Protestave të paralajmëruara nga opozita në fund të janarit, duket se mësuesit nuk mund t’i bashkohen. Lajmin e ka bërë të ditur, në një postim në rrjetet sociale, ish-kryeministri Sali Berisha, i cili shkruan se ministrja e Arsimit, Lindita Nikolla është duke kërcënuar mësuesit në Shkodër për të mos dalë në protesta dhe në rast se parandjen fundin e tij të merituar! Nxënësit e shkollave tmerri i tij. Ndrikull Nikolla, kërcënime të mëdha për mësuesit që do u dalin nxënësit në protestë. Gjimnazistët dhe klaset e 7-9-ta nga gjithë Shqipëria po organizohen të vërshojnë drejt Tiranës. Lexoni njoftimin e “Shkodra News” shkruan Berisha. Pasi konfirmimit të protestës, vihet në lëvizje ministria dhe DAR Shkodër. Pas bërjes publike të ditës dhe orës së Sindikatës së Arsimit për pezullimin e mësimit orën e parë të së enjtes, Ministria e Arsimit dhe DAR Shkodër janë vënë në lëvizje. Drejtuesit e shkollave kanë marrë porosi të prerë, gjë që do t’u përcillet edhe mësuesve të mërkurën se askush nuk mund të ndalë mësimin për protestë. Të gjitha shkollat do të mbahen në monitorim të rreptë dhe pritet që kush thyen rregulloren duke mos zhvilluar mësim, të mbahet në evidencë nga Drejtoria e shkollës e t’i përcillet Zyrës Arsimore për vërejtje, apo masa të tjera. Burime për “Shkodra News” bëjnë me dije protesta e sindikatës vjen jo nga një konfirmim paraprak që kanë bërë mësuesit për protestë, por është bazuar në firmat që u janë marrë arsimtarëve që në fundvitin e kaluar mbi kërkesën e tyre për pagën e 13-të. Bazuar në këtë pajtim masiv që kanë patur mësuesit dhe mos reagimin e qeverisë, sindikata nxiti këtë protestë që do të synojë të shtrihet edhe në rrethe të tjera, e madje edhe të përshkallëzohet. Por si do të mbahen në monitorim shkollat: pas porosisë së dhënë të mërkurën ndaj mësuesve, të enjten inspektorët e DAR mësohet se do të mbajnë në vëzhgim shkollat kryesore të qytetit, nëse i janë përgjigjur protestës apo jo. Nëse konstatohet një gjë e tillë atëherë penalizime rrezikojnë të kenë mësuesit përkatës, por edhe drejtorët e shkollave që lejojnë një veprim të tillë. Mbetet për t’u parë ky zhvillim i rëndësishëm që lidhet me arsimin në metropolin verior./ShkodraNews”
