Përfaqësuesit e afro 200 vendeve kanë arritur në Bon të Gjermanisë për fillimin e sotëm të Konferencës për Ndryshime Klimatike të Kombeve të Bashkuara, që do të zgjasë deri më 17 nëntor.
Kryeministri i Fixhit, Frank Bainimarama, që e kryeson këtë samit, tha se do të kërkojë aksion urgjent për uljen e gazrave të rrezikshëm.
“Vuajtja njerëzore e shkaktuar nga intensifikimi i uraganeve, zjarreve pyjore, thatësisë, vërshimeve dhe kërcënimeve për sigurinë e ushqimit, nga ndryshimet klimatike, nënkupton se nuk ka kohë për të humbur”, tha Bainimarama në deklaratën e sotme, para fillimit të samitit.
Sipas tij, pjesëmarrësit do të punojnë për krijimin e “librit të rregullave” të detajizuara, për t’i udhëzuar vendet, që e respektojnë Marrëveshjen e Parisit për klimë.
Kjo marrëveshje është përcjellë me shumë paqartësi, e veçanërisht pas shpalljes së planeve të Presidentit amerikan, Donald Trump, për tërheqje nga kjo marrëveshje. Kështu, Shtetet e Bashkuara dhe Siria janë vendet e vetme, që nuk janë pjesë e Marrëveshjes së Parisit për ndryshimet klimatike.
Megjithatë, pritet që në mbledhjen në Bon të Gjermanisë, Shtetet e Bashkuara do t’i kenë përfaqësuesit e vet.

Qindra protestues u arrestuan në Moskë të dielën gjatë një demonstrate kundër Presidentit rus Vladimir Putin që përkonte me festën e Ditës Kombëtare të Unitetit.
Sipas OVD-Info, që vëzhgon shtypjen e protestave, 360 njerëz u arrestuan në mbarë Rusinë deri në orën 5 të mbrëmjes të së dielës. Policia në Moskë njoftoi për 260 të arresuar në kryeqytet. Agjencia ruse e lajmeve TASS tha se, shumë protestues në Moskë mbanin armë të ftohta.
Protestuesit në demonstrata të tjera besohet të jenë të lidhur me politikanin nacionalist dhe kritik ndaj Kremlinit, Vyacheslav Maltsev dhe lëvizjes “Përgatitja e Artilerisë” – një grup i shpallur si ekstremist dhe i ndaluar në Rusi.
I vetë-mërguari Maltsev postoi në YouTube se, këtë fundjavë Rusia është gati për “revolucion”. Në vitin 2005 zoti Putin e deklaroi 4 nëntorin si “Ditën e Unitetit Kombëtar” për të shënuar fitoren e Rusisë ndaj Polonisë në vitin 1612.

Çfarë e lidh qeverinë britanike me shembjen e Perandorisë Romake? Atmosfera në Londër është si e fundit të botës dhe sundimi i Theresay May-t po lëkundet, mendon Barbara Wesel. Ajo e ka mbijetuar dështimin në zgjedhje në qershor dhe rrjedhën kaotike të negociatave të Brexit-it. Por tani, skandali që po përhapet për shakatë me nënkuptim seksual dhe për sulmet në partinë konservatore mund t’i kushtojë kokën Theresa May-t. Fushata ‘#MeToo’kaloi nga Hollivudi në Westminster, dhe kryeministrja britanike nuk duket se e përballon dot fuqinë e publikimeve për shakatë e burrave të vjetër dhe për duar që vërtiten në radhët e saj.

A do të rrëzohet May përballë serisë së dorëheqjeve?
Viktima e parë e spastrimeve ishte ministri i Mbrojtjes, Michael Fallon. Në fillim u bë e njohur se i kishte kapur dikur gjurin një gazetareje, pastaj kolegia e partisë së tij, Andrea Leadsom e akuzoi për një shaka të rrallë budallaqe lidhur me kërkesën për “një vend për duart e saj të ftohta”. Po të jetë e saktë ajo që tregon ajo, atëherë niveli i shakave me dy kuptime në Westminster duhet të jetë me të vërtetë shokues.
Thashethemi i fundit ka të bëjë me zëvendësin e May-t, Damian Green. Edhe ai thuhet se ka përkëdhelur një gju, pa e ftuar njeri. Po të duhet të largohet edhe ai atëherë situata do të jetë e vështirë për kryeministren. Për një riorganizim të thellë të kabinetit ajo nuk ka mbështetje as në partinë e saj dhe as në popull. Nëse ditët dhe javët e ardhshme do të pikojë një seri zbulimesh dhe dorëheqjesh, Theresa May nuk do ta mbijetojë konfuzionin.
Në Westminster qarkullon një dosje sekrete me ngacmime seksuale dhe me shprehje seksiste të deputetëve dhe të krerëve të partisë. Nëse përmbajtja do të shfaqet me porcione të përditshme në shtyp, atëherë aparati politik në Londër mund të shpërthejë së brendshmi.

Shembja e Perandorisë Romake
Meqenëse Theresa May e ka të vështirë të kënaqë njeri për momentin, edhe emërimi i një ministri të ri të Mbrojtjes çoi në një shpërthim zemërimi kolektiv të Partisë së saj Konservatore. Politikani i ri dhe tani ministër i Mbrojtjes, Gavin Williamson më parë kujdesej për disiplinën në Grupin parlamentar të partisë dhe u bë i njohur me terrarin me xham që mbante në zyrë, brenda të cilit jetonte një merimangë e madhe e gjallë – gjë që i bëri gjuhët e helmuara te konservatorët që të vendosin një lidhje midis qeverisë së Theresa May-t dhe shembjes së Perandorisë Romake.
Emërimi i “merimangës helmuese Williamson” është një mësim nga “libri i mësimeve të Perandorit Kaligula, akti administrativ i fundit të të cilit ishte emërimi si senator i kalit të tij të preferuar”, citon “Financial Times” një konservator anonim.
Vëzhguesit e krahasojnë klimën aktuale politike në Londër me ditët e fundit të qeverisë së Major-it ose atmosferën pas skandalit të llogarive, që për pak e fundosi qeverinë e Gordon Brown-it. Por këtë herë bëhet fjalë më shumë se për riparimin e varreve të kështjellave dhe shtëpive të rosave në kurriz ta taksapaguesve. Në një valë të madhe nxirren në sipërfaqe raste të mbuluara, të cilat tregojnë një klimë frike dhe abuzime seksuale në politikën britanike.
Shansi më i mirë i Theresa May-t për t’i mbijetuar serinë e zbulimeve do të ishte që të vihej vetë në krye të lëvizjes. Por fuqia politike që ka nuk mjafton për këtë, atë ngjarjet vetëm e shtyjnë përpara. Dhe veç kësaj, ajo nuk është më në gjendje që të bëjë politikë.
Brexiti po del gjithnjë e më tepër jashtë kontrollit, në Parlament e pret një disfatë në votim.
A do ta bëjë kryeministrja dot rrugën deri në Krishtlindje? Orakujt politikë janë të mendimit: në 2018-ën në Britaninë e Madhe do të ketë zgjedhje të reja. Mbretërinë e Bashkuar nuk mund ta kesh zili për këto kohë interesante.

Mё 16 tetor 2017 shteti mesdhetar Malta humbi pafajёsinё e tij nё sytё e opinionit ndёrkombёtar. Gazetarja 53-vjeҁare Daphne Caruana Galizia u vra me njё veturё bombё. Mё parё, ajo kishte marrё disa herё kёrcёnime me vdekje. Ajo kishte investiguar lidhur me implikimet e mundshme tё familjes sё kryeministrit Joseph Muscat nё biznese jo transparente financiare.
Çfarё po ndodh nё shtetin ishull tё Maltёs, qё pёr shkak tё anëtarёsisё nё BE duhet tё pёrmbushё kritere tё larta tё shtetit ligjor? Dyshimet nuk vijnё nga hiҁi. Komisioni i BE-sё mё 2016 analizoi anëtarёsimin e Maltёs dhe arriti nё konkluzionin, se krahasuar me tё gjitha vendet e tjera anёtare tё BE-sё, “mediqt ndodhen jashtёzakonisht fort nё duart e partive politike”, dhe se “pёr shkak tё mungesёs sё masave tё rregullimit dhe vetёrregullimit” pavarёsia nё media ёshtё e dobёt.

Media tё dobёta, ekonomi e fortё financash
Por nё Maltё ёshtё e fortё ekonomia e financave. Ishulli klasifikohet si parajsё tatimore; nё kёtё drejtim nuk ka ndryshuar asgjё anëtarёsimi nё BE. Pёrkundrazi: qёkurse Malta ёshtё anëtarёsuar nё BE nё vitin 2004 dhe me mundёsitё qё lidhen me kёtё nё tregun e brendshёm dega e financave ёshtё nё rritje. Kryeministri Muscat nё tё kundёrt nё njё intervistё me agjencinё e lajmeve “Reuters” tha, se: “Sektori i financave ёshtё po aq transparent, solid dhe konform rregullave si edhe gjithё tё tjerёt nё Europё”.
Shumё maltezё, por edhe vёzhgues nga jashtё shohin nё kombinimin mes mediave tё dobёta dhe lobit me influencё tё kapitalit njё problem strukturor. Madje, ata as nuk befasohen, qё policia nё sfondin e njё vale atentatesh duket e pafuqishme: Dy vitet e kaluara ka pasur gjashtё atentate me vetura bombё nё Maltё – deri mё tani askush nuk ёshtё akuzuar.

Mosbesim ndaj sistemit tё Muscat-it
Shumё maltezё nuk i durojnё dot mё kёto rrethana dhe mendojnё, qё demokracia ka marrё fund. Gjatё njё demonstrate tё dielёn e kaluar (30.10) nё pankarta shkruhej: “Ne nuk mund tё na bёjnё tё heshtim” dhe “Vendi ynё meriton mё mirё”. Bloggeri Jacques Zammit tha nё njё fjalim gjatё demonstratёs, se “shteti nuk punon pёr vendin, por pёr qarkun e brendshёm tё pushtetit”.
Familjet e tё vrarёve i kёrkojnё kryeministrit tё japё dorёheqjen. Ai e ka kthyer Maltёn nё “ishullin e mafies”. Ata nuk besojnё mё tek drejtёsia nёn kёtё qeveri. Djemtё e Galizias nё njё postim nё Facebook shkruajnё: “Nuk mund tё sjellin tani drejtёsi ata, qё aq kohё sa ne kujtojmё nga e kaluara, vetёm janё pёrpjekur ta bёjnё tё heshtё nёnёn tonё”.

Vёmendje ndёrkombёtare
Kritika tё ashpra vijnё ndёrkohё nga mbarё Europa. Komisioni i BE-sё i bёri thirrje qeverisё malteze qё jo vetёm tё zbardhё vrasjen, por edhe tё zgjidhё “problemet e mundshme strukturore” me shtetin ligjor. “Sytё e Europёs janё drejtuar nga autoritetet e Maltёs”, shkruan zёvendёspresidenti i Komisionit Frans Timmermans.
Ministri i Brendshёm i Maltёs, Michael Farrugia ka thёnё, se policia ka “ҁek tё bardhё” qё tё kryejё tё gjitha hetimet e nevojshme. Kryeministri Muscat ka vёnё nё dispozicion njё shumё shpёrblyese prej njё milion eurosh pёr atё qё jep dёshmi pёr kapjen e dorasit. Megjithatё mosbesimi dhe presioni ёshtё aq i madh, sa ndёrkohё Muscat pranoi qё tё shkojnё nё Maltё hetues nga Europoli dhe FBI-ja pёr t’u ndihmuar kolegёve tё tyre maltezё.

Ish-lideri i përmbysur i Katalonjës, Carles Puigdemont, e ka kritikuar Spanjën në komentet e tij të para në Internet, pas lirimit nga arresti në Belgjikë, ku ai po e kundërshton kërkesën e Spanjës për ekstradim, për dyshime se ka organizuar rebelim në Katalonjë.
Sot në rrjetin Twitter, Puigdemont ka shkruar se është i lirë dhe se është së bashku me “shokët e burgosur padrejtësisht nga ky shtet i humbur, që është larg nga praktikat demokratike”, raporton agjencia AP.
Një gjyqtar në Bruksel dje e ka liruar ish-liderin, Carles Puigdemont, dhe katër bashkëpunëtorë të tij të afërt, me kusht që të qëndrojnë në Belgjikë dhe të marrin pjesë në seancat gjyqësore.
Këta pesë persona kanë udhëtuar për në Belgjikë, pasi autoritetet e Spanjës i shkarkuan ata më 28 tetor, për synimin e tyre për shkëputjen e Katalonjës nga Spanja.
Nga ana tjetër, nëntë anëtarë të tjerë të udhëheqjes ranjonale të shkarkuar për rastin e njëjtë, janë arrestuar në Madrid, ndërsa hetimet po vazhdojnë.