Luan prej 8 vitesh me skuadrën që po dominon futbollin azer, por për herë të parë të mërkurën në mbrëmje shijoi emocionet e një kompeticioni prestigjoz si Champions League. Mbrojtësi kuqezi, Ansi Agolli debutoi në Baku me skuadrën e Qarabag në Champions League, pasi u rikthue në skuadër pas një dëmtii disajavor që nuk e lejoi të zbriste në fushë disa ditë më parë në “Stamford Bridge” ndaj Chelseat. Gjithsesi, 34-vjeçari i indur në Tiranë e pranon se rikthimi në fushën e lojës në një ndeshje kaq të rëndësishme ishte vërtet emocionuese.
Edhe pse në vitet e fundit të karrierës, Agolli ka arritur të përjetojë emocione kaq të mëdha vetëm gjatë vitit të fundit ku ka fituar gjithçka në Azerbajxhan dhe është gjithshtu pjesëmarrës në kompeticionin europian. Mbrojtësi shqiptar e pranon se po kalon momente të rëndësishme.
Nga Azerbajxhani në Kombëtare. Për Agollin ky do të jetë një muaj i ngjeshur, por ai është përherë gati dhe në radhën e parë për t’i dhënë një dorë edhe skuadrës kuqezi. Fillimisht, Italia dhe më pas Spanja. 34-vjeçari nuk vendos objektiva, por thekson se skuadra do të japë më të mirën për të marrë maksimumin nga këta dy kundërshtarë të vështirë.
Agolli rrëfen emocionet e debutimit në Ch. League
Barcelonës i mjafton një autogol
Barcelona konfirmohet në kreun e grupit në Ligën e Kampioneve me pikë të plota pas dy ndeshjeve të para. Por nëse ndaj Juventusit katalanasit shkëlqyen me një lojë spektakolare, ndaj Sporting Lisbonës ata thjesht bënë detyrën dhe siguruan tri pikët vetëm falë një autogoli të Koates.
Sportingu i bëri rezistencë ekipit të Valverdes, duke mos e lënë të luante lojën e rrjedhshme të tij. Ndaj Barcelona e kishte të vështirë të gjente rrjetën në këtë ndeshje. Gjithçka u zgjidh me episodin e fillimit të pjesës së dytë, kur Koates devijoi në portën e vet një goditje dënimi nga e djathta.
Në takimin tjetër, heroi i mbrëmjes ka qenë Gonzalo Higuain, i cili ka treguar se është ende shumë i vlefshëm për Juventusin, pavarësisht kritikave për “krizën e golit”. Alegri kishte lënë argjentinasin në stol në duelin kundër Olimpiakosit, duke e aktivizuar në minutën e 60, meqë skuadra e tij nuk po gjente dot rrugën e rrjetës. Higuain iu deshën pak minuta që të gjente portën e ekipit grek, ndërsa më pas ishte Manxhukiç që vulosi rezultatin përfundimtar 2-0.
PSG turpëron Bayernin
Milionat e Paris Saint Germain shkëlqejnë në Champions League. Parizienët e Unai Emery dominuan Bayern Munich, që u duk një skuadër e vogël përballë yjeve të ekipit francez. Treshja e ëndrrave Neymar-Cavani-Mbappe ishte thjeshtë fantastike, duke vallëzuar mes mbrojtësve të Bayern-it. Në minutën e 2-të Dani Alves i shërbyer nga Neymar mposhti Ulreich për avantazhin e Parisit. Bayerni shpërdoroi shumë raste për të barazuar shifrat dhe në minutën e 31-të, Cavani i asistuar nga Mbappe shënoi edhe të dytin. Fitorja e Paris Saint Germain dhe vendi i parë në grupin B pas 2 ndeshjeve të para u vulos nga goli i Neymar në të 63-ën. Në sfidën tjetër të këtij grupi kishte festë për Celtic Glasgow që mposhti me shifrat 3-0 brenda në Bruksel, Anderlechtin me finalizimin e Griffits dhe autogolin e Kara dhe golin në sekondat e fundit të Sinclair.
Në grupin C, Chelsea regjistroi një fitore të madhe, duke hedhur një hap të sigurtë drejt kualifikimit në fazën tjetër. Një gol i Batshuayai në minutën e 94-ën, la me gisht në gojë Diego Simeonen me Antonio Conten fitoi duelin me rivalin e tij. Në Ëanda Metropolitana përfundoi me suksesin 2-1 me përmbysje të Bluve të Londrës që u ngjitën në kuotën e 6 pikëve dhe kryesojnë bindshëm grupin C. Golit të Griezmann nga pika e bardhë e penalltisë iu përgigj Alvaro Morata përpara se të vinte finalizimin me vlerën e tre pikëve që mban firmën e beglut Mitchy Batshuayi. Në orën 18-të, në Baku, Qarabagut nuk i mjaftoi rikthimi në fushë i Ansi Agollit për të ndalur Romën që triumfoi me shifrat 1-2. Manolas dhe Dzeko në 15 minutat e para shënuan 2 herë për verdhekuqtë, ndërsa rrjeta e Pedro Henriques vetëm sa rihapi sfidën.
Në grupin D fitore për Barcelonën dhe Juventusin. Një autogol i Coates i mjaftoi blaugranave për të mposhtur në Lisbonë Sportingun vendas. Në Torino, ndërkohë bardhezinjtë morën fitoren e parë falë suksesit 2-0 ndaj Olympiacosit. Higuain i ardhur në fushë nga stoli dhe Mandzukiç ishin autorët e golave për skuadrën e Alegrit.
Në grupin A fitore të thella për Manchester United dhe Baselin. Në Moskë, formacioni i Jose Mourinhos kaloi 4-1 Cska-në e Moskës, duke marrë fitoren e dytë në grup. Lukaku, Martial me penallti dhe sërish Lukaku, shënuan në pjesën e parë për United, ndërsa Mkhitaryan e çoi rezultatin në 0-4 në fraksionin e dytë. Në fund kishte vend edhe për golin e nderit të skuadrës ruse që u realizua nga Kuchaev. Në St Jakob Park Baseli me Taulant Xhakën në fushë që u ndëshkua sërish me karton të verdhë shpartalloi Benficën me rezultatin e thellë 5-0. Lang hapi serinë e golave që në minutën e 2-të, ndërsa Oberlin i çoi shifrat në 2-0 në të 20-tën. Ricky Van Vonsëinkel nga pika e bardhë e penalltisë, sërish Oberlin dhe më pas Rivieros fiksuan shifrat përfundimtare të këtij takimi në 5-0 me Baselin që zhyti në krizë Benficën, duke marrë tre pikët e para.
Përçarjet e reja në SHBA
Provokuesit rusë në internet po e shfrytëzojnë kundërthënien lidhur me protestat e lojtarëve zezakë amerikanë kundër dhunës policore për t’i thelluar përçarjet në Shtetet e Bashkuara, ka thënë senatori, James Lankford, republikan nga Oklahoma, anëtar i Komitetit të Inteligjencës së Senatit amerikan.
Duke folur mbrëmë në një dëgjim, ai theksoi se shfrytëzuesit e paguar të mediave sociale, të cilët ai i ka quajtur si “djaj”, duke i mbështetur të dy palët e debatit të nxehtë publik, që filloi ditëve të fundit pasi disa lojtarë zezakë të futbollit amerikan, në shenjë proteste kundër incidenteve të raportuara të dhunës policore kundër personave të dyshuar zezakë se kanë bërë krime, janë gjunjëzuar derisa është ekzekutuar himni kombëtar i Shteteve të Bashkuara, gjatë së cilit rregullisht njerëzit ngriten në këmbë në shenjë nderimi.
Presidenti amerikan, Donald Trump, gjatë ditëve të fundit i ka kritikuar lojtarët, duke thënë se “nuk e kanë respektuar vendin tonë” dhe u ka bërë thirrje pronarëve të ekipeve të Ligës Kombëtare Futbollistike, që t’i përjashtojnë ose suspendojnë futbollistët, të cilët kanë qëndruar në gjunjë.
Senatori Lankford tha se provokuesit rusë, për të cilët ndihmësit në Kongresin e Shteteve të Bashkuara thonë se ishin detektuar nga agjencitë e inteligjencës amerikane dhe i kishin informuar anëtarët e komitetit, nuk po anojnë për asnjërën palë në këtë mosmarrëveshje, por po synojnë ta rrisin zemërimin e shprehur nga njerëzit e të dy grupeve.
“Ata u drejtoheshin të dy palëve gjatë fundjavës së kaluar dhe janë përpjekur në mënyrë djallëzore për ta shtuar nivelin e zhurmës në Amerikë dhe për ta zmadhuar këtë çështje që të duket shumë më e madhe”, tha senatori Lankford gjatë dëgjimit në Komitetin e Sigurisë së Brendshme dhe të Punëve Qeveritare në Senatin e Shteteve të Bashkuara.
Komiteti i inteligjencës i Senatit është njëri prej disa paneleve të Kongresit, që po zhvillon hetime për përpjekjet e dyshuara ruse për të ndikuar në zgjedhjet presidenciale të vitit të kaluar në Shtetet e Bashkuara.
Ndihmësit në Kongres thanë se hetuesit kanë gjetur dëshmi se përpjekjet për ndikim kanë vazhduar edhe këtë vit.
Rusia i ka hedhur poshtë pohimet se janë bërë çfarëdo përpjekjesh për të ndikuar në zgjedhje ose në debatin publik.
Hetuesit privatë, të cilët e gjurmojnë propagandën ruse dhe fushatat e dezinformimeve, thanë se akuzat e senatorit Lankford janë të besueshme.
Një faqe në internet e themeluar së bashku nga hetuesit që punojnë për Aleancën për Sigurimin e Demokracisë, i cili është projekt dypatriak transatlantik për ta kundërshtuar fushatën e dezinformimeve ruse, i tregon postimet në Twitter, që i mbështesin të dy palët e debatit futbollistik nga profilet e ndryshme, për të cilat thuhet se ishin përdorur për ta përhapur propagandën ruse në rrjetin Twitter.
Clint Watts, kërkues që ka ndihmuar në krijimin e kësaj faqeje që e gjurmon propagandën ruse në mediat sociale, i tha agjencisë “AP” se fushata e përshkruar nga senatori Lankford, është e ngjashme me fushatat propaganduese, të cilat ishin mirë të dokumentuara, sikur ajo që ishte shfrytëzuar në rrjetin Facebook, për të përhapur mesazhe në favor dhe kundër lëvizjes Jetët e Zezakëve Janë të Rëndësishme.
Zoti Watts tha se përpjekjet e fundit të propagandës ruse janë të ngjashme me fushatat “me masa aktive” të periudhës ish-sovjetike, kur Moska ishte angazhuar në luftën informative të paraparë për t’i destabilizuar demokracitë perëndimore nga brenda.
“Qëllimi është që të shkaktojnë përçarje në Amerikë”, tha Wattts.
Njëherësh, Komiteti i Inteligjencës në Senat dhe ai në Dhomën Përfaqësuese të Shteteve të Bashkuara, kanë kërkuar nga kompanitë gjigante teknologjike, siç janë Google, Facebook dhe Twitter, që të flasin për përvojat e tyre me organizatat ruse, që postojnë shpallje në rrjetet e tyre, gjatë një dëgjimi publik në javët e ardhshme.
Trump, ulje historike taksash, do t’i shtojë arkës 2.2 trilionë dollarë
Presidenti Donald Trump po promovon një plan republikan për reformimin e sistemit të taksave. Ai thotë se plani i ri do të lehtësojë nga taksat e rënda klasën e mesme amerikane dhe korporatat.
Presidenti Donald Trump zbuloi disa nga detajet e planit përpara një turme entuziaste në Indianapolis, të shtetit Indiana.
“Po eliminojmë disa ulje taksash prej të cilave deri më tani përfitojnë kryesisht më të pasurit. Po i japim gjithashtu Kongresit fleksibilitetin që të vendosë një taksë më të lartë për më të pasurit, në mënyrë që të përfitojnë njerëzit e punës. Gjithashtu, po e thjeshtëzojmë sistemin e taksave, duke e bërë atë të drejtë dhe të lehtë për t’u kuptuar”, tha Presidenti Donald Trump.
Presidenti Trump shtoi se ulja e taksave për korporatat do të tërheqë investime të huaja. Ai thotë se sipas sistemit të tanishëm, shumë kompani të huaja e shmangin biznesin në Amerikë për shkak të taksave të larta.
Presidenti nuk sqaroi se me cilat fonde do të mundësohet ky shkurtim i taksave. Sipas organizatës jopartiake Komiteti për një Buxhet të Përgjegjshëm Federal, reforma e taksave mund t’i shtojë 2.2 trilionë dollarë borxhit kombëtar amerikan gjatë 10 viteve të ardhshme.
Trump, mbështetje të plotë Porto Rikos
Presidenti i SHBA, Donald Trump tha se ishujt amerikanë të shkatërruar nga uragani Maria po marrin ndihmë masive. Duke folur në një konferencë të përbashkët shtypi me Kryeministrin spanjoll Mariano Rajoy, Presidenti Trump tha se administrata e tij po bën gjithçka është e mundur për të ndihmuar viktimat e stuhive dhe hodhi poshtë zërat se ai kishte humbur përqendrimin nga grindjet me lojtarët e ekipeve të futbollit amerikan që kanë protestuar gjatë ekzekutimit të himnit kombëtar para fillimit të ndeshjeve. Presidenti planifikon të vizitojë Porto Rikon dhe Ishujt e Virgjër javën e ardhshme për të inspektuar operacionet e ndihmave në këto rajone.
Uragani Maria e ka lënë Porto Rikon pa energji, ujë të pastër dhe aftësi komunikimi. Ishullit i kanë mbaruar furnizimet me ushqim, karburant dhe ilaçe në një kohë kur spitalet janë të mbushura me njerëz si asnjëherë më parë.
“Nuk e di nëse keni qenë në të gjithë vendin, por kjo është diçka e pabesueshme, krizë në mbarë vendin”, thotë Dr. Victor Grillo, mjek në spitalin e Lozias.
Disa njerëz kanë pritur në aeroportin e San Juan-it që nga java e kaluar për një fluturim jashtë ishullit, duke përfshirë edhe këtë grua që ka nevojë për insulinë.
“Këtu nuk ka akull, nuk ka asgjë për të më ndihmuar që ta mbaj insulinën në një vend të sigurt”, thotë Susana Garner, banore e Porto Rikos.
Presidenti Trump të martën u përpoq t’u kundërvihej kritikëve, të cilët thanë se administrata e tij ka lënë pas dore territoret amerikane të goditura nga stuhia.
“Në çdo orë po dërgojmë sasi masive furnizimesh me ujë dhe ushqime në Porto Riko. Kjo nuk është një situatë e ngjashme me atë në Florida ose në Teksas, ku ne mund të shkojmë dhe të shpërndajmë ndihma në terren. Ju e dini këtë, ne jemi në mes Oqeanin Atlantik. Është e vështirë”.
Presidenti të martën u takua edhe me zyrtarë të emergjencave, të cilët më vonë u thanë gazetarëve se flotilje me furnizime dhe personel janë dërguar në ishull për të trajtuar krizën humanitare në rritje.
“Mijëra punonjës federalë nga FEMA, Departamenti i Mbrojtjes dhe agjencitë e tjera federale janë në Porto Riko dhe në Ishujt e Virgjër të Shteteve të Bashkuara duke mbështetur guvernatorët e tyre në operacionet për rimëkëmbjen nga kriza”, tha Elaine Duke, zyrtare e Departamentit të Sigurisë.
Guvernatori i Porto Rikos, Ricardo Rosello gjithashtu mbrojti Presidentin Trump, ndërsa po vizitonte një qendër të prodhimit të gazit pranë portit të San Juan-it. Ai tha se kishte folur me presidentin dhe ishte siguruar se ai ishte i angazhuar për të ndihmuar ishullin.
“Unë jam i bindur se ai është i shqetësuar nga situata këtu dhe presim plotësisht mbështetjen e tij. Ai ma ka bërë të qartë këtë, kështu që përsëri unë dëshiroj ta falënderoj atë për veprimin e shpejtë në trajtimin e disa prej këtyre përpjekjeve”.
Ndërsa portet dhe aeroportet e Porto Rikos po rikthehen në funksion me kapacitet për të pranuar më shumë anije mallrash dhe aeroplanë, shpërndarja e ndihmës pritet të përshpejtohet.
Por rreziku nga uragani Maria ende nuk është larguar. Stuhia po lëviz në veri, përgjatë brigjeve lindore të Shteteve të Bashkuara, duke shkaktuar përmbytje në Karolinën e Veriut dhe duke detyruar evakuimet nga disa zona bregdetare.
Olsi Rama në makinën e transportit të kokainës AA 635 DM, Ruçi i ndërpret fjalën Berishës
Ish-Kryeministri Berisha ka denoncuar në Parlament skandalin e përfshirjes së Olsi Ramës në makinën e transportit të kokainës, duke treguar edhe datat që i përkasin vitit 2014. Menjëherë sapo Berisha ka denoncuar skandalin, Berishës i është ndërprerë fjala nga Gramoz Ruçi. Gjithçka ka qenë e kalkuluar edhe pse Berisha nuk kishte mbushur minutazhin.
“Edi Rama je koka e krimit dhe tani më lejoni të lexoj disa dokumenta. Ekziston një makinë me targë AA 635 DM. Kjo makinë është makina e transportit të kokainës, Vasilika, shko pyet në ose thuaji kësaj asistentes tënde që është bërë ministre Drejtësie të të sjellë dokumentat që kush ka qenë brenda. Cilët kanë qenë pasagjerë të kësaj makine, të përshtatur për transport kokaine kanë qenë Genci Kasem Xhixha, djali i sponsorizueses kryesore të Edi Ramës, ndrikullës që punonte te Rama dhe mikut të tij, pasagjer tjetër ka qenë Ermal Ilir Hoxha, pasagjer tjetër Gentjan Hasan Gjonaj, dhe pasagjer i katërt, i rregullt i saj ka qenë Olsi Kristaq Rama. Datat që kanë udhëtuar janë: 08.06.2014/ 11.07.2014/ 06.06 2014/ 11.07.2014. Ti je koka e krimit, ndaj dhe krimi nuk luftohet pa luftuar kokën e tij.
Opozita po i bën gjyqin publik sundimit të krimit në Shqipëri, asaj që politologët e njohin si banditokraci, atij regjimi që është bërë fakt i kryer këto 4 vite. Në përkufizimet e diktaturave, mobokracia apo banditokracia vlerësohet si forma më e shëmtuar e të gjitha regjimeve. Nuk kam ndërmend këtu të citoj burimet e pafundme ndërkombëtare, të cilat u cituan këtu gjërësisht nga kolegët e mi në fjalën e tyre. Por unë do të ndalem vetëm në materien e kësaj toke, vetëm të dhënat për t’u faktuar shqiptarëve se Edvin Kristaq Rama është kaput meduza, koka e meduzës së krimit të organizuar në Shqipëri. Është nëna e nënave të krimit. Edvin Kristaq Rama ka instaluar këtu, atë që një ekspert i madh ndërkombëtar do ta quante narkoshteti, apo shtetin e dytë në botë pas Panamasë, shtetin e drogës.
Kurrë ndonjëherë në historinë e shtetit nuk ka ndodhur, që në 1 javë, narkobandat të godasin Policinë e Shtetit 4 herë; në Bathore, Tiranë, Elbasan dhe Lezhë. Po narkobandat janë me fletë, sepse kanë me vete më të madhin, kanë me vete Noriegën, kanë me vete kreun e meduzës së krimit të organizuar.
Hakiu ka çelësat e kashtës dhe të drogës, se çelësat e krimit i ka Edi Rama. A nuk është Edi Rama që mbushi këtë Parlament për herë të parë me kriminelë, me vrasës, përdhunues. A nuk është Edi Rama që përcolli Arben Frrokun, nga Puka jashtë 1 dite para se të merrte vendimin për jetë. A nuk është Edi Rama që doli para shqiptarëve, me një korbë në krah, nënën e një superkrimineli që kishte vrarë katër njerëz të pafajshëm, pa i adresuar një ngushëllim të vetëm nënave të viktimave, të cilat superkrimineli i partisë i veshi me të zeza brenda gjysëm ore.
A nuk është Edi Rama, ai që fshehu për muaj të tërë kërkesën për ekstradim të vrasësit horror Mark Frroku në Belgjikë. A nuk është Edi Rama që ndërseu përdhunues në këtë Parlament për të goditur deputetin e opozitës. Pse merreni me krimin?! Ja ku është krimi, ja ku është nëna e krimit, ja ku është kreu i meduzës.
Është e vërtetë që ne i kemi humbur zgjedhjet. Është e vërtetë se me bandat, me krimin dhe me paratë e krimit, ju keni këtë shumicë. Por mos harro se ne luftën do e vazhdojmë, kemi humbur betejën, por s’kemi humbur luftën. Ta dish mirë, që sot jemi 10 herë më të motivuar për luftën ndaj krimit se sa më parë. Sot është emergjencë, sot shqiptarët çdo ditë e më shumë e shohin, dhe falenderoj mediat, të cilat çdo ditë e më shumë po bëhen vokale kundër kësaj gjëme të madhe që i ka bërë Edi Rama Shqipërisë, duke vendosur këtu regjimin e krimit”.
Thaçi do të niset drejt Shtëpisë së Bardhë për t’u takuar me Pence
Presidenti i Kosovës Hashim Thaçi do të pritet së shpejti në Shtëpinë e Bardhë nga zëvendëspresidenti amerikan Michael Pence, njoftojnë zyrtarët në Prishtinë.
Zoti Thaçi do të kërkojë vazhdimin e mbështetjes amerikane për forcimin e pozitës ndërkombëtare të Kosovës, zhvillimin e saj ekonomik dhe integrimin e saj në institucionet euroatlantike, njoftoi zyra e Presidentit të Kosovës në faqen e saj online.
Presidenti Thaçi do të kërkojë edhe përfshirjen e SHBA në fazën e fundit të procesit të dialogut Kosovë-Serbi, si garanci për paqen dhe qëndrueshmërinë në rajon, tha zyra e tij.
Sot, Presidenti i Kosovës u prit në Vatikan nga Papa Françesku. Sipas zyrës së Presidentit të Kosovës, në bisedimet me Papën do të flitej për krijimin e Komisionit mbi të Vërtetën dhe Pajtimin dhe mbi procesin e normalizimit Kosovë-Serbi.
Kriza e thellë e së majtës në Europë
“Il Giornale”
Edhe zotat (e vetëshpallur) rrëzohen. Nuk flasim vetëm për udhëheqës politikë, por edhe për partitë e tyre.
Progresiste, natyrisht. Një katastrofë e vërtetë në vitin 2017. Është e vërtetë se ka një valë populiste në dhe rritje tani në çdo vend evropian, nga partitë e ekstremit të djathtë, por është po aq e vërtetë se ajo që del nga zgjedhjet me kocka të thyera, është gjithmonë e majta.
Rezultati i zgjedhjeve në Gjermani ishte vetëm konfirmimi më i fundit. Social Demokratët (SPD) kanë rënë në 20.5 për qind, rezultati më i keq i historisë së tyre (që deri tani ishte 23 për qindëshi i vitit 2009). “Një disfatë e rëndë”, siç u pranua nga udhëheqësi Martin Schulz. “Do të shkojmë në opozitë. Votuesit kanë folur qartë, nuk duan një koalicion të ri të madh”.
Ai ka të drejtë, por mbi të gjitha ata nuk duan të majtën në qeveri. Angela Merkel mbetet Kancelare, e ngarkuar me krijimin e një qeverie të re koalicioni, por Unioni i saj CDU-CSU ka marrë rezultatin më të keq që nga viti 1949. Ajo që është shpërblyer, është e djathta ekstreme, e cila në Gjermani, si kudo në Europë, e ka shumë të kollajtë të luajë kundër qeverive që përpiqen të hapin dyert për imigracionin.
Edhe Britania e Madhe, e cila shkoi në votime qershorin e kaluar, nuk e ka shpërblyer të majtën, duke konfirmuar qeverinë e partisë konservatore të Theresa Mayt. Laburistët e Jeremy Corbyn mbetën me gisht në gojë: shpresonin që duke vënë bast gjithçka, për qëndrimin e Mbretërisë së Bashkuar në Bashkimin Evropian, do të ktheheshin në rrugën e duhur.
Një diskutim më vete meriton Franca, ku për herë të parë në Republikën e Pestë, një president i larguar (socialisti François Hollande) ka hequr dorë nga mandati i dytë. Jo për shkak se ishte lodhur nga politika, por për të shanseve të ulëta (disa sondazhe i dhanë vendin e katërt prapa Marine Le Pen, Emmanuel Macron dhe François Fillon). Për më tepër, qeveria e tij ishte e mbushur me kriza, që nga menaxhimi i emergjencës terroriste tek politika e taksave, e deri te reforma e punës, e cila ka shkaktuar protesta të dhunshme. Rezultati? Një rënie e pashembullt e popullaritetit, që gjithashtu ka prekur rezultatin e zgjedhjeve për Eliseun. Partia Socialiste u mori një goditje të rëndë, me një rekord negativ historik: 6.3 përqind. Në vetëm pesë vie, socialistët kaluan nga presidenca, tek pothuaj zhdukja totale (ata morën pak më shumë se 2 milionë vota).
Por ky ka qenë një vit i zi pak a shumë kudo, për të majtën. Edhe në Holandë, ku votuesit shprehën vullnetin e tyre në mars, në zgjedhjet e fituara nga Mark Rutte i qendrës së djathtë (liberal konservator, i cili kreu një fushatë për të shkëputur vota nga Partinë e Lirisë e Geert Vilders, i cili kishte zgjuar politikën me luftën e tij kundër imigrimit, sidomos islamik). Por ajo që pagoi faturën, edhe këtu, ishte e majta. Partia e Punës (socialdemokratë) ka rënë nga 24.8 në 5.7 përqind, duke humbur 29 vende në parlament.
Për ta mbyllur me Spanjën, e cila votoi në vitin 2016, por në të vërtetë shtroi rrugën për humbjet e krahut të majtë evropian. Partia Socialiste është gozhduar në pak më shumë se 22 për qind, e mposhtur nga Partia Popullore e Mariano Rajoy. Morën fund kështu kohët e lavdishme të Zapateros.
Shkurt, në të gjithë Evropën fryn një erë e qendrës së djathtë, por nuk mund të thuhet se ajo ëstë triumfuese. Partitë nacionaliste dhe ekstremiste të së djathtës, në fakt, po rriten. Por lajmi i vërtetë është se partitë tradicionale të majtës po shemben përdhe.
Drejtori i Përgjithshëm i policisë përgjon diplomatët, Rama nis në Amerikë përgjuesin
Kryetari i PD, Basha ka denoncuar në parlament një skandal të rëndë duke akuzuar direkt Drejtorin e Përgjithshëm të policisë, Çako për përgjime të diplomatëve të huaj dhe kundërshtarëve politikë të Ramës. Basha ka denoncuar edhe një skandal tjetër atë të nisjes drejt Amerikës sot të njeriut që ka pasur kufjet e përgjimit të diplomatëve. “Njeriu i kufjeve të përgjimit është nisur sot drejt SHBA nga Rama për ti shpëtuar arrestimit që ishte bërë gati nga Prokuroria”, tha Basha.
Kryesore
Continue to the category
