Policia italiane ka sekuestruar në bregdetin e Ostunit, një pako të madhe me marijuanë me peshë 27 kg.Lënda narktoike lundronte në brigjet e zonës Pilone. Marijuana ishte e konfeksionuar hermetikisht dhe e ndarë në pako më të vogla me 2.5 kg secilia. Vlera e saj përllogaritet të jetë 40 mijë euro.
Tipologjia e konfeksionit është mjaft e ngjashme me marijuanën e trafikuar nga Shqipëria. Supozohet se kjo sasi droge mund të jetë pjesë e një ngarkese droge e trafikuar me gomone nga Shqipëria e që ka rënë në det gjatë operacionit të zbarkimit. Policia e Ostunit po heton mbi ngjarjen.
