14.5 C
Tirana
E mërkurë, 19 Nëntor, 2025
type here...

Bizneset e Kosovës kundër nismës së Ramës për bashkëpunim doganor

Afërsia gjeografike mes Shqipërisë dhe Kosovës dhe përdorimi i gjuhës së përbashkët nuk reflektohet edhe në ekonomi. Eksperti i çështjeve tregtare, Ilir Ciko në një intervistë është shprehur se ka një shqetësim të rritur kohët e fundit nga biznesi për nivelin e ulët të bashkëpunimit tregtar dhe ekonomik mes dy vendeve. Ciko shpjegon se bizneset kosovare janë kundër projektit të qeverisë shqiptare për bashkëpunimin doganor mes dy vendeve. “Bashkëpunimi doganor është një projekt që përfshin edhe vendet e tjera të rajonit, të cilat duke qenë se janë vende më të mëdha mund të kenë fitime më të larta nga ky projekt. Nivelin e ulët të shkëmbimeve tregtare midis dy vendeve unë e shoh si një kundërreagim të bizneseve kosovare”, deklaron Ciko. Ai shpjegon se mes dy vendeve ka barriera të shumta, që përkeqësojnë klimën e të bërit biznes, ku kryesoret janë pagesat në dogana dhe mungesa e harmonizimit të legjislacionit. Sipas të dhënave të Institutit të Statistikave, eksportet tona drejt Kosovës arritën në vitin 2016 vlerën e 16.6 miliardë lekëve, duke shënuar një rënie prej 4.3 miliardë lekësh kundrejt vitit të mëparshëm. Ndërsa importet vlerësohen në 5.8 miliardë lekë, me rritje vjetore modeste prej vetëm 400 milionë lekësh. Duket se ecuria e shkëmbimeve tregtare ka vijuar e dobët edhe gjatë këtij viti. Të dhënat zyrtare të disponueshme janë ato të dymujorit 2017. Për këtë periudhë eksportet tona drejt tregut kosovar vlerësohen në 2.3 miliardë lekë nga 1.7 miliardë që ishin në janar-shkurt 2016; ndërsa importet kanë shënuar vlerën e 860 milionë lekëve, me rritje vetëm 335 milionë kundrejt dymujorit të parë të vitit 2016. E njëjta gjë ka ndodhur edhe me investimet. Në Kosovë operojnë 903 biznese shqiptare me një total investimesh prej 28.6 milionë euro vitin e kaluar. Kundrejt 2015-ës, investimet shqiptare në vendin fqinj janë ulur me 11.5 milionë euro. Ndërsa në Shqipëri, ofrojnë shërbimet e tyre 600 biznese kosovare, me një total investimesh prej 15.6 milionë euro për 2016-ën. Kundrejt vitit parardhës, vlera e investimeve kosovare në Shqipëri është dyfishuar, por mbetet ende në nivele të ulëta.

Kosovë, bizneset po krijojnë konkurrencë të panevojshme në treg

Në mungesë të një strategjie të mirëfilltë ekonomike, sipërmarrësit në Kosovë vazhdojnë të hapin biznese të një veprimtarie të njëjtë, duke krijuar kështu konkurrencë të panevojshme në treg dhe duke dëmtuar njëra-tjetrën, thonë përfaqësuesve të bizneseve dhe ekspertë të fushës. Numri i përgjithshëm i bizneseve që figurojnë të regjistruara në Agjencinë për Regjistrimin e Bizneseve, në kuadër të Ministrisë së Tregtisë dhe Industrisë, është mbi 150 mijë biznese. Prej tyre, më shumë se 90 për qind u takojnë ndërmarrjeve të vogla dhe të mesme. Drejtori ekzekutiv në Odën Ekonomike amerikane në Kosovë, Arian Zeka, në një prononcim për Radion Evropa e Lirë thotë se në Kosovë konkurrenca e këtyre bizneseve të shumta me veprimtari të njëjtë, po zhvillohet brenda tregjeve shumë të vogla dhe me një numër të vogël të konsumatorëve që nuk janë më shumë se rreth 2 milionë. “Duke vepruar kështu, duke ndjekur të njëjtat modele të të bërit biznes apo duke investuar në të njëjtin sektor të të bërit biznes, ato vetëm sa e ashpërsojnë konkurrencën në sektor dhe industri të caktuara. Kjo po ndodh si rezultat i mungesës së planeve konkrete të biznesit, mungesës së shfrytëzimit të konsulencës afariste që ende është një pjesë e kulturës së të bërit biznes që duhet të ndryshojë në vendin tonë dhe krejt në fund si rezultat i kreativitetit dhe inovacionit”, thotë Zeka. Kosova si një vend me importin më të madh të produkteve nga vendet e rajonit dhe më gjerë, thonë ekspertë të çështjeve ekonomike, ka nevojë për lloje të ndryshme të bizneseve. Naim Gashi, njohës i çështjeve ekonomike, thotë për Radion Evropa e Lirë se bizneset në Kosovë do të duhej të kopjojnë njëra-tjetrën në fushën e bujqësisë, por jo në veprimtari të tjera që tashmë janë të shumta në vend. “Bizneset në Kosovë do të duhej të kopjojnë njëra-tjetrën në fushën e bujqësisë, pasi tregu në Kosovë është jashtëzakonisht i madh në krahasim me ofertën që ekziston në treg, derisa kopjimi i bizneseve në fushën e shërbimit, turizmit, pishinave, pompave të benzinës është jashtëzakonisht i dëmshëm pasi afarizmi i tyre do të ketë bilanc negativ”, vlerëson Gashi. Një pjesë të fajit për këtë dukuri të bizneseve të së njëjtës veprimtari, sipas drejtorit ekzekutiv në Odën Ekonomike amerikane në Kosovë, Arian Zeka, e kanë edhe institucionet e Kosovës. Sipas tij, institucionet përkatëse nuk kanë krijuar një kornizë të përshtatshme ligjore që të inkurajojnë zhvillimin e hulumtimit dhe rrjedhimisht inovacionit në vend. Po ashtu, edhe në aspektin fiskal, thotë Zeka, nuk ka ndonjë masë stimuluese për kompanitë që do të investonin në krijim të produkteve apo shërbime të reja. “Ministria e Financave duhet të inkurajojë përmes lirimeve tatimore kompanitë që synojnë të investojnë në hulumtim dhe zhvillim, pavarësisht sesa është kjo përqindje e shpenzimeve. Ata duhet të jenë më fleksibil sesa janë aktualisht”, thekson Zeka. Në mungesë të një industrie të zhvilluar të prodhimtarisë, Kosova vazhdon të importojë gati të gjitha produktet, duke filluar nga ato të konsumit deri te produktet strategjike. Vlera totale në vit e mallrave të importuara në Kosovë sipas të dhënave zyrtare, arrin shifrën në mbi 2.5 miliardë euro, derisa eksporti i produkteve të Kosovës në vendet e rajonit dhe Evropës, nuk arrin vlerën mbi 300 milionë euro në vit.

REL

Korrupsioni dhe droga rrezik për destabilizim

Rajnhard KLUÇEK

Në Shqipëri, Komisioni i BE-së është vetë nën presion prej disa javësh. Kjo është për shkak të një biznesi të pasurive të patundshme, nga shefja të zyrës së Komisionit në Tiranë, socialistja kroate Romana Vlahutin. Kështu në një zonë prestigjioze të kryeqytetit shqiptar, Tiranës, me emrin Rolling Hills, u ble një rezidencë me një çmim të tejfryrë. Në atë zonë normalisht paguhet rreth 2,000 euro për metër katror për sipërfaqen e banimit, por Komisionit Europian i kushtoi më shumë se 4700 euro për metër katror. Europarlamentaja gjermane, Ingeborg Grassle, shkoi më tej me akuzat duke i kërkuar një hetim ndaj Komisionit. Në përgjigje, Komisioni argumentoi këtë me një hapësirë më të madhe se sa ishte  specifikuar në kërkesë. Kështu çmimi për metër katror duhet të ishte dukshëm më i ulët. Me sa duket, megjithatë, ishte përfshirë në llogaritje edhe zona e kopshtit përfshihen në llogaritjen, e cila nuk përfshihet në kushtet lokale të strukturës së çmimit.
Një problem tjetër në Shqipëri është legalizimi de fakto e kultivimit të kanabisit nga qeveria socialiste e Edi Ramës. Kjo çoi në situatë absurde që kompanitë që janë në kërkim për punëtorë, të cilat nuk ishin në gjendje për të plotësuar vendet e lira, sepse njerëzit preferojnë të merren me kultivimin e kanabisit. Ndërsa problemi është i njohur mirë në Shqipëri dhe në rajon, ajo është diskutuar rrallë në mediat e vendeve të BE-së. Përmes kësaj linje biznesi, qeveria është duke mbledhur shuma gjigante parash për të blerë votat në zgjedhjet e ardhshme të parashikuara për këtë vit.
OSBE-ja (në vitin 2017 Austria ka kryesimin) – mban në Shqipëri një zyrë me rreth 80 punonjës të mirëpaguar–ka të bëjë me çështje në nivel shkencor. Ju mund të krijoni një studim për të shqyrtuar përse shqiptarët rrisin kanabis në një mënyrë të tillë kaq të madhe. Në fund, kështu mendon një bashkëbisedues, mund të dalë në arsyen se shqiptarët rrisin kanabis, pasi ata mund të fitojnë shumë shpejt shumë para. Ky përfundim mund të nxirret edhe pa kërkime të shtrenjta shkencore. Përveç kësaj, shefi i Zyrës së OSBE-së në Tiranë, Bernd Borchard, ka bërë një prapaktheu të çuditshme. Pasi ai tha në një intervistë televizive, se nga biznesi i kanabisit rreth dy miliardë euro janë gati për blerjen e votave për zgjedhjet e ardhshme, ai i rishikoi këto deklarata 24 orë më vonë në një takim me ministrin e Brendshëm, dhe deklaroi se kjo nuk është e bërë nga qeveria e tanishme, por qeveria e mëparshme.
Përveç një reformë gjyqësore, Këshilli i BE-së ka bërë në dhjetor të vitit të kaluar luftën kundër kultivimit të drogës dhe ndarjen e politikës dhe krimit të organizuar si një kusht për fillimin e negociatave. Në total janë pesë prioritete të listuara që duhet të zbatohen nga Shqipëria para se ajo (ndoshta në vitin 2018) mund të vijë për të filluar bisedimet e pranimit. Në një artikull të botuar në mars në “Tirana Times”, Genc Pollo, kryetar i Bashkimit Pan-Europian Shqipëri dhe deputet i opozitës, krahason lojën rreth këtyre reformave me Matrioshkat (janë kukulla ruse, ku në çdo kukull ka brenda një kukull më të vogël) metaforë për veprime okulte. Në të kundërt nga pesë prioritetet, Kryeministri Rama flet vetëm për reformën gjyqësore, si një parakusht i negociatave për anëtarësim. Vlahutin, përfaqësuesja e Komisionit të BE-së në Tiranë, e mbështet atë në këtë pozicion.
Një Komision i BE-së, e cila e sheh veten të ekspozuar ndaj akuzave të transaksioneve të çuditshme të pasurive të patundshme, nuk mund të jetë përfaqësuesi më i besueshëm për reformën në drejtim të sundimit të ligjit këtu. Ka edhe pohime që edhe për këtë çështje nga ana e bashkësisë ndërkombëtare, njëlloj si në Maqedoni, ndjek një politikë të njëanshme për socialistët. Kështu shkruajnë disa senatorë amerikanë në letrën dërguar Sekretarit të ri amerikan të Shtetit, Rex Tillerson, në lidhje me ndikimin e diplomacisë amerikane në reformën gjyqësore në bashkëpunim me Fondacionin “Shoqëria e Hapur” të Soros, (e cila gjithashtu merrte para nga buxheti i SHBA e i Komisionit të BE-së). Ata prezumojnë se ekspertët e “Fondacionit Shoqëria e Hapur” ndikuan që pushteti gjyqësor të vijë në dorë të Kryeministrit dhe të së majtës politike. Kjo mund të çojë në destabilizimin e një vendi të NATO-s, në të cilin korrupsioni i qeverisë është në rritje përsëri, si dhe gjithashtu dhe në trafikun e drogës.
Për javë të tëra ka bllokada dhe protesta nga opozita. Në qershor janë zgjedhjet. Opozita kërkon dorëheqjen e qeverisë dhe vendosjen e një qeverie tranzitore për të përgatitur zgjedhjet në mënyrë të ndershme. Kjo procedurë ka ndodhur më parë edhe në Maqedoni. Atje, BE-ja kishte insistuar në vendosjen e një qeverie teknike të tillë. Dhe kështu u bë. Për  Shqipërinë duket se momentalisht mungon kjo dëshirë. Në Maqedoni, ka qeverisur një parti jo-socialiste, në Shqipëri qeverisin socialistët e vjetër.

Mbyllja e rrugës ballkanike

Kur ministri i Jashtëm austriak, Sebastian Kurz u shfaq në fushatën zgjedhore për VMRO-DPMNE (qeveria maqedonase ka qenë një partner kyç për mbylljen e rrugës ballkanike), ai u kritikua dhunshëm në shumë komente, duke përfshirë pretendimin se ai kishte tradhtuar vlerat europiane. Gjatë fushatës zgjedhore në shumë media në vendet e BE, u përhapën thashetheme se Gruevski ishte një njeri i Moskës. Provat konkrete për këtë nuk u paraqitën kurrë. Politika aktuale e BE-së (në këtë rast, veçanërisht e Komisionit) kundër Maqedonisë dhe ndikimi i qartë për një ndryshim në favor të një qeverie socialiste, mund të shtynte realisht disa grupime politike maqedonase në krahët e Moskës.
Në fillim të këtij viti, pas inaugurimit të Donald Trump, është lançuar nga Shtetet e Bashkuara ideja për të ndarë Maqedoninë. Pjesa sllave e vendit për t’u bërë pjesë e Bullgarisë, ndërsa pjesa shqiptare me Shqipërinë apo Kosovën. Shqipëria mban një pjesë të madhe të fajit për situatën aktuale në Maqedoni. Qeveria e Nikolla Gruevskit ishte një koalicion i VMRO-DPMNE-së me një parti shqiptare. Pas ndërhyrjes së kryeministrit të Shqipërisë Edi Rama, partitë shqiptare kaluan në anën e socialistëve. Si një çmim për ndryshimin, socialistët duhej të premtonin për të futur shqipen si gjuhë të dytë zyrtare në Maqedoni. Balanca mes dy komuniteteve ka përjetuar në mënyrë të përsëritur tensione me kalimin e kohës. Me Marrëveshjen e Ohrit në vitin 2001 u arrit një marrëveshje për përfaqësimin e shqiptarëve etnikë. Marrëveshja e koalicionit me socialistët goditi balancën dhe në mënyrë masive nuk pranohet nga popullata maqedonase. Kjo është edhe një arsye për refuzimin e presidentit Gjorge Ivanov, që mos ta njohë këtë qeveri.

Nxënës me detyrim nga Kuçova në Shkodër për mitingun e Ramës

Qindra nxënës dhe të rinj janë marrë nga Kuçova dhe rrethe të tjera dhe janë dërguar në Shkodër për mitingun e Ramës. Denoncimi është bërë nga një qytetar nga Kuçova, i cili i është drejtuar me një mesazh ish-Kryeministrit Berisha, duke i dërguar edhe fotot e autobusëve me të rinjtë që janë nisur drejt Shkodrës. Në një postim në Facebook, Berisha shkruan se, nxënësit janë marrë me detyrim nga Kuçova janë dërguar në Shkodër për mitingun e Ramës.
“Nxënësit me detyrim nga Kuçova në Shkodër për mitingun e Ramës! Qytetari dixhital informon 5 autobusë plot me nxënës dhe të rinj u nisën në mëngjes nga Kuçova për mitingun e Ramës në Shkodër. Edhe dje në Fier, “madam Vila” urdhëroi mbylljen e shkollave të mesme dhe nisën me detyrim nxënësit në mitingun e Ramës në Apoloni! Kjo është stina e vetmisë së madhe për Ramën që udhëton kudo si fantazmë e Nastradinit!”, shkruan Berisha, duke publikuar mesazhin e qytetarit.
“Z.Berisha, nga Kuçova i kanë mbledhur nxënësit dhe të rinjtë për një miting në Shkodër që organizuan sot. Mbi 5 autobusë me të rinj… Ju lutem publikoni ju këto foto”, shkruan qytetari nga Kuçova.

Ademi nxjerr bllof Ramën për Urën e Bunës

Kryetarja e Bashkisë Shkodër, Voltana Ademi ka reaguar ndaj akuzave të kryeministrit Rama për lënie në harresë të Urës së Bunës. Me anë të një shënimi në Facebook, Ademi shkruan se, ura e fotografuar nga kryeministri Rama është pronë e Ministrisë së Mbrojtjes dhe Bashkia Shkodër ka kërkuar me shkresë mundësinë për të investuar në këtë urë, por nuk është lejuar nga Ministria.
“Kryeministër, sa herë flet për Shkodrën t’i bën autogol! Shumë komode të të kem ty kundërshtar politik. Edhe një grusht njerëzish socialistë që të kanë mbetë në Shkodër e dinë se Ura e Bunës është pronë e Ministrisë se Mbrojtjes. Ju vetë, qëllimisht po tentoni të shkatërroni Shkodrën, por nuk ia dolën asnjë, as komunizmi! E këtë lojë e kanë kuptuar të gjithë.
Sa për transparencë, po publikoj shkresën që i kemi dërguar Ministrisë dhe u kemi thënë që po kontribojmë me fonde, por ato kanë heshtur, sepse duhet që t’i të bësh foto! Nëse ke dashuri për Shkodrën atëherë, mos e shkatërro siç po bën për hakmarrje politike. Dhe nëse ke dëshirë të drejtosh Shkodrën në qofsh burrë, hajde pas dy vitesh, konkuro këtu në Shkodër përballë meje! Faleminderit që ekziston Edi Rama!” , shkruan kryebashkiakja Voltana Ademi.
Rama ishte dje në Shkodër, ku takoi disa të rinj të cilët i kishte sjellë me furgona nga Tirana dhe rrethe të tjera të vendit.

ama, jo vetëm hajdut, por edhe mashtrues

Kryetari i degës së PD, Shkodër, Ramiz Çobaj, ka reaguar ndaj deklaratave të Kryeministrit për investimet që ka bërë për qytetin verior. Në një postim në Facebook, Çobaj e ka cilësuar si mashtrues kryeministrin Rama. “Kemi bërë shumë për Shkodrën”, sapo deklaroi Kryeministri, duke përmendur Stadiumin, Teatrin dhe Fototekën. Jo vetëm hajdut, por edhe mashtrues. Gjoja riparuat stadiumin, por pasi vodhët miliona € (nga 7 milionë € të planifikuara, thuhet se ka shkuar 17 milionë €), akoma nuk e keni dorëzuar. Përsa i takon Fototekës, fondi që dha qeveria juaj është një pikë ujë me atë që bëri qeverisja demokratike. Ju bëtë vetëm retushimin e asaj që bëmë ne. Ndërsa për riparimin e Teatrit, dua t’ju them se më shumë ka kushtuar mobilimi i paradhomës së zyrës kryeministrore, se sa investimi për Teatrin, për të cilin po mburreni aq shumë….
Pra për Shkodrën nuk keni investuar asgjë z. Kryeministër! Përkundrazi jeni kujdesur që Bashkia Shkodër të mos fitojë asnjë projekt. Këtë tashmë e dinë gjithë shkodranët dhe mezi po presin të kthejnë “reston”.
Megjithatë, duhet ta pranojmë se ju keni bërë diçka për shkodranët: na ke bërë jetën më të vështirë, na le pa punë, na shkatërrove biznesin, na fute në burgje, na detyrove të lemë vendin, na vrave shpresën… Por tashmë jemi zgjuar të gjithë, të djathtë e të majtë dhe gjithçka ka për të ndryshuar. Pensioni politik të pret së shpejti”, shkruan Çobaj.

R.POLISI

Media italiane: Mister, kufomat e peshkatarëve italianë në Vlorë

Mediat italiane kanë dhënë dje lajmin e gjetjes në Shqipëri të kufomave të Sante Lanzilloti dhe Francesko De Blasi, dy italianëve, peshkatarë amatorë në ujërat e Vlorës. Por trupat që dyshohen të mbytur, mbartin me vete misterin e zhdukjes dhe shumë të tjerë. 48-vjeçari Sante Lanzilloti dhe 46-vjeçari Francesko De Blasi ishin dy peshkatarë nga Carovino e Brindisit, të zhdukur qëkurse ishin nisur nga porti i Torre Santa Sabina.
“Historia nuk e ka ende një fund”, shkruan Quotidianodipuglia. Hetimet vazhdojnë, sepse ka pyetje për largimin e tyre në një moment të pazakontë nga Santa Sabina, për të marrë një anije të fuqishme nga një person i tretë dhe pa marrë rrjetat e peshkimit, telefonata dhe shpjegimi i palës shqiptare.
Nuk ka asnjë gjurmë të barkës, me të cilën ata kanë kaluar detin, me sa dukej për peshkim. Familjarët e tyre ende pyesin veten se ç’mund të ketë ndodhur.
Drama filloi pasditen e 14 marsit. Sipas hetimeve, dy burrat e lanë pas portin e Torre Santa Sabina për herë të fundit të martën. Rreth orës12:00, De Blasi me makinën e tyre ka arritur Lanzilotti-n. Më pas, sëbashku, janë drejtuar për në qytetin bregdetar Carovigno.
Në barkën e peshkimit të De Blasit ishin të gjitha mjetet e punës, kurse Lanziloti nuk e kishte një të tillë. Një barkë e gjatë 6 metra me ngjyrë të bardhë, me një shirit blu anash dhe me motorë të fuqishëm. Biseda e fundit me tokën ka qenë atë natë, kur De Blasi ka telefonuar pronarin e barkës, duke i thënë “Ndihmë, se po mbytemi!”.
Dhe këtu kontaktet ndërpriten. De Blasi dhe Lanzilotti duhet të kenë qenë vetëm atë mbrëmje. Pastaj heshtje. Hetimet janë duke vazhduar për të ndërtuar atë që mund të ketë ndodhur. Të nesërmen, familja e Di Blasit ka nisur të frikësohet për zhdukjen e tij dhe të shokut të tij. Një vëlla dhe i biri i De Blasit e kanë ndërprerë menjëherë dje kërkimin, sepse ata mësojnë se eshtrat e të dashurit të tyre janë gjetur në Shqipëri.
Situata bëhet e dhimbshme për të dyja familjet, të nisën procedurat për të sjellë trupat dhe që u duhet të presin edhe pak që të bëjnë funeralet e dy shokëve, sepse duhen mbyllur dokumentat.
Megjithatë, historia nuk e ka ende një fund. Hetimet vazhdojnë. Sepse ka pyetje për largimin e tyre në një moment të pazakontë nga Santa Sabina, për të marrë një anije të fuqishme nga një person i tretë, pa marrë rrjetat e peshkimit, telefonata dhe shpjegimi i palës shqiptare.
Ka përfunduar kështu kërkimi për dy peshkatarët e zhdukur në det që nga 15 marsi. Trupat e Francesco de Biasi dhe Sante Lanzilotti janë gjetur në Shqipëri. Por nuk ka asnjë gjurmë të barkës, me të cilën ata kanë kaluar detin, me sa dukej për peshkim.

Ku përfundoi sistemi rus i mbrojtjes në Siri?

Para gjashtë muajsh, duke e konfirmuar vendosjen e sistemeve më të reja të mbrojtjes raketore në Siri, të tipit S-300 dhe S-400, presidenca e Rusisë ishte shprehur krenare se i kishte siguruar bazat ajrore në këtë vend nga sulmet raketore amerikane.
Por, pas sulmeve të djeshme amerikane me raketat e tipit Tomahawk, kundër bazës ajrore siriane, Shajrat, ku është i vendosur një numër i personelit ushtarak rus, shtetasit e shqetësuar të Rusisë në rrjetet sociale kanë pyetur: “Ku në djall ishin sistemet e lavdëruara S-400”? “Unë jam i vetmi që nuk e kuptoj se përse sistemi ynë, S-400, nuk i ka rrëzuar raketat amerikane”, ka pyetur një shfrytëzues në rrjetin Twitter.

Sistemi u vendos në Siri pas rrëzimit të aeroplanit nga Turqia

Së pari, Kremlini i kishte vendosur sistemet “Triumph” S-400, në Siri në vitin 2015, pasi Turqia në nëntor të atij viti e kishte rrëzuar një aeroplan ushtarak rus, për të cilin Ankaraja pati thënë se kishte qëndruar në hapësirën ajrore të Turqisë.
Ky sistem e përdor një pako të katër tipeve të ndryshme të raketave që mund të lansohen nga tipe të ndryshme të armatimeve dhe aeroplanëve.
Njëri e ka rreze veprimin prej 400 kilometrave, tjetri vetëm 40 kilometra. Ky sistem ka kapacitet për të rrëzuar aeroplanë, fluturake pa ekuipazh dhe raketa speciale, përfshirë ato Tomahawk, pati raportuar në atë kohë agjencia shtetërore e lajmeve, RIA.

Shpjegime të ndryshme të analistëve ushtarakë

Megjithatë, analistët ushtarakë rusë dhe perëndimorë, thonë se sistemi ishte i pozicionuar shumë larg nga baza ajrore, Shajrat, për të qenë efektive kundër sulmit të djeshëm amerikan, në të cilin u përdorën raketat e avancuara që fluturojnë pothuajse pesë metra mbi tokë, me shpejtësi pak më të vogël se të zërit dhe udhëhiqen nga kompjuteri i vet.
“Të gjitha këto biseda se ne e kemi siguruar gjithë hapësirën ajrore siriane, është një fishkëllimë artistike”, tha analisti ushtarak moskovit, Pavel Felgengauer, dhe ka sugjeruar se deklaratat për përforcim, kishin për qëllim ta rrisin shitjen e armatimit që paraqitej në Siri.
“Ata me siguri nuk mund t’i interceptojnë raketat e përmendura në atë distancë nga lokacioni i tyre”, tha Felgengauer, dhe ka shtuar se “më së shumti që mund të bëhet, është të mbrohet afrimi në bazë, ku ata janë të vendosur”.
Analisti i mbrojtjes nga Instituti i Shërbimeve të Bashkuara Mbretërore, me seli në Londër, Justin Bronk, pajtohet me këto konstatime, duke thënë se pavarësisht se sa të sofistikuar janë radarët e tipit S-400, që e mbulojnë lartësinë deri në 400 kilometra, ky sistem mund të ketë probleme me caqet që fluturojnë ulët.
“Çfarëdo terreni i ashpër ndërmjet radarit dhe kursit fluturues të raketës, do ta parandaloj atë sistem që të aktivizohet”, thotë eksperti Bronk.
“Po ashtu, derisa S-400 ishte shpallur se ka kapacitet kundër-raketor, ai është më tepër i përshtatur kundër raketave balistike, që vijnë nga këndet shumë të larta, shumë shpejt, dhe për aeroplanët e tjerë taktikë”, thotë Bronk, duke shtuar se ky sistem është më tepër i përgatitur “për këto lloje të caqeve më tepër se sa kundër raketave me shpejtësi pak më të vogël se të zërit dhe që fluturojnë ulët”.
Një vëzhgues tjetër, megjithatë, e ka lënë të hapur mundësinë që sistemi ka mundur të funksionoj shumë mirë, por Moska ka vendosur që të mos e aktivizojë atë.
Analisti ushtarak nga Moska, Aleksandr Golts, ka theksuar se zyrtarët ushtarakë amerikanë i kanë bërë me dije forcat ruse para sulmit me qëllim që t’i minimizojnë humbjet në personelin rus dhe sirian, në harmoni me memorandum për siguri në hapësirën ajrore, ndërmjet Rusisë dhe koalicionit të udhëhequr nga Shtetet e Bashkuara në Siri, që po ndërmerr fushatë të ndarë të sulmeve ajrore në këtë vend.
“Ne nuk e dimë nëse ushtria ruse nuk ishte në gjendje ose nuk dëshironte ta bënte një gjë të tillë”, thotë Golts dhe shton se “nga ajo që mund të shohim, memorandumi për parandalimin e incidenteve është operues dhe amerikanët e respektuan atë duke e informuar Rusinë dy orë para sulmit”.
Sipas tij, në këtë situatë, ne nuk e dijmë nëse Rusia ka dëshiruar ose nuk ka dëshiruar ta përdorë sistemin e vet mbrojtës”.

Bizhev: Amerikanët nuk janë idiotë

Aytech Bizhev, ish-zëvendëskomandant i Forcës ajrore ruse, i tha agjencisë Interfax, se “kursi i fluturimit ishte bërë për t’i anashkaluar sistemet tona mbrojtëse, në mënyrë që ata nuk do të hynin në rrezen e veprimit tonë sulmues” dhe ka shtuar se “amerikanët, po ashtu, nuk janë idiotë”.
Sipas tij, raketat e tipit Tomahawk, do të ishin më pak efketive sikur të kishin hyrë në rrezen e veprimit të mbrojtjes ajrore ruse.

A është Moska e siguruar nga S-300 dhe S-400?

Zëdhënësi i Ministrisë së mbrojtjes së Rusisë, Igor Konashenkov, tha se Rusia do ta përforcoj mbrojtjen ajrore të Sirisë “shumë shpejtë, me qëllim që t’i mbrojë objektet më të ndjeshme të infrastrukturës siriane”, ka raportuar agjencia Interfax.
Megjithatë, joefikasiteti i perceptuar i sistemit S-400 ka shkaktuar shpërthim të komenteve sarkastike në rrjetet sociale në gjuhën ruse, ndërsa një shfrytëzues në Twitter ka shkruar: “dëgjoni, dëshiroj vetëm ta verifikoj – a është, po ashtu, Moska e siguruar nga S-300 dhe S-400”?

Skema e re e luftës në Siri pas bombardimit amerikan

Ministri i Jashtëm i Britanisë, Boris Johnson, anuloi sot planet për vizitë në Moskë, disa orë para se të nisej nga Londra, në një kohë kur tensionet mes Shteteve të Bashkuara dhe Rusisë janë shtuar.
Udhëheqësit rusë, të cilët e kanë cilësuar si akt të paligjshëm sulmin amerikan në kundërpërgjigje të përdorimit të armëve kimike nga regjimi i Asadit në Siri, i acaruan akuzat të premten. Kryeministri rus Dmitri Medvedev paralajmëroi Amerikën se është “një hap larg përplasjes ushtarake me Rusinë”.
Në një demonstrim force, një fregatë ruse e pajisur me raketa kruz, njoftohet se është nisur drejt Mesdheut. Sipas medias shtetërore ruse, mjeti lundrues do të ankorojë në Tartus të Sirisë.
Rusia është zotuar gjithashtu të forcojë mbrojtjen ajrore siriane.
Sekretari i Jashtëm britanik Johnson e njoftoi anulimin e planeve për vizitë në Moskë përmes Twitterit, duke thënë se në këto momente përparësia e tij janë bisedimet me aleatët perëndimorë mbi Sirinë dhe mbështetjen ruse për Asadin.
Një zëdhënëse e Ministrisë së Jashtme ruse e cilësoi anulimin e vizitës si një sjellje absurde.
Ndërkaq, aktivistë sirianë njoftojnë se avionë luftarakë të qeverisë siriane goditën qytetin Khan Sheikhoun, të kontrolluar nga kryengritësit. Ky qytet ishte skenë e sulmit të kësaj jave me armë kimike nga regjimi sirian.
Besohet se avionët që kryen sulmin sot ishin ngritur nga bazae ushtrisë siriane, al-Shairat, e cila u godit së fundmi nga raketat amerikane.
Goditja amerikane me raketa Tomahawk kundër bazës së ushtrisë siriane të premten po sinjalizon një ndryshim në vendim-marrjen e administratës Trump si dhe një ripozicionim forcash në luftën e koalicionit ndërkombëtar kundër ISIS.
Prej shumë muajsh koalicioni i udhëhequr nga Shtetet e Bashkuara po respektonte një balancë delikate, duke goditur grupet ekstremiste në Sirinë veriore, ndërsa ndiqte në mënyrë pasive bashkëpunimin e forcave siriane dhe njësive ajrore ruse në luftë kundër ISIS në vend.
Goditja amerikane e së premtes mund të mobilizojë një angazhim të ri kundër ISIS, thonë analistët; aktualisht po vërehet një ofensivë më e fortë e forcave kurde drejt jugut, ndërkohë që janë mobilizuar më intensivisht edhe njësitë turke grupe paraushtarake suni.
Por goditja e së premtes ka tronditur balancën delikate diplomatike me rusët. Moska ka pezulluar marrëveshjen e sigurisë së fluturimeve që synon të shmangë incidente mes forcave ajrore amerikane dhe ruse gjatë operacioneve në zonë.

Tensionet Uashington-Moskë në prag të vizitës së Sekretarit Tillerson

FILE - In this Friday, March 27, 2015 file photo, ExxonMobil CEO Rex Tillerson delivers remarks on the release of a report by the National Petroleum Council on oil drilling in the Arctic, in Washington. On Saturday, Dec. 10, 2016, President-elect Donald Trump moved closer to nominating Tillerson as his secretary of state, meeting privately with the business leader for the second time in a week. (AP Photo/Evan Vucci, File)

Sekretari amerikan i Shtetit Rex Tillerson shkon në Moskë më 12 prill në një vizitë të planifikuar që para sulmit kimik të forcave siriane dhe kundërpërgjigjes amerikane të së premtes. Zyrtarët amerikanë thonë se Sekretari Tillerson do t’u bëjë thirrje rusëve të reflektojnë thellë në lidhje me mbështetjen që i japin regjimit të Bashar al Asadit.
Në komentet e tij pas goditjes amerikane të së premtes, Sekretari Tillerson u shpreh hapur se administrata amerikane është e bindur që qeveria siriane e Presidentit Asad ishte përgjegjëse për sulmin me agjent kimik ndaj popullatës civile.
Analistët thonë se përdorimi i armëve kimike është një faktor i rëndësishëm që do të ndikojë tek marrëdhënia e administratës amerikane me Kremlinin. Administrata e re do të duhet të bëjë të qartë qëndrimin e saj ndaj një sulmi të tillë që kërcënon paqen dhe sigurinë botërore.
Ukraina është gjithashtu një temë që do të ngrihet gjatë vizitës së sekretarit të shtetit. Administrata aktuale e ka bërë të qartë se mbështet sanksionet deri kur Moska t’i jape fund agresionit të saj në Ukrainë.
Zyrtarë të lartë të administratës, ndër ta Ambasadorja amerikane në OKB, Nikki Haley, janë shprehur se Shtetet e Bashkuara do ta vënë Moskën para përgjegjësisë kur shkelen normat ndërkombëtare.

Kush fshihet pas 11.6 tonëve drogë të kapur në Përmet?!

Plot 11.6 ton drogë me vlerë 11.6 milionë euro u sekuestruan dje në Përmet. Operacioni u krye nga policia pas kërkesës së Prokurorisë. Gjatë operacionit në fshatin Pagri të rrethit Përmet u sekuestruan 11.6 ton kanabis sativa. Bëhet e ditur se droga ishte në ruajtje nga policia dhe ishte gati për t’u trafikuar.
Ish-Kryeministri Berisha shkruan në një reagim në rrjetin social Facebook se, 1.6 tonët e drogës së zbuluar në magazinë ruheshin si pronë e qeverisë. “Në një magazinë shtetërore të Kanabistanit, ruheshin si pronë qeverie 11.6 ton drogë! Policia mbronte magazinën, zbulimi u bë nga Prokuroria bazuar në informacione serioze nga qytetarë antikanabis!”, shkruan Berisha.
Vetëm pas kërkesës së Prokurorisë, Policia ka ndërhyrë dje duke sekuestruar drogën që ishte gati për t’u trafikuar jashtë shtetit. Sipas burimeve të policisë, kanabisi ishte në proces tharje dhe gati për t’u trafikuar. Lënda narkotike është gjetur e futur në disa thasë. Dyshohet se droga është mbledhur nga fshatrat përreth.
Policia bëri të ditur se ka shoqëruar 3 banorë të fshatit si të dyshuar si dhe ka shpallur në kërkim pronarin e magazinës, ku u gjet droga. Edhe disa persona të tjerë po merren në pyetje nga hetuesit për të parë nëse kanë lidhje me drogën.
Të dielën e parë Prokuroria zbuloi 2 ton drogë në një tunel ushtrie në Mat. Burime nga Prokuroria bënë të ditur se, 2 ton e 55 kg drogë janë gjetur në fshatin Rreth-Bazë të Matit. Të njëjtat burime pohuan se, droga e gjetur në tunelin e ushtrisë ruhej nga policia dhe lënda narkotike ishte bërë gati për t‘u trafikuar jashtë shtetit.
Në përfundim të veprimeve të para hetimore të kryera nga Prokuroria e Rrethit Mat është bërë  arrestimi në flagrancë i shtetasit Andrea Gjinaj, 33 vjeç, banues në fshatin Rrethë-Baz, Mat, për  veprën penale “Prodhim dhe shitje të narkotikëve”. Si dhe është shpallur në kërkim një shtetas tjetër, pronari i ligjshëm i tokës shtetasi E.D, 37 vjeç, i cili e ka lëshuar me qira tokën e tij shtetasit të arrestuar. Policia po heton zyrtarë të lartë të policisë për përfshirje në kultivimin dhe trafikimin e drogës.
Grupi hetimor ka gjetur dhe një kontratë noteriale mes pronarit dhe të arrestuarit për një pagesë qiraje të tokës prej 250 mijë lekësh në muaj. Në bazë të kësaj kontrate u bë edhe prangosja e 33-vjeçarit. Dyshohet se droga do të trafikohej jashtë vendit dhe pjesë e grupit janë disa persona. Krahas sasisë së drogës, grupi hetimor ka sekuestruar edhe kontratën e bërë mes pronarit të tokës dhe qiramarrësit, në bazë të së cilës mësohej se 37-vjeçari merrte në muaj afro 250 mijë lekë të reja një vlerë e lakmueshme kjo edhe për tokat në kryeqytet.

10 mijë ton kanabis janë depozituar në tunelet e ushtrisë

Mbi 10 mijë ton kanabis janë depozituar nga policia në tunelet e ushtrisë dhe Rezervat e Shtetit për ta trafikuar jashtë shtetit. Denoncimi u bë nga ish-Kryeministri Berisha, i cili shkruan se, policia ka depozituar miliona rrënjë kanabis sativa në tunelet e ushtrisë dhe depot e Rezervave Shtetërore për ta trafikuar çdo natë nga toka, deti dhe ajri. Në një postim në Facebook, Berisha shkruan se, mbi 10 mijë ton kanabis janë depozituar në tunelet e ushtrisë dhe Rezervat e Shtetit!
“Të dashur miq, pak ditë më parë ju njoftuam se kanabisi i 2.5 milionë rrënjëve të korrura nga policia, siç pohon ajo vetë, nuk u shkatërrua, por policia e ka depozituar atë në tunelet e ushtrisë dhe depot e Rezervave Shtetërore për ta trafikuar çdo natë nga toka, deti dhe ajri. Video e mëposhtme tregon vetëm një nga qindra tunelet e mbushura me drogë!”, shkruan Berisha. Pas hetimeve të Prokurorisë, u gjetën dhe u sekuestruan në një tunel të ushtrisë në fshatin Reth Baz të Matit 2 ton e 55 kg kanabis. Lënda narkotike u gjet e futur në thasë në një tunel të ushtrisë dhe një konteiner në vendin e quajtur “Shullani i Vilës”.

R.POLISI

Mafia godet, vritet në zemër të Tiranës ish-drejtori i policisë

Një nga drejtuesit më të lartë të Policisë së Shtetit u vra mbrëmë me armë m’u në zemër të Tiranës. Ngjarja e tmerrshme ka ndodhur rreth orës 20:00 në zonën e njohur si Rruga e “Kosovarëve” në afërsi të Liqenit Artificial në kryeqytet. Burimet e policisë bënë të ditur se nga breshëritë e plumbave ka mbetur i vrarë ish-drejtori i Policisë së Vlorës, Artan Cuku 45 vjeç. Vrasja ka ndodhur në një prej zonave që kanë më shumë qarkullim në Tiranë, duke krijuar frikë dhe panik tek qytetarët.
Burime nga vendi i ngjarjes bënë të ditur se kanë qenë dy persona me motor që i kanë zënë pritë ish-drejtorit të policisë në hyrje të banesës së tij tek Rruga e “Kosovarëve” në Tiranë. Burimet bënë të ditur se, ngjarja ka ndodhur në një moment, kur ai ka qenë duke ecur në këmbë. Ish-zyrtari i lartë i policisë ka qenë i shoqëruar me bashkëshorten e tij dhe me dy fëmijët, por ndërsa bashkëshortja dhe fëmijët janë futur në banesë, ai është futur në një market dhe sapo ka dalë që andej është qëlluar me 5 plumba, poshtë pallatit ku jetonte së bashku me familjen e tij. Ai ka rënë në tokë i mbuluar me gjak, ndërsa atentatorët janë larguar me motor në drejtim të paditur për policinë.

Kush e vrau ish-drejtorin e Policisë?

Krimi ka marrë zemër dhe po godet edhe zyrtarët më të lartë të policisë. Ndërsa në kohën e qeverisë demokratike kriminelët u arrestuan dhe morën dënimin e merituar, Rama i nxori nga burgu për të vrarë edhe njerëzit e rendit. Rama i nxori në rrugë kriminelët dhe e ngriti krimin në sistem me pretendimin e spo bën shtet. Çfarë shteti mund të quhet ky i Ramës, kur kriminelët po marrin zemër dhe po vrasin edhe njerëzit e shtetit?!
Artan Cuku ka qenë nëndrejtor i Policisë për Krime të Rënda në Tiranë nga viti 2009 deri në vitin 2011.
Më pas, lapsi.al mëson se Cuku mbajti detyrën e drejtorit të Policisë së Vlorës nga viti 2012 deri në vitin 2013. Cuku ka qenë prej 16 vitesh në polici ku ka shërbyer si shef krimesh edhe në Tiranë, Shkodër dhe Fier.
Më pas u largua nga detyra dhe mësohet se këto kohë ka qenë jashtë radhëve të policisë, duke u marrë me aktivitet privat.

Kush ishte ish-zyrtari i lartë i policisë që u ekzekutua me armë

Ish-zyrtari i lartë i policisë, Artan Cuku, i cili mbeti i vrarë mbrëmjen e djeshme në Tiranë, ka mbajtur disa poste shumë të rëndësishme gjatë karrierës së tij në Policinë e Shtetit, deri në vitin 2014, kur drejtori i Përgjithsëm i Policisë së Shtetit, Artan Didi e pushoi nga detyra me pretendimin se po “rikonstruktonte policinë”.
Artan Cuku, punonjës i lartë në Policinë e Shtetit ka mbajtur edhe detyra të rëndësishme në Tiranë dhe në rrethe të tjera të vendit për 16 vjet.
Ai ka qene edhe shefi i Antitrafiqeve në Drejtorine e Policisë se Vlorës, shef Krimesh në Tiranë, Shkodër, Fier. Cuku ka qenë edhe zv/drejtor i Krimeve në Policinë e Tiranës para se të emërohej drejtor në Vlorë.
Ai ka drejtuar Policinë e Vlorës në vitet 2012-2013 dhe ka qenë nën/drejtor i Policisë së Tiranës në vitet 2009-2011.
Në Drejtorinë e Përgjithshme të Policisë, Artan Cuklu ka drejtuar Drejtorinë e Hetimeve të Krimeve të Rënda.
Cuku ka mbajtur edhe detyra të tjera si shef Komisariati në qytete të ndryshme të Shqipërisë, por edhe në Tiranë. Kur ishte në kryeqytet një i shoqëruar nga policia, vëllai i një të arratisuri qëlloi veten me armën e tij.
Më 1 qershor 2014, Artan Cuku u pushua nga puna nga drejtori i Policisë, Artan Didi, me pretendimin se “po rikonstruktohet Policia e Shtetit”.
Dyshimet janë që krimi të ketë ndodhur për hetimet që ka bërë Artan Cuku gjatë kohës kur ka mbajtur pozicionet e larta në Policinë e Shtetit.
Artan Cuku, ishte i martuar dhe baba i dy fëmijëve, një djali dhe një vajze.
Vrasja ndodhi tek Rruga e “Kosovarëve”, një ndër më të preferuarat për banim kohët e fundit në kryeqytet.

Artan Cuku, tmerri i bandave

Artan Cuku është një emër shumë i njohur, sidomos në Vlorë. Të gjithë qytetarët e mbajnë mend për vendosjen e rendit dhe goditjen e bandave kriminale si dhe luftën ndaj trafikut të drogës. Ishte një nga drejtuesit më të mirë të Policisë së Vlorës, ku vendosi rendin dhe sigurinë në kohë të vështira.
Mbahet mend për kapjen e sasive të mëdha të drogës, qoftë në Karaburun apo në goditjen e grupe të njohura kriminale. Ishte një oficer policie që ndryshoi rrënjësisht për mirë rendin dhe sigurinë në qytetin e Vlorës.
Vendosi në dispozicion numrin e tij të telefonit në shkolla dhe institucionet e tjera, duke u ardhur në ndihmë qytetarëve. Ka kryer operacione shumë të forta, duke bërë arrestime të bujshme. Gëzonte respekt nga qytetarët.

Prokuroria: Vrasja e ish-drejtorit të Policisë, për shkak të detyrës
Prokuroria ka shkuar menjëherë në vendin e ngjarjes, ku u vra ish-drejtori i Policisë së Vlorës, Artan Cuku. Prokurorët e çështjes që po hetojnë ngjarjen bënë të ditur se, vrasja e ish-zyrtarit të lartë të Policisë së Shtetit, Artan Cuku është bërë për shkak të detyrës që ai ka mbajtur. Prokuroria bëri të ditur se po heton në këtë pistë, por nuk është i këtij mendimi drejtori i Policisë së Tiranës, Ervin Hodaj.
Në një dalje për mediat, Hodaj u shpreh se dyshohet se shkak i vrasjes të jetë bërë hakmarrja. Sipas Hodajt, në janar në vitit 2005, kur Cuku ishte shef i Komisariatit Nr.4 të Tiranës një i ndaluar ka vrarë veten. “Unë ju informoj se rreth orës 20:00 ka ardhur një telefonatë për të shtëna armësh në Rrugën e “Kosovarëve”. Kanë vajtur menjëherë në vendngjarje forcat e policisë, ku kanë konstatuar se ishte goditur me armë zjarri një ish-zyrtar i policisë. Të shtënat me armë ishin fatale për jetën.
Janë organizuar postblloqe të menjëhershme, janë dhënë të dhëna për autorët e mundshëm dhe po punohet për zbardhjen e ngjarjes. Jemi në fazat e para të hetimit, angazhimi jonë është maksimal.
Nuk kemi pasur asnjë informacion, por dhe asnjë kërkesë nga viktima. Jemi shumë herët për të krijuar pista të mundshme, por po punohet në këtë drejtim. Të gjitha pistat do të hetohen nga ana jonë. Kjo është një ngjarje e rëndë, angazhimi i policisë është shumë i madh. Dëshmitarët janë atashuar pranë komisariateve të policisë për të zbardhur ngjarjen”, deklaroi Hodaj.

Reagon Shoqata e Punonjësve të Policisë: Shteti ka kapitulluar para krimit

Shoqata e Punonjësve të Policisë në Lirim kanë reaguar për vrasjen e ish-drejtorit të Policisë së Vlorës. Vrasja e Artan Cukut ka prekur shumë njerëz, kolegë dhe ish-kolegë të tij. Krimi i rëndë që ka tronditur kryeqytetin ka sjellë dhe reagimin e ish-kolegëve të ish-drejtorit të Policisë së Vlorës, Artan Cuku, të cilët kanë bërë një mesazh ngushëllimi për familjen e tij, ndërsa kërkojnë që të zbardhet ngjarja e rëndë.
“Me dhimbje të thellë mësuam se kolegu ynë Artan Cuku, nuk është më midis nesh. Dora burracake e krimit i mori jetën babait të devotshëm, bashkëshortit të përkushtuar dhe një oficeri model të Policisë së Shtetit.
Artan Cuku, ka shërbyer për më shumë se 15 vite në Policinë e Shtetit, ku edhe ka mbajtur detyra shumë të rëndësishme si zv/drejtor i Drejtorisë së Qarkut Fier, zv/drejtor i Qarkut Tiranë dhe para largimit nga radhët e organizatës ishte drejtori i Policisë së Qarkut Vlorë.
Shoqata e Punonjësve të Policisë në Lirim – 2013 kërkon nga autoritetet ligjzbatuese të marrin të gjitha masat për zbardhjen sa më parë të kësaj ngjarje, që sipas të gjitha gjasave lidhet me detyrat e larta që kolegu Cuku ka patur deri në vitin 2013, në Policinë e Shtetit dhe luftën pa kompromis që ai ka kryer ndaj krimit dhe elementëve kriminale.
Kjo ngjarje e dhimbshme dhe po aq e rëndë, është tregues i situatës dramatike në të cilën ndodhet rendi dhe siguria në vend, një gjendje që flet për një shtet të kapitulluar para krimit. Paralelisht, ajo është një tjetër provë e shpërfilljes totale nga kjo qeveri, Ministria e Punëve të Brendshme dhe drejtuesve aktualë të Policisë, për ish-punonjësit e policisë, të cilët janë liruar nga detyra për motive cinike e të paligjshme dhe tashmë ndodhen të ekspozuar, pa asnjë mbrojtje ndaj elementëve kriminalë, të bërë palë me këtë pushtet të kalbur e të korruptuar deri në palcë.
Shoqata e Punonjësve të Policisë në Lirim-2013 e përcjell me pikëllimin më të thellë këtë ngjarje dhe gjendet pranë familjes e të afërmve të oficerit, kolegut e mikut Artan Cuku”, thuhet në reagimin e Shoqatës së Punonjësve të Policisë në Lirim.

Rexhep POLISI

Mediu: Qëndresë deri në fitoren e kauzës

Kreu i Republikanëve, Fatmir Mediu deklaroi dje nga sheshi i lirisë se lëvizja dhe qëndresa për krijimin e një qeverie teknike që do të garantojë zgjedhje të lira dhe të ndershme do të vijojë deri në fitoren e kauzës. “Kjo është lufta më e madhe dhe lëvizja më e shenjtë në këto vite të historisë politike shqiptare pas viteve ‘90. Por por jo vetëm si anëtare e re e grupit konservator, grupit të tretë më të madh në PE është sot këtu për të treguar edhe një herë që beteja jonë nuk do të marrë fund deri në fitoren e kauzës. Ne sot jemi këtu për çdo burrë e grua, të rinj e të reja që besojnë se kanë të ardhme dhe këtë të ardhme e besojnë me votën e lirë. Kemi diskutuar me personalitete të ndryshme të botës, nga të gjitha vendet europiane për problemin e drogës dhe bandës dhe kemi dalë në një përfundim, e drejta dhe liritë e individit nuk mund të mposhten nga asnjë pushtet. Ndaj dhe ne nuk do të ndalemi për të fituar betejën për zgjedhje të lira dhe të ndershme. Stabiliteti i vetëm që mund të ketë Shqipëria është që shqiptarët të marrin në dorë fatet e tyre. Ndaj dhe të ulemi për të vendosur një dialog të drejtë, për të krijuar një qeveri teknike me mandatin që do të bëjë të gjitha detyrat që duhen plotësuar standardet për zgjedhjet e lira dhe të ndershme”, u shpreh Mediu. Më herët dje, kryetari i Partisë Republikane, Fatmir Mediu, mori pjesë në Samitin e Lirisë të organizuar nga Aleanca e Partive Konservatore dhe Reformiste Evropiane (ACRE). Ky aktivitet vjen në 100-vjetorin e Revolucionit Bolshevik dhe Shqipëria është zgjedhur pikërisht si një nga vendet që ka vuajtur më shumë nga pasojat e diktaturës dhe ideologjisë komuniste. Në panelin e këtij samiti, dy folësit kryesorë dje ishin: Daniel Hannan, sekretari i Përgjithshëm i ACRE, një nga politikanët konservatorë më me ndikimin në Britani, por ashtu edhe mjaft i përkrahur për idetë e tij nga republikanët amerikanë. Ai gjithashtu është një prej personaliteteve politikë dhe zërave të fortë që kanë mbështetur procesin e Brexit. Folësi tjetër ishte kryetari i PR-së, (anëtarësuar dy ditë më parë në ACRE), Fatmir Mediu. Në fjalën e tij, Mediu bëri një pasqyrë të plotë përpara të pranishmëve nga gjithë Evropa, për vitet e tmerrshme që Shqipëria ka kaluar nën diktaturën më të egër në bllokun e Lindjes, për krimet monstruoze, për shtypjen e lirisë, për mohimin e mendimit dhe ndalimin e besimit, duke e kthyer shoqërinë shqiptare në një nga shoqëritë më të dhunuara dhe të deformuara. “Për fatin tonë të keq, ne akoma vuajmë edhe sot e kësaj dite pasojat e këtij deformimi, të cilat reflektohen qartazi në politikën shqiptare, duke e kthyer atë në një pengesë dhe jo në një shtysë për të ecur drejt familjes së madhe europiane”, u shpreh Mediu. Gjithashtu në fjalën e tij, Mediu theksoi se edhe kriza e sotme politike, ku opozita ndodhet në shesh duke protestuar vjen si pasojë e mendësisë komuniste, gati totalitare, me të cilën po qeveriset Shqipëria, duke tentuar kësisoj të mohohet e drejta për të votuar si qytetarë europianë, duke e kthyer Shqipërinë në një vend ku nuk ka zgjedhje të lira dhe të ndershme.

Nuk do të lejohet një qeveri jashtë ligjit

Lëvizja popullore ka kaluar dje 50 ditët e protestës së pandërprerë në atë që është pagëzuar si Sheshi i Lirisë. Vendosmëri dhe qëndresë. Basha dha dje mesazhet e shpresës së madhe që ka lindur nga kjo lëvizje popullore.
“Eshtë dita të përulem me respektin më të thellë historik ndaj 50 ditëve, 1200 orëve të kësaj qëndrese historike, që në fakt përfaqësojnë miliona orë të jetës së qindra-mijëra shqiptarëve në bashkimin më të madh popullor për liri dhe demokraci të vërtetë.
Nisi si domosdoshmëri, vazhdoi si sakrificë, dhe sot, siç e thanë të pranishmit në këtë agorë, përfaqësuesit e medias e në veçanti rinia shqiptare, është shpresa, ëndrra dhe e nesërmja e Shqipërisë së re. E një Shqipërie, e cila me të vërtetë u zhyt në dëshpërim, në varfëri, në mjerim, në depresion në këto katër vite të shartimit të pushtetit me krimin dhe krimit me pushtetin, por, përkundër ofshamave të prindërve, përkundër dëshpërimit të rinisë, nuk iu dorëzua këtij fati të keq, por duke marrë forcë nga geni më mbijetues i racave europiane dhe nga virtytet më të pastra të shqiptarit ndër shekuj, i dha zë shpresë dhe forcë një populli, i cili nuk dorëzohet, një populli, i cili nuk nëpërkëmbet nga e keqja, por çohet, ngrihet së bashku për ta mposhtur të keqen.
Kush e përjetoi dhe e përjeton këtë qëndresë ka krenarinë e jashtëzakonshme, siç e kam edhe unë sot që t’i them vetes bashkëqytetar i juaji, bashkëkombës i juaji, shqiptarë si shqiptarët e Sheshit të Lirisë, shqiptarë si shqiptarët e çadrës së lirisë, shqiptarë si shqiptarët e qëndresës së lirisë, shqiptarë dhe patriotë si anëtar i kësaj lëvizje të madhe, historike dhe transformuese.
Detyrat tona janë të qarta, ta ndalim tiraninë. Po, qeverisja jashtë Kushtetutës dhe jashtë ligjit, është tirani dhe tiranitë ndalen ose përmbysen», tha Basha.
“Kryetari i opozitës paralajmëroi se tirania do të përmbyset dhe se nuk do të lojehet një qeveri të funksionojë mbi ligjin.
Ky është mësimi i madh i demokracive të mëdha, është shkruar me gërma të praruara në zemrën e demokracisë, në Uashingtonin e Shteteve të Bashkuara të Amerikës, jo thjesht si një nderim për popullin amerikan dhe luftën e tij për pavarësi dhe liri e dinjitet njerëzor, por si një kujtesë për pushtetarët vendas dhe ata të huaj që vizitojnë Uashingtonin. Një kujtesë e praruar në germa, por e paguar me sakrificën e bijve dhe bijave të revolucionit amerikan. “Një qeveri jashtë ligjit është tirani dhe tirania përmbyset!”, tha Basha.

SHBA garante e lirive dhe të drejtave qytetare

Kryetari i opozitës ka komentuar sulmin amerikan ndaj një maskarade të një tirani në Siri si provën e parë se ndryshimi ka nisur në Shtetet e Bashkuara. «Ju thashë kur u ktheva nga Uashingtoni se gjërat po ndryshojnë dhe kanë ndryshuar. Dje e gjithë bota u bë dëshmitare e rindezjes së shpresës dhe konfirmimit të lidershipit moral të Shteteve të Bashkuara të Amerikës që përvëluan me 59 raketa tomahok bazat e një tirani që nuk kurseu fëmijët e popullit të tij nga sulmet genocidale me gaz helmues.
Kishin pritur prej muajsh dhe vitesh, miqtë dhe aleatët e Shteteve të Bashkuara të Amerikës, që fjalët të bëheshin vendime, që Shtetet e Bashkuara të qëndronin siç kanë qëndruar fort, për parimet bazë të lirisë së kombeve që fillojnë me liritë dhe të drejtat e njeriut, të cilat mund dhe garantohen vetëm nga demokracia dhe shteti ligjor, që mund, dhe bëhen realitet vetëm me zgjedhjet e lira dhe të ndershme, që mund të ndodhin vetëm me votën e lirë, me vullnetin e lirë të qytetarëve.
Ky është kuptimi, ky është mesazhi, kjo është deviza e betejës tonë tash 50 ditë dhe i tillë do të mbetet qëndrimi, e tillë do të mbetet qëndresa dhe vendosmëria e kësaj lëvizje popullore deri në fitoren totale të kësaj beteje», tha Basha.

Asgjë nuk ndryshon pa votën e lirë

Asgjë nuk ka për të ndryshuar, asgjë nuk ka për t’u bërë më mirë, nëse nuk mposhtim krimin e lidhur me pushtetin dhe pushtetin e lidhur me krimin. Asgjë nuk ka për të ndryshuar në jetët e shqiptarëve, në përditshmërinë tuaj nga orët e para të mëngjesit deri në orët e fundit të mbrëmjes, nga ajo që kemi hequr dhe po hiqni tash 4 vjet të shkatërrimit të Shqipërisë nga rilindja e kriminalizuar dhe nga krimi i rilindur, nëse ne nuk e çojmë këtë betejë deri në fund me fitore pa pritur asnjë ditë, asnjë orë, por tani këtu në këtë shesh deri në fitoren e kësaj kauze.
Asnjë vend i ri pune nuk do të hapet, por qindra vende pune do të shkatërrohen ditë për ditë nga një ekonomi e asfiksuar ku nuk konkurohet më as me ide, as me inovacion, as me punën e ndershme dhe as me djersën e ballit, por ku gjithçka vjen peshqesh nga lidhjet e korruptuara të një grushti oligarkësh me një grusht pushtetarësh që i ndajnë miliardat e taksave të shqiptarëve për 5 apo 10 xhepa miliarderësh që jetojnë në luks total dhe totalisht të shkëputur nga realiteti dhe nga varfëria e mjerimi i shqiptarëve.
Asgjë nuk ka për të ndryshuar në spitalet shqiptare, që janë shndërruar në një purgator për pacientët tanë, për të afërmit tanë, për prindërit tanë, për fëmijët tanë. Dhe janë shndërruar në një ferr të vërtetë edhe për ne, familjarët e tyre teksa shohim se, ato që duhet të jenë stacionet e shërimit, janë në fakt paradhomat e përcjelljes për në botën tjetër, për shkak të korrupsionit që i ka shndërruar në kullesa nga ku vidhen dhe shpërdorohen miliardat e taksave të shqiptarëve që nuk kthehen as në pajisje të reja, as në përgatitje më të mirë për mjekët, as në mjekë dhe infermierë të përgatitur, as në ilaçe të rimbursueshme, por vetëm në koncesione korruptive që i kanë marrë gjithsej 3 klientë të qeverisë. Tre klientë me qindra milionë euro të shqiptarëve në xhepat e tyre që në rastin e shëndetësisë nuk është thjesht korrupsion, por është krim kundër njerëzimit, është genocid kundër shqiptarëve.
Asgjë nuk do të ndryshojë për rininë shqiptare, asgjë nuk do të ndryshojë për studentët shqiptarë, përkundrazi, ligji aktual i Arsimit të Lartë e ka të shkruajtur të zezë mbi të bardhë, se tarifat do të rriten nga viti në vit, ndërkohë që cilësia e mësimdhënies në auditore do të bjerë nga viti në vit, duke rënë kështu edhe mundësia për të pasur një brez të ri të mirëarsimuar e të gatshëm t’i përgjigjet nevojave të tregut të punës.
Asgjë nuk do të ndryshojë, por do të bëhet edhe më keq nëse ne nuk e ndalim marrëzinë e pushtetit të bërë njësh me krimin dhe krimit të bërë njësh me pushtetin.
Asgjë nuk do të ndryshojë për pensionistët shqiptarë që në këto katër vite, kanë parë se si fuqia e tyre blerëse ka rënë, se si mundësitë për të blerë prodhimet dhe shërbimet të domosdoshme për jetën e tyre, për mbijetesën e tyre janë më të pakta se katër vite më parë dhe, sesi duke shkelur edhe parashikimet ligjore, rritjet simbolike janë më të vogla se inflacioni që gërryen xhepat e tyre për të mos folur për faturat e kripura të energjisë, faturat e ujit, faturat e ilaçeve, taksat lokale dhe qendrore, dhe lloj-lloj faturash të tjera që e lanë pensionistin shqiptar me gisht në gojë.
Asgjë nuk do të ndryshojë për pensionistët shqiptarë po nuk e ndalëm këtu, po nuk e mposhtëm këtu tiraninë e bërë njësh me krimin dhe krimin e bërë njësh me tiraninë. Asgjë nuk do të ndryshojë për intelektualët e përbuzur, të tallur, të diskriminuar nga një kryeministër arrogant, delirant dhe injorant që fshihet pas fasadës sipërfaqësore të kopertinave që ka lexuar.
Asgjë nuk ka për të ndryshuar, gjithçka do të jetë si në këto katër vite madje edhe më keq, për qindra mijëra njerëz që më kot presin zhvillim ekonomik dhe vende të reja pune. Njerëzit do të përballen me një ekonomi që do të vazhdojë të lëngojë nën peshën e taksave të larta, nën mungesën e qartë të konkurrencës si motor i zhvillimit, në një ekonomi, që vetëm në letër është e tregut të lirë, sepse gjithçka kontrollohet si dikur nga komisioni qendror i planifikimit.
Tani nga byroja e pashpallur jopolitike, por mafioze, me në krye Edi Ramën dhe 40 hajdutët e tij në ministritë kryesore dhe institucionet e vendit, ky është dhe plani i republikës së vjetër, të ruajë me çdo kusht këtë status-quo. Sepse, me këtë gjendje, me këtë status-quo, ata janë zotër të vërtetë të parave të shqiptarëve, të pasurive të shqiptarëve, të mediave të shqiptarëve, të mendjeve të shqiptarëve, të fatit të shqiptarëve. Ata janë zotër të vërtetë dhe populli e qytetarët nuk janë asgjë, përveçse shërbëtorët e vërtetë, një tufë delesh që ushqehen me kashtë e me bar që u merret dhe pika e fundit e gjakut.

650 milionë vjedhje vetëm në 2016

Kryetari i opozitës ka bërë publike shifrat e vjedhjeve dhe shpërdorimeve të qeverisë vetëm për vitin 2016. Janë plot 650 milionë që sipas raporteve zyrtare të institucioneve u janë marrë shqiptarëve nga xhepat e tyre dhe kanë përfunduar në xhepat e klientelës së Ramës.
«Vetëm nga buxheti i shtetit, vetëm vitin e kaluar dhe vetëm sipas raportimeve zyrtare të institucioneve të shtetit, vodhën 650 milionë euro. Me paratë e mafias dhe të drogës, sot e zhytën Shqipërinë si vendin e fundit në Evropë, apo më mirë të themi të parin, për pastrimin e parave, ndaj dhe droga jo vetëm nuk do të zhduket, por do të mbulojë çdo cep të Shqipërisë, sepse paratë e drogës dhe droga janë plani, kompromisi, projekti i Ramës dhe krimit për të qenë në pushtet, për të mbajtur pushtetin, për t’u pasuruar dhe për të ruajtur pasuritë kriminale, përmes pushtetit të korruptuar. Në funksion të saj dhe vetëm në funksion të pushtetit dhe parave, paguhen me paratë e drogës shqiptare, lobistë evropianë dhe amerikanë, fundërrina morale, të cilët bëjnë duanë e krimit të organizuar shqiptar dhe qeverisë më të korruptuar të Evropës, vetëm e vetëm që të vjelin milionat e dollarëve dhe eurove që merren nga xhepat e qytetarëve më të varfër të Evropës», tha Basha.
Kryetari i PD  ka kritikuar pronarët e mediave që kanë humbur betejën për informim publik dhe janë kthyer në vasalë të qeverisë. Basha ka sqaruar se roli i botuesve të tillë si ai i Henri Çilit është i tillë, sepse lidhet me fijet e interesave të qeverisë. Ai akuzoi se paratë e drogës dhe abuzimeve të pushtetit po përdoren për të blerë zgjedhjet.
«Milionat e drogës, milionat e koncesioneve, milionat e tenderave janë futur në lojë për t’i mbyllur gojën edhe medias shqiptare. Jo gazetarët as analistët e ndershëm aq më pak punonjësit e ndershëm të medias, por një grusht pronarësh, të cilët e kanë lidhur fatin e tyre jo me të vërtetën, por me paratë e tenderave korruptive, të lejeve të ndërtimit dhe që kanë të njëjtin interes si Rama të mbajnë këtë gjendje në këmbë, të ruajnë këtë status-quo. Prandaj, Henri Çili me shokë, thonë që po iku qeveria teknike, iku Rama, ikim dhe ne, sepse nuk duan dhe nuk luftojnë për interesin publik, por duan dhe luftojnë vetëm për interesat dhe xhepat e një grushti njerëzish që e kanë lidhur fatin e tyre me fatin e Edi Ramës dhe përmes Edi Ramës, me fatin e krimit dhe korrupsionit», tha Basha.
Për Bashën është e qartë se humbja e kësaj klientele të ngushtë është një fitore për të gjithë shoqërinë. «Humbasin shumë, shumë humbasin dhe e thonë dhe me gojën e tyre. Kush humbet, kush humbet me zgjedhje të lira dhe të ndershme, me të cilat populli do të gjykojë me votë të lirë qeverinë e mjerimit, shkatërrimit, mashtrimit, drogës dhe krimit? Humbasin oligarkët, humbasin kriminelët, humbet çeta e korrupsionit, por fiton një Shqipëri e tërë, fitojnë shqiptarët e ndershëm, të djathtë e të majtë, të gjithë së bashku”, tha Basha.

Nuk do të ketë reformë në drejtësi alla-Shullaz

Basha deklaroi prerë se drejtësi të kapur nga krimi dhe bandat, drejtësi alla-Shullaz ku kontrollin e merr Rama nuk do të ketë dhe se PD do t’i qëndrojë besinike atij kompromisi të arritur më 21 korrik. Basha hodhi poshtë çdo mundësi për të pranuar një reformë të njëanshme të drejtësisë.
“Fabula e fundit është se, ne duam të pengojmë PS të marrë pjesë në zgjedhje dhe t’i fitojë ato. Fabula e fundit është se, Edi Rama po e bën gjithë këtë qëndresë jo për të ruajtur karrigen dhe privilegjet e pushtetit, që t’i përdorë për t’i prishur e kapur zgjedhjet e shqiptarëve, po sepse ai do të bëjë drejtësinë, ai do të bëjë shtetin. Ka ngritur bashkë me një tufë të korruptuarish ndërkombëtarë mitin se, Edi Rama donte drejtësinë dhe ne nuk e duam dhe për një kohë të gjatë. Se ne, këtu, hapim shpirtin apo jo.
Për një kohë të gjatë edhe na kanë kompleksuar duke thënë, jo ne nuk duam reformën. Por nuk është e vërtetë që nuk duam reformën.
Por kam kuptuar falë jush dhe kemi kuptuar sesa e kotë është të jesh civil dhe sa e dëmshme është të jesh defensiv përballë të keqes. Që ne duam Reformën në Drejtësi, këtë e kemi provuar me votën tonë të 22 korrikut dhe nuk ka nevojë, as ta themi e as ta mbrojmë më, por sot, është dita t’i them Edi Ramës dhe kujtdo që e mbështet në këtë komplot kundër lirive të shqiptarëve me çfarëdo pasaporte që të ketë se; kurrë, kurrë Edi Rama nuk do ta ketë në dorë drejtësinë shqiptare, se PD nuk do të jetë kurrë alibia që Edi Rama dhe kriminelët të shtijnë në dorë drejtësinë shqiptare. Reformë në Drejtësi alla-Shullaz, nuk ka për të pasur kurrë.
Ne dhe qeveria e dalë me votë të lirë e ndershme do ta zbatojmë Reformën në Drejtësi jo sipas përcaktimeve Rama-Tahiri-Shullazi, para të cilave mbyllën sytë ata që nuk kanë interes Reformën në Drejtësi, por karrigen e Edi Ramës, për arsyet që i dinë vetë dhe turp të kenë, por ne, do të zbatojmë Reformën në Drejtësi që votuam sipas formulës së rakorduar, SHBA-BE. Vetëm dhe vetëm, pasi 6 ligjet të kenë vulën e konsensusit opozitar sipas marrëveshjes politike të 21 korrikut. Kush nuk ka kohë për t’i dëgjuar këto detaje bën mirë të hapë veshët se nuk janë detaje. Kush i dëgjon dhe i kupton ta dijë se shteg tjetër për reformën në drejtësi nuk ka dhe nuk mund të ketë. Drejtësi në duart e Edi Ramës, drejtësi në duart e kriminelëve, me të cilët mbushi Parlamentin dhe bashkitë, drejtësi në duart e kartelit të drogës, nuk dorëzojmë kurrë. Që të kemi drejtësi të vërtetë duhet të kemi demokraci të vërtetë. Zgjedhje të lira dhe të ndershme. Ndaj, që të kemi një përfundim të suksesshëm të Reformës në Drejtësi që do t’i hapë rrugën gjyqtarëve dhe prokurorëve që nuk mbrojnë, por luftojnë krimin dhe korrupsionin, duhet së pari, të kemi zgjedhje të lira dhe të ndershme”, tha Basha.

Gazetarë dhe intelektualë në çadrën e lirisë

Lulzim Basha bashkëbisedoi me njerëz të mediave dhe studentë për fjalën e lirë dhe situatën ku sot ndodhen mediat dhe formën që do të ketë Republika e Re. Gazetarë të medias së shkruar dhe vizive, me eksperiencë por edhe të rinj përballen me presionin për të përçuar tek shikuesi, lajmin e përzgjedhur dhe përgatitur paraprakisht nga zyrat e propagandës qeveritare. Klara Bici, Elton Metaj, Mina Hysa, Altin Mema, Gazim Alliu, Artan Cena dhe Bled Kasmi folën për vështirësitë në vendin e punës për të mos bërë kompromis me të vërtetën. Bici tha se kryeministri sot sulmon ato media, të cilat edhe përmes presionit, e ndihmuan në ngritjen e figurës së tij fiktive. Hysa tha se gazetarët janë nën presion, ndërsa pronarët janë blerë dhe se nuk mund të ketë liri në media kur nuk ka votë të lirë. Gazetari nga Lezha, Altin Mema tha se kryeministri po zhduk gazetarët dhe kameramanët të cilët nuk i lejon të xhirojnë në aktivitetet e tij, sepse i bën vetë dhe ia dërgon lajmin redaksive të gazetave dhe televizioneve të parapërgatitur. Mema tha se në këtë mënyrë kryeministri jo vetëm kontrollon lajmin, por i heq edhe ditën e punës gazetarit dhe kameramanit profesionist. Gazetari Artan Cena tha se “sheshi i lirisë” i ka dhënë mundësinë njerëzve të thonë hallet e tyre, të cilat duhen zgjidhur dhe kjo është Republika e Re për qytetarët. Poeti dhe autori Agim Doçi tha se iu bashkua qytetarëve në atë të cilën e quajti “çadra e gjithë Shqiptarisë”. “Kam ardhur për misionin e madh sepse ende disa shqiptarë se kanë kuptuar se në opozitë është çështja kombëtare.” Doçi shprehu keqardhjen për situatën ku vendi, e sidomos rinia shqiptare ndodhet sot, përmes vargjeve. Gjatë diskutimit, studentët e pranishëm folën për mungesën e vizionit në një vend ku jo vetëm të rinjtë por edhe mosha e mesme sot kërkon të largohet përtej kufijve. Alit Brati, Erjada Halili, Edona Staka folën për nevojën që rinia të qëndrojë dhe investojë në vendin e saj. Staka, studente nga Shkodra tha se kjo qeveri nuk i dha shqitparëve asnjë arsye ëpr të qëndruar në vendin e tyre. 60% e të rinjve duan të largohen, gjashtë nga dhjetë fëmijë largohen për të gjetur shkollim dhe punë përtej kufijve. Shtetit i ikën katalizatori i tij. “Do kisha dash tju them mos ikni dhe me ju dhënë 1 milionë arsye mos me ik, por une nuk i kam as 100, kam vetëm 5 të mijat modeste pse kam zgjedh unë mos me ik. Nuk dua të iki sepse kam lindur ne vitin 1991, ndaj jam konceptuar të jem e lirë. Nuk e kam ndërmënd të lë bishën komuniste të më kalojë para syve. S’kam ndërmënd të lë prindrit e mi të jetojnë komunizmin për herë të dytë në 2017. Kam një za dhe mendim dhe kam bindjen se i duhem vendit tim. Mos ikni por guxoni dhe të guxosh dmth të mos të kesh frikë të sfidosh sistemin.”

Anulim i kontratatve korruptive të qeverisë

Tani, për tezën tjetër që do bëjë shtet. Shtetin, Edi Rama e ka bërë. Ky është shteti i Edi Ramës dhe siç e thamë dhe siç e dini fare mirë, asgjë nuk ka për të ndryshuar për këtë shtet, nëse ne e lejojmë tiraninë e krimit të vazhdojë të diktojë jetët e shqiptarëve. Ky është shteti i Edi Ramës. Kriminelë në Parlament, kriminelë në krye të bashkive, eskobarë në krye të policisë, doganave, tatimeve. Këta kriminelë jo socialistë, por kriminelë, vendosin se kush merret në punë dhe kush hiqet nga puna. Këta kriminelë, vendosin se kush i fiton tenderat qendrore dhe lokale. Këta kriminelë, vendosin planet urbanistike ku do prishen lulishtet, ku do ndërtohen pallatet dhe kush do t’i ndërtojë. Këta kriminelë, e shndërruan Shqipërinë në hambarin më të madh të drogës. Por, e bënë këtë vetëm e vetëm, sepse kishin mbështetjen, bekimin dhe mbrojtjen politike të kryetarit të tyre të krimit në pushtet, që është Edi Rama.
Ky shtet, jo vetëm që nuk do të qendrojë në këmbë, por nuk do t’i mbijetojë as orës së parë të Republikës së Re që po vjen me zgjedhje të lira dhe të ndershme. Sepse, detyra e parë e Republikës së Re, është të shembë me themel, të shkallojë deri në gurin e fundit, shtetin kriminal, komplotin kundër shqiptarëve, republikën e vjetër të Edi Ramës dhe kriminelëve në pushtet. Këtë, e di fare mire, ndaj ka frikë të japë dorëheqjen. Ka frikë të vijë në sheshin e garës dhe betejës elektorale, si palë e barabartë, sepse Edi Rama, pa krimin, pa drogën, pa paratë e krimit dhe drogës dhe koncensioneve dhe tenderave korruptivë, është jo i humbur, por i shkatërruar para gjykimit popullor me votë. Por askush nuk duhet të ketë frikë nga kjo. Opozitarët jo e jo. Bashkimi i madh popullor që ka brenda vetes edhe skeptikët e djeshëm ndaj synimeve dhe objektivave tona, po kështu, nuk kanë dhe nuk mund të kenë asnjë keqardhje. Por edhe socialistët e ndershëm duhet ta dinë se skanë të ardhme me republikën e vjetër të krimit dhe korrupsionit, ata janë këtu me republikën e re të bashkimit popullor e do të jenë bashkë me shqiptarët në një stacion të ri të shpresës dhe mundësive për Shqipërinë dhe për Partinë Socialiste. Se Republika e Re, nuk është dhe nuk do të jetë republika e përjashtimit, por republika e gjithpërfshirjes, të gjithë shqiptarëve pa dallim bindjesh politike. Themeli i Republikës së Re është barazia para ligjit. Themeli i Republikës së Re është konkurenca e lirë. Themeli i Republikës së Re janë mundësitë e barabarta për këdo dhe mundësia e madhe për të gjithë ne që në varësi të aftësive dhe talenteve t’i kthejmë këto në mirëqenie për jetën e familjarëve.
Republika e Re është shansi, mundësia dhe garancia që jo vetëm pushteti politik, por edhe pushteti ekonomik t’i takojë sovranit, pra qytetarëve. Ndaj vendimet e para të Republikës së Re, do të jenë çmontimi me themel i aleancës së krimit dhe politikës, por duke nxjerrë nga institucionet të gjithë personat me rekorde kriminale, të cilët kurrë nuk erdhën për hallet e popullit, por vetëm për hallet e tyre. Vendimet e para do të jenë anulimi i dhjetëra dhe qindra kontrata korruptive që u kushtojë xhepave të shqiptarëve mbi 200 milionë euro vit për vit. Këto para do tua shkulim nga xhepat e korrupsionit dhe kontot bankare kudo që t’i kenë, dhe që prej ditës së parë, do t’i destinojmë për problemet, hallet dhe shpresat e shqiptarëve. Republika e Re, kësisoj, do të mund të mbajë premtimin tonë se në krye të katër vjetëve, pensioni minimal në Shqipëri nuk do të jetë më pak se 250 mijë lekë të vjetra në muaj. Se pensionet në tërësi do të njohin një rritje prej 40%. Se rinia shqiptare që po mbaron universitetin do të ketë të paguar nga Republika e Re, me paratë e taksapaguesve shqiptarë 10 mijë stazhe në vit me pagesë minimale prej 200 mijë lekësh për t’i mundësuar çdo të riu e të reje një urë material-financiare, një urë profesionele për të kaluar nga bankat e universitetit në tregun e punës, siç e bëjnë vendet e zhvilluara të Bashkimit Europian.

Ulje drastike taksash, taksa e sheshtë 9%

Basha ka paraqitur dje edhe nivelin e uljes drastike të taksave me ardhjen në fuqi të Republikës së Re. “Taksa e sheshtë 9%. Për bizneset e vogla, 1.5% e xhiros, dhe pulla ndalim-kalimi për hajdutët e zullumqarët e taksave dhe tatimeve. Ulje e kontributeve shoqërore në nivelin 9% do të formalizojnë ekonominë, do të sjellë mijëra operatorë ekonomikë në dritën e formalitetit, duke rritur të ardhurat dhe mundësitë e shtetit për t’iu përgjigjur atyre dhe shtresave të tjera si pensionistëve, rinisë, të papunëve, njerëzve në ndihmë speciale për shkak të aftësive të kufizuara dhe çështjeve të tjera. Por, premtimi më i madh i Republikës së Re, është që prej ditës së saj të parë e në përjetësi, kurrë më qytetarët nuk do të ulin kokën para pushtetarëve, por pushtetarët, do të ulin kokën para sovranit, para qytetarëve, pa arrogancë, por me besnikëri ndaj ligjit dhe interesit publik do të kryejnë detyrën e tyre brenda Kushtetutës dhe ligjit. Asgjë nuk do të ndryshojë, nëse kjo betejë nuk përfundon me fitore. Por ju e dini dhe unë e di, shqiptarët e dinë dhe Edi Rama e di fare mirë se, fitorja e kësaj kauze është çështje ditësh, se republika e vjetër po vdes dhe e reja po lind. Njëmijë e 200 orë qëndresë. Miliona orë të qindra e mijëra protestuesve, është investimi më sublim, detyrimi më i madh për ata që me votë të lirë do të marrin peshën e rëndë të ndryshimit të madh përmes Republikës së Re. Sa për mua, i qendroj asaj që u kam thënë. Këtë ditë që po vjen, unë e kam parë dhe e kam jetuar dhe e kam gëzuar në Europë. Dhe e di, që po vjen dhe këtu që ta gëzojnë shqiptarët si europianë të vërtetë. Ju jap fjalën me mirënjohjen më të thellë për sakrificën tuaj, se asgjë nuk do të jetë më si më parë. Ndryshimi po vjen. Fitorja do të jetë e juaja, qytetarë të vendit tim”, tha Basha.

1...7 1097 1107 111...8 382Faqja 7 110 nga 8 382

Kryesore

Continue to the category
Më shumë
© 2024 Rilindja Demokratike Euroatlantike