23.5 C
Tirana
E hënë, 7 Korrik, 2025
type here...

Ndocaj: Koalicioni Euroatlantik do të jetë shtetformues pas zgjedhjeve. Pushteti po blen vota

Kandidati i Lezhës, Eduard Ndocaj shpreh bindjen se Koalicioni Euroatlantik do të jetë shtetfornmues pas zgjedhjeve dhe paralajmëron se do të jetë surprizë e këndshme e 11 majit.

Nga studio e “MCN Live”, ai deklaroi se pasditen e sotme te pallati i sportit “Asllan Rusi” Koalicioni Euroatlantik do të mbyllë fushatën në të gjithë Shqipërinë.

Ai denoncoi tentativat e pushtetit për të blerë votat, duke thënë se kjo gjë ndodh kryesisht pas orës 20.00 në mbrëmje.

 

Fushata në Lezhë është një fushatë model. Po shpalosim programin dhe jo çanta me lekë siç dëgjojmë grupet e pushtetit që po i blejnë qytetarët dhe nuk po japin alternativë.

Ajo që e bën të trishtueshme këtë garë, edhe pse SPAK është në këmbë dhe po bën detyrën, edhe pse ne kemi denoncuar një dyshe të qarkut Lezhë është se qytetarët kanë frikë të votojnë se thonë unë do të votoj, por mos më nxirr se më heqin bukën e gojës.

E bën të trishtueshme se janë në terren pas orës 08.00 në darkës duke shpërndarë para, shpresoj që SPAK të jetë në terren dhe t’i kapë se është kthyer në biznes 30 ditor për të mbajtur pushtetin katër vite.

Kisha pritshmëri të tjera, por jo i zhgënjyer se këtë e kanë bërë në 33 vite, është strategji për të mbajtur pushtetin. Kush nuk blihet kërcënohet, këtë e kanë bërë në 33 vite.

Rreth orës 23.00 një nënkryetar bashkie dhe zyrtar i OSHEE ishin në zonë ku nuk duhet të jenë. Kjo është e paligjshme, se duhet të jenë në detyrën që janë ngarkuar jo në fushatë.

Ne nuk kemi provë se po blinin vota, por ne i kemi denoncuar në SPAK këta dy individë që janë problematikë në qarkun e Lezhës dhe të marrin atë që meritojnë 7×7= 313.

Po bëhet e njëjta strategji qoftë në Kurbin, Mirditë, Lezhë. U shkojnë për të pirë një kafe gjoja për qejf në shtëpi dhe iu lënë 500 euro në filxhan, për shtëpinë e re apo ndonjë sebep që kanë pasur kohët e fundit.

Por të marrin paratë dhe mos t’iu japin votat se të tyret i kanë, i kanë vjedhur dhe paratë e tyre i kanë. Janë paratë e tyre, se nuk kanë ku t’i gjejnë, janë para të vjedhura.

Grupet kriminale në Lezhë mbështesin pushtetin se kanë nevojë për pushtetin aktual se janë pjesë e lojës së tyre 12 vjeçare. Unë grup kriminal them nga Kryeministri deri te roja e bashkisë së Lezhës.

Pushtetin me banda e ka mbajt, jo me votë. Shpresoj se është fundi i këtij regjimi. Koalicioni Euroatlantik i jep të gjitha mundësitë. Kandidatët janë të integruar në ndershmëri dhe sistem.

Thelbi i ekonomisë shqiptare emigracioni ka qenë. Falë emigrantëve ne sot kemi një ekonomi të qëndrueshme.

Shpresoj që pas 33 vitesh qytetarët ta vlerësojnë këtë dhe të votojnë Koalicionin Euroatlantik dhe kandidatët tanë emigrantë.

Që të kenë zërin e tyre deputetin që jeton në emigracion. Sondazhet që kanë dalë publike janë fake, për produkt mediatik.

Koalicioni Euroatlantik do të jetë një surprizë e këndshme për Shqipërinë dhe shqiptarët, ne do të jemi shtetformues.

Ne në Lezhë po luftojmë për mandatin e dytë. Jam plotësisht i bindur se çdo qark do sjellë deputetë. Jemi në rrugën e duhur kemi besimin e plotë te qytetarët.

Për qarkun e Lezhës takimet tona kanë qenë më bombastike se çdo forcë tjetër politike. ne kishim qytetarë të ndershëm që besojnë për ndryshim.

PS, Bashkia Lezhë ka mbi 1000 punëtorë të administratës dhe çdo punëtor e ka për detyrë të sjellë 5 persona. Të pranishmit ishin punonjës të bashkisë së Pjerin Ndreut.

Kemi një forcë politike që lufton për pushtet dhe një forcë politike që lufton për një individ që është Sali Berisha, i cili po lobon dhe ka paguar 6 milionë dollarë për të marrë një vizë në SHBA.

Nëse je i ndershëm në SHBA mund të shkosh më se i qetë. Ne po i mbrojmë votat që të jenë deri te kutia të paprekshme.

Dy partitë politike ndihen të frikësuar, sepse ne po i mbrojmë qytetarët nga “skifterat e votave”. Vota e diasporës është e paprovuar dhe mendoj se do të ketë probleme se siç ka thënë i nderuari Pjetër Arbnori, këta nuk janë socialistë, janë specialistë të vjedhjes së votave.

Qytetarët nuk kanë pse të ndihen të frikësuar se do të preket vota se do të jemi ne dhe katër grupe të institucioneve ligjzbatuese. Ne do të kemi vëzhguesit tanë në terren 24 orë.

Në vijim ai denoncoi problematikat për votën e diasporës duke thënë se njërës vajzë dhe djalit të tij në Itali i ka shkuar zarfi me fletën e votimit, ndërsa njërës vajzë jo.

Ndocaj deklaroi ndër të tjera se gjithçka po bëhet për të sabotur procesin.

Krimet zgjedhore/ BKH dhe policia e Shkodrës kontrolle në disa zona! Ja prokurori i SPAK që po ndjek operacionin

Agjentët e BKH-së dhe Policia e Shkodrës po zhillojnë kontrolle, si edhe veprime hetimore në disa zona, përfshirë Malësinë e Madhe, Barbullush, Bushat dhe Mjedë.

-800-0-1599736970_bkh

Sipas burimeve, bëhet fjalë për procedimet penale që janë regjistruar nga SPAK për krime zgjedhore në Shkodër.

Agjentët e BKH po mbeshteten në terren nga oficerë dhe patrulla të DVP Shkodër.

Dritan Prençi është prokurori i SPAK i caktuar në Shkodër për hetimin e krimeve zgjedhore.

Zgjedhjet në Shqipëri drejt agonisë!

Nga Azgan Haklaj
Vjedhja e votës duket se edhe me dt 11 maj do të jetë përsëritje e realitetit të trishtueshëm të “demokracisë”shqiptare.
Sinjalet e para të kusarisë së votës nuk qëndrojnë vetëm tek zakoni tashmë i deshmuar që prej vitit 1996 i establishmentit të vjetër politik, por me fakte konkrete që po evidentohen përditë.
Duket se viktima e parë e vjedhjes, përçudnimit e transformimit të vullnetit politik elektoral është Diaspora.
Mijera zarfe të paguara me taksat tona e tendera korruptivë po bëjnë ecejake nëpër shtete e kontinente e kthehen bosh pasi plotësimi i tyre bëhet në Tiranë me të dhënat e vullnetin e patronazhistëve.
Ky është skandal i pastër por që nuk do kalojë pa ndëshkim pasi me degradimin e votës së Diasporës ky fenomen malinj merr permasat e një skandali transkontinental.
Ndërsa në vend duket se aparenca festive e fushatës po fillon te degradojë jo vetëm në dhunë të pa pranueshme verbale por dhe me akte të hapura të shitblerjes së votës.
Rasti i kapjes në flagrancë në Lezhë i n/Kryetarit të Bashkisë duke shpërndarë para, nga Kandidati i Koalicionit Euroatlantik e ish deputeti deputeti Eduart Ndocaj kandidat i Koalicionit Euroatlantik është një realitet skandaloz që nuk mund të mbulohet.
Kjo pamje e zymtë e në dukje pa kthjellim është vetëm në fillimet e saj pasi operacionet finale të shitblerjes janë përllogaritur të kryhen në momentin e fundit.
Ministria e Brendshme e ngarkuar me ligj të mbikqyrë proçesin jo vetëm nuk e ka në fokus misionin e saj por Policia e Shtetit është e tëra në sulm në Tiranë për ti siguruar karrigen parlamentare ministrit të saj Ervin Hoxha.
Paralajmërimet e hapura që vijnë nga aleati ynë i madh përmes z/v Presidentit të SHBA-ve duket se po injorohen prej verbërisë e pangopsisë që i ka karakterizuar.
Por a mund të pranohet kjo….?
Më besoni se kurrë jo.
Nuk ka më shans që të ketë ambjentim të metejmë me këtë kancer të demokracisë kur vota e shqiptarëve vijon të jetë gjahu i egërsirave politike.
Eshtë rasti i fundit i durimit shqiptar e ndërkombëtar me këtë klasë të vjetër politike.
Këto veprime çmendurisht të papranueshme me vullnetin e shqiptarëve me e vogla do të sjellin kaos në mos destabilizimin të rëndë.
Këtë radhë viktimat e para të kësaj revolte do të jenë Rama dhe Berisha.
Dijeni mirë se këtu mbaron dhe segmenti i tyre dhe fillon funerali i vdekjes pa lavdi politike.

11 Maji si përballje e gënjeshtrave të Ramës dhe Berishës përballë të vërtetave të hidhura të Lulzim Bashës

NGA NAMIR LAPARDHAJA

Fushatës zgjedhore të 11 Majit i erdhi fundi dhe si çdo rrugëtim, të dielën drejtuesit politik do të përballen me verdiktin e popullit. Sido që të jetë ai, përsa kohë që nuk ka një zgjidhje tjetër më të mirë se demokracia me votë të drejtpërdrejtë, kjo ngelet mënyra e vetme për të vlerësuar qeverisjen dhe opozitën.

Ndërkohë që themi këtë, nuk mund të rrimë pa analizuar se çfarë ofruan Rama, Berisha dhe Basha në këtë fushatë.

I pari, pas një qeverisjeje 12-vjeçare, me skandale dhe afera, me një shoqëri të përgjysmuar, për shkak të largimeve masive dhe pasi i kanë rënë të gjithë shokët dhe bashkëpunëtorët e ngushtë në burg, nuk mban asnjë përgjegjësi. Përkundrazi, e shndërroi këtë fushatë në tallava dhe në spektakël, duke parë se asetin më të madh kishte Sali Berishën dhe njerëzit e tij përreth, të cilët janë shndërruar në personazhe argëtuese. Në fakt, ky përfundim i mandatit të tretë, duhet të ishte një mandatë “ekzekutimi” politik për Edi Ramën, duhet të ishte dita e llogaridhënies dhe e mbajtjes së përgjegjësisë, për gjithçka që nuk ka shkuar mirë në këto vite.

Nga ana tjetër, Berisha, njëjtë si Rama, e ngriti këtë fushatë nëpërmjet mashtrimeve të vazhdueshme, ku më i madhi ishte prodhimi i një retorike për heqjen e shpalljes non grata, për vizitën e tij të mundshme në SHBA, apo për një lajm “bombë”që do të vinte javën e fundit. Në fakt, u nisën të heqin ‘non gratën’ me 6 milionë dollarë dhe përfunduan te postimi në twiter i një gazetari amerikan i cili ka pyetur dezhurnin e DASH-it dhe ai i paska thënë se Berisha mund të udhëtojë në Amerikë.

Një parti që e shpreson fitoren duke e ngritur mbi gënjeshtrat dhe mashtrimet, nuk ofron asnjë alternativë më të mirë se pushteti dhe nuk arrin të ndahet nga e shkuara korruptive, në të vërtetë nuk ofron asnjë rrugëzgjidhje për shqiptarët.

Në dallim nga Rama dhe Berisha, pavarësisht sulmeve të paprecedenta nga të gjitha anët, Lulzim Basha, ka arritur të bëjë një fushatë moderne, relaksuese dhe disa prej gjetjeve të tij si “O Rame, ku i ke shokët” apo “7×7=313” ishin refrenet e vërteta të kësaj fushate. Jo vetëm kaq, por, në thelb, ato tregojnë të vërtetën e madhe me të cilën pushteti i sotëm duhet të përballet.

Me një ekip brilant në Tiranë, Elbasan, Durrës dhe Shkodër, por edhe në qytete të tjera, Basha dhe grupimi i tij politik, ofruan një fushatë qytetare dhe moderne, duke u përballur me hallet e njerëzve, duke i dëgjuar ata dhe duke ofruan programin dhe zgjidhjen e Koalicionit Euroatlantik. Mbi të gjitha ky ekip kandidatësh dhe Basha vetë, (Pavarësisht bllokadës mediatike dhe sondazhiste), krijuan një kontrast goditës me Rama-Berishën dhe listat e tyre plot “flamuj të kuq” për SPAK.

Se sa do kenë sukses, kjo ngelet për t’u parë ditën e diel, por e rëndësishme është që as Basha as ndonjë prej kandidatëve të tij, nuk mbart frikëra nga e shkuara, nga përballja me drejtësinë apo nga ndonjë hetim i mundshëm.

Nëse Rama dhe Berisha janë të “detyruar” për shkak të frikës nga hetimet e SPAK të sillen ashtu siç sillen dhe të veprojnë ashtu siç veprojnë, Basha është i relaksuar, sepse ai e ka të qartë që një votë për Ramën, thjesht do të nxjerr shokët e kryeministrit nga burgu, për shkak të presionit dhe kapjes së drejtësisë, ashtu sikurse një votë për Berishën, do të “aministonte” Ilir Metën, si modelin me të cilin Berisha ka zgjedhur t’i ofrojë shqiptarëve për të luftuar korrupsionin. Nuk është përballje e lehtë, por numërimi mbrapsht për “Trekëndëshin e Bermudës” dhe tranzicionin grabitqarë që kërkojnë ta mbajnë me thonj, ka filluar.

Joni Myshketa: Më 11 Maj, qytetarët kanë një alternativë reale, larg hijes së së shkuarës – Koalicionin Euroatlantik

Kandidati për deputet i Koalicionit Euroatlantik, Joni Myshketa, ka shpalosur një mesazh të fortë dhe reflektues në kuadër të fushatës zgjedhore. Duke vënë në pah zhgënjimin e qytetarëve nga sistemi politik aktual, ai u bëri thirrje të gjithëve të mbështesin alternativën e re, të ndërtuar mbi ndershmërinë, profesionalizmin dhe përkushtimin ndaj shërbimit publik.

Myshketa kritikoi ashpër dy partitë e mëdha, të cilat sipas tij, ndajnë pushtetin si trashëgimi dhe jo si përgjegjësi, ndërkohë që qytetarët vuajnë mungesën e drejtësisë, pasigurinë ekonomike dhe shpopullimin.

Në deklaratën e tij, ai u ndal edhe tek sulmet dhe paragjykimet që hasin partitë e reja dhe kandidatët e rinj, duke e quajtur këtë një paradoks të shoqërisë shqiptare që kërkon ndryshim, por shpesh nuk e mbështet kur ai shfaqet realisht.

“Nuk kemi frikë nga politika — por nga indiferenca. Jemi këtu për të ndezur një fije shprese. Për ta kthyer këtë vend në një hapësirë ku qytetari ka fjalën e fundit — jo klani, jo partia,” tha Myshketa, duke e mbyllur thirrjen me një apel të qartë për votë në numrin 4, Koalicioni Euroatlantik.

POSTIMI I PLOTË NGA JONI MYSHKETA:

Prej dekadash në Shqipëri na është thënë se “s’ka zgjidhje”, se “nuk ka alternativë”. Se jemi të dënuar të zgjedhim mes dy partive të mëdha që ndajnë pushtetin si trashëgimi, jo si përgjegjësi. Nga njëra anë, Partia Socialiste, e cila ende ruan frymën e Partisë së Punës. Nga ana tjetër, një Parti Demokratike e lodhur, që në 30 vite nuk arriti t’i përmbushë premtimet e saj më themelore — duke filluar nga drejtësia për të përndjekurit politikë dhe pronarët që ikën nga kjo jetë pa parë drejtësi, pa parë tokat e shtëpitë e tyre të kthehen.

Sot na thonë se politika është plakur. Se nuk ka vend për të rinjtë. Por më 11 maj, përballë jush do të dalin katër parti të reja — me njerëz të ndershëm, profesionistë, punëtorë, mjekë, juristë, ekonomistë, qytetarë të lagjeve tona. Janë njerëz që nuk vijnë me premtime boshe apo me hijet e së shkuarës, por me energji të pastër, me përvojë reale dhe me një dëshirë të vërtetë për të shërbyer.

Dhe si shpërblim? Një lumë sharjesh. Një helmosje e opinionit publik nga njerëz pa emër, por me tastierë. Që e sulmojnë çdo nismë të re si “të shitur”, si “vegël e dikujt tjetër”. A nuk ishit ju që kërkuat parti të reja? A nuk i kërkuat njerëzit e ndershëm të përfshihen? E tani që dalin përballë jush, ju i mbyllni derën. Madje i përgojoni. I baltosni.

A jeni ulur ndonjëherë të pyesni veten: çfarë duam vërtet?

Ne duam t’i kthejmë politikën njerëzores. Te familja. Te ndershmëria. Te fjala e dhënë. Ne nuk kemi frikë nga politika — por nga indiferenca. Dhe po, ka një kontradiktë të thellë mes asaj që themi dhe asaj që bëjmë. Na pëlqen guximi në vende të tjera, por e përçmojmë tek ne. Jemi të dashuruar me pushtetin që na dhunon, që na vjedh, dhe arrijmë deri aty sa të justifikojmë: po mirë, vjedhin, por vjedhin më pak…

Por ne jemi këtu për t’i thënë mjaft. Ne jemi këtu për të ndezur një fije shprese. Për ta kthyer këtë vend në një hapësirë ku qytetari ka fjalën e fundit — jo klani, jo partia.

“Paratë e mykura dhe rrypat 1600 €, fytyra e një qeverie që ka braktisur njerëzit”, Basha: Koalicioni Euroatlantik, i vetmi që nuk ka frikë nga SPAK-u dhe e mbështet me vepra drejtësinë

Drejtuesi politik i Koalicionit Euroatlantik, Lulzim Basha, vijoi takimet me qytetarët dhe bizneset në Njësinë 6 në Tiranë, ku theksoi se koalicioni që ai përfaqëson është e vetmja forcë politike që mbështet fuqimisht SPAK-un dhe drejtësinë.

Basha u shpreh se asnjë nga 140 kandidatët e koalicionit nuk ka probleme me drejtësinë dhe se të gjithë janë në lista të hapura, duke ftuar qytetarët që të gjykojnë me votë dhe të zgjedhin përfaqësuesit e duhur për të çuar deri në fund liftën kundër korruposionit.

Ai më tej tha se Edi Rama nuk i jep përgjigje pyetjes se pse i ka shokët tek 7×7=313, pasi korrupsioni me taksat e qytetarëve është kthyer në luks për zyrtarët. Sipas tij, nga ana tjetër edhe Berisha kërkon të luftojë korrupsionin dhe krimin me Ilir Metën dhe Elvis Roshin.

Basha gjithashtu deklaroi se Koalicioni Euroatlantik është i vetmi që nuk kërkon votën për të mbrojtur veten nga drejtësia, por për ta fuqizuar atë. Ai shtoi se shpresa për ndryshim qëndron te një drejtësi e barabartë për të gjithë.

Pjesë nga fjala e Bashës:

Të vetmit që e kërkojnë votën jo pre krahët SPAK-ut, po për t’ia fuqizuar krahët SPAK-ut në mënyrë që lekët të vijnë në xhepat tuaj, është 4, është Koalicioni Euroatlantik. Asnjë prej 140 kandidatëve tanë, nuk ka asnjë çështje në SPAK, as ka frikë nga SPAK-u. Përkundrazi e sheh atë si një shpresë për t’i kthyer shqiptarëve jo vetëm paratë e vjedhura, por edhe shpresën e vrarë nga kjo lloj, nga kjo biçim politike, se as politikë sështë. Nga kjo biznes politikë që është përgjegjëse për gjendjen ku është vendi sot. Të 140, 47 që jemi në Tiranë, jemi në listë të hapur. Asnjë në listë të mbyllur. S’kemi frikë, përkundrazi, ne e kërkojmë që qytetari të na gjykojë me votë. Dhe ata që do marrin më shumë vota, do shkojnë në parlament. Asnjë votë nuk shkon kot, ky s’i përgjigjet pyetjes ku i ke shokët. Po mbarojnë zgjedhjet, nuk i përgjigjet. Ku i ke shokët, gëk mëk e ndryshon muhabetin, se i ka në burg, tek 313 i ka. Pse i ka shokët aty? O je buf se bufi, ose je pronari i kënetës. Po qe më buf se bufi, ti nuk bën as për roje inceneratori, jo më për kryeministër. Ose je më i poshtër se ata, je ti pas atyre. Alternativë tjetër unë nuk mund të mendoj. Tani frikën e kanë tek SPAK-u. Bëjnë çfarë bëjnë aty e kanë frikën. Unë them që shpresa është tek SPAK-u. “Të gjithë jemi të barabartë para ligjit” nuk është fjalë, si kapet njëri me një cigare hashash dhe plaset në burg, e tjetri kapet duke vjedhur 200 milionë euro dhe duhet të shkojë të kërkojë leje në parlament, t’i hiqet imuniteti, të arrestohet apo jo, ndërkoh që ka kërcit ka ik në Zvicër. Apo këtijtjetrit iu kapën 500-et e mykme, thoshte procesverbali i SPAK-ut. Kishte blerë një apartament ngjit me apartamentin e vet që e përdorte vetëm si kasafortë. Dhe harxhonte 1 milionë dollarë apo euro në vit për mbathje dhe bizhuteri. Po kjo është e palejueshme, e papranueshme edhe në vendet më të pasura të botës, jo këtu. Del tundet kjo tjetra, kërcen valle në hapje të fushatës me 1600 euro rrypi. Aq sa është pensioni 1-vjeçar i një pensionisti, ajo ka rrypin e belit. Me çfarë e bleve? Vjen ky tjetri krimi dhe korrupsioni janë problemet më të mëdha, bravo! Me çfarë do ta zgjidhësh ti krimin dhe korrupsionin, me Ilir Metën dhe Vis Roshin?
Vjen e diela, ka një vendim i madh për t’u marrë. Me atë vendim keni për të jetuar 4 vitet e ardhshme. Dhe thirrja jonë është mos me e shpërdoru atë votë. Vota për ne është votë për ta vazhduar këtë betejë deri në fund.

“Rusia po kërkon shumë” – Vance bën thirrje për bisedime direkte Moskë-Kiev

Nënpresidenti amerikan, JD Vance, bëri thirrje për negociata të drejtpërdrejta mes Ukrainës dhe Rusisë, duke thënë se një marrëveshje për t’i dhënë fund luftës së Moskës kundër shtetit fqinj mund të mos arrihet pa një format të tillë të negociatave.

Në deklaratat e bëra më 7 maj, Vance tha se Rusia “po kërkon shumë”, por po ashtu sugjeroi se Ukraina nuk duhet të fiksohet në idenë e një armëpushimi 30-ditor. Ai tha se dallime janë të mëdha, por shtoi se është optimist se ka gjasa për përfundimin e luftës.

“Nuk është e nevojshme të pajtoheni me arsyetimin rus për luftën, por duhet të kuptoni prej nga vjen ky arsyetim – t’i shtyjmë ata të flasin për atë që kërkojnë për t’i dhënë fund luftës”, tha Vance në një ngjarje në Uashington. “Rusët po kërkojnë një sërë gjërash dhe ne mendojmë se po kërkojnë shumë”.

“Hapi që duhet të ndërmarrim tani është që Rusia dhe Ukraina të fillojnë të bisedojnë me njëra-tjetrën. Mendojmë se ndoshta është e pamundur të ndërmjetësojmë plotësisht të gjithë procesin pa pasur të paktën disa negociata të drejtpërdrejta”, tha ai.

Deklaratat e Vance, i cili javën e kaluar tha se lufta më e madhe në Evropë që nga viti 1945 nuk do të përfundojë “së shpejti”, u bënë pas sulmeve të mëdha me dronë mes Rusisë dhe Ukrainës, që u kryen në prag të përkujtimit të Luftës së Dytë Botërore më 8 dhe 9 Maj.

Në fund të muajit të kaluar, presidenti rus, Vladimir Putin, tha se do të aplikojë një armëpushim 72-orësh nga 8 Maji deri më 10 Maj dhe ftoi Kievin të bëjë të njëjtën gjë.

Presidenti ukrainas, Volodymyr Zelensky, tha se njoftimi i tillë është propagandë dhe Rusia duhet të pajtohet për një armëpushim 30-ditor, pa kushte, në linjë me propozimin e SHBA-së të bërë në mars. Atëbotë, Ukraina ishte pajtuar me propozimin amerikan, por jo edhe Rusia.

Vance la të kuptohet se Ukraina nuk duhet të bëjë presion për një armëpushim të tillë.

“Hendeku [mes qëndrimeve ruse dhe ukrainase] është i madh, por jam optimist. Ne po tentojmë të largohemi nga obsesioni me armëpushimin 30-ditor. Nëse kokat e ftohta fitojnë në këtë rast, ne mund të ndalim vrasjet”, tha ai.

Kremlini, që ka nisur luftën kundër Ukrainës më 2022, tha më 6 maj se do të zbatojë armëpushimin treditor, por shtoi se do të përgjigjej “menjëherë” nëse Ukraina kryen sulme.

Zyrtarët amerikanë kanë paralajmëruar se Uashingtoni mund të heqë dorë nga përpjekjet për të arritur paqe, nëse nuk arrihet së shpejti përparim. Po ashtu, e ardhmja e ndihmës ushtarake amerikane për Ukrainën është e pasigurt, duke rritur presionin ndaj Evropës që të luajë një rol më të madh dhe të ofrojë siguri për Ukrainën./REL

Kumbulla dhe Broja, dy të huazuarit që janë në shitje! Ja situata me ta

Sa vjen edhe teksa i afrohemi fundit të sezonit, rriten zërat edhe për të ardhmen e atyre futbollistëve të cilët janë në dilemë se ku do ta vijojnë karrierën e tyre. Një rast është Armando Broja, i cili është në huazim nga Çelsi tek Evertoni dhe në fund do të vendoset e ardhmja e tij.

Sulmuesi shkoi i dëmtuar dhe ka kohë edhe pak ndeshje për të bindur drejtuesit e klubit që ta blejnë kartonin e tij nga Çelsi. Një rast i njëjtë është edhe ai i Marash Kumbullës. Mbrojtësi i Kombëtares po zhvillon një sezon fantastik në Spanjë deri tani.

Si pjesë e Espanjolit në La Liga, ai ka bindur drejtuesit e klubit që të investojnë në merkaton e verës. Kumbulla është në pronësi të Romës dhe drejtuesit duhet të ulen për të negociuar për shifrën që mund të mbajë përfundimisht Marashin në Barcelonë.

Studim: Vrapi ose ecja e shpejtë, faktorë kyç që garantojnë jetëgjatësinë e njeriut!

Vrapi është një nga aktivitetet më të preferuara dhe më të ushtruara fizike në botë. Ky aktivitet ka një ndikim domethënës në jetëgjatësinë e njeriut.

Njerëzit që vrapojnë janë 25-40 përqind më pak të rrezikuar nga vdekshmëria e hershme dhe jetojnë të paktën 3 vjet më shumë se njerëzit që nuk vrapojnë.

Një studim i publikuar në revistën Progress in Cardiovascular Diseases, të cilës i referohet AgroWeb.org, thekson se vrapi ose ecja e shpejtë “është një faktor kyç që garanton jetëgjatësinë.”

Lajmi më i mirë që vjen nga ky studim 15 vjeçar, është që përfitimet janë të njëjta, si në rastet e një vrapi të ngadaltë e të lehtë për pak minuta ashtu edhe në rastet e një vrapi të shpejtë dhe kohëgjatë.

Kjo do të thotë që njerëzit mundet të jenë modestë në këtë aktivitet fizik dhe sërish, të korrin përfitime maksimale.

Ekspertët shpresojnë që ky studim do t’i motivojë njerëzit të kryejnë aktivitet fizik për shkak të përfitimeve që vijnë prej tij.

Studimi ka analizuar edhe aspekte të tjera të këtij aktiviteti fizik. Duke mbajtur në konsideratë faktorë të tjerë të stilit të jetesës, shkencëtarët sugjerojnë që vrapi të shton minimalisht 3 vite jetë.

Por përfitimet janë më të mëdha se kaq, sidomos në e nisni këtë aktivitet më vonë gjatë jetës.
Autorët e studimit saktësojnë se, çdo orë që shpenzoni duke vrapuar ju jep 7 orë shtesë jetë. Këto të dhëna vlejnë për sasi të vogla kohore të shpenzuara çdo ditë për vrap.

Gjatë vlerësimit të rolit të vrapit në shëndetin e njeriut, shkencëtarët morrën për bazë të ashtuquajturat “fraksione të popullsisë” dhe faktorët që shkaktojnë vdekje të parakohshme. Në studim u përfshinë 55,000 njerëz.

Shkencëtarët thanë se nëse duhanpirësit ndalonin së piri duhan menjëherë, atëherë me këtë veprim do të shmangej 11% e vdekjeve të parakohshme.

Nëse të gjithë njerëzit mbipeshë do të ulnin Indeksin e Masës Trupore, atëherë do të shmangnin 8% të vdekjeve të parakohshme.

Tensioni i lartë i gjakut ishte një tjetër kontribues në nivelin e vdekjeve të parakohshme, me 15%. Mungesa e vrapit apo aktivitetit fizik, ishte faktori më i lartë i rrezikut me 16 përqind.

A është vrapi forma më e mirë e ushtrimit fizik? Pikë së pari, vrapi është i volitshëm dhe më energjik në krahasim me format e tjera të stërvitjes. Nuk është habi që vrapuesit aktivë renditen të parët.

Përfitimi në jetëgjatësi i njerëzve që nuk vrapojnë, por që janë aktivë është 12%, ndërsa ai i njerëzve që vrapojnë, por jo në mënyrë aktive është 30%.

Ky krahasim nxjerr në pak faktin se vrapi është një tregues më i fortë i shëndetit se çdo formë tjetër e stërvitjes, edhe nëse ky aktivitet zgjat shumë pak.

Ekspertët nuk deklarojnë që vrapi është dyfish më i mirë se ushtrimet e tjera fizike, por theksojnë se vrapimi është një aktivitet shumë inkurajues për shëndetin.

Ndoshta ky artikull do të frymëzojë shumë lexues të AgroWeb.org që të marrin pjesë në maratona ose të vrapojnë në ajër të pastër./AgroWeb.org

Gerard Komini: “Unë nuk kam pushtet, por kam një zë – dhe do ta çoj në Kuvend”

Nëpërmjet një video-mesazhi të drejtpërdrejtë Gerard Komini, kandidat për deputet i Koalicionit Euroatlantik në qarkun e Fierit, iu drejtua qytetarëve të zhgënjyer nga politika e vjetër dhe e konsumuar.

“E kam me ty që je lodhur duke parë të njëjtët politikanë që shfaqen vetëm para zgjedhjeve,” tha Komini në videon e publikuar në rrjetet sociale. Ai theksoi se vota e qytetarit të thjeshtë ka më shumë vlerë sesa të gjitha fjalët e politikës bashkë.

“Unë nuk kam pushtet, por kam një zë. Dhe atë zë do ta çoj në Kuvend për të thënë të vërtetat që shumë i kanë mbytur,” u shpreh ai, duke theksuar se kjo fushatë është për qytetarët që nuk janë pyetur asnjëherë, por që më 11 maj kanë në dorë të vendosin për të ardhmen.

Mesazhi i Kominit është një thirrje për ndryshim dhe një mbështetje për një politikë më të ndershme, më pranë njerëzve dhe larg korrupsionit e fjalëve boshe.

“Më 11 Maj, është radha jote të flasësh. Voto 4 – Voto Gerard Komini!” – përfundon ai.

Video-mesazhi i plotë:

 

1...919293...8 382Faqja 92 nga 8 382

Kryesore

Continue to the category
Më shumë
© 2024 Rilindja Demokratike Euroatlantike