Hidrocentrali në lumin Seta në Dibër po ndërtohet nga nipi i kreut të Kuvendit, Gramoz Ruçi. Edhe pse kanioni mbi lumin Seta është monument kulture dhe i mbrojtur nga UNESCO, aty kanë nisur punimet për ndërtimin e një hidrocentrali. Banorët e zonës bëjnë të ditur se ky hidrocentral po ndërtohet në kundërshtim me ligjin nga kompania “Al-Building” që menaxhohet nga nipi i Gramoz Ruçit. Banorët e zonës shprehen se, pronari i kësaj firme mburret duke u shprehur se, “jam nipi i Gramoz Ruçit dhe askush nuk mund t’i ndalojë punimet për ndërtimin e hidrocentralit.
Prej ditësh, banorët kanë ngritur shqetësimin për shkatërrimin e kanionit të Setës, por mesa duket kompania që po ndërton hidrocentralin ka mbështetje direkt nga qeveria. Një banor iu drejtua me një mesazh portalit “Nisma Thurje” ku shkruan se Kompania Al-Building që po ndërton hidrocentralin zotërohet nga një nipi i Gramoz Ruçit.
“Dua të shpreh një shqetësim timin edhe të bashkëfshatarëve të mi. Në një fshat të Dibrës i quajtur Çidhën e Epër deri në Njësinë Administrative Arras, në lumin Seta, po ndërtohet një vepër e paligjshme i quajtur hidrocentral. Kjo vepër është në kundërshtim me ligjin, sepse zona është e shpallur monument kulture.
Gjithashtu, kur është projektuar kjo vepër nuk është bashkëbiseduar me asnjë fshatar të fshatit tim. Askush nuk ka ardhur të na njoftojë për projektin. Po ju nis foto të lumit dhe natyrës si ishin dhe si janë bërë mbas ardhjes së pushtuesve. Kompania quhet Al-Building dhe në fshat thuhet se zotërohet nga një nipi i Gramoz Ruçit, ose të paktën kështu prezantohet.
Ju lutem bëjeni publike këtë problem tonin si fshat, sepse po shkatërrohet vepra më e bukur e Shqipërisë që ka në përbërje Sopanikën, vendin më të bukur që kemi në Dibër”, shkruan banori nga Dibra.
Ndërtimi i hidrocentralit në kanionin e Setës në Dibër ka hedhur në revoltë banorët e zonës. Ata shprehen se ndërtimi i këtij hidrocentrali do të çojnë në shkatërrimin e kanionit më të madh dhe më të bukur në vend i mbrojtur edhe nga UNESCO. Seta është një nga kanionet më të bukura në Dibër, 2 mijë metra mbi nivelin e detit. Ky kanion është një nga më të mëdhenjtë dhe më të bukurit në vend. Fillon nga lumi Drin dhe përfundon tek liqenet e Lurës.
Faqet shkëmbore arrijnë deri në pesëqind metra lartësi. Këtu janë me qindra burime ujore dhe ujëvara. Por kjo vepër momument kulture dhe i mbrojtur nga UNESCO po shkatërrohet nga qeveritarët. Banorët shprehen se ndërtimi i Hec-ve në këtë zonë do të rrezikojë shkatërrimin e këtyre kanioneve, të cilët aktualisht janë një thesar natyror jo vetëm i Dibrës, por i gjithë Shqipërisë.
Banorët po kundërshtojnë fuqishëm projektin Seta 4, i cili sipas tyre shkatërron dhe zhduk kanionin. Bëhet fjalë për një Hec, i cili do të fusë në tubacion për rreth 1,2 km gjithë sasinë e ujërave të kanionit dhe për rreth 800 metra me tunel. “Ju lutemi aman, të gjitha forcave dhe të gjithë njerëzve, nëse doni që ta zhvilloni turizmin malor në këtë zonë, ju lutemi ndaloni”, shprehet një prej banorëve. “Prej tre vjetësh vazhdojnë përpjekjet tona për të ndaluar ndërtimin e një vepre shkatërrimtare për këtë zonë”, shprehet një tjetër. “Ky vend është strategjik, historik, arkeologjik. Në këtë vend janë strehuar gjatë luftërave me serbin afro 12 mijë vetë me 9 fshatra”.
Banorët nuk janë kundër investimeve, por janë kundër këtij projekti, i cili nuk është konsultuar me banorët e zonës, ku firmat janë mbledhur nëpër kafene. “Qysh atë ditë, kur janë vendosur i ka firmosur letrat këshilli i komunës, i ka firmosur në lumin e Setës, matanë komunës, nuk i ka firmosur në Zije”, thotë një banor. Me vendim të qeverisë në vitin 2002, në këtë kanion u shpallën 2 monumente natyre të mbrojtura; shpella dhe burimi i Sopanikës, dhe gryka e ngushtë e Setës.
Nipi i Ruçit po ndërton HEC në zonën e mbrojtur nga UNESCO
Masakra në Lushnjë, autorët kishin mbështetje nga policia
Bandat rivale që shkaktuan masakrën në Lushnjë janë fuqizuar vitin e kaluar nga kultivimi dhe trafiku i kanabisit drejt Italisë. Burime nga grupi hetimor bëjnë të ditur se, autorët kanë bashkëpunuar edhe me segmente në radhët e policisë lokale. Dy të akuzuarit nga policia si autorë të masakrës Laert Haxhiu dhe Orges Bilbili, edhe pse ishin të shpallur në kërkim, lëvizin lirisht në qytet. Hetuesit ngrenë dyshime se, i akuzuari Orges Bilbili, edhe pse dënuar me 11 vjet burg vazhdonte të ishte i lirë, pasi ka patur mbështetje nga segmente të policisë. Edhe Laert Haxhiu është kapur para dy vitesh, duke trafikuar një sasi heroine. Kur e kapi policia tha “iku”, sepse mendoi se ishin ata të Aldo Bares.
Grupi hetimor i ngritur për ngjarjen e rëndë, nuk përjashtoi dyshimin se shënjestër e atentatit të ketë qenë Sajmo (Sajmir) Xhelili. Ky i fundit i shpëtoi mrekullisht atentatit, pasi reagoi në kohë dhe u largua me shpejtësi. Mësohet se ai u është bashkuar viktimave, Zamir Latifi dhe Jurgen Hoxha, pak pasi ka ikur Xhulio Shkurti.
Burime nga hetimorët bënë të ditur se, Xhelili është një ndër dëshmitarët kyç të ngjarjes. Ai ka treguar se nuk ishin ulur në lokal, ndryshe nga sa u tha fillimisht. “Ne nuk ishim ulur në kafe. Po rrinim te një pemë në anë të rrugës. Xhulio sapo kishte ikur. Ne po bisedonim në këmbë kur një makinë ndaloi rreth 20 metra më larg dhe që atje doli një person me maskë të zezë në kokë, në duar mbante një armë automatike. Kur u afrua nja 6 a 7 metra, unë u largova me vrap pas ndërtesave. Të tjerët nuk mundën. Autori hapi zjarr dy herë me breshëri kallashnikovi, pastaj u fut në makinë dhe u larguan”, mësohet të ketë thënë në polici, Sajmir Xhelili.
Sipas të dhënave të Policisë, janë sekuestruar kamerat e disa bizneseve nga ku po hetohet dinamika. Ata që kanë qëlluar me armë kanë qenë Laert Haxhiu dhe Orges Bilbili. Ndërsa një person tjetër i tretë ka shërbyer si drejtues i mjetit, që më pas u gjet i djegur në aksin Lushnjë-Berat.
Hetimet e Prokurorisë
Burime nga grupi hetimor bëjnë të ditur se, masakra e Lushnjës rezulton se ka qenë e menduar mirë nga dy atentatorët e dyshuar të ngjarjes, Laert Haxhiu dhe shoku i tij Orges Bilbili. Në këtë përfundim ka dalë grupi hetimor, pasi 10 minuta para se të ndodhte vrasja e dyfishtë dhe plagosja e dy personave të tjerë, viktimat ishin parë së bashku me disa persona të tjerë jashtë ambienteve të lokalit, duke qëndruar në këmbë. Bashkë me grupin ishte edhe Xhulio Shkurti, nipi i Aldo Bares, por pak momente para krimit, ky i fundit kishte lëvizur për të shkuar tek berberi. Dyshimet kryesore për Prokurorinë e Lushnjës janë se, dy atentatorët Haxhiun dhe Bilbilin dikush mund t’i ketë njoftuar për vendndodhjen e kundërshtarëve dhe praninë e tyre në kafenë në lagjen “Loni Dhamo”.
Sipas grupit të hetimit, Laert Haxhiu, fillimisht ka qëlluar në drejtim të tavolinës ku po qëndronin viktimat Latifi e Hoxha dhe i plagosuri Xhepaxhiu. Pasi i qëllon me breshëri automatiku dy të rinjtë, trupat e të cilëve u gjendën shumë pranë një automjeti tip “Fiat Punto” në pronësi të Xhulio Shkurtit, Haxhiu futet brenda lokalit. Ky ka qenë momenti ku shumë dëshmitarë okularë, kanë shquar autorin e dyshuar të kasaj masakre, si Laert Haxhiu. Por ngjarja nuk përfundoi me kaq. 25-vjeçari, duke menduar se brenda lokalit gjenden pjesëtarët e tjerë të grupit, nxiton drejt tij.
I dyshuari Laert Haxhiu së bashku me mikun e tij, Orges Bilbili kanë hyrë brenda lokalit, mesa duket me qëllimin për të vrarë Xhulio Shkurtin e Saimir Xhelilin. Në ato moment Zamir Latifi, i cili kishte mbetur i plagosur ka qëlluar me pistoletë në drejtim të atentatorëve, por pa rezultat. Me të dalë nga lokali, si kundëpërgjigje, mbi trupin e Zamir Latifit dy autorët derdhën 35 plumba pohojnë hetuesit. Dëshmitarët saktësojnë se ngjarja mund të kishte marrë të tjera përmasa, nëse nuk do të kishin mbaruar plumbat e automatikut të 25-vjeçarit Laert Haxhiu. Kamerat e sigurisë nuk kanë mundur të fiksojnë të gjithë ngjarjen, ndërsa krimi makabër ndodhi shumë pranë komisariatit të Policisë Lushnjë. Pas ngjarjes, atentatorët që mendohen të kenë qenë tre veta, dogjën automjetin në aksin Lushnjë-Berat.
Hetuesit janë në dilemë nëse viktimat Jurgen Hoxha dhe Zamir Latifi ishin shënjestra e atentatit, apo u qëlluan thjesht se shoqëroheshin me Xhulio Shkurtin dhe Sajmo Xhelilin, të cilët për herë të dytë u shpëtojnë plumbave.
Leart Haxhiu nga Prokuroria e Lushnjës është akuzuar për vrasjen e Gerti Salës, i njohur ndryshe si “iriqi” në vitin 2009. Prokuroria e Lushnjës këtë dosje ia delegoi Prokurorisë së Vlorës për shkak se autori ishte i mitur. Por Gjykata e Vlorës e ka dënuar Haxhiun vetëm me një vit burg për akuzën e vjedhjes, pasi nuk u provua akuza e vrasjes. Edhe në 2016, ai është dënuar me 1 vit e 6 muaj burg nga Gjykata e Durrësit për shitje të lëndëve narkotike. Edhe i shpalluri tjetër në kërkim, Orges Bilbili, është i dënuar nga Gjykata e Krimeve të Rënda me 7 vite e 4 muaj burg në mungesë. Ai ka qenë një nga personat që ka paketuar drogën, e cila do ngarkohej në avionin e Xhorxho Riformatos, i cili u rrëzua në plazhin e Divjakës. Ai u zbulua nga shenjat e gishtave, të cilat u gjeten në pakot me drogë.
Hetuesit po kërkojnë atentatorin e tretë
Në masakrën e Lushnjës ka marrë pjesë dhe një atentator i tretë. Një dëshmitar okular nga vendi i ngjarjes rrëfeu dje për ‘News24’ momente nga krimi në qendër të Lushnjës. Dëshmitari pohoi se 3 prej tyre, pasi zbritën nga makina hapën zjarr me kallashnikovë në drejtim të djemve, ku lëshuan 41 plumba, duke lënë të vdekur Zamir Latifin dhe Jurgen Hoxhën.
Hetuesit po kërkojnë cili është ky person, fytyrën e të cilit nuk e ka parë asnjë nga dëshmitarët e mbetur gjallë. Aktualisht në kërkim janë Laert Haxhiu dhe Orges Bilbili. Burime nga grupi hetimor në Lushnjë, tregojnë se në pyetje është marrë dhe Julian Sula, një tjetër emër i njohur për policinë për vepra të ndryshme penale. Me Sulën, dy ditë pas ngjarjes ka shkuar në 34 persona numri i personave të marrë në pyetje. Ndër të parët ishte Xhulio Shkurti, nipi i ish-kapobandës së Lushnjës, Aldo Bare, Sajmo Xhelili dhe i plagosuri Marjo Xhepexhiu. Të tre dëshmitarët kanë pohuar se kishin identifikuar Laert Haxhiun kur gjuante me kallashnikov, por nuk e kishin njohur personin e tretë.
Një vit më parë autori i masakrës së Lushnjës kërcënoi nipin e Aldo Bares
“Nuk e ke të gjatë ti”… me këtë fjalë ka paralajmëruar masakrën e së mërkurës, pak më shumë se një vit më parë Laert Haxhiu. Premtimin për t’i marrë jetën ia kishte bërë nipit të Aldo Bares, Xhulio Shkurtit, pasi kishte qëlluar mbi të duke e lënë të plagosur.
ABC Neës ka siguruar një dokument ku 25-vjeçari Haxhiu akuzohet për plagosje të dyfishte të ndodhur në qendër të qytetit të Lushnjës dhe objektivi ishte i qartë, ekzekutimi i nipit të Aldo Bares, Xhulio Shkurti.
Pavarësisht se atentati kishte ndodhur një vit më parë, konkretisht më 25 shtator, Laert Haxhiu në arrati gjeti mundësinë dhe organizoi një masakër të dyfishtë përsëri në qendër të qytetit. Në deklaratën e dhënë para oficerëve të Policisë Gjyqësore, një pjesë të të cilës e disponon edhe ABC Neës i plagosuri, Shkurti, kishte deklaruar, se: “Në atë çast përballë meje në rrugë ka ndaluar një autoveturë e bardhë tip “Smart” me targa italiane dhe e drejtuar nga i pandehuri Laert Haxhiu. Ky i fundit kishte në dorë një psitoletë dhe qëlloi deri sa i mbaruan plumbat. Një nga plumbat më kapi në këmbën e majtë, ndërsa i plagosur tjetër mbeti edhe Sajmo Xhelili në pjesën e barkut. Pasi i kanë mbaruar fishekët e pistoletës Laert Haxhiu më tha: nuk e ke të gjatë ti…”
Pastaj, ka shtuar i plagosuri Xhulio Shkurti se atentatori u largua në drejtim të rrugës së gjimnazit “18 tetori”. Problemet me drejtësinë Haxhiu ka pasur edhe në vitin 2015, ku u prangos së bashku me disa persona të tjerë me rreth 1.2 kg heroinë në qytetin e Durrësit. Edhe atë herë, ai u dënua nga Gjykata për moskallzim krimi, ndërsa Prokuroria kishte kërkuar 8 vite heqje lirie. Leart Haxhiu ndërkohë rezulton person në kërkim, pasi është dënuar me 21 vjet heqje lirie për plagosjen e Xhulio Shkurtit dhe shokut të tij, Sajmo Xhelili.
Durim Keçi në listën e mafiozëve më të rrezikshëm në Itali
Në një artikull investigativ të revistës italiane “Lespresso” publikuar në janar të 2006, Durim Keçi deri më vitin 2005 rezultonte në listën e bosave mafiozë më të rrezikshëm në Itali, ndaj të cilëve ushtrohej regjimi i burgimit special i quajtur “41 bis”.
Ky lloj trajtimi nënkupton një izolim të plotë të të burgosurit pa asnjë mundësi komunikimi me të burgosurit e tjerë, mbikëqyrje speciale, limitim të komunikimit me familjarët dhe avokatët, ndalim i marrjes së ushqimit apo objekteve të tjera nga jashtë burgut, ndalim i mbajtjes në qeli të objekteve personale, etj.
Nën këtë regjim special burgimi, ndodhen aktualisht bosat mafiozë të “Cosa Nostra” si Toto Riina, Bernardo Provenzano, Matteo Messina Denaro etj.
Në materialin investigativ të revistës italiane “L’Espresso”, deri më vitin 2005 në listën e të dënuarve të rrezikshëm në Itali e nën regjimin e burgimit të ashpër “41 bis” ndodheshin dhe dy bosa mafiozë shqiptarë: Haki Aleksi me aktivitet kriminal në Xhenova e Durim Keçi.
Investigimi i revistës italiane zbulon se në fund të 2005 dy bosave shqiptarë Haki Aleksi e Durim Keçi, u hiqet regjimi i burgimit të izoluar “41 bis”.
“Surprizisht zbulojmë, shkruan “L’ Espresso” se vendimin për deklasimin dhe heqjen e “41 bis” ndaj dy bosave mafiozë shqiptarë, nuk e merr siç bëhet zakonisht nga Gjykata e Mbikëqyrjes, por ky vendijm vjen drejtpërdrejtë nga Ministria italiane e Drejtësisë, e cila drejtohej në atë kohë nga Roberto Castelli, eksponent i lartë politik i forcës “Lidhja e Veriut”.
“Vetëm në 3 raste të tjera ndaj 3 bosave më të vegjël mafiozë, ministri i Drejtësisë ka marrë një vendim të tillë”, shkruan “L’ Espressso”. E kush e di ç’mendojnë pas këtij fakti votuesit e Lidhjes së Veriut kaq të ndjeshëm ndaj kriminalitetit ballkanik”.
Pas deklasimit, pra pas heqjes së regjimit të burgut special “41 bis”, i dënuari kthehet në një të burgosur të zakonshëm.
Kryetari i PD, Basha një ditë më parë bëri publike fotot e të shumëkërkuarit nga Interpoli dhe Policia italiane të Durim Keçit, i cili rezulton që të jetë një nga anëtarët e stafit elektoral në fushatën e fundit të Ramës për zgjedhjet parlamentare të 25 Qershorit. Në foto Keçi shfaqet në një mbledhje të shtabit elektoral. Në një foto tjetër, Durim Keçi është me dorën në krah të ministrit Klosi, i cili tani është ministër i Mjedisit. Në një tjetër foto, Durim Keçi shfaqet në krah të Administratorit socialist të Shijakut të vendosur nga Rama dhe Dako.
Rama fshehu në Holandë dy autorët që sulmuan Policinë në Elbasan
Por kur banditët u ngrenë pistoletat në mbledhjet e Kryesisë tuaj, domosdo që kjo ndodh pastaj edhe në degë. Këtë e keni dhuratë prej Edi Ramës, i cili vetëm fjalën krim nuk shqipton dot, i cili 3 javë pas ngjarjes së Elbasanit nuk ka dhënë një shpjegim se pse dy të dyshuarit kryesorë ndodhen sot në Holandë në vend që të ishin prapa hekurave. Se pse, Durim Keçit të Shijakut, iu fsheh për muaj e vite kërkesa e Interpolit, derisa sa mbante më ujë pilafi dhe zotrote u nise për te Gentilioni dhe e dije që do të haje thuprën atje, siç e ha ditë për ditë nga ata që tregojnë me gisht dhe thonë; duhet t’i deklarosh luftë krimit të organizuar.
Të kujt janë ato fjalë? Ne i kemi thënë të parët. Dhe ne s’kemi asnjë fije dyshimi që ti nuk e lufton dot krimin e organizuar se ti je krim i organizuar.
Ti je njësh me krimin e organizuar. Por, për ata që akoma ushqejnë iluzione për çfarëdo arsye dhe motivesh, të bëmë thirrje një javë më parë, por ti nuk ke guxim, vjen këtu me dërdëllitje bajatje, pa asnjë argument, me fjalor të cunguar, me komplëkset e të pashkollit që ta përmend Petrit Vasili, dhe që e nxorre këtu.
Po i pashkollë je në krahasim me këtë grup parlamentar të opozitës këtu. Ti nuk zgjedh shkollën, ti nuk zgjedh vlerat. Ti zgjedh dëftesat falso, dëftesat e blera. Ti zgjedh krimin, ti zgjedh grabitqarët. Me këta ke ardhur në pushet. Me këta qeveris.
Meqë je larguar dhe s’ta mban të rrish këtu. Meqë je larguar nga salla dhe s’ta mban të rrish këtu s’më mbetet gjë tjetër veçse t’i drejtohem shqiptarëve.
E t’u them se shqetësimi im, s’ka qenë dhe nuk mund të jetë kurrë ky njeri, as qeveria e tij, por gjëma e madhe që po i ndodh këtij vendi.
Dhe të gjithë së bashku me ata shqiptarë që duan me të vërtetë të ndërtojnë një jetë të ndershme për veten e tyre, për familjarët e tyre këtu në Shqipëri, na duhet të gjejmë urgjentisht rrugën e daljes nga kjo greminë ku e ka futur vendin Edi Rama dhe aleanca e tij me krimin.
Të shkulim votën e lirë nga duart e krimit të organizuar
Jorida TABAKU
Dëgjova reagimin e Majkos që ekzistojnë një kategori njerëzish që shesin votën. Jo Majko nuk ekzistojnë një kategori njerëzish që shesin votën, por një kategori politikanësh që shkojnë dhe kërkojnë të blejnë votën. Ekziston një kategori politikanësh që shkon dhe sistematikish thotë votën ose dritat, votën ose legalizimin, votën ose lekët! E kjo është një fatkeqësi në Shqipërinë e 2017! Nuk na zgjedh ne krimi, por zgjedhim ne krimin aty ku nuk mund të fitojmë e ky është turpi i këtij Parlamenti, turpi i politikës sot! Është mëse e vërtetë që zgjedhjet dhe krimi nuk kanë qenë fort të distancuara edhe më parë, ka pasur forca politike që kanë përdorur krimin për të marrë pushtetin.
Ka pasur edhe forca politike që kanë futur pas hekurave të burgut grupet kriminale që bënin ligjin në Shqipëri. Por, në dijen time politike kurrë zgjedhjet nuk janë rrezikuar kaq haptazi nga krimi i organizuar Në vitin 2015, unë me shumë gjasa me naivitet mendova që raporti i OSBE nuk mund të ishte më i keq se aq. Qartësisht ai raport zgjedhor akuzoi qeverinë për gjithë skemën e manipulimit të ushtruar në rang kombëtar, Korça 2013 kishte evoluar në Shqipëria 2015.
Mirëpo qeveria e mori me lehtësi raportin dhe vazhdoi të këmbëngulte në sjelljen e saj! E Dibra 2016, evoluoi në Shqipëria 2017! Por raporti i këtij viti i OSBE-ODHIR ishte një procesverbal i plotë i gjithë abuzimeve nga fondet publike, shtrëngimin e administratës civile e deri tek kriminelët në Kuvend dhe fushatën elektorale.
Lexoni raportin e Këshillit të Europës se çfarë thotë për zgjedhjet në vendin tonë. Shumë prej vetë interlokutorëve të vëzhguesve i kanë transmetuar atyre se presioni nga ana e qeverisë ka qenë jo vetëm ndaj nëpunësve civilë, por edhe ndaj të punësuarve në sektorin privat. Raporti i Këshillit të Europës nënvizon se, persona me lidhje të forta me Krimin e Organizuar kanë ndikuar në procesin elektoral.
Sikundër për opozitën edhe për to, ky mbetet një shqetësim i madh, sepse disa prej këtyre personave dikur kanë qenë anëtarë të kësaj salle dhe janë përjashtuar me ligjin e dekriminalizimin e ndërsa sot vazhdojnë të jenë pjesë e strukturave të partisë politike në pushtet. Natyrisht, kjo që përmenda më sipër nuk është alibia ime për të justifikuar humbjen tonë.
Nuk jam prej tyre që fajin e nis nga tjetri pa parë më së pari nga gabimet e vetes. Mirëpo, kjo nuk zhbën atë që përmenda dhe është problemi themelor që sot për sot i kanoset shoqërisë sonë, është sëmundja që po ia merr frymën pak nga pak lirisë. Prandaj reshtni së menduari për pushtetin e sotëm, ka ardhur koha të hedhim hapat për reforma që do të ndryshojnë mënyrën se shqiptarët do të zgjedhin.
Kjo nuk ka të bëjë vetëm me formën e përzgjedhur për betejën e kandidatëve, por me detyrimin tonë për të krijuar mekanizmat ekuilibrues në një sistem zgjedhor që sot komandohet nga forcat politike, por që ne duhet t’ia kthejmë qytetarëve. Kështu që askush prej nesh apo prej jush të mos komprometojë votën e shqiptarëve dhe të vendosë interesat partiakë përpara zgjedhjes së tyre. Kjo duhet të jetë Shqipëria e 2017, Shqipëria në Europë!
Shkarko Gramoz Ruçin dhe Fatmir Xhafën
Për shkak të lidhjeve të forta të tyre dhe familjarëve të tyre me krimin, Basha i kërkoi dje në Parlament Ramës shkarkimin e Gramoz Ruçit dhe Fatmir Xhafës. Basha kërkoi arrestimin e vëllait të Fatmir Xhafës dhe të të gjithë kokave të krimit, ndërsa kërkoi largimin e menjëhershëm të tij nga pushteti.
“Shkarko Gramoz Ruçin. E ke në komunikime zyrtare si lidhje të krimit të organizuar. Shkarko Fatmir Xhafën dhe arresto të vëllain e tij, të kërkuar nga Interpoli për drogë.
Eshtë Agron Xhafa i kërkuar nga Interpol? Eshtë i dënuar nga Gjykata Supreme italiane për trafik kokaine? Po apo jo? Shqiptarët e dinë. Ju qeshni se nuk ju bën përshtypje. Ju jetoni me këtë realitet të ndyrë dhe për ju, ky është normaliteti. Realiteti malinj. Keni krijuar një realitet malinj dhe krekoseni si gjeli në majë të plehut. Shkarkoje Fatmir Xhafën, arrestoje vëllain e Fatmir Xhafës, arrestoji Qazim Sejdinin dhe Vangjush Dakon se ke prova, i ke aty, kapicë.
Bëj publike listën e Interpol-it edhe ata që nuk i fut ti në sistem, si Durim Keçin deri para një jave. E fute vetëm kur u nise për tek Gentilloni. Gjysma e atyre që kërkon Interpoli që i ke në Shqipëri, po të arrestohen, Shqipëria bie në paqe.
Problemi është se Shqipëria bie në paqe, por ti bie nga karrikja në rastin më të mirë.
Prandja nuk i bën dot ti këto.
Nuk kam asgjë personale me ty unë. Çdo minutë e harxhuar me ty personalisht është një minutë e humbur e jetës sime. Shqipëria është problemi im, fati i shqiptarëve është problemi im.
Dhe unë e di që ti s’i bën dot këto, nuk ke as vullnet, as dëshirë, as aftësi, as mundësinë, të mungon çdo element që do të bënte të mundur të kryeje detyrën që ke zaptuar dhe uzurpuar me votat e krimit. Ndaj, zgjidhja e vetme është largimi yt. Sa më shpejt ta kuptosh, aq më e ulët kostoja dhe fatura që vazhdojnë të paguajnë shqiptarët çdo ditë.
Kjo opozitë nuk është këtu sot as nuk do të jetë kurrë këtu, për të të englendisur ty me batutat e tua bajate që nuk janë gjë tjetër, veç shprehje e ankthit dhe tmerrit që të ka kapur, kur nuk i përgjigjesh dot përgjegjësive për vendin e zhytur në krim, për ekonominë e rrëzuar dhe për shqiptarët që po largohen.
Dhe ke zgjedhur që të bësh shfaqje këtu si të jesh një artist cirku, edhe po të ishte ky cirk, ndoshta dikush edhe mund të priste ndonjë biletë për të të parë, ty edhe arushët.
Por ky nuk është cirk dhe fatkeqësisht ti je ulur aty me përgjegjësitë e kryeministrit të vendit. Ti je përgjegjësi, askush tjetër.
Dhe ne do të të mbajmë përgjegjës, deri në ditën kur të të rrëzojmë.
Zoti e bekoftë Shqipërinë dhe ardhtë kjo ditë, një orë e më parë”, u shpreh Basha.
Ministrit Ahmetaj i dihet destinacioni i parave të vjedhura
Basha iu drejtua ashpër ministrit të Financave, Arben Ahmetaj dje, ndërsa i kujtoi atij skandalet e vjedhjet e parave të shqiptarëve, ndërsa e cilësoi atë si një nga përgjegjësit e krizës ekonomike sot.
Basha tha se, Ahmetaj është ndër emrat më të skeduar dhe të njohur të kancelarive në Europë e SHBA për lidhjet e tij me trafiqet e drogës.
“Qesh ti aty, se si duket s’e ke bandën aq të fortë sa këta këtu. Prandaj qesh, prandaj s’je ministër.
Unë në fakt këtë s’e kisha drejtuar tek ti, (për Arben Ahmetajn), por ti je një nga kryesorët se ti nuk punon me një apo me dy, ti punon me katër banda. Je i skeduar po, po. Qesh. Edhe paratë e dimë se ku i ke çuar. Do të vijë dita shumë shpejt, se vonon dot. Këtu do të jemi, edhe unë, edhe ti, do ta shohim fatin tënd. Ti e disa të tjerë prej këtu. Nuk do të shpëtosh dot kësaj radhe, siç shpëtove herën e kaluar.
Tani, ti heq emrin e Durim Keçit nga Interpoli, drekon me të dhe më thua që të mbaj përgjegjësi. Po si të mbaj unë përgjegjësi?
Ti ia jep bandave të Durrësit OSHEE-në, dhe kërkon të mbaj unë përgjegjësi. Po s’i ta bëj unë këtë?!
Ti bllokon integrimin prej krimit dhe drogës dhe më thua të mbaj përgjegjësi. Çfarë përgjegjësie të mbaj unë kur ti e ke bërë këtë?!
Ti u jep strehë dhe pushtet bandave dhe më thua mua të mbaj përgjegjësi.
Ti po largon mijëra shqiptarë çdo muaj drejt Europës, refugjatë, dhe më thua mua, ti mbaj përgjegjësitë.
Nuk ka institucion dhe media nga Brukseli në Uashington që të mos deklarojë se i ke kthyer 28 mijë kilometër katrorë në një serë gjigante droge, dhe ti më thua mua, mbaj përgjegjësi.
Ti ke rritur taksat.
Ti ke varfëruar vendin.
Ti ke monopolizuar ekonominë.
Ti ke rritur çmimet e konsumit.
Ti ke mbyllur bizneset i ke nxjerrë shqiptarët në rrugë, ke rritur varfërinë dhe papunësinë. Dhe më thua mua mbaj përgjegjësi.
Njerëzit e tu vjedhin nga mëngjesi deri në darkë me prokurimet publike, me koncesionet e fëlliqura, skema të reja të korrupsionit. Ta thotë FMN-ja, ta thonë institucionet partnere: korrupsioni galopant të thotë Departamenti i Shtetit.
Ti më thua pse s’mban përgjegjësi.
Ti shkatërron dhe rrënon çdo shans të një njeriu të ndershëm për të ecur përpara. Sepse ti godet meritën dhe promovon krimin, hajdutërinë, hipokrizinë. Dhe më thua mua mbaj përgjegjësi.
Ti flet për pastrimin e parave si suksesin tëndin. Po mallkuar qoftë Departamenti i Shtetit që thotë se je prapë në listën e zezë për pastrimin e parave. Apo e bëj unë raportin e Departamentit të Shtetit?!
20 familje kriminale, katër klane kriminale.
Ta thotë Departamenti Amerikan i Shtetit, ta ka thënë përpara dhe nëse kam një vërejtje për ambasadorin Lu, është që e hapi gojën pas zgjedhjeve. Por më mirë vonë se kurrë. Por ti nuk je zgjidhja, ti je problemi”, tha Basha.
12 milionë lekë të reja pa TVSH tavani për biznesin e vogël
Opozita do të bëjë gjithçka në mbështetje të biznesit në tërësi dhe bizneseve të vogla në veçanti. Basha garantoi se PD do të luftojë fort në betejën e saj për t’i rikthyer qeverisjen qytetarëve dhe zgjidhjen e problemeve të tyre. Ai deklaroi një plan konkret masash në ndihmë të ekonomisë, ndërsa paralajmëroi uljen e taksave dhe një plan konkret masash në ndihmë të biznesit.
“Unë për këtë luftoj, që të mos vij të flas këtu për krimin. Unë luftoj, Partia Demokratike dhe kushdo që është i mirëpritur t’i bashkohet kësaj beteje, që të vijë dita, të mos flasim për krimin, të mos flasim më për drogën, por kjo do të ndodhë kur ti të mos jesh më në atë karrike, vetëm atëherë mund t’u kthehemi halleve dhe problemeve të përditshme të shqiptarëve për t’i ndihmuar dhe jo për t’i luftuar ata. Me vepra dhe jo me fjalë. Me taksa të ulëta, me investime publike që ndihmojnë ekonominë dhe nuk mbushin xhepat e miqve të tu, me luftë të vërtetë kundër krimit që i hap rrugën integrimit europian të vendit, me pullën fiskale për biznesin e vogël, me kufirin 12 milionë lekë të reja pa TVSH, që edhe faturat të kalojnë nga biznesi i madh tek biznesi i vogël, nga njëra anë, por nga ana tjetër, të mos shërbejë për t’i shtypur kokën 80 mijë bizneseve 280 mijë shqiptarëve që mbajnë frymën gjallë me atë, për një arsim ku librat e fëmijëve që nga viti i ardhshëm, pa ty aty, mund të paguhen nga buxheti i shtetit me paratë që ti i bën rrush e kumbulla me chartera, me luks zyrash.
Me bujqësi të mbështetur nga buxheti i shtetit siç e mbështet çdo vend. Edhe Kosova, vendi më i ri në Ballkan, vetëm ti nuk i mbështet. U thua, merrni kredi, pasi i ke rrënuar. Për të gjitha këto do të flasim, por kushti është që të mos flasim më për krimin. Dhe që të mos flasim më për krimin, ti nuk mund të jesh më në atë karrike. Sa kohë të jesh ti në atë karrike, krimi është aty dhe nuk ka temë më të rëndësishme se sa lufta dhe mposhtja e krimit”, tha Basha.
Front kombëtar ndaj krimit, Rama në rreth të kuq
Lulzim BASHA
Ju çoheni këtu, merrni kohën e qytetarëve dhe kohën e këtij Parlamenti për të dërdëllitur pa fund në një përpjekje të mjerë për të fshehur lepurin në bark që po i rritet nga mëngjesi në darkë, atij që i thotë vetes kryeministër dhe deputetëve të tij që qeshin nga zori.
Për çfarë qeshni ju?! Për çfarë qeshni?! Qeshni për ata që u vranë në Lushnjë para dy ditësh?! Apo për atë plakun që u plagos nga breshëria?! Për çfarë qeshni ju?! Apo për atë 8-vjeçarin që u plagos nga tritoli në Vlorë?!
Për çfarë qeshni ju o kukulla pa integritet, pa personalitet?!
Gjysma prej jush që ka ardhur këtu, ju ka marrë për dore krimi, ju ka caktuar krimi. E dini fare mirë.
Keni njollosur një jetë të tërë. Disa prej jush kanë punuar ndershëm, por nuk ju la shteg tjetër ky këtu që vjen e sulmon një orë opozitën dhe nuk guxon të thotë një fjalë për krimin.
Pse?!
Sepse ai është njësh me ta. Dhe nuk ka nevojë të tregojë fotot për këto, i keni pasur këtu dhe kemi akoma këtu. E dinë të gjithë shqiptarët. Për çfarë?! Për të dënuarit me drogë, për prostitucion, për vrasje që Edi Rama i bërë deputetë, i solli në këtë sallë, për të dënuarit për drogë, për prostitucion, për përdhunim, që i bëri kryetar bashkie. I harruat?! Kaq shpejt i harruat?! E harruat Elvisin? Mirë Griseldën, se pyetën disa të rinj se çfarë është Griselda.
Griselda është një vajzë që i futën një jastëk në bark dhe pretenduan se ishte shtatzënë, pastaj ia nxorën jastëkun dhe thanë: e detyroi banda e demokratëve të abortonte. Kjo, me një arsye të vetme; që të bllokonte integrimin e vendit në NATO dhe heqjen e vizave. Kush e bëri këtë?! Erion Veliaj me porosinë e Edi Ramës.
Shkuan delegacione zyrtare në Bruksel dhe eurodeputetët thanë: ju keni bërë një krim monstruoz. U vërtetua se ky ishte një fabrikim i pastër i një përdhunuesi si Elvis Roshi, mik i Edi Ramës, kryetar i Bashkisë së Kavajës me mbështetjen e Edi Ramës dhe bandave kriminale, jo votën e qytetarëve.
Çfarë janë këto, trillime të fantazisë time apo tmerret dhe turpet tuaja?! E shndërruat një parti politike me një histori të mbrapshtë, por me mundësi për reflektim, në një bandë kriminale.
E dini si e keni partinë në Lezhë apo s’e dini?! Qani hallin e Partisë Demokratike.
A e dini që në degë të tëra të Shqipërisë partinë tuaj e sundon krimi, kriminelë si Durim Keçi.
Shitblerja e votës, rekomandim prioritar i OSBE
Raporti i qartë dhe i drejtpërdrejtë i OSBE/ODIHR për zgjedhjet e qershorit na jep mundësinë të nxjerrim pa më të voglin dyshim tre fakte të thjeshta.
Fakti i parë është që vota e qershorit u ndikua, u dhunua, u ble. Për herë të parë në 27 vite, shitblerja e votës është rekomandimi prioritar i OSBE/ODHIR-it.
Fakti i dytë është se vota u ndikua, u ble dhe u dhunua nga Edi Rama dhe nga Partia Socialiste.
Fakti i tretë është se Edi Rama e ndikoi, e dhunoi dhe e bleu votën, duke përdorur paratë e drogës, paratë e kriminelëve, paratë e bandave si dhe burimet publike.
Këto fakte përbëjnë atë që e di çdo shqiptar, i djathtë apo i majtë, e di unë, e dini ju, e di edhe ky, që, me 25 qershor u krye një atentat ndaj demokracisë.
Demokracia në kuptimin e vërtetë dhe perëndimor të fjalës, është një sistem kompleks kufizimesh dhe kontrolli pushtetesh, por në themel ka një vlerë të pacënueshme, që është vota e lirë e qytetarëve për të zgjedhur qeverisjen që duan.
Kur vota blihet, qeveria që del është e shitur. Kur votën e siguron me para dhe me dhunë kriminelësh, qeveria nuk u takon qytetarëve, por kriminelëve.
Ngjarjet e muajit të parë të qeverisjes së klanit dhe kartelit kriminalo-politikë, janë ilustrimi më i mirë i kësaj dukurie.
Ajo që ndodhi dy javë më parë dhe që ishte sebepi dhe shkaku për shtyrjen dy javë të debatit në seance, është treguesi më i qartë. Qazim Sejdini dhe kriminelët e tjerë në Elbasna mbi të gjitha dhe para çdo gjëje tjetër, përpara trafikantëve të heroinës, kriminelë të kërkuar nga Interpoli dhe Europoli, janë makineria që manipulon dhe vjedh votën për të mbajtur në pushtet Edi Ramën.
Ky pushtet pastaj, i dalë nga këta kriminelë që ky s’guxon t’i përmendë me emër, është në shërbim dhe në mbrojtje të tyre. Dhe kjo është arsyeja pse nuk janë prapa hekurave autorët e vërtetë, por janë jashtë vendit me ndihmën e këtij (drejtohet nga Rama).
Kjo është arsyeja, pse në Elbasan, sikundër në Lushnjë vendosin bandat dhe kriminelët.
Kjo është arsyeja pse nga Vlora në Shkodër, nga Dibra në Durrës, në Korçë, në Berat, Gjirokastër, Fier dhe në Tiranë, ligjin e bëjnë kriminelët dhe jo policia.
Thelbi i këtij modeli që tregon se Elbasani, Lushnja, Shkodra, Lezha, Durrësi, dhe Shijaku nuk janë raste të shkëputura, as sipërfaqësore. Thelbi është modeli politik dhe ekonomik që Edi Rama ka ndërtuar kudo në Shqipëri.
Shkrirja në një e krimit, politikës dhe biznesit
Thelbi është shkrirja në një e krimit, politikës dhe e biznesit, nën koordinimin dhe kontrollin direkt të Edi Ramës.
Të mos lëmë vend për asnjë keqinterpretim apo keqkuptim, kjo që po them nuk është as metaforë dhe as retorikë, por përshkrim besnik i realitetit, i realitetit objektiv, jo vetëm siç e njoh unë, siç e njeh opozita, siç e di fare mirë edhe ky, që gjysmën e kohës si kryeministër e ka kaluar nën shoqërinë e kriminelëve, me pushtet direkt politik dhe pushtet në rrugët e sheshet e qyteteve tona, dhe siç e njohin partnerët ndërkombëtarë, realiteti është që; Edi Rama ka marrëdhënie direkte, personale me kriminelë, me trafikantë dhe me biznesmenë të lidhur me krimin.
Ashtu si në Elbasan ku Edi Rama ka bërë planet e vjedhjes së votës direkt me Qazim Sejdnin dhe kriminelët e tjerë politikanë që nxorri Elbasani këto zgjedhje.
Ashtu si në Durrës, ku i ka bërë direkt me Vangjush Dakon, me bandat e Durrësit dhe bandat e Shijakut, e kudo anembanë Shqipërisë.
Këto grupe kriminale i dhanë votat Edi Ramës në Elbasan, në Durrës, në Shkodër, në Lezhë, në Laç, në Krujë, në Shijak, në Kavajë, në Lushnjë, në Fier, në Vlorë dhe Korçën e Rragamit dhe bandës së 5 dyqaneve.
Aty ku flet dhe fle me kriminelët. Eshtë e njëjta skemë që ke përdorur për gjashtë vite rresht. Ti e di Taulant. Ti rri në Librazhd se ke të tjera të dhëna. Eshtë e njëjta skemë që ke përdorur për 6 vjet rresht në Kavajë.
Elvis Rroshin me një grup kriminelësh i trajtove si makinerinë e votave dhe në shkëmbim, e bëre atë të plotfuqishmin e Kavajës, duke e shkrirë në një, Parti Socialiste, pushtetin lokal, biznesin dhe krimin në Kavajë.
Çdo vendim, siç e dinë qytetarët e Kavajës, aktivitet politik, licencë, emërim, tender, e ka marrë vetëm me pëlqimin dhe bekimin e Elvis Rroshit. E njëjta skemë në Durrës me Vangjush Dakon, Shkodër, Lezhë, në Pukë, në Fushë Arrëz. Në Kurbin, në Krujë, në Lushnjë, në Fier, në Vlorë, nga Dibra në Tepelenë, e njëjta skemë, që ke ngritur kudo në Shqipëri.
Shqipëria është sot në gjunjë para krimit, e pambrojtur, e trembur, e pasigurtë. Dhe përgjëgjësi je ti Edi Rama, sepse ti e ke përgjegjësinë kryesore të luftosh me krimin, je në shtrat me krimin.
Krimi vret, ky në qeveri zgërdhihet
Dhe cila është arroganca e pushtetit të krimit dhe bandave që sundon qytetet tona, shihet ditë për ditë.
Ata vrasin në mes të ditës dhe në mes të sheshit dhe ti zgërdhihesh. S’ke thënë një fjalë këtu për viktimat e pafajshme të tritolit dhe të kallashit, sepse, je jo thjesht i papërgjegjshëm në politikë, por ti je i papërgjegjshëm edhe në kuptimin njerëzor të fjalës. Një fjalë nuk ke thënë. Një ngushëllim.
Ti që gjen kohë dhe harxhon kohë për gjithçka në më pak se pesë ditë, janë plagosur, një fëmijë 8 vjeç nga tritoli, dhe një i moshuar 55 vjeç në Lushnjë, në mes të shesheve të qyteteve kryesore të vendit. Qytete, të cilat kanë dalë jashtë kontrollit të policisë dhe janë nën kontrollin e bandave që u sollën votat këtyre më 25 qershor. Në drejtim të ditur apo të paditur, e sigurt është që, këto banda, i kanë lënë gjurmët e tyre në 25 qershor në Lushnjë dhe kudo një Shqipëri.
Sa për bilanc, pa dyshim, ti ke arritur ta ndryshosh krejtësisht drejtimin politik dhe ekonomik të vendit.
Shqipëria është kthyer mbrapa. Në vend që të kishte prioritet dhe temë të ditës zhvillimin, punësimin, investimet e huaja, arsimin dhe shëndetësinë, ka temë të ditës, manipulimin e zgjedhjeve, drogën, lidhjet e tua me krimin dhe rritjen e aktivitetit kriminal si problemi kryesor i Europës në Shqipëri.
39% nuk paguajnë dot faturat e dritave e ujit
E pe besoj edhe barometrin e Ballkanit. 50% e shqiptarëve duan të largohen. Shifër që vjen në rritje nga viti në vit. 39% e bashkëqytetarëve tanë, nuk paguajnë dot faturën e ujit dhe të dritave. 43% pothuajse gjysma, nuk mund ta përballojnë ngrohjen, tani që vjen dimri.
30% nuk paguajnë dot këstet e huasë. 30% nuk përballojnë dot blerjen e ushqimeve bazë. Këto janë arritjet e tua Edi Rama. Jeta e tyre, jeta e shqiptarëve do të bëhet më e vështirë, nëse marrëzia, sharlatanizmi dhe babëzia korruptive e jotja do të shkojë deri në fund dhe nëse ky vend, këta qytetarë do të të lejojnë të rrisësh taksat dhe çmimet e konsumit të shqiptarëve, duke aplikuar TVSH-në për biznesnin e vogël.
Çdo shqiptar e kupton gjendjen e mjeruar ku na ka sjellë, por për ta vendosur atë në një kontekst, jo nga bota perëndimore, por nga rajoni ynë, më lejoni t’ju them se këto ditë, e këto javë dhe këto muaj që çështja kryesore në Shqipëri është shitblerja e votës dhe përplasjet e bandave për kontrollin e trafikut të drogës nën mbrojtjen e Edi Ramës, pikërisht në këtë kohë, Serbia po negocion anëtarësimin në Bashkimin Europian dhe ka shpallur ambicien për ta finalizuar atë, brenda pak vitesh. Ndërkohë që, po kthehet një nga qendrat kryesore ekonomike të Europës Lindore. Mali i Zi po negocion anëtarësimin dhe është kthyer në një nga qendrat kryesore turistike për Europën. Maqedonia është shndërruar në një nga vendet kryesore ku po investojnë kompanitë më të mëdha të teknologjisë në botë dhe e vetmja arsye përse nuk po negocion anëtarësimin, është mosmarrëveshja për emrin me Greqinë.
Në kohën që bota ecën përpara, ndërkohë që edhe rajoni ynë po zhvillohet dhe integrohet, ne po humbim çdo lloj mundësie për të ardhmen. Ne bëjmë hapa prapa dhe bota po na izolon përsëri, politikisht dhe ekonomikisht.
Përgjegjësia për këtë është vetëm e një njeriu. E një njeriu të bërë njësh me krimin. Ky që pengoi dhe u përpoq të ndalonte me çdo kusht anëtarësimin e vendit në NATO dhe heqjen e vizave.
Por nuk ia doli, sepse kishte përballë një popull të tërë, një qeveri të përkushtuar ndaj fateve të atij populli. Sot me çfarë mburret Edi Rama? Përveç aleancës së tij me krimin, tjetërsimit të votës, ekonomisë në kolaps, në këto kushte, duke e dikur që nuk ka asgjë më për t’u shitur shqiptarëve, ka veç dëngla nga kjo foltore dhe dalje të bezdisshme, bajate, nga mëngjesi deri në darkë para ekraneve. As krunde nuk shet më petulla me ujë. Në këto kushte, ka filluar një kurs tjetër, sa dinak edhe kriminal ndaj shqiptarëve.
Tani që Europa më në fund është ndërgjegjësuar për rrezikun e madh që Edi Rama paraqet jo vetëm për Shqipërinë, por edhe për rajonin, ky po përpiqet t’i bëjë shqiptarët të urrejnë Europën dhe të ngjallë ndjenja antieuropiane. I them këto, jo thjesht dhe vetëm si kryetar i opozitës, por në radhë të parë si qytetar dhe si një njeri me përgjegjësi para popullit tim.
Krimi po depërton tek ndërtimi, bankat e turizmi
Sot dua të paralajmëroj të gjithë bashkëqytetarët, se krimi dhe droga janë kthyer në fatalitetin e Shqipërisë.
Shqipëria prodhon dhe konsumon, drogë dhe krim dhe nënproduktet e tyre.
Paratë e krimit po depërtojnë kudo dhe po e transformojnë strukturën ekonomike të vendit. Sektori i ndërtimit po bie në dorë të krimit çfarë shpjegon bumin e papritur të ndërtimeve që po fillon kudo në Shqipëri.
Sektori i turizmit po bie në dorë të krimit. Grumbullimi dhe përpunimi i plehrave ka rënë në dorë të krimit. Të dhëna tronditëse do të publikohen në ditët dhe javët e ardhshme nga faktorët ndërkombëtarë, për të gjitha këto çështje. Sektori bankar po depërtohet nga krimi, në kuptimin e financimit me fajde të parave të drogës dhe në kuptimin e angazhimit të bankave të caktuara në sektorin bankar në industrinë e pastrimit të parave të drogës me mbështetje dhe bekim qeveritar dhe mburojë të drejtpërdrejt nga ty, Edi Rama.
Së shpejti shkollat, spitalet, rrugët, plazhet dhe e gjithë infrastruktura e vendit do të jetë nën kontrollin direkt të grupeve kriminale.
Konçesionet dhe kontratat publike dhe skema 1 miliard euro është skema që do t’i kalojë krimit nën kontroll, të gjithë infrastrukturën e vendit.
Nëse sot përjetojmë raste të dhunës dhe të krimit për të cilën ky i përgjeshmi këtu gajaset, janë shtetasit e tij që vriten rrugëve, janë shtetasit shqiptarë që plagosen rrugëve dhe shikojeni si gajaset. Ja ku e keni të përgjegjshmin. S’ka nevojë se e njihni. Dhe e dini fare mirë se atje nuk është ulur me aprovimin tuaj, por me votat dhe mbështetjen e krimit. Dhe nëse sot përjetojmë raste të dhunës dhe të krimit, kjo me të vërtetë nuk është asgjë para asaj që do të vijë nëse do ta lejojmë.
Nëse nuk do ta ndalojmë, nëse nuk e ndalojmë sot, nesër të gjithë do të jemi shërbëtorë dhe skllevër të krimit. Fëmijë, të rinj, të rritur, gra dhe burra, të shkolluar dhe të pashkolluar, do të shndërrohen në skllevër në një ekonomi dhe në një vend, një shoqëri të qeverisur direkt nga krimi.
Dua t’i bëj sot një thirrje të rinjve, intelektualëve, njerëzve të medias dhe shoqërisë civile. Mos heshtni, guxoni, sepse indiferenca është e rrezikshme për të ardhmen dhe të nesërmen e vendit. Të krijojmë së bashku me urgjencë, një front kundër krimit për të shpëtuar të ardhmen e vendit tonë. Pavarësisht diferencave dhe kritikave që mund të kemi për njëri-tjetrin, sot duhet të rreshtohemi qartë në një front të bashkuar njerëzish që duan një Shqipëri pa krim, përballë një fronti laraman kriminal, që ka bërë bashkë Edi Rama me politikanë të kapur nga krimi, me trafikantë të drogës, me kriminelë të tjerë si edhe biznesmenë, bizneset e të cilëve jetojnë me paratë e krimit. Dua t’i bëj një thirrje komunitetit ndërkombëtar. Të rrisë dhe të mos ndalë trysninë e gjithanshme ndaj Edi Ramës.
Të ndërpresë mbrojtjen që i jep krimit dhe t’i japë fund aleancës politike me krimin jo vetëm për hir të popullit shqiptar, por për hir të sigurisë në rajon dhe kudo.
Krimi i organizuar, i pajisur me miliarda euro që vijnë nga droga dhe aktiviteti i tyre ekonomik në Shqipëri, janë rrezik kombëtar për sigurinë e Shqipërisë, por edhe të rajonit dhe më gjërë. Pa zgjidhur këtë problem jetik për vendin, asgjë nuk do të funksionojë. As reforma zgjedhore në letër, nuk do t’i japë fund dhunimit të votës nga aleanca e krimit me Edi Ramën.
Për këtë model që ky përfaqëson, nuk mund të ketë një fillim të dytë.
Ky duhet dhe do të jetë fillimi i fundit.
Ti je peshku i madh, nesër do t’ia dëgjosh krismën
I çekuilibruar totalisht, del më merr fjalën kërcënon, më kërcënon, pastaj del më thua i dashur, pastaj del kërcënon sërish.
Çekuilibrimi yt do të ishte në çdo rast tjetër, aferë private e familjes tënde. Por kur je ulur në atë karrige, çekuilibrimi yt, qartësisht i demonstruar në këtë seancë dhe jo për herë të parë është çështje e Republikës.
Në vende normale kemi raste të tilla, kemi edhe procedura politike, ligjore dhe mjekësore.
Sepse, edhe një shofer autobusi nuk mund të jetë në këtë gjendje të çekuilibruar mendore që je ti sot, jo më kryeministri.
Si mendon ti që mund të flasësh këtu katër orë, duke sulmuar opozitën? Siç e ke bërë rrugë për katër vjet dhe të shndërrosh debatin për zgjedhjet dhe për krimin në një cirk, ku të vetmin qëllim ke të fshehësh kokën si struci në rërë dhe ne të mos të përgjigjemi.
Edi Rama, ty s’të ka caktuar njeri as Sekretar të Përgjithshëm të Partisë Demokratike, as nënkryetar të PD, e ke pasur ndoshta ambicie, por s’ia dole. Ky është problemi yt.
Mos u merr me Partinë Demokratike, se merren demokratët me Partinë Demokratike.
Ti merru me përgjegjësinë që ke këtu. Përgjegjësinë që ke këtu për zhytjen e Shqipërisë në një hon të thellë ekonomik, psikologjik dhe largimin e shqiptarëve nga vendi. Kjo është përgjegjësia jote.
Për këto jepi llogari shqiptarëve. Por t’i s’u jep dot llogari shqiptarëve. Sepse, e para, ti je pjesa e problemit, nuk je pjesa e zgjidhjes. Ti je peshku i madh, nuk mund të jesh edhe peshkatari. Po ta them për herë të dytë, ndoshta e kupton për herë të dytë, ti je peshku i madh, s’mund të jesh edhe peshkatari. Bluaje pak se sot mund të duket thjeshtë dhe vetëm një fjalë nga unë.
Nesër do t’ia dëgjosh krismën.
Me qytetarët do të shporrim krimin
Ku e keni kapobandën?!
Ju ka lënë jetim. Ju jeni në ditën tuaj më të zezë dhe krekoseni si gjeli majë plehut.
Nuk është çështje fotografish. Pa dyshim se çdo kush mund të kapë një politikan prej xhakete dhe të bëjë një selfie. Kjo nuk është selfie, kjo është darkë me Durim Keçin. Jo, jo, kjo është darkë.
Ndërsa kjo është në mbledhje shtabi elektoral. E di mirë Blendi. E njohin mirë marrëdhënien e Blendit me Durim Keçin në Shijak. Por s’e ka fajin Blendi.
Fajin nuk e ka Blendi, madje as Vangjush Dako. Arkitekti i kësaj pune është Edi Rama. Njeriu, i cili për të marrë pushtetin i bërë këtë gjë Shqipërisë, i bashkoi të gjithë qelbësirat, mori çdo kriminel, ku ishin dhe ku s’ishin. Dhe kjo është fatura që paguan sot Shqipëria, jo Partia Demokratike, Shqipëria. Kjo është fatura që paguajnë sot dhe socialistët e ndershëm, anëtarët e partisë tuaj që dhunohen barbarisht nga kriminelët, njësoj si demokratët dhe shqiptarët e ndershëm, që jo thjesht keni bërë fotografi me ta, por i keni bërë deputetë, kryetarë bashkish, drejtorë, i keni dhënë pushtet. Janë njerëzit që kanë sot në dorë çelësat e vendit. Dhe këtë e ka bërë Edi Rama për pushtetin e tij.
Po, është e vërtetë, kurrë nuk kam bërë e nuk do të bëj asnjë pakt me krimin për hir të pushtetit. Paktin e kam me qytetarët dhe me qytetarët do ta shporrim krimin në pushtet, bashkë me shërbëtorët dhe aleatët e krimit, bashkë me kapobandën që ai ka mbathur.
Katër kalimet e kufirit të vëlla Olsit me makinën e kokainës
Olsi Rama, ka kaluar kufirin, më datë 08.06.2014. Targa e makinës është AA 653 DN. Ka kaluar kufirin me datën 13.07.2014; më datën 08.08.2014; më datë 06.06.2014, më datë 11.07.2014 dhe me këtë makinë, kanë kaluar kufirin për transport droge të gjithë ata që janë “brenda”
Ish-Kryeministri Berisha ka zbardhur dje lidhjet e forta të Ramës me kokat e krimit të organizuar dhe trafikut të drogës në vend. Berisha denoncoi me fakte konkrete se si që me ardhjen e tij në pushtet nisi lulëzimi i trafiqeve të mëdha të kanabisit e kokainës, ku vëllai i tij Olsi Rama ishte në krye të bandave.
“Kjo është një seancë kushtuar problemit më themelor të demokracisë, zgjedhjeve në këtë vend. Ajo çka mund të them është se në vlerësimin ndërkombëtar, këto zgjedhje që kaluan, është më i keqi pas 2001 në historinë e zgjedhjeve parlamentare në Shqipëri.
Por unë do ndalem këtu lidhur me ligjëratën koprolalike të gjatë të kreut të qeverisë, për të cilin, në një orë diskutime, pyetje e me radhë, në Shqipëri nuk ekziston krimi, por është shpikje e opozitës, në Shqipëri nuk ekziston droga, sepse ai është sukses-madhi dhe kjo është krijesë e opozitës, në Shqipëri ekziston vetëm shteti, në fakt narko-shteti po për të është shteti. Pra, paraqiti një realitet, me të cilin çfarëdo që të them unë për të, përshkroi veten para shqiptarëve më bukur se kushdo tjetër, u përpoq të bëjë apologjinë e krimit, apologjinë e krimit, apologjinë e drogës, apologjinë e mjerimit, apologjinë e eksodit në mënyrën më të pakonceptueshme. Për Edi Ramën, Shqipëria është rozë, pasi ai dhe klanet e tij kriminale pasurohen çdo ditë”, tha Berisha.
Uzina e Kokainës në Elbasan dhe Olsi Rama
Një nga skandalet më të mëdha të qeverisë Rama, zbulimi i laboratorit të kokainës në Xibrakë të Elbasanit, i krijuar menjëherë pas ardhjes së Ramës në pushtet dhe lidhjet e Olsi Ramës në krye të grupit të trafikut të kokainës u cilësuan nga Berisha si dëshmia se si Rama është koka e trafikut dhe krimit në Shqipëri.
“Unë do ndalem pak, dhe ftoj shqiptarët të gjykojmë bashkarisht lidhjet e tij me krimin dhe korrupsionin. Sapo erdhi në pushtet, dhurata e parë që iu bë Shqipërisë ishte uzina e kokainës në Elbasan. Ju mund të më thoni se ai ishte kryeministër. Po, ai ishte kryeministër, por i vëllai i tij që quhet Olsi Kristaq Rama është gjetur në sistemin TIMS të kalojë kufirin me makinën e përshtatur për transportin e kokainës nga trafikantët: Ilir Hoxha, Gentian Gjonaj dhe Genci Xhixha.
I vëllai i Edi Ramës, Olsi Rama, ka kaluar kufirin me këtë makinë, më datë 08.06.2014. Targa e makinës është AA 653 DN. Ka kaluar kufirin me datën 13.07.2014; më datën 08.08.2014; më datë 06.06.2014, më datë 11.07.2014 dhe me këtë makinë, kanë kaluar kufirin për transport droge të gjithë ata që janë “brenda”, përveç këtij që është vëllai i kryeministrit dhe nuk mund të preket.
Tani unë i them këtij zotërisë: A është kjo një akuzë konkrete?! Dil dhe jep shpjegime. Pse yt vëlla në makinën e kokainës?
Në këtë platformë, unë kam deklaruar se yt vëlla ka ardhur me një bandë nga Bostoni, bandë, e cila merrej me trafik droge dhe trafiqe të pista, dhe mund të thuhet se ishte akuzë e përgjithshme. Unë e kisha të bazuar në burime. Tani na thuaj: A është yt vëlla Olsi Rama? Çfarë donte ai në makinën e drogës? Ai ishte një nga kryesorët e Xibrakës. Apo do të thuash si Xhafaj se ç’më duhet mua se ç’bën im vëlla?!” u shpreh ish-kryeministri.
Rama, koka e krimit
Berisha denoncoi me emra konkretë të gjithë të inkriminuarit me të cilët Rama erdhi në pushtet dhe me të cilët sot përmes terrorit po mban pushtetin. Berisha solli në vëmendje inkriminimi për herë të parë të Parlamentit ku njerëz me precedentë penalë u futën nga Rama në Parlament, u bënë kryetarë bashkish apo u emëruan në poste të larta publike.
Berisha u ndal tek skandali i fundit i bandës së Elbasanit si dhe lidhjet e Ramës me dhëndrin e Qazim Sejdinit dhe bandën kriminale të tij.
“Edi Rama kush i solli kriminelët në Parlament për herë të parë në historinë e Parlamentit? Arben Ndokën përdhunues; Mark Frrokun vrasës; Armando Prengën hajdut vilash dhe trafikant. I solli opozita këta? Apo i solle ti në këtë Parlament këta kriminelë. Pse i solle ti këta? I solle sepse për ty, për origjinën tënde prej bllokmeni, krimi i dobishëm është për t’u nderuar, krimineli i dobishëm është hero i vërtetë. Atëherë, a kam të drejtë të të quaj unë ty Edvin Prenga, Edvin Ndoka, Edvin Frroku? Kam shumë të drejtë. Ske denoncuar njërin prej tyre një herë. Shkojmë më tutje.
Javën e kaluar e deklarova se je kreu i meduzës. Je kreu i meduzës së krimit, po pse? A nuk je ti ai që rrahe gjoksin para shqiptarëve njëmijë herë për virgjërinë e Elvis Rroshit? Kur Elvis Rroshi del me pesë emra e tre procese, përdhunues, vrasës e trafikant. Zotëri, ti nuk je avokati zyrtar i tij, po je përfituesi kryesor i krimeve të tij, prandaj del dhe mashtron Kavajën dhe gjithë Shqipërinë. Ti je një Ervin Rrosh i vërtetë. A nuk erdhën ambasadorët e huaj dhe të kërkuan të mos kandidoje Artur Bushin dhe Lulzim Bashës i kërkuan të mos kandidonte një kryetar bashkie në një zonë të Jugut. Lulzim Basha menjëherë e hoqi nga lista, sepse përndryshe do ishte mbrojtja e tij, kurse ti jo vetëm që kandidove Bushin, por i shtove dhe një me shtatë emra në Laç. Atëherë më thoni, a nuk është ky nëna e krimit, a nuk është ky streha e krimit, a nuk është ky koka e krimit? Ky (Rama) i kishte të gjitha mundësitë t’i hiqte nga lista ata, siç bëri tjetri (Basha). Por përkundrazi.
Ti je Edvin Çela. Më thoni pak, Qazim Sejdinin kush e kandidon? Opozita apo e kandidon Rama. Kujt i paguan ai? Me kë e bëri fushatën, çfarë është Sonil Çela, kush e përcolli jashtë Sonil Çelën? E përcolli Edi Rama. Po pse? Sepse Edi Rama e di shumë mirë dhe me urdhër të tij, Policia e di që i ka miq ai.
Shkodra është në një terror që s’ka qenë kurrë në historinë e saj. Kurrë ndonjëherë qyteti i mijëvjeçarëve nuk ka qenë i lidhur me bandat si sot. Pse kjo? Pra, kërkonte të gjejmë lidhjet. Ja pra këto janë lidhjet zotërinj!”, u shpreh ish-kryeministri.
Pse kruhet Edi Rama? I vetmi shkak është kokaina
Në një tjetër replikë në Parlament, Berisha ka risjellë edhe njëherë në vëmendje varësinë totale të kryeministrit Rama nga lëndët narkotike e konkretisht kokaina.
“Mediat kanë shtruar një pyetje edhe gjysëm humoristike, e cila në pamje të parë kanë dhe një aspekt gjysëm komik le të themi. Por në të vërtetë mediat nuk e shtrojnë për komedi këtë pyetje, por e shtrojnë se ka një thelb:
Pse kruhet gjithë kohës kur flet Edi Rama?
Ka vetëm një shkak dhe kjo është kokaina. Lexoni që të gjithë ju.
(I drejtohet me gisht edhe deputetëve të PS).
E keni provuar një pjesë e mirë e juaja, ju njoh në fytyrë.
Lexoni të gjithë simptomat e kokainës. Mund të më thoni se është çështje personale. Jo. Por ky ka zgjedhur të kalojë dramën e sotme të shqiptarëve me vizat e kokainës!”
Kryesore
Continue to the category
