Nënkryetari i Partisë Demokratike, Edi Paloka, ka reaguar pas kërkesës së avokatit të ish-ministrit të Brendshëm dhe vetë Saimir Tahirit, për kohë në përgatitje të mbrojtjes. “Deri pak më parë kërkonin provat. Provat u dhanë edhe pse me dyer të mbyllura. Tani thonë: duhet kohë për mbrojtje… Kohë për të mbuluar çfarë mund të mbulohet. Komisioni i Mandateve duhet vetëm të lejojë Prokurorinë të procedojë. Vendimet për fajësinë ose jo të Tahirit, nuk i merr as komisioni, as Parlamenti e as Prokuroria, por vetëm gjykata. Që kjo të ndodhë, komisioni duhet të lejojë procedimin dhe pikërisht këtë nuk po lejon Rama nëpërmjet rilindasve në komision. ‘Luftëtari’ i reformës në drejtësi, ‘luftëtari’ kundër pandëshkueshmërisë e tregoi dhe një herë se cili është koncepti i tij për drejtësinë”, shprehet Paloka.
