Një urdhër i Ramës ka ngritur në këmbë Komisionin e Kthimit të Pronave. Brenda 5 ditëve duhet të manipulohen 100 dosje të pronave që ato të shkojnë tek klientela e afërt e Ramës. Një komision tërësisht i paralizuar që nuk kishte marrë asnjë vendim në këto tri vite, befas rizgjohet nga urdhri i kreut të qeverisë, i cili në panik nga ikja e shpejtë nga qeveria po kërkon të gllabërojë pronat e qytetarëve.
Ish-kryeministri Sali Berisha në një postim në rrjetin social Facebook, ka denoncuar drejtoreshën e Agjencisë së Kthimit dhe Kompensimit të Pronave, e cila sipas tij ditët e fundit ka kërkuar shqyrtimin e dosjeve në interes të miqve të Edi Ramës. Berisha, duke iu referuar një informacioni të ardhur nga një punonjëse në zyrën e kësaj agjencie, tha se drejtoresha po kërkon që ata, pra punëtorët të firmosin në kundërshtim me ligjin dosjet abuzive. Zyrtarja dixhitale denoncon: Drejtoreshën e Pergjithshme të Trajtimit të Pronave, ndrikullën Sonila Qato, e cila:
-pasi për tre vite nuk ka nxjerrë asnjë vendim, jep urdhër:
-të përgatiten për 5 ditë, duke shkelur ligjet, 100 vendime të klientelës
-detyron punonjësit të punojnë deri në ora 21:00 të darkës për përgatitjen e vendimeve të paligjshme,
-detyron punonjësit të firmosin, duke i kërcënuar me vendin e punës. “I nderuar zoti Berisha:
Jam një punonjëse e Agjencisë së Trajtimit të Pronave. Po ju drejtohem juve, sepse dua të denoncoj një skandal që po bëhet me dosjet e pronave.
Me urdhër të Drejtoreshës së Përgjithshme, Sonila Qato na është kërkuar të gjithë punonjësve të punojmë me orë të zgjatura deri në 9 të darkës për të nxjerrë rreth 100 vendime për kthimin e pronave të miqve të qeveritarëve dhe drejtoreshës. Të gjitha këto dosje kanë problematika shumë të mëdha dhe ne po na bëhet presion që të firmosim, duke na kërcënuar me vendin e punës. Duhet ta dini se kjo agjenci ka 3 vjet që nuk ka nxjerrë asnjë vendim. Dhe tani papritur na është lënë afat vetëm 5 ditë për t’i përfunduar këto dosje, të cilat po t’i firmosim do na çojnë të gjithëve në burg, sepse këto dosje kanë mungesa dokumentacioni dhe probleme ligjore të jashtëzakonshme. Ju them me bindje se me pronat e shqiptarëve këtë javë po bëhet një manipulim i tmerrshëm”.

Drejtoresha e Ramës

Sonila Qato erdhi në këtë detyrë si njeri i besuar i Edi Ramës. Në fakt, në tre vitet e qëndrimit të saj në këtë detyrë, mund të thuhet se ka qenë një institucion i dështuar. Vajza e një prej zyrtarëve të lartë të regjimit, anëtar i Komitetit Qendror Llambi Gegprifti, do të mbahet mend dhe për propozimin e ligjit për kompensimin e pronës të merret si referencë vlera e saj në vitin 1945, kur është bërë dhe shtetëzimi. Pra toka në mes të Tiranës, në bregdet e të tjera të kompensohen për pak ose hiçmosgjë, dhe ato më pas t’i kalohen që t’i gëzojnë klientët e Ramës. Por me sa dihet dhe sipas denoncimit të zotit Berisha, tashmë po vihet në jetë një tjetër urdhër i Ramës, i cili i ka dërguar drejtoreshës së tij, listën e klientelës për të cilët duhet shkelur ligji me të dyja këmbët. Eshtë e pamundur nga ana e kësaj agjensie të përgatiten për pesë ditë, 100 vendime kur ato kërkojnë ballafaqim faktesh dhe dëshmish mbi pronësinë e vërtetë.  Në 5 ditë të verifikohen dokumentat, vendimet gjyqësore, hartat e pronave, pretendimet e palëve për 100 prona, që natyrisht bëjnë pjesë tek lista e atyre që kanë më shumë vlerë. Në këtë rast, duhet një hetim i thelluar, sepse duket qartë se prona po tjetërsohet për të paktën 100 pronarë të ligjshëm.

Enton DACI

Sekretari Ndërkombëtar në PPE, Patrick Voller ka shprehur shqetësim në lidhje me problemin e drogës në Shqipëri. Në një postim në rrjetet sociale, Voller shpreh shqetësimin në lidhje me zhvillimet e fundit në lidhje me procesin e Negociatave. Ai e shoqëron postimin me një foto ku trafikantët e drogës mbjellin kanabis në Shqipëri; “Shumë i mërzitur rreth zhvillimeve të Shqipërisë në rrugën drejt BE. Gjithashtu mund të dëshmoj mbi shqetësimin rreth këtij problemi në vizitën që zhvillova në Shqipëri”. Foto shoqërohet me shkrimin mbi ekonominë e kanabisit në Shqipëri.

Vetëm 5 kontrata që i kushtojnë shqiptarëve mbi 300 milionë euro nuk bëhen publike nga qeveria. PD i kërkoi dje Ramës që të bëjë publike këto 5 kontrata. Reagimi erdhi vetëm pak minuta pasi Rama mbajti një fjalim hipokrizie në lidhje me luftën ndaj korrupsionit. Po cilat janë këto pesë kontrata.
“Korrupsioni luftohet duke bërë transparent vendimet dhe kontratat. Nëse Edi Rama do vërtet të luftojë korrupsionin, le të bëjë publike: Kontratën e tij me Vilma Nushin për check up, kontratën e stadiumit ‘Qemal Stafa’, kontratën për hemodializën, kontratën për laboratorët, për sterilizimin, kontratën për Sheshin ‘Skënderbej’, marrëveshjen me kompaninë italiane për mbetjet e Tiranës. Të tregojë pse i marrin gjithë tenderat miqtë e tij, pa garë, me fondin limit. Të bëjë publike kontratat me firmat për sheshet e qyteteve, të tregojë kush i pagoi 80 mijë dollarë që ai të bëjë një foto me Obamën”, tha në proponcimin për mediat zëdhënësja e PD, Ina Zhupa.
Po përse Rama nuk i bën publike këto deklarata? Mund të jetë një rast i paprecedent që opozita e një vendi t’i kërkojë kryetarit të qeverisë të bëjë publike kontratat që paguhen nga paratë e taksapaguesve dhe qeveria të refuzojë. Ndonëse ky duhet të ishte një detyrim, Rama refuzon të bëjë publike këto kontrata. Arsyeja është e thjeshtë. Bërja e transparencës në lidhje me këto kontrata do të ekspozonte qeverinë nga organet e drejtësisë. Për secilën nga këto kontrata Rama fsheh milionat që u grabiten shqiptarëve dhe përfundojnë në xhepat e këtyre 5 biznesmenëve që përfitojnë nga këto kontrata. Rasti më flagrant është ai kontrollit mjekësor. Prej muajsh opozita kërkon listën e të gjithë individëve që kanë kryer këto kontrolle, por qeveria refuzon të bëjë transparencën. Nëse do të shiheshin këto lista do të konstatohej edhe grabitja e dhjetëra miliona eurove. Deri tani është faktuar një dëm prej 16 milionë eurosh, por shuma konsiderohet që të jetë akoma dhe më e madhe.
Në lidhje me ndërtimin e stadiumit, PD ka kërkuar prej muajsh që të bëhet publik projekti, por deri tani ai është mbajtur i fshehtë nga qeveria.
PD ka kërkuar informacion dhe kopje të dokumentacionit të plotë zyrtar duke përfshirë: projektin e miratuar nga KKT, kontratën e partneritetit publik privat, kopje të procesverbalit të mbledhjes së shoqërisë anonime ku pasqyrohet qëndrimi i mbajtur nga përfaqësuesit e shtetit, procedurat e ndjekura për përzgjedhjen e firmës fituese dhe dokumentacionin e plotë dhe procedurën e ndjekur nga KKT në miratimin e këtij projekti. Deri tani qeveria e mban sekret këtë dokumentacion.
Opozita po ashtu kërkon vënien në dispozicion të kontratës me kompaninë italiane për mbetjet, por deri tani as kjo kontratë pas të cilës qëndron një aferë e pastër korruptivo-mafioz nuk është bërë publike.
Një tjetër rast flagrant për të cilin Rama hesht është ajo e pagesës 80 mijë euro me foton me Obamën, në një kohë që njerëzit e përfshirë në këtë aferë të pastër korrupsioni kanë bërë të qartë se paratë kanë ardhur nga një burim i tretë nga Tirana, të cilin Rama nuk do të mund ta fshehë për shumë kohë.

Rama, mbi 2 milionë euro në tre muaj Vilmës

Kompania e farmaceutikës “Trimed shpk”, në pronësi të zonjës Vilma Nushi, ka fituar tendera me vlerë më shumë se 2,2 milionë euro nga gushti deri në nëntor 2016.
“Trimed” -e njohur për koncesionin e kontrollit falas të popullatës nga mosha 40– 65 vjeç (check up) – ka fituar më 30 nëntor, tenderin për furnizimin e spitaleve me pajisje dhe proteza ortopedike me një vlerë prej 772 mijë euro. Tenderi është pjesë e një projekti të gjerë të qeverisë për furnizimin falas me proteza ortopedike për qytetarët. Ky projekt u bë publik në gusht të vitit 2016.
Ministri i Shëndetësisë, Ilir Beqaj, në një intervistë për Ballkanëeb u shpreh se:
Prej muajit shtator 2016 kemi filluar të furnizojmë spitalet tona me protezat ortopedike. Vlerësuam nevojat në bazë të eksperiencës së operacioneve (ku qytetarët i kishin blerë vetë protezat) të kryera në vitin 2015 në tri spitale.
Kështu që vendosëm që të fillojmë të financojmë protezat edhe në spitale të tjerë, qoftë për të shkurtuar kohën e pritjes, qoftë për të ofruar shërbim sa më pranë vendbanimit të pacientëve, qoftë për të ulur ngarkesën në spitalet tona kryesore.
Oferta e kompanisë “Trimed” ishte vetëm 0,1 për qind më pak se vlera maksimale e buxhetit të tenderit.
Në gusht të këtij viti, “Trimed” fitoi edhe tenderin për protezat ortopedike me vlerën e rreth 1.46 milionë euro. Tenderi i fituar në gusht i dha përparësi kësaj kompanie, duke e bërë të vetmen kompani të kualifikueshme ndër pesë kompanitë pjesëmarrëse në tender.
Me një model tashmë të ditur, katër kompanitë e tjera pjesëmarrëse u skualifikuan, sepse nuk dorëzuan në kohë propozimin e plotë.
Oferta e lartë e paraqitur nga kompania “Trimed” në të dy tenderat e qeverisë dhe mungesa e çdo lloj konkurrenti tjetër tregojnë qartë se procedurat e prokurimit publik nuk përmbushin qëllimin e tyre për të krijuar një treg të hapur dhe konkurrues për të gjithë kompanitë në fushën e shërbimeve të shëndetësisë.
Sipas të dhënave të publikuara në Open Data Procurement Albania, “Trimed” ka qenë pjesëmarrësja e vetme në rreth gjysmën e tenderave të fituara nga ajo.
Të ardhurat e kompanisë janë rritur ndjeshëm me ardhjen në pushtet të qeverisë Rama. Pagesat e kryera nga Thesari i Shtetit për kompaninë “Trimed” vetëm për këtë vit janë rreth 914 mijë euro.

A.SHAHINI

Presidenti i Republikës, dekretoi datën 18 qershor si ditën kur do të mbahen zgjedhjet në vend. Shqiptarët do të shkojnë drejt kutive të votimit për të vlerësuar punën e deritanishme të Rilindjes. Sondazhet online, tregojnë një qasje të qartë të votuesit drejt Partisë Demokratike, kjo nisuar dhe nga situata, e cila vlerësohet si më e rënda në 25 vite të ndryshimit të sistemit. Rëndimi i taksave, trafiku, korrupsioni, mungesa e investimeve nuk kanë pasur as në ditët më të zeza këto shifra. Perceptimi i opinionit publik për shëndetësinë, ekonominë dhe rendin është në nivelet më të ulta. Në një raport të Transparence International thuhet se Shqipëria ka normën e tretë më të lartë të ryshfetit në Europë me 34%, duke lënë pas vetëm Moldavinë dhe Ukrainën. Në raport theksohet se një në tre shqiptarë e shohin korrupsionin si problemin më të madh me të cilin përballet vendi dhe paguajnë ryshfet për të marrë një shërbim. Kjo ndodh vetëm 6 muaj para zgjedhjeve.
Ardhja e Edi Ramës në pushtet në vitin 2013, do të sillte bashkë me premtimet e Rilindjes dhe  furinë e emrave të personave me rekorde kriminale në çdo institucion. Deputetë, kryetarë bashkie, drejtorë të të gjitha niveleve do të drejtonin në çdo qelizë të këtij vendi, tatime, transport, dogana, pushtet lokal etj. Nisur nga kjo situatë, Partia Demokratike në fundin e vitit 2014 do të propozonte një ligj, i cili ndalonte kandidimin e personave të inkriminuartë punësoheshin në administratë. Janë rreth 80 vepra të ndryshme penale, të cilat u ndalojnë individëve pjesëmarrjen në jetën publike. Ligji për dekriminalizimin do të merrte 131 vota në Kuvend nga 140 më 17 dhjetor të vitit të kaluar. Sot, pas një viti Rama refuzon ta zbatojë, situata jo vetëm nuk është përmirësuar, por është rënduar dhe më shumë.

Në administratë të dënuar për vrasje

Eshtë e njohur tashmë tërheqja që ka kryeministri ndaj kriminelëve dhe trafikantëve të të gjitha llojeve. Me dashje, ai prej një viti ka refuzuar të pastrojë administratën, duke injoruar kështu dhe kushtet e vendosura nga SHBA dhe BE. Në administratën e Ramës, në të gjitha nivelet do të gjesh persona të dënuar për krime të ndryshme, por më shumë janë ato të trafikut të drogës, dhe vjedhjes. Por gjen aty dhe për vrasje deri edhe të punonjësve të policisë. Për shembull, ish- drejtori i Ujësjellësit të Pogradecit, ka një akuzë të tillë, por edhe kryetari i PS-së në Shkodër Martin Cubi për vrasjen e Dodë Hilës. Kjo se ka penguar aspak Edi Ramën t’i verë në poste të larta drejtuese qoftë në parti qoftë në administratë. Edhe në rastet kur janë dorëhequr “pas një vale denoncimesh që ndërmori PD në 2014-2015-ën) sërish janë ata që venë në lëvizje mekanizmin e tenderimit, duke shfrytëzuar postet e larta që  kanë në kupolën e PS-së në qendër apo në rrethe. Edi Rama, duke përdorur Sajmir Tahirin, apo dhe marifete të tjera politike u mundua t’i dilte në mbrojtje, por sërish në disa raste do të dilte zbuluar.

Mbrojtja e trafikantëve

Për shembull në listën me 130 emra të Partisë Demokratike të dorëzuar për verifikim në maj të vitit 2015, ishte dhe emri i Kelmend Balilit drejtor i Transporteve në Sarandë. Nga ana e saj opozita kishte dyshimet e veta, të mbledhura në rrugë të ndryshme, se persona me të kaluar kriminale ishin infiltruar në administratë. Në po atë muaj, Kelemend Balili do të shpallej në kërkim ndërkombëtar për trafik droge. Kështu është dhe rasti i punonjësit të Policisë në Komisariatin Nr. 2 Gurian Lekzeqiri. Nga ana e saj, Partia Demokratike kish kërkuar verifikim të figurës së tij, por nga ana e Ministrisë së Brendshme dhe institucioneve të tjera sërish heshtje. Gurian Lekzeqiri do të arrestohej në flagrancë pas hetimeve të Prokurorisë, në flagrancë, duke kryer trafik kokaine. E njëjta situatë dhe me drejtorin e mjedisit në Bashkinë e Korçës, i cili megjithëse opozita dhe indiciet e saj se ky person është akuzuar për trafik klandestinësh, sërish askush se vuri ujin në zjarr. Më pas, Aleksandër Çela, që mbante detyrën e drejtorit u arrestua në Itali, duke kaluar klandestinë sirianë.

Më shumë se një vit nga ligji i dekriminalizimit

Nuk janë vetëm emrat që janë përfolur deri më tani dhe që njihen për aktivitetin e tyre kriminal, si fjala vjen Roshi i Kavajës, apo Bushi i Krujës. Janë një mori emrash në të gjitha hallkat e administratës, të cilët kanë vetëm një detyrë të mbajnë Rilindjen sa më gjatë në pushtet. Ose më saktë, janë këta ata që emërohen komisionerë të zgjedhjeve, apo që bëjnë direkt ose indirekt manipulimin e votës.  Zgjedhjet janë më 18 qershor vetëm disa muaj larg, ndërsa ligji i dekriminalizimit vazhdon të flerë në sirtaret e Ramës, Tahirit dhe të gjitha institucioneve. Paguhen nga taksat e publikut për të vjedhur votën e tij. Paguhen për të legjitimuar vjedhjen që i bën rilindja pronës publike. Ligji për dekriminalizimin ndalon pjesëmarrjen në administratë publike për më shumë se 80 vepra të ndryshme penale. Ka kaluar më shumë se një vit nga miratimi i tij, dhe ska asnjë statistikë se sa janë larguar nga pozicionet e tyre, sa i janë dorëzuar ligjit. Në fakt askush! Edi Rama në filozofinë e tij burgjet i mbush me të varfër, ndërsa ata që duhen të jenë pas hekurave bëjnë fushatën për të.

Disa nga të inkriminuarit që do të bëjnë fushatën e PS

Gentjan Daja, trafik droge kreu i PS Kavajë

Edurim Teqja, në kërkim për vrasje, kryetar i PS Peqin i deleguar i Ramës, bredh i lirë

Lekë Tuna, trafik makinash drejtor OSHEE Kurbin

Ilir Berberi, ish-drejtor Ujësjellësi Pogradec, vrasje të punonjësit të policisë

Florian Qafa,  Task Forcë OSHEE Tiranë, trafik droge

Sokol Bode, Shef i Kufirit Dhërmi, dyshohet se bashkëpunon me Habilajt

Genard Gjashta, trafik droge  ish-shef i sektorit të shërbimeve Prefektuara Tiranë sot PS qendër

Drini Bello, trafik droge dhe armësh Shërbimi i Kontrollit të Brendshëm Tiranë

Erjon Bojaxhi, transport i vlerave të mëdha, pastrim parash. Albkontroll Tiranë

Skerdilajd Dalipi, korrupsion, ish-jurist i Avokaturës së Shtetit

Alket Qëndro, për vjedhje drejtor i Tatimeve Sarandë

Kelmend Balili, trafik droge, në kërkim ndërkombëtar, ish-drejtor i Transporteve Sarandë, bredh i lirë

Roni Shqopa, shpërdorim detyre, drejtor i Shtëpisë së Pushimit Durrës

Durim Herri, shpërdorim detyre, drejtor i Spitalit Krujë

Ukë Camaj, falsifikim dokumentesh, nëndrejtor Ekonomik, Spitali Tropojë

Plator Mehmeti, korrupsion, kryeinxhinier OSHEE

Florenc Tabaku, falsifikim dokumentash, drejtor i Zyrës së Punës Korçë

Aleksandër Kalemaj, falsifikim të pijeve alkolike dhe ushqimore, ish-drejtor i AKU

Enrik Sulejmani, trafik klandestinësh, ish-drejtor i Policisë së Burgjeve

Gentian Alizoti, trafik droge, punësuar Njësia 6 Kombinat Tiranë

Gurian Lekzeqiri, trafik droge punonjës policie Komisariati Nr.2,(i denoncuar nga PD, arrestuar në flagrancë në vitin 2016 sërish për trafik droge)

Vasip Habili, kontrabandë floriri, Drejtoria e Bujqësisë Durrës

Boge Budini, trafik droge, manipulim zgjedhjes 2001-20013, drejtor i Policisë Porti Durrës

Pajtim Bezati, falsikim dokumentash, Shef Kontrolli linja Peqin-Pogradec

Estref Isufaj, falsifikim dokumentash, drejtor shkolle Këlcyrë

Arben Xhaja, falsifikim dokumentash  drejtor shkolle Përmet

Klement Ndoni, trafik droge, kryetar i Bashkisë Këlcyrë

Aleksandër Çela, trafik klandestinësh, ish-drejtor i Mjedisit Korçë (e la detyrën, pasi u arrestua në Itali për të njëjtën vepër penale më 2016-ën)

Gjergj Doda, manipulim zgjedhjesh komisionier i PS-së, kreu i Antidrogës Lezhë

Martin Cubi, vrasje kryetar i PS-së Shkodër

Gentian ABAZI

Presidenti Bujar Nishani dekretoi sot (5 dhjetor) datën e zhvillimit të zgjedhjeve për Kuvendin e Shqipërisë të vitit 2017. Sipas dekretit, shqiptarët do të zgjedhin për përbërjen partiake të Kuvendit të ardhshëm në datën 18 qershor, e diela e parafundit e qershorit.
Sipas nenit 9 të Kodit Zgjedhor, Presidenti Nishani mund të zgjidhte mes “një nga dy të dielat e fundit, brenda periudhës zgjedhore të përcaktuar” dhe zgjodhi të dielën e parafundit.
Zgjedhjet e vitit 2017 do të jenë rasti i nëntë i zgjedhjeve pluraliste që nga viti 1991. Shqipëria ka votuar në fund të qershorit për zgjedhjet parlamentare që nga viti 1997, ndërsa data e zgjedhjeve zakonisht ka qenë e debatuar për shkak se partitë e djathta zakonisht besojnë se një pjesë e votuesve të tyre zgjedhin një ditë në plazh në vend të një dite në votim.
Që nga viti 1997, zgjedhjet parlamentare janë zhvilluar mes 23 qershorit dhe 3 korrikut, ndërsa hapësira që iu la presidentit për të përcaktuar datën e zgjedhjeve u ngushtua në “një nga dy të dielat e fundit”  në ndryshimet e Kushtetutës dhe të Kodit Zgjedhor që u kryen në vitin 2008 në bashkëpunim mes Edi Ramës dhe Sali Berishës.
Në zgjedhjet e 18 qershorit, shqiptarët do të mund të votojnë një nga partitë pjesëmarrëse në zgjedhje në një nga 12 qarqet ku banojnë. Listat e kandidatëve fitues caktohen nga partia politike përkatëse dhe numri i deputetëve fitues nga lista e partisë përkatëse varet nga numri i votave që partia ka marrë në zgjedhje.
Sistemi aktual i njohur si “proporcional rajonal” është në fuqi që nga zgjedhjet e vitit 2009 dhe ka fuqizuar rolin e partive politike dhe kryetarëve, duke dëmtuar aftësinë e qytetarëve për të zgjedhur përfaqësuesit e tyre në Kuvend.

Endri Çeno është një nga njerëzit e angazhuar në stafin e fushatës elektorale të Presidentit të zgjedhur Trump, i cili drejton edhe një sekretariatet në PD. Ai shpjegon arsyet se përse njerëzit e fushatës së Trump erdhën në Tiranë.
“Diskutuam në Tiranë për përgatitjen e fitores së të djathtës në Shqipëri”, thotë Çeno.
“Dua të ndaj me ju mirënjohjen për të gjithë miqtë që ndoqën takimin e Tiranës me ekipin organizues të fushatës presidenciale të Donald J. Trump. Miqtë nga Amerika na treguan se duhet guxim për të shpresuar po aq sa duhet përgatitje për ta merituar fitoren. U jam mirënjohës të ftuarve amerikanë për thjeshtësinë e mesazhit të tyre, për kohën që morën nga familjet dhe punët e tyre për t’u njohur me sfidat e vendit tonë.
Zotërinjtë Michael Biundo, Andreë Boucher, Shannon Burns, Kory Ëood, Derek Dufresne, i njoha para disa vitesh në aktivitetet e Konventës së Republikanëve në SHBA. Pas ftesës së tyre pata nderin të isha pjesë aktive e fushatës në terren me komunitetin shqiptar, si dhe mbështetës i zbatimit të strategjisë politike për zgjedhjen e Presidentit Trump.
Ndihem i lumtur që munda të organizoj vizitën e parë zyrtare të një delegacioni amerikan në përbërje të fushatës Trump në vendin tim. Ardhja e fushatës Trump nuk ka sesi të mos jetë një lajm i mirë për ata që besojnë tek aftësitë që ka secili prej nesh për ta bërë sa më reale fitoren e së djathtës së vërtetë në Shqipëri.
E vlerësoj së tepërmi praninë e të gjithë atyre shqiptarëve të shquar, brenda dhe jashtë PD, në Shqipëri dhe jashtë saj, që vërtet besuan tek fitorja e të djathtës në SHBA. Miqtë amerikanë më siguruan se nuk do të harrohet zëri i atyre shqiptarëve, që në Shqipëri dhe Amerikë që u shprehën publikisht pro mundësisë dhe drejtësisë së fitores së  Presidentit Trump.
Në Tiranë diskutuam aspektet e përgatitjes së një fitoreje të vështirë. Një fitore që mund të arrihet kur ke kundër mediat kryesore, spekulantët financiarë ndërkombëtarë dhe oligarkët partiakë të shkëputur nga njerëzit. Ne mund të fitojmë nëse mund të bindim shqiptarët se mund të na besohet ndryshimi. Në Shtetet e Bashkuara ndryshimi po vjen.
Duhet të bëjmë gjithçka mundemi që ta sjellim atë edhe në Shqipëri”, shkruan Çeno në Facebook.