13.5 C
Tirana
E mërkurë, 30 Prill, 2025
type here...

Taulanda Jupi: SPAK foli, në 11 maj flet Shqipëria

Kandidatja për zgjedhjet e 11 majit në Tiranë, Taulanda Jupi, ka publikuar sot në faqen e saj zyrtare në Facebook një opinion editorial të titulluar “SPAK foli, në 11 maj flet Shqipëria”, ku shpalos mesazhin e saj të fortë për drejtësinë, përgjegjësinë qytetare dhe të ardhmen e vendit.

Në këtë shkrim, Jupi thekson se pas dekadash pritjeje dhe zhgënjimesh, qytetarët më në fund po shohin shenja reale të drejtësisë falë punës së SPAK. “SPAK e bëri të vetën. E tregoi se drejtësia është e mundur edhe në Shqipëri,” shkruan ajo, duke përgëzuar arrestimet e figurave të larta publike dhe dëshminë se askush nuk është mbi ligjin.

Sipas Jupit, momenti aktual nuk është thjesht një përballje politike, por një referendum historik për drejtësinë dhe qeverisjen e ndershme. Ajo nënvizon se:
“Tani fjala është e qytetarëve. Është momenti që shqiptarët të tregojnë se duan që SPAK të vazhdojë punën i pashqetësuar dhe i pakërcënuar nga politika e korruptuar.”

Duke u bërë thirrje shqiptarëve për një angazhim të vendosur, ajo shkruan:
“Tranzicioni i gjatë, 34-vjeçar, i korrupsionit dhe i keqqeverisjes duhet të marrë fund. Kemi përgjegjësinë historike të ndërtojmë një epokë të re, të guximit, të ligjit dhe të respektit për punën dhe sakrificën.”

Në përmbyllje, Taulanda Jupi i fton qytetarët të zgjedhin midis së shkuarës së mbushur me korrupsion dhe një të ardhmeje të ndërtuar mbi punë, barazi dhe shpresë:
“Historia nuk pret. Dhe as drejtësia.”

 

Postimi i plotë:

SPAK foli, në 11 maj flet Shqipëria

Për shumë kohë, drejtësia në Shqipëri ka qenë një premtim i pambajtur, një aspiratë më shumë sesa një realitet. Por sot, falë punës së palëkundur të SPAK, shqiptarët kanë parë se ligji mund të zbatohet edhe për më të pushtetshmit. Janë arrestuar ministra, kryebashkiakë, madje edhe ish-kryeministra e ish-presidentë. SPAK nuk ka kursyer as njeriun e dytë më të pushtetshëm në vend, duke dëshmuar se askush nuk është mbi ligjin.

SPAK e bëri të vetën. E tregoi se drejtësia është e mundur edhe në Shqipëri. Tani fjala është e qytetarëve. Është momenti që shqiptarët të tregojnë se duan që SPAK të vazhdojë punën i pashqetësuar dhe i pakërcënuar nga politika e korruptuar e 34 viteve tranzicion. Është momenti ynë për të mos lejuar që Shqipëria të rrëshqasë sërish në duart e atyre që e kanë mbajtur peng për dekada.

Këto zgjedhje janë më shumë se një përballje partish. Ato janë një referendum për të ardhmen e Shqipërisë. Është koha të tregojmë se e meritojmë një Shqipëri pa korrupsion. Një Shqipëri ku puna, jo nepotizmi dhe miqësitë personale, janë çelësi i suksesit. Një vend ku qeverisja nuk i shërben më një rrethi të vogël të privilegjuarish, por shumicës së ndershme që punon, që përpiqet, që nuk kërkon favore, por vetëm mundësi të barabarta.

Tranzicioni i gjatë, 34-vjeçar, i korrupsionit dhe i keqqeverisjes duhet të marrë fund. Kemi pëgjegjësinë historike të ndërtojmë një epokë të re, një epokë të guximit, të ligjit dhe të respektit për punën dhe sakrificën.

Shqipëria nuk ka nevojë për premtime boshe, por ka nevojë për vendime të guximshme. Nuk ka nevojë për justifikime, por për rezultate. Nuk ka nevojë për sundimtarë të rinj, por për shërbëtorë të përkushtuar të qytetarëve.

Sot është momenti që çdo shqiptar të zgjedhë: ose të vazhdojmë të ecim në batakun e të shkuarës, ose të nisim të ndërtojmë Shqipërinë e ëndrrave të fëmijëve shqiptarë. Historia nuk pret. Dhe as drejtësia.

✅ Voto Taulanda Jupi
✅ Voto Koalicioni Euroatlantik

#vototaulandajupi
#voto4
#votokoalicionieuroatlantik
#11maj
#syte4ne11maj

Albor Elezi: “Kandidatët e PS dhe PD në panik nga Koalicioni Euroatlantik”

Fushata elektorale ka hyrë në kulmin e saj dhe tensionet janë të dukshme në radhët e kandidatëve të PS dhe PD. Albor Elezi, kandidat i Koalicionit Euroatlantik në Durrës, ka reaguar ndaj tensioneve që janë krijuar mes rivalëve politikë, duke theksuar se ata janë të braktisur nga qytetarët. Sipas tij, kjo është konfirmuar gjatë takimeve në terren, ku shumë qytetarë kanë shprehur mbështetje të fortë për të, duke e quajtur atë opsionin më të besueshëm.

Në postimin e tij, Elezi thekson se indiferenca e qytetarëve ndaj kandidatëve të PS dhe PD është një reflektim i realitetit politik të 34 viteve të fundit, ku vetëm mashtrimet dhe dështimet kanë karakterizuar qeverisjen e partive tradicionale. Ai thekson se ka marrë një mbështetje të fuqishme nga qytetarët e Durrësit, Shijakut, Krujës dhe Fushë-Krujës, dhe është i bindur në fitore.

“Mos u trembni nga reagimi qytetar, po merrni çfarë meritoni. Po merrni çfarë keni mbjellë!” – është mesazhi i fortë i Albor Elezit, i cili premton se nuk do të ndalet deri sa të shporret politika e vjetër dhe e dëshmuar si e dështuar.

Ai gjithashtu garanton qytetarët se është i vendosur të fitojë, dhe po i bën thirrje bashkëqytetarëve të tij që të bashkohen për ndryshimin dhe për një të ardhme më të ndritur për Shqipërinë.

 

Postimi i plotë:

Kandidatët e PS-PD në panik nga Koalicioni Euroatlantik

Fushata elektorale është në kulmin e saj dhe siç duket kandidatët e PS dhe PD ndihen të braktisur nga qytetarët. E konfirmojnë këtë gjë në terren dhe teksa ndeshin indiferencën, mospjesëmarrjen në takime si dhe ku ata që i takojnë ju thonë që e kemi votën për Albor Elezin, ikin në panik.

Mos u trembin nga reagimi qytetar, po merrni çfarë meritoni. Po merrni çfarë keni mbjellë!

Sa për Albor Elezin që thoni që nuk është në garë, ju garantoj që jo vetëm jam, por jam aq bindshëm sa kam mbështetjen e bashkëqytetarëve për atë që përfaqësojë si individ dhe jo si ju që dukeni njëherë në 4 vjet. Garantoj qytetarët në Spitalllë, Durrës, Shijak, Krujë dhe fushë-Krujë se jam mëse i vendosur në fitore dhe bashkë le të vazhdojmë ta shporrim këtë politikë të fëlliqur të 34 viteve që ka sjell vetëm mashtrime deri të nivelit të tillë.

Myzafer Elezi: Votoni për një Vlorë më të sigurt dhe më të drejtë

Kandidati për deputet i Koalicionit Euroatlantik në qarkun e Vlorës, Myzafer Elezi, ka bërë një thirrje për qytetarët që të bashkohen për një të ardhme më të sigurt, më të drejtë dhe më dinjitoze.

Në mesazhin e tij drejtuar votuesve, Elezi thekson se prioritetet e tij do të jenë rendi, siguria dhe mirëqenia sociale. Ai premton një angazhim të palëkundur në shërbim të komunitetit, duke mbrojtur të drejtat e çdo qytetari dhe duke krijuar një mjedis ku familjet shqiptare të jetojnë pa frikë dhe me dinjitet.

“Myzafer Elezi nënvizon nevojën për një qeverisje që nuk mbyll sytë ndaj padrejtësive dhe paligjshmërisë, për më shumë siguri në çdo lagje dhe për politika sociale që mbështesin të moshuarit, nënat, fëmijët dhe shtresat në nevojë,” thuhet në apelin e tij.

Me përulësi dhe vendosmëri, Elezi u bën thirrje qytetarëve të votojnë Koalicionin Euroatlantik dhe numrin 4 në fletën e votimit, duke theksuar se ndryshimi real fillon me një vendim të guximshëm më 11 maj.

 

Postimi i plotë:

Të dashur qytetarë të qarkut Vlorë,

Më 11 maj, ju ftoj të bëhemi bashkë për një të ardhme më të sigurt dhe më të drejtë për të gjithë.

Si kandidat i Koalicionit Euroatlantik, me numrin 4 në fletën e votimit, angazhimi im është i qartë:

 

Rendi, Siguria dhe Mirëqenia Sociale do të jenë prioritetet e mia kryesore në shërbim të qytetarëve të Vlorës dhe të gjithë qarkut tonë.

 

Vendi ynë ka nevojë për rregull dhe ligj, për një qeverisje që nuk mbyll sytë ndaj padrejtësive dhe paligjshmërisë.

Ka nevojë për më shumë siguri në çdo lagje, në çdo komunitet, që rinia të mos ikë, që familjet të jetojnë me dinjitet dhe pa frikë.

Ka nevojë për politika sociale që mbështesin të moshuarit, nënat, fëmijët dhe çdo qytetar në nevojë.

 

Unë jam këtu për të qenë zëri juaj, për të mbrojtur të drejtat tuaja dhe për të garantuar një të ardhme më të mirë.

 

Më 11 maj, zgjidhni ndryshimin real!

Votoni Koalicionin Euroatlantik — Votoni Nr. 4 në fletën e votimit!

 

Me përulësi dhe vendosmëri,

Myzafer Elezi

Bujar Vreto ngre alarmin: Në Elbasan dhe Librazhd, turizmi vdes, mafia ndërton

Kandidati për deputet i Koalicionit Euroatlantik në Elbasan, Bujar Vreto, ka reaguar ashpër për situatën alarmante që po ndodh në zonat turistike mes Elbasanit dhe Librazhdit.

Në një deklaratë të fortë, Vreto theksoi se pasuritë natyrore, dikur krenaria e komunitetit dhe një pasuri kombëtare, sot po shkatërrohen nga ndërtimet e pakontrolluara të hidrocentraleve, të cilat, sipas tij, janë në shërbim të interesave mafioze dhe oligarkike.

“Zonat ku dikur mali frymonte me banorët dhe lumenjtë rridhnin si këngë e jetës, sot janë kthyer në skena të shkatërrimit të heshtur,” shprehet Vreto. Ai paralajmëroi se ndërtimet pa kriter po zhdukin ekosistemin e të gjithë zonës, duke asgjësuar mundësitë për zhvillimin e turizmit të qëndrueshëm dhe jetesës lokale.

“Zëri im do të jetë zëri i tyre!” – përfundoi ai, duke u zotuar se në Kuvend do të mbrojë natyrën dhe komunitetin që po dhunohet nga etja për përfitime të shpejta.

Bujar Vreto i bën thirrje qytetarëve të Elbasanit dhe Librazhdit të votojnë ndryshimin më 11 maj, duke mbështetur Koalicionin Euroatlantik dhe numrin 4 në fletën e votimit.

Postimi i plotë:

Zëri i Heshtur i Maleve: Kur Turizmi Vdes dhe Mafia Ndërton”

 

Në zemrën e natyrës ndërmjet Librazhdit dhe Elbasanit, aty ku dikur mali frymonte bashkë me banorët dhe lumi rridhte si këngë që mbante gjallë jetën, sot qëndron heshtja e rëndë e shkatërrimit. Zonat turistike, pasuri kombëtare dhe trashëgimi e gjallë, janë kthyer në fushëbetejë për interesa mafioze dhe oligarkike. Aty ku dikur fëmijët luanin dhe njerzit mrekulloheshin, sot ndërtohen hidrocentrale si pa mendje dhe pa mëshirë, që thajnë lumenjtë dhe shkatërrojnë gjithë ekosistemin përreth.

Zëri im do jetë zëri i tyre!

Mirënjohje,

Bujar Vreto

Burhan Misiraj: Ullinjtë e Mallakastrës, pasuri e madhe që politika e keqmenaxhon

Kandidati për deputet i Koalicionit Euroatlantik në Fier, Burhan Misiraj, ka vënë theksin mbi potencialin e jashtëzakonshëm të zonës kodrinore të qarkut Fier dhe veçanërisht të krahinës së Mallakastrës në sektorin e ullishtarisë.

Në një reagim publik, Misiraj theksoi se në bashkitë Fier, Patos, Mallakastër dhe Roskovec janë të mbjella rreth 1.5 milion rrënjë ullinj, të cilat, sipas tij, mund të përktheheshin në 42 milionë euro fitime për fermerët shqiptarë nëse do të kishte një qeveri me vullnet për të lidhur kontrata tregtare me shtetet e mëdha europiane.

“Fatkeqësisht, në vend të bashkëpunimeve që i duhen qytetarëve, kjo qeveri është fokusuar vetëm te organizimi i kampeve dhe spektakleve të pavlera,” deklaroi Misiraj.

Ai u bëri thirrje qytetarëve të Fierit të mbështesin ndryshimin më 11 maj duke votuar Koalicionin Euroatlantik dhe numrin 4.

“Voto Burhan Misiraj, voto për një të ardhme më të mirë për fermerët dhe ekonominë shqiptare,” përfundoi ai.

Postimi i plotë:

Zona kodrinore e qarkut Fier, pjesa e krahinës së Mallakastrës qe shtrihet në Bashkinë e Fierit, Patosit, Mallakastrës dhe Roskovecit ka të paktin 1.5 milion rrënjë ullinj dhe me disa llogari do të përktheheshin për fermerët në 42 milion Euro nëse kjo qeveri do të kishte vullnet që me shtetet e mëdha në Europë të lidhi kontrata për ato qe ju duhen Shqiptarëve dhe jo të bëhet kamp!
Voto Koalicioni Euroatlantik 4️⃣
Voto Burhan Misiraj!

Armend Gjana: Më 11 maj, vota ndahet mes drejtësisë dhe korrupsionit

Kandidati për deputet i Koalicionit Euroatlantik në Tiranë, Armend Gjana, ka bërë thirrje për një zgjedhje të qartë dhe vendimtare në zgjedhjet e 11 majit: mes mbështetjes për drejtësinë dhe atyre që kërkojnë të mbrojnë të korruptuarit.

Në një deklaratë të shpërndarë në rrjetet sociale, Gjana theksoi se vota për numrin 4, Koalicionin Euroatlantik, është një votë për drejtësinë dhe shtetin ligjor. “Më 11 maj, o me SPAK-un, o me ata që duan të lirojnë shokët e tyre të korruptuar nga burgu,” tha ai.

Ai bëri thirrje që shqiptarët të besojnë tek e ardhmja europiane e vendit dhe të votojnë për ndryshimin që garanton ndëshkimin e korrupsionit dhe rikthimin e besimit te drejtësia.

“Beso te Shqipëria. Voto numrin 4 – Koalicioni Euroatlantik,” përfundoi Gjana.

Endri Hasa: “Më 11 maj, vota juaj mund të ndryshojë gjithçka”

Kandidati për deputet i Koalicionit Euroatlantik në Elbasan, Endri Hasa, në një mesazh të fundit drejtuar qytetarëve, thekson rëndësinë historike të zgjedhjeve të 11 majit. Sipas Hasës, ky moment është një mundësi reale për të sjellë ndryshimin që Shqipëria ka nevojë, përmes ndëshkimit të politikës së vjetër dhe zgjedhjes së një alternative të ndershme dhe europiane.

Në fokus të mesazhit të tij është krijimi i një shteti të drejtë, pa korrupsion, me një ekonomi të çliruar dhe me arsim e shëndetësi të standardeve të Bashkimit Europian. Ai bën thirrje për mbështetje të Koalicionit Euroatlantik dhe të kandidaturës së tij, duke theksuar besimin tek Shqipëria dhe tek mundësitë që vendi ka për të ecur përpara.

Postimi i plotë i Endri Hasës:

> “Mirëmëngjes Në 11 Maj më shumë se kurrë vota juaj ka peshën për të ndryshuar gjithçka! Një shtet i drejtë, pa të korruptuar, me një ekonomi që çlirohet dhe një arsim dhe shëndetësi të standarteve europiane vjen duke zgjedhur Koalicionin Euroatlantik dhe duke ndëshkuar politikën e vjetër
> Beso te Shqipëria
> ✅ Voto Nr. 4️⃣ – Koalicioni Euroatlantik
> ✅ Voto Endri Hasa”

Një parti që gjithmonë ka menduar për Shqipërinë…

Nga Lutfi Dervishi 

Ka një parti në këtë vend, që nëse nuk do të ekzistonte, Shqipëria do të kishte marrë dhenë prej kohësh. Një parti që gjithmonë ka menduar thellë, shumë thellë… ndoshta më thellë se duhet.

Më 1992 ishte e vetmja  parti që shprehte rezerva për faktin që Shqipëria ishte vendi i parë i Lindjes që po nënshkruante marrëveshje me NATO-N.

Me 1995 kjo parti mendonte se “molla ende nuk ishte pjekur” për anëtarësimin në Këshillin e Europës.

Në 2006, kur Shqipëria firmoste marrëveshjen e Stabilizim-Asociimit me BE, deputetët e saj i ranë bilbilave në Parlament.

Në 2009, NATO për ta nuk ishte Aleanca Atlantike, por thjesht “NATA”.

Në 2010, kjo parti ishte kundër liberalizimit të vizave. Pse? Sepse sipas tyre, 1 milion shqiptarë do të iknin menjëherë në Europë! Dhe pastaj, kush do votonte?

Në 2012, kjo parti nuk i votonte tre ligje që i duheshin Shqipërisë për të marrë statusin kandidat për BE. Jo për inat të BE-së, por sepse kishin hallin e madh të “kryetarit të qarkut të Fierit”. Qarku, e dini vetë, është epiqendra e gjeopolitikës globale.

Shqipëria ka patur gjithmonë një parti që sa herë ka qenë në opozitë ka marrë vendime në përputhje me interesin kombëtar !

Dhe pikërisht kjo parti na premton jo standarte, as vlera, as jetesë, as arsim, as shëndetësi, as paga e pensione si të BE, por vetëm pasaportë me 12 yje!

Fitim Zekthi: Papa Françesku dha një mësim të madh edhe për politikën dhe krizën e sotme

Nga Fitim Zekthi

Tërë bota e krishterë, por edhe shumë më tepër se sa ajo, përcolli Papa Françeskun për në botën tjetër.  Ai u shndërrua në një figurë shumë të dashur për njerëz të ndryshëm nga e tërë bota dhe nga të tëra besimet për të gjithë atë që solli në krye të Kishës Katolike dhe për të gjithë atë që ai vetë ishte. Koha në të cilën ai qëndroi në krye të Kishës Katolike ishte një prej kohëve më sfiduese për krishtërimin por edhe besimet e tjera në përgjithësi. Koha ishte sfiduese edhe për shkaqe që lidhen me krizat politike, gjeopolitike, ekonomike dhe sidomos kulturore.

Papa Françesku i cili u kthye tek Zoti të hënën e kaluar u përpoq në shumëçka të gjente më të mirën për kishën dhe njerëzit dhe në shumëçka arriti të bëjë ndryshime të rëndësishme. Mbi të gjitha, duke qenë se drejtoi në një kohë tmerrësisht sfiduese, ai vendosi një piketë shumë të lartë në lidhje me dhembshurinë dhe dashurinë për të dobëtin, për atë që vuan apo lëngon nga mjerimi dhe dhuna, që masakrohet nga bombardimi, që sakatohet nga shpërthimet apo raketat, apo mbytja në dete.  E keqja ka qenë përherë e pranishme në botë, në një masë të madhe. Këto kohë ajo duket më e përhapur me intensitet shumë të lartë dhe në forma nga më të ndryshmet. Lufta  barbare në Siri deri edhe në përdorim të gazit kimik, milionat e refugjatëve që kalojnë Mesdheun nga Afrika apo Turqia, mbytjet masive të fëmijëve, grave dhe të moshuarve, lufta në Ukrainë dhe krimet e atjeshme, lufta shkatërrimtare në Gaza me bombardime apokaliptike kundra një populli që privohet nga buka dhe  uji, paqëndrueshmëritë e mëdha politike dhe lindja e partive populiste me ngjyra radikale apo ekstremiste etj, ishin disa nga gjërat që ishin në zemër të shqetësimeve të papatit të Françeskut.

Ai i dha një mësim të madh botës por sidomos politikanëve që sillen si të djathtë dhe si besimtarë të devotshëm dhe që duan ta lidhin të qenit i djathtë dhe gjasmë besimtar i devotshëm me sovranizmin, me nacionalizmin dhe në një farë mënyre prodhojnë ksenofobi apo sjellje të tjera politike të udhëhequra nga fobira dhe emocione të tjera problematike. Papa Francesku ishte një mbrojtës i madh i emigrantëve, i atyre që kalojnë rreziqe të mëdha, male, lumenj apo dete. Një damar hibrid dhe i rrezikshëm që del nga e djathta ose thotë se është i djathtë duke përdorur besimin e krishtere thotë që duhet të jemi të dhembshur dhe të dashur në fillim me veten dhe familjen tonë, me vendin tonë dhe vetëm në fund mund të kemi dashuri për të tjerët. Në fillim të këtij viti zëvendëspresidenti amerikan J D Vance tha se “koncepti Kristian për dashurinë fillon me familjen, zgjerohet tek fqinjët dhe kombi dhe vetëm në fund ai arrin tek qeniet e tjera njerëzore. J D Vance iu referua asaj që njihet si “ordo amoris” dhe madje foli edhe si teolog kur tha që këtë gjë thotë edhe Gjoni 15: 12-13. Edhe Orban, Salvini apo Wilders kane po te njëjtin qëndrim. Papa reagoi ndaj kësaj. Ai kërkoi një kuptim të drejtë të ordo amoris të formuluar nga Shën Agustini. Papa me një gjest të mrekullueshëm i dërgoi një letër peshkopëve katolikë në SHBA ku u kërkoi që ta shihnin dashurinë kristiane, ta shihni ordo amoris, jo si “një zgjerim koncentrik të interesave që pak nga pak zgjerohet tek njerëzit apo grupet e tjera. Ordo amoris e vërtetë kuptohet duke parë dhe duke kuptuar, duke zbuluar dhe duke medituar mbi Samaritanin e mirë.” Papa vetë por edhe kardinali Parolin të cilin papa e dërgoi pak para se të ikte nga kjo botë në takim me Vance pikërisht për të shpjeguar këtë gjë kishte mendimin se “personi njerëzor nuk është thjesht një individ, relativisht i zgjerueshëm ndaj të tjerëve, që ka disa ndjenja bamirësie. Është shumë më tepër. Papa tha që individi njerëzor, ne konceptin kristian, duhet te jete një Samaritan i mirë.

Tek Samaritani i mirë, një ekspert i ligjit pyet Jezusin “çfarë duhet të bëjë që të arrijë jetën e përjetshme”? Jezusi e pyeti se çfarë thotë ligji? Eksperti i tha që ligji thotë “duaje Zoitin me gjithë zemër, shpirt dhe mendje dhe duaje fqinjin siç do veten. Jezusi i tha “saktë, bëj këtë dhe do të fitosh”. Eksperti e pyeti Jezusin dhe “cili është fqinji im?”, Jezusi iu përgjigj: “një njeri po shkonte për në Jeruzalem. Disa grabitës e rrahin keq, e vjedhin dhe e hedhin anash rrugës gati të vdekur. Kalon një prift, e sheh të plagosurin, shmanget, ikën. Kalon një levit (një punonjës i tempullit), e sheh të plagosurin, shmanget, ikën. Kalon një samaritan (banor i zakonshëm i Samarias, Bregut Perëndimor) e ngre, e mjekon me ç’të mundet, e ngushëllon dhe e dërgon në krahë në shtëpi… Cili mendon se është fqinji i njeriut të plagosur?” Samaritani, ai është fqinji tha Jezusi. Nuk është as prifti, as leviti.

Këtë gjë tha papa Françesku ne letrën për peshkopët si reagim ndaj qëndrimeve të këtyre soj politikanësh. Me këtë mesazh ai iu tha nacionalistëve dhe sovranistëve, kësaj kategorie të çuditshme politike që përzien gjëra të papërzishme, që duan të mbështeten për idetë e tyre tek mësimet e Krishtërimit, që duan të legjitimojnë mbytjet apo përzëniet e emigrantëve me “ordo amoris”, që duan të justifikojnë bombardimet e fëmijëve dhe të pafajshmëve me mësime nga krishtërimi se janë krejtësisht gabim. Papa Françesku ngaqë kishte këtë kuptim për “konceptin e krishterë mbi dashurinë, ngaqë kishte kuptimin që vjen nga Samaritani i mirë ishte një piketë shumë e lartë e botës. Zoti e pastë në mbrojtje dhe do Zoti vjen një papë po me këtë dashuri për të dobëtit, të dhunuarit, të bombarduarit, të dënuarit me uri, të skamurit etj./ Liberale.al

Kursku është në duart e Putin, Trump kërcënon Rusinë pas takimit me Zelenskin

Donald Trump ka ndryshuar përsëri qëndrim ndaj Rusisë. Menjëherë pas takimit me kreun e shtetit të Ukrainës, Volodymyr Zelenskyy, Trump kërcënoi Rusinë me sanksione dhe shprehu dyshime për gatishmërinë e kreut të Kremlinit për t’i dhënë fund luftës në Ukrainë.

Gjatë fluturimit për në SHBA nga Roma, Trump shkroi në “Truth Social” se nuk kishte asnjë arsye që Putini të gjuante raketa në zonat civile, qytetet dhe fshatrat në Ukrainë ditët e fundit. “Më bën të mendoj: Ndoshta ai nuk dëshiron të përfundojë luftën fare, por thjesht po më pengon – dhe duhet të trajtohet ndryshe (…),” theksoi Trump.

Presidenti amerikan përmendi si shembull të ashtuquajturat sanksione dytësore, pra masa ndaj vendeve të treta, kompanive apo individëve që vazhdojnë të bëjnë biznes me Rusinë. Ai gjithashtu tregoi se dëshironte të shkëputte më tej Rusinë nga sistemi bankar ndërkombëtar.

Sakaq, Rusia vijon përparimet e tij në terren. Moska njoftoi se ka rifituar plotësisht kontrollin e rajonit të Kurskut, një pretendim i kontestuar menjëherë nga pala ukrainase. Shefi i Shtabit të Përgjithshëm të Rusisë Valery Gerasimov e bëri deklaratën në raportin e tij drejtuar Presidentit Vladimir Putin, duke thënë se trupat ruse të premten “çliruan” vendbanimin e fundit nën kontrollin ukrainas në Kursk.

Në përgjigjen e tij ndaj raportit të ushtrisë të publikuar nga Kremlini, Putin tha se sulmet e Ukrainës në rajonin e Kurskut kanë dështuar plotësisht dhe humbjet e saj “me siguri do të reflektohen në të gjithë linjën e kontaktit luftarak“. Ai shtoi se disfata krijon kushte për veprime të mëtejshme të suksesshme ushtarake në fronte të tjera.

1...678...8 265Faqja 7 nga 8 265

Kryesore

Continue to the category
Më shumë
© 2024 Rilindja Demokratike Euroatlantike