Qeveria shpenzon çdo vit miliona euro për kompensime e dëmeve të shkaktuara nga përmbytjet. Për t’i dhënë fund këtij fenomeni Autoriteti i Mbikqyrjes Financiare në bashkëpunim me Bankën Botërore kanë hartuar një projekligj për sigurimin e detyrueshëm të banesave për Tërmetet dhe Përmbytjet.

Është siguruar nga “klan plus” një kopje e këtij drafti konfidencial, i cili parashikon që sigurimi i detyrueshëm i banesave do të bëjë të mundur mbulimin e kostos në raste përmbytjesh dhe tërmetesh.

Bëhet fjalë për banesat e hipotekuara ose banesat që kanë një certifikatë pronësie. Draft ligji thotë qartë se kompensimi i dëmit mund të refuzohet nga kompanitë e sigurimeve për objekte që nuk kanë respektuar kushtet teknike të ndërtimit ose janë modifikuar ose dobësuar nga ndërhyrjet në strukturë.

Po ashtu, Kompanitë e Sigurimeve mund të refuzojnë zhdëmtimin edhe për ato që nuk është ofruar informacion i saktë.

Qytetarët, sipas ligjit, do të paguajnë një tarifë të përvitshme dhe kjo do të vendoset në bazë të zonës së banimit dhe riskut që mbart.

I gjithë ky proces nga lidhja e kontratës me qytetarët e deri tek mbulimi i humbjeve financiare, mendohet paraprakisht të menaxhohet nga Qendra Shqiptare e Sigurimit nga Katastrofat që do krijohet Tiranë.

Një entitet juridik publik jo-fitimprurës, i cili vetë-financohet nga primet e sigurimit, me menaxhimin e pavarur, e krijuar ekskluzivisht për kryerjen e veprimtarisë së sigurimit të detyrueshëm të banesave.

Qendra e sigurimeve nga Katastrofat sipas draftit është menduar të qeveriset nga një bord prej 5 anëtarë jo ekzekutivë.

Anëtarët e Bordit miratohen nga AMF dhe një përfaqësues duhet të jetë nga Ministria e Financave, i cili do të veprojë si kryetar i Bordit Drejtues. Një përfaqësues nga Drejtoria e Emergjencave Civile, një nga Shoqata e Sigurimeve dhe një përfaqësues nga Banka e Shqipëri.

Kjo qendër do të krijojë një bazë të dhënash elektronike dhe policat e sigurimit do të shiten online, nga kompanitë e sigurimit të regjistruara në këtë Qendër. Vërtetimi nëse një qytetar e ka kryer apo jo sigurimin e detyrueshëm nga katastrofat do të kontrollohet në procedurat e aktit të pronësisë, abonimet e ujit dhe energjisë elektrike dhe procedurat e kredisë për strehim.

Sipas nenit 30, Sigurimi i Detyrueshëm do të jetë edhe kusht për hipotekimin e pronës. Drafti nuk parashikon shifra. Por aktualisht sigurimi i një vile me vlerë 100 mijë euro kushton 90 ose 100 euro, ndërsa për të siguruar një apartament me të njëjtën vlerë kushton 50 – 60 euro në vit.

Kryetari i PD, Basha ka komentuar deklaratën e ambasadorit amerikan Lu duke I dhënë të drejtë atij dhe duke I kujtuar se vetëm në 6 muajt e parë të këtij viti qeveria shpenzoi për bileta avionic dhe luksin e zyrave 16 milionë dollar. “Ambasadori ka të drejtë në mesazhin për të rinjtë: “Ju jetoni në demokraci. Ju duhet të kërkoni dhe nëse qeveria nuk ju përgjigjet, ju e rrëzoni atë. Kështu funksionon demokracia. Në demokraci, përgjegjësinë dhe pushtetin e keni ju”.
Ndërsa përgjigja për pyetjen që çdo shqiptar duhet t’i bëjë qeverisë, kur ajo refuzon të paguajë librat shkollorë nga buxheti, është e thjeshtë: Vetëm për gjysmën e parë të vitit, qeveria shpenzoi:
1. Për bileta/udhëtime rreth 2 milionë dolllarë.
2. Për Orendi/rikonstruksion zyrash: rreth 14 milionë dollarë.
Kaq pará janë të mjaftueshme për të siguruar librat shkollorë për të gjithë nxënësit e Shqipërisë.
Ashtu sic ka premtuar, Partia Demokratike do të depozitojë në Kuvend propozimin për të financuar nga Buxheti librat e shkollës për të gjithë fëmijët e Shqipërisë”, thotë Basha.

Ish-Kryeministri Berisha shprehet se, Rama refuzon marrëveshjen e re me FMN-në sepse po zëvendëson kreditë e kësaj marreveshje për ekonominë me paratë e drogës. Në një postim në Facebook Berisha shkruian: Noriega zëvendëson FMN me Kanabisin!
“Të dashur miq, Noriega nuk po firmos marrëveshje të re me FMN, ndonëse borxhi i Shqipërisë me çekun 1 miliard është sot 85% e GDP. Ai refuzon marrëveshjen e re me FMN sepse po zëvendëson kreditë e kësaj marreveshje për ekonominë, me paratë e drogës. Ky është një lajm jo i mirë për vendin! Paratë e drogës janë krim dhe vetëm krim”, shkruan Berisha.

Ish-kryeministri Sali Berisha ku publikuar videon e plotë të ngjarjes në Elbasan, ku policia u përplas me djalin e një biznesmeni në këtë qytet. Ai ka hedhur akuza të forta ndaj kryeministrit Edi Rama, duke e quajtur krim shtetëror fikjen e kamerave në disa vrasje të ndodhur këtë Elbasan.
Postimi i Berishës:
Krimi i organizuar ne Elbasan, si ne mbare Shqiperine eshte krim shteteror i organizuar!
Ne kater ngjarjet e pergjakshme qe kane tronditur qytetin, kamerat e sigurise te pushtetit pra te policise se shtetit dhe bashkise se qytetit, jane fikur me urdher per te mos filmuar aktet kriminale. Kjo do te thote se vete shteti fik kamerat duke thene: “Na falni pak se tani kemi oren e vrasjeve”!
Se dyti, mashtrimet dhe trillimet e shtetit per ngjarjen e fundit te vrasesit Suel Çela dhe bandes se tij, deshmojne qarte se fuqine e shtetit e kane narkobanditet, ndaj dhe policia duke ditur kete qendron gatitur para tyre edhe kur sulmohet zevendes drejtori i tyre.
Se treti, mungesa e plote e hetimit te krimeve deshmon se krimi eshte shteteror ndaj dhe nuk guxon njeri te hetoj ate.
Se fundi, kreu i meduzes se krimit te organizuar, Edi Rama gjithe paraditen nuk tha nje fjale te vetme per Elbasanin, u detyrua te thote vetem dy tre fjali te pergjithshme.
Me poshte keni nje video te plote te inaktivitetit absolut te policise naten e ngjarjes, i cili sipas disa te dhenave ka qene i urdheruar nga Tirana! sb

Ambasadori amerikan, Lu ka paralajmëruar një rrëzim të qeverisë Rama nga rinia në rast se ai nuk do t’i përgjigjet kërkesave të tyre. Thirrja e hapur është bërë gjatë një takimi që ambasadori amerikan ka pasur me të rinjtë në Rrëshen. Lu është shprehur se në demokraci pushteti ësht i tyre dhe në rast se qeveria nuk i përgjigjet atëhere rinia e rrëzon qeverinë. Ambasadori ka folur edhe për anëtarësimin e Shqipërisë në BE. Lu ka deklaruar se Shqipëria do ti bashkohet BE dekadën e ardhshme.

“Ju jeni në demokraci. Nëse kërkoni, qeveria duhet të përgjigjet, ose ju mund ta rrëzoni. Për shembull, në fillim të vitit shkollor, shumë njerëz, përfshirë opozitën, kërkan libra falas për nxënësit. Ky është një vend i vogël. Nuk është vend i pasur. Por është arsyeshme që qytetarët të kërkojnë nga qeveria t’u sigurojë para për të blerë libra për nxënësit e saj. Dhe kur qeveria thotë se nuk mundet ta përballojë, ju duhet t’i pyesini se si po paguajnë për godinat e bukura qeveritare, automjetet e tyre luksoze dhe udhëtimet jashtë vendit. Si demokraci, përgjegjësia dhe fuqia janë me ju”, është shprehur ambasadori Lu.