“Është kthyer në refren kombëtar 7×7=313”, – është shprehur drejtuesi politik i Koalicionit Euroatlantik, Lulzim Basha, në emisionin “360 gradë”. Ai tha se nuk është vetëm një mesazh ndaj korrupsionit, por ka dhe një ngazëllim të justifikuar që një pjesë e tyre tashmë janë kapur nga drejtësia e re dhe janë prapa hekurave.

Basha përsëriti se vota për numrin 4 është e vetmja votë garante që 313-ta të mbushet plotë me të korruptuar.

“Është kthyer në refren kombëtar 7×7=313. E di pse? Kam përshtypjen jo vetëm për faktin që është një mesazh ndaj korrupsionit, por kam përshtypjen ka dhe një ngazëllim të justifikuar që një pjesë e tyre tashmë janë kapur nga drejtësia e re dhe janë prapa hekurave dhe prandaj ju pëlqen njerëzve. Kur i pyet njerëzit, doni që të vazhdojë 7×7=313? Thonë të mbushet plotë. Vota për numrin 4 është e vetmja votë garante që 313-ta të mbushet plotë me të korruptuar” – tha Basha.

Në emisionin “360 gradë”, drejtuesi politik i Koalicionit Euroatlantik, Lulzim Basha, është shprehur se shitblerja e votës është një plagë që ka prokur çdo zgjedhje në Shqipëri, por kësaj radhe SPAK mund edhe ta parandalojë. Basha tha se sipas informacioneve që ka, plani i SPAK është që goditjet ndaj personazheve që mund të trysnojë votuesit apo numëruesit do të vazhdojë edhe gjatë votimit edhe gjatë numërimit.

Sipas tij, ky është një inkurajim për qytetarët që të dalin të votojnë dhe është një paralajmërim për të gjithë ata që përdorëen si vegla nga korrupsioni, nga qeveria e korruptuar e Edi Ramës dhe nga banditët që duan pushtet.

“Shitblerja e votës apo problemet me sigurinë e votës janë plagë që ka prekur zgjedhje pas zgjedhje Shqipërinë, kjo tashmë është e faktuar. Ndaj, në përgjigje mund të them vetëm respekt dhe mbështetje totale ndaj SPAK-ut dhe ky është një mesazh edhe për votuesit. E di që plani i SPAK-ut përfshirë jo vetëm goditje të tilla, por edhe goditje gjatë ditës së votimit dhe gjatë procesit të numërimit. Kam informacione, sepse në rrugë zyrtare i jemi drejtuar SPAK-ut me disa shqetësime dhe me sa e kuptoj, SPAK dhe BKH do të jenë të pranishëm me pranga me vete, për t’ia vënë çdokujt për arrestime në flagrancë qoftë në qendrat e votimit, qoftë në qendrat e numërimit të votave. Kështu që ky është inkurajim për qytetarët shqiptarë që të dalin të votojnë dhe është një paralajmërim për të gjithë ata që përdorëen si vegla nga korrupsioni, nga qeveria e korruptuar e Edi Ramës dhe nga banditët që duan pushtet, për t’i goditur. Është një thirrje që mos u bëni mish për top sepe do të përfundoni aty ku e keni vendin parapa hekurave” – tha Basha.

Drejtuesi politik i Koalicionit Euroatlantik, Lulzim Basha, në emisionin “360 gradë” në Abc Neës tha se mesazhi për shqiptarët është i qartë, do vazhdohet me korrupsionin e 7×7=313 edhe 4 vite të tjera dhe me rrangallat e tranzicionit, apo ndryshim real duke i dhënë fund korrupsionit qeveritar.

Basha tha se për Koalicionin Euroatlantik ndryshim do të thotë luftë pa kompromis kundër korrupsionit duke mbështetur drejtësinë e pavarur. Sipas tij, vota për numrin 4 është për mbështetje me vepra jo me fjalë për SPAK si parakusht që paratë të mos shkojnë më tek xhepat e shokëve tek 7×7=313, apo të pretendohet se luftohet korrupsioni me Ilir Metën dhe Elvis Roshin.

“Mesazhi im ndaj qytetarëve është edhe katër vite kështu, apo rotacion me rrangallat e korrupsionit e të tranzicionit që paraqiten sikur janë alternativë, apo ndryshim dhe çfarë është ndryshimi. Për ne ndryshim do të thotë fuqizim dhe jo prerje krahësh të SPAK-ut. Për ne ndryshim do të thotë luftë pa kompromis kundër korrupsionit duke mbështetur drejtësinë e pavarur. Dhe vota për numrin 4, për Koalicionin Euroatlantik është e vetmja votë që shkon për mbështetjen me vepra, jo me fjalë, për luftën kundër korrupsionit si parakusht që paratë të mos shkojnë më tek xhepat e shokëve tek 7×7=313, apo të pretendohet se luftohet korrupsioni me Ilir Metën dhe Elvis Roshin. Por të shkojnë tek xhepat e qytetarëve duke çuar pushtetarët që kanë abuzuar me pushtetin para drejtësisë dhe prapa hekurave te shokët e 7×7=313. Vetëm vota për numrin 4 e garanton këtë me vepra jo me fjalë” – tha Basha.

Drejtuesi politik i Koalicionit Euroatlantik, Lulzim Basha, në mbylljen zyrtare të fushatës elektorale u shpreh se vota për Koalicionin Euroatlantik dhe numrin 4 është një votë pro SPAK dhe kundër korrupsionit. Ai iu drejtua socialistëve duke u thënë se Edi Rama u solli Ahmetajn dhe Veliajn, duke ndërtuar zgjedhën e një grushti të vogël përballë një pjese të madhe të shoqërisë që heqin paratë e bukës së gojës, ndërsa të korruptuarit e pushtetit i mykin paratë në bodrume.

“Refuzojini, jo duke mos dalë për të votuar, por duke dalë dhe duke i ndëshkuar me votë, votoni edhe ju Koalicionin Euroatlantik, numrin 4, sepse është votë për të ndëshkuar ata që kanë abuzuar me votën tuaj, që kanë abuzuar me besimin tuaj, që kanë abuzuar me të ardhmen e fëmijëve tuaj. Është votë pro SPAK dhe kundër korrupsionit, është votë për Shqipërinë.” – u shpreh Basha.

Më poshtë pjesë nga fjala e Lulzim Bashës:

Ju solli Arben Ahmetajn, ju solli Lali Erin dhe korrupsionin me tragjedinë e tërmetit. Ju që hiqni paratë nga buka e gojës për të shkolluar fëmijët tuaj, si mund ta pranoni për herë të katërt zgjedhën e një grupi njerëzish që vetëm ju vjedh, ju poshtëron, të cilët i mykin paratë në bodrume, ndërsa ju nuk keni mundësi asnjë javë të bëni pushime. Refuzojini, jo duke mos dalë për të votuar, por duke dalë dhe duke i ndëshkuar me votë, votoni edhe ju Koalicionin Euroatlantik, numrin 4, sepse është votë për të ndëshkuar ata që kanë abuzuar me votën tuaj, që kanë abuzuar me besimin tuaj, që kanë abuzuar me të ardhmen e fëmijëve tuaj. Është votë pro SPAK dhe kundër korrupsionit, është votë për Shqipërinë.

Drejtuesi politik i Koalicionit Euroatlantik, Lulzim Basha, gjatë fjalës së tij në fushatën përmbyllëse në Tiranë, ka theksuar se Koalicioni Euroatlantik vjen në 11 maj me një ekip e ekipit të pastër. Basha tha se në listën e Koalicionit Euroatlantik, janë 55 kandidatë të përndjekur politikë ose pasardhës të të përndjekurve nga regjimi i Enver Hoxhës.

Ai gjithashtu tha se numri 4 ka pronarë dhe sipërmarrës, që janë shembuj të sipërmarrjes së lirë shqiptare, artistë dhe ikona të sportit të rinj. “Është Shqipëria e punës, Shqipëria e nderit, Shqipëria e të ardhmes me 140 individ të pastër, të kulluar, punëtorë dhe mbi të gjitha luftëtarë jo për veten e tyre, por për Shqipërinë, për shqiptarët” – tha ai.

Sipas Bashës, ky ekip është ndryshe nga kundërshtarët që sipas tij, mblidhen për të mbrojtur interesa personale ose për të ruajtur pushtetin. Ai shtoi se ndryshe nga ata, kandidatët e Koalcionit Euroatlantik nuk i bashkuon hallet personale të askujt, por nga vullneti për të sjellë drejtësi dhe për të çliruar vendin nga e keqja që e ka përfshirë.

Pjesë nga fjala e Bashës:

Ekipi ynë ka 55 kandidatë të përndjekur politik, ose pasardhës të të përndjekurve politik të regjimit të enver Hoxhës. Ekipi ynë ka në gjirin e vet dhjetëra pronarë dhe përfaqësues pronarësh, ekipi ynë ka sipërmarrës të vlerave, sipërmarrës të cilët kanë çarë me djersën e tyre dhe janë shembulli i sipërmarrjes së lirë shqiptare, i sipërmarrjes së ardhshme shqiptare. Ekipi ynë ka familjarë të mrekullueshëm, prindër të mrekullueshëm që sakrifikojnë njësoj si çdo familje e ndershme shqiptare për fëmijët e tyre. Besimtarë të zotë, njerëz të vlerave, ekipi ynë ka numrin më të madh të të rinjve shqiptarë, ka moshën më të re të kandidatëve. Ekipi ynë ka shkencëtarë, artistë, ikona të sportit, ekipi ynë është Shqipëria e punës, Shqipëria e nderit, Shqipëria e të ardhmes me 140 individ të pastër, të kulluar, punëtorë dhe mbi të gjitha luftëtarë jo për veten e tyre, por për Shqipërinë, për shqiptarët.

Ndryshe nga ata që kërcejnë valle nga beleja dhe mblidhen për aferat e të parit të tyre ne qeveri. Ndryshe nga të tjerët që duan t’i hynë patjetër në zemër liderit legejendar për t’u futur në listën e mbyllur, apo për të mbrojtur hallet e tij personale. Ne nuk na bashkojnë hallet personale të asnjërit, asnjërit prej nesh nuk na bashkon frika nga drejtësia, ne nuk na bashkojn asnjë mëkat, ne na bashkon vetëm na bashkon vullneti që me Zotin dhe shqiptarët ta çlirojmë këtë vend nga e keqja, e t’i japim të ardhmen që meriton çdo familje e ndershme shqiptare.

Koalicioni Euroatlantik përmbylli pasditen e sotme fushatën elektorale në Tiranë. Gjatë fjalës së tij, drejtuesi politik Basha theksoi mbështetjen e pakushtëzuar të koalicionit për drejtësinë e pavarur dhe për institucionin e SPAK-ut.

Ai tha se Koalicioni Euroatlantik është dhe do të jetë pa kushte në mbrojtje të SPAK-ut dhe drejtësisë së pavarur. Basha vuri në dukje se slogani “7×7=313” simbolizon realitetin e dhimbshëm të një Shqipërie të mbytur nga korrupsioni, një fenomen që sipas tij ka rrënuar ekonominë, ka dëmtuar familjet shqiptare dhe ka detyruar rininë të largohet nga vendi.

Basha tha se përmes votës për numrin 4, qytetarët do të fuqizojnë luftën kundër korrupsionit dhe do t’i japin mbështetje të qartë drejtësisë. Ai premtoi se, pas zgjedhjeve, programi i koalicionit do të nisë zbatimin duke çmontuar “kopjet e zbehta piramidale” që, sipas tij, qëndrojnë në themel të korrupsionit dhe frikës nga drejtësia.

Më tej ai bëri thirrje për të dalë në 11 maj që të votojnë numrin 4, për t’i dhënë fuqi drejtësisë dhe t’i japim fund korrupsionit.

Pjesë nga fjala e Bashës:

Koalicioni Euroatlantik është dhe do të jetë pa kushte në mbrojtje të SPAK-ut dhe drejtësisë së pavarur. Sepse për ne 7×7=313, nuk është thjesht slogan, është e vërteta e dhimbshme e një Shqipërie që rrënohet nga korrupsioni, e një ekonomie që falimenton nga korrupsioni, e familjeve shqiptare që vuajnë nga korrupsioni, e rinisë shqiptare që largohet nga korrupsioni. Ndaj i kemi shpallur luftë pa kushte deri në shkatërrimin e plotë të korrupsionit shqiptar e të korruptuarve shqiptarë me në krye Edi Ramën. Ndaj, vetvetiu kur themi Koalicioni Euroatlantik, kur themi numri 4, na kuptojnë mbështetje pa kushte për drejtësinë. Ftesa ime, ftesa jonë ndaj çdo shqiptari: dilni më 11 maj këtë të diel, zgjidhni numrin 4, jepini fuqi SPAK-ut t’i japim dërmën korrupsionit. Sepse vetëm kështu programi ynë i shpallur që në 1 qershor do të fillojë të zbatohet, ndërsa kopjet e zbehta piramidale do të shuhen siç shuhen pas çdo fushate, sepse pas tyre qëndron gënjeshtra, në bazë të tyre qëndron mashtrimi, në bazë të tyre qëndron frika nga drejtësisa dhe plani okult për të shkatërruar dhe prerë krahët SPAK-ut. Kjo është dhe arsyeja vëllezër dhe motra, pasioni juaj, zemra që u fut tek kjo fushatë, thirrjeve tuaja iu përgjigj një shumicë e paimagjinueshme shqiptarësh që sot e dinë se Koalicioni Euroatlantik baraz me luftë kundër korrupsionit. Dhe e dinë edhe formulën matematike, Koalicioni Euroatlantik, baraz luftë kundër korrupsuionit sepse 7×7=313, vetëm me votën për numrin 4.