29.5 C
Tirana
E enjte, 31 Korrik, 2025
type here...

Një shembull i evitueshëm amoraliteti

Genc POLLO

 

Morali është në bazë të një shoqërie të shëndoshë. Pendesa e atij që kapet duke bërë keq është një tipar bazë i moralit ashtu si dhe përunjësia në përgjithësi. Dje pamë e dëgjuam shembullin e antimoralit: (ish) deputeti socialist Kokëdhima, pasi u gjet nga Gjykata Kushtetuese në shkelje të Kushtetutës (kishte përfituar fonde publike) nuk reagoi me ndonjë shenjë pendese; madje të paktën as me heshtje. Jo! Reagoi me sfidë e arrogancë, duke pohuar se ai tani ishte vetëm në start të karrierës politike.

Në vitin 2011, Edi Rama u soll ngjashëm me Kokëdhimën kur Ilir Beqja u gjet saktësisht në po atë shkelje të Kushtetutës e humbi mandatin e deputetit. Rama nuk shpenzoi asnjë fjalë për të kritikuar transgresionin kushtetues e moral të deputetit të tij (që mbetet transgresion edhe sikur të ishte bërë me padije; kjo e fundit pa gjasa, pasi ky rregull kushtetues që ndalon deputetët të përfitojnë resurse publike daton nga viti 1998).

E vetmja fjalë e Edi Ramës ishte se I. Beqja do të ishte sërisht deputet i PS pas zgjedhjeve parlamentare të ardhshme. Premtim që e mbajti dhe e tejkaloi (për të zezën e shëndetësisë).
Lexuesit e këtyre radhëve mund të më kujtojnë se kur shtijnë topat nuk dëgjohen pisqollat; kur kemi tufa ish-burgaxhinjsh të djeshëm e banditë të sotëm në Kuvend mbase nuk lipset  të shpenzojmë kohën, duke vërejtjur deklarime joetike. Por ndoshta e keqja u ngjit kaq lart, pasi nuk patëm  kujdes për themeloren, baziken.

Bernie Sanders, një fitues i mundur

Edhe pse senatori Bernie Sanders do ta humbasë garën për nominimin nga radhët e demokratëve, ai mund të ndjehet si fitues: ai mund të ndikojë në drejtimin e ardhshëm të partisë së tij më shumë dhe kështu edhe në të gjithë politikën amerikane. Kur Sanders shpalli vitin e kaluar kandidaturën e tij, ai konsiderohej si një çudi politike: një senator i pavarur nga Vermonti i vogël, i cili e përshkruan veten si një socialist demokratik. Dhe, edhe pse “socialist” në politikën amerikane është zakonisht një fyerje.

Por që nga zgjedhjet paraprake në muajin shkurt Sandersi po shfaqet si një forcë e madhe politike në fushatën zgjedhore amerikane. Ai fitoi në 18 shtete dhe renditet me rreth 300 vota delegatësh pas kundërshtares së tij dhe ish-Sekretares së Shtetit Hillary Clinton. Të martën (më 10 maj) ndoshta ai mund të fitojë edhe disa delegatë të tjerë në Uest Virxhinia (West Virginia). Ai konsiderohet aty si favorit.

Miliona dhurues të vegjël për Sandersin

Senatori ka vënë në lëvizje një fushatë të tërë, e cila mbështetet kryesisht nga të rinjtë dhe klasa punëtore. Që nga fillimi i fushatës së tij ai ka mbledhur 182 milionë dollarë (160 milionë euro) në formën e miliona dhurimeve të vogla individuale.

Pavarësisht humbjeve të tij të fundit në katër shtete në verilindje të Shteteve të Bashkuara Sandersi ka bërë të ditur se do të vazhdojë të qëndrojë në garë. Nxitjen për këtë atij ia dha një fitore e papritur në Indiana. Megjithatë, shanset e tij për të fituar nominimin po bëhen gjithmon e më të vogla. “Deri në nominim është një rrugë e përpjetë dhe te ngushtë”, thotë Neil Sroka, drejtor i komunikimit pranë grupit të lobit “Demokracia për Amerikën” që mbështet Sandersin. Ndërsa sa i përket numrit të delegatëve normalë që ka senatori pas vetes ai nuk është dhe aq keq në krahasim me Hillary Clinton, ajo ka pas vetes shumë më tepër të ashtuquajtur superdelegatë.

714 superdelegatët janë zyrtarë aktualë ose të mëparshëm dhe figura drejtuese të partisë, të cilët mund të votojnë pavarësisht votave në shtetet e tyre. Nëse i numërojmë pra superdelegatët, atëherë zonjës Clinton i mungojnë më pak se 200 vota për të siguruar nominimin dhe për të hyrë në nëntor në garë kundër kandidatit republikan Donald Trump.

Efekti i Sandersit

Sipas analisitit politik John Nichols edhe nëse humb kandidatura e Bernie Sanders nuk do të mbetet pa ndikim. Mbështetësit e Sandersit po përpiqen që të shtojnë presionin në mënyrë që në kongresin e partisë të arrijnë përmes votimit të delegatëve që janë pro tij një kurs majtas të partisë, tha Nochols në bisedë me DW-në.

Mesazhet populiste të Sandersit kanë bërë që tashmë që Hillari Klinton të marrë një kurs të majtë për çështje të tilla si tregtia, paga minimale dhe sigurimet shoqërore.

Kështu Clinton ishte në kohën e saj si Sekretare e Shtetit pro marrëveshjes për tregtinë e lirë në zonën e Oqeanit Paqësor, TTP-së. Kjo synonte heqjen e shumicës së kufizimeve për tregtinë dhe investimet në zonën e Paqësorit. Në zonën e tregtisë së lirë bëjnë pjesë Shtetet e Bashkuara, Japonia dhe dhjetë vende të tjera, por jo Kina. Në fillim të fushatës së saj Clinton nuk u shprehej me zë të lartë për këtë temë. Kurse Sandersi u shpreh kundër saj duke e quajtur si kërcënim për vendet pune në SHBA. Ndërkohë edhe KCinton është kthyer publikisht në kundërshtare të TTP-së.

Edhe në lidhje me pagën minimale, e cila për momentin është 7,25 dollarë ora, Klinton u shpreh për një ngritje prej 12 dollarësh, kurse Sanders për 15. Nju-Jorku dhe Kalifornia, dy nga zonat më të fushqime ekonomike në SHBA e kanë ngritur ndërkohë pagën mininale në 15 dollarë.

Sipas vëzhguesit Nichols “në qoftë se Hillary Clinton fiton shumicën e delegatëve, atëherë ajo nuk do t’i pranojë plotësisht parimet e Sanders. Por nëse ajo do të përfshijë disa aspekte, atëhere mund ta mbledhë partinë rreth vetes dhe ta bëjë atë më të fortë për zgjedhjet në vjeshtë.”

Akt i paprecedent i “Zogut” të Ramës, presion me protesta ndaj gjykatës

Tre aktivistë të shoqërisë civile që janë kundër ndërtimit të parkut tek liqeni janë sulmuar dje nga truprojat e kryebashkiakut Erion Veliaj dhe më pas janë arrestuar nga policia.
Skandali ka ndodhur në mes të ditës në Rrugën e “Durrësit”, ku kryebashkiaku i Tiranës kishte mbledhur administratën e tij që të protestonte kundër gjykatave të vendit, për shkak të një vendimi që është dhënë kundër Bashkisë së Tiranës në lidhje me një ndërtim që është pezulluar në zonën e Tiranës së Re.
“Qytetarët për Parkun” janë një grup nga shoqëria civile, të cilët janë kundër betonizimit të parkut të liqenit, me arsyetimin se aty po ndërtohet një park fëmijësh.
“Protesta e Erion Veliaj me administratën e tij që dhunon dhe arreston 3 aktivistë të ‘Qytetarëve për Parkun’ S. M., A. S., dhe F.B.”, shkruhet në faqen e Facebook, ku shoqërohet edhe me pamjet ku truprojat e Veliajt sulmojnë të rinjtë.
Veliaj dhe disa deputetë protestojnë për ndërtimet e një kompanie që nuk është afër apo nuk ka lidhje interesash me grupe pranë kryetarit të bashkisë apo qeverisë. Ndërkohë, që “lapsi.al” ka të dhëna që ndërtime të tjera skandaloze, që po ngrihen madje në zona të njohura me vendim qeverie si park natyral pranë Komunës Petrelë, kanë marrë miratimin e kryebashkiakut. Pas këtyre ndërtimeve janë njerëz me pushtet. Një prej tyre mendohet të jetë edhe një deputet biznesmen që dje bërtiste më fort se të tjerët përpara Gjykatës së Apelit.
Gjykata nuk e ka përballuar presionin dhe vendimi është shtyrë. Protesta zgjati për më shumë se një orë dhe Rruga e Durrësit ka qenë e bllokuar gjatë kësaj kohe.

Gjyqtarja jep dorëheqjen

Gjykata Administrative e Apelit ka vendosur të shtyjë gjykimin në lidhje me lejen e pallatit 17-katësh pranë Kodrave të Liqenit Artificial.
Por Inspektorati Kombëtar i Mbrojtjes së Territorit vendosi për pezullimin e punimeve për ndërtimin e pallatit.
Kompania që do të ndërtonte pallatin ka kundërshtuar pezullimin e punimeve nga ana e IKMT-së dhe për pasojë e ka paditur në Gjykatën Administrative.
Në mbrojtje të vendimit të IKMT-së ka dalë kryetari aktual i Bashkisë Tiranë, Erion Veliaj.
Kryetari i Bashkisë protestoi dje para gjykatës, pasi sipas tij, njëra prej gjyqtareve kishte konflikt interesi me çështjen.
Gjykata ka vendosur që seanca tjetër gjyqësore të zhvillohet më 13 maj, ndërkohë që njëra nga gjyqtaret e trupit gjykues ka dhënë dorëheqjen nga çështja.

Protesta, Unioni: Po ushtrohet presion ndaj gjyqtarëve

Unioni i Gjyqtarëve të Shqipërisë ka reaguar lidhur me protestën e organizuar nga Bashkia e Tiranës para Gjykatës së Apelit Administrativ kundër ndërtimit të pallatit 17 katësh tek diga e liqenit Artificial. Përmes një njoftimi për mediat, Bordi i këtij Unioni ngre shqetësimin për ushtrimin e trysnisë ndaj gjithë trupës gjyqësore të Gjykatës Administrative të Apelit lidhur me çështje konkrete, të cilat janë ende në gjykim. Unioni i Gjyqtarëve të Shqipërisë thotë se ushtrimi në këto përmasa i trysnisë ndaj gjykatës, nga palë ndërgjyqëse, qofshin këto edhe institucione shtetërore është i paprecedentë. “Në datën 11.05.2016 përpara godinës ku ushtron veprimtarinë e saj Gjykata Administrative e Apelit, u mbajt një protestë e cila filloi në orën 10:30 dhe zgjati deri në orën 13:15. Nga mediat kemi ardhur në dijeni se protestën e ka thirrur dhe organizuar Kryetari i Bashkisë Tiranë Z.Erion Veliaj. Duke respektuar të drejtën e protestës së gjithkujt, në format dhe mënyrat që parashikon ligji, ngremë shqetësimin tonë në lidhje me ushtrimin e trysnisë ndaj gjithë trupës gjyqësore të Gjykatës Administrative të Apelit lidhur me çështje konkrete, të cilat janë ende në gjykim. Ushtrimi në këto përmasa i trysnisë ndaj gjykatës, nga palë ndërgjyqëse, qofshin këto edhe institucione shtetërore është i paprecedentë. Mënyra e zhvillimit të kësaj proteste përpara godinës së gjykatës jo vetëm ka penguar funksionimin normal të veprimtarisë së Gjykatës Administrative të Apelit për disa orë, por ka cenuar në mënyrë të padrejtë imazhin e gjykatës”. Unioni i Gjyqtarëve të Shqipërisë kërkon nga organet kushtetuese vendimmarrëse në lidhje me gjykatat, që të ushtrojnë autoritetin e tyre kushtetues dhe ligjor për të ndërprerë çdo lloj trysnie njo vetëm ndaj daj gjyqtarëve të Gjykatës Administrative të Apelit por edhe gjithë gjykatave të tjera. “Lutemi gjithashtu organizmave ndërkombëtarë, që veprojnë në Shqipëri të mbikëqyrin situatën dhe të ushtrojnë sadopak ndikimin e tyre, për eleminimin e çdo forme të presionit ndaj Gjykatës Administrative të Apelit në veçanti dhe gjithë gjykatave në përgjithësi, pasi ky fenomen i përsëritur po kërcënon rrezikshëm pavarësinë e sistemit gjyqsor në Shqipëri”.

Hipokrizia e Veliajt, Kompania Gener 2: Protesta për projektin e firmosur nga Rama

Kompania “Gener 2”, e cila po zhvillon një projekt ndërtimi pranë pishinave të Tiranës, me distancë nga diga e liqenit, ka reaguar pas akuzave të kryebashkiakut Veliaj dhe protestës të organizuar dje nga ai me punonjësit e Ujësjellësit dhe pastruesit e Tiranës. Firma ka kërkuar që Veliaj të tërheqë akuzat, pasi gjithçka është me leje të rregullt firmosur nga Kryeministri Rama në vitin 2008 kur ai ishte kryebashkiak i Tiranës. Gjithashtu në deklaratën për media të “Gener 2” jepen të gjitha detajet e pronës, e cila nuk ështe në park, por një pronë private. “Pas sulmeve të shumta të kryetarit të Bashkisë Tiranë, z. Erion Veliaj, shoqëria ‘Gener 2’ kërkon të përgënjeshtrojë deklaratat e tij në lidhje me integritetin e shoqërisë dhe administratorit të saj duke pretenduar për lidhje me trupin gjykues dhe paligjshmëri për zhvillimin e projektit. ‘Gener 2’ vlerëson maksimalisht pavarësinë e sistemit gjyqësor dhe për këtë arsye nuk është shprehur deri tani, por ka ndjekur mjetet ligjore përkatëse. Z. Veliaj me deklaratat e tij populiste dhe aspak të denja për peshën dhe seriozitetin që kërkon roli i të qenit qytetar i parë i kryeqytetit të vendit, ndikon haptazi mbi pavarësinë e sistemit gjyqësor. Gjithashtu, ai dëmton seriozisht imazhin publik të kompanisë ‘Gener 2’ para partnerëve kombëtarë dhe ndërkombëtarë, duke cenuar interesat tona komerciale, në një kohë kur ‘Gener 2’ është një kompani me një histori 20-vjeçare, që ka të punësuar 964 individë”, thuhet në deklaratë.  “Fatkeqësisht, citon reagimi, z. Veliaj nuk e kupton se përtej interesave të tij klienteliste, mënyra joligjore që ai zgjedh të ndërhyjë dëmton imazhin e vendit tonë, duke thelluar përshtypjen te investitorët e huaj dhe vendas se të bësh biznes në Shqipëri është një lotari dhe se ndarja e pushteteve funksionon vetëm kur është në interes të qeverisë”. “I kërkojmë z. Veliaj si përfaqësues i Bashkisë Tiranë, institucion i cili vetë ka miratuar disa herë projektin tek diga e liqenit të distancohet nga interesat klienteliste dhe të lejojë organet kompetente të marrin vendimet e tyre në bazë të ligjit dhe fakteve. ‘Gener 2’ i rikujton z. Veliaj se ky projekt është zhvilluar në pronë private, jo park, jo zonë e gjelbër, jo zonë sportive, por zonë e miratuar për ndërtim nga Bashkia Tiranë, e kryesuar nga ish–kryetari i saj, z. Edi Rama”, thekson më tej kompania.
Historiku i projektit:
– Me vendimin Nr. 236, datë 27.11.2008 të KRRT Tiranë, (ish-kryetari i Bashkisë Tiranë, z. Edi Rama) është vendosur:
Të miratojë masterplanin lokal (planin e veprimit) të zonës U12-07 referuar kodit të zonimit të planit të ri rregullues, sipas projekt-idesë fituese të përzgjedhur në konkursin ndërkombëtar të zhvilluar për zonën prioritare C.
– Me vendimin Nr. 241, datë 27.12.2008 të KKRT Tiranë (ish-kryetar i Bashkisë Tiranë, z. Edi Rama) për dokumentin e zhvillimit lokal për nënzonën U12-07 a, është vendosur:
Të miratojë dokumentin e zhvillimit lokal për nënzonën U12-07 a sipas nëndarjeve të masterplanit lokal (planit të veprimit të miratuar me vendimin Nr. 236, datë 27.11.2008 të KRRT Tiranë. Ky projekt i miratuar nga Bashkia Tiranë (me ish-kryetar Bashkie, z. Edi Rama) parashikonte ndërtimin e objekteve me lartësi prej 35 deri 40 kate.
Kryetari i Bashkisë, Edi Rama ka hedhur firmën e tij mbi këtë projekt, në vitin 2008, duke e mbrojtur atë si një kryevepër të arkitekturës moderne, të projektuar nga studioja me famë botërore “Winy Maas”.
– Me vendimin Nr. 7651/29, datë 12.08.2013 të kryetarit të Bashkisë Tiranë, është vendosur “Miratimi i fazës I të planit të detajuar vendor të nënnjësisë 5/33”.
– Në zbatim të Ligjit Nr. 10119, datë 23.04.2009 “Për planifikimin e territorit” i ndryshuar dhe Ligjit Nr. 107/2014 “Për planifikimin dhe zhvillimin e territorit”, Bashkia Tiranë nxori leje zhvillimore me Nr. prot. 9967/13, datë 14.10.2014, miratuar vendimin Nr. 9967/7, datë 01.08.2014 të kryetarit të Bashkisë Tiranë leje zhvillimore ndërtimi për “Kompleks me 5 struktura banimi dhe shërbimi (strukturat A, B, C, D dhe E) nga 1 deri në 17 kate me 3 kate parkim nëntokë”.

Protestuesit –Veliajt: Hajdut, Velina i vërsul “Gencin e Balës”

Pankartat kundër betonit në Parkun e Liqenit ranë menjëherë në sy të simpatizantëve të Erion Veliajt, që u mblodhën para Gjykatës Administrative të Apelit. Socialistët ishin thirrur në protestë për pallatet tek diga e liqenit, jo për betonin brenda në park. Djemtë kundër betonit në park u larguan me forcë nga protesta e Veliajt. Pankartat iu janë grisur dhe ata janë larguar me dhunë, duke lënë pas hipokrizinë e një proteste që betonin e ndan sipas partive politike. Tre protestuesit e paparashikuar në protestë janë shoqëruar në polici.
Ndërsa Erion Veliaj kishte mbledhur para Gjykatës Administrative disa punonjës të Bashkisë për të protestuar kundër gjykatës që po shqyrtonte çështjen e ndërtimeve tek liqeni, disa protestues të tjerë u afruan dhe protestuan kundër ndërtimit të këndit të lojërave.
Por këta protestues, Veliaj nuk i ka pritur me policë bashkiakë kësaj here, por me gangot që kishte në dispozicion.
Një prej tyre është dhe “Genci i Balës”, i cili mbante detyrën për neutralizimin e personave që mund të sillnin bezdisje.
Më poshtë gjeni të zbardhur episodin dhe replikat:
Veliaj: Përshëndetje të gjithëve, afrohuni më këtej që të jeni më afër, të gjithë bashkë. E vlerësoj jashtë mase që….
Veliaj (i jep sinjal Gencit të Balës): S’ka problem, s’ka problem. Edhe PD-ja është e mirëpritur në fushatë.
Protestuesi: Nuk është e PD-së. S’jemi të PD-së. S’jemi të PD-së, hiqe dorën, mos shty.
Veliaj: Do t’i sqarojmë të gjitha. Nëse keni ardh për antiprotestën e PD-së, shkoni tek SHQUP-i, Saliu mungoi sot.
Protestuesi: S’jemi të PD-së, hajdut, s’jemi të PD-së.
Veliaj: Saliu mungoi sot tek ambasadorët, Reforma në Drejtësi do të bëhet. Reforma në Drejtësi do të bëhet. Gjyqtarët e korruptuar nuk do të vazhdojnë më.
(Genci i Balës nis e shtyn me forcë protestuesin)
Veliaj: Gjyqtarët nuk do të vazhdojnë më t’i shërbejnë bizneseve, aferave dhe gjithë kontrollit të SHQUP-it.

Arben Shahini

Shullazi në trafikun e drogës nga Turqia në Shqipëri

Emri i Emiljano Shullazit figuron në përgjimet e SHISH për një rrjet të trafikut të drogës nga Turqia në Shqipëri.

Një raport i shërbimeve të inteligjencës e lidh grupin e tij me një grup të strukturuar kriminal nga Turqia, i cili thuhet se ka marrë përsipër të sigurojë një sasi të madhe droge dhe ta transportojë atë në Shqipëri nëpërmjet Kosovës. Për këtë arsye –thuhet në raportin e SHISH – dy shtetas turq kanë mbërritur në Shqipëri në muajin janar. Ata janë identifikuar si korrierët e mundshëm të drogës.

Kontaktet i kanë vendosur menjëherë me anëtarë të grupit të Emiljano Shullazit, të cilët i kanë akomoduar në hotel dhe më pas kanë vazhduar të mbajnë kontakte për gjithë kohën e qëndrimit të tyre në Shqipëri, raporton Shqiptarja.com. Turqit janë identifikuar si Iliaz Er dhe Ali Sahin. Përgjimet e SHISH kanë zbuluar komunikimet e Iliaz Er me shtetasin E.K, pjesë e grupit të Emiljano Shullazit.

Turku Iliaz Er ka në përdorim numrin e celularit 069xxxx577 ndërsa E.K numrin 069xxxx650. Në këto biseda shtetasi turk kërkon të dijë nga E.K se me çfarë do të shkojë në Kosovë, vendin nga ku pritet të mbërrinte lënda narkotike.

Më 15 shkurt regjistrohet kjo bisedë mes dy numrave të telefonit. Në atë të turkut përgjigjet një shqiptar që e shoqëron, edhe ai pjesë e grupit:

069xxxx650: a do ikësh ta cosh çik Iliazin në Kosovë

069xxxx577: me ça t ëiki, ai nuk ka letra. Me ç’të iki…

069xxxx650: a e ke lejen, a e ke siguracionin?

SHISH ia kalon të dhënat policisë së shtetit, e cila nis përpilimin e një raporti në bazë të të dhënave, ndjekjeve dhe përgjimeve. Në rapotin e policisë thuhet se pjesë e ketij grupi janë disa shtetas me banim në Tiranë, pjesë e grupit të Emiljano Shullazit dhe Gilmando Danit, të identifikuar si O.K, B.K, S,K dhe B.L. Këta persona janë të dyshuar për ngritjen e një grupi të strukturuar kriminal që u vendos gjoba bizneseve dhe personave të ndryshëm.

Në grup – thotë policia – ka edhe persona që dyshohet se merren me trafikun e drogës nga Turqia drejt Shqipërisë. “Ku grup kriminal, lëndën narkotike e siguron në shtetin turk dhe e traposrton për në shtetet e BE duke bashkëpnuar me grupin e Emiljano Shllazit”, sqarohet në raport.

E.K që është përgjuar duke komunikuar me turkun Iliaz Er dhe babai i tij, N.K, thuhet se kanë siguruar një ngarkesë droge dhe janë në tratativa për ta tranportuar në Shqipëri. Korrieri i drogës është identifikuar si H.A nga Kosova, i njohur me A.M nga Elbasani, i cili është ndërmjetësi i trafikut. Këta shtetas mbajnë intensivisht kontakte me shtetasin Iliaz Er, i cili është nisur për në Prishtinë për të zhvilluar një takim për ngarkesën e drogës.

Në Kosovë ka udhëtuar edhe turku tjetër Ali Sahin. Ai është shoqëruar nga E.M, lindur në Tropojë dhe banues në Tirnaë. Pjesë e grupit dyshohet të jenë edhe shtetasti N.K, G.G, A.M dhe O.Xh.

SHISH dhe policia kërkojnë nga Prokuroria e Krimeve të Rënda një hjetim të plotë dhe të gjithanshëm dhe rakordim me zyrat e luftës kundër trafikut të lëndëv narkotike në Turqi, Greqi, Shqipëri, Kosovë e Itali. Edhe pse Prokuroria e Krimeve të Rënda i nisi hetimet, nuk mundi të zbulojë ndonjë ngarkesë droge. /Lapsi.al

Veliaj hakmerret ndaj inspektorit që denoncoi falsifikimin e gjobës

Erion Veliaj, falsifikatori i gjobës që i vuri protestës qytetare të 8 dhjetorit, është hakmarrë ndaj inspektorit të Policisë Bashkiake Besmir Karaj, duke e larguar nga puna. Karaj pati integritetin dhe kurajon që ta denonconte publikisht se firma e gjobës nuk ishte e tij, se ishte falsifikuar. Për këtë ai bëri dhe një kallëzim penal në Prokurori më 10 dhjetor. Falsifikimi i dokumenteve është një vepër e rëndë penale, mirëpo nga 10 dhjetori i vitit të kaluar e deri më sot, prokurori i çështjes nuk ka ndërmarrë asnjë hap për këtë çështje. Prej 5 muajsh, prokurori Ardian Dyrmishi, mban të mbyllur në sirtar këtë kallëzim, ka provat dhe faktet e mjaftueshme dhe nuk ndërmerr asnjë veprim ligjor ndonëse mediat raportuan se edhe Laboratori Shkencor i Policisë konfirmoi falsifikimin e firmës nga Bashkia. Partia Demokratike i kërkoi dje këtij prokurori të tregojë se çfarë ka bërë me këtë çështje, pse ai nuk kryen detyrën që i ngarkon ligji. Përmes një deklarate për mediat nga selia e PD, anëtarja e Këshillit Bashkiak, Reila Bozdo denoncoi ashpër dje zvarritjen e qëllimshme të këtij procesi, si dhe moszbatimin e ligjit nga ana e prokurorit Ardian Dyrmishi. “Ja ku kemi mbërritur me Edi Ramën, me shtetin e tij të korruptuar e kriminal. Denoncuesi i krimit, i falsifikimit, inspektori i policis1ë bashkiake Karaj që prej tre vitesh në detyrë nuk kishte asnjë vërejtje apo shkelje, hidhet në rrugë, ndërsa autori i krimit, falsifikatori, Erion Veliaj nuk preket, madje vazhdon të trashë zullumin çdo ditë. Kjo është oligarkia kriminale e Edi Ramës ku ndëshkohet denoncuesi dhe mbrohet shkelësi i ligjit, falsifikatori, gënjeshtari Veliaj”, tha Bozdo për mediat.

Falsifikimi i gjobës

Ekspertët e Laboratorit Kriminalistik kanë vërtetuar se gjoba e Bashkisë së Tiranës për dëmet që sipas saj shkaktoi PD në protestën e 8 dhjetorit është e falsifikuar. Rezultatet e ekspertizës konfirmuan se fleta që mban firmën e inspektorit Besmir Karaj nuk ishte plotësuar prej tij, por nga dikush tjetër. Përfundimet e ekspertizës së Laboratorit Kriminalistik vërtetuan se autori i falsifikimit të gjobës ishte Erion Veliaj. Prokuroria do të duhet ta ndiqte penalisht këtë falsifikator në krye të Bashkisë së Tiranës dhe gjykata ta dënonte sipas ligjit që parashikon deri 7 vite burg. Ligjërisht, në bazë të Kodit Penal, Erion Veliaj, i cili i doli për zot kësaj gjobe, rrezikon deri në 7 vjet burg për falsifikim. Konkretisht neni 186 për falsifikimin e dokumenteve citon se: “Falsifikimi ose përdorimi i dokumenteve të falsifikuara dënohet me burgim deri në tre vjet dhe me gjobë nga dyqind mijë deri në gjashtëqind mijë lekë. Kur kjo vepër kryhet në bashkëpunim ose më shumë se një herë apo ka sjellë pasoja të rënda, dënohet me burgim nga gjashtë muaj deri në katër vjet dhe me gjobë nga treqind mijë deri në një milion lekë. Kur falsifikimi bëhet nga personi që ka për detyrë të lëshojë dokumentin, dënohet me burgim nga një vit deri në shtatë vjet dhe me gjobë nga pesëqind mijë deri në dy milionë lekë”. Ishte vetë inspektori i Policisë Bashkiake, Besmir Karaj, i cili paditi Bashkinë Tiranë për falsifikimin e firmës së tij në gjobën që Bashkia e Tiranës i vuri PD-së për protestën e datës 8 dhjetor 2015. Pa dijeninë e tij, në një inskenim të vetë Veliajt përmes drejtoreshës së tij të kabinetit, inspektorit Karaj i është marrë blloku dhe pa dijeninë e tij është plotësuar një fletë ku gjobitej Partia Demokratike.

Kallëzimi në Prokurori

Më 10 dhjetor 2015, Besmir Karaj qëndroi më shumë se dy orë në Prokurorinë e Tiranës ku denoncoi falsifikimin e firmës së tij në gjobën që Bashkia e Tiranës i vuri PD-së për protestën e datës 8 dhjetor. Ai e ka bërë kallëzimin gojarisht para një oficeri të Policisë Gjyqësore. Efektivi është shprehur se nuk ka qenë në shërbim ditën që është hartuar gjoba, por nuk ka bërë të ditur emrin e zyrtarit të Bashkisë që ka kallëzuar. “Gjobën e pashë në rrjetet sociale, nuk kam qenë në punë. Blloku i gjobave m’u kërkua nga eprori dhe më pas e mori shefja e kabinetit. Shkrimi dhe firma në gjobën e PD-së nuk janë të miat. Më thanë se gjobën e vendosën për shou mediatik”, është shprehur Karaj. Sapo është njohur me gjobën ai është interesuar menjëherë në Bashki. Kur ka pyetur se përse ishte vënë firma e tij në fletën e gjobës, eprorët i kanë thënë: E bëmë për show mediatik. “Më thanë se gjobën e vunë për show mediatik. Blloku i gjobave m’u kërkua nga eprori im. Më pas atë e mori shefja e kabinetit”, ka rrëfyer ai në Prokurori. Plani për të bërë zhurmë ka qenë jo pak i menduar nga vartësit e Erion Veliajt. Gjoba e Bashkisë është 163 milionë lekë. Por shuma e saktë nuk është ajo. Nëse mblidhen të gjitha vlerat e gjobave, ato arrijnë në 193 milionë lekë. Bashkia pretendon se gjatë protestës ka numëruar edhe numrat e personave që kanë urinuar, sipas të cilës, ata kanë qenë 85 vetë. Ajo pretendon gjithashtu se ka peshuar edhe mbetjet urbane të lëna nga protestuesit, që rezultojnë në disa tonë.

Arben Shahini

Prokuroria e Amsterdamit: Jemi në pritje të kërkesës për ekstradimin e Frrokut

Arben Frroku, i dënuari me burgim të përjetshëm për vrasjen e komisarit të policisë Dritan Lamaj, u la në masën e sigurisë arrest me burg dje nga një gjykatë në Amsterdam, ndërsa autoritetet presin nisjen e procedurave të ekstradimit për në Shqipëri, bëhet e ditur nga një zëdhënës i Prokurorisë së Amsterdamit.
“Sot, më 10 maj, gjykatësi e la atë në masë sigurie arrest me burg derisa të kryhet gjykimi. Data e gjyqit do të planifikohet më vonë. Kjo mund të kërkojë disa muaj. Aktualisht procedurat e ekstradimit kanë nisur dhe ne po presim për një kërkesë zyrtare për ekstradim”, tha zëdhënësi i Prokurorisë së Amsterdamit.
Prokuroria e Përgjithshme e Shqipërisë ka njoftuar më herët se e ka nisur kërkesën për ekstradim te Ministria e Drejtësisë, e cila nga ana e saj e ka nisur për në Holandë.
Arben Frroku, 47 vjeç, u shpall në kërkim në Shqipëri në korrik 2015, pasi Gjykata e Apelit e shpalli fajtor për vrasjen e komisarit të policisë, Dritan Lamaj në shkurt 2013. Ai pati mundur të arratisej për shkak se tre muaj më herët, Gjykata e Shkallës së Parë e Krimeve të Rënda e kishte shpallur të pafajshëm.
Arratisja nëntëmujore e Frrokut përfundoi më 9 mars në Amsterdam. Rrethanat e arrestimit të tij me një pasaportë të falsifikuar dhe procedura e konfirmimit të identitetit u bë subjekt debati politik në Shqipëri, ku ish–Kryeministri Sali Berisha aludoi se Policia e Shtetit po përpiqej të shmangte verifikimin e identitetit për ta shpëtuar Frrokun nga vuajtja e dënimit. Berisha qe gjithashtu i pari që dha për publikun shqiptar lajmin e arrestimit të Frrokut në Holandë. Ministria e Brendshme i mohoi akuzat duke argumentuar se policia e kishte bërë punën siç duhet.
Sipas të dhënave që Prokuroria e Amsterdamit i dërgoi “BIRN”, Frroku është arrestuar më 9 mars i dyshuar për përdorimin e një pasaporte greke falso, ndërsa më 17 mars, Gjykata e Amsterdamit e dënoi atë me dy muaj burg.
“Ndërkohë, gjurmët e tij të gishtave u kontrolluan (në mënyrë ndërkombëtare) dhe rezultati qe pozitiv te Interpoli. Gjurmët e gishtave u dërguan në Shqipëri për identifikim. I akuzuari duket se është Arben Frroku, i kërkuar nga autoritetet shqiptare për vrasje”, thotë Prokuroria e Amsterdamit.
Afati i burgimit të tij sipas dënimit të 17 marsit, mbaronte më 9 maj. Por në këtë datë, zyra e prokurorit të Amsterdamit urdhëroi arrestimin e tij të menjëhershëm për arsye të ekstradimit. Më 10 maj, gjykata urdhëroi mbajtjen e tij të ndaluar deri në një seancë gjyqësore.

Hetimet e autoriteteve holandeze

Autoritetet policore në Holandë kanë nisur një hetim administrativ për të zbuluar motivin e vonesës së identifikimit të Arben Frrokut. Nga ky hetim pritet të përcaktohet se përse u vonua zbulimi i identitetit të vërtetë të të dënuarit me burg përjetë, i cili mund të kishte fituar sërish lirinë. Me 17 Mars, Frroku do të lirohej nga qendra e pritjes së emigrantëve me kushtin që të largohej nga Holanda. Në të kundërt do të deportohej me forcë. Ai ishte ndaluar në fillim të Marsit gjatë një kontrolli rutinë të policisë, në Shipol, në periferi të Amsterdamit. Burime të policisë bëjnë me dije se autoritetet shqiptare janë njoftuar nga pala holandeze për hetimin e nisur. Nuk sqarohet se sa kohë do të zgjasë ky verifikim apo nëse do të kërkohet informacion nga pala shqiptare.
Nga veprimet e para hetimore është konstatuar se ka patur një problem me njohjen e shenjave të gishtave të Frrokut nga sistemi ku regjistrohen personat e kërkuar.Pasi është ndaluar fillimisht nga policia në Amsterdam, Frrokut i janë marrë shenjat e gishtave, por shenjat që gjendeshin në sistem nuk janë hapur. Megjithatë autoritetet holandeze nuk e kanë liruar, për shkak të pasaportës së falsifikuar.
Përveç kësaj procedure, që vlerësohet si e dyshimtë nga autoritetet holandeze, një tjetër procedurë që nuk ka funksionuar për rastin e Frrokut është krahasimi i gjurmëve të gishtave. Sipas shkresës së Interpol Hagës, nga veprimet e para hetimore është konstatuar se ka pasur një problem me njohjen e shenjave të gishtave të tij nga sistemi ku regjistrohen personat e kërkuar.
Pasi është ndaluar fillimisht nga policia në afërsi të aeroportit të Amsterdamit, Arben Frrokut i janë marrë shenjat e gishtave, por shenjat që gjendeshin në sistem nuk janë hapur e për këtë arsye për disa ditë nuk është arritur të zbulohej identiteti i tij i vërtetë.

Si u arratis Frroku dhe ndihma nga Rama-Tahiri

Arben Frroku u arratis nga Shqipëria më datën 20 qershor të vitit të kaluar, dy ditë para zgjedhjeve lokale, pasi e kreu misionin e tij për t’i dhënë fitoren PS-së në Pukë. Prokuroria zbuloi se, Frroku nuk ishte regjistruar në sistemin TIMS kur kaloi në pikën kufitare. Frroku u ndalua nga Policia e Malit të Zi në kufi me Kroacinë, ku u mbajt për rreth pesë orë për verifikim, pasi ka rezultuar person i shpallur në kërkim. Autoritetet e Malit të Zi e kanë mbajtur të izoluar Frrokun, duke i kërkuar Ministrisë së Brendshme shqiptare të dhëna ndaj tij, por Tahiri u konfirmoi autoriteteve malazeze se ndaj Frrokut nuk ka asnjë urdhër arresti. Pas konfirmimit nga Ministra e Brendshme shqiptare autoritetet malazeze e lanë të lirë Frrokun për të udhëtuar drejt Kroacisë.
Frroku ka mundur të largohet nga vendi pak ditë, pasi jepej vendimi i Apelit, duke mos hasur në asnjë pengesë as për faktin që ishte ende i dyshuari kryesor për vrasjen e komisarit Dritan Lamaj dhe pse sipas Prokurorisë të gjitha provat dhe dëshmitë faktonin se ishte ai autori që qëlloi mbi komisarin. Rama dhe Tahiri i hapën rrugën Frrokut jo vetëm brenda kufijve, por në çdo pikë kufitare me shtetet e tjera. Arratisja e Frrokut ishte shpërblimi që Rama i bëri atij në këmbim të fitores që ai i siguroi PS-së në Pukë, në zgjedhjet lokale të 21 qershorit. Një ditë para se të arratisej, Frroku ka qëndruar me Ramën në një lokal në Pukë, ku prej ditësh ai bënte fushatë për fitoren e kandidatit të majtë.

Karaj: Kisha presione nga drejtues të Bashkisë që të tërhiqja denoncimin

Besmir Karaj tregon se ai ka pasur presione të shumta nga drejtues të Bashkisë Tiranë për të tërhequr denoncimin e falsifikimit të firmës së tij në gjobën e vendosur ndaj PD në protestën e 8 dhjetorit të vitit që kaloi. Refuzimi i tij ka sjellë dhe shkarkimin nga puna.

– Kur e morët njoftimin për largimin nga puna?
Më kanë njoftuar që ditën e premte pasdite, duke më thënë ditën e hënë të paraqitesh te Bashkia e madhe te protokolli për njoftim për ndërprerjen e marrëdhënieve të punës me Bashkinë. Vajta sot (të hënën) rreth orës 10:30 te protokolli në Bashki dhe aty më njoftuan për pushimin tim nga puna.

– Me çfarë motivacioni u pushuat nga puna?
Ndërpriten marrëdhëniet e punës. Kaq më thanë.

– Si kanë qenë marrëdhëniet tuaja me eprorët pas denoncimit të skandalit të falsifikimit të dokumentit të gjobës?
Marrëdhëniet kanë qenë totalisht të ngrira dhe me një vendim të ndryshimit të pozicionit të punës direkt pas skandalit nga inspektor në terren më kaluan oficer roje te Drejtoria e Policisë Bashkiake.

– Gjatë punës tuaj a keni patur ndonjë vërejtje nga eprorët apo masë masë disiplinore?
Jo, nuk kam patur asnjë vërejtje dhe as masë disiplinore. Kam kryer punën time normalisht si oficer roje te salla operative.

– Pas denoncimit të skandalit, a keni patur presione te puna?
Ka pasur presione të ndryshme nga drejtues të institucionit. Më thonin të mos e ndiqja më tej punën e denoncimit. Më thonin mos vazhdo më tej se do ta pësosh keq. Më është bërë presion që të lija punën. Më thonin po nuk u largove do ta pësosh më keq.

– Pse nuk u larguat nga puna pas presioneve të vazhdueshme?
Unë nuk u largova nga puna, sepse isha i pafajshëm dhe po kërkoja të drejtën time, pasi më ishte falsifikuar firma dhe shkrimi i procesverbalit nga drejtuesit më të lartë të Bashkisë. Dhe si pasojë gjithë këto sulme që më janë bërë kanë qenë sulme politike për efekt të pozicionit të familjes time në Partinë Demokratike. Babai im është kryetar i Degës së Partisë Demokratike Fushë-Krujë.

– Ju thoni se pushimi juaj nga puna është bërë për motive politike, çfarë rruge do të ndiqni më tej?
Unë kërkoj drejtësi dhe do ta ndjek çështjen sipas ligjit.

Intervistoi: Rexhep POLISI

Shefi i kabinetit të ministrit pronar i karburantit ku u vranë dy fëmijët

Mbrojtëset anësore të autostradës Plepa-Golem, që u bënë shkak për vdekjen e dy fëmijëve të familjes Negollari në aksidentin e së shtunës, nuk janë vendosur për të favorizuar një karburant, i cili rezulton të jetë në pronësi të një zyrtari të lartë në Ministrinë e Transporteve. Bëhet e ditur se, kjo pikë karburanti është e regjistruar në emrin e shoqërisë PIENVIS, me pronar Pilo Këri, babai i Krislen Kërit, shefit aktual të kabinetit të ministrit të Transporteve, Edmond Haxhinasto. Në dokumentat e Qendrës Kombëtare të Regjistrimit thuhet se kjo shoqëri në pronësi të Pilo Kërit ushtron aktivitetin e tregtimit me pakicë të karburanteve, vajrave lubrifikantë e autogaz, 2.8 kilometër nga rrethrrotullimi i Malit të Robit. Këto të dhëna korrespondojnë pikërisht me vendin ku ka ndodhur aksidenti i së shtunës.
Prokuroria e Kavajës, që ka nisur hetimet për aksidentin, dyshon se barrierat metalike anësore nuk janë vendosur në dy vende për të favorizuar këtë karburant. Procedimi penal është regjistruar edhe për Autoritetin Rrugor Shqiptar, një institucion në vartësi direkte të Ministrisë së Transporteve, pasi dyshohet se Autoriteti Rrugor Shqiptar e ka marrë në dorëzim rrugën pa u plotësuar me elementët e domosdoshëm të sigurisë, siç e kërkon ligji.
Po ashtu hetime po kryhen edhe për kompaninë që ka ndërtuar këtë pjesë të rrugës, nëse ajo nuk e ka vendosur me iniciativë të saj mbrojtësen anësore pranë këtij karburanti, apo i është kërkuar nga drejtuesit e Autoritetit Rrugor Shqiptar dhe Ministria e Transporteve.
Bëhet e ditur se, kompania që ka ndërtuar këtë segment rrugor e ka fituar tenderin me një diferencë të theksuar me ofertuesit e tjerë. Dhe dyshohet se janë bërë pazare të pista, pasi tenderi ju dha kompanisë që ofroi më shumë para se sa kompanitë e tjera që morën pjesë në tender. Edhe pse kësaj kompanie i janë dhënë miliarda lekë jo vetëm që nuk ka vënë mbrojtëse anësore në vendin ku ndodhi aksidenti, por nuk e përmirësoi aspak sinjalistikën.
Mbrojtësja metalike, sipas Prokurorisë së Kavajës, nuk duhet të ishte e ndërprerë në asnjë rast, në një rrugë ku shpejtësia maksimale e lejuar është 100 kilometër në orë. ABC News u interesua pranë Ministrisë së Transporteve për të pyetur shefin e kabinetit të ministrit të Transporteve, se cila është lidhja e tij me këtë karburant. Por as Këri dhe as zyrtarët e tjerë nuk pranuan t’i përgjigjen interesimit tonë. Edhe Autoriteti Rrugor Shqiptar refuzoi të përgjigjet në lidhje me hetimin. Edhe Autoriteti Rrugor Shqiptar refuzoi të përgjigjet në lidhje me hetimin. Ndërkohë Prokuroria e Kavajës bëri të ditur se po heton edhe pronësinë e karburantit dhe lidhjen e shefit të kabinetit të ministrit Edmond Haxhinasto me cenimin e sigurisë rrugore.
Prokurorët që po mbledhin të gjitha provat dhe shkresat zyrtare mbi sigurinë e kësaj rruge, dyshojnë se kjo ka qenë arsyeja që Autoriteti Rrugor Shqiptar e ka marrë në dorëzim rrugën edhe pse ishte cënuar një element i rëndësishem i sigurisë rrugore. Për këtë arsye, Autoriteti Rrugor Shqiptar është institucioni që po hetohet për këtë rast. Burime nga Prokuroria konfirmojnë se, është regjistruar procedimi penal për akuzën e shpërdorimit të detyrës, pasi ka dyshime se ky institucion nuk ka zbatuar rregulloren në aksin rrugor ku ndodhi aksidenti.
Mbrojtësja metalike, sipas Prokurorisë së Kavajës, nuk duhet të ishte e ndërprerë në asnjë rast, në një rrugë ku shpejtësia maksimale e lejuar është 100 kilometër në orë. Por edhe sinjalistika në lidhje me shpejtësinë po hetohet. Vetëm në vendin ku mbrojtësja nuk është vendosur, shpejtësia është 60 kilometër në orë.
Kodi Rrugor i Republikës së Shqipërisë, në nenin 14 dhe 37 përcakton qartë përgjegjësitë e Autoritetit Rrugor. Neni 37 thotë që vendosja dhe mirëmbajtja e sinjalizimit rrugor është në ngarkim të enteve pronare të rrugës. Ndërsa neni 14 thotë se, entet pronare të rrugëve kanë për detyrë garantimin e sigurisë dhe rrjedhshmërisë së qarkullimit.

Policia Rrugore i kërkoi Autoritetit Rrugor të vendosë mbrojtëset anësore

Në rast se do ishte marrë parasysh konstatimi dhe sugjerimi i Policisë Rrugore drejtuar nëpërmjet një letre Autoritetit Rrugor Shqiptar, aksidenti i së shtunës ku humbën jetën dy fëmijë më nuk do të ishin shkaktuar këto pasoja. Në vitin 2015 Departamenti për Sigurinë Publike në Policinë  e Shtetit i ka dërguar një shkresë Autoritetit Rrugor Shqiptar “Mbi gjendjen e rrugëve dhe sinjalizimet rrugore” ku e vë në dijeni për rrezikshmërinë që paraqet mungesa e mbrojtëseve anësore pikërisht në vendin ku ndodhi aksidenti me dy viktima, të shtunën.
“Rruga Golem-Kavajë-Rrogozhinë është e papërfunduar, Unaza në fshatin Gosë vazhdon të jetë problematike, ngushëtimi i korsive në drejtim të lëvizjes Kavajë-Rrogozhinë është i pashoqëruar me masat përkatëse, sinjalizime rrugore të pamjaftueshme, pa ndriçim, mban pjesërisht ujë mbi sipërfaqen e saj. Mungojnë plotësisht sinjalizimet rrugore horizontale, vertikale, tabelat treguese dhe tabelat “STOP”, daljet  në rrugë kryesore janë problematike dhe të pashoqëruara me korsi ngadalësimi”, shkruhej në letrën drejtuar Autoritetit Rrugor Shqiptar.
Në shkresën e përpiluar nga Drejtoria e Policisë Rrugore rezulton se, gjendja e sinjalizimeve rrugore në rrjetin rrugor kombëtar dhe lokal nuk është në parametrat e kërkuar të sigurisë rrugore. Në letër evidentohen të paktën 28 akse rrugore me problematika.
Në aksin rrugor “Golem-Kavajë-Rrogozhinë” në harkun kohor të 45 ditëve kanë humbur jetën 5 persona, për shkak të mungesës së elementëve të sigurisë.
Në aksidentin e të shtunës, makina e drejtuar nga 24-vjeçarja Silvana Negollari u përplas me mbrojtesën metalike, e cila, për shkak se rezultonte e shkëputur, u fut në makinë, duke u marrë jetën dy fëmijëve të saj dhe duke plagosur një tjetër.
Karburanti në Golem që u bë shkak për aksidentin e rëndë ku vdiqën dy fëmijë është në pronësi të shefit të kabinetit në Ministrinë e Transportit. Për këtë çështje Prokuroria e Kavajës ka nisur hetimet.

Vdekja e dy fëmijëve, i gjithë fshati në zi e në dhimbje

I gjithë fshati Gërmenj në Kavajë, ku ka jetuar më parë familja Negollari, është zhytur në zi e në dhimbje, pas humbjes tragjike në aksident pasditen e së shtunës të dy vogëlushëve Alice e Dritan 3 e 5 vjeç, në Qerret të Kavjës. Familjarët të revoltuar mbi historinë e trishtë të familjes Negollari, deklarojnë se Sokolin e arrestuan dhe e harruan në burg, se ishte i varfër dhe nuk kishte mbështetje. Ata theksojnë se u mbajt shumë gjatë pas kangjellave të burgut vetëm për nisjen e ndërtimit të shtëpisë ku të fuste kokën, pasi i ishte refuzuar leja e ndërtimit që e kishte të domosdoshme.
“Në pronën e tij, në shtëpinë e tij, shembi të vjetrat dhe bëri të rejat. E harruan në burg, njeri për ta ndihmuar nuk kishte, di që ka kërkuar edhe leje”, tha kushëriri i Sokolit, Gëzim Goxha.
“Ku do drejtohesh? Po nuk dhe lekë stë japin leje”, tha një tjetër banor.
“Ata që ndërtojnë gradaçela nuk përfundojnë në burg, se i kanë shpatullat e ngrohta, mbrohen nga shteti”, shtoi një tjetër.
“Sokali i ka shtëpitë këtu që kur i ka bërë i ati i vetë që në kohë…”, shtoi një banor.
“Po e ndërtonte shtëpinë aty ku e ka pasur”, tha një tjetër.
“Të paktën ta linin në arrest shtëpie, mos ta merrnin brenda, ta linin tek kalamanjtë e vet jo gjithë kjo tragjedi, dy fëmijë, dy lule”, thotë e afërmja e fisit, Zylfie Cani.
Ndërkaq 3 ditë pas aksidentit situata për sinjalistikën në rrugë, vijon të jetë e njëjtë. Askush nuk ka ndërhyrë për të shmangur të tjera pasoja të rënda.
Në banesën aktuale të familjes Negollari në plazhin e Durrësit respektohet kodi i zisë. Aty janë hapur dyert e mortit, ndërsa nëna e dy vogëlushëve, Silvana 24-vjeçare është në traumë fizike dhe psikologjike. 24-vjeçarja i kish nxjerrë vetë nga makina dy vogëlushët e pajetë pas aksidentit.

R.POLISI

Faqja e parë

Zbardhet telefonata e Tahirit me Shullazin, ministria nuk e mohon

Disa pyetje të ngritura dje paradite nga selia e PD në lidhje me një telefonatë të ministrit të Brendshëm Tahiri me kryekriminelin Shullazi, përpara arrestimit të tij, mbeten pa përgjigje nga qeveria.
PD akuzoi direkt Tahirin se kishte folur me Tahirin përpara se ai të arrestohej. Telefonata bëhej edhe më e rëndë, pasi ishte bërë nga telefoni i nëndrejtorit të Policisë së Tiranës, Ermal Muça. Ndërsa pritej që Ministria e Brendshme të hidhte poshtë deklaratën e PD dhe të mohonte që Tahiri të kishte folur me Shullazin, reagimi i policisë pohonte të kundërtën.
Në të gjithë deklaratën e djeshme të policisë flitej për arritjet e saj, por në asnjë rresht nuk mohohej që Tahiri të ketë telefonuar Shullazin. Në asnjë rresht të asaj deklarate nuk hidhej poshtë denoncimi i PD se telefonata ishte bërë nga telefoni i nëndrejtorit të Policisë së Tiranës, Muça.
Përse Tahiri nuk e mohoi? Tahiri e di se ajo akuzë mbështetet mbi një provë të fortë dhe ai nuk ka dashur që të rëndojë pozitat e tij. Ai ka mundur se rruga më e mirë ishte një reagim limonatë ku flitet për arritjet e policisë se t’i jepej përgjigje atyre pyetjeve dhe fakteve që denoncoi zyrtarisht PD.
Është mundur që të zbardhet edhe mënyra se si Tahiri komunikonte me Shullazin. Për të qenë i sigurtë se herët a vonë do të jetë pjesë e hetimit, ai ka mundur të fshehë çdo gjurmë nga telefoni i tij. Mirëpo kjo nuk mund ta shpëtojë atë nga interceptimi i zërit dhe metodave për të dalluar zërin e tij edhe përmes telefonave të vartësve të tij që drejtojnë sot Policinë. Dhe kjo është akoma më e rëndë se provon se jo vetëm ministri, por e gjithë kupola e policisë është në shërbim të bandës kriminale të Shullazit.
Një gjë është e qartë. Tahiri tashmë është një gur që po peshon rëndë në qafën e Ramës. Ai po shkon me hap rreshtor drejt burgut dhe atje nuk do të jetë i vetëm. Jo se do të gjejë mikun e tij në krime, Shullazin, por se rrezikon që të marrë me vete edhe Ramën që në fakt është padroni i Saje Qorrit dhe Shullazit bashkë.

Çfarë fshehin pamjet e lokalit ku u ekzekutua Çiço?

A ka biseduar Saimir Tahiri me Emiliano Shullazin, përpara ndalimit të tij nga policia?
A e ka garantuar Tahiri, Shullazin, se thjesht do të shoqërohej do të pyetej për kërcënimin e kandidatit për rektor, e më pas do lihej i lirë?
Të gjitha të dhënat tregojnë se kështu ka ndodhur.
Pakti u prish, sepse Prokuroria urdhëroi arrestimin për akuzat e gjobvënies e kanosjes, pas punës disa mujore që kishte bërë për sigurimin e provave, sigurisht pa dijeninë e Tahirit.
Burime serioze, oficerë që janë në dijeni dhe që kanë qenë prezentë në aksion, dëshmojnë se Saimir Tahiri ka folur me Emiliano Shullazin përmes telefonit të nëndrejtorit të Policisë së Tiranës, Ermal Muça.
Ky funksionar i policisë rezulton të jetë një nga personat e besuar për shumë paligjshmëri e trafiqe që bëhen me dijeninë dhe bekimin e Tahirit.
Nëse Prokuroria merr pamjet e dy muajve të fundit të lokalit ku ndodhi ekzekutimi i Elton Çiços, do të shohë se pothuajse çdo natë Ermal Muça dhe Qebini i doganave ishin në shoqërinë e viktimës. Dhe të gjitha këto lidhje përfshijnë Shullazin e të çojnë tek Tahiri.
Eshtë kjo arsyeja pse arma dhe telefoni i viktimës u morën natën e krimit. Sepse arma dhe sidomos telefoni zbulojnë lidhjet me krerët e policisë dhe janë provë e dëshmi e trafiqeve të drogës.
Ky është pra drejtimi që i bëhet Policisë së Shtetit, inkriminimi i saj në pikat kryesore. Ky është shteti kriminal, ku Edi Rama e ministri i Brendshëm janë një me bandat, bëjnë pazare, ofrojnë siguri e paprekshmëri për to.
Ndaj jeta e qytetarëve sot është më e pasigurtë se kurrë, droga ka mbuluar vendin, dhe trafikantët e bandat sundojnë kudo.

Përgjimet e bandës së Shullazit me drejtorin e Hipotekës

Disa komunikime telefonike janë kryer mes Gilmando Danit, Blerim Shullazit dhe ish-kryeregjistruesit të Durrësit, Jyrgis Çyrbja, me qëllimin e vetëm regjistrimin në kohë në Hipotekë të pronës së ish-hotel “Vollga” në Durrës.
Nga dokumentacioni që “Shqiptarja.com” disponon, qartësohet se agjentët e policisë kanë marrë në konsideratë dhe disa deklarata të një gazetari, dhe fill pas këtyre deklaratave kanë kryer një sërë verifikimesh.
Sipas procesverbalit të datës 9 shkurt 2016 për këqyrjen e marrjen e të dhënave që gjeneron faqja “Google”, rezulton që janë printuar disa faqe nga shtypi i shkruar dhe ai viziv që bëjnë fjalë për veprimtarinë e një grupi kriminal, që u vënë gjoba biznesve, ku mes të tjerave përmendet Emiliano Shullazi dhe Gilmando Dani.
Ndërkohë që sipas procesverbalit 20 shkurt 2016, rezulton se për pasurinë ish-hotel “Vollga”, janë pronarë Emiliano Shullazi dhe çifti Fejzi e Mireta Kodra, ku Shullazi e ka fituar këtë pronë me kontratë dhurimi. Lidhur me regjistrimin e kësaj prone ka referuar informacion Policia e Shtetit se është ushtruar kërcënim ndaj kryeregjistruesit të Durrësit, Jyrgis Çyrbja.
Për këtë rast janë marrë transkiptet telefonike të përgjuara, ku një rol të rëndësishëm ka i dyshuari Gilmando Dani, i cili zhvillon biseda me regjistruesin, duke i thënë atij nëse ka ndonjë problem, si dhe duke i kërkuar të mos vonohet puna, pasi ai nuk është mësuar të mos jetë korrekt.

Bisedat e përgjuara

Një bisedë e kryer më 7 janar tregon Danin që i thotë numrit 0682026XXX të Jyrgis Çyrbes:
“…Përshëndetje. Do mbarojmë punë sot Llano…”. Ndërkohë që sërish Dani vijon duke i pohuar”,…Mondi t’u plas jam, se nuk jam mësu mos me qëndru korrekt…”.Nga ana tjetër Dani merr një sms nga numri 0682026XXX, i cili rezulton të jetë i Jyrgis Çyrbes, ku ky i fundit i thotë:”…Ti kishim mbyll nesër, këto që ishin për sot dhe atë 50 cen…”.
Telefonatë e 10 shkurtit 2016 Dani merr një SMS nga numri 0682026XXX me tekst: ”…Përshëndetje Mondi! Për zotin sot e kam të pamundur, por nesër do mbarojmë punë pjesërisht dhe flasim nga afër…”. Sërish më 10 shkurt 2016, Gilmando Dani i dërgon një SMS numrit të lartpërmendur me tekst:”…Mondi me fjalë do mi sillte sot se i kam shit një dyqan dhe mi sillte 75.000 euro…”.
Ndërkohë më 16 shkurt 2016 shfaqet shtetasi Blerim Shullazi që përdor numrin 068XXXXX159 ku komunikon me përdoruesin e numrit 067XXXX8438
159-Ky çuni i Krujës 24 jam, a u ban ato letrat…?
438-Ça emri kishe ti.
159-Ato letrat për
438-Ca emri ke thash
159-Altin Kulla
438-Jo s’është bërë akoma
159-E kur bëhen ato
438-Se kemi ne në dorë
Për këto fakte është marrë në pyetje shtetasi Jyrgis Çyrbja, i cili në deklarimet e tij pranon faktin se ka pasur komunikime në lidhje me regjistrimin e kësaj prone me personat e sipërcituar, ku atij i është kërkuar të bëjë regjistrimin urgjent.
Për regjistrimin e kësaj prone ka pasur probleme dhe me kryeregjistruesin në Tiranë Ilirjan Muho, pasi ish-hotel “Vollga” është regjistruar e pezulluar në dy raste.

Biznesmeni nga Lushnja, dëshmi kundër Emiljano Shullazit

Kallëzimi i një biznesmeni duralumini nga Lushnja është bërë shkak që Gjykatat e Apelit për Krimet e Rënda të vendosë mbajtjen në burg të Emiljano Shullazit, Blerim Shullazit dhe Gilmando Danit. Më 25 janar 2016 në biznesin e tij shpërtheu një sasi eksplozivi. Biznesmeni është Adriatik Kërçuku, shkruan Shqiptarja.com. Sipas saj, Kërçuku rezulton të ketë depozituar një dëshmi në Komisariatin e Lushnjës dhe më pas në Drejtorinë e Policisë së Fierit, ku tregonte se në muajin janar 2016 është telefonuar nga një numër i panjohur, duke i kërkuar takim, por ai i është përgjigjur se s’mund të takoheshin, pasi atë ditë ndodhej në Durrës. Sipas dëshmisë së biznesmenit të aluminit, telefonata e panjohur është kryer pas vizitës që katër djem të panjohur kanë kryer në biznesin e tij në autostradë, afër Lushnjës. Më tej është zbuluar se bëhej fjalë për Emiljano Shullazin. Në dëshminë e tij biznesmeni Kërçuku, thotë se tek njësia e shërbimit kanë shkuar 4 vetë me një BMW të zezë, me targa të identifikuara dhe janë prezantuar tek punëtori i tij Mili Dervishi, duke i kërkuar takim me pronarin. Ai ka sqaruar se, njëri prej tyre i është prezantuar si Emiljano Shullazi. Këtë ia ka rrëfyer punëtori i tij, ndërsa vetë biznesmeni thotë se nuk e ka takuar ndonjëherë Shullazin. Telefonata ku i kërkohej takim i ka ardhur pas kësaj “vizite”. Ai e ka refuzuar dhe pak ditë më pas, më 25 janar të këtij viti një sasi tritoli shpërtheu brenda oborrit të biznesit të tij. Policia është vënë në ndjekje të veprimeve të Shullazit pas denoncimit. Por ditën e shpërthimit, ai ka rezultuar se nuk ndodhej në Shqipëri. Më 23 janar, ai ishte larguar në Itali, nëpërmjet Portit të Durrësit. Ai është kthyer 3 ditë pas shpërthimit, më 28 janar 2016, po nga Durrësi. Sipas Shqiptarja.com, policia ka ballafaquar edhe punonjësin Mili Dervishi me fotot e Emiljano Shullazit, Blerim Shullazit dhe Gilmando Danit, por ai nuk ka mundur t’i identifikojë. Ka thënë se nuk i mbante mend personat që i kishin kërkuar të takonin pronarin e kompanisë ku punonte. Të njëjtën gjë pohuan në polici e më pas në Prokurorinë e Krimeve të Rënda edhe akademikët Koni e Kule. Edhe ata thanë se nuk e mbanin mend se kush i kishte kërcënuar. Prokuroria ka në dorë edhe kallëzimin e një gruaje, e cila pretendon se Shullazi i ka marrë një pronë në Tiranë dhe e ka regjistruar në emrin e Gilmando Danit. Avokati i Shullazit e ka mohuar këtë version.

1...8 2408 2418 242...8 382Faqja 8 241 nga 8 382

Kryesore

Continue to the category
Më shumë
© 2024 Rilindja Demokratike Euroatlantike