Me urdhër të Ramës, Valbona Maloku (Duka) dhe Xhavit Koni janë sulmuar dje nga mediat pranë tij në shenjë hakmarrjeje për dëshmitë e tyre mbi torturat  çnjerëzore që Fatmir Xhafa, në cilësinë e hetuesit gjatë regjimit hoxhist kishte ushtruar ndaj tyre. Mediat pranë qeverisë Rama dje u angazhuan për të mbrojtur Fatmir Xhafajn, të emëruar së fundmi si ministër i Brendshëm, por që nuk është dekretuar ende nga Presidenti.  Ka qenë një “investigim” i “Temës” së Mero Bazes, i porositur nga Rama, e që më pas është shpërndarë menjëherë në mediat e tjera “rozë” pas urdhrit nga zyra e shtypit në Kryeministri. Kështu, “investigimi” i tyre nxjerr në pah “të shkuarën e errët” të dy qytetarëve që kanë denoncuar vuajtjet dhe torturat nga Fatmir Xhafaj, kur ky i fundit ka qenë hetues në kohën e komunizmit. Sipas mediave “Rilindëse”, Valbona Duka ka vrarë në vitin 2002 personin që i vrau burrin, “madje dyshohet të ketë urdhëruar edhe vrasjen e një prej vëllezërve të saj”. Por, nuk ka vonuar shumë përgjigja e Valbona Malokut, gruaja që pak ditë më parë denoncoi Xhafën dhe sot u nëpërkëmb nga mediat pranë Qeverisë. Valbona e ka dërguar përgjigjen në Facebook-un e ish-Kryeministrit Sali Berisha. Ajo ka hedhur poshtë të gjitha akuzat e bëra ndaj saj nga gazeta “Tema” e Mero Bazes dhe thotë se ka bërë padi ndaj kësaj media për shpifje. Sipas saj, ajo është gati që të përballet me drejtësinë në Shqipëri. Valbona Maloku punon në Bashkinë e Germersheim në Gjermani. “Zoti Berisha, përshëndetje. Po ju shkruaj juve se jeni një person i vërtetë publik. Lexova që unë akuzohem që jam një vrasëse, por që kjo gjë nuk është aspak e vërtetë dhe këtë gjë mund ta vërtetoj si të duan ato gazetarët e Edi Ramës se unë jam një qytetare e nderuar në Gjermani dhe punoj në Bashkinë e Germersheim qytetin në të cilin unë jetoj, por unë jam e gatshme të vij dhe t’i përballem drejtësisë si të dëshirojnë gazetarët. Këto janë shpifje nga më të ndryshmet që të tromaksin si mund të akuzosh një person për vrasëse, me çfarë të drejte e bëjnë ato gazetarë këtë gjë. A është gati Fatmir Xhafa të përballet me drejtësinë që mua nuk më ka torturuar për punën e vëllait tim dhe sikur vëllai të kishte bërë unë s’kisha bërë gjë, kam thënë vetëm të drejtat dhe se mohoj.  Dhe unë nuk ju shkruajta juve për arsye se po bëhen protesta, por për arsye se ai njeri nuk meriton të jetë ministër i Brendshëm, ai nuk meriton të jetë fare në politikë. Po arritëm prapë në kohën e Enverit, s’kemi drejt të themi as të drejtat tona.  Padia ime ndaj atij gazetari është ngritur sot dhe do ta shohim sa të vërteta janë lajmet, kur ai të përballet para drejtësisë për shpifje dhe sajime nga më të ndryshmet. Me nderime dhe respekt,  Maloku (Duka)Valbona” thuhet në reagimin e Valbona Malokut.

Presione Xhavit Konit, reagimi: Do përballem

E megjithatë nuk është mjaftuar me kaq. Xhavit Koni na komunikoi dje se që prej ditës që ka denoncuar me zë e figurë xhelatin Xhafa në emisionin “Opinion”, nuk kanë pushuar telefonatat. Ai deklaroi se do të jetë këtu në fillim të prillit për të drejtuar gishtin drejt Fatmir Xhafës, hetuesit xhelat që e torturoi që në moshën 16-vjeçare. “Nuk dua të merrem me ato çfarë janë publikuar nga të ashtuquajturit gazetarë që përdor Edi Rama, se me ato do të merret Gjykata, por dua vetëm të them se asnjë lloj kërcënimi nuk më tremb. Unë sërish do jem në Tiranë për të denoncuar Fatmir Xhafën dhe krimet e tij”, thotë Koni. E njëjta gjë vlen dhe për Valbona Dukën, dhe ajo ka deklaruar se do të hedhë në gjyq personin që ka publikuar këto shpifje, dhe të gjithë të tjerët që e kanë mbështetur. Gjykata, do të jetë ajo që do e zgjidhë këtë çështje, dhe këtë herë as “Çorapja” dhe as kryeministri s’do e kenë të lehtë. Të dy personat jetojnë jashtë dhe shprehen se të drejtën e tyre do e gjejnë në çdo formë. Po dje, vet Xhavit Koni ka deklaruar se është kërcënuar nga persona të panjohur, të cilët i kanë dërguar mesazhe ku i shkruanin që mos të kthehet në Shqipëri, ndryshe “do t’i nxjerrin shpalljen në shtyllë për 24 orë”. Kërcënimet që ka marrë, ai i ka denoncuar në Facebook-un e ish-Kryeministrit Sali Berisha. Statusi në Facebook i ish-Kryeministrit Sali Berisha. “Mirëmbrëma Doktor Berisha të uroj shëndet e jetë të gjatë më fal që po të shqetësoj por dua të bëj me dijeni ty dhe shumë të tjerë që unë kam tre ditë që marr kërcënime nëpërmjet telefonit pa numër nga persona që unë nuk i njoh dhe më thonë që po erdhe në Shqipëri do ta nxjerrim shpalljen në shtylle për 24 ore dhe ofendime nga më të ndyrat unë do te vij në Shqipëri dhe do të përballem me xhelatin Fatmir Xhafa ballë për ballë se torturat çnjerëzore që ka përdorur ndaj meje në 86 ka ardhur koha me ja treguar gjithë Shqiptarëve me respekt nga Suedia Xhavit Koni”.

Kori i zagarëve të dirigjuar nga Rama, lehin për xhelatin Xhafa

Funksionon kështu! Edi Rama thërret një spiun të vjetër të Sigurimit të Shtetit me pseudonimin “Çorapja”, të cilit i jep porosi se viktimat e Fatmir Xhafës duhet të denigrohen, e sidomos gruaja Valbona Duka (Maloku), e cila denoncoi e para torturat e ish-hetuesit enverist. Më pas del lajmi, se Xhavit Koni dhe Valbona Duka, kanë bërë një mijë e një të zezat, dhe ajo që ka bërë Fatmir Xhafa nuk është asgjë në krahasim me ato që kanë bërë ata. Valbona Dukën, shkojnë deri aty sa ta shfaqin si ndonjë kapo mafie, që urdhëron vrasje njerëzish. Në fakt, Valbona sot është vetëm një gjyshe që rrit nipat në Karslruhe në Gjermani. Çorapja, e thur rrjetën i pari, duke nxjerrë nga truri i tij histori fantastike dhe për vetë trurin më pervers që mund të imagjinohet. Pas botimit në portal-paçavuren e tij, Fatmir Xhafa, telefonon një të njohurën e tij të vjetër, që ai ka miqësi të hershme. Bëhet fjalë për ish-të fejuarën e Agron Xhafës, vëllait të hetuesit të kohës së komunizmit, njeriut të akuzuar se drejtonte trafikun e kokainës nga Italia në Venezuelë. Një njeri e cila njihet mirë për bëmat e saj në korridoret e PS-së, dhe mjaft histerike në debatet televizive në mbrojtje të kauzave të Rilindjes. Më tej, lajmi publikohet në një tjetër portal, që drejtohet nga një tjetër pinjoll i komunizmit dhe ky me lidhje direkte me Ramën, që një herë në dy ditë boton sondazhe ku tregohet se sa të lumtur janë njerëzit nën qeverisjen e Ramës, dhe se mezi presin ta votojnë sërish në shifra marramendëse. Rama do ishte ai që i vendos vulën lajmit, madje merr përsipër dhe të debatojë me qytetarët që e kryqëzojnë, se llumi i botuar nga Çorapja është një investigim i mirëfilltë dhe i provuar. Ish-e fejuara e vëllait të Fatmir Xhafës, nuk ngopet vetëm duke botuar lajmin e parë nga çorapja, por boton dhe variantin e kryeministrit, që në fakt është e njëjta gjë. E gjithë kjo panoramë përngjan me ato skenarët famëkeqë të Sigurimit të Shtetit. Diktatura nuk kënaqej vetëm me burgosjen apo torturat e tyre, por kërkonte dhe denigrimin moral të tyre. Fakti që në krye të gjithë kësaj është vënë vetë Edi Rama është alarmante. Kryeministri merr përsipër të denigrojë shtetasit e tij, për të mbrojtur xhelatin kryeministër. Ja çfarë psillëqesh poston kryeministri jonë në faqen e tij zyrtare në Facebook. “Bashkëshorti i Valbonës është vrarë në Shqipëri në vitin 1999 nga Robert Preni, ndërkohë që hakmarrja e Valbonës mendohet të ketë ardhur vetëm 3 vjet më vonë, duke vrarë vëllain e Robertit, Antonin. Ajo çka e bën edhe më të frikshme historinë e Valbonës, është se ajo dyshohet të ketë urdhëruar vrasjen edhe të një prej vëllezërve të saj, Arben Duka, për të cilin tani derdh lot krokodili. Ndonëse të dhënat flasin vetë, është e qartë se personat që sot hedhin baltë mbi Fatmir Xhafaj, janë njerëz që fillimisht duhet të përgjigjen para drejtësisë për vrasjet, vjedhjet dhe krimet që kanë kryer jo larg në kohë, por gjatë 20 viteve të fundit”. Çorapja këtë herë me sa duket nuk ka futur vetëm veten në telash, por dhe Kryeministrin. Kjo, sepse shpërndarja e lajmeve të rreme, sidomos kur akuza të tilla të paprovuara në vendin tonë përbën vepër penale, dhe shumë shpejt akuza do të bjerë dhe ndaj kryeministrit, që spara ja thek shumë nga çështjet e të drejtës. Nga ana tjetër, është dhe një mënyrë djallëzore për të nxitur hasmëritë mes njerëzve, kur akuzohet një grua 50-vjeçare se paska kryer vrasje. Më tej, gruaja sot gjyshe e disa nipërve e mbesave, si në skenarin e filmit Kumbari, me skenar të siçilianit Mario Puzzu, dyshohet se ka urdhëruar vrasjen e vëllait të saj Arben Duka, dhe ky një i torturuar nga Xhafaj, dhe këtë detyrë të servirur nga zyrat e Kryeministrisë e gjen në çdo media.

Edhe Kryeministri Rama është përfshirë sot në sulmet ndaj dy dëshmitarëve kundër Fatmir Xhafës për kohën kur ai ka qenë hetues në Krujë në kohën e diktaturës. Dy dëshmitarët kanë treguar torturat që hoqën prej tij para vitit 1990, tortura që i janë bashkangjitur akuzave politike për ta. Në atë kohë njëri prej tyre Xhavit Seferi ka qenë në atë kohë 16 vjeç dhe Valbona Maloku.
Por disa media kanë publikuar sot jetëshkrimin e tyre, duke i përfshirë ata në disa akte kriminale disa prej të cilave edhe janë gjykuar dhe të tjera janë thjesht shënime të oficerëve të lagjes apo ndonjë informatori të shërbimit policor apo sekret. Dosjet janë botuar pa referenca çfarë hedh dyshim të madh mbi vërtetësinë e tyre. Edhe Kryeministri e gjen justifikimin e emërimit të Xhafës pikërisht në këto informacione që kanë dalë një javë, pasi ai ka propozuar Fatmir Xhafën ministër të Brendshëm. Lexo investigimin që ta tregon se kush janë heronjtë e çadrës, sepse po nuk lexove nuk di as të shkruash shqip, pastaj bëhesh edhe papagall i çadrës”, i është përgjigjur Kryeministri një qytetari që e ka pyetur se pse bëri Xhafën ministër. Edhe nëse Xhaviti dhe Valbona janë bërë kriminelë të mëdhenj pas vitit 1990, kjo nuk ka lidhje fare me torturat që kanë hequr ata më herët. As njëri, as tjetri nuk kanë qenë të inkriminuar kur u torturuan politikisht nga ministri Xhafa. Dosja e tyre e mëvonshme nuk shkarkon fajin e ministrit, për të cilin ata që publikuan dosjen e dëshmitarëve duhet të kenë menduar se i doli përpara të keqes, torturoi ca persona që do të bëheshin kriminelë pas dhjetë viteve.
Dëshmia e tyre dhe veprimi kriminal i Xhafës kanë ndodhur shumë më herët. E vetmja gjë që mund të thuhet në këtë rast është se, rrahja dhe tortura e Xhafës ka ndikuar përgjithmonë në personalitetin e tyre. Ata kanë të drejtë ta hedhin në gjyq edhe për vijimësinë e vështirë të jetës së tyre pas ndëshkimeve fizike të hetuesit. Veprimet e tyre nuk implikojnë fare dëshminë dhe as ngjarjet që ndodhen në zyrën e hetuesit të diktaturës, se nuk ndodh që një ngjarje e mëvonshme të ndikojë një ngjarje që ka ndodhur shumë më parë. Prandaj frymëzimi i Ramës pas publikimit pa referenca të Endri Fugës në dy-tre gazeta apo portale nuk zhbën hetuesin nga akti kriminal, por ia lë në dorë Ramës të ndajë ministrin e tij nga hetuesi, duke fshirë emrin e Xhafës nga lista e ministrave.

Droni.al

Në ditën e 29-të të qendrës për zgjedhje të lira dhe të ndershme, Sheshit të Lirisë iu bashkuan artistë të njohur. Përmes një ekspozite fotosh nga qendresa e artistëve 17 vite më parë, ku ata u detyruan të futen në grevë urie në mbrojtje të teatrit, sot artistët apeluan se ndodhemi në të njëjtën krizë të madhe vlerash me të njëjtin përgjegjës, Edi Rama.  Edmond Tullumani, një producent i njohur koncertesh, ishte një nga organizatorët e qendrës së artistëve 17 vite më parë kundër Edi Ramës. “Para 17 vjetësh, greva e artistëve tronditi qeverinë dhe atë që ishte ministër Kulture. Artistët ishin largpamës në ato vite që kërkonin jo Edi Ramën në qeveri. Por, kur ne kërkonim të mbronim Teatrin e Operas dhe Baletit ne na dhunuan. Përfunduam të papunë. Shumë artistë ikën e lanë vendin. Më vonë serish na dhunoi, madje duke na larguar edhe familjarët nga puna. Sot, ne protestojmë sërish në çadrën e lirisë. Arti njeh vetëm një rrugë. Arti nuk e njeh drogën, nuk e njeh dhunën dhe nuk e njeh arrogancën. Edhe sot Teatri i Operas dhe Baletit po dhunohet dhe po shkatërrohet dhe artistëve u bëjnë kontrata në mënyrë që t’i largojnë nga puna. Edhe Bibloteka u dogj dhe këtu po shemben tempujt e kulturës. Zoti Basha, po tingëllon një simfoni e re dhe notat e re të muzikës po tingëllojnë dhe ju lutem dirigjojeni sa më mirë”, tha Tullumani. Pedagogu Ilir Mërtiri u shpreh se është fatkqësi që situata është njësoj si 17 vite më parë. “Në 17 vite më parë u detyruam të protestojmë dhe të shkojmë deri në grevë urie për arsye, se edhe atëhere ishte po ky binom që është sot, ishte Meta-Rama. Ndjehem keq që shoh që pas 17 vitesh të njëjtin binom në pushtet dhe kjo është e tmerrshme”, tha ai. Pedagogia dhe regjisorja, Taulanta Aliaj, apeloi për qendresë nga artistët deri në rrëzimin e kësaj republike. “Pas gjithë këtyre përpjekjeve, artistët gjenden në të njëjtën situatë. Artisti në Shqipëri nuk ka statusin e artistit dhe mungon miratimi i ligjit për teatrin. Zoti Basha, unë ju ftoj që të mos i lini më artistët në mëshirë të fatit dhe ata nuk do i ndahen kësaj çadre. Unë sot këtu përfaqësoj edhe zërin e studentëve të mi që sot janë më të papunë se kurrë dhe më e keqja ështe se, janë më të pashpresë dhe më të pafuqishëm për ta ndryshuar këtë realitet. Sot, këtij vendi po i largohen mendjet e ndritura. Ne u kemi bërë një pyetje prindërve tanë 17 vite më parë dhe sot, unë fëmijëve të mi do u them që unë isha në çadrën e lirisë ku u fol për republikën e re”, tha Aliaj. Artisti i mirënjohur Osman Mulaj akuzoi qeverinë për korrupsion dhe denigrim të artistëve të rinj.  “Këta nuk mendojnë më për artin. Arti ka rënë në rrugë. Nuk ka më institucione. Të shikosh artistin nder të kombit rrugëve me 30 lekë në xhep është e pafalshme. Nuk ndodh kjo asgjëkundi. Ky vend nuk afron asnjë artisti asgjë dhe duke qenë se ky ka qenë pedagog dhe mban këtë qendrim ndaj artistëve është fyese. Nuk shkohet kështu asgjëkundi. Në art ka një komision me njerëz të nderuar dhe bën konkurs para tyre. Nuk duan tia dinë ata se çfarë teser partie ke. Kështu është bota. Këtu duhet të kesh teser me vete, nja 5 mijë euro me vete dhe të fusin në punë. Kështu ndërtohet radiotelevizion?! Edhe pastaj dhuruan këtë festival skandaloz që bënë. Dua të them diçka të fundit, që ky kryeministër ka luajtur 10 vjet basketboll, por nuk bëri asnjëherë një kosh 3 pikësh”, tha Mulaj.  Komuniteti i artistëve në çadër kërkuan të shtohen financimet për artin, jo për të bërë vepra për fasadë, por për të ndihmuar artistët që të shprehen dhe të kenë mundësi dhe liri shprehje. Lulzim Basha garantoi mbështetjen për artin dhe artistët në republikën e re. “Ne do të financojmë artistët shqiptarë, artin shqiptar, kulturën shqiptare si një detyrim madhor ndaj nderit, dinjitetit dhe përfaqësimit të kombit shqiptar. Ndaj fytyrës së vërtetë të shqiptarëve para njëri-tjetrit, para Europës dhe para gjithë botës. Arti shqiptar dhe kultura shqiptare do të mbartin vlerat më të mira të shqiptarëve. Ky është problemi, nuk mund të financohet arti, nuk mund të ngrihet arti në piedestalin që i takon, sepse atë piedestal e ka zënë krimi, e kanë zënë narkotrafikantët, e kanë zënë tutorët e prostitucionit dhe vrasësit. Në republikë ka vetëm një piedestal: o do jenë vlerat, o do jenë antivlerat”, tha Basha.  Basha u shpreh se në republikën e re, artistët do të jenë përgjegjës për menaxhimin e fondeve të tyre. “Ky erdhi në pushtet me ta dhe i ngriti në piedestal. Në republikën e vjetër, në republikën e kalbur të krimit dhe korrupsionit, sigurisht nuk mund të lartësohet arti dhe as artistët, as kontributi i një jete të tërë. Osman Mula me shokë në artin shqiptar nuk lartësohen, sepse vendin ia kanë zënë krimi dhe kriminelët, të gjitha janë nënproduktet e krimit dhe kriminelët. Edhe arti, pseudo arti i shfrenuar, pothuajse pornografik është shprehje e krimit, e drogës në pushtet, në piedestal, është tjetërsim i kulturës dhe vlerave kulturore. Por kjo do të marrë fund.  Dhe do të jenë arti dhe artistët, sporti dhe sportistët që do të marrin në dorë administrimin e tyre, për t’ia kthyer financimin taksapaguesve shqiptarë me art të vlerave, me art të vërtetë, me art shqiptar, me art kombëtar, me art europian, me art perëndimor, si fytyra e vërtetë e Republikës së Re që po lind”, tha Basha.

Kryeministri Edi Rama ka marrë përsipër misionin e vështirë t’u mbushë mendjen qytetarëve se Fatmir Xhafaj nuk ka qenë hetues në kohën e komunizmit, pavarësisht se ndaj tij ka dhjetra denoncime. Kryeministri ka emëruar Fatmir Xhafajn ministër të Brendshëm, por nuk është dekretuar ende nga Presidenti. Dhe për t’i dalë në mbrojtje, mediat pranë Qeverisë kanë nisur sulmin kundër dy personazheve që denoncuan vuajtjet nga Fatmir Xhafaj vite më parë. Kryeministri preferoi ta ndante me qytetarët këtë lajm të fabrikuar nga zyra e tij, por sigurisht që reagimi nuk ishte aspak ai që priste. Qytetarët i janë vërsulur Ramës me komente nga më të ndryshmet duke u shprehur kundër Fatmir Xhafajt. Komentet e shumta kundër Xhafajt, bënë që Rama të ofendonte edhe disa prej tyre. Ata që nuk mendojnë njësoj me Kryeministrin, ku i fundit i etiketon si qytetarë të “çadrës”.  Një ndjekës i ka kërkuar “llogari” kreut të qeverisë shqiptare që të shpjegojë se pse emëroi Xhafajn në krye të këtij institucioni, ndërsa akuzoi Ramën se ky i fundit është kundër Vettingut. Komentuesi shkon më tej ndërsa shton faktin se kryeministri duhet të jetë i pari pas hekurave. “Lëri përrallat dhe fasadat fallso të tuat që shquhesh. Por jep përgjigje si emëron ministër një hetues diktator i cili ka ushtruar dhunë ç’njerëzore me të papushtetshmit e asaj kohe. Dhe aq më keq ke kaq vite që e mban pranë në postë të rëndësishme..Ke fytyrë dhe kërkon Veting ti…qe je i pari që duhesh prapa hekurave pastaj tjerët me radhë. Leri filmat që je pro Vetingut ti..!!!!!”,  shkruan komentuesi.

Senati dhe Kongresi amerikan ka dëshmuar një mbështetje në unison ndaj kauzës për garantimin e zgjedhjeve të lira dhe të ndershme përmes një qeverie teknike, ndërsa po ndjekin me shqetësim situatën në Shqipëri. Mbështetja e senatorëve dhe kongresmenëve amerikanë ka ardhur pas një sërë takimesh të zhvilluara me drejtues të opozitës. Krahas takimeve, përfaqësues të Senatit e Kongresit i janë drejtuar personalisht dhe zyrtarisht kreut të PD, Basha duke inkurajuar vijimin e lëvizjes së inicuar prej tij për të garantuar zgjedhje të lira dhe të ndershme. “Mbështesim fuqishëm opozitën dhe lëvizjen e udhëhequr nga kreu i PD, Lulzim Basha.
Zgjedhjet e lira dhe të ndershme janë kusht dhe detyrim për një demokraci funksionale. Proceset e manipuluara nga qeveria, vërejtjet e OSBE/ODIHR janë dhe qëndrim i SHBA”, janë këto mesazhet e përcjella nga senatorë e kongresmenë amerikanë në takimet e tyre me përfaqësues të lartë të opozitës. Ata kanë shprehur shqetësimin për forcën e krimit në Shqipëri, trafikun e drogës dhe sidomos përfshirjen e qeverisë në kultivimin e marijuanës për qëllime politike. Senatorët e kongresmenët janë angazhuar që zëri i opozitës të dëgjohet dhe debatohet jo vetëm në Kongres, por edhe në të gjitha nivelet e administratës së Presidentit Trump. “Kemi mbështetur Shqipërinë si vend anëtar i NATO-s dhe sot kërkojmë që ajo të sillet si e tillë duke garantuar standardet demokratike dhe zgjedhjet e lira dhe të ndershme”, janë shprehur ata, ndërsa angazhohen se do të ndjekin me vëmendje zhvillimet në Shqipëri.