Grupi parlamentar demokrat dhe opozita do të vijojë betejën e saj deri në largimin e Edi Ramës dhe krijimin e një qeverie antimafia, e cila do të shkëpusë lidhjet e krimit me pushtetin dhe do të garantojë zgjedhjen e një qeverisjeje nga vota e lirë e qytetarëve. Kryetari i Partisë Demokratike, Lulzim Basha në një prononcim për mediat pas mbledhjes së grupit të deputetëve demokratë deklaroi se opozita do të qëndrojë fort në përballjen e saj ndaj krimit në pushtet me në krye Edi Ramën.
“Shteti i rënë, qeveria e rënë de facto, narkoshteti i ulur këmbëkryq në jetën e përditshme të çdo shqiptari, janë shqetësimi më i madh i vendit, janë kauza kryesore e betejës opozitare. Edi Rama është sot një kryeministër i rënë politikisht, i rënë moralisht, i rënë brenda vendit, i rënë jashtë vendit. Çdokush e tregon me gisht, si njeriun që ideoi dhe zbatoi projektin e Shqipërisë, hambar droge.
Mjafton të shikoni analizën e Guardia di Finanzës. Në vitin 2013 -300 parcela droge, më 2014 -800 parcela droge, më 2015 -1400 parcela droge dhe më 2016 –2086 parcela droge të zbuluara vetëm nga Guardia di Finanza, e cila vrojton jo më shumë se 20% të territorit”, u shpreh Basha.
Kreu i PD solli në vëmendje situatën dramatike që ka përfshirë vendin, ku trafiku i drogës në Shqipëri dhe nga Shqipëria është tema e ditës si brenda vendit ashtu edhe në kancelaritë e huaja. “Këtë vit, që kultivimi i drogës nuk është i njëjti si më 2016-ën, Edi Rama bërtet ‘fitoren’. Në fakt, nuk është as Edi Rama, as policia e korruptuar e Haki Çakos me shokë, përgjegjëse për këtë rënie të prodhimit, përgjegjëse për këtë rënie të prodhimit siç e di çdo shqiptar dhe fakir, fukarenjtë që i ka shtyrë dëshpërimi dhe mjerimi drejt këtij veprimi të paligjshëm, është çmimi.
Shkoni në Tepelenë. Më lirë do të blini kanabisin se sa çajin e malit. 50 deri në 80 euro kilja e kanabisit. Sepse, mijëra tonelata kanabis të prodhuara kryesisht në vitin 2016, presin të trafikohen drejt Europës. Trafikohen ditë për ditë, siç kapen ditë për ditë nga autoritetet italiane”, u shpreh kreu i PD, Basha.
Duke theksuar se sot populli shqiptar qeveriset nga një bandë e organizuar dhe se vendi është në kushtet e një narkorepublike, e vetmja zgjidhja për të cilën opozita do të vijojë deri në fund është largimi i Edi Ramës dhe krijimi i një qeverie antimafia, e cila do të mund të krijojë kushtet për zgjedhje të lira dhe një qeveri që do të dalë nga vota e lirë e shqiptarëve.
“Prandaj, jemi në kushtet e një narkorepublike, e cila nuk ka më asnjë legjitimitet. Zgjidhja e vetme është largimi një orë e më parë i Edi Ramës, një qeveri antimafia, e cila të shkëpusë, të shembë, lidhjet e politikës me krimin. Këtë nuk mund ta bëjë Edi Rama me marrëzirat që këput me ‘planet sekrete’. Planet kundër krimit gjithmonë janë sekrete. Kujt ia shet këto dëngla. Plan sekret që e di Edi Rama, nuk është plan kundër krimit. Prandaj, zgjidhja e vetme për vendin, jo thjesht për opozitën, për Partinë Demokratike, është largimi një orë e më parë i një njeriu të provuar katërcipërisht të lidhur me krimin. Nuk ka shqiptar dhe nuk ka faktor perëndimor mos ta ketë të qartë përgjegjësinë politike të Edi Ramës për shndërrimin e Shqipërisë në një narkoshtet dhe kjo do të mjaftonte për çdo njeri, të jepte dorëheqjen.
Opozita do të vazhdojë betejën për largimin e tij dhe të qeverisë së tij dhe do të vazhdojë të zgjerojë koalicionin me çdo qytetar shqiptar dhe çdo faktor tjetër politik dhe jo politik për të realizuar një mision kombëtar, një imperativ kombëtar – largimin e Edi Ramës, një qeveri antimafia që të shembë lidhjen e krimit me politikën, të realizojë reformën zgjedhore dhe sovrani të vendosë qeverisjen e ardhshme”, u shpreh kreu i PD.

Rama ta harrojë kapjen e prokurorit të Përgjithshëm

Kreu i PD, Basha paralajmëroi Ramën se PD nuk do të lejojë asnjë përpjekje e tentativë të tij për të kapur kryeprokurorin e Përgjithshëm, institucionin kyç që ka dosjet e lidhjeve të Ramës e njerëzve të tij me krimin e organizuar dhe trafikun e drogës. Basha iu përgjigj interesit të medias pas lajmeve të publikuara për largimin e kryeprokurorit Llalla, mandati i të cilit sipas PS duhet të përfundojë në muajin dhjetor. Nga ana tjetër, Basha theksoi se reforma zgjedhore do të zhvillohet vetëm kur Rama të largohet nga qeveria dhe vendi të drejtohet nga qeveria antimafia, e cila do të jetë garant i një reforme të drejtë zgjedhore që do të çojë në zgjedhje të lira e të ndershme.

– Keni një strategji për këtë zoti Basha, do të filloni protestat?
Kemi një strategji, e cila po shpaloset ditë pas dite, javë pas jave.

– Do të ndërmerrni ndonjë veprim konkret? Çfarë mekanizmi do të përdorni?
Kjo javë, e cila ka nxjerrë në pah edhe një nga aspektet e shëmtuara, kriminale të kësaj qeverisjeje, siç është trafiku apo transporti i parave kesh të trafikut të drogës, si ato që u kapën në Elbasan dhe u mbajtën të fshehta me urdhër të Edi Ramës, është një javë përballjeje totale të opozitës, siç e keni parë, siç ka filluar ditën e sotme në komisonet parlamentare dhe siç do të vazhdojë deri ditën e enjte në seancë plenare.

– Kur do t’i bëni publike faktet e reja që keni z. Basha?

Faktet po bëhen publike dhe opozita është jashtëzakonisht e angazhuar së bashku me qytetarët, me punonjësit e ndershëm të Policisë së Shtetit dhe çdo organ tjetër të paprekur dhe të pacenuar nga trafiku i drogës dhe natyrisht me partnerët tanë strategjikë.

– Kur do të fillojë reforma zgjedhore?
Reforma zgjedhore do të fillojë atëherë kur vendi të ketë një qeveri antimafia, e cila në vend që të përdorë kriminelët dhe paratë e drogës për të blerë vota, t’i çojë ata para drejtësisë dhe t’i lerë shqiptarët të vendosin të lirë me votën e tyre qeverisjen dhe qeverinë që dëshirojnë.

– Ka një qëndrim Partia Demokratike lidhur me përfundimin e mandatit të prokurorit të Përgjithshëm?
Qëndrimi ynë është zbatimi pikë për pikë i Kushtetutës dhe i ligjeve dhe çdo hap për të vendosur kthetrat e narkomafias në organin e Prokurorisë do të përballet me një betejë totale politike nga ana e opozitës.

– Ka një interpretim nga ana e kryeprokurorit që mandati përfundon pas dy vitesh, bazuar në precedentin e Ina Ramës, ndërkohë që, edhe mbi faktin që mandati është 7 vite dhe jo 5 vite. Partia Demokratike, ka një qëndrim lidhur me këtë situatë? Socialistët mendojnë se z. Llalla ikën në dhjetor.
Edi Rama ka hallin e Tahirit dhe hetimeve të tjera. Ka hallin e petëve që i kanë dalë lakrorit dhe nuk ka hall mandati. Dhe në funksion të ndalimit të hetimit, në funksion të mbrojtjes së Tahirit, që në fakt është mbrojtja e vetvetes, ai është gati t’i thotë dorës këmbë dhe këmbës dorë. Ndërsa, në rastin konkret qëndrimi ynë është respekti i plotë për Kushtetutën dhe ligjet e paketës në drejtësi. Dhe nuk do të lejojmë asnjë keqinterpretim në funksion të kapjes së Prokurorisë dhe presionit të vazhdueshëm ndaj prokurorëve për të ndalur hetimet e të paprekshmëve dhe në veçanti të peshqve të mëdhenj.

– Pra, ju jeni për vazhdimin e mandatit?
Jo këtë po e thoni ju. Ne jemi për respektimin total të Kushtetutës dhe në këtë kuadër njerëzit tanë në Komisionin e Ligjeve dhe ekspertët tanë do të hedhin hapat konkretë.

Eduart HALIMI

3 jave me pare ne filluam te diskutonin p/ligjin per noterine. Ne nje situtate normale ne do diskutonim per kete sherbim publik te rendesishem qe ka ne qender nder te tjera dhe monitorimin e parandalimit te pastrimit te parave. Qendrimi yne eshte i qarte se kete monitorim ne nje shtet ligjor e te se drejtes e ka per detyre ta beje qeveria, e sotmja dhe nesermja sepse qeveria ka pergjegjesi para qytetareve per kete proces. Por kjo ndodh kur ka nje qeveri normale qe ka jo vetem legjitimitet por dhe te drejte morale per ta bere, dhe jo kjo qeveri qe eshte e lidhur me krimin e drogen.
Prej me shume se 3 javesh mazhoranca dhe qeveria jane kapur ne flagrance ne lidhjet me krimin.
3 jave me pare antimafia italiane solli ketu nje superdosje me mijera faqe qe tregonin lidhjet e ish ministrit te brendeshem me banden kriminale te Habilajt ne Vlore qe trafikuan te qete per 4 vjet me shume se 300 mln eur.
Qeveria ne vend qe te mbante anen e drejtesise, sulmoi drejtesine dhe i doli ne krah Habilajve duke i bere avokatine dhe alibine. Per 3 jave qeveria dhe mazhoranca sulmuan Zaganin dhe drejtesine dhe mbrojten banden.
4 dite me pare, po nga Vlora, bisnemeni qe aktivitet te vetem ka ndertimin e komisariateve te policise u kap me 840 mije eur dhe 2 pateteta te S Tahirit qe betohej se nuk kishte skaf.
E cfare beri policia dhe qeveria? E fshehu ngjarjen duke i dale ne krah krimit e duke bere alibi se medemek ishin parate e hekurit,dhe se do paguheshin tek kompania KURUM cash. Ne ketu e dime se jemi juriste por ta dine dhe ata qe na degjojne se nese kjo alibi e qeverise ka dy rruge: o njeriu qe nderton komisaritate e qeverise ose njerezite kompanise do shkojne ne burg.
Qeveria e di, edhe policia e di shume mire se kamerat e burgut te Elbasanit e kane fiksuar makinen e djalit nga Vlora me tre patenta te ish ministrit dhe bashke me furgonin e policise se burgut te Elbasanit kane nderhyre. Por policia e shtetit, e ketij shteti qe duhet te luftoje krimin, e fshehu ngjarjen. Fshehu dhe faktin se po e ndiqte te dyshuarin, fshehu dhe faktin se ishte furgoni i policise se burgut ne kete ngjarje qe ka nderhyre.
Ngjarjen e dates 1 nentor e fshehen se nuk e dinin se cfare do gjenin ne makine. Kur aty I plasi bomba, zgjidhja e policise nuk ishte ligji dhe informimi, por fshehja e ngjarjes qytetareve dhe opozites. E fshehen per 3 dite deri sa doli kryetari i opozites dhe e denoncoi, atehere policia u detyrua te pranoje te beje pjeserisht publike ngjarjen.
Dhe cben qeveria? Sulmon serish drejtesine, sulmon prokuroret dhe jo krimin.
Kjo nuk mund te ndodhe ne asnje vend ku shteti Lufton krimin. Kjo ndodh vetem ne ato vende ku shteti dhe krimi jane bere nje.
Ketu krimi dhe qeveria jane bere nje dhe krimi ka dale ne vitrine se nuk ka frike, nuk i ndalon policise, se ka mbrojtje nga lart, nga sh lart.
Kjo pra eshte situata e rende sot. ‎Dhe opozita nuk mund te kete nje sjellje normale ne parlament dhe te sherbeje si fasade. Opozita nuk ka per te qene kurre fasade e qeverise se krimit dhe droges, ajo do jete perballe.

Prokuroria ka nisur një superhetim ndaj disa familjeve të pasura në Elbasan mes tyre edhe vajza dhe dhëndri i kryebashkiakut Qazim Sejdni. Ata dyshohen për pastrim parash, ndaj organi i akuzës i kërkon drejtorisë së Tatimeve që të japë informacion për 66 persona, nëse janë të regjistruar si subjekte.

Në dokumentin e siguruar nga Vizion Plus thuhet: “Prokuroria ka regjistruar procedim penal pe vepren penale “pastrim parash” dhe “veprimtari kriminale” ndaj për nevoja te hetimit kerkojmë informacion nëse shtetasit e mëposhtëm janë të regjistruar si subjekt tatimpagues dhe nëse po, të na dërgoni informacion të detajuar në lidhje me objektin e veprimtarisë, vendin e ushtrimit, statusin, faktin nëse është debitor në pagesat e detyrimeve fiskale, masat administrative te marra, sa aktivitete janë të regjistruar në emër të tyre, fitimet që kanë realizuar ndër vite”.

Hetimet duket se janë zgjedhur në një përmasë të paparashikuar në nisje të dosjes. Ato përfshijnë emrat më të njohur në Elbasan dhe jo vetëm. Mes tyre është vajza e kryebashkiakut, Imelda Sejdini dhe bashkëshorti i saj, Sokol Sanxhaktari. Po kështu janë nën hetim pasuror Suel Çela dhe i ati i tij Petrit Çela. Kujtojmë se Suel Cela është personi që përplasi makinën e policisë në portën e tregut ushqimor.

Por nën hetim për pastrim parash janë edhe persona që kanë qendra tregtare, kompani ndërtimi, kompani transporti, lokale e biznese nga më të ndryshmet.

Bie në sy fakti se shumë prej emrave përbëjnë familje të tëra. Prokuroria dyshon se pronat janë transferuar mes anëtarëve të të njëjtës familje me qëllim fshehjen e te ardhurave.

Hetimet jane urdheruar nga prokurori i Elbasanit Dritan Gina dhe po ndiqen nga shefja e sektorit, Irida Kokonozi.

Nën hetim:

Sokol Sanxhaktari ditelindja ‘86, banues Elbasan (dhendri i Qazim Sejdinit).

Astrit Sanxhaktari ditelindja ‘59 (babai i Sokolit dhe krushku i kryebashkiakut Sejdini).

Lindita Sanxhaktari, ditelindja ‘78 (motra e Sokolit).

Oriel Mehja, ditelindja ‘75 (bashkeshorti i Lindites).

Imelda Sejdini, ditelindja ‘78 (vajza e kryebashkiakut Qazim Sejdini, bashkeshortja e Sokol Sanxhaktarit).

Ish-ministri i Brendshëm, Saimir Tahiri po përgatiste arratisjen me miratimin e Ramës. Denoncimi është bërë nga ish-Kryeministri Berisha pas një mesazhi të marrë nga qytetari dixhital. Berisha shkruan se Oresti i ka marrë paratë dhe patentat me porosi të Saimirit në kasafortën e Jahtit të tij.

“Saimir Trafiku me miratimin e Rames po pregatiste arratisjen!

Oficeri dixhital denoncon: – Saimir Trafiku me miratim te Rames kishte bere plan te arratiset nga vendi!

– Parate qe u gjeten ne makinen Orestit jane te Saimir Trafikut.

– Oresti i ka marre parate dhe patentat me porosi te Saimirit ne kasaforten e Jahtit te tij

– Jahti luksoz i Saimir Trafikut eshte dhurate qe Habilajt i bene atij beharin qe kaloi.

Lexoni te plote mesazhin e oficerit dixhital!”, shkruan Berisha.

“Doja të bëja të ditur se lekët që i jan gjetur ne makinen e Orestit jane te Sajmir Tahirit!Ai e ka derguar posaçerisht ate per te mare leket tek kasaforta e jahtit te tij qe e ka blere kete behar qe kaloi, ose dhuarate nga Habilajt!!!!

Prandaj ndodhen dhe patentat aty,sepse ai e dergoi me nxitim se mos ja gjenin ne jahtine tij prokuroret. Ne fakt prokuroria ka rene ne ere qe Sajmir Tahiri pervec gomones posedon dhe nje jaht tjeter lluksoz.prandaj ka dy patenta,nje per gomonen qe nuk peshon me shum se 20 ton, dhe nje per jahtin qe eshte diku te 50-60 ton. Ky skandal ka per te plasur nga momenti ne moment ,sepse Sajmiri me miratim te Rames kishte ber ne plan qe te aratisej me gjith familje. do ju lutesha per arsyet e mija,amonim!”, shkruan qytetari.