24.5 C
Tirana
E shtunë, 3 Maj, 2025
type here...

70 vjet nga dënimi i grupit të parë të deputetëve, vdekja nga torturat e Baba Myrteza Pajës

Nga Kastriot Dervishi

Me mbarimin e proceseve ndaj teknikëve intelektualë në proceset “sabotuese” në Maliq në nëntor 1946, gjatë viteve 1947-1948 vëmendja e Drejtorisë së Sigurimit të Shtetit u drejtua mbi inteligjencien e vendit, pothuaj të gjithë me qëndrime properëndimore e proamerikane.
Goditja më barbare ndaj inteligjencies së vendit është paraqitur nëpërmjet proceseve në kuadër të goditjes së anëtarëve të “organizatës terroriste agjente sabotatore të deputetëve tradhtarë tekniko-intelektualë e demokristianë”. Të kësaj kohe, janë katër grupe kryesore të goditura, dy prej të cilëve kanë ish-deputetë të dënuar dhe ekzekutuar, si dhe disa proceseve të vogla, të cilat nuk kanë peshën e këtyre të përmendura.
Janë disa persona të vdekur në hetuesi nga torturat e rënda të zhvilluara nga oficerët e Sigurimit. Nga studimi tërësor i dokumenteve rezulton se në qendër të goditjeve janë intelektualët të ndarë kështu:
-“Sabotatorët” e linjës proamerikane, kryesisht teknikë dhe inxhinierë, por edhe intelektualë të tjerë.
-Deputetë që kishin mendim ndryshe, pavarësisht se nuk e shprehën asnjëherë tërësisht atë.
-Të implikuar në ngjarjen e marsit 1947 në Kryegjyshatë.
-Persona të njohur nga Enver Hoxha që dinin të kaluarën e jetës së tij.
-Të njohur, lidhje shoqërore e miqësore të personave të mësipërm.
Akuzat e formuara në drejtim të tyre ishin për:
-Sabotim ekonomik.
-Organizim atentatesh ndaj Enver Hoxhës dhe Koçi Xoxes.
-Formim partish.
-Nxitje të ndërhyrjes së huaj anglo-amerikane.
Personat e arrestuar janë mbajtur në disa shtëpi të Sigurimit në Tiranë si: shtëpia e Serreqit (në të djathtë të Sheshit “Avni Rustemi”), “Shtëpia me gjethe”, te “Selvia”, te shtëpia e Ali Qorraliut (te 9-katëshet) si dhe dy burgjet e Tiranës. Janë përdorur torturat nga më çnjerëzore dhe në përfundim u arrit të manipulohen edhe proceset hetimore-gjyqësore.
Të gjitha vendimet gjyqësore sipas dëshmisë së Koçi Xoxes janë marrë nga Byroja Politike e Partisë Komuniste, por dokumentacioni vërtetues nuk është trashëguar në ditët tona.
Baba Myrteza Paja (në foto) nga Kruja u arrestua në maj 1947 në bazë të listave të përgatitura nga komisioni i posaçëm i Drejtorisë së Sigurimit të Shtetit, por edhe si person me dijeni për ngjarjen e marsit 1947 në Kryegjyshatë. Babai ishte një prej klerikëve më të njohur e më të nderuar në Shqipëri. Ishte shumë i afërt me Mbretin Zog, si dhe njihej për lidhjet miqësore me legatën amerikane në Tiranë. Mbreti Zog i besoi një prej të fshehtave më të mëdha të jetës.
Babai u torturua në shtëpinë e Serreqit për 48 orë. U përdor tortura me thikë (prerje e ndadaltë e mishit), aq sa trupi i tij nuk duroi dot dhe mbaroi pas 48 orësh. Për të plotësuar “procedurat”, trupi u hodh më 24.5.1947 nga kati i dytë i godinës dhe u tha se “donte të arratisej”.
(Në ditët e ardhshme do lexoni pjesë të përzgjedhura në lidhje me “grupet” e dënuara si dhe dëshmi domethënëse rreth manipulimit të proceseve)

Ekzekutimi i gjashtëmbëdhjetë deputetëve të opozitës

Nuk ishte e lehtë të bëje opozitë edhe në vitet kur regjimi komunist në Shqipëri ishte ende i pakonsoliduar. Në fakt, për dy vjet me radhë, nga krerët e Partisë Komuniste u punua që menjëherë pas lufte, vetëm grupimi i tyre politik të dilte në skenë. Në këtë mënyrë, që nga “Mukja” filloi puna për eliminimin e eksponentëve të organizatave të tjera politike si Balli Kombëtar apo Legaliteti. Pas përfundimit të Luftës së Dytë Botërore, fatin e keq në Shqipëri e pati edhe “Grupi i deputetëve”, opozita e së cilës lindi me shumë bujë dhe që pati një jehonë të jashtëzakonshme, për vetë faktin se mori përsipër të hapte siparin e mendimit ndryshe.
Ky edicion “dossier” ka të bëjë me zbardhimin e fakteve rreth dosjes gjyqësore, të “Grupit të deputetëve”, të cilët u morën si të pandehur nga regjimi komunist dhe u vunë në bankën e të akuzuarve në fillimin e shtatorit të vitit 1947. Në atë gjyq, i cili u zhvillua në kinemanë “17 Nëntori” të kryeqytetit nga data katër shtator e vitit 1947 e deri në datën 27 shtator, kur u dha edhe pretenca, u gjykuan si të pandehur 24 persona. Pjesa më e madhe e tyre ishin intelektualë, të cilët ishin diplomuar në universitetet e Perëndimit dhe disa prej tyre, si Shefqet Beja, Enver Sazani dhe Sheh Ibrahim Karbunara, ishin deputetë të Parlamentit shqiptar të propozuar si kandidatë të Frontit Demokratik. Ka qenë pikërisht koha kur ky grup kishte marrë iniciativën për të penguar miratimin e projektkushtetutës së parë komuniste. Iniciativa e tyre për të ndalur revanshin komunist do t’u kushtonte jetën jo vetëm deputetëve që kishin mundur të hynin në Parlament, por edhe shumë bashkëpunëtorëve, duke arritur numrin e 40 vetave.

Eliminimet e kundrështarëve politikë

Ideja për eliminimin e kundërshtarëve politikë, nuk filloi pas mbarimit të luftës, por që gjatë saj. Për këtë bëjnë fjalë dhe dokumentet e nxjerra nga Arkivi Qendror i Shtetit, të shkruara nga Enver Hoxha. Në një prej këtyre dokumenteve, të shkruar nga dora e Enverit në datën 19 gusht 1944 dhe që mban numrin “46” jepen këto porosi:
“Zain e Fundos ta torturoni deri në vdekje dhe pastaj ta pushkatoni. T’i kërkohet të japi shpjegime për këto pyetje: Pse ka ardhur në Kosovë, kush e ka dërguar dhe me ç’direktiva? Cilat janë qëllimet e Ganiut dhe të englezëve? Të japi shpjegime për aktivitetin e tij të mëparshëm dhe për tradhtinë e tij. Deponimet e Zait na i dërgoni këndej me një njeri të sigurtë. Zain e vrisni atje”. Poshtë këtij dorëshkrimi ndodhet emri “Enver”.
Vetëm dy ditë më pas, urdhri i Enver Hoxhës për eliminimin e kundërshtarëve politikë do të vazhdonte me letrën me numër “45”, në të cilën thuhet:
“Lirisë, shumë konspirative. Mos kërkoni më prej Ganiut të dorëzohet, por me çdo kusht dhe me ashpërsi të sulmohet dhe të vritet. Në qoftë se Ganiu ashtë dorëzuar, më lajmëroni sa më parë. Duhet të veproni shpejt, se mund të vijnë në ndihmë kosovarë. Enver”.
Kuptohet qartë që në ato ditë lufte, urdhrat për ekzekutimet pa gjyq jepeshin dhe nga ketë kreu i Partisë Komuniste, Enver Hoxha. Por ndërhyrja e drejtpërdrejtë e tij do të vazhdonte edhe më pas, madje dhe kur bëhej fjalë për një grup deputetësh, të cilët nga opozitarë u cilësuan si “armiq”.

Ekzekutimet ndaj deputetëve me shkolla në Perëndim

Më 2 dhjetor të vitit 1945, nga shteti komunist shqiptar i asaj kohe u organizuan zgjedhjet për Asamblenë Kushtetuese. Pjesa dërrmuese e deputetëve të zgjedhur ishin anëtarë te Partisë Komuniste Shqiptare dhe funksionarë të lartë të partisë-shtet. Të gjithë deputetët, pa përjashtim, ishin të lidhur ngushtë me Lëvizjen Nacionalçlirimtare, që drejtohej nga Partia Komuniste Shqiptare gjatë periudhës 1942-1944. Duke konstatuar se Partia Komuniste Shqiptare po vendoste në Shqipëri një shtet diktatorial, disa prej deputetëve të shkolluar në Francë, Vjenë, Romë, etj, si: Gjergj Kokoshi, Enver Sazani dhe Selaudin Toto, filluan të shprehnin pakënaqësitë e tyre ndaj qeverisë së Tiranës, të drejtuar nga Enver Hoxha. Bisedat po amplifikoheshin midis deputetëve me pikëpamje liberale. Por padyshim që Sigurimi i Shtetit ishte në dijeni të bisedave “reaksionare” që zhvilloheshin midis të pakënaqurve.

Organizimi

Grupi i deputetëve doli hapur si grup i organizuar në mbrojtje të parimeve të demokracisë perëndimore dhe mori përsipër të bënte opozitën në Parlamentin e parë të Shqipërisë komuniste. Aftësitë intelektuale dhe organizuese, shumë shpejt ranë ndesh me përpjekjet e diktaturës, e cila kishte filluar të instalohej pak nga pak. Opozita u bë pre e përndjekjes deri në arrestimin e tyre. Qëndresa e tyre për të ndalur revanshin komunist u kushtoi jetën 16 deputetëve, që kishin mundur të hynin në Parlament. Gjyqi i “Grupit të deputetëve” filloi dhe u mbyll si një proces gjyqësor tërësisht i montuar, mbështetur në dëshmi që u ishin marrë të pandehurve nëpërmjet një dhune fizike dhe psikike të pashembullt gjatë hetuesisë. Gjykata Ushtarake nën urdhrat e drejtpërdrejtë të Enver Hoxhës urdhëroi ekzekutimin e 16 të pandehurve të atij procesi dhe dënime të rënda për dhjetëra të tjerë nga rrethe të ndryshme, të cilët i akuzuan për lidhje dhe bashkëpunim me “Grupin e deputetëve”.

Në Shkodër marrim 3 pikë

Të luash përballë më të mirëve të botës është ëndrra e çdo futbollisti. Kjo është edhe ndjesia e Andi Lilës për duelet e radhës së Shqipërisë me Spanjën dhe Italinë. Ndeshje që çdo futbollist profesionist jeton për t’i luajtur dhe ku kuqezinjtë do të provojnë të tregojnë vlerat e tyre.
“Është fat i madh për brezin tonë që na qëlloi të luanim ndaj dy skuadrave kampione të botës. Çdo lojtar i ka ëndërr ndeshje të tilla, sepse nuk luan dot përditë me lojtarë nga më të mirët në botë. Në ndeshjen e parë luajtëm mirë taktikisht deri në momentin e pësimit të golit, sepse Spanja ka individë që bëjnë diferencën në çdo moment. Spanja ka lojtarët më të mirë, por ne gjithmonë do të dalim në lojën tonë, sepse çdo minutë në kombëtare nuk përsëritet sepse është fat të luash ndaj Spanjës dhe Italisë dhe të bësh gjëra pozitive”, u shpreh Lila.
Të flasësh për rezultat përballë Spanjës nuk është utopi dhe mbrojtësi 31-vjeçar po pret me padurim sfidën në Alikante. “Në çdo ndeshje, jo vetëm me Spanjën, çdo lojtar duhet të japë 200 për qind. Si në ndeshje të tjera me ekipe të forta. Spanja është ndër ekipet më të forta se ka qenë kampione bote dhe Europe. Nevojiten të gjithë komponentet lart për rezultat. Ne do të bëjmë më të mirën për të dalë nga fusha me kokën lart. Edhe Spanja si ndeshjet e tjera vlen tre pikë. Edhe lojtarët vetë e presin me shumë dëshirë këtë ndeshje të madhe dhe trajneri po e përgatit shumë mirë dhe shumë qetë. Presim me padurim të premten që të luajmë”, tha ai.
E ndërsa pohon se ashtu si me De Biasin, skuadra ndihet shumë mirë edhe me trajnerin Panuçi, Lila e pranon që ëndrra e kuqezinjve drejt Kupës së Botës u vështirësua nga fakti që shorti i vendosi në kualifikuese përballë dy skuadrave kampione të botës. “Fati jo i mirë që na qëlluan në grup dy skuadra të nivelit të jashtëzakonshëm dhe duke llogaritur ndeshjen me Izraelin që ishte e çuditshme, normale që nuk ishte entuziazmi i periudhës së kualifikimit të Europianit kur ia dolëm. Por ne mundohemi të lëmë gjurmët tonë në kombëtare, vijmë këtu të japim më të mirën, të ndihmojmë skuadrën dhe që Shqipëria të ecë përpara. Kisha shumë dëshirë të ishim edhe ne pjesë e Botërorit, pasi përjetuam Europianin, që ishte gjëja më e bukur në karrierë. Por do të shohim përpara. Do të japim maksimumin në dy ndeshjet e fundit dhe do të shijojmë çdo minutë”, tha Lila.
Me pozitivitetin që e karakterizon, Andi Lila është optimist se Shqipëria do të arrijë të marrë rezultat në dy ndeshjet e fundit, madje parashikon fitore përballë Italisë në “Loro Boriçi”. “Një pikë? Mendoj që në Shkodër mund të marrim tre pikë. Por, ne do të hyjmë në fushë të japim maksimumin. Siç e dinë të gjithë do të jenë dy ndeshje shumë të vështira, por nuk do të jemi inferiorë ndaj askujt. Nuk kemi çfarë të humbasim. Personalisht jam optimist se do të marrim rezultat, madje tre pikët e plota ndaj Italisë, për të shkruar historinë se kemi fituar përballë një kampioni të botës. Ne kemi tifozët më të mirë. E treguam në Europian se kush ishim dhe ndryshuan opinion për ne si popull. Kur hyj në fushë mundohem të jap 20 për qind edhe për tifozët. Ata na kanë mbështetur gjithmonë në çdo moment dhe i jam shumë mirënjohës. Do t’i thoja të vazhdojnë me këtë rritëm sepse janë më të mirët”, përfundoi Lila.
Ndërkohë, trajneri i Spanjës, Julien Lopetegui, ka befasuar jo pak në një intervistë të fundit të dhënë për “Radio Marca”, teksa ka folur për ndeshjen e radhës kundër Shqipërisë më 6 tetor. “Ata arritën që të kualifikoheshin me krenari në Kampionatin Europian dhe ishte e vështirë për ne që të fitonim ndaj tyre në ndeshjen e parë. Shqipëria meritonte që të fitonte ndaj Italisë, kanë një ekip me talente, shumë fizik dhe taktik”, u shpreh trajneri spanjoll.

Si e kanë bllokuar deputetët e PD foltoren e Parlamentit

Proteste në Lekaj kundër Landfillit

Qindra banorë në Lekaj janë hedhur në protestë kundër ndërtimin të Landfillit. Banorët thonë se Landfilli po ndërtohet në shkelje të ligjeve në fuqi. Deri para 3 javësh e planifikuan (perseri në shkelje të ligjit) në Gose, por pas 3 protestave të mëdha te banoreve, tani po e cojne ne Lekaj. Perfaqsuesi i qeverise deklaroi qe num do behet se kish folur me ministrin Ahmetaj qe qenka edhe deputet i zones, por mbeti pa tekst kur i treguam letren me firme dhe vulë të kreut të bashkisë qe tregon qe do ndertohet ne Lekaj, dhe për më tepër Rajonal, pra të mbledhe mbetjet edhe te qarqeve Fier dhe Elbasan. Banoret janë të irrituar me keto vendim-marrje të kundraligjshme.

Berisha deklaron: Kjo mazhorancë largohet para Dhjetorit

Former Albanian prime minister Sali Berisha speaks to the media outside Parliament in Tirana, Albania, Thursday April 21, 2016. Berisha, has called on Albanians to arm themselves because the government is failing to confront crime. Gun ownership is illegal in Albania and calls to break the law could result in a 10-year jail sentence. (AP Photo/Hektor Pustina)

Ish-Kryeministri Berisha paralajmëroi se mazhorancën nuk e zë dhjetori, ndërsa deklaroi se krimi i organizuar ka marrë përmasa akoma më të mëdha se në Elbasan në qytetin e Shkodrës. Berisha akuzoi Ramën si kryekumbarin e Shqipërisë, duke i kujtuar lidhjet me krimin e organizuar dhe mbushjen e Parlamentit me vrasës dhe kriminelë.
“Së pari, ftoj mediat që të fokusohen me të gjithë potencialin e tyre në luftën kundër krimit të organizuar pasi, po del e qartë si drita e diellit çdo ditë, se Shqipëria është në darën e tmerrshme, në sundimin e plotë të qeveritarëve të drogës, qeveritarëve të krimit. Në këtë kontekst dua t’ju them se, ajo që shpërtheu në Elbasan, dy herë mos të them tre herë më agresive është në Shkodër, qytet nga i cili po ikin biznesmenët, po i dorëzojnë krimit bizneset, sepse serial-killerat dhe trafikantët në Shkodër bëjnë ligjin në çdo sekondë të 24 orëshit. Vlorën e patë vetë në çfarë katandisje është. Më pyetët për deklaratën. Deklarata është kjo: Shqipëria ka një krye të meduzës së krimit të organizuar, dhe kreu i meduzës së krimit të organizuar është Edi Rama, dhe çdo deklaratë që i devijon kësaj absolutisht nuk e ndihmon luftën ndaj krimit, por përkundrazi në një farë mënyre i jep strehë atij që është koka e meduzës”, tha Berisha.
Ish-Kryeministri deklaroi se heqja e të drejtës së fjalës së opozitës në Parlament është një inkurajim për krimin e organizuar.
“Për mua, kryekumbara i Shqipërisë është Edi Rama, sepse kur ju kërkua të mos vendosë Artur Bushin e vendosi, është Edi Rama se shkoi dhe u tha shqiptarëve se burrë më të ndershëm se Elvis Rroshi nuk ka. Është Rama, që zhgërryhet ditë e natë me don Lalën, është Edi Rama që ka zonën e vetë elektorale Vlorën. Është Edi Rama që ato 5 vota që merr në Shkodër, i merr përmes bandave të krimit. Është Rama, që mbushi Parlamentin me vrasës, trafikantë, është Edi Rama, pasi familjarë të së cilit, i vëllai Olsi ka kaluar disa herë kufrin me makinën e famshme të kokainës që unë e denoncova në Parlament.
Nëse flasim për krimin duhet të flasim për Edi Ramën, nëse nuk flasim për Edi Ramën dhe krimin, ne atëherë mbrojmë Edi Ramën”, tha Berisha.

Paralajmërimi i Berishës për Ruçin dhe metodat hoxhiste

-Zoti Berisha, a mund të fokusohemi tek çështja e ditës që është Reforma Zgjedhore?

Faleminderit për pyetjen. Kjo shumicë po tregon, se dhjetorin, siç e ka nisur nga frika dhe tmerri, nuk e zë. Kanë frikë nga fjala. Çpo kërkon opozita? Po kërkon që ky komision, në dritën edhe të raportit të OSBE/ODIHR-it të mblidhen në diskutim, ndërkohë këta s’duan diskutim. Këta kanë frikë nga fjala. Gramoz Ruçi po fut në Parlament metodat e vjetra të Policisë Sekrete hoxhiste në drejtimin e saj. Dhe e paralajmëroj në mënyrën më serioze, të heqë dorë se janë absolutisht të patolerueshme.

-Votimi elektronik është i mundshëm?

Eshtë jetik për votën e emigrantëve, është jetik për votën e qetë të shqiptarëve, është plotësisht i mundshëm.

-Asnjë nga institucionet europiane nuk e kanë qejf, nuk e kanë konfirmuar…

Absolutisht e vërtetë kjo, që OSBE/ODIHR nuk e preferon shumë, nuk po i hyjë të shpjegoj se pse. Kjo është metodë që po vjen gjithnjë e duke u rritur, duke zënë vend më shumë. Aplikohet në një seri shtetesh si Anglia, Britania e Madhe.

-Një koment për platformën e Lëvizjes për Ringritjen e PD….

Unë nuk kam parë gjë, kam lexuar në media. Nëse është ajo origjinalja, i dorëzohet Kryesisë së PD, i dorëzohet PD dhe bëhen vlerësimet. Unë jam jashtë çdo funksioni nga PD siç e dini.

 

Basha-Ramës e Ruçit: Keni lepurin në bark, s’dini nga t’ia mbani, jeni ilegjitim

Ky biçim Parlamenti po degradon nga dita në ditë. Sot, ke në rendin e ditës çështjen më të rëndësishme të Shqipërisë dhe shqiptarëve, çështjen e zgjedhjeve. Opozita ka depozituar kërkesën për debat, ke emrat e folësve të opozitës.
Ju vini të papërgatitur për debat për një arsye të thjeshtë; sepse ju nuk e doni debatin. Dhe ti ngre kartonat këtu për t’i mbyllur gojën opozitës me kartona, por kjo nuk mund të ndodhë kurrë.
Mblidhni Konferencën e Kryetarëve tani. Opozita kërkesën e ka bërë konform rregullores. Ky Parlament nuk është pronë e mazhorancës, nuk është pronë e jotja, është pronë e qytetarëve shqiptarë dhe funksionon vetëm në bazë të rregullores dhe jo kartonëve që ngre ti këtu.
Prandaj, ndërpre tani seancën, mblidh Konferencën e Kryetarëve, konstato kush ka përgjegjësinë për këtë problem. E ke mbi tavolinën tënde listën e folësve të opozitës. Eshtë njoftuar tash 4 ditë debati parlamentar për zgjedhjet. Botërisht qytetarët po i ndjekin.
Ju keni lepurin në bark, s’dini nga t’ia mbani; se nga një anë keni ngjarjen e Elbasanit, nga tjetra anë keni rrugën e “Elbasanit”. Po ky është problemi juaj. Problemi i shqiptarëve është se ju vini këtu me një mazhorancë fiktive, në aleancë me krimin, me një Parlament ilegjitim.
Kjo lojë, nuk mund të vazhdojë gjatë, ndaj mblidh Konferencën e Kryetarëve. Mos ngri kartonat bosh këtu. Ose përndryshe, bëhu përgjegjës për bllokimin total të punimeve të këtij Parlamenti.
Mblidh Konferencën e Kryetarëve tani!
Vendos për një afat të arsyeshëm debati. Nuk mund të shtyhet me një javë debati. Për një afat të arsyeshëm debati ne kemi propozuar orën 16:00, nëse ju duhet më shumë kohë të përgatiteni, merrni orën 18:00.
Por kjo seancë nuk mund të procedojë në shkelje totale të normave dhe rregullores së Parlamentit.
Eshtë në rendin e ditës, s’mund ta heqësh nga rendi i ditës ti, sepse ke ardhur i papërgatitur. Se kështu, i bie që për katër vite të shtysh debatin për një qëllim: t’i mbyllësh gojën opozitës.
Ne këtë nuk ta lejojmë Gramoz. Ndaj pezullo seancën, mblidh Konferencën e Kryetarëve. Mbani përgjegjësi.
Shqiptarët presin sot debatin. Dhe fakti që s’ju pëlqen, sepse këtë javë ka dalë raporti i OSBE/ODIHR-it dhe raporti i Këshillit të Europës që flet për dhunim, për shitblerje të votës, dhe përdorimin e grupeve kriminale, fakti që ju ndodh që gjithë Shqipëria është nën terrorin e bandave, nuk ju jep kurrë të drejtën t’i mbyllni gojën opozitës.
Përkundrazi, sot dhe jo nesër, shqiptarët meritojnë debat në këtë sallë. Ndaj ndërpres seancën, mblidh Konferencën e Kryetarëve.
Qytetarët meritojnë debatin, opozita është për të bërë debat dhe jo për të të bërë fresk ty.

Ministri i diktaturës përjashton opozitën nga Parlamenti, provokon përplasje

Ministri i fundit i krimeve të diktaturës Gramoz Ruçi ka përjashtuar kreun e opozitës nga Parlamenti pasi nuk ka lejuar zhvillimin e një debati parlamentar për zgjedhjet. Opozita ka kërkuar që para një jave seancën e debatit dhe në përputhje me rregulloren e Parlamentit seanca do të zhvillohej sot. Ruçi nuk ka lejuar zhvillimin e debatit duke zbatuar urdhrin e PS. Kjo ka sjellë edhe reagimin e Bashës, i cili ka deklaruar se Parlamenti nuk është pronë e PS. Ruçi ka kërkuar lirimin e Bashës nga foltorja. Kur kjo nuk ka nodhdur Ruçi ka ndërprerë seancën dhe me rifillimin e saj pas 5 minutash ka përjashtuar Bashën nga Parlamenti.

Faqja e pare

Arkivol Qazim Sejdinit në shtëpi

Një qytetar nga Elbasani i është drejtuar me një mesazh ish-Kryeministrit Berisha ku shkruan se, në qytet po qarkullon një lajm sikur kryebashkiakut Qazim Sejdini i kanë dërguar arkivol në shtëpi në shenjë hakmarrjeje. Ai shkruan se, ky që është arrestuar sot në Elbasan është thjesht një ushtar i bandës. “Në Elbasan klanet në thikë e në pikë! Qyteti gumëzhin se Don Lalës klani tjetër mafioz i ka dërguar arkivol në shtëpi?!?! Lexoni mesazhin e qytetarit dixhital!”, shkruan Berisha.
“Doktor mirëmbrëma. Po lexoj nëpër media sikur Policia në Elbasan ka arrestuar autorin e ngjarjes së 18 shtatorit, sikur u kap autori. Ky është një lajm sa për të bërë bujë, sepse autorët e vërtetë nuk janë kapur. Ata mbrohen nga Edi Rama dhe Qazim Sejdini. Këta që janë arrestuar janë thjesht ushtarë. Sa për Qazim Sejdinin, mikun më të ngushtë të Edi Ramës, sot në qytet po qarkullon një lajm sikur i kanë dërguar arkivol në shtëpi në shenjë hakmarrjeje për ato që ai ka bërë. Nuk dihet sa i vërtetë është ky lajm, por sot i gjithë Elbasani po flet për këtë ngjarje. Të gjithë e dinë në Elbasan që Qazim Sejdini ka shumëfishuar rojet dhe badiguardët”, shkruan qytetari nga Elbasani.

Prokuroria urdhëron arrestimin e ushtarit të bandës Çela në Elbasan

Një nga anëtarët e bandës “Çela” në Elbasan, u arrestua mbrëmë me urdhër të Prokurorisë. Enea Bekteshi u arrestua në Cërrik gjatë një operacioni, i cili u krye nën drejtimin e Krimeve të Rënda në Tiranë. Sipas burimeve të Prokurorisë, Enea Bekteshi, ka qenë në “Audin” e blinduar që goditi makinën e nëndrejtorit të Policisë në Elbasan, Gjergj Oshafi. Gjatë kontrollit në mjetin e tij është gjetur një sasi e lëndëve narkotike.
Enea Bekteshi dyshohet të këtë qenë anëtar i disa ngjarjeve kriminale. Bekteshi dyshohet se ka qenë në makinën tip “Audi” që goditi mjetin e nëndrejtorit të Policisë, para 2 javësh në Elbasan. Por Enea Bekteshi dyshohet se është pjesë e grupit të njohur si banda “Çela”, që disa muaj më parë, më 6 gusht 2017 qëlloi me antitank biznesin e fisit “Çapja”, hotel “Universin”.
Kapja e Bekteshit vjen dy ditë pas deklaratave të forta të ambasadorit amerikan Donald Lu, se vendin e drejtojnë katër klane dhe 20 familje mafioze.

Prokuroria kërkoi të përgjohet banda Çela, policia refuzoi

Prokuroria i ka kërkuar policisë që ta vinte në përgjim Enea Bekteshin, si pjesë e një bande të rrezikshme kriminale në qytetin e Elbasanit, por policia refuzoi me pretendimin se punonjësit e policisë janë me pushime. Pak ditë më parë u publikua nga “ABC News” një foto e një makine të djegur në qytetin e Elbasanit, e cila sipas policisë, dyshohet se u përdor mbrëmjen e 6 gushtit për të qëlluar me antitank, drejt banesës së familjes Çapja. Siç duket edhe nga fotoja, makina nuk është shkrumbuar plotësisht, duke lënë gjurmë brenda në kabinë, të cilat janë të vlefshme për ekspertët e Policisë Shkencore.
Automjeti luksoz, një BMW X3, sipas efektivëve ishte vjedhur në qytetin e Durrësit në fillim të gushtit, teksa rezulton pronë e një drejtuesi lokal të atij qyteti. Fillimisht, automjetit iu ndryshuan targat në unazën lindore të qytetit dhe më pas atentatorët përshkojnë të gjithë gjatësinë e saj, deri kur mbërrijnë tek objektivi.
Fatmirësisht, predha e antitankut, një armatim i rëndë lufte nuk ka shpërthyer. Ai u gjet nga policia në oborrin e shtëpisë dhe u çmontua nga forcat xheniere. Vetëm pak çaste pas ngjarjes, automjeti i vjedhur në Durrës u gjet i djegur afër Spitalit Psikiatrit “Sadik Dinçi”, rreth 500 metra larg vendit të ngjarjes.
E gjithë kjo histori e denjë për filmat hollivudian u mbajt e fshehtë nga organet e rendit. Policia e Elbasanit nuk dha asnjë njoftim në komunikatën e përditshme, siç ndodh rëndom për ngjarje me arrestime të drejtuesve të automjeteve në gjendje të dehur, apo motoçikleta pa dokumente.
Menjëherë për këtë ngjarje të rëndë, Prokuroria urdhëroi që nga data 11 deri më 26 gusht të mbaheshin nën përgjim, ambiental, fotografik, filmik dhe me audio, Sokol Sanxhaktari, Enea Bekteshi dhe Kelmend Xhaferri. Pavarësisht kërkesës së Prokurorisë së Elbasnit për të mbajtur nën mbikëqyrje personat e lartpërmendur, Policia e Shtetit ka kthyer këtë përgjigje në organin e akuzës. “Nga ana e sektorit të forcës së posaçme, nisur nga dinamika e madhe me shërbime në funksion të procedimeve penale në ndjekje dhe numrit të limituar të ndihmës specialistëve si pasojë e ndjekjes së grafikut të pushimeve vjetore, është e pamundur kryerja e veprimeve të vëzhgimit të fshehtë të personave dhe mjediseve në këtë periudhë kohore”.
Kelmend Xhaferri u prangos në tregun Agro-Ushqimor më 18 shtator, kur u godit makina e nëndrejtorit të Policisë, pasi lëvizte gjatë gjithë kohës me eskortë, ndërsa për dy të tjerët, Policia nuk jep asnjë të dhënë. Në momentin e prangosjes, Xhaferri kishte në përdorim një automjet tip “Range Rover”, ndërsa pas tij qëndronte një “Audi A8” i blinduar. Aktualisht, pas hekurave për ngjarjen e 18 shtatorit qëndrojë vetëm Ledio Zabeli dhe roja i objektit të tregut, Valmir Dedja. Ndërsa ndaj Kelmend Xhaferrit, Gjykata e Krimeve të Rënda urdhëroi qëndrim me arrest shtëpie.
Ndërkohë, autori kryesor i sulmit ndaj Policisë në Elbasan, Suel Çela, është larguar jashtë shtetit nga Aeroporti i Rinasit me ndihmën e Policisë. Denoncimi u bë një ditë më parë nga një oficer policie, i cili i është drejtuar me një mesazh ish-Kryeministrit Berisha. Oficeri i Policisë së Elbasanit shkruan se, Suel Çela është larguar jashtë shtetit që natën e 18 shtatorit, pasi sulmoi me makinë nëndrejtorin e Policisë së Elbasanit. Ai bëri të ditur se, Çela është përcjellë nga Policia në Aeroportin e Rinasit. Biznesmeni Petrit Çela është mik i afërt i kreut të Bashkisë së Elbasanit, Qazim Sejdini dhe kryeministrit Rama. Banda e drejtuar nga djali i tij dhe dhëndri i kreut të Bashkisë detyruan qytetarët që të votojnë për Partinë Socialiste në zgjedhjet e 25 qershorit.

R.POLISI

1...6 3616 3626 363...8 277Faqja 6 362 nga 8 277

Kryesore

Continue to the category
Më shumë
© 2024 Rilindja Demokratike Euroatlantike