19.5 C
Tirana
E martë, 29 Prill, 2025
type here...

Protesta përfundoi. Po tani?

Ardi Stefa

Protestat janë i vetmi mjet që të kujtohemi se jetojmë në demokraci!

Çdo protestë kundër vjedhjes, plaçkitjes, varfërisë; çdo protestë për dinjitetin dhe të ardhmen është e ligjshme!

Secili në Shqipëri secili ka nga një arsye për të protestuar: kundër varfërisë së ulur këmbëkryq, rritjes së çmimeve, arsimit të shkatërruar, shëndetësisë në gjendje mjerane; shpopullimit, largimeve masive të shqiptarëve, sidomos rinisë; kundër korrupsionit, kundër shpërdorimit e vjedhjes së pasurive publike…

Madje edhe protesta e djeshme e thirrur nga PD për arsyet e mësipërme, ishte një protestë, e cila duhet të tregonte se shoqëria shqiptare ka ende puls, ka ende dëshirë për reagim e ndryshim…

Por pas përfundimit të saj nuk mund të mos kërkojmë të analizojmë atë çka pritej, atë çka ndodhi dhe atë çka do të vijë.

Fillimisht duhet të kuptojmë se protestat e partive politike kishin kuptim në vitet ’90; kishin vrull, mesazhe, dinamizëm. Sot janë janë të dobëta, sepse ka ikur koha e tyre.

Protesta e djeshme kishte mijëra njerëz, demokratë idealistë, të cilët me dashje ose pa dashje, me entusiazëm mbështesnin deputetët, ish-deputetët dhe aspirantët për një vend në parlament.

Ata protestues idealistë meritojnë respektin më të thellë. Vallë e meritojnë respekt ideatorët, projektuesit dhe zbatuesit e një proteste që nuk rezultoi siç ishte thirrur?

Por protesta e djeshme kishte pak entusiazëm dhe shumë më pak njerëz nga protesta e 7 korrikut 2022 dhe nga protesta e 20 shkurtit.
Sepse opozita ka ngelur e ngërthyer tek e shkuara dhe nuk gjen as ide të reja, as mesazhe të reja e frymëzuese, as njerëz të rinj.

Data e zgjedhjes së protestës ishte jo fort e përshtatshme, pasi sot në Washington kremtohej 75 vjetori i krijimit të NATO-s, i cila u kurorëzua me nënshkrimin e një dokumenti, në të cilin theksohej kërkesa për stabilitet të Ballkanin Perëndimor dhe mbështetje e pakufizuar për Drejtësinë dhe shtetin e së drejtës. Dhe kjo protestë e thirrur kundër varfërisë, shpopullimit, korrupsionit të qeverisë rezultoi se kishte në fokus sulmin kundër SPAK dhe drejtësisë. Denoncojnë korrupsionin e qeverisë së Ramës, por duke sulmuar SPAK dhe Drejtësinë bashkohen me Ramën…

Protesta jam i bindur se ishte thirrur për t’u treguar njerëzve se sa ishte rritur PD pas marrjes së vulës dhe të logos. Por numri i protestuesve tregoi se nuk janë rritur ndjeshëm.

Protesta u thirr për rotacionin, ndërkohë që rotacionin në Shqipëri nuk e pengojnë amerikanët e ndërkombëtarët, por kjo elitë politike që refuzon me kokëfortësi të largohet dhe i thotë popullit: “Ose na votoni ne, ose vrisni veten!”. Dhe, opozitarët, që janë shumicë nuk fitojnë dot, kur alternativa e vetme janë ata. Shumica e deputetëve ishin veshur me bluza ku shkruhej “Free Berisha” dhe vetëm Bardhi e disa të tjerë ishin veshur me këmisha, duke përcjellë me imazhin e tyre mesazhin se janë ata që e “përdorin Berishën”. Ha ha ha…

Skenë pikante ishte pjesëmarrja “tek pullë” në protestë e kryetarit të PPSH (Partisë së Pensionistëve të Shqipërisë), Jenisherit, i cili i bënte fresk vetes me një freskore të vogël kineze me bateri.

Protesta u çel nga një aktor, i cili kërkonte veprime radikale dhe lirimin e Berishës; pastaj foli një mësuese, e cila ka thënë se “Shqipëria është prostitutë”; pastaj një profesor, që kërkoi thjesht lirimin e Berishës, siç e kërkoi pas tij edhe një mjek. Ndërkohë që kur u tha emri i Metës dhe ushtuan daullet, mendova se do të kërcente në skenë “Vallen e shqipeve” dhe u tremba. Por kur dëgjova në mikrofon përçartjen e tij kundër SPAK-ut, Dumanit, këshilltarëve dhe opozitarëve, Vuçiçit e Ramës; kur u kthye tek fermerët për ta mbyllur me kërcënimin se Berisha duhet liruar me çdo kusht, mendova se më mirë do ishte të kërcente.

Fjalimi i Berishës, ishte fjalimi më i dobët dhe pa entusiazëm i tij që kam dëgjuar ndonjëherë. I përmbledhur në 5 rreshta ishte fjalim kundër SPAK-ut dhe Drejtësisë, deklarimi se shqiptarët janë sovranë dhe nuk varen nga të tjerët, kërcënimi i 190-të ndaj Ramës se “O sot, o kurrë” lideri i opozitës që mbahet në arrest padrejtësisht duhet të lirohet dhe se Rama duhet të lejojë krijimin e qeverisë teknike…
Dhe bam- bum molotovët…

Jo rastësisht në miting folën vetëm dy politikanë: Meta e Berisha!

Dhe, menjëherë pas fjalimit të Berishës, u bë thirrja më e pakuptimtë e kësaj proteste të pakuptimtë, që të drejtoheshin drejt Bashkisë së Tiranës për të protestuar kundër lali Erit.

Fatkeqësisht protesta kombëtare u kthye në lokale, teksa u kërkohej protestuesve nga Berati, Delvina, Pogradeci e Shkodra, Mirdita e Fieri të protestonin para zyrës së Veliajt…
Përsëri disa bomba molotov.

Pas bashkisë iu drejtuan selisë së PD, ku Noka shpalli mbylljen e protestës dhe kauzën e vërtetë: “Lirimin e Berishës dhe qeverinë teknike!”. Shyqyr që nuk këndoi himnin kombëtar duet me Gaz Bardhin…

Por, e realizoi qëllimin protesta e djeshme?

Jo! Sepse ishte copy paste e protestave të mëparshme. Ide nuk kishte, alternativa reale përsëri nuk u paraqitën, as zgjidhje për një lidership të ri, i cili mund t’i hapë rrugën rotacionit brenda opozitës, në mënyrë që opozita të mbështetet masivisht nga populli për të ardhur nesër në pushtet.

Megjithëse thuhet se pas protestës Rama nga Washingtoni miratoi kërkesën për qeverinë teknike me Bardhin dhe Gjekmarkajn ministra; Dumani firmosi lirimin e Berishës; Erion Veliaj pranoi që është hajdut, i la bashkinë Belindit dhe pastaj kërkoi vetë që t’i vinin prangat, për t’i lënë pa protestë të enjten…

Dashamir Shehi për Metën: Bën qesharake luftën antikorrupsion, të shkojë të përballet si burrat në SPAK

I ashpër ka qenë Dashamir Shehi me kryetarin e Partisë së Lirisë, Ilir Meta dhe pjesëmarrjen e tij në protestën e opozitës, ku sipas tij mesazhet e vetme që dha ishin për të mbrojtur veten dhe familjarët nga prokurorët që i vijnë vërdallë, duke ia vënë fajin sistemit.

Për Shehin, nëse kërkon që ta bësh qesharake luftën kundër korrupsionit në vend, merr Ilir Metën dhe hipe në podium, njësoj si bëri opozita një ditë më parë.

“Ne që nuk besojmë te Berisha dhe Meta. E kishim harruar këtë të fundit dhe na doli dje në tribunë. Qëllimi ishte që të hipte atje të thoshte ato Dum Dumanët, të shante prokurorët që i vijnë vërdallë.

Në vend të që të përballet si burrat për atë që kanë bërë ia venë fajin sistemit. Që Berisha mund të qahet dhe të bërtasë, i ka nja dy të drejta, pasi po mbahet në arrest për një çështje administrative, unë do e kisha nxjerrë nga burgu që mos bëjë heroin nga penxherja. Se u bë mit.

Po ky tjetri çfarë do në tribunë. U bë presidenti i Edi Ramës, u votua me sallë bosh që nuk ka ndodh ndonjëherë. Nuk i luajti qepalla. Ishte kreu i Kuvendit të Ramës, dhunonte deputetët.

Nëse do ta bësh qesharake temën antikorrupsion, hip këtë në tribunë. Nuk mund ta bëjmë qesharake opozitën për interesat e një familje apo dy familjeve”, tha Shehi në A2 CNN.

Prodhimi i qumështit ndjek rënien e blegtorisë, 8% më pak 2023

Sasia e qumështit të grumbulluar vitin e kaluar shënoi rënie me 8% në krahasim me vitin 2022, raportoi INSTAT në vrojtimin e bërë me kompanitë e grumbullimit dhe përpunimit të qumështit në vend.

Prodhimi i qumështit është rrjedhoje e rënies së numrit të bagëtive, të cilat vitin e kaluar ishin 11% më pak se në 2022 për secilën kategori.

Në vitin 2023, sasia gjithsej e qumështit të grumbulluar rezulton rreth 101 mijë tonë, duke shënuar rënie me 8,0%, krahasuar me 2022.

Gjatë kësaj periudhe, sasia e qumështit të lopës të grumbulluar është rreth 80 mijë tonë, duke pësuar rënie me rreth 7,6%, krahasuar me 2022.

Sasia e grumbulluar e qumështit të deles, në vitin 2023, është rreth 13 mijë tonë, duke shënuar rënie me rreth 10,6%, krahasuar me një vit më parë. Ndërkohë, sasia e grumbulluar e qumështit nga dhitë është rreth 8 mijë tonë, duke shënuar rënie me 8,2%, krahasuar me vitin 2022.

Nga sasia gjithsej e qumështit të grumbulluar, rreth 13 mijë tonë është përdorur për prodhimin e qumështit për konsum njerëzor, pjesa tjetër shkon për përpunim. Struktura e qumështit të prodhuar për konsum dominohet nga qumështi i plotë i përpunuar 88,2%, qumështi gjysme i skremuar 8,1%, qumështi i papërpunuar 3,2% dhe qumështi i skremuar 0,5%.

Sasia e prodhuar e djathit gjithsej pësoi rënie me 7,7%. Ndërkohë djathi i prodhuar nga qumështi i dhisë shënoi rritje me 0,6%, djathi i prodhuar nga qumështi i deles shënoi rënie me 12,9% ndërsa djathi i prodhuar nga qumështi i lopës pësoi rënie me 7,3%. Sasia e djathit të prodhuar sipas fortësisë për vitin 2023, është: djathë i butë 49,0% djathë gjysmë i fortë 27,9%, të tjera prodhime të freskëta 14,4% dhe djathë i fortë 8,8%.

Sasia e prodhuar e gjalpit gjithsej për vitin 2023 është rreth 608 tonë, ku 98,2% e zë gjalpi tradicional dhe 1,8% e zë gjalpi i shkrirë.

Ndryshe nga të dhënat administrative, Anketa e qumështit dhe nënprodukteve të tij është një vrojtim statistikor që kryhet pranë ndërmarrjeve të cilat grumbullojnë dhe përpunojnë qumësht në territorin e Republikës së Shqipërisë. Objektivi kryesor i vrojtimit vjetor të qumështit është të japë informacion të plotë për sasinë e qumështit të grumbulluar (të gjitha llojet e qumështit) dhe të nënprodukteve të tij. Të dhënat për qumështin e grumbulluar dhe nën produktet e prodhuara, objekt i këtij publikimi i përkasin vetëm sasisë që përdoret nga industria e cila zë vetëm një pjesë të prodhimit gjithsej të qumështit të njësive ekonomike bujqësore.

Sipas të dhënave të sotshme të INSTAT në vitin 2023 në të gjithë vendin kishte 263 mijë gjedhë me rënie vjetore 11.5%

Ndërsa numri i të imtave shënoi rënie me 11.7 për qind. Me rënie 16% ishte edhe numri i derrave. Teksa me rritje ishin vetëm shpendët dhe kosheret me nga 2,6 dhe 8.2% secila.

Sipas të dhënave numri i gjedhëve në vitin 2023, është 263.385 krerë. Kategoria kryesore përfaqësohet nga lopët e qumështit me rreth 88,24% ndaj numrit gjithsej të krerëve.

Në vitin 2023, numri i të leshtave është 1.206.206 krerë. Kategoria kryesore e të leshtave përbëhet nga delet e qumështit me rreth 83,43% ndaj numrit gjithsej të tufës. Numri i të dhirtave në vitin 2023, është 640.242 krerë. Kategoria kryesore përfaqësohet nga dhitë e qumështit me 79,96% ndaj numrit gjithsej të krerëve.

34 vjet e njëjta gjë dhe asgjë e re!

Nga Alban Daci

– Të njëjtët

– Me të njëjtat premtime

– Me të njëjtat diskutime

– Ndonjëherë gjejnë disa personazhe jashtë korit, por përfitues të vetëm janë po atë të korit 34 vjeçar

– Përballë të njëjtës godinë

– Me egon e vetme për pushtet

– Shtiren sikur s’kanë qeverisur asnjëherë

– Citojnë rilandasit e vetë janë modeli tipik haxhiqamilist si simbolikë shtetërore dhe modeli politik.

Muzika vazhdon e për fat të keq ky është tranzicioni i vetëm shqiptar që nuk po mbaron kurrë!

Teksa i shikoj përsëri këta që flasin në emër të demokracisë ndjej një keqardhje të madhe për vendin tim, për njerëzit e mi që kanë zgjedhur ose kanë mbetur të jetojnë në Shqipëri!

Këta pasanik që flasin për të varfërit!
Këta që kanë shpie e vila e flasin për shqiptarët që nuk paguajnë qiranë!

Këta që flasin për largimin e shqiptarëve e vetë po i shkollojnë në universitet më të mira e te shtrenjta të Perëndimit!

Këta që flasin për rrogat e shqiptarëve dhe vetë kanë pensione prej deputetësh, rrogë deputeti e privilegje të tjera e të tjera!

Këta që flasin për papunësinë e shqiptarëve e kanë 30 vjet që nuk ju ka thënë njeri punë e mbarë!
Këta flasin për sipërmarrësit dhe janë pjesë e çdo sipërmarrje!

Këta flasin si njerëz të oborrit, të mbyllur në kështjellë për njerëzit e thjeshtë që kanë mbetur jashtë mureve e tentojnë të mbijetojnë me dinjitet e kur nuk ja dalin, me zhgënjim, por prapë me dinjitet zgjedhin të braktisin familjet e të marrin rruget e emigrimit!

Më vjen keq për Shqipërinë që ka akoma këta dhe unë s’jam dakord aspak se Shqipëria i meriton këta! Megjithatë jam plotësisht dakord se nuk janë ata për të cilën duhet të krenohet!

Këtyre duhet t’u hiqet e drejta të flasin në emër të Shqipërisë dhe shqiptarëve! Këta as veten e tyre nuk e përfaqësojnë më dhe jo të na përfaqësojnë neve!

Masat monitoruese të BE-së ndaj Rusisë, autoritetet malazeze ndalojnë transmetimin e programeve të 20 mediave ruse

Autoritetet malazeze ndaluan të enjten transmetimin e programeve të 20 mediave ruse, përfshirë shërbimin ballkanik RT (ish Russia Today ) dhe Sputnik. Me këtë vendim, Podgorica zyrtare vazhdon të veprojë në përputhje me politikën e jashtme të Bashkimit Evropian në masat monitoruese ndaj Rusisë, për shkak të agresionit ndaj Ukrainës.

Të gjithë transmetuesit u urdhëruan të ndërpresin programet e mediave ruse dhe të pezullojnë çdo marrëveshje për transmetimin ose shpërndarjen e përmbajtjes së tyre.

Shkelja e këtyre detyrimeve dënohet me gjobë deri në 40 mijë euro, sipas informacioneve të Agjencisë për Media Elektronike të Malit të Zi.

Ndërsa delegacioni i BE-së e përshëndeti përafrimin me politikën e tyre të jashtme, zëdhënësja e ministrisë së Punëve të Jashtme ruse, Maria Zakharova e cilësoi veprimin e Podgoricës zyrtare si armiqësore.

“Vendimi i qeverisë malazeze është akt armiqësor i censurës së pa maskuar dhe këto veprime armiqësore nuk do të kalojnë pa një përgjigje të duhur”, tha zëdhënësja Zakharova.

Ndalimi i mediave ruse nisi pasi Rusia filloi sulmin e saj në Ukrainën fqinje në shkurt të vitit 2022. Dy muaj më vonë, Mali i Zi iu bashkua sanksioneve evropiane, por gjithashtu ndaloi transmetimin e disa shërbimeve të RT (ish Russia Today ) dhe Sputnik.

Që atëherë, qeveria e ka zgjeruar listën, kështu që ajo tani përfshin shtatë shërbime.

“Rusia i përdor të gjitha këto media për të përhapur qëllimisht propagandë dhe për të kryer fushata dezinformuese, duke përfshirë agresionin e saj ushtarak kundër Ukrainës”, tha zyra e Bashkimit Europian në Podgoricë.

Për ta kundërshtuar këtë, BE-ja ka pezulluar transmetimet dhe licencat e disa mediave të mbështetura nga Kremlini që përhapin dezinformata. Ajo vendosi gjithashtu sanksione ndaj organizatave të medias dhe individëve përgjegjës për propagandë dhe dezinformim./VOA

Kombëtarja, e gjitha në treg/ Priten lëvizje të shumta, tetë futbollistë jashtë planeve të klubeve të tyre

Pas një javë përfun don Kampionati Europian dhe menjëherë shumica e klubeve do të nisin përgatitjet për sezonin e ri futbollistik. Ndryshe nga më parë, kjo verë pritet të jetë “e çmendur” në aspektin e lëvizjeve të kuqezinjve. Duke nisur nga porta dhe deri te sulmi, shumë lojtarë të Kombëtares do të ndryshojnë ekip.

Dikush kërkohet nga një ekip më i mirë, dikush sepse ka përfunduar kontratën me klubin dhe ka dalë lojtar i lirë, dikush ka mbyllur me marrëveshje bashkëpunimin, por gjithashtu nuk përjashtohet edhe ndonjë rinovim i mundshëm me klubin që kanë qenë. Shumë kuqezinj janë në “pit stop” dhe presin se nga ku do ta nisin sezonin e ardhshëm.

“TË IKUR”– Etrit Berisha ka mbetur për momentin lojtar i lirë. Portieri u largua nga Empoli dhe pritet që të transferohet në Serinë B, megjithatë një pistë është edhe rikthimi në Suedi te Kalmari. Strakosha nga ana tjetër u sistemua tek AEK-u në kampionatin grek.

Marash Kumbulla është një tjetër lojtar që nuk bën pjesë në planet e Romës dhe për të po shihet një sistem i ri, ndoshta një shitje përfundimtare ose huazim me të drejtë blerje. Parma është e interesuar.

Elseid Hysaj hyn në këtë listë, pasi siç raportohet nga Italia, menaxheri i tij është shprehur se mbrojtësi e ka mbyllur me Lacion dhe është në kërkim të një ekipi tjetër.

Pritet të shihet se ku Hysaj do të luajë sezonin që vjen. Deri tani flitet për disa klube arabe. Pasi Sasuolo u rrëzua në Serinë B, shumë lojtarë pritet të largohen, mes tyre edhe Nedim Bajrami, i cili ka një klauzolë largimi prej 3 milionë eurosh, edhe pse është ende nën kontratë.

Klubet e interesuara janë Bolonja dhe Fiorentina, ndërsa shanset janë të mëdha që autori i golit më të shpejtë në historinë e Kampionateve Europiane të mos luajë në Serinë B sezonin e ri. Taulant Seferi ka mbetur në “pit stop”. Sulmuesi është duke pushuar në Maqedoni te familja dhe shumë shpejt do të zyrtarizohet në një skuadër të re. Ai ka edhe një vit kontratë me Vorskla Poltavën, por nuk do të qëndrojë në Ukrainë.

Transferimi i Jasir Asanit po merr përmasat e një telenovele. Nga janari anësori pritej të transferohej në Spanjë te Las Palmas, por klubi aktual Guangju rriti pretendimet dhe për këtë pati edhe një krisje me lojtarin, që i kushtoi atij përjashtimin nga ekipi. Edhe pse jemi në merkato dhe akordi me klubin spanjoll është gjetur, nuk po gjendet gjuha e përbashkët me koreanojugorët.

Kontrata i përfundon në dhjetor. Nuk mbaron këtu, pasi Keidi Bare nuk rinovoi me Espanjolin dhe një skuadër e re e pret shumë shpejt. Fieraku mbylli katër vite në Barcelonë dhe tashmë është gati për një aventurë tjetër. Destinacioni i mundshëm është La Liga ose kampionati grek.

Pa klub është edhe Odise Roshi, i cili përfundoi kontratën me Sakarjasporin dhe ende është në ajër për të ardhmen e tij. Anësori 33-vjeçar që prej disa sezonesh luan në ligën e dytë turke, pritet të gjejë një sistem ndryshe këtë verë.

NË “SHITJE”– Përveç shumë futbollistëve të Kombëtares të cilët janë të lirë apo jashtë planeve në klubet e tyre, ka edhe disa emra të cilët pritet të shiten këtë verë, duke nisur nga dy sulmuesit, Armando Broja dhe Rei Manaj. Për të parin kërkohen 25 milionë stërlina, ndërsa Sivaspori në Turqi ka vendosur një çmim prej 15 milionë eurosh për Manajn.

Ardian Ismajli gjithashtu mund të shitet nga Empoli. Emri i mbrojtësit ka dalë në kampionatin turk, ku Beshiktashi ka shfaqur interes. Po sërish në mbrojtje, Mario Mitaj s’ndihet mirë në Rusi dhe për të kanë qarkulluar disa pista në Serinë A.

Edhe për Mirlind Dakun ka pasur zëra, e fundit ka qenë një ofertë nga Kaljari në Itali. Një tjetër sulmues i cili pritet të largohet nga Granada është Myrto Uzuni, me beratasin që kërkon një ekip në La Liga dhe ka një klauzolë prej 12 milionë eurosh. Pra, sa shumë lëvizje që nënkuptojnë se e gjithë Kombëtarja është në treg.

Ushqimet pa sheqer që mund të hani për mëngjes nëse keni diabet

Kontrolli i glukozës në gjak përmes ushqimit është një nga kujdeset më të rëndësishme që duhet të kryejë dikush që është diagnostikuar me diabet, kjo sepse ai plotëson trajtimin farmakologjik qoftë antidiabetikë oralë ose insulinë.

Një stili jetese të shëndetshëm duhet t’i shtohen edhe zakone të tjera si lënia e duhanit, stërvitja e rregullt dhe gjumi i mirë, respektimi i orarit të pushimit.

Ushqimet pa sheqer që diabetikët mund të hanë

Njerëzit që duan të kontrollojnë nivelet e glukozës në gjak kanë opsione të shëndetshme dhe pa sheqer që mund të jenë të ngjashme me ato që u pëlqejnë shumë.

Dietologët japin disa shembuj të ndryshimeve që mund të aplikohen nga produktet ultra të përpunuara në një version më të shëndetshëm

Pluhuri i ëmbëlsuar i kakaos mund të këmbehet me pluhur të pastër kakao ose karob.

Smoothie me vanilje, çokollatë ose luleshtrydhe me qumësht ose pije me perime dhe natyrale.

Salcice me avokado, humus, ton ose salmon të tymosur.

Drithëra të ëmbëlsuara nga thekon tërshërë ose fara quinoa, drithëra pa sheqer ose granola shtëpiake.

Bukë e bardhë, 100% të grurit.

Reçeli natyral i frutave.

Kos të aromatizuar ose të ëmbëlsuar me kos natyral ose vegjetal.

Kombinimet që mund të bëhen

Një filxhan qumësht dhe pluhur kakao të pastër me quinoa të fryrë ose ndonjë drithër të shëndetshëm.

Tost me grurë integral me feta banane dhe gjalpë kikiriku.

Kos me fara dhe corn flakes.

Tost gruri integral me avokado, djathë të freskët dhe rukola.

Kos me fruta dhe arra.

Tost me tortilla, gjeldeti dhe avokado.

Smoothie qumështi me tërshërë, kakao të pastër dhe banane.

Omëletë me djathë dhe domate qershi.

Kur të rinjtë përqafojnë politikën e vjetër

Nga Gerard Komini

Në teori, protesta ndaj qeverisë është e mirë sepse u jep qytetarëve një mundësi për të shprehur pakënaqësitë dhe kërkesat e tyre, duke ndikuar në ndryshimet e nevojshme politike. Ajo gjithashtu forcon demokracinë duke mbajtur qeverinë përgjegjëse për veprimet e saj.

Dhe në Shqipëri ka një listë të gjatë arsyesh pse duhet të protestojmë. Një nga më kryesoret është ekonomia kriminale, ku motori ekonomik i Shqipërisë është leku që zotërohet nga bandat kriminale që janë në çdo cep të vendit. Por skandalet nuk mbarojnë as në shëndetësi, arsim, bujqësi e në çdo sektor të qeverisë.

Por çfarë ndodhi në protestën që u zhvillua pak momente më parë?

Në këtë protestë dëgjuam disa persona që kanë zotëruar pushtet në 33 vite dhe që kanë bilancin e tyre në politikë. Bilanc i cili është disa shtëpi a vila në vijën bregdetare, mbështetja e disa grupeve të fortësh që deri dje mblidhnin vota për ata në qeveri e sot këta grupe që ata vetë krijuan i shërbejnë qeverisë së sotme. Pra shkurt, bilanci është i thjeshtë: kanë menduar për mirëqenien dhe rehatinë vetjake. Premisa si do jetë? Besoj që po njësoj.

Në këtë protestë gjithashtu dëgjuam dhe politikanë të rinj në moshë dhe në përvojë. Këta në teori duhet të jenë frymëzimi dhe shpresa se e nesërmja nuk do jetë kjo që është sot. Por nga kjo protestë pesuam një zhgënjim. U dallua qartë që të rinjtë kanë përqafuar modelin 33-vjeçar. Fatkeqësisht të rinjtë kanë hedhur poshtë çdo normë e moral politik për arsyen e vetme që të shkojnë në pushtet. Mesazhi është i qartë: duan pushtet që të bëhen si këta që kemi përqafuar.

Kjo protestë qartësoi shumë dilema të njerëzve dhe mbase dhe të timen. Nëse kjo është alternativa e shpresa e këtij vendi, nuk është alternativa e prosperitetit të vendit.

Sot sheshet duhet të mbushen nga qytetarët që ta kthejmë në shinat e normave dhe moralit politikën. Politika nuk është ajo e marrëveshjeve të errëta për interesa të ngushta vetjake në kurriz të njerëzve. Politika nuk është ajo ku bandat sjellin deputetë në parlament dhe drejtorët në zyrat e shtetit. Kjo politika jonë duhet të sjellë në shinat e normalitetit moral sa më shpejt, ose në të kundërt të shpëtojmë veten duke ikur një sekondë e më parë nga ky vend.

Mirela Karabina: “Ne nuk meritojmë këtë klasë hajnish që kanë varfëruar dhe shpopulluar vendin”

Nga Mirela Karabina

Qëndrueshmëria dhe koherenca e një politikani është fuqia e tij.

Dhe nëse këto tipare të mungojnë,
atëherë je problemi i madh sepse punon kundër interesit qytetar.

Njerëzit duan ndershmëri e siguri që të të besojnë.

Dhe Partia Demokratike-Demokratët Euroatlantikë i ka kapacitetet njerëzore për të qenë për qytetarët me qytetarët.

Ne nuk meritojmë këtë klasë hajnish që kanë varfëruar dhe shpopulluar vendin.

Shqiptarët meritojnë të jetojnë me dinjitet në vendin e tyre.

Shqipëria meriton më shumë.

SHIFRA E DITËS: Shqipëria humb çdo vit 50 mijë qytetarë, popullsia në 20 vende të BE-së rritje falë emigracionit

Aranit Muraçi

Artikulli përkon me Ditën Botërore të Popullsisë që mbahet çdo vit më 11 korrik. Një krahasim i ndryshimeve demografike në Shqipëri dhe BE

Popullsia e BE-së është projektuar të rritet sërish në vitin 2024, ndërsa Censi 2023 në Shqipëri zbuloi rënien dramatike të popullsisë së vendit tonë, me rreth 400 mijë banorë.

Pas një rënie në 2020 dhe 2021 për shkak të ndikimit të pandemisë COVID-19, popullsia e BE -së është rritur për të dytin vit radhazi, nga 447.6 milionë që ishte në 1 janar 2023 ka shkuar në 449.2 milionë njerëz më 1 janar 2024. Ndryshimi negativ natyror (më shumë vdekje sesa lindje) ishte më i madh se migrimi neto pozitiv. Rritja e vëzhguar e popullsisë mund t’i atribuohet kryesisht rritjes së lëvizjeve migratore pas COVID-19 dhe fluksit të personave të zhvendosur nga Ukraina që morën statusin e mbrojtjes së përkohshme në vendet e BE-së, si pasojë e luftës së agresionit rusë në shkurt 2022.

Popullsia në Shqipëri

Censi i Popullsisë dhe Banesave 2023 (më tej referuar si Censi) zbuloi sërish trendin rënës të popullsisë së Shqipërisë. Prej 23 vitesh trendi ka qenë thuajse i pandryshuar, sepse largohen çdo vit 50 mijë qytetarë. Por nëse në dekadën e kaluar popullsia ishte më e lartë dhe dominonte mosha aktive për punë, fakti që vazhdojnë të largohen rreth 50 mijë qytetarë çdo vit edhe për dekadën e fundit, tregon se politikat kanë dështuar dhe shqiptarët masivisht dhe fatkeqësisht vazhdojnë të mos shohin të ardhme në vendin e tyre.

SHIFRA E DITËS: Shqipëria humb çdo vit 50 mijë

Popullsia banuese në Shqipëri, sipas numërimit në momentin e censit – mesnatën e së dielës dhe mëngjesin e së hënës 17-18 shtator 2023 rezulton 2,402,113, prej të cilëve, 49,6 për qind janë meshkuj dhe 50,4 për qind femra. Referuar Censit të Popullsisë dhe Banesave 2011, popullsia banuese në Shqipëri ishte 2.821.977, me një rënie prej 420 mijë banorë. Kjo rënie përshtatet me trendin e vërejtur gjatë tre dekadave të fundit, që prej Censit të vitit 1989. Krahasuar me BE-në, Shqipëria ka humbur 10-fishin e popullsisë së humbur të Greqisë, një ndër 7 vendet e Bashkimit Europian popullsia e së cilës ka pësuar rënie.  E ndërsa rënia e lindshmërisë dhe plakja e popullsisë është fenomen global dhe ndoshta është e vështirë për t’u “kuruar” si fenomen nga Shqipëria, emigracioni është “plaga” ende e pashërueshme e tranzicionit për të cilën nuk ka asnjë përmirësim. Është pikërisht emigracioni fenomeni që po shkreton anembanë Shqipërinë.

SHIFRA E DITËS: Shqipëria humb çdo vit 50 mijë

Popullsia e Shqipërisë nisi të zvogëlohet që prej vitit 1990, i cili shënoi një fazë të re në zhvillimin politik, ekonomik dhe demografik të Shqipërisë. Para vitit 1990, vendi përjetoi një rritje të qëndrueshme të popullsisë. Gjatë periudhës pasuese, normat e ulëta të lindshmërisë dhe emigracioni ishin faktorët kryesorë që kontribuan në zvogëlimin e popullsisë. Gjatë periudhës midis censeve 2001-2011, vlerësohet se rreth 500 mijë individë emigruan nga Shqipëria, një mesatare prej rreth 50 mijë individë në vit. Ky trend emigracioni qëndron pothuajse i njëjtë me mesatarisht 50 mijë emigrant në vit. Numri i lindjeve ka ardhur në rënie, nga 53 mijë në vitin 2001 në 34 mijë në vitin 2011, ndërsa, numri i vdekjeve në këtë periudhë mbeti në nivele të qëndrueshme, rreth 20 mijë vdekje në vit, duke rezultuar me një shtesë natyrore pozitive.

Gjithashtu, referuar periudhës 2011-2023, popullsia e Shqipërisë karakterizohej nga një shtesë natyrore pozitive deri në vitin 2020, dhe në 2021 mbas pandemisë COVID-19, numri i vdekjeve tejkaloi numrin e lindjeve. Për vitin 2023, nga të dhënat administrative rezultuan rreth 24 mijë lindje dhe 22 mijë vdekje, duke shënuar rikthim në shtesën natyrore pozitive.

Popullsia në BE

Janë të dhënat e fundit për popullsinë e publikuar sot nga Eurostat.

Në terma afatgjatë, popullsia e BE-së u rrit nga 354.5 milionë në vitin 1960 në 449.2 milionë më 1 janar 2024, një rritje prej 94.7 milionë njerëz. Shkalla e rritjes së popullsisë është ngadalësuar gradualisht në dekadat e fundit: popullsia e BE-së u rrit mesatarisht me rreth 0.6 milionë persona në vit gjatë periudhës 2015-2024, ndërsa rritja mesatare në vitet 1960 ishte 2.9 milionë njerëz në vit. Ndërsa popullsia e BE-së ra në vitin 2020 me rreth gjysmë milioni persona dhe në vitin 2021 me pothuajse 0.3 milion persona për shkak të pandemisë COVID-19, ajo ka filluar të rifitojë rritjen e saj siç tregojnë shifrat e fundit zyrtare.

SHIFRA E DITËS: Shqipëria humb çdo vit 50 mijë

Popullsia e vendeve individuale të BE-së më 1 janar 2024 varionte nga 0.6 milionë në Maltë në 83.4 milionë në Gjermani. Gjermania, Franca dhe Italia së bashku përbënin pothuajse gjysmën (47%) të popullsisë totale të BE-së më 1 janar 2024.

SHIFRA E DITËS: Shqipëria humb çdo vit 50 mijë

Ndërsa popullsia e përgjithshme e BE-së u rrit në vitin 2024, jo të gjitha vendet e BE-së regjistruan rritje të popullsisë. Në total, 7 vende regjistruan një rënie të popullsisë midis 1 janarit 2023 dhe 1 janarit 2024, me uljet më të mëdha të raportuara në Poloni (-132.800 persona), Greqi (-16.800) dhe Hungaria (-15.100). Rritje u vunë re në 20 vendet e tjera, me më të mëdhatë në Spanjë (+525.100), Gjermani (+330.000) dhe Francë (+229.000).

/Liberale.al/

SHIFRA E DITËS: Shqipëria humb çdo vit 50 mijë

Popullsia e BE-së, 1960 – 2024

 

1...904905906...8 264Faqja 905 nga 8 264

Kryesore

Continue to the category
Më shumë
© 2024 Rilindja Demokratike Euroatlantike