Çmimet e kripura të merkatos së kësaj vere kanë alarmuar UEFA-n që është vënë në lëvizje për t’u vënë fre klubeve që kanë shpenzuar apo planifikojnë të shpenzojnë shumë marramendëse.
Fair play financiar është një mekanizëm i ngritur nga ky institucion pikërisht për të ndalur çmendurinë e merkatos, por rregullat mund të ndryshojnë, pasi mesa duket, edhe ky mekanizëm po dështon duke parë rastet e fundit të merkatos së Manchester City apo edhe projektin e PSG për Neymar. Sistemi aktual i aplikuar në vitin 2011 synon rregullimin e bilanceve të skuadrave që kualifikohen në kupat europiane. Gjithçka bazohet në principin “shpenzon sa arkëton”, pa borxhe me klube apo persona të tjerë.
Llogaritë bëhen në fund të çdo 3-vjeçari dhe cikli aktual që mbyllet në vitin 2018 lejon deri në 30 milionë euro defiçit, por edhe këto në rastet kur justifikohen me shpenzimet për ekipet e grupmoshave. Klubet që nuk respektojnë limitin e shpenzimeve mund të skualifikohen nga UEFA, por i nënshtrohet edhe masave të tjera si gjoba dhe kufizime në merkato deri në momentin që bilanci financiar do të rikthehet në normalitet. Gjithsesi, pas 6 vitesh, UEFA e ka kuptuar se modeli fair play financiar kërkon modifikime të shumta. Presidenti Ceferin është njeriu kryesor që po ndërmerr disa iniciativa për të kufizuar shpenzimet e mëdha.
Një ide është taksa e luksit që bazohet në vlerën e shitjes dhe të pagës së lojtarëve. Shembull: Nëse një klub blen Messin për 100 milionë, atëherë duhet të paguajë 10 deri në 100% të vlerës për sistemin. I njëjti diskutim është edhe për pagën. Shumat që do të grumbullohen, do t’u shpërndahen klubeve në nevojë në liga të ndryshme europiane, por kjo formulë nuk është përcaktuar ende. “Tavani i pagës” është një tjetër pikë e rëndësishme e projektit të ri që nuk do të lejojë që një klub të kalojë tavanin e shpenzimeve për pagat e lojtarëve. Reduktimi i organikave është pika e fundit që synon të vendosë limitin e numrit të lojtarëve që mund të transferojë një skuadër gjatë dritares së merkatos, por edhe rregullimin e formulave të huazimit pasi në shumë raste huazimi i lojtarëve mbi 30 vjeç nuk ka logjikë.
UEFA përgatit projektin e ri
Transferimi i “çmendur”
As garancia që ka dhënë Pique në Twitter se, Neymar do të qëndrojë te Barcelona nuk i ka shuar zërat për një largim të mundshëm të brazilianit nga Katalonja. Mediat franceze këmbëngulin se marrëveshja mes lojtarit dhe PSG mund të finalizohet gjatë javës. Sheiku Al Khelaifi ka bërë me dije se është gati të paguajë klauzolën e largimit të sulmuesit që është plot 222 milionë euro dhe tashmë pritet vendimi i futbollistit që vazhdon të mbetet i dyzuar. Neymar ka përpara duarve një kontratë marramendëse. 5 vjet me 30 milionë euro në sezon dhe 40 milionë euro komision për të atin e lojtarit që është edhe agjenti i tij.
Një shifër që emiri i Katarit shpreson ta rikuperojë disi me të ardhurat nga shitja e fanellave dhe imazhi i Neymar për të mos u vënë në shënjestër të UEFA-s për shkak të fair play financiar. Por skenari i shitjes së Neymar nuk është fundi, por fillimi i një reaksioni zinxhir në të gjithë tregun europian të futbollistëve, pasi Barcelona synon ta shpenzojë shumën në rast të largimit të brazilianit. Juve dhe Napoli janë dy skuadrat më të rrezikuara në këtë rast pasi Dybala dhe Insigne do të ishin shënjestra të lehta për katalanasit që kërkojnë të afrojnë gjithashtu edhe talentin e Liverpoolit, Felipe Coutinho për të cilin kanë gati një ofertë faraonike.
Transferimi më i shtrenjtë i historisë, ai i Neymar te PSG, mesa duket është i destinuar të mbetet ëndrra e një nate vere. Kjo pasi objektivi i francezëve që janë gati të paguajnë klauzolën prej 222 milionë eurosh të brazilianit gjen si pengesë vendimin e marrë nga vetë futbollisti, Neymar. Vendimin e komunikon Gerard Pique, qendërmbrojtësi i Barcelonës që ka një rol prej lideri në dhomat e zhveshjes: “Se queda” , siguron Pique. “Qëndron” te Barcelona.
Pique e bëri lajmërimin nëpërmjet Twitter, shoqëruar me një foto ku shfaqet i përqafuar me Neymar, me një postim të shkurtër, por domethenës, “Qëndron”. Shtypi spanjoll normalisht përcolli menjëherë lajmin duke i dhënë goxha hapësirë. Te Barcelona mund të marrin frymë të qetë, e ndoshta edhe te Juventusi, duke qenë se Dybala konsiderohej si pasuesi i Neymar në “Camp Nou”.
Ndërkohë vjen edhe një lajm tjetër interesant, brenda pak javëve Neymar do të marrë pasaportën spanjolle. Lajmin e bën të ditur “Mundo Deportivo”, e përditshme katalanase. Diçka e tillë lejohet nga ligjet lokale, sipas të cilave pas dy vjet e gjysmë qëndrimi mund të marrësh kombësinë e dyfishtë, kërkesë e plotësuar prej kohësh nga Neymar që zbarkoi në Barcelonë në verën e 2013. Praktika e pajisjes me pasaportë ka nisur që një vit e gjysmë më parë dhe gjithçka pritet të mbyllet në shtator me ceremoninë e betimit. Pasi të jetë realizuar diçka e tillë, Neymar do të lironte te Barcelona një vend ekstrakomunitari, nga i cili mund të përfitojë futbollisti kolumbian Yerry Mina, i cili do të transferohet nga Palmeiras në janar te blaugranat.
Schalke përjashton Donis Avdiajn
Telashe në horizont për talentin shqiptar të Schalke 04, Dionis Avdiaj. 20-vjeçari është lënë jashtë listës së skuadrës që do të udhëtojë drejt resortit të Mittersill për arsye disiplinore. Sipas klubit nga Genselkirchen, Avdiaj do të stërvitet me skuadrën e të rinjve gjatë kësaj periudhe. Marrëdhëniet e tij me Blutë Mbretërorë janë krisur përfundimisht dhe këtë e konfirmon edhe drejtori Sportiv, Christian Heidel. Javën e shkuar ai nuk i kurseu kritikat ndaj sulmuesit duke e cilësuar jo korrekte sjelljen e tij.
“Fakti që trajneri nuk është i kënaqur me të e ka një arsye”, theksoi Heidel. Në miqësoren e dytë të zhvilluar ndaj Paderborn, trajneri i ri, Domenico Tedesco nuk e hodhi në fushë 20-vjeçarin për arsye disiplinore. Sipas numrit 1 të stolit, të gjithë lojtarët duhet të sillen si profesionistë dhe Avdiaj nuk e ka bërë një gjë të tillë, pasi nuk u bashkua me skuadrën në orarin e caktuar.
Edhe pse sulmuesi shqiptar u shfajësua duke thënë se ishte keqkuptuar, mesa duket, Schalke 04 ka vendosur të veprojë me dorë të hekurt, duke e nxjerrë jashtë projektit dhe me shumë mundësi edhe në merkato. Deri tani, Avdiaj ka luajtur 9 ndeshje me fanellën e Schalke 04 në Bundesliga duke shënuar edhe dy gola. Ai ka një kontratë që e lidh me këtë klub deri më 30 qershor të vitit 2019. Gjatë periudhës janar 2016-maj 2016 ai u aktivizua në formë huazimi te Sturm Graz ku shënoi 10 gola në 42 ndeshje të luajtura.
Dy ndeshje shumë të vështira për Shqipërinë
Trajneri i shpresave, Alban Bushi ka folur për mediat, ku i vlerësoi si tejet të vështira dy përballjet e radhës, ndërsa theksoi se do të dëshironte që skuadra të bënte të njëjtën lojë po ashtu si ndaj Estonisë, ndeshje në të cilën fitoren shpresave ia mohoi vetëm fati. “Pushimet janë shumë pak, por nuk mendojmë për pushimet, por për lojtarët sepse më 31 gusht nuk kanë ndeshje kampionati dhe nuk mund të jenë në gjendjen e tyre optimale”, tha ai.
Trajneri i kombëtares shpresa shton më tej se këto dy sfida do të jenë teste shumë të vështira edhe për faktin se kundërshtarët po luajnë aktualisht në kampionatet respektive. “Kemi marrë 30 lojtarë dhe në Irlandë do të vijnë vetëm 23. Besoj të jenë të gjithë në formë. Kemi kontaktuar me ta. Irlanda dhe Islanda do të jenë në formën më të mirë, por shpresoj të bëjmë më të mirën”, tha Bushi.
Barazimi me Estoninë në sfidën e parë eliminatore të Grupit 2 rezultoi një ndeshje e pafat për kuqezinjtë, por Bushi kërkon nga skuadra që të tregojë të njëjtin shpirt gare në fushë edhe për dy ndeshjet e radhës.
Napoli “Jo” Juventusit për Hysajn
Elseid Hysaj është idhull te Napoli, jo vetëm për atë që jep në fushën e lojës, por mbi të gjitha për besnikërinë e shfaqur ndaj fanellës. Krejt e kundërta e Gonzalo Higuain, që zgjodhi të transferohej te rivalët e Juventusit. Edhe mbrojtësi shqiptar përfundoi në radarët e bardhezinjve gjatë kësaj vere, por vendosi të mos e merrte në konsideratë ofertën. Shkodrani ka një klauzolë me vlerë 50 milionë euro në kontratë, të vlefshme vetëm në rast të transferimit jashtë Italisë dhe që skadon më 30 qershor të çdo viti. Nga 1 korriku deri në fund të afatit të transferimeve të verës kartoni i kuqeziut nuk ka çmim të paracaktuar dhe Juventusi synoi ta shfrytëzonte këtë pikë.
Drejtori sportiv i bardhezinjve, Paratici nisi kontaktet me homologun e tij të Napolit, Giuntoli. Por, duke qenë se ende nuk e kanë harruar çështjen “Higuain”, në “San Paolo” nuk pranuan që të uleshin në tryezën e diskutimeve dhe të hidhnin bazat për një negociatë të mundshme. Në refuzimin e Juventusit ndikoi edhe vullneti i vetë Elseid Hysajt. 23-vjeçari është plotësisht i lidhur me Napolin dhe nuk bëri as tentativën më të vogël për t’i dhënë sinjale kampionëve të Italisë se dëshironte të transferohej në Torino.
“Hysaj nuk preket!”. Ky ishte mesazhi i qartë që bardhezinjtë morën nga Napoli. Në anën tjetër Elseidi ëndërron që në sezonin e ri të fitojë trofe, ndoshta për të provuar më pas një eksperiencë në Premierligën angleze te Chelsea apo në Bundesligën gjermane te Bayerni.
Milani kërkon Milot Rashicën
Milani i ëndrrave nuk ka të ndalur në merkato dhe pas milionave të investuara për përforcime të bujshme, tashmë në merkato synohet edhe talenti shqiptar, Milot Rashica. Sulmuesi i Vitesses nuk është një emër i panjohur për klubet e Serisë A italiane, pasi në të kaluarën për shërbimet e tij janë interesuar Napoli dhe Udinese. Por, nëse Napoli po i monitoron prej kohësh paraqitjet e 21-vjeçarit, Milani dhe Udinese vazhdojnë të grumbullojnë informacione për talentin e përfaqësueses kosovare.
Rashica cilësohet një futbollist me të ardhme të sigurt dhe kuqezinjtë po e ndjekin me kujdes zhvillimin e lojtarit, duke e cilësuar si një alternativë mjaft të mirë për të ardhmen. Kartoni i futbollistit të lindur në Vushtrri vlerësohet rreth 8 milionë euro në treg nga Vitesse, aty ku gjatë dy sezoneve të fundit Rashica ka qenë një prej titullarëve të padiskutueshëm, duke luajtur mbi 60 ndeshje në Eredivisien holandeze, duke realizuar edhe 10 gola.
Veliaj ofendon qytetarët: Qenëri
Kryehajduti i Tiranës ka sulmuar të gjithë ata që e sulmojnë për projektin e rritjes së çmimit të ujit në Tiranë, duke i quajtur “qeneri”. Ky burrcak duhet tërhequr zvarrë nga zyra për këtë fjalor që ka përdorur ndaj qytetarëve të Tiranës. Në një shpjegim të dhënë në studion e “Ora News”, njeriu i një mijë veseve dhe vjedhjeve në Tiranë dhe Ministrinë e Punës Sociale tha se ai është i vendosur të rrisë çmimin e ujit në Tiranë. “E di se do të sulet qenëria pas këtij vendimi”, tha ky vemje, duke ofenduar qytetarët e Tiranës.
Për të parën herë në historinë e Tiranës si Bashki, një kryetar i saj guxon që të artikulojë një ofendim të tillë ndaj qytetarëve. Kjo frazë është e mjaftueshme për të kuptuar arrogancën e një pushteti, i cili nuk ndjen asnjë lloj përgjegjësie ndaj qytetarëve, sepse pushtetin nuk e ka marrë nga vota e lirë e tyre, por e ka fituar nga blerja dhe manipulimi masiv i votave përmes kërcënimeve.
Protesta për çmimin e ujit, fatura prej 7 miliardë lekë të papaguara
Një grup përfaqësuesish të Shoqërisë Civile kanë protestuar dje përpara Bashkisë së Tiranës, ndërsa i kanë bërë thirrje qytetarëve të Tiranës që t’i bashkohen protestës masive ditën e mërkurë në orën 18:00 përpara Bashkisë, ditë kur në Këshillin Bashkiak do të votohet edhe vendimi i Veliajt për të rritur me 35%. Vendimi i Veliajt ka hasur një reagim të ashpër në rrjetet sociale nga qytetarët, të cilët kundërshtojnë këtë vendim, i cili merret pa u konsultuar me qytetarët, ndërsa shkaqet mbeten të paqarta. Po çfarë fshihet pas vendimit të Veliajt për të rritur çmimin e ujit me 35%? Sipas kryuhajdutit të Tiranës kjo bëhet për të bërë të mundur furnizimin 24 orë me ujë të qytetit. Po si është e vërteta. Ujësjellësi sipas raportit zyrtar ka dalë me një fitim prej 5 milionë eurosh në vitin 2016, duke pasur ofertat aktuale. Pra, Ujësjellësi nuk del me humbje. Një fakt tjetër i rëndë është se ujësjellësi është një ndërmarrje, e cila keqmenaxhohet nga Bashkia. Vetëm 22.9% e qytetarëve paguajnë faturat e ujit, pjesa tjetër është informalitet. Pikërisht për të mbuluar këtë informalitet, Veliaj ka menduar që ajo pakicë prej 22.9% e qytetarëve që paguajnë faturat e ujit duhet të paguajnë më shumë në mënyrë që të kompensojnë edhe pjesën tjetër që nuk paguan.
Thirrja e Nismës “Thurje”
Sipas ERRU (Entit Rregullator të Ujit) 67.1% e ujit që shpërndahet nuk paguhet. Vetëm 22.9% e konsumatorëve e paguajnë ujin. Në çdo vend normal, Bashkia do angazhohej të mblidhte të ardhurat nga ata që nuk paguajnë. Por jo në Tiranën e Lali Erit. Ai thotë: Kush paguan, duhet të paguajë akoma më shumë, që të mbulojë edhe humbjet e atyre që vjedhin. Bashkia bëhet palë me hajdutët në kurriz të njerëzve të ndershëm.
Kjo është e paparanueshme!
Për ta justifikuar këtë vendim absurd, u sajua një krizë uji televizive për gati një muaj. Për të na mbushur mendjen se nuk mund të zgjidhet ndryshe na u tha se vendin po e mbulonte thatësira. Njësoj siç u sajua kriza me kompanitë urbane para se të rritej bileta. E gjitha për të justifikuar vjedhjen.
Ditën e mërkurë, Këshilli Bashkiak do të mblidhet në orën 18:00 për të shqyrtuar këtë vendim. Eshtë detyrë e atyre që paguajnë të reagojnë. Eshtë detyrë e çdokujt që ka respekt për xhepin të dalë në shesh.
KLSH: Dëmi ekonomik në ujësjellësin e Veliajt
Gjatë auditimit të KLSH është konstatuar dëm ekonomik me vlerë 27.743.162 lekë dhe dëm ekonomik pa mundësi arkëtimi me vlerë 68.187.604 lekë.
Po si janë kryer abuzimet, që praktikisht janë vjedhje të fondeve publike?
Ja disa raste:
Nga auditimi i zbatimit të kontratës së punimeve civile “Ndërtim depo uji 4.000 m3 në Yzberisht”, rezulton se grupi i negocimit ka negociuar çmimin e zërit të punimeve.
“Gërmim shkëmb mesatar me çekiç me ekskavator me zinxhirë” me çmim 2.903 lekë për m3. Nga verifikimi i çmimeve të këtij manuali, rezulton se, për punime të ndërtesave, objekt i të cilit është kjo kontratë, çmimi përcaktohet 1.770 lekë/m3.
Si pasojë, është shkaktuar dëm ekonomik me vlerë 3.563.210 lekë. Nga verifikimi i punimeve në objekt rezulton se skicat e gërmimit nuk janë në përputhje me realizimin në fakt. Sasia e gërmimit e përfshirë më tepër në gërmim është 3.700 m3, me vlerë 5.594.400 lekë, është përfituar padrejtësisht nga kontraktori dhe përbën dëm ekonomik.
Sa i përket zërit “Gërmim shkëmbi mesatar me çekiç me ekskavator me zinxhirë”, rezulton se sasia e përfshirë në situacionin përfundimtar prej 5.649,7 m3 është e pasaktë. Nga përllogaritjet, rezulton se sasia e këtij masivi shkëmbor është afërsisht 2.373 m3. Diferenca e likuiduar më tepër është 3.267.7 m3, me vlerë 6.055.048 lekë, e cila është përfituar padrejtësisht nga kontraktori dhe përbën dëm ekonomik.
A. Nga auditimi i zbatimit të kontratës “Rehabilitim kanalizimesh rruga “Don Bosko”, përfshirë rrugën “Egnatia”, rezulton se mjeti autobot është përdorur vetëm 24 ditë, nga 28 ditë të përfshira në situacionin përfundimtar të punimeve.
Në situacionin përfundimtar janë likuiduar 300 orë punë. Numri i orëve për ditë pune të regjistruara është 11. Në këto kushte, është likuiduar më tepër sasia 36 orë, që është përfituar padrejtësisht nga kontraktori.
B. Nga auditimi i zbatimit të kontratës “Rehabilitim kanalizimesh rruga “Don Bosko”, përfshirë rrugën “Egnatia”, rezulton se mjeti autobot është përdorur vetëm 24 ditë, nga 28 ditë të përfshira në situacionin përfundimtar të punimeve.
Në situacionin përfundimtar janë likuiduar 300 orë punë. Numri i orëve për ditë pune të regjistruara është 11. Në këto kushte, është likuiduar më tepër sasia 36 orë, që është përfituar padrejtësisht nga kontraktori.
C. Është likuiduar zëri i punimeve “Përforcime metalike në të dy anët e rrugës” në sasinë 165 ton, në gjatësinë e rrugës 94 metra. Sasia e përforcimeve metalike likuiduar më shumë është 118 ton dhe vlera 1.698.916 lekë është përfituar padrejtësisht nga Bashkimi i operatorëve ekonomikë “K & A” dhe përbën dëm ekonomik.
D. Nga auditimi i zbatimit të Kontratës “Ndërtim rrjet kanalizimi në zonën e Ish-Uzina e Autotraktorëve”, rezulton se, në procesverbalin e mbajtur me datë 19.09.2016, theksohet se banesat janë ndërtuar mbi themelet ekzistuese të ish-Uzinës Autotraktori, ku pjesa e tabanit rezultoi me shtresë betoni me thellësi 30 deri 40 cm, për zonën midis piketave a30-b30-c30-d30-b’30-a’30.
Nga auditimi i dokumentacionit të librezës së masave rezulton se për zërin “Thyerje betoni” për të cilin është marrë gjatësia 500 ml dhe me seksion tërthor (1.00 m x 0.4 m), në fakt është 150 ml. Në këto kushte, sasia 140 m3 [1 m x 0.4 m x (500-150 m)]është përfshirë më tepër në situacionin e punimeve shtesë. Vlera 588,000 lekë është përfituar padrejtësisht nga kontraktori “JV K dhe K.I” dhe përbën dëm ekonomik.
Shpërdorim fondesh
Gjatë auditimit është konstatuar edhe përdorim pa efektivitet të fondeve me vlerë 744.405.437 lekë (5.5 milionë euro).
Borxhi total ndaj UKT-së, i krijuar dhe mbartur prej vitit 2008, në fund të vitit 2016 rezultoi në vlerë totale 3.575.209.849 lekë. Në këtë vlerë përfshihen detyrimet për faturim shërbimi (pavarësisht nga kategoritë e përfituesve) në masën 2.696.053.417 lekë, duke reflektuar një shtesë borxhi vetëm për vitin 2016 në masën 346.295.379 lekë, vlerën e kamatës së akumuluar në masën 305.976.887 lekë, si dhe detyrimet për taksën vendore në masën 605.566.500 lekë.
Nivelin më të lartë të borxhit e mbajnë klientët familjarë, me një detyrim të papaguar në masën 1.653.366.879 lekë, vlerë që vetëm në vitin 2016 është rritur në masën 23%.
Pavarësisht se konstatohen përpjekje për të menaxhuar borxhet e akumuluara për faturim të shërbimit nga ana e UK Tiranë, fakti se, vetëm për faturimin e vitit 2016, mosarkëtimi i faturave është në masën 744.405.437 lekë, reflekton problematikën e madhe që lidhet me adresimin jokorrekt të këtij problemi nga strukturat drejtuese.
Ujësjellësi i Tiranës raportoi 5 milionë euro fitime në 2016-n
Në vitin 2015, borxhi i pambledhur, si rrjedhojë e mosarkëtimit të faturave nga konsumatorët familjarë, provatë, shtetërorë, etj, u rrit me 70%, duke arritur në 2.7 miliardë lekë (gati 20 milionë euro)…
Bashkia e Tiranës po shqyrton rritjen e çmimit të ujit, sipas një vendimi, që do i propozohet Këshillit Bashkiak të kryeqytetit, ditën e mërkurë. Sipas relacionit, për familjarët propozohet një rritje çmimi me 44%, nga 45 lek/ m3 në 65 lekë/m3.
Për bizneset, rritja e propozuar është po 44%, nga 135 lekë/m3 në 190 lekë/m3. Sipas relacionit të Bashkisë, shoqëria është e angazhuar për të bërë investimet e nevojshme për rritjen e përqindjes së lidhjeve me ujëmatës në pesë vitet e Planit të Biznesit, në mënyrë që të rrisë lidhjet në ujëmatësa, në zonën e re të shërbimit të UK Tiranës, nga 75% në 2016, në 97% për konsumatorët familjarë në fund të vitit 2021, dhe në 100% lidhje me ujëmatës për entet private dhe institucionet buxhetore deri në fund të vitit 2018”.
Rritja e çmimit propozohet në një kohë që Ujësjellës-Kanalizime Tiranë rezulton një nga kompanitë më fitimprurëse dhe rentabël në Shqipëri, nga njëra anë dhe nga ana tjetër ka hapësira për të rritur të ardhurat përmes rikuperimit të detyrimeve të prapambetura.
Sipas të dhënave zyrtare, të ardhurat e Ndërmarrjes Ujësjellës Kanalizime, në vitin 2016 ishin 2.95 miliardë lekë (21.5 milionë euro). Konsumatorët familjarë sjellin gati gjysmën e të ardhurave të Ujësjellësit.
Fitimi i kompanisë, para taksave, ishte 675 milionë lekë, apo gati 5 milionë euro, me një rritje prej 8% në raport me fitimin e vitit 2015.
Tre vitet e fundit, sipas bilancit, aktiviteti i Ujësjellës-Kanalizimeve ka qenë i qëndrueshëm me një rritje të lehtë të të ardhurave, ndërsa norma e fitimit është përmirësuar. Në vitin 2016, norma e fitimit ishte 23%, çka nënkupton se për çdo 100 lekë të ardhura, 23 ishin fitime (para taksave). Në vitin 2014 norma e fitimit ishte 18%.
Sipas bilancit të detajuar të vitit 2015, shpenzimet e personelit ishin rreth 860 milionë lekë (37% të totalit të shpenzimeve), ndërsa shpenzimet e përgjithshme të prodhimit ishin 924 milionë lekë, rreht 40% të totalit.
Në vitin 2015, Ujësjellësi kishte logari të arkëtueshme, si rrjedhojë e mosarkëtimit të faturave nga konsumatorët familjarë, provatë, shtetërorë, etj, prej 2.7 miliardë lekësh (gati 20 milionë euro), me një rritje të ndjeshme prej 70%,në krahasim me 1.9 miliardë lekë që ishin detyrimet e paarkëtuara në 2014-n. 75% e këtij detyrimi i përket konsumatorëve familjarë.
Kompania ka një kapitali neto prej 7.1 miliardë lekësh, ndërsa detyrimet në total arrijnë në 9.7 miliardë lekë, nga të cilat 5.2 miliardë lekë është një huamarrje afatgjatë. Kredia afatgjatë është me kushte të buta dhe e marrrë nga qeveria italiane, gjatë periudhës 1993-2001 përmes BKT-së. Ujësjellësi ka dhe një kredi direkte nga BKT të marrë në vitin 2015 prej 1 miliard lekësh, e cila do të përdoret për rikonceptimin e shfrytëzimit të burimeve të Shën Mërisë.
Shqipëria, tarifat më të larta të ujit në Europë
Shqipëria ka tarifat më të larta për ujin në rajon dhe rritja e re që propozon Bashkia e Tiranës do të bëjë që shqiptarët në kryeqytet të paguajnë dy herë më shtrenjtë për ujin se sa fqinjët e tyre.
Sipas një dokumenti zyrtar të Bankës Botërore, familjarët shqiptarë paguajnë rreth 0.7 euro për çdo metër kub si kosto për shërbimin e ujit të pijshëm dhe atë të ujërave të zeza, duke qenë vendi më i shtrenjtë në Ballkan. Në vendin e dytë, renditet Mali i Zi, ku tarifa e ujit për familjarët është 0.62 euro për metër kub të konsumuar.
Boshnjakët paguajnë 0.53 euro për metër kub, ndërsa në Maqedoni tarifa e ujit për familjarët është rreth 0.52 euro për metër kub. Sipas të dhënave, Kosova dhe Serbia janë dy vendet me çmimin më të lirë të këtij shërbimi, përafërsisht 0.5 euro për metër kub.
Edhe në raport me të ardhurat, shqiptarët detyrohen të paguajnë më shumë nga buxheti i tyre për shërbimin e ujit se sa fqinjët.
Aktualisht, sipas të dhënat, familjarët shqiptarë shpenzojnë 2.2 për qind të buxhetit mujor për ujin. Në Maqedoni, familjet shpenzojnë 1.8 për qind të buxhetit për ujin, ndërsa në Mal të Zi dhe Serbi respektivisht 1.6 dhe 1.3 për qind.
Të gjitha këto janë çmimet aktuale. Tarifat e reja që propozon Bashkia e Tiranës do të thellojnë edhe më shumë diferencën mes tarifave që paguajnë shqiptarët dhe fqinjët e tyre në rajon. Madje me rritjen e re, tarifat e ujit në Tiranë duke përfshirë taksat dhe pagesat për ujërat e zeza, shkon gati 1 euro për metër kub. Kjo është plot dy herë më shtrenjtë se sa mesatarja e vendeve fqinjë.
“Monitor”
Drejtoresha me burrin, skema zyrtare e grabitjes në dogana
Vjedhja masive në dogana bëhet nga një një grup i fuqishëm zyrtarësh me në krye drejtoreshën e Doganave dhe drejtorin e Antikontrabandës. Denoncimi është bërë nga ish-Kryeministri Berisha pas një mesazhi të marrë nga një doganier. “Vjedhje të mëdha në doganat e vendit! Doganieri dixhital denoncon: Rrjet kontrabande të fuqishme të një grupi zyrtarësh ku përfshihet drejtoresha e Doganave, drejtori i Antikontrabandës, Mirjam Prifti, burri i drejtoreshës, biznesmenë, agjensi doganore etj. Lexoni mesazhin e tij!”, shkruan Berisha në Facebook.
“Përshëndetje zoti Sali Berisha nga doganieri Digital. Në doganat shqiptare, drejtori i Antikontrabandës Mirjam Prifti bashkë me burrin e Belindës, Blendisin edhe Kryetarin e Doganës Tiranë, Petrit Koçiu bashkë me Agjencinë doganore LORI me axhentin LALAI po bëjnë kontrabandë me mallra kineze, të cilat vijnë nga Kina tranzit në Portin e Pireut. Nga këtu i ndihmon me letra falco Theodhori Zbogo ose shkurt Dhori greku që ka dy pashaporta atë shqiptare edhe atë greke. Ky zotëria bën letra falco si çertifikata origjine etj. Në datën 14.07.2017 është futur një kondinier me atlete nga Subjekti “NEITEN-CO “SHPK.
Kontenierin me numër FCU8525946 e ka ngarkuar një shofer Aleko me targa kamioni AA745JL/ACR788 që edhe ky ka pashaportë greke për të gjithë kontrabandën që bën Dhori bashkë me Mirjam Priftin, drejtorin e Antikontrabandës. Konntenieri është bllokuar nga Shefi i Departamentit Gjon Bardhi, i cili nuk është në linjën e burrit të Belindës, Blendisit edhe Mirjamit.
Kontenieri është me letra falco të bëra nga kryemjeshtri Dhori, ose greku, siç i thonë shkurt, duke filluar nga çertifikata e origjinës etj. Po këta zotërinj kanë kaluar disa kondinierë me pjesë elektronike, aksesorë celularësh edhe me çanta, rripa, ora, atlete, celularë firmato gol. Agjencia doganore LORI me në krye LALAIN është ajo që merr përsipër të gjithë kondinierët me probleme. Në doganat shqiptare nga e cila edhe 1 muaj më parë ishit ju që i denoncuat me numër praktike ku ai kondinier ka marrë një gjobë prej 9 milionë lekë të reja. Ju bëj të ditur që LALAI bashkë me Dhorin kanë bërë kontrabandë edhe me Besmir Qebinin, ish-Shefin e Departamentit të Doganave shqiptare.
Mirjami me Blendisin edhe Petrit Koçiun kane çuar njerëz në tregun elektrik edhe tregun e Medresesë për t’u dhënë garanci tregtare që të bëjnë kontrabandë. Ju lutem publikojeni që të dalin të palarat e kontrabandës që bëhet në këto momente në doganat shqiptare sidomos ditët e shtunave e kanë bërë si lojën e tyre perfekte kriminelët mafioz si Mirjam Prifti, Blendisi burri i Belindës, Petrit Koçiu e shumë të tjerë në kupolën e doganave bashkë me Dhorin që bën transportin e kondinierëve edhe mushamave i ndihmuar nga super agjenti LALAI i Agjencisë Soganore “LORI”, shkruan doganieri.
Para një muaji, ish-Kryeministri Berisha publikoi mesazhin e një doganieri, i cili shkruante se, kontrabanda e kafesë bëhet nga bashkëshorti i drejtoreshës së Përgjithshme të Doganave. “Kontrabandën e kafesë e bën bashkëshorti i ndrikullës drejtore e Përgjithshme e Doganave! Doganieri dixhital denoncon bashkëshortin e ndrikullës, drejtoreshë e Përgjithshme e Doganave, për kontrabandën e madhe të kafesë, me të cilin ai e menaxhon së bashku me drejtorët Zharin dhe Marjan të Doganave të Kakavijës dhe Beratit, të cilët përdorin edhe emrin e zv/ministres së Financave! I bëj thirrje Prokurorisë të nisë sa më shpejt hetimin për këtë rrjet të mafies shtetërore që po iu grabit shqiptarëve dhjetëra milionë euro me kontrabandën e kafesë dhe po shkatërron tregun e saj”, shkruan Berisha.
R.POLISI
Kryesore
Continue to the category
