqyrave financiare” dhe në ISSAI Gov 5700 “Udhëzues për auditimin e parandalimit të korrupsionit në agjencitë qeveritare”, si dhe i vetëdijshëm për misionin e tij të përmirësimit të qeverisjes publike nëpërmjet thellimit të luftës kundër korrupsionit, për periudhën janar–shtator 2017, KLSH ka depozituar në organet e Prokurorisë 29 kallëzime penale, nga të cilat 10 dosje për vlerësim. Numri i personave të kallëzuar penalisht në këto kallëzime penale arrin në 83. Në total, për periudhën 2012-2017, institucioni ka dërguar në Prokurori për abuzime flagrante me fondet publike 229 raste ose mesatarisht një kallëzim penal në javë apo një kallëzim në çdo tri auditime, ose 1.5 herë më shumë se numri i kallëzimeve penale për 10 vitet e marra së bashku 2002-2011. Kontrolli i Lartë i Shtetit i ka realizuar auditimet për këtë hark kohor gjatë periudhës janar-shtator 2017. Nëse do të analizojmë dëmin sipas sektorëve, vërejmë se niveli më i lartë i dëmit për këtë periudhë është ai i shkaktuar në administrimin e pronës shtetërore në vlerën 2.7 milionë lekë ose 30% të vlerës totale të dëmit të zbuluar dhe në riblerjen e pasurisë shtetërore. Më pas renditen dëmi i konstatuar në realizimin e të ardhurave në dogana e tatime dhe në fushën e prokurimeve, sektor që mbetet me një risk të lartë për sa kohë shkeljet nuk lidhen vetëm me dëmin e zbuluar, por edhe me mungesën e efektivitetit të një sistemi të plotë që siguron prokurimin e mallrave/punimeve/shërbimeve. Nga ana tjetër sipas raportit, administrimi i pronës shtetërore është zona më me risk dhe tregon se keqadministrimi ka vijuar, pa reflektuar përmirësim apo përgjegjshmëri menaxheriale në këtë sektor. Bazuar në Ligjin nr. 154, datë 27.11.2014 “Për organizimin dhe funksionimin e Kontrollit të Lartë të Shtetit”, KLSH për të metat dhe shkeljet e konstatuara ka dhënë rekomandime për masat disiplinore dhe administrative, subjekteve të audituara dhe ka bërë publike rezultatet e auditimeve në median e shkruar dhe atë elektronike. Gjithashtu, për shkeljet e konstatuara në bazë të ligjit të mësipërm, Ligjit nr. 152/2013 “Për nëpunësin civil”, neni 58 dhe Kodin e Punës, KLSH u ka kërkuar organeve respektive shqyrtimin dhe marrjen e 1014 masave disiplinore dhe administrative.
Ulja e taksave, fitorja tjetër e Trump në Kongres megjithë 20 votat e rrjedhura nga republikanët
Të enjten Dhoma e Përfaqësuesve miratoi një projektbuxhet prej 4 trilionë dollarësh për vitin fiskal 2018, një hap më pranë miratimit të një ligji të republikanëve për shkurtimin e taksave.
Projektbuxheti u miratua me një diferencë të vogël votash, 216 me 212; të gjithë ligjvënësit demokratë votuat kundër tij, ashtu sikurse edhe 20 republikanë. Kjo tregoi se edhe në mesin e republikanëve ka patur dyshime në lidhje me ligjin e taksave.
Miratimi i buxhetit në Dhomën e Përfaqësuesve i hap rrugën miratimit të ligjit të taksave në Senat, edhe pse mbetet ende për t’u marrë një vendim lidhur me disa çështje të vështira që lidhen me të.
Miratimi i buxhetit është një fitore për Presidentin Donald Trump dhe udhëheqësit republikanë në Kongres, të cilët janë zotuar ta rishkruajnë ligjin e taksave, një përpjekje që nuk ka mundur të realizohet në më shumë se katër dekada.
Plani i taksave i republikanëve kundërshtohet nga demokratët, të cilët thonë se nga ai do të përfitonin kryesisht të pasurit dhe korporatat.
Tifozët-Venger: “Largohu gjakpirës!”
Shpërthejnë polemikat në shtëpinë e Arsenal. Prej vitesh tashmë, tifozët e “Topçinjve” janë në vendnumëro për shkak të rezultateve zhgënjyese të marra nga trajneri historik i klubit anglez, Arsene Wenger. Në sezonet e fundit ai nuk ka arritur të shkojë përtej kualifikimit në Champions League, duke koleksionuar disa Kupa Kombëtare gjatë qëndrimit të tij të gjatë në Londër. Madje, vitin e kaluar nuk ka ardhur as kualifikimi i zakonshëm në kompeticionin më të rëndësishëm europian, me Arsenal që luan në Europa League në këtë sezon.
Për sa i takon Premier League, Arsenal mban vendin e pestë në renditje dhe tifozët janë lodhur nga kjo ecuri, edhe pse trajneri francez konfirmohet çdo vit nga pronësia ruso-amerikane dhe që përfaqësohet nga aksionari më i madh Stan Kroenke dhe Alisher Usmanov, të cilët (i pari kryesisht) janë sulmuar nga tifozët. Në fakt, gjatë ndeshjeve të fundit të ekipit mbështetësit e “Topçinjve” kanë nxjerrë shpesh në shkallët e stadiumit mesazhe kundër pronarëve dhe i fundit ka qenë shumë i qartë: “Stan (Kroenke) të duam jashtë klubit tonë, gjakpirës!”. AFC deri në vdekje (Arsenal Football Club)”.
Përgjigja e pronarit të klubit londinez nuk ka vonuar. Stan Kroenkte ka thënë për një gazetë angleze se nuk ka ndërmend të shesë kuotat e tija të klubit dhe se, mbi të gjitha, ka konfirmuar përsëri trajnerin francez Arsene Wenger. “Nuk është e vërtetë se jam në botën e futbollit vetëm për paratë. Sa mundësi ka të shes klubin? Asnjë, nuk është mënyra si punojmë ne. Tifozët janë fantastikë, sepse janë të zjarrtë. Ky është lajmi i mirë. Por ka një lajm të keq, kanë gjithmonë një opinion. E vetmja gjë që më shqetëson është nëse kjo mund të ndikojë te lojtarët, tekniku dhe stafi: kjo është gjëja e fundit që dua. Nuk i pëlqej një pjese të tifozëve? E di, por unë e dua Arsenal-in dhe adhuroj të jem i përfshirë në çështjet e këtij klubi”, ka thënë Kroenke.
Ndërkohë, tifozët e West Ham me siguri që do të jenë shumë të gëzuar nga fitorja 3-2 ndaj Tottenham në Carabao Cup. Pasi shkuan në disavantazh të dyfishtë pas golave të Moussa Sissoko dhe Dele Alli, Hammers përmbysën gjithçka me golat e Ayew dhe Ogbonna.
Ishte një fitore që askush nuk e parashikonte, dhe tifozët padyshim që ishin në humor të mirë pas ndeshjes. Por një tifozi nuk i shkoi mirë festimi teksa është filmuar, duke u munduar të kapë dëshpërimisht një fanellë të hedhur drejt tribunës nga kapiteni Marc Noble.
Teksa Noble hedh fanellën drejt një fëmije pranë tij, tifozi mbipeshë hidhet për ta kapur përpara tij dhe si pasojë rrëzohet në tokë, dhe ai që përfitoi fanellën ishte një tifoz tjetër.
Bomba e Berluskonit
Silvio Berlusconi ka folur për mundësinë që sërish ta blejë skuadrën e Milanit. Presidenti legjendar, Silvio Berlusconi gjatë prillit të këtij viti shiti Milanin te grupi kinez i udhëhequr nga Yonghong Li. Mediaset është duke tentuar ta padisë kompaninë franceze, Vivendi, e cila ishte tërhequr nga marrëveshja 800 milionëshe për blerjen e Premium Mediaset.
Berlusconi tashmë po kërkon 3 miliardë euro në kompensim, por Vivendi dëshiron të arrij një marrëveshje, duke paguar 500 milionë euro, për të ndaluar kështu procesin gjyqësor. Pas kësaj, Berlusconi me shaka tha se me këto para do ta blejë sërish Milanin. “Me këto para, ndoshta do ta blejë sërish Milanin”, tha Berlusconi për “Il Messaggero”.
Pas disa rezultateve negative radhazi, Milani u rikthye te fitorja në Serinë A, këtë mesjavë, pasi arriti të mposhte me rezultatin 4-1 Chievon në transfertë. Tashmë radhën e ka Juventusi. Misioni për të bërë një figurë të mirë të shtunën në “San Siro” ndaj bardhezinjve nuk do të jetë aspak i thjeshtë për skuadrën e Montellës. Megjithatë, një nga lojtarët më në formë te Milani në këto momente, Suso, është optimist për vazhdimësinë e sezonit të Milanit. Autori i golit të parë në fitoren ndaj Chievos theksoi se është shumë e rëndësishme që kuqezinjtë të mos humbasin përballë bardhezinjëve. “Deri tani kemi qenë të bllokuar, por mendoj se kthesa ka ardhur, do të jetë e rëndësishme të mos humbasim ndaj Juves. Nëse i shënoj Buffonit? Do ta bëj rrugën në këmbë deri në shtëpi”, deklaroi spanjolli i cili shtoi gjithashtu se edhe nëse Milani nuk kualifikohet në Champions League, ai do të qëndrojë gjatë te kuqezinjtë.
Milan-i duket se funksionon mirë pa Leonardo Bonucci-n. Shiriti i kapitenit, presioni i ambientit të ri kanë ndikuar në uljen e rendimentit të ish-mbrojtësit të Juventus-it. Të mbetur me 10 lojtarë për pjesën dërrmuese të ndeshjes ndaj Genoa-s (0-0) dhe pa të gjatë gjithë transfertës së fituar 4-1 ndaj Chievo-s, kuqezinjtë janë shfaqur më të qartë, kompaktë dhe të përgjegjshëm.
Edhe pse është herët të thuhet, skuadra ka luajtur më mirë dhe ka fituar me kapitenin e saj në tribunë. Më me këmbë në tokë është shfaqur edhe Romagnoli, i cili në qendër të mbrojtjes ka bërë më mirë se sa në qendrën e majtë: “Nuk është e vërtetë që pa Bonucci-n luajmë më mirë, ka thënë mbrojtësi i Milan-it, secili prej nesh ka përgjegjësitë e tij dhe në këto orë kanë dalë gjëra të pavërteta”.
Vincenzo Montella për momentin e ka shpëtuar veten. Në sfidën kundër Juventus-it do ta udhëheqë ai Milan-in, dhe në rast humbje, do të shihet më pas se si do të mund t’ia dalë të rezistojë në stolin e përvëlues të Djallit. “Shpresoj që Juventus-i të na nënvlerësojë, por kam marrë përgjigje të bukura nga skuadra. Tani dua të shikoj këtë sjellje edhe në “San Siro” kundër Zonjës së Vjetër”.
Arlind RAMA
Rodriguez: Në Itali, më e vështirë se në Gjermani
Ricardo Rodriguez ishte një nga afrimet e shumta të Milanit, gjatë merkatos së verës. Mbrojtësi zvicerian erdhi nga Volfsburgu, për t’iu bashkuar projektit të Montellës, ndërsa ka gjetur edhe një fanelë titullari te kuqezinjtë.
Fillimi i tij te Milani ishte premtues, por penalltia e shkaktuar në derbi, në minutat shtesë, duket se ua ka prishur humorin tifozëve kuqezinj. Rodriguez ka folur për aventurën e tij italiane, teksa ka zbuluar se ka qenë pranë transferimit në pjesën tjetër të Milanos, atë zikaltër, por edhe ka pranuar se të luash në Itali është shumë më e vështirë se në Gjermani.
“Prej më tepër se një viti Inter kishte bërë hapa konkretë drejt transferimit tim, por në fund erdhi Milani dhe jam i lumtur që jam pjesë e kuqezinjve. Nuk e kemi nisur aspak mirë sezonin, por kam besim se do t’ia dalim. Është thjesht çështje kohe, sepse ne e njihnim shumë pak njëri-tjetrin dhe për më tepër disa prej nesh nuk e njihnin as Serinë A më përpara. Më duhet ta pranoj se këtu është shumë më e vështirë se në Gjermani, sepse sfidat përgatiten në detaje dhe është shumë e vështirë të gjesh hapësira, tha mbrojtësi zvicerian i Milanit.
Raiola rrëfen vështirësitë e Lukakut si “futbollist i zi”
Mino Raiola dha një intervistë për suedezen “Expressen”, në të cilën zbuloi episodet e racizmit që ka jetuar në futboll, që kur ishte i vogël, Romelu Lukaku. “Njerëzit thonë se nuk ka diskriminim, por lojtarët e zinj gjithmonë kanë një trajtim të tillë”, tha ai. Raiola tregon për anekdotat që duhej të jetonin Lukaku dhe nëna e tij në fillimet e tij në fushën e lojës. “Futbolli është sporti më demokratik i të gjithëve, sepse duhet të jetë i njëjtë për të gjithë. Njerëzit thonë se nuk ka diskriminim, por lojtarët e zinj gjithmonë kanë një trajtim ndryshe. Lojtarët e zinj, gjithmonë janë vënë mënjanë.
Për Lukakun ka qenë gjithmonë një problem. Mos harroni se nëna e tij më tha se, kam për të shkuar në ndeshje me çertifikatën e lindjes. Prindërit e lojtarëve të tjerë nuk besonin se ai kishte 12 apo 14 vite mbi supe, kjo ka qenë gjithmonë një problem, sidomos kur shënoi tre, ose katër gola. Ai ishte i madh dhe i fortë fizikisht, çka bëri që bashkëlojtarët ta konsideronin atë më të vjetër, që nuk ka lindur në Belgjikë etj. Në këtë situatë paragjykimi, nëna e tij u detyrua të tregojë çertifikatën e lindjes”, tha përfaqësuesi italian.
Tottenhami pëlqen dyshen holandeze Kluivert – van de Beek
Tottenhami dëshiron të bëjë “pazar” të Ajaxi i Amsterdamit. “Spurs” po monitorojnë me kujdes dyshen Justin Kluivert -Donny van de Beek, siç raporton “Sky Sport”. Sulmuesi Kluivert, është djali i ish-lojtarit të Kombëtares Holandeze, Patrick Kluivert, ndërsa 20-vjeçari van de Beek është një mesfushor shumë i vlerësuar në “Amsterdam Arena”. Klubi anglez ka dërguar specialistët e tij për të parë dyshen holandeze dhe mund të paraqesë ofertë që në janar. Kluivert është aktivizuar në 7 ndeshje në këtë sezon të Eredivisie, ndërsa van de Beek është hedhur në fushë në tre raste, madje duke shënuar një gol për “harkëtarët”.
Vetingu dhe “drejtësia e re” e Ramës
Vincent W.J. van Gerven Oei
Më 4 shtator, ambasadorja Vlahutin solli “lajme të mira” nga Brukseli. Mes deklaratave të tjera inkurajuese dhe pozitive, ambasadorja Vlahutin, pohoi:
“Do të thoja që Shqipëria po përjeton një moment të mirë. Reforma në Drejtësi, e cila është në fakt reforma më impenjative dhe më komplekse nga të gjitha, është tashmë gati për t’u zbatuar me procesin e vetingut, i cili do të fillojë në më pak se dy javë. Krijimi i institucioneve të reja, si për shembull, Prokuroria e Posaçme për sa i përket korrupsionit apo krimit të organizuar, e cila do të fillojë [punën] me shpresë nga fundi i vitit”.
Dy javët për të cilat foli ambasadorja Vlahutin kaluan dhe tani janë bërë pothuajse dy muaj. Përkundër ardhjes së ekspertëve të Operacionit Ndërkombëtar të Monitorimit dhe rindërtimit të dyshimtë të godinës së ish-Ministrisë së Kulturës në Pallat të Vetingut, vetingu në vetvete, nga Komisioni i Pavarur i Kualifikimeve dhe institucionet e tjera të vetingut, nuk duket se ka nisur.
Ndërkohë, “moment i mirë” në fillim të shtatorit duket se ka kaluar. Zbulimet e fundit për ish-ministrin e Brendshëm, Saimir Tahiri dhe lidhjet e ngushta me botën e krimit treguan jo vetëm paaftësinë vezulluese të qeverisë shqiptare për të luftuar në mënyrë efektive krimin e organizuar dhe trafikimin e drogës, një nga pesë kushtet kyçe për hapjen e bisedimeve me BE-në-por çfarë është më e rëndësishme treguan qëllimet e vërteta politike pas Reformës në Drejtësi, qëllime për të cilat opozita ka paralajmëruar komunitetin ndërkombëtar për muaj të tërë.
Këto qëllime u shprehën qartë edhe nga Kryeministri Edi Rama në një fjalim para Grupit parlamentar të PS-së, në të cilin ai deklaroi se opozita është e frikësuar nga “drejtësia e re”.
“E nëse në fund drejtësia pohon të vërtetën e Saimir Tahirit, atëherë ju siguroj se nuk do të jetë më nevoja t’ju themi njerëzve si në kaq shumë vite, se ne jemi ndryshe dhe Saimiri mirë se të kthehet me nderin që do i takojë dhe me zemrat tona peshë prej një çlirimi shumë të madh në vendin që i përket, në këtë grup dhe në këtë familje politike, ku gjithkush mund të gabojë, por askush nuk mund të tradhëtojë Shqipërinë, njerëzit që na besojnë dhe që na mbështesin”.
Me fjalë të tjera, “drejtësia e re”, drejtësia e pas vetingut, do të jetë drejtësia, e cila do ta lërë të lirë Saimir Tahirin dhe do të provojë pafajësinë e tij.
Ndoshta, nuk mund të gjendej një artikulim më i qartë për atë që vetingu duhet të përmbushë, në këndvështrimin e Ramës: për ta bërë të qartë që ministri i tij, i cili lejoi trafikimin e drogës, dhe krahu i djathtë i tij të lirohet.
Çështja Tahiri është çështja provë për çfarëdo lloj “drejtësie të re” që do të vendoset.
Sjellja e disa deputetëve në mbrojtje të Saimir Tahirit, ditën e premte, ishte tronditëse, jo vetëm për mungesën absolute të njohurisë mbi Kushtetutën apo Rregulloren e Kuvendit, por tronditëse në veçanti, sepse këta ishin të njëjtët persona, të cilët hartuan Reformën në Drejtësi.
Nëse sistemi është i aftë të nxisë specialistët e mirënjohur si Vasilika Hysi, ish-kryetare e Komitetit Shqiptar të Helsinkit, të shqiptojnë deklarata nga më absurdet, përfshirë edhe atë të pretendimit se heqja e privilegjit të imunitetit parlamentar të Saimir Tahirit është cënim i të drejtave themelore të njeriut, atëhere ky sistem duhet të jetë i kalbur që në rrënjë. Dhe kalbëzimi tani ka objektiv të kapë tërësisht degët e drejtësisë së qeverisë — për të vendosur “një drejtësi të re”.
Ndaj nuk është ndonjë çudi e madhe që ndodhitë e fundit pranohen në heshtje të plotë nga mbështetësit e huaj të Reformës në Drejtësi. A mos ndoshta ata befas e kuptuan se kanë bërë të njëjtin gabim si në shumë vende të tjera komuniste, pra që ia servirën gjykatat në pjatë prej floriri Edi Ramës?
Ndoshta mund të na ndihmojë të kthehemi pas dhe të lexojmë raportin “Qasja e BE-së për Reformën në Drejtësi në Evropën Lindore dhe Juglindore”.
“Reformat gjyqësore dhe antikorrupsion të promovuara me kosto të lartë nga BE shpesh dëmtohen nga Parlamentet. Ne duhet të përballemi me realitetin që këto vende kanë një problem strukturor: kërkesa e dobët e brendshme për të luftuar korrupsionin. Për fat të keq, partitë politike janë me të vërtetë përfaqësues të popullit të tyre”.
Parlamenti shqiptar, i njëjti Parlament që kaloi Reformën në Drejtësi kaq shumë të mbështetur nga BE, tani ka planifikuar të mbrojë një ish-ministër të privilegjuar, të dyshuar për përfshirje në trafikun e drogës, krimin e organizuar dhe korrupsionin. Kjo është “kostoja e lartë” që BE duhet të paguajë.
Kryesore
Continue to the category
